Vdes djali i President Moisiut

[kundraRRYMES]

Cfare faji ka rruga mer mik. Kur shoferi e shikon rrugen qe eshte per ibret duhet te eci i qete. Kur punoja dikur ne shqiperi skemi lene cep pa shkelur ne shqiperi por jo me fouri-strada por me fugon iveko nga ato qe nuk i kalonin 80 km ne ore, dhe me nje shofer qe sa here qe hypte ne makine thonte: Ishalla per hajer se kam 2 kalamoj tek shpia. E jo : Ec plak se po me pret dashnorja tek kafja e futja shkelja, mundesish po te kesh ndonje sirene ndize pak, dhe ... fap ne lume... ose ne ndonje peme.

Dite te mbare Ngushellime o mik qe e paske patur shok njerin nga ato qe kane vdekur.

["Ambrida"]

ngushellime te sinqerta familjes moisiu.

[Shpirt Njeriu]

Alfred Moisiu dje as që e kishte menduar se vizita e beftë e Fatos Nanos në zyrën e tij kishte të bënte me djalin e tij të vetëm Admirin. Presidenti i Republikës ishte në zyrën e tij duke punuar dhe nuk dinte asgjë, ndërsa në zyrat e qeverisë ishin në ankth. Kush do t'i jepte Presidentit lajmin e keq për të birin? Nano mbëriti me urgjencë në Presidencë ndërsa bashkëpunëtorët e tij po bënin të pamundurën që ndalonin disa minuta transmetimin e këtij lajmi në media. Nuk duhej që Presidenti të mësonte se djali i tij i vetëm ishte nën ujrat e turbullt të lumit Drinos pas një aksidenti. Kjo ndodhi pas orës 10 të paradites së djeshme. Të gjithë që mësuan lajmin respektuan ndjenjat e një prindi dhe nuk vrapuan që ti jepnin lajmin e keq Presidentit. Më e keqja ishte se trupi nuk po gjendej. Kryeministri mësohet se i ka thënë vetëm pak gjëra nga aksidenti dhe se po vazhdonin kërkimet për të gjetur Admirin në ujrat e fryra të lumit. "Ka ndodhur një aksident tragjik", mësohen të kenë qenë fjalët e para të kryeministrit të Shqipërisë. Askush përveç kreut të qeverisë nuk mund të tregonte situatën. Presidenti është interesuar se çfarë kishte ndodhur, ndërsa kryeministri është munduar të tregojë ngjarjen në detaje. Menjëherë është kërkuar lidhja me Ministrin e Rendit Publik. Toska, ndiqte situatën nga zyra e tij, ndërkohë që në vendngjarje kishte shkuar Drejtori i Përgjithshëm i Policisë me të cilin mbahej kontakt i vazhdueshëm. Rreth orës 11.00 të paradites Ministri i rendit Igli Toska, është drejtuar drejt selisë së Presidencës, për t'i dhënë kreut të shtetit lajmin e hidhur. Ishte nxjerrë makina dhe një person, por dy persona të tjerë, "rezultonin të humbur". Shpresat mbeteshin deri në fund. Pritej të kishte ndodhur çudia. Për më shumë se tre orë, Ministri i Rendit gjendej në zyrën e Presidentit Moisiu duke i vendosur atje pikat e kontaktit me strukturat e policisë që ndiqnin nga afër operacionin e kërkim-shpëtimit. Por pas tre orësh, asnjë rezultat. Në mesditë, institucionet zyrtare të shtetit, konfirmuan zyrtarisht ngjarjen. Ndërsa, pranë Presidentit të Republikës, gjendej edhe Ministri i Shëndetësisë Leonard Solis. Shëndeti i Presidentit, mund të tronditej nga një lajm kaq i kobshëm. Presidenti është dërguar në Vilën Rezidenciale dhe qëndroi aty. Ndërsa kryeministri Nano, u rikthye edhe një herë në Vilën e Presidentit rreth orës 16.00 të pasdites së djeshme. Për t'i dhënë një tjetër lajm. Forcat e policisë, kishin gjetur trupin e pajetë të djalit të tij. Familjarë e njerëz të afërt, ishin në pritje të çdo informacioni.

Tronditja
Ata që ishin dje praën Alfred Moisiut thanë se ai u tregua shumë i fortë. E mbajti veten ndërsa mësoi për lajmin e hidhur. Të vetmet fjalë që dëgjuan ata që ishin pranë tij dje ishin: Ç'është ky fat për familjen time. Gjatë gjithë kohës së pritjes së lajmit për gjetjen e djalit të tij të vetëm Presidenti Moisiu ka qëndruar në zyrën e tij me bashkëpunëtorët më të ngushtë, disa mjekë dhe ministra. Ndërsa shqetësimi i Moisiut ishte gjetja e trupit të djalit bashkëpunëtorët e tij kishin edhe një shqetësim tjetër. Gjëndjen shëndetësore të Presidentit të vendit. Pamvarësisht moshës e humbjeve familjare Moisiu u tregua i fortë si kur mori lajmin e aksidentit por edhe më pas ndërsa kur e lajmëruan se Admiri, djali i tij u gjet nën ujrat e lumit Drinos disa orë pas aksidentit. Pamvarësisht tronditjes Moisiu nuk haroi që të dërgonte ngushëllimet e tij në familjen e shoferit që humbi jetën bashkë me djalin e tij. Sekretari i Përgjithshëm i Presidencës dhe disa këshilltarë të tij shkuan në shtëpinë e Artan Shijakut. I rrethuar nga vajzat e tij e të afërmit si dhe miqtë Moisiu dje gjatë gjithë kohës ka ndarë dhimbjen me ta në pritje të trupit të të birit.


Nëna e Admirit ndërroi jetë dy vjet më pare

Pak ditë para përvjetorit të vdekjes së bashkëshortes së tij Milicës, Alfred Moisiut i është dashur të mësojë për vdekjen e djalit të tij të vetëm Admirit. Dy vjet më parë, disa muaj para se Moisiut të zgjidhej President, bashkëshortja e tij ndëroi jetë pa patur mundësi të shikojë kulmin e shkëlqimit të bashkëshortit të saj. Menjëherë pasi u zgjodh Moisiu i shoqëruar nga fëmijët e tij, edhe Admiri, shkuan pranë varrit të Milicës. Por dhimbja e djeshme e prindit që humbi të birin i është shtuar dhimbjes së humbjes së bashkëshortes dhe të nipit, (djalit të vëllait) 10 vjet më parë.


Presidenti italian Çiampi i dërgon telegram Moisiut

Presidenti i Republikës italiane Carlo Azeglio Ciampi i ka dërguar presidentit Moisiu një telegram ngushëllimi për humbjen tragjike të djalit, Admir Moisiu. "Kam marrë me një trishtim të thellë lajmin e aksidentit tragjik që i kushtoi jetën djalit tuaj", shprehet Çiampi në ngushëllimin e tij. "Asnjë fjalë ngushëlluese nuk është e mjaftueshme të zbusë dhimbjen e një prindi përballë humbjes së djalit të vetëm, në lulen e rinisë së tij", vazhdon më mesazhi i Çiampit. "Me këtë hidhërim dëshiroj t'ju paraqes solidaritet dhe vëllazërim, në emrin tim dhe në emër të popullit italian për dhimbjen tuaj dhe për zinë e popullit shqiptar", përfundon mesazhin e tij ngushëllues për presidentin Moisiu, presidenti Italian Carlo Azeglio Ciampi. Ngushëllimi për Moisiun është bërë edhe nga kryetari i PD Berisha gjatë një deklarate për shtyp.


Ekip mjekësh pranë Presidentit Moisiu

Ata qenë të parët që do mësonin reagimin e asaj që ndodhi dhe, veç tronditjes në të tilla tragjedi të befta - këto emocione duhej t'i kapërdinin - do të përgatiteshin për ndonjë pasojë të mundshme. Humbjet e papritura të njerëzve të afërt kanë justifikuar dhe ndonjë atak në zemër dhe doktorët e dinë më mirë se kushdo tjetër këtë. "Por Presidenti u tregua i fortë...", kështu pohuan për Gazetën mjekët që i qëndruan pranë Moisiut, një ekip nga klinika qeveritare, pjesë e të cilit dje qe dhe vetë ministri Solis. Ishte Gëzim Saliu, drejtori i Klinikës dhe specialistë të tjerë të shërbimit qeveritar. E natyrisht mjeku personal i Moisiut, patologu Jani Kasneci nuk do shkëputej deri në orët e vona të së mbrëmshmes dhe as ditët në vazhdim. Siç bëhet e ditur autoambulanca e klinikës do të vazhdojë ta ndjekë ritualin e përcjelljes mortore dhe kjo gatishmëri është e domosdoshme. Specialistët që e kanë ndjekur të parin e vendit në të gjitha udhëtimet brenda e jashtë kufijve, nuk kanë qenë kurrë më në ankth se dje në mesditë dhe as sot e nesër. Megjithëse, s'mund të mos pohojnë një frymëmarrje lehtësuese qysh prej të djeshmes. "Besojmë se do kalojë pa probleme të tjera", ata shpresojnë të jetë ky epilogu i tragjedive të njëpasnjëshme në familjen Moisiu.

[HELIAND]

Trroni vete plako .Ngushellime familjes!

[Shpirt Njeriu]

Hetim frenave të makinës së vdekjes


Pashë makinën të ecte me shpejtësi të madhe. Pothuaj me të njëjtin hov u fut në kthesë. Pashë që makina nuk e mori dot kthesën dhe doli nga rruga. Gjithçka ndodhi shumë shpejt…", kjo ishte dëshmia e njërit prej dëshmitarëve okularë të ngjarjes tragjike të humbjes së jetës së Admirit, djalit të vetëm të Presidentit të Republikës Alfred Moisiu. Një dëshmi që ka qenë në të njëjtën linjë me vlerësimet e ekspertëve për ngjarjen e regjistruar rreth orës 10 të paradites së djeshme pranë stabilimentit të fabrikimit të Ujit të Ftohtë Tepelenë. Sipas të dhënave të Ministrisë së Rendit, djali i vetëm i Presidentit udhëtonte me një automjeti tip "Mitsubish Pajero" me targa të huaja 387E659 në drejtim të Gjirokastrës. Së bashku me Admirin, i cili prej pak muajsh ishte Drejtori i Kontrollit Financiar në Prokurorinë e Përgjithshme, udhëtonte edhe Rrahman Jata, financier, si dhe shoferi Artan Shijaku. Porse në kthesën e parë, menjëherë pas stabilimentit të Ujit të Ftohtë Tepelenë, shpejtësia ka devijuar rrjedhën e jetës së Admirit 32 vjeçar. Makina e dalë nga rruga ka rënë rreth 100 metra poshtë, duke u përplasur në ujërat e fryra e të turbullta të lumit Drino.

Hetimi për makinën

Sipas një burimi të prokurorisë së Përgjithshme makina me të cilën udhëtonte djali i Presidentit ishte një nga ato makina të shumta, të cilat ishin sekuestruar nga prokuroria dy vjet më parë në Shkodër. Të njëjtat burime pohojnë se ashtu siç e parashikon ligji, makina ka kaluar në pronësi të Prokurorisë. Vetëm pak ditë më parë mjeti ishte futur në servis të përgjithshëm, por ende nuk dihet se çfarë punimi është kryer. Gjithsesi duke u nisur edhe nga fakti se në rrugë nuk ka asnjë gjurmë të frenimit të makinës, hetimi është fokusuar edhe në këtë fakt. Pra pas dyshimit se ka të ngjarë që nuk ka funksionuar sistemi i frenimit, hetimi ka bërë objekt tijin edhe pikën e servisit që kishte marrë përsipër kontrollin e makinës pas dy vitesh qëndrimi të saj pa lëvizur.

Shkaku i vdekjes

Sipas ekspertëve dy viktimat, djali i Presidentit dhe shoferi që ndodheshin në sediljet e para të makinës, nuk kishin vënë rripat e sigurimit. Më me fat ka qëlluar financieri Jata, i vendosur në sediljen e pasme, i vetmi që i ka shpëtuar aksidentit. Kështu mendohet që Admiri dhe shoferi janë goditur disa herë fort pas makinës në momentin që ajo ka dalë nga rruga duke u përmbysur disa herë. Makina nuk kishte xhamin e përparmë dhe dyshohet se dy trupat e humbur, ai i djalit të Moisiut dhe i shoferit, te kenë dalë prej andej dhe t'i ketë marrë uji. Trupi i djalit të Presidentit u gjet poshtë rrjedhës pas 5 orësh kërkime.


Punëtorët e Rruga-Urës: Ja si e shpëtuam financierin e prokurorisë

Ngjarjen e tmerrshme ku humbi jetën djali i presidentit Alfred Moisiu e kanë vëzhguar nga afër punëtorë të Rruga-Urës në rrethin e Tepelenës. Njëri prej tyre, Irakli Puleri tregon: "Sapo pamë makinën që fluturoi në hon dhe u ndal në një trung buzë lumit, unë dhe shoku im Bato u vërsulëm poshtë rrëpirës. Pas nesh erdhën dhe të tjerë". Sipas Pulerit në makinë kishte mbetur i gjallë njëri prej pasagjerëve, i cili u ka thënë: "Kërkoni dy të tjerët, njëri ishte djali i presidentit". Pas fjalëve të të mbijetuarit punëtorët kanë thyer xhamin e pasëm të makinës dhe me litar kanë shpëtuar inspektorin financiar të Prokurorisë së Përgjithshme në Tiranë, Rrahman Jatën. Ndërkohë dëshmitari Adriatik Budo tha se djali i presidentit, i cili ishte në vend të pare, mund të kishte shpëtuar nëse nuk do të kishte hapur derën e makinës për t'u hedhur. Sipas punëtorëve ndihma është dhënë për dy-tre minuta.


I mbijetuari i tragjedisë: Si doli nga kontrolli fuoristrada

Di vetëm që jam mbajtur fort pas sediljes para meje, ndërkohë që makina rrokullisej nga një lartësi rreth 100 metra në lum". Kështu ka thënë për Gazetën Rrahman Jaha. Revizori prej 10 vitesh në Prokurorinë, baba i dy fëmijëve, ka rrëfyer, baba i dy fëmijëve, ka rrëfyer 3-4 minutat e tmerrit, kur vetëm fati i shpëtoi jetën. Ai ka thënë se ishte nisur rreth orës 6.30, së bashku me Admir Moisiun me automjetin që drejtohej nga Artan Shijaku, në drejtim të Prokurorisë së Gjirokastrës. Sherbimi kryhej për efekt inspektimi në këtë prokurori. "Rruga ishte e lagësht nga shirat që kishin rënë ndërkohë që pashë se automjeti i doli nga kontrolli në kthesën e parë pas godinës së lokalit "Uji i Ftohtë" ata janë rrokullosur për në lum. Nuk kam parë asgjë tjetër pasi isha mbrapa, ndërkohë që për pak sekonda ndjeva ujin të vinte deri në brez. Më kanë nxjerrë brenda 3 minutash ndërkohë që u desh kohë që të kuptoja ç'kishte ndodhur ka përfunduar Jaha.


"News 24" dha i pari lajmin

Televizioni "News 24" ishte i pari që bëri publik paraditen e djeshme lajmin e humbjes së jetës së djalit të Presidentit Alfred Miosiu pas një aksidenti tragjik në aksin rrugor Tepelenë - Gjirokastër. Në vazhdim ky televizion respektoi ndjenjat e dhimbjen e familjarëve të viktimës, duke mos dhënë pamjet filmike të sjella nga korrespondenti i Gjirokastrës. Lajmi për këtë tragjedi edhe pse i konfirmuar, nuk u bë publik edhe me titra për një kohë të gjatë, pasi drejtuesit e televizionit vendosën që lajmi të mos publikohej para se t'i komunikohej Presidentit Moisiu. Duke qenë në korrent të ngjarjes "News 24" është munduar të japë etapat e këtij lajmi në kohën e duhur pa prekur askënd në dhimbjen e natyrshme dhe duke i'u përmbajtur etikës gazetareske. Duke kuptuar në kohë gjithë seriozitetin e këtij lajmi dhe marrë pjesë në dhimbjen e ligjshme të familjarëve, televizoni "News 24" u shpreh ngushëllimet për humbjen familjarëve të viktimës.

[ermata]

NGUSHELLIMET ME TE SINQERTA PER FAMILJEN MOISIU.
I DHENTE ZOTI FORZEN PER TE DURUAR KETE HUMBJE

[agiimi]

Ngushllime te sinqerta nga ana ime , Familjes se Presidentit Mojsiu , fjalet e tjera per kete tragjedi jan te teperta

[StterollA]

TIRANE (11 Mars) - Në vilën 31 në Tiranë po zhvillohen homazhe pranë trupit të djalit të presidentit Alfred Moisiu, i cili humbi jetën dje në një aksident në afërsi të Tepelenës. Homazhe kanë bërë kryeministri Fatos Nano, ministri i Rendit Igli Toska, lideri demokrat Berisha, ambasadori amerikan në Tiranë, Xhefri, kryebashkiaku Rama, etj. Ndërkaq, presidentit Moisiu vazhdojnë t'i vijnë mesazhe ngushëllimi për humbjen tragjike të të birit. Ai ka marrë një telegram ngushëllimi nga kryeministri i Kosovës Bajram Rexhepi dhe presidenti kroat Stipe Mesiç. Ndërkaq, mësohet se polumbarët vazhdojnë kërkimet në lumin Drino për gjetjen e trupit të shoferit Artan Shijaku, që udhëtonte bashkë me djalin e Moisiut në momentin e aksidentit.

ro/ro (News24/BalkanWeb)

[Fringo]

Wow!
E njihja une ket?
Pse cuni Moisiut paska qene Adi?
Wow, gjynaf, se ka qen cun flori.
Une e kam pas njoft qe ne shkolle te mesme.
Wow
Ngushullime dhe nje here.

[Egla-tina]

te them te drejten kame shume vite larg shqiperise dhe hallet e refugjatit nuk na kane lene kohe te meremi me lajmet e atheut mbase eshte turp dhe eshte mesa kuptoj por nuk e di sekush eshte presidenti yne por ne momente te tilla fatkeqesia eshte dhimbje per te gjithe vdekja eshte hidherimi njeriut .
ngushellimet e mia familjes presidenciale .
we all pray for him his spirit is free his body rest in peace.