LSI jashtë koalicionit të së majtës, krijon koalicionin "E Majta për Integrim"

[EDUARDI]

Meta: 4 kushte për t‘u kthyer te Rama

Kreu i LSI flet nga Durrësi: Transparenca e PS, tryeza e koalicionit, listat e hapura dhe pragu elektoral


Kryetari i LSI-së, Ilir Meta, i është përgjigjur nga Durrësi, liderit të opozitës, Edi Rama, duke treguar kërkesat-kushte të tij, ndërsa ka theksuar se aleatët e tij natyralë janë të gjithë të majtët dhe progresistët në Shqipëri. Meta është ndalur në pikat kyçe që cenuan opozitën shqiptare dhe që mund të jenë të tilla për të siguruar forcimin e saj. Hartimi i një reforme të drejtë zgjedhore, plotësimi i standardeve të zgjedhjeve dhe fitorja e së majtës, sjellja braktisëse e Ramës ndaj partive në koalicion janë në themel të lëvizjes së kreut të Lëvizjes Socialiste për Integrim. Një tjetër arsye që ka rënduar mbi Metën dhe vendimin e tij për ndarje nga koalicioni është refuzimi i Ramës për problemin e certifikatave të zgjedhjeve. Ajo që do t‘i bashkonte sërish aleatët e vjetër është dhe aplikimi i parimit "Një anëtar, një votë" dhe qëndrimi se listat e mbyllura do t‘u privojnë qytetarëve zgjedhjet e lira. Realizimi i kushteve, pikërisht në ato drejtime ku hasen problemet, sipas këndvështrimit të Metës dhe aleatëve të tij, do të sillte një bashkim të forcave të majta, në të kundërt opozita aktuale do t‘i nënshtrohet formësimit dhe përçarjes që më shumë se këdo duket se do të cenonte Partinë Socialiste. Ftesa për t‘u bërë pjesë në opozitën e re është hapur nga Meta për të gjithë socialistët e pakënaqur nga politika e vjetër dhe aktorët e saj, duke ftuar bashkimin e fuqive dhe marrjen e pushtetit. Meta me cilësinë e kryetarit të komisionit parlamentar të integrimit ka marrë pjesë në një konferencë të zhvilluar në Durrës nga OSBE, gjatë së cilës është shkëputur për të dhënë deklaratat politike. Prishja e zgjedhjeve dhe shkatërrimi i reformës zgjedhore janë dy arsyet bazë që e çuan LSI-në dhe partitë aleate të saj drejt tërheqjes dhe daljes më vete. Arritja dhe mbrojtja e standardeve zgjedhore janë kthyer në kryefjalë të Metës dje në Durrës, duke kujtuar se "thembra e Akilit" është pikërisht aty. Deklarata e Ramës që e lidh atë me një politikë të vjetër, nuk është gjë tjetër veçse një shpërdorim fjalësh. Kështu e ka vlerësuar lideri i opozitës më të re në vend, Ilir Meta dhe asgjë më shumë reagimin e kreut të opozitës. "Nëse Rama quan politikë të vjetër kontributin për t‘u dhënë fund dramave elektorale, atëherë ne do të ndjekim deri në fund këtë rrugë me qëllimin e qartë, atë të mbylljes së kapitullit të zgjedhjeve të kontestuara". Shigjetat e kritikës metiste janë drejtuar mbi të dyja forcat e mëdha politike, PS dhe PD, të cilat janë vlerësuar rishtas si politikë e vjetër dhe e lodhur. Gjithsesi, ai është ndalur në gjirin e opozitës, e cila karakterizohet nga një mungesë e dukshme koordinimi në veprimet e saj politike. Sipas Metës, kryetari i PS-së e ka braktisur prej kohësh tryezën e koalicionit të partive bazuar në sjelljen arrogante dhe të pahijshme të tij. "Mund të them me bindje të plotë se për lidershipin aktual të PS-së nuk ka rëndësi as standardi i zgjedhjeve dhe as fitorja e së majtës e vitit 2009". Ish-kryeministri Ilir Meta e ka vlerësuar të parakohshëm debatin për emrin e Kryeministrit.
-----------------------


Shqip

[Brari]

shtangisto hajduti ilir.. e ka tiposur ne kaptine se.. eshte i lindur per te qene kryeminister i shqiperise..
cfar cjapi..

[xhori]

shko edhe bej shqiperi me tipa si ky qe kane zili pse te jete ai edhe jo une,
eshte bere si kryetaret e koperativave

[Albo]

Meta-Rama, "divorc" ne gjykate

Oli Xhilaga
E Enjte, 28 Shkurt 2008

Kreu i LSI-se, Ilir Meta, finalizon ndarjen ne menyre perfundimtare nga "Koalicioni Bashke per te Ardhmen". Keshtu, duke i kerkuar Gjykates se Tiranes njohjen juridike te koalicionit "E majta per Integrim", Levizja Socialiste per Integrim mbyll njehere e mire bashkepunimin me Partine Socialiste, duke legalizuar ne kete menyre percarjen e koalicionit te vjeter. Me date 21 shkurt, kryetari i LSI-se, Meta, i drejtoi nje kerkese Gjykates se kryeqytetit, e cila eshte pranuar nga zyra e regjistrimit te partive politike dhe ka ne qender kerkesen per njohjen juridike nga togat e zeza te nje grupimi te ri politik. Gjithashtu, ne kete dokumentacion, i dorezuar prane kesaj gjykate nga sekretarja organizative e LSI, Brizida Gjikondi, eshte e theksuar qartesisht qe koalicioni do te njihet me emrin "E majta per Integrim". Pas procedures se njohur si shorti, kerkesa e cilesuar si civile pret radhen te shqyrtohet keto dite nga gjyqtari Artur Gaxhi. Po sipas ketyre procedurave, mendohet qe me date 26 mars te merret vendimi mbi kete ceshtje.

Vetem dy dite me pare, kryesocialisti Edi Rama i drejtoi nje ftese per rikthim Levizjes Socialiste per Integrim. Por, me sa duket, se nje perpjekje e tille ka deshtuar me te gjitha menyrat. Veprimi i radhes i ndermarre nga kryetari i LSI-se, Meta, shpreh qarte se kjo parti nuk ve me ne diskutim vendimin e marre prej disa ditesh, ate te nje shkeputjeje perfundimtare nga koalicioni i majte, i drejtuar nga Edi Rama, ne te cilin bente pjese prej kohesh. Nderkohe, pas ketyre zhvillimeve, mund te thuhet se tashme ka marre fund epoka e drejtimit te koalicionit te gjere te se majtes, nen siglen "Bashke per te ardhmen", me ne krye Edi Ramen. Njekohesisht, tashme i hapet rruga krijimit te nje koalicioni te ri, po ne gjirin e majte, nen siglen "E majta per Integrim", por ne kete rast e drejtuar nga kryetari i LSI-se. Koalicioni me i ri "E majta per Integrim" pritet te mbledhe brenda tij edhe parti te tjera te se majtes, te cilat realisht kane shprehur kundershtine e tyre lidhur me paktin mes dy partive te medha per reformen zgjedhore, konkretisht, behet fjale per Partine Aleanca Demokratike dhe ajo Demokracia Sociale.

Kerkesa

"Me date 21 shkurt ne vijimesi te deklarates se kryetarit te LSI, zotit Ilir Meta dhe Kryesise se partise u protokollua prane Gjykates Tirane kerkesa per te regjistruar ligjerisht subjektin politik koalicioni e "Majta per Integrim". Konform shortit ligjor kjo ceshtje u percaktua marrja ne administrim gjyqesor nga gjyqtari Artur Gaxhi. Seanca e pare eshte caktuar me date 26.03.2008".

Perberja

"Ne kete grupim politik do te bejne pjese jo vetem perfaqesues te partive dhe sferave politike, por dhe personalitete te fushave ndryshme, deputete, te zgjedhur vendore te cdo hierarkie si dhe cdo shqiptar ose shqiptare qe do te gjej aspiratat e veta ne Platformen, Statutin dhe Programin e ketij formacioni politik, i cili, ashtu sic ka dhe emrin pa ekuivok, i perket te majtes shqiptare ne teresi".

Divorci

Levizja Socialiste per Integrim shkeputet ne menyre perfundimtare nga koalicioni i drejtuar prej kryesocialistit Edi Rama, ne te cilin bente pjese prej kohesh. Ne kete menyre, merr fund epoka e drejtimit te koalicionit te gjere te se majtes, "Bashke per te ardhmen" dhe i hapet rruga krijimit te nje koalicioni te ri, nen titullin "E majta per Integrim", po ne gjirin e kampit te majte politik.

Koha Jone

[EDUARDI]

Kriza tek e majta, PS: LSI është e lirë të zgjedhë

Kryesia e PS, debat mbi divorcin e LSI-së


Kryetarja e Grupit Parlamentar Socialist, Valentina Leskaj, mendon se çështja e Kryeministrit të ardhshëm nuk ka të bëjë me ndarje postesh, por me marrje përgjegjësish. Në një intervistë për "Shqip", ajo analizon situatën në të majtë ndërsa nënvizon se është në zgjedhjen e kreut të LSI-së Meta që të krijojë një lëvizje. Leskaj mbështet idenë e rritjes së pragut kushtetues dhe vendosjen e sistemit proporcional.

Zonja Leskaj, pozita dhe opozita muajt e fundit janë parë të bashkëpunojnë më shumë se më parë. Konkretisht i referohem reformës në sistemin e drejtësisë. Si e vlerësoni klimën e re politike mes dy blloqeve kryesore?

Në kulturat politike demokratike, bashkëpunimi mes forcave të pozitës dhe opozitës nuk është një gjë traumatike si ndonjëherë përpiqen ta bëjnë këtu, përkundrazi një opozitë është e fortë jo pse bërtet po sidomos kur ka forcën e argumentit me vete dhe kur ka kapacitetet të jetë edhe ofruese e korrigjues. Aq më tepër një opozitë nuk është e fortë kur gjuan me baltë siç ndodhte me opozitën e djeshme përkundrazi kjo është shenjë dobësie. Natyrisht që kjo klimë është produkt i një filozofie të re politike që ka adaptuar PS, një veprim që ka brenda edhe denoncimin e problemeve të mëdha që po kalon vendi për shkak të keqqeverisjes po edhe ofertën. Unë besoj se është normale që për çështje të mëdha të interesit kombëtar, forcat politike të bashkëpunojnë. Për hir të këtyre interesave ne bëmë një ofertë serioze për bashkëpunim në dy reformat e mëdha që kondicionojnë edhe marrjen e ftesë për në NATO. Besoj se kjo duhej bërë edhe për faktin që reformat kishin ngecur dhe shqiptarët nuk e meritojnë që t‘u privohet një mundësi e tillë që pastaj të themi se shumica nuk i bëri. Ne kemi bërë ofertë edhe herë të tjera si në rastin e buxhetit të vitit 2008, kur ofruam buxhet alternativ, sepse mendojmë se një përmirësim në buxhet sjell një cilësi jete më të mirë për shqiptarët, pavarësisht se kjo ra në veshin e shurdhër të qeverisë. E kemi bërë edhe për ligjin për arsimin e lartë duke menduar se nga reformimi i arsimit të lartë përfitojnë të rinjtë shqiptarë. Ne nuk jemi kompleksiv që të presim rastin për të gjuajtur kur kemi mundësi të korrigjojmë. Kjo nuk na lë pa opozitë, pasi dështimet e kësaj qeverie janë vërtet skandaloze, kështu që çdo gjë që mund t‘ju lehtësojë barrën që kanë sot shqiptarët duhet bërë.

Ndërsa reforma në drejtësi duket të ketë marrë një drejtim, ajo çka ende çalon ka të bëjë me reformën elektorale...

Natyrisht që nuk është e njëjta gjë. Reforma zgjedhore është më e vështirë. Nëse në rastin e reformës në drejtësi, të gjitha palët qofshin majtas apo djathtas, mbështetën paktin e ofruar nga PS dhe ai e dha produktin e parë me miratimin e ligjit për pushtetin gjyqësor dhe disa hapa të tjerë që garantojnë vazhdimin e reformës në institucionet e tjera të drejtësisë, në rastin e reformës zgjedhore përplasen interesa elektorale të partive dhe kjo e bën më të vështirë çështjen. Edhe pse komisioni për reformën zgjedhore nuk ka dhënë ndonjë produkt si komision, përfaqësuesit tanë në të nuk është se kanë ndenjur, përkundrazi kanë punuar dhe besoj kjo vlen qoftë edhe për të pasur një debat kualitativ, jo shterpë po me variante dhe alternativa. Përsëri edhe në këtë rast është PS që jo vetëm nuk ka bërë gjëra të mbyllura po ka gjeneruar debat që unë besoj se i shërben një reforme kualitative dhe të qëndrueshme.

Në këndvështrimin tuaj a shikoni një përplasje mes partive të mëdha (PS, PD) dhe partive të vogla sa i takon sistemit zgjedhor, pragut dhe llojit të listave. Cila mendoni se është alternativa më e mirë për sa u takon këtyre tre detajeve të reformës?

Personalisht, jam për një prag elektoral më të lartë po natyrisht pragu është i kondicionuar me sistemin. Në këto kushte nuk mund të flasësh për një prag konkret. Jam për një sistem që shmang në maksimum "Dushkun", pazaret individuale apo partiake për blerje apo tjetërsim vote, një sistem që shmang depersonalizimin e atyre që marrin përsipër përgjegjësi për të kontribuar në politikë. Jam për një sistem që krijon më shumë mundësi për gratë. Ndihem keq që ne jemi kaq pak në Parlament. Një sistem proporcional është më pranë realizimit të kësaj nevoje të vendit. Unë mendoj se duhet të kemi një Parlament cilësor dhe që mazhorancat të jenë të qëndrueshme dhe të marrin përgjegjësi për reformat dhe drejtimin e vendit. Unë besoj se vendi sot ka nevojë më shumë se kurrë për një mazhorancë të qëndrueshme, që merr përgjegjësi për reforma në kushtet e pas ratifikimit të Marrëveshjes së Stabilizim-Asociimit me BE apo edhe të procesit të anëtarësimit në NATO që shtohen detyrimet ndaj reformave integruese. Një qeveri që jeton me frikën e votës, pra që në vend që të merret me drejtimin e vendit bën hesape votash, për të ndenjur në qeverisje nuk ju hyn në punë njerëzve dhe për sa kohë që nuk ju hyn në punë njerëzve s‘ka pse të jetë. Me këtë nuk dua të them që të jenë dy parti po që partitë të vinë realisht nga vota e njerëzve, jo nga transferimi i votës që i bën edhe ata jo stabël në politikë dhe që mendojnë jo si të qeverisin më mirë po si të mbijetojnë në politikë. Po natyrisht që parësore dhe të panegociueshme, mbeten regjistri dhe kartat e identitetit për reformën zgjedhore.

Si e vlerësoni lëvizjen e fundit të kreut të LSI-së, Ilir Meta, krijimin prej tij të një poli tjetër opozitar dhe anatemimin e Partisë Socialiste dhe lidershipit të saj?

Është në zgjedhjen e z. Meta dhe të partisë së tij, që të krijojë një lëvizje. Në demokraci secili ka zgjedhjen e vet. Unë nuk kam informacion për anatemim ndaj PS dhe lidershipit shpresoj që kjo të mos ndodhë edhe në të ardhmen. Ne kemi opsionet tona lidhur me reformën zgjedhore që janë bërë publike pa komplekse, është në zgjedhjen e secilës forcë politike që të ketë një preferencë tjetër, natyrisht janë gjithmonë të mirëpritur të vijnë për të diskutuar nëse e gjykojnë se ka vend për këtë.

E konsideroni normale kërkesën në dukje të LSI-së për të pasur të drejtën e propozimit të Kryeministrit të ardhshëm apo kemi të bëjmë me një kërkesë të tepërt?

Unë nuk e di këtë, s‘kam informacion që LSI të ketë bërë një kërkesë apo deklaratë të tillë. Unë besoj se çështja e Kryeministrit nuk është çështje e marrjes apo dhënies së një posti, është marrje e një përgjegjësie qeverisëse. Për sa kohë që votuesit votojnë një forcë kryesore me liderin e saj, i japin asaj përgjegjësinë e drejtimit të qeverisë jo privilegjin e ndarjes së posteve.

Ndërsa flitej për krijimin e një federate dhe bashkimin e opozitës shohim se LSI, PDS e PAD janë vendosur përballë PS e PSD. Cila mendoni se duhet të jetë strategjia e këtij blloku politik?

Propozimi i federatës mbetet një propozim i PSD, e cila në dijeninë time i qëndron kësaj. Natyrisht, tani shumë gjëra janë të lidhura me qëndrimin ndaj reformës zgjedhore, të cilën ne e shohim të domosdoshme dhe si një reformë që duhet të garantojë standarde për zgjedhje të lira e të ndershme, zgjedhjet nuk mund të jenë më një shans tjetër i humbur për shqiptarët.

Në cilësinë e kryetares së grupit parlamentar socialist ju keni kërkuar një sërë interpelancash dhe mocionesh me debat për qeverinë, ministrat e Kryeministrin. Cili është bilanci?

Në katër muajt e fundit janë bërë 28 interpelanca me Kryeministrin, zv/kryeministrin dhe ministrat e qeverisë, kryesisht për çështje të varfërisë, korrupsionit, rritjes së çmimeve, papunësisë, pensioneve, energjisë etj. Siç duket opozitarizmi ynë në Kuvend ka qenë tërësisht i orientuar ndaj interesave direkte të publikut. Ne do vazhdojmë të biem zërin e njerëzve në Parlament, janë edhe disa interpelanca të tjera në proces. Nuk janë vetëm interpelancat, në seancën e çështjeve jashtë rendit të ditës deputetët kanë qenë gjithashtu mjaft aktivë ndaj problemeve të njerëzve. Natyrisht, siç e thashë më lart kemi kontribuuar në ligje e reforma gjithashtu.

Në njërën anë flitet për reforma madhore në prag të samitit të Bukureshtit, nga ana tjetër shqiptarët blejnë dhe jetojnë më shtrenjtë se më parë.

Si e gjykoni qeverisjen e zotit Berisha?

Tërësisht të dështuar. Është vështirë të përmendësh termin reforma madhore, përveç dy reformave që përmendëm më lart reformën në drejtësi dhe atë zgjedhore, që kanë hyrë në një proces ku janë reformat e tjera? Mjafton të shohësh kalendarin e punës në Kuvend për të kuptuar ku është qeveria me reformat. Mungojnë reformat ekonomike, mungojnë nismat për të nxitur prodhimin vendas e punësimin e njerëzve, mungojnë reformat në shërbimin shëndetësor, në politikat sociale, zhvillim rural etj. Sot papunësia është e frikshme, rritja e çmimeve përfshirë dhe rastin më të fundit të çmimit të energjisë gjithashtu. Sot fshati është në kufijtë e mbijetesës. Vetëm në zonën time elektorale janë rreth 13 mijë fermerë që nuk po e mbjellin tokën se çmimi i farërave është rritur, se çmimi i kimikateve, edhe pse shpesh të skaduara, është rritur, se mekanika kushton më shtrenjtë, se transporti kushton më shtrenjtë, pra kostoja e mbjelljes është më e lartë se ajo e shitjes pra s‘ka interes.

Kryesia e PS, debat mbi divorcin e LSI-së


Kryesia e Partisë Socialiste ka analizuar për mbi katër orë zhvillimet e fundit politike brenda dhe jashtë koalicionit opozitar. Mbledhja është shoqëruar nga terr informativ ndërsa burimet sqarojnë se ka pasur debate lidhur me lëvizjen e fundit të kreut të LSI-së, Ilir Meta. Kryesia nuk ka dalë në një vendim për sa i takon sistemit zgjedhor dhe pragut kushtetues, ndërsa mësohet të ketë pasur diskutime të ndryshme për çështjen e listave të kandidatëve. Të panegociueshme janë paraqitur çështja e kartave të identitetit dhe regjistrit të zgjedhësve. Kryetari i socialistëve, Rama, dhe drejtues të lartë të PSSH janë ndalur në një takim për shëndetësinë me banorët e Mamurrasit. Në këtë takim, kryetari i PS-së është shprehur për një fuqi të re mes të gjithë shqiptarëve, tej ndasive e paragjykimeve të politikës së vjetër. Sipas tij, sot kemi nevojë që këtë kapërcim të kufijve që ka ndodhur këtu në këtë qytet, ku demokratë e socialistë të ndershëm, qytetare dhe qytetarë që për 17 vjet kanë vuajtur injorancën, korrupsionin dhe cinizmin e politikës së vjetër u bënë bashkë dhe ia dhanë votën një djali që sot po jua kthen atë me punë dhe vetëm me punë. "Asgjë nuk është e pamundur, sepse nuk mungojnë as mençuria, as vullneti, as talenti i njerëzve të aftë", tha Rama. Ai shprehu bindjen se sa herë njerëzit e jetës dhe të punës së ndershme kanë shumë gjëra për të thënë, por kanë nevojë që të dëgjohen, PS duhet t‘jua japë lirinë për t‘u dëgjuar duke treguar durim, vëmendje. "Nuk mjafton të themi poshtë ky apo poshtë ai, sepse në këtë Shqipëri të lodhur e të rraskapitur, në këtë Shqipëri të varfër e të papunë, të pashpresë, pa drita, pa ujë, pa shkolla e spitale, ne duhet të shikojmë njëri-tjetrin në sy dhe të mundohemi t‘i japim gjithsecilit atë që i takon", nënvizoi Rama. Ndërsa shtoi se është koha që politika të mendojë për të ardhmen e fëmijëve tanë. "Është koha që politika të prodhojë ato që 17 vjet janë dukur mollë të ndaluara për shqiptaret dhe shqiptarët. Është koha që politika t‘u japë njerëzve atë shpresë pa të cilën asnjë komb, asnjë vend, asnjë komunitet, asnjë individ nuk mund të çohet në mëngjes me dëshirën për të punuar më shumë", këmbënguli Rama.


Shqip

[EDUARDI]

"E majta për integrim", Meta regjistron koalicionin



Në datë 21 shkurt në vijimësi të deklaratës së Metës dhe kryesisë së kësaj force politike, si dhe nisur nga të gjithë faktorët politikë që çuan në këtë vendimmarrje u regjistrua pranë Gjykatës së Rrethit Tiranë kërkesa për të regjistruar ligjërisht subjektin politik "Koalicioni e Majta Për Integrim". Në këtë grupim politik do të bëjnë pjesë jo vetëm përfaqësues të partive dhe sferave politike, por dhe personalitete të fushave të ndryshme, deputetë, të zgjedhur vendorë të çdo hierarkie. Si dhe çdo shqiptar ose shqiptare që do të gjejë aspiratat e veta në platformën, statutin dhe programin e këtij formacioni politik, i cili ashtu siç ka dhe emrin pa ekuivok i përket të majtës shqiptare në tërësi. Kjo kërkesë u depozitua nga sekretarja organizative e LSI, Brizida Gjikondi. Konform shortit ligjor, kjo çështje u përcaktua marrja në administrim gjyqësor nga gjyqtari dhe njëkohësisht nënryetari i Gjykatës së Rrethit Tiranë, Artur Gaxhi. Seanca e parë është caktuar në datë 26.03.2008 dhe në mbështetje të procedurave të përcaktuara me ligj kjo kërkesë ditën e gjykimit do të shoqërohet nga statuti i këtij subjekti politik, lista e firmëtarëve, programi, platforma dhe akt themelimi.

Shqip.

[Korcar-L1]

Keta, nje avaz kane.... koalicione , koalicione dhe asgje nuk nxjerrin ne drite (le qe ku ka drita)

[Brari]

Debati me maska kundër Berishës

Nga Mero Baze

Partitë aleate të Partisë Demokratike po përpiqen të gjejnë deputetë aleatë brenda kësaj partie, për të bllokuar miratimin e mundshëm të sistemit të ri elektoral, sipas tendencës së bërë publike nga dy partitë kryesore për një sistem proporcional rajonal me lista të renditura paraprakisht.

Në dy daljet e tyre publike, Fatmir Mediu, kryetar i Partisë Republikane dhe Nard Ndoka, kryetar i Partisë Demokristiane, janë përpjekur të gjejnë aleatë te grupet e rrezikuara brenda Partisë Demokratike nga ky sistem. Me një gjuhë diversioniste shumë të vjetër për politikën shqiptare, të dy aleatët e përkëdhelur të Sali Berishës u përpoqën ta faturojnë dialogun në Komisionin e Reformës Elektorale si një debat pa leje të Berishës dhe nga ana tjetër po përpiqen të bëjnë diversion, duke e paraqitur atë si një luftë klanesh brenda PD. Sipas logjikës së Mediut dhe Ndokës, meqë Ilir Rusmali është bashkëkryetar i Komisionit për Reformën dhe me “biografi të keqe”, është duke përpunuar një sistem që të eliminojë grupin parlamentar aktual të PD dhe si rrjedhim, të “dëmtojë” rëndë Sali Berishën, i cili nuk ditka ende gjë për këtë komplot të madh që po i shkatërroka partinë. Arsyetimin qesharak të Mediut e ndoqi me të njëjtin banalitet dhe Nard Ndoka. Në gjithë këtë servilosje pa sens të tyre ndaj Berishës nuk ka ndonjë gjë për të komentuar, se po të mos ishte Sali Berisha, njëri do ishte elektroaut dhe tjetri duke bërë shoping gjëkundi. Problemi është se ata nga një anë po përpiqen të hiqen si shumë luajalë ndaj Berishës dhe nga ana tjetër po përpiqen t’i ndërhyjnë atij brenda grupit parlamentar, duke ndërsyer deputetët kundër negociatave për sistemin elektoral. Në deklarimet e tyre shihet qartë se ata po investohen ndaj çdo deputeti të PD që mund të mos konsiderohet si i përshtatshëm për listën preferenciale të vitit 2009. Dhe nuk është se nuk kanë rezultat. Ka disa ditë që debati është rigjallëruar brenda grupit parlamentar të PD dhe po shikohet gati si komplot ideja e një sistemi proporcional që fikson përpara listën e deputetëve që do të hyjnë në Kuvend. Ky problem i injektuar brenda grupit të PD nga aleatët e saj është i vetmi zhvillim serioz, ndaj të cilit PD duhet të mbajë qëndrim ndaj aleatëve. Nëse debati mes aleatëve dhe PD është acaruar deri në këtë shkallë, sa kryetarët e partive aleate të saj të nisin diversionin ndaj PD, atëherë, në rast kundërpërgjigjeje, nuk është e sigurt se me sa deputetë mbetet Mediu në një votim të mundshëm kundër qëndrimit zyrtar të PD.

Listat e hapura apo të mbyllura janë një debat, i cili po shkon drejt listave të mbyllura. Së paku, OSBE e bëri dje të qartë publikisht këtë kusht. Është mënyra e vetme që të frenohet futja e biznesmenëve që blejnë vota duke shtuar fiktivisht numrin e votave të partive të vogla dhe mbi të gjitha është mënyra e vetme që të gjithë të investohemi te demokracia brenda partive dhe jo te rekrutimi apo blerja e pushtetit. Sali Berisha dhe Edi Rama natyrisht janë të fituarit e mëdhenj të këtij sistemi, por në finale ata nuk mund të punojnë kundër vetes. Ata janë të dënuar të fusin në lista gjithë faktorët që kanë brenda partisë, ndryshe humbja ndëshkohet me ikje nga politika. Mirë do të jetë që këto norma demokracie të përsosin dhe partitë e vogla, të cilat deri më sot kanë hyrë në zgjedhje, duke garantuar vendin e kryetarit dhe duke shtuar poshtë tij emra personash në kërkim që të mbledhin vota për ta, duke njollosur në disa raste dhe profilin e koalicionit. Nëse ka apo s’ka demokraci brenda PD dhe PS në mënyrën sesi do të bëhen listat e mbyllura, ky është një debat i brendshëm i këtyre dy partive dhe jo i Ndokës dhe Mediut. Ata nuk mund ta trajtojnë Sali Berishën si Beqir Balluku Enver Hoxhën, i cili, dhe kur ishte duke u pushkatuar, kishte idenë që “shoku Enver” nuk dinte gjë. Problemi se kë mandaton PD për të negociuar për sistemin elektoral është problem i PD dhe jo i PR apo PDK. Ata janë thjesht pjesë e PD dhe kontributet e tyre në PD i vlerëson elektorati i PD. Dikush është themelues i PD, si Rusmali, dikush i ardhur më ’96, si Topalli, dikush i ardhur më 2005, si Oketa, por të gjithë pjesë e PD. Problemi i aleatëve të shqetësuar është si të sigurojnë ndonjë vend në Kuvend pa pasur elektorat. Për këtë duhet të bisedojnë me atë që kanë biseduar gjithmonë dhe që i ka futur gjithmonë në parlament. Ai quhet Sali Berisha. Nëse duan luftë me të, t’i dalin përballë, s’ka nevojë t’i bëjnë diversion brenda PD. Pasi, po nisi ky i fundit t’iu bëjë të njëjtën gjë, ata do të harrojnë dhe emrat e partive të tyre.

[Korcar-L1]

Hall i madh per skrapaline
Ka rrezik te hash dhe dru
Dy ministra le te rrine
Se na duhen edhe pa tru

Fan S. Noli

[ajzberg]

Dikur ne rrugicen tone ishte nje kumbull qe piqesh e para ,i thone me duket shehinse.Ne ,femije atehere,e ''vilnim'' pak nga pak .Duke hypur njeri mbi tjetrin arrinim te mernim te gjitha kumbullat e degeve qe dilnin jashte avllise dhe per kete i zoti shtepise nje tiranas babaxhan nuk bente llafe.Pastaj na hyri sherri ne ndarje te kokrrave dhe filluam vjeljen me grupe ,por nje dite kumbulla u thye dhe njeri nga ne ra ne oborrin e shtepise ku babaxhani kishte lene qenin e zgjidhur.................