Hetimi mbi zhdukjen pa gjurmë të myftiut të Gotivarit

[Dreri]

Kjo teme dhe komentet e Brarit jane interesante, kundershtimi i tyre duke i quajtur edhe "rrena" eshte si komenti i atij politikanit "shpifje politike"
Kete term "shpifje politike" e kane ne maje te gjuhes sa here u djeg ketyre kafsheve te veshur em petkun e "politikanit" Ne fakt askujt me shume se nje politikani nuk i shkojne veprimte te tilla baditeske-mafioze....
Une do thoja qe pas te gjithave Komentet e Brarit jane te guxmishme. Me te besueshme se "pafajsia" e pisave te zhytur , qe diten rrine para kamerave ..naten bredhin "Moteleve" per te mbledhur parate e pengjeve.

[Brari]

panorama..

-------

Dëshmia

“Ne i kemi kërkuar gjyqtares dhe Prokurorisë në të njëjtën kohë që të marrin në pyetje personin ”vip”, pasi ai është i vetmi që mund të shpjegojë shumë elementë të ngjarjes”, tha avokati Ujka


Mezin Bexheti, dëshmitari kryesor i rrëmbimit të myftiut Irfan Idrizi, rrëfen në gjykatë

“Prokurori i implikuar në pengmarrje”
Avokatët e të arrestuarve: Të merret në pyetje zyrtari i akuzës


Laureta Rryçi

Mezin Bexheti, dëshmitari kyç i pengmarrjes së Myftiut nga Gostivari, Irfan Idrizi, ka dëshmuar të premten e kaluar para togave të zeza të Shkodrës, gjatë sigurimit të provës, emrin dhe foton e prokurorit, që është i implikuar në pengmarrjen e kushëririt të tij.

Avokati Pjetër Ujka, që ka edhe për klient policin e arrestuar për këtë ngjarje, Tonin Gjinin, i kontaktuar dje nga gazeta ”Panorama”, tha se dëshmitari ka pohuar me shumë bindje emrin e personit ”vip”, që është i lidhur me pengmarrjen e maqedonasit. ”Ne i kemi kërkuar gjyqtares dhe Prokurorisë në të njëjtën kohë që të marrin në pyetje personin ”vip”, pasi ai është i vetmi që mund të shpjegojë shumë elementë të ngjarjes”, tha avokati Ujka. Ai nuk dëshiron të bëjë publik emrin e prokurorit që është implikuar në këtë ngjarje, për arsye hetimi. Ndërkohë, edhe pas sigurimit të provës, përsëri burime nga organi i akuzës nga qyteti i Shkodrës bëjnë të ditur se personi ”vip” vazhdon të mos merret në pyetje.

Avokati: Dëshmia e prokurorit, çelësi i ngjarjes
Mbrojtësi ligjor i një prej të arrestuarve, i ka kërkuar gjyqtares, që ka qenë edhe për sigurimin e provës, Valbona Vatës, dhe prokurorit të çështjes, Pëllumb Preçit, që personi që iu identifikua emri si personazhi kryesor në ngjarjen e pengmarrjes së Irfan Idrizit, duhet të merret në pyetje. ”Nuk mund të arrestohen persona, që nuk kanë lidhje me ngjarjen dhe të lihet i lirë personi që është çelësi i gjithë ngjarjes”, tha Ujka. Më tej, avokati shpjegoi se klienti i tij akuzohet se e ka shoqëruar Bexhetin në një rrugë, por në të vërtetë, sipas tij, Gjini nuk ka shoqëruar askënd. Sipas tij, kjo ngjarje vazhdon të jetë jo shumë e qartë, përderisa nuk po bëhen lëvizje të tjera.

Sigurimi i provës
Mezin Bexheti, kushëriri i Irfan Idrizit, nuk ka ngurruar para tetë ditësh të ripërsërisë edhe një herë të gjithë ngjarjen e para dy viteve para togave të zeza. E gjithë dëshminë e tij e ka rrëfyer para gjyqtares Valbona Vata, prokurorit të çështjes Pëllumb Preçit dhe avokatëve të të ndaluarve. Rrëfimi i tij ka arritur kulmin në momentin kur ka identifikuar edhe prokurorin, që i ka kërkuar shumën e parave në këmbim të kushëririt, që ishte marrë tre muaj më parë peng nga grup personash të paidentifikuar. Përveç emrit, ai kishte marrë edhe një foto me vete për t‚iu treguar edhe bindshmërinë që kishte ndaj personit kryesor të ngjarjes, që në fillim i është prezantuar me emrin e një gjyqtari të qytetit të Kukësit, që kishte ngjashmëri me të, por ai ka arritur ta identifikojë vetëm falë investigimit privat.



Historia e pengut
Si u zhduk Irfan Idrizi, përpjekjet e dështuara për ta liruar

Historia e pengmarrjes së Irfan Idrizit, fillon në 2 dhjetor të vitit 2002, në qytetin e tij të lindjes. Që prej kësaj dite, ai është zhdukur dhe, me gjithë përpjekjet e të afërmëve të tij, për ta liruar, nuk ka qenë e mundur. Mezin Bexheti, një i afërm i tij, u fut në negociata me pengmarrësit dhe u dha atyre, në emër të vëllait të Idrizit, 500 mijë euro. Megjithëkëtë, nuk qe e thënë që historia të mbyllej me kaq. Pengmarrësit mbajtën të izoluar për disa ditë edhe vetë ndërmjetësin Bexheti. Një tjetër ndërmjetës futet në lojë, Agim Bilali, paguhen 500 mijë euro të tjera, por pengu nuk lirohet. Të afërmit vendosin të hetojnë vetë rreth ngjarjes, pa besuar se organet zyrtare mund të arrinin të zbardhnin ngjarjen. Mezin Bexheti kthehet në Kukës, ku mendohej të ndodhej pengu dhe fotografon të gjithë personat që kishte takuar në një nga vizitat e tij të mëparshme në këtë qytet për të liruar Idrizin. Megjithatë, ai nuk arrin të shikojë vetë pengun, i cili ishte zhdukur prej disa muajsh. Bexheti arrin të dokumentojë një pjesë të historisë së kushëririt të tij të zhdukur dhe depoziton në policinë e qytetit verior, por tërhiqet dhe nuk e firmos këtë denoncim. Me insistimin e Gajur Idrizit vëllait të pengut, Bexheti dhe Agim Bilali, firmosin një dëshmi në Kroaci. Kjo dëshmi përmend emra personash të rëndësishëm, në Kosovë, Shqipëri dhe Maqedoni, të cilët dyshohen të kenë marrë pjesë në pengmarrjen e Irfan Idrizit. Denoncimi u bë në maj të vitit që sapo kaloi. Disa muaj më vonë të njëjtët persona, pasi morën garanci për jetën nga policia jonë, vendosën të nënshkruajnë denoncimin. Hetimet e mëtejshme të policisë shqiptare, bënë që të zbulohet dhe të vihen në pranga katër persona. Arrestimet e para u kryen më 15 dhjetor të vitit që sapo kaloi, ndërkohë që një tjetër person u vu në pranga vetëm në fillim të këtij viti. Dy nga të prangosurit, janë ish-efektivë të Policisë dhe të Prokurorisë. Masar Meli, 38 vjeç, është ish-polic gjyqësor në Prokurorinë e Rrethit Kukës dhe Qamil Gini, 51 vjeç, polic në Komisariatin e policisë së Kukësit. Mes të arrestuarve është edhe një shtetas maqedon, ndërkohë dyshohet se mund të ketë edhe shumë persona të tjerë të lidhur me këtë ngjarje.



I humburi
Kërkimet për të gjetur myftiun, pa rezultat

Eshtë bërë më shumë se një vit që prej ditës së zhdukjes së Irfan Idrizit dhe deri më tani askush nuk di të thotë se ku ndodhet ai. I fundit nga të afërmit që e ka parë gjallë Idrizin, ka qenë Mezin Bexheti. Më 13 shkurt të vitit të kaluar, pas tratativave me pengmarrësit, ai lejohet të takojë dhe shohë Irfanin. Pas kësaj here të fundit askush nuk di gjë për të. Hipotezat më të mundshme, mbështesin faktin se ai për një pjesë të madhe kohe është mbajtur i fshehur në Kukës, por nuk përjashtohet mundësia që ai të jetë transferuar edhe në Kosovë, apo në ndonjë vend tjetër. Burime nga policia thonë se një nga mundësitë është që pengu fatkeqësisht të ketë humbur jetën. Disa herë policia ka zhilluar kërkime në zona të ndryshme të rrethit të Kukësit, ku është dyshuar se ishte mbajtur i fshehur Irfani. Kërkime u zhvilluan edhe në fillim të këtij muaji, por nuk u arrit të zbulohej asgjë rreth pengut. Deri më tani, askush nuk mund të thotë me siguri nëse ai është gjallë apo ka vdekur.



etapat

2 dhjetor 2002
Merret peng në Gostivar, myftiu i këtij qyteti Irfan Idrizi. Ai është vëllai i njërit prej tregtarëve më të mëdhenj të Maqedonisë. Për disa ditë s’ka asnjë adresë.

13 shkurt 2003
Mezin Bexheti, me kërkesë të familjes së pengut, futet ndërmjetës për të bërë të mundur lirimin e tij. Ai bën një udhëtim për në Kukës, me pengmarrësit dhe shikon për herë të fundit gjallë Myftiun.

19 shkurt 2003
Mezin Bexheti takon sërish pengmarrësit dhe vendos me ta detajet e shkëmbimit të parave me Irafanin. Shuma e vendosur ishte 500 mijë euro, që duhej të paguheshin në kesh.

7 prill 2003
Agim Bilali një tjetër negociator, për lirimin e Irfanit, pasi shikon që edhe pas dorëzimit të parave ai nuk është liruar, takon të tjerë persona, që pretendojnë të lirojnë Irfan Idrizin.

15 dhjetor 2003
Pa dhënies së dëshmive të Mezin Bexhetit dhe të Agim Bilalit, më 30 maj, policia arreston në Kukës tre persona, mes të cilëve dhe një polic gjyqësor.


-----------











Po komuniteti musliman i Shqiperise pse hesht?

Apo jan te zene me vjedhjet e Pronave te Xhamive ne bashkpunim me Mafien Socialiste te Klosit, spiune te te cilit jane trecereku hoxhallareve..???

Po komuniteti musliman i Kosoves e i Maqedonise pse heshtin..apo dh-ihen ne breke nga gangot e LPK-AAK-PDK-se?

Po Arber Xheferi pse nuk flet..apo do ngrohi l-oqet ne Plazh ku ka bere vile bashk me Nano-Metat..?

pis milet..

[Brari]

shekulli



---------

Ish-prokurori i Kukësit, Naim Tota, është akuzuar nga i afërmi i Irfan Idrizit, Bexheti, për implikim në rrëmbim

Pezullohet për pengmarrje prokurori


Ened Janina

TIRANË - Kryeprokurori Theodhori Sollaku pezullon ish- prokurorin e Kukësit, Naim Tota, i cili është akuzuar si i implikuar në rrëmbimin e Imamit të Gostivarit, Irfan Idrizi. Emri i ish- prokurorit të rrethit Kukës, Naim Tota, është lakuar nga dëshmitari më i rëndësishëm i çështjes, Mezin Bexheti në Gjykatën e Shkodrës, në muajin janar të këtij viti. Sipas tij, Tota ka ndihmuar pengmarrësit e Imamit të Gostivarit, Irfan Idrizi si dhe ka manipuluar provat e dosjes hetimore. Pas dy muajsh verifikime, kreu i akuzës shqiptare, Theodhori Sollaku ka vendosur të pezullojë prokurorin Tota deri në përfundim të hetimeve për këtë çështje. Pak muaj më parë, Tota është transferuar nga Prokuroria e Kukësit në atë të rrethit Tiranë, ndërkohë që pak ditë më parë është pezulluar nga detyra. Lajmi është pohuar dje, nga burimet zyrtare të Prokurorisë së Përgjithshme. Sipas zyrtarëve të Prokurorisë së Përgjithshme, nuk është vërtetuar implikimi i Totës në rrëmbimin e Imamit të Gostivarit, ndërkohë që pezullimi i tij nga detyra vlen deri në përfundimin e hetimeve për këtë çështje.

Dëshmia
Dëshmitari më i rëndësishëm i procesit, Mezin Bexheti nga Kosova ka dëshmuar përpara Gjykatës së Rrethit Shkodër për tre ditë me radhë, në janar të këtij viti. Ai ka ardhur nga Kosova për të bërë sigurimin e provës dhe tashmë të gjitha thëniet e tij janë dokumentuar në dosjen hetimore. Mezin Bexheti e ka gjetur veten përpara personave të arrestuar në lidhje me këtë çështje dhe ai i ka njohur të gjithë. Në dëshminë e tij përpara gjykatës, Mezin Bexheti ka përmendur edhe emrin e ish- prokurorit të Kukësit, Naim Tota. Ish- prokurorin e rrethit Bexheti e ka identifikuar me anë të një fotografie që i është paraqitur nga trupi gjykues. Ai është shprehur se e ka parë dhe takuar disa herë Totën, në momentin e dorëzimit të parave për rikthimin e Irfan Idrizi. Ndërkohë, nipi i prokurorit Naim Tota, një oficer i policisë gjyqësore të Kukësit dhe vëllai i tij janë arrestuar në dhjetor të këtij viti nga policia. Bexheti deklaroi para gjykatës se ka bërë me dhjetëra takime me grupin e rrëmbyesve në Kukës dhe në të gjitha takimet i është kërkuar dorëzimi i parave. Ai dëshmoi para gjykatës se ka depozituar në duart e dy personave të quajtur Lindita dhe Niku shumën 1.8 miliardë lekësh për kthimin e Imamit.

Pengmarrja
Dorëzimi i parave për lirimin e pengut është kryer më 2 shkurt të vitit 2003. Mezin Bexheti thotë se paratë i ka dorëzuar tek Lindita dhe Niku dhe më pas është marrë me një benz të bardhë nga katër persona nën drejtimin e Tonin Gjinit dhe është dërguar në Vlorë. Sipas tij, në Vlorë i është premtuar se do të takonte Imamin dhe më pas, së bashku me të do të largohej për në Itali. Dëshmitari ka qëndruar në Vlorë vetëm një ditë dhe më pas është rikthyer në Fushë- Arrëz. Pas kësaj dëshmie, prokurorët e çështjes kanë raportuar menjëherë tek kreu i organit të akuzës, Theodhori Sollaku. Ata i kanë dërguar kryeprokurorit edhe një kopje të dëshmisë së dhënë nga Mezin Bexheti në Gjykatën e rrethit Shkodër. Të gjitha materialet janë studiuar me imtësi nga ana e kryeprokurorit Sollaku, i cili ka ngritur edhe një grup pune për të kryer verifikimet përkatëse. Pas kryerjes së verifikimeve, prokurorët kanë raportuar tek kreu i organit të akuzës, i cili më pas vendosi pezullimin e përkohshëm të ish-prokurorit të Kukësit nga detyra. Sipas urdhrit të Sollakut, ish- prokurori i rrethit Kukës, do të qëndrojë i pezulluar deri në përfundim të hetimeve dhe sqarimit të plotë të ngjarjes. Vetë Tota nuk e ka pranuar implikimin e tij në ngjarje, para prokurorëve, duke e konsideruar veten jashtë kësaj historie. Hetimet në lidhje me këtë çështje kanë filluar në fund të vitit të kaluar dhe vetëm pak ditë më parë, në Prokurorinë e Përgjithshme është zhvilluar një mbledhje për të parë mbarëvajtjen e tyre. Përveç grupit të hetimit, nga Prokuroria e rrethit Kukës kanë qenë të pranishëm edhe prokurorë nga organi qendror i akuzës dhe Prokuroria për Krimet e Rënda. Ata kanë ndarë detyrat e reja dhe brenda pak ditësh do të zhvillohet edhe një tjetër sigurim prove, por kësaj radhe në gjykatën e Shkupit me Seit Reshitin nga Reçica e Madhe e Maqedonisë, arrestuar dy muaj më parë nga policia maqedonase në lidhje me këtë çështje.



09/03/2004

-------

[Brari]

shekulli
----------------

Vëllai i Irfan Idrizit, Gajur Idrizi, ka dhënë 1.3 milionë euro për lirimin e pengut

Pengu, 1.3 milionë euro për lirimin e Imamit


B. Shala

Vëllai i Imamit të rrëmbyer, shtetasi maqedonas me kombësi shqiptare, Gajur Idrizi, i njohur si një ndër biznesmenët më të fuqishëm në Maqedoni, ka dhënë 1.3 milionë euro për lirimin e të vëllait. Të njëjtën shifër parash, të dhëna për lirimin e pengut e konfirmojnë edhe burime nga grupi hetimor në Shqipëri. Por edhe pas dhënies së këtyre parave, imami 45-vjeçar i Gostivarit nuk është liruar ende, 15 muaj pas zhdukjes së tij. Që nga 13 shkurti 2003 nuk dihet asgjë për fatin e tij. Një histori që merr përmasa të paimagjinueshme, e shoqëruar me trille të frikshme ka nxjerrë në skenë edhe organizimin e kësaj pengmarrjeje që familjes Idrizi i ka kushtuar jo vetëm humbjen e të afërmit por edhe të 1.3 milionë eurove. Ndërkohë, policia shqiptare ka pohime kontradiktore për fatin e Irfan Idrizit. Drejtues të policisë së Kukësit dyshojnë se personi i marrë peng është vrarë, ndërsa pjesëtarë të grupit të hetimit thonë se Irfan Idrizi mund të jetë ende gjallë. Deri tani janë arrestuar pesë persona në Shqipëri, katër prej të cilëve janë shtetas nga Shqipëria dhe një nga Maqedonia. Ndërsa autoritete maqedonase kanë arrestuar si të dyshuar për këtë vepër kriminale Seit Reshitin. Ndërkaq, rrjeti i të implikuarve në marrjen peng të Irfan Idrizit pritet të jetë më i madh. Shumë emra të njohur e të panjohur lakohen në historinë që mban peng familjen Idrizi në Maqedoni, e të gjitha këto nëpërmjet dëshmisë së vëllait të pengut, biznesmenit të njohur Gajur Idrizi si dhe të afërm të tij, Mezin Bexheti dhe Agim Bilali. Ndër ta emra policësh, prokurorësh, politikanësh e zyrtarësh në Maqedoni, Kosovë e Shqipëri.



09/03/2004

------------

[Brari]

Keto dite kryetari i MJAFT, Velia, eshte kercenuar sic thone gazetat nga segmente te "uck-se".. gjat nje vizite te tije ne Kosove.

Kukesi rezulton i mberthyer keq nen kthetrat e Mafies..

Nga miqt e Imamit te rrembyer dalin si Protagoniste te rrembimit te Imamit mafioz te LPK-UCK-se.

Shteti Shqiptar po i ndjek me breshke rrembyesit qe bredhin me Benza..

Prokurori pezullohet..

Nje prokuror i implikuar ne nje krim te tille nuk pezullohet por arrestohet e shtrengohet te nxjerri gjithe fijet e Mafies Kuksiano-PS-LPK-iste...

Gostivarasit jan tulatur.. Ata smund te ngren zerin edhe se eshte rrembyer nje njeri me status te vecante sic eshte nje Imam..sepse ata e nuhasin se mbas ketij rrembimi qendrojne njerez me te "shenjte" se Imami.. jane Nano-isto-Qosisto-banditet e LPK-UCK-se..e ata nuk ban me ja pickue erzin..se..hm..

Mbahen per fetare gostivarasit..

Por sic shihet Feja e tyre eshte sikurse e atyre batakcijve arab ne Perendim..qe shkojne ne Xhami ne mbramje me u fale qe Allahu tju a fali matrapazlleqet qe i bejne neper biznes-pislleqet e Dites..


LDK hesht..
AAK e PDK sigurisht heshtin sepse Mafia eshte e tyre..
Ali Ahmeti hesht sepse jan shoket e tij vet rrembyesit..

Kurse Partia e Elshan-Rrembyesve flet per Bashkim Kombetar..

turp..

[Brari]

shekulli
-------

Arrestohet i gjashti në Shqipëri. Beqir Shahu ishte shpallur në kërkim nga Prokuroria e Shkodrës. Shoqërohet dhe vëllai i tij

Arrestohet personi që strehoi Imamin peng nga Gostivari


Bashkim Shala

KUKËS- Arrestohet personi i gjashtë, i dyshuar si i implikuar në pengmarrjen e imamit të Gostivarit Irfan Idrizi, për fatin e të cilit ende nuk dihet asgjë. Beqir Shahu, 33 vjeç, nga fshati Bardhoc i Kukësit u arrestua në të gdhirë të ditës së djeshme, ndërkohë që u shoqërua dhe vëllai i tij Basri Shahu. Burimet thanë për gazetën se Beqir Shahu ishte shpallur në kërkim nga prokuroria e Shkodrës, si i implikuar në pengamarrjen e Imamit të Gostivarit në Maqedoni. Në polici është shoqëruar dhe vëllai i të arrestuarit, pasi dyshohet si pjesëmarrës në këtë ngjarje. Burimet thanë për gazetën se Beqir Shahu nga fshati Bardhoc, kufi me Kosovën , është akuzuar nga dëshmitari kryesor i këtij procesi, Mezin Bexheti. Ky i fundit ka deklaruar se Irfan Idrizi është mbajtur peng për disa ditë në shtëpinë e 33-vjeçarit Shahu, ndërkohë që vëllai i tij Basriu dyshohet se ka qenë roja i pengut gjatë kësaj kohe. Pjesëtarë të grupit hetimor të këtij procesi nga Shkodra kanë mbërritur dje në Kukës për të marrë në pyetje të shoqëruarin Basri Shahun dhe për të konkluduar nëse ai do të lirohet apo do të vazhdojë të qëndrojë në burg. Burime nga ky grup bëjnë të ditur se të dy vëllezërit e kanë mohuar faktin se kanë strehuar në shtëpinë e tyre Imamin peng. Por Beqir Shahu, akuzohet nga dëshmitari kryesor i këtij procesi Mezin Bexheti, i afërm i Imamit. Sipas dëshmisë së Mezin Bexhetit, ky i fundit, në muajin shkurt të vitit të kaluar, ka udhëtuar me 3 persona nga Hasi për në Bardhoc, ku dhe ndodhej Irfan Idrizi. Në këtë mënyrë Bexheti do të vërtetonte se Imami ishte gjallë dhe do të jepte shumën e të hollavë të kërkuara nga pengmarrësit. Bexheti dëshmoi se gruaja që e shoqëronte thirrej me emrin Linda që me siguri ishte pseudonimi i saj, ndërsa njëri prej meshkujve që e shoqëronte e kishte pseudonimin “Tani”. Bexheti ka sqaruar se e ka parë pengun Irfan Idrizi në oborrin e një shtëpie në fshatin Bardhoc, nga një largësi prej 100 metrash. Pengu ruhej nga dy persona me moshë të re, të armatosur me kallashnikov dhe të veshur me uniformë, të ngjashme me ato që ka përdorur UÇK-ja.Pengu ka qëndruar në oborr për 5 minuta dhe më pas është futur në shtëpi nga rojet që e shoqëronin. Fill pas kësaj Bexheti është përcjellë në Kosovë, pikërisht në qytetin e Prizrenit, jo me “Fuoristradën” që e solli nga Hasi, por me një Mercedes me ngjyrë të kuqe. Këto deklarime, dëshmitari kryesor i ka depozituar me shkrim në policinë e Kukësit. Më pas ai është marrë me automjet nga forcat e policisë dhe është çuar në fshatin Bardhoc për të vërtetuar në mënyrë konkrete ato që kishte deklaruar. Gjatë sigurimit të provës me anë të njohjes, dëshmitari Bexheti ka treguar shtëpinë ku kishte parë pengun me datën 13 shkurt të 2003-shit. Kjo shtëpi e identifikuar nga dëshmitari ka rezultuar që të jetë e Beqir Shahut. Pjesëtarë të grupit hetimor të procesit “Pengmarrja” deklarojnë se rrjeti i të implikuarve në marrjen peng të Irfan Idrizit arrin në 22-24 persona me një shtrirje gjeografike që nga Vlora, Fushë-Arrësi, Kukësi e Hasi në Shqipëri, si dhe në Kosovë e Maqedoni. ” Kemi të bëjmë me një organizatë të mirëfilltë kriminale me shtrirje në Maqedoni, Kosovë e Shqipëri, ku në duart e kësaj organizate janë rreth 1.3 milionë euro të dhënë nga vëllai i pengut për lirimin e tij. Në Shqipëri organizata e ka zhvilluar aktivitetin kryesor në zonën e Kukësit dhe Hasit kufi me Kosovën”, kanë deklaruar zyrtarë të Sektorit të Krimeve të Rënda në Drejtorinë e Policisë së Qarkut të Kukësit që po hetojnë rreth këtij proçesi. Pikërisht për këtë arsye, grupi special i ngritur në Drejtorinë e Qarkut të Kukësit është ngarkuar të mbajë kontakte të vazhdueshme me policinë e UNMIK-ut në Kosovë për zbulimin dhe arrestimin e pjesëtarëve të tjerë të kësaj organizate kriminale. Deri tani janë arrestuar 6 persona nga policia shqiptare si të implikuar në pengmarrjen e Irfan Idrizit. Masar Meli, ish- hetues në Prokurorinë e Kukësit së bashku me vëllain e tij Korab Meli, Tonin Gjini ish- polic në komisariatin e Pukës, Nagip Musliun shtetas maqedonas me kombësi shqiptare, Shkëlqim Palushi banor i qytetit të Kukësit dhe së fundmi Beqir Shahu nga fshati Bardhoc janë të arrestuarit që tashmë janë vënë përballë akuzave dhe provave të drejtësisë shqiptare si të implikuar në pengmarrjen e Irfan Idrizit nga Gostivari i Maqedonisë. Ndërsa autoritetet maqedonase kanë arrestuar si të dyshuar për këtë vepër kriminale Seit Reshitin.



18/04/2004

Rrethanat e pengmarrjes së Imamit


B. Shala

Nga hetimet e deritanishme të prokurorisë shqiptare rezulton se Irfan Idrizi është marrë peng më 22 dhjetor të 2002-it. Pasi kishte kryer ritualin e faljes në xhami në muajin e Ramazanit, Imami i një fshati të Gostivarit po kthehej në shtëpi me autoveturën e tij. Gjatë rrugës atij i kanë zënë pritë dy persona të armatosur me kallashnikov, që kanë hapur zjarr për ta trembur. Ata e kanë sulmuar Imamin 45-vjeçar për ta nxjerrë me forcë nga autovetura, por ai ka rezistuar për disa çaste, duke u mbajtur fort tek leva e marshit të autoveturës. Më pas dy personat e armatosur e kanë kapur atë për flokësh ku si pasojë e tërheqjes me forcë është shkulur leva e marshit, ndërkohë që në derën e veturës janë gjendur flokët që mendohet të jenë shkulur nga koka e Idrizit. Autovetura e Imamit është sekuestruar nga policia maqedonase si provë materiale. Zyrtarë të grupit të hetimit të procesit “Pengmarrja” theksojnë se transportimi i pengut nga Maqedonia për në Shqipëri është bërë përmes Kosovës, madje jo nëpër pyll, por në vendkalimet e miratuara kufitare në mes tre vendeve. Si pasojë, grupi i hetimit dyshon se në këtë aferë janë të implikuar dhe punonjës të policisë kufitare të Maqedonisë, Kosovës dhe Shqipërisë. Sipas hetimeve, Idrizi është mbajtur për disa kohë në fshatin Bardhoc dhe më 13 shkurt të 2003-it, Mezin Bexheti, i afërmi i Irfan Idrizit, e ka parë atë për herë të parë dhe të fundit Që nga ajo kohë pengu nuk është parë dhe për fatin e tij nuk dihet.



18/04/2004

Për lirimin e Imamit, vëllai biznemen ka dhënë 1.3 milion euro


B. Shala

KUKËS- Vëllai i Imamit, me shtetësi maqedonase dhe me kombësi shqiptare, Gajur Idrizi, është biznesmen i fuqishëm në Maqedoni. Ai ka bërë publik faktin se deri tani ka dhënë një shumë prej 1.3 milion euro për lirimin e vëllait. Kjo shifër pohohet dhe nga grupi i hetimit në Shqipëri. Megjithëse është dhënë kjo shumë asgjë nuk dihet për fatin e Imamit 45-vjeçar. Policia shqiptare ka pohime kontradiktore për fatin e Irfan Idrizit. Drejtues të policisë së Kukësit dyshojnë se personi i marrë peng është vrarë, ndërsa pjesëtarë të grupit të hetimit thonë se Irfan Idrizi është ende gjallë.



18/04/2004


shekulli

-------

[Brari]

gsh
-------
KUKES/ PRANGOSET PAS DESHMISE DRUVARI

Pengmarrja e Imamit, kapet fshatari strehues


--------------------------------------------------------------------------------



KUKES

Paraditen e djeshme uniformat blu të Kukësit kanë prangosur në shtëpinë e tij, në fshatin Bardhoc, Beqir Shahun, i cili dyshohet si i implikuar në marrjen peng të Imamit të Gostivarit, Irfan Idrizin. Kjo ngjarje mesa duket vazhdon të zbulojë akoma persona të implikuar në këtë ngjarje. Druvari, i cili ndodhet në gjendje të rëndë ekonomike, akuzohet nga Prokuroria e Shkodrës (e cila po heton ngjarjen në fjalë) se ka strehuar për disa ditë në shtëpinë e etij në Bardhoc Imamin e Gostivarit, i cili ishte marrë peng në shkurt të vitit 2002. Procedimi penal ndaj Shahut ka nisur që në dhjetor të vitit të kaluar, por arrestimi i tij është bërë i mundur vetëm dje. Burimet hetimore dhe ato policore janë shprehur se emri i Shahut ka dalë pas arrestimit dhe marrjes në pyetje të Masar Nelit, Shkëlqim Palushit dhe Tonin Gjinit (ish-polic në Pukë), të cilët, gjithashtu, dyshohen si të implikuar në këtë ngjarje. Sipas dëshmive të dhëna nga të lartpëmendurit, Imami i Gostivarit ishte strehuar nga pengmarrësit për disa ditë në banesën e Shahut në fshatin Bardhoc. Ndërkohë, vetë Shahu në momentet e para pas arrestimit nuk e ka pranuar këtë version të dhënë nga tre të arrestuarit e parë, duke deklaruar se nuk kishte strehuar në banesën e tij asnjë Imam. Gjithsesi, Shahu është shoqëruar në dhomat e paraburgimit të Komisariatit të Policisë së Shkodrës, pasi është prokuroria e këtij rrethi që po heton pengmarrjen e mistershme të Imamit të Gostivarit. Fati i këtij të fundit, edhe pse kanë kaluar më shumë se dy vjet nga marrja peng e tij, ende nuk dihet, nëse është ende i gjalë apo është vrarë nga pengmarrësit. Ndërkohë që grupi hetimor dyshon se në këtë ngjarje mund të jenë të përfshirë dhjetëra persona ende të paidentifikuar për organet e drejtësisë dhe me një rrjet kriminal që shtrihet përgjatë Maqedonisë, Kosovës dhe Shqipërisë.


Të afërmit e Imamit akuzojnë ish-prokurorin e Kukësit

Ndërkohë që Prokuroria e Shkodrës pas dy vjet hetimesh ende nuk ka mundur të zbardhë plotësisht ngjarjen, të afrëm të Imamit të marrë peng kanë deklaruar se disponojnë gjithë provat e duhuara mbi përfshirjen në këtë ngjarje dhe të personave të tjerë. Madje, disa herë ata kanë akuzuar si të implikuar edhe ish-porkurorin e rrethit të Kukësit, Naim Tota. Ky i fundit përpara disa javësh (ndërkohë që ishte transferuar si prokuror i thjeshtë në Prokurorinë e Tiranës) është pezulluar nga detyra me urdhër të kryeprokurorit Theodhori Sollaku, dhe i është propozuar Presidentit të Republikës të dekretojë shkarkimin e tij nga detyra. Ende nuk dihet nëse Prokuroria e rrethit të Shkodrës parashikon nisjen e hetimeve ndaj Totës, nëse Presidenti firmos shkarkimin e tij nga detyra. Ndërkohë, bëhjet e ditur, se policia ruan ende të fshehtë vendin ku mbahen të fshehur dy të afërmit e imamit, Agim Bilali e Nezim Bexheti, të cilët denoncuan zhdukjen e tij.

---------

[Brari]

shekulli
---


Prokuroria e Krimeve të Rënda dërgon për gjykim çështjen e zhdukjes së Imamit të Gostivarit, Idrizi

Pengmarrësit e Imamit, në bankën e të akuzuarve


E.Janina

TIRANË- Prokuroria për Krimet e Rënda dërgon për gjykim çështjen e zhdukjes së Imamit të Gostivarit, Irfan Idrizi. Hetuesit kanë përfunduar dje të gjitha veprimet në lidhje me këtë dosje dhe kanë depozituar në Gjykatën për Krimet e Rënda kërkesën për gjykim. Në këtë dosje përfshihen shumë persona, të cilët akuzohen se kanë marrë pjesë në pengmarrjen dhe më pas vrasjen e Irfan Idrizit. Imami i Gostivarit, Irfan Idrizi, është marrë peng më 22 dhjetor të vitit 2002. Ai kishte kryer ritualin e faljes në xhami në muajin e Ramazanit në një fshat të Gostivarit dhe po kthehej në shtëpi me autoveturën e tij. Gjatë rrugës atij i kanë zënë pritë dy persona të armatosur, të cilët kanë hapur zjarr për ta trembur. Në vijim ata e kanë sulmuar Irfan Idrizin për ta nxjerrë me forcë nga autovetura, por 45-vjeçari Idrizi ka rezistuar për disa çaste, duke u mbajtur tek leva e marshit të autoveturës. Më pas, dy personat e armatosur e kanë kapur atë për flokësh ku si pasojë e tërheqjes me forcë është shkulur leva e marshit. Ndërkohë, në derën e veturës janë gjendur flokët që mendohet se i përkasin Irfan Idrizit. Transportimi i pengut nga Maqedonia për në Shqipëri është bërë përmes Kosovës. Më 13 shkurt të 2003-it, i afërmi i Irfan Idrizit, Mezin Bexheti, e ka parë pengun në fshatin Bardhoc të Kukësit. Sipas tij, pengun Irfan Idrizi e ruanin dy djem të rinj të armatosur me automatik. Pengmarrësit kishin bërë negociata me vëllanë e pengut dhe i kishin kërkuar atij një shumë të konsiderueshme parash. Atyre u janë dhënë nga Gajur Idrizi rreth 1.3 milionë euro por edhe pas pagesës pengu nuk është lënë i lirë.



16/03/2005

[Brari]

panorama

--

Dosja e pengut të Gostivarit: Si u rrëmbye në Kukës Irfan Idrizi dhe vendi ku u mbajt i izoluar


Myftiu, peng për 500 mijë euro

I vëllai erdhi për ta liruar, por u mbajt i rrëmbyer për 6 ditë


Trashgim Sokolaj
Gujar Idrizi ka ardhur në Shqipëri për të gjetur vëllain e tij, Myftiun e Gostivarit, të cilin e kanë rrëmbyer në Madeqoni në vitin 2002.

Udhëtimi i vëllait të Irfan Idrizit në Shqipëri gjatë muajit shkurt 2003 dhe përpjekjet e tij për të gjetur dhe liruar të vëllain kanë qenë një mision i pamundur. Gujari, ndërsa kërkonte lirimin e të vëllait, ka rënë dhe vetë pre e një pengmarrjeje, që për fatin e tij nuk ka zgjatur shumë. Myftiu i Gostivarit, Irfan Idrizi, është rrëmbyer në fshatin Forinë të Gostivarit në Maqedoni më 3 dhjetor 2002. Gujari, vëllai i Myftiut të marrë peng, ka filluar negociatat për gjetjen dhe më pas lirimin e njeriut të tij të afërt. Gjatë këtyre përpjekjeve, Gujari është mbajtur për disa ditë nga disa persona, të cilët i kanë marrë edhe një shumë të majme parash me të cilat do të paguhej lirmi i Myftiut, që mbahej peng.

Rrëmbimi
Gujar Idrizi ka udhëtuar në Shqipëri me 500 mijë euro në xhep, të cilat ia kishin kërkuar për lirimin e vëllait. Më 27 shkurt 2003 është nisur nga Deçani i Kosovës me një “Benz 190” të kuq. Kur ndodhej 15 kilometër në dalje të Kukësit në rrugën për në Tiranë, e kanë ndaluar disa persona. Sipas dëshmitarit Shkelqim Palushi kanë qenë shtatë veta. Me një “Fuoristradë” e kanë çuar në një banesë të braktisur pranë Fushë-Arrëzit. Aty shtatë personat si dhe tre të tjerë të maskuar i kanë marrë 500 mijë eurot që kishte me vete. Vëllai i Myftiut të rrëmbyer është mbajtur në përiferi të Fushë-Arrëzit, për dy ose tre ditë. Pas tre ditësh e kanë dërguar në Vlorë me një “Benz” të bardhë dhe më pas e kanë kthyer përsëri në Fushë-Arrëz, ku është mbajtur edhe tre ditë të tjera. Më pas, Gujar Idrizi është liruar për t’u takuar me të akuzuarit për pengmarrjen e Myftiut të Gostivarit, në hotel “Gjallica” në Kukës.

Negociatat
Përpjekjet e para për lirimin e Irfan Idrizit, njohur në Maqedoni si Myftiu i Gostivarit, kanë filluar vetëm pak ditë pas rrëmbimit. Dy maqedonas kanë marrë përsipër të gjejnë dhe lirojnë Myftiun e rrëmbyer, me pëlqimin e familjes së tij. Dy negociatorët që janë edhe dëshmitarë të Prokurorisë në akuzën ndaj rrëmbyesve të Imamit filluan kërkimet në Kosovë dhe në Shqipëri. Sipas dosjes së ngjarjes, njëri prej negociatorëve maqedonas ka kontaktuar me të akuzuarin Nagip Musliu. Nëpërmjet këtij të pandehuri, negociatori ka njohur të akuzuarin tjetër Musar Meli në fund të gushtit 2003. Negociatori tjetër ka mundur të interesohet në qytetin e Prizrenit. Disa persona të paidentifikuar nga kjo zonë e kanë çuar negociatorin tek një lokal në Kukës, i cili i përkiste shtetasit Sul Kovaçi. Më pas, në fillim të muajit shkurt 2003, dy persona të paidentifikuar e kanë çuar negociatorin në një fshat në Krumë. Në një banesë te dera e saj, negociatori ka parë Myftiun e Gostivarit, Irfan Idrizi, i cili ishte marrë peng, gati një vit më parë.

Takimi me pengun
Sipas dëshmisë së negociatorit dhënë në Prokurori, në krah të Irfan Idrizit qëndronin dy persona të armatosur. Prokuroria tha se sipas hetimit, këta persona janë Beqir dhe Basri Shahu, të cilët në mesin e muajit shkurt 2003 kishin strehuar pengun. Në këtë kohë, negociatori ka shkuar tek një banesë tjetër në periferi të Krumës, ku ka biseduar me disa persona për shumën që duhej paguar, në këmbimm të lirimit të pengut. Sipas dëshmisë që negociatori ka dhënë për hetuesit, shuma është përcaktuar në 500 mijë euro. Pasi është paguar shuma negociatorët janë kthyer në Ferizaj të Kosovës dhe kanë pritur të njoftohej për lirimin e pengut dhe mbërritjen e tij, sipas planit, në kryeqytetin kroat, Zagreb. Një përgjigje e tillë nuk është kthyer asnjëherë. Prokuroria nuk ka prova për të dyshuar në vrasjen e Myftiut, por ai nuk ka shfaqur asnjë shenjë ekzistence.



“Rrëmbyen dhe zhdukën Myftiun”
Kush janë të akuzuarit e dosjes së pengmarrjes

Policia dhe Prokuroria shqiptare janë njoftuar për ngjarjen nga dy shtetasit maqedonas, të cilët kanë kryer edhe negociatat e lirimit të pengut. Bazuar në kallëzimin e dy maqedonasve, policia dhe Prokuroria shqiptare kanë filluar hetimin. Komisariati i policisë së qytetit të Kukësit ka arrestuar Shkelqim Palushin, Masar Melin dhe Nagip Musliun, në datë 12 dhjetor 2003. Policia ka sekuestruar disa municione e lëndë plasëse si dhe një thikë, gjatë kontrollit në banesën e Shkelqim Palushit. Ndaj tyre Gjykata e Kukësit ka vendosur masën e sigurisë “arrest në burg”. Sipas dosjes, Masar Meli, ishte oficer i Policisë Gjyqësore në Kukës, ndaj si rrjedhim hetimi i kaloi Gjykatës së Shkodrës. Gjatë hetimeve policia ka ndaluar në Shkodër, Korab Melin, ndaj të cilit është vendosur masa e sigurisë “arrest në burg”. Më pas dosja u dërgua në Prokurorinë e Krimeve të Rënda, e cila ka përfunduar hetimet dhe ka dërguar fashikullin hetimor, në gjykatë me akuzën e pengmarrjes në bashkëpunim me qëllime përfitimi ndaj të arrestuarve.



Të dhëna

Rrëmbehet në mënyrë misterioze, në fshatin Forinë ku banonte, Myftiu i Gostivarit, Irfan Idrizi. Idrizi ndodhej duke udhëtuar me makinën e tij tip “Golf”.
Dy shtetas maqedonas, të afërm të pengut fillojnë kërkimet e Myfiut të rrëmbyer. Kërkohej në Kosovë dhe në Shqipëri, pasi dyshohej se mbahej në Kukës
Negociatori sheh në një banesë në periferi të Krumës Myftiun që ishte rrëmbyer. Sipas dëshmitarit, në krah të pengut qëndronin dy persona të armatosur
Negociatorët maqedonas kthehen në Kosovë dhe presin të njoftohen për lirimin e pengut. Sipas marrëveshjes, Myftiu duhej të ishte i lirë në Zagreb, por një gjë e tillë ende nuk ka ndodhur



Trafikuan dhjetëra fëmijë në Itali
Prokuroria: “34 vjet burg” grupit “Petalli”

Prokuroria e Durrësit kërkoi 34 vjet burg dënim për katër anëtarët e grupit të njohur me emrin “Petalli”. Përfaqësuesi i akuzës kërkoi deklarimin fajtor nga gjykata të të pandehurve të akuzuar për trafik të fëmijëve në drejtim të Italisë. Për të akuzuarin si drejtues të këtij rrjeti, prokurori Ardian Ylli kërkoi edhe dënimin më të lartë. Ai kërkoi deklarimin e tij fajtor dhe një masë dënimi prej 10 vitesh burg si dhe një gjobë prej 2 milion lekësh. Për të akuzuarin si bashkëpunëtor Sofokli Çoko, organi i akuzës kërkoi dënimin e tij me 8 vjet burg dhe 1.5 milion lekë gjobë,ndërsa për Musa Sinën një dënim prej 9 vitesh burg. Sofie Kadria, që sipas akuzës është edhe njeriu që ka bërë transportimin e fëmijëve drejt Italisë është cilësuar fajtore dhe sipas prokurorit duhet dënuar me 7 vjet burg dhe një milion lekë gjobë. Në seancën e ardhshme, pas një jave do të jetë mbrojtja, e cila do të thotë fjalën e saj nga ku pritet të dalë kërkesa për pafajësi, ndërsa gjykata do të jetë ajo që do t’i vendosë pikën e fundit vendimit për katër të pandehurit. Të katër të pandehurit, u arretuan gjatë një operacioni të përbashkët italo-shqiptar, ku u zbuluan disa raste të trafikut të fëmijëve në Itali. Arrestimi i çiftit Ramiz e Xhulieta Petalli në Peskara solli edhe identifikimin e rrjetit, që sipas Prokurorisë ka trafikuar disa fëmijë të vegjël.

[DYDRINAS]

Brari,

Me ben pershtypje gjithe ky interesim qe ke treguar per nje nder ngjarjet e shemtuara e ndodhura ne Kukes.
E meriton ky fakt dhe per me teper e pergezoj shokun tim Bashkim Shala qe ka guxim e merret me tema te tilla te veshtira.
Kur e kam degjuar per here te pare me ka bere shume pershtypje qe nje imam rrembehet per para.
Personalisht nuk mund te them asgje por dije nje gje se Kukesi qe nga 1994 eshte shperfytyruar teresisht.Shkak ka qene kontrabanda e ndyre me karburante,cigare,ilace, per ne Kosove e kryer haptas nga 1994 deri me 1999 por vecanerisht pas hapjes se kufirit u shtua se tepermi aktiviteti kriminal ne dy anet apo tri anet e kufirit.
Me nje vend ku ekonomia zoterohet nga kontrabanda dhe kontrabandistet cfare mund te presesh?
E pra Kukesi ka qene dikur nje zone me njerez te mire mirepo koha beri punen e vet e sot pa frike them se eshte nje zone ku cdo gje kontrollohet nga krimi i organizuar.
Kjo do te kete pasoja teper te gjata si per Shqiperine ashtu dhe per Kosoven e po ashtu dhe per Maqedonine.
Duhet njemije e nje nete per te te rrefyer se cfare ka ndodhur e ndodh atje.
Ndersa imami i rrembyer nuk besoj te jete vetem nje veper per para.Dicka mund te kete ndodhur gjate periudhes kur ishte konflikti ne Maqedoni.
Por dhe une si ty flas nga larg e nuk e jetoj ate qe ndodh ne Kukesin tim.Por di te them se me vjen shume turp.