SHBA dhe BE injorojnë Nanon në Shkup

[Arlind]

Takimi i djeshem i kryeministrit Fatos Nano me kryetarin e Komisionit Europian, Romano Prodi eshte kthyer ne replika mes njeri tjetrit. Pas takimit bilateral te dy drejtuesit kryesore dolen ne nje konference te perbashket per shtyp, ku deklaruan prioritetet dhe mangesite e Shqiperise te parealizuara ende per hapjen e negociatave. Kreu I EK-se Prodi ne deklarimin e vet vleresoi se aktualisht gjendja e luftes ndaj krimit te organizuar dhe trafiqeve nga autoritetet shqiptare ka ende per te bere. Per kete , shtoi prodi duhet shume per te bere, para se BE te shqyrtoje mundesine e heqjes se vizave per levizje te lire. "Ne po punojme sebashku me qellim qe te kemi rezultatet qe te gjithe duam, per te pasur institucione demokratike, qe i pergjigjen standarteve te BEse dhe nje sistem ekonomik qe funksionon si duhet", u shpreh Prodi pas takimit te djeshem, duke bere te qarte se Shqiperia ka ende shume per te realizuar qe te mund te siguroje levizjen e lire te njerezve. "Eshte shume e rendesishme qe Shqiperia te beje progres, sepse sikurse e dini strategjia jone hap pas hapi do te beje qe te gjithe ata te jene nje dite anetare te BEse. Ne deshirojme te bashkepunojme me qellim qe te transformojme institucionet ne drejtimin e duhur", vuri ne dukje ai. Nga ana tjeter kryeministri shqiptar I gjendur nen tonet kritike dhe skepticizmin e autoriteteve te Brukselit, duke shprehur angazhimin e tij dhe te qeverise qe drejton ne luften reale kunder trafikut dhe krimit te organizuar, i kujtoi zotit Prodi se "Shqiperia vazhdon te prodhoje politika moderatore dhe konstruktive ne te mire te rajonit, qe eshte duke trokitur ne dyert europiane". Po sipas kryeministrit socialist te dy ne takim kane ndare te njejtin mendim per nevojen e percaktimit te prioriteteve per veprimet qeverisese ne Shqiperi, "duke u fokusuar mbi ceshtje sensitive, qe kane te bejne me luften kunder krimit te organizuar, permiresimin e menaxhimit te kufijve dhe garantimin e nje sigurie me te madhe per levizjen e lire te njerezve ne drejtim te vendeve anetare te BEse". Nga ana tjeter Nano pranoi se ka shume per te bere ne disa nga sistemet kryesore te shtetit shqiptar, sic eshte ai i drejtesise apo gjyqesorit. "Ndame te njejtin opinion lidhur me domosdoshmerine per te zhvilluar dhe prodhuar nje performance me te mire te institucioneve gjyqesore ne Shqiperi, te cilat duhet te prodhojne cilesi me te mire dhe te garantojne standartet e lirise dhe te drejtave te njeriut per qytetaret shqiptare ne vend", vuri ne dukje ai. Nano nga ana tjeter i eshte pergjigjur dhe interesimit te gazetareve lidhur me tragjedine e 9 janarit dhe pergjegjesite qe ka ai dhe qeveria qe drejton. "Pergjegjesite e qeverive respektive nuk mund t'u shiten te tjereve. Ne jemi te ndergjegjshem per vulnerabilititetin e sistemit tone te kontrollit te kufijve dhe te treut", u shpreh ai lidhur me kete fakt duke shtuar se "fakti eshte qe prej 18 muajsh, e certifikuar kjo edhe nga pala italiane numri i klandestineve qe me pare kalonin Adriatikun eshte nulizuar". Duke pranuar pergjegjesite e tij Nano cilesoi gjithashtu se ka patur nje situate te nje tregu informal, mbeshtetur edhe ne vulnerabilitetin e sistemeve administrative, qe ndoshta po conte ne nje paraindustri te trafikut te qenieve njerezore dhe te droges. Tonet kritike dhe reagimi i prere ndaj kerkeses se zotit Nano per levizje te lire, kane ardhur nga Komisioneret e BE-se me te cilet kryeministri kontaktoi. Sipas komenteve nga Brukseli ministry I Brendshem I BE-se dhe ai i Drejtesise duan ende kohe te binden per nje kerkese te tille nga ana e Shqiperise zyrtare. Sipas tyre mesohet te jene shprehur:

"Vendosja e nje politike me fleksibel te vizave duhet te jete rezultat i reformave dhe jo t'i prije atyre, sepse opinioni publik ne vendet evropiane kerkon masat rigoroze rreth kesaj ceshtje dhe kundershton liberalizimin e politikes se vizave.

"Ne duam te arrijme nje situate ku mund te behet kjo, dhe prandaj po punojme me kryeministrin shqiptar me qellim qe kjo te behet e mundur nje dite," tha zoti Prodi.

Bisedimet rreth marreveshjes se re mes Shqiperise dhe Bashkimit Evropian kane hasur ne probleme rreth reformave te pamjaftueshme.

Zyrtaret e BE-se theksojne se gjate 18 muajve te kaluar kane ndodhur gjashte ndryshime te njepasnjeshme ne krye te sherbimit doganor shqiptar.

Nje paqendrueshmeri e tille ne institucione te rendesishme nuk mund te kontribuoje ne luften kunder korrupsionit dhe krimit te organizuar.

Ne nentor te vitit te kaluar, BE-ja paralajmeroi se konkludimi i bisedimeve rreth marreveshjes se re te Asocim-Stabilizimit ishte penguar nga ritmi i ngadalshem i reformave.

Shqiperia ende shpreson qe te konludoje keto negociata deri ne fund te ketij vitit, por zoti Prodi tha se ndersa edhe ai deshironte te njejten gje nuk kishte nje kufi kohor te caktuar.

[Albo]

JAM I DESHPERUAR NGA POLITIKA JUAJ

Pse kjo vizite ne kete kohe?

Eshte normale, sepse cdo vit ne mbajme nje takim. Takimi i fundit ishte diten e fundit te janarit 2003. Keshtu, qe ka kaluar nje vit dhe ky ishte nje rast per te diskutuar bashke perparimet e bera, por edhe pikat e zeza apo te erreta te qasjes se Shqiperise ne Bashkimin Evropian.

Zoti president, ka nje perceptim ne mesin e publikut shqiptar se BE-ja nuk po ben aq sa duhet per ta inkurajuar Shqiperine dhe shqiptaret drejt nje afrimi me te madh me BE-ne? Reagimi i publikut pas tragjedise ne ujrat shqiptare disa dite me pare ku humben jeten 21 persona ne perpjekje per te shkuar fshehurazi ne Itali, ishte se BE-ja dhe vendet e saj anetare jane shume te ngurta ne politikat e emigrimit dhe te vizave per shqiptaret, se flitet shume per levizje te lire, por kjo nuk materializohet ne realitet? Cfare mund te beje BE-ja per ta zgjidhur kete ceshtje?

Sigurisht qe levizja e lire eshte rezultati i nje procesi. Une luftoj per levizjen e lire. Por une mund t'i kerkoj opinionit tim publik ta pranoje kete kur te jemi te sigurt se lufta kunder krimineleve eshte bere mire, dhe vendi ka rregulla te sakta. Eshte e qarte se ne nuk mund te hapim deren para se ky proces te perfundohet. Pra, ne punojme se bashku. Kjo ishte edhe pjese e takimit tone (me kryeministrin Fatos Nano) per ta shpejtuar kete proces. Kur ky proces te perfundoje ne do te hapim deren. Sic kemi bere me te gjitha vendet e tjera.

Zoti Prodi, a i thate ju kryeministrit Nano se qeveria e tij nuk po ben aq sa duhet ne kete drejtim, por edhe ne shume drejtime te tjera?

Kjo nuk eshte nje akuze per qeverine. Une thjesht marr shenime dhe shoh se nevojiten reforma, sic thashe, ne ligjin penal, ne zbatimin e ligjit, qe sistemi doganor dhe ai i taksave te veproje sic duhet, qe te kryhet lufta e drejteperdrejte dhe indirekte ndaj kriminalitetit. Por une e dija, te gjithe e dinin, se ky ishte nje proces i gjate e i veshtire. Pra, ky nuk eshte nje provim. Ne thjesht analizojme faktet dhe punojme se bashku per t'i perballur keto fakte. Por ju e imagjinoni opinionin publik evropian, nese pas ketij episodi ne te hapnim dyer pa viza! Reagimi do te ishte shume negativ. Ne duhet t'i garantojme ata se kemi bere c'eshte e mundur, dhe pastaj te hapim dyer.

Zoti president, a eshte Komisioni i kenaqur me perparimin e negociatave me autoritetet shqiptare lidhur marreveshjen e asociim-stabilizimit? Qeveria shqiptare ka vendosur qershorin e ardhshem si objekti per nenshkrimin e marreveshjes. A eshte kjo e arritshme?

Nuk kemi vendosur ndonje afat kohor. Kur procesi te perfundohet ne do ta nenshkruajme (marreveshjen). Ne kemi nenvizuar rezultatet pozitive. Gjithashtu nenvizuam pikat qe duhen permiresuar, dhe ju permenda cilat jane keto pika: lufta kunder kriminalitetit, sistemi juridik, krijimi i plote i nje sistemi demokratik zgjedhjesh dhe te sistemit parlamentar. Keto jane pika qe njihen shume mire. Sigurisht, zbatimi i reformave eshte shume i rendesishem per te pershpejtuar procesin. Por kjo nuk eshte e percaktuar. Kur te behet zbatimi une do te jem me i lumturi per ta nenshkruar.



A do te jete brenda ketij viti?

Nuk e di. I perket atyre te bejne ate qe ne kemi vendosur bashke qe ta bejme.

Nga ajo qe thate, ju po mbani shenim ate qe po ben qeveria. Por cfare presioni po beni ju mbi autoritetet?

Presioni jane faktet. Ne mund ta nenshkruajme marreveshjen kur gjerat te jene bere. Pra eshte interesi i perbashket per t'i bere gjerat.

Zoti president, ne Shqiperi po zhvillohet nje debat i ashper politik midis shumices dhe opozites ne parlament lidhur me ritmin e reformave. Ka akuza te opozites per korrupsion ne qeveri, lidhje me krimin e organizuar. A i merr komisioni keto parasysh?

Jo. Ne shohim faktet. Nese une ndjek luften brenda sistemit politik shqiptar une deshperohem. Me mire t'i qendrojme fakteve.

Kur mund te plotesohet synimi i shqiptareve per t'u futur ne BE?

Ne kete pikepamje ne kemi te njejtin synim - une personalisht dhe qeveria shqiptare - per ta arritur sa me shpejt qe te jete e mundur. Ka rregulla dhe kerkesa. Dhe ne po punojme se bashku per te arritur kerkesat qe nevojiten.

Bisedoi: Ilir Nishku

[Albo]

Zyrtarët evropianë thonë se Nano po viziton BE-në pas pakënaqësive të shumta të këtij organizmi ndaj tij

Nano, “i padëshirueshëm ” sot në Bruksel

Erisa Zykaj
korrespondente nga Brukseli

"Takimin e sotëm të Brukselit e ka kërkuar vetë kryeministri Fatos Nano që në nëntor, por Presidenti i Komisionit Evropian nuk ka patur kohë që ta presë, pasi agjenda e dhjetorit ka qenë e mbushur me evenimente të rëndësishme për evropianët". Kështu e kanë prezantuar takimin në Bruksel burimet e Komisionit Evropian. Sipas tyre, kjo kërkesë e kryeministrit shqiptar ka ardhur pas pakënaqësisë së hapur që kanë shprehur zyrtarët e këtij institucioni kundrejt ritmit shumë të ngadaltë të reformave në Shqipëri, pakënaqësi që ka krijuar gati një pezullim të negociatave. Ky do të jetë edhe lajtmotivi që do të shoqërojë takimet e Nanos jo vetëm me presidentin Prodi, por edhe me përfaqësuesin e lartë të politikës së jashtme të Bashkimit Evropian, Havier Solana, si edhe me kryetarin e Parlamentit Evropian, Pat Cox. "Takimi do të shërbejë për të bërë një bilanc të situatës së përgjithshme në Shqipëri gjatë vitit të shkuar," ka deklaruar Rita Piovano, njëra prej zëdhënëseve të zyrës së Presidentit të Komisionit Evropian, që ka lajmëruar se takimi do të zhvillohet në orën 15 të ditës së sotme dhe që do të shoqërohet edhe me një konferencë për shtyp të Prodit dhe Nanos, që do vijohet nga takimi me Cox dhe Solanën.

"Ne do të flasim për procesin e asocimit dhe stabilizimit në të cilin është angazhuar Shqipëria dhe për ecurinë e deritanishme të qeverisë shqiptare në procesin e reformave që përfshihen në këtë proces," ka konfirmuar, Emma Udwin, zëdhënësja e komisarit evropian për punët e jashtme, Chris Patten. Do të jetë shumë e vështirë, pothuajse e pamundur për kryeministrin shqiptar për të shkëputur një përshtypje të mirë nga takimi në këtë institucion, kur dihet se strumbullari i takimit do të jetë prioriteti i përbashkët: lufta ndaj krimit të organizuar, kundër korrupsionit dhe trafikut të qenieve njerëzore. Për dy çështjet e para, qeveria shqiptare është kritikuar me të njëjtin intensitet si në fillim të vitit, ashtu dhe në fund të tij, gjë që tregon hapur për evropianët, se në harkun kohor të 12 muajve nuk ka patur arritje: Problemet më të mprehta lidhen me dobësinë e sistemit të drejtësisë, që përkthehet në gjykime të shumta, por dënime të pakta për kriminelët në Shqipëri, ashtu si dhe me fenomenin e korrupsionit të përgjithshëm që për evropianët ilustrohet para së gjithash me ndërrimin e pesë drejtorëve të përgjithshëm brenda 1 viti në një sektor të rëndësishëm, si ai i doganave. I vetmi përgëzim që mund të merrte Shqipëria në këtë fushë lidhet me çështjen e tretë, të luftës ndaj emigracionit klandestin, por pas tragjedisë së Karaburunit, ky problem i shtohet listës së gjatë të problemeve që Shqipëria pritet të zgjidhë. Mjafton të përmendim, se prononcimi i fundit i ardhur nga Emma Udwin në lidhje me tragjedinë e Karaburunit, ka qenë i mëposhtmi: "Kjo tragjedi tregon, se qeveria shqiptare nuk e ka bërë siç duhet punën e vet. Ajo nxjerr në pah dobësinë e punës së policisë shqiptare dhe problemet e shumta që lidhen me ruajtjen e kufijve". Sigurisht evropianët nuk do të harrojnë të përshëndesin marrëveshjen e riatdhesimit të parafruar midis Shqipërisë dhe Bashkimit Evropian, por pas kësaj tragjedie, edhe vetë evropianët tremben nga ideja, se ç'do të bëhet me ata që do të kthehen. Nëse këtij bilanci i shtojmë edhe analizën e situatës ekonomike që Komisioni Evropian ka bërë me rastin e propozimit për dhënien e një ndihme makroekonomike prej 25 milion euro Shqipërisë, peshorja rëndon krejtësisht, madje rrezikon të thyhet në minus.


--------------------------------------------------------------------------------

Zyra e shtypit: Nano, vizitë një ditore në Bruksel

Zyra e shtypit e kryeministrisë ka njoftuar se ditën e sotme kryeministri Fatos Nano do të kryejë një vizitë një ditore në Bruksel. Bëhet e ditur se gjatë kësaj vizite Nano do të ketë takime më drejtuesit e lartë të Bashkimit Evropian. "Kryeministri Fatos Nano do të zhvillojë nesër një vizitë zyrtare në Bruksel, ku do të takohet me personalitete të larta të Bashkimit Europian. Takimin e parë zoti Nano do ta zhvillojë në orën 15.00 me Presidentin e Komisionit Europian Romano Prodi. Pas takimit është programuar dhe një konferencë e përbashkët për shtyp e dy autoriteteve të larta. Më pas, rreth orës 16.00, Kryeministri i Shqipërisë do të pritet në takim nga Presidenti i Parlamentit Europian Patt Cox dhe në ora 17.00 zoti Nano do të takohet me Përfaqësuesin e Lartë të Politikës së Jashtme dhe Sigurisë së Përbashkët të BE-së, Javier Solana, takim që do të vijojë me një konferencë të përbashkët për mediat," thuhet në një njoftim të kryeministrisë. Gjithashtu sipas njoftimeve zyrtare, në këto takime do të diskutohet për gjendjen aktuale të negociatave me këtë organizëm. "Gjatë këtyre takimeve do të diskutohen statusi aktual i procesit të stabilizim - asocimit të Shqipërisë me BE-në, ecuria e negociatave për nënshkrimin e marrëveshjes në këtë drejtim, zhvillimi i reformave integruese të vendit si dhe situata në rajon," përfundon njoftimi i kësaj zyre.

[Albo]

Prodi: "Ne kërkojmë që Shqipëria të zhvillojë institucionet demokratike për të arritur standardet që kërkohen nga Bashkimi Evropian dhe të punojë paralelisht për të zhvilluar ekonominë shqiptare..."

Solana: "Do të doja që Shqipëria të kishte të njëjtat rezultate që ka në nivelin rajonal, edhe përsa u përket reformave që i janë kërkuar në kuadër të marrëveshjes së Asocimit dhe Stabilizimit"

Cox: "Perspektiva e afrimit të Shqipërisë me Bashkimin Evropian nuk është vetëm me qeverinë, por edhe me opozitën dhe me forca të tjera politike e shoqërore"

Krerët e Brukselit, Prodi, Solana dhe Cox, konstatojnë bllokimin e reformave

Prodi fshin datën e përfundimit të negociatave


Ai nuk ka dhënë datë për mbylljen e negociatave me Shqipërinë, si rrjedhim i rezultateve të pakënaqshme të qeverisë shqiptare në fushën e reformave. Kryetari i Parlamentit Evropian Pat Cox, kërkoi që BE të bashkëpunojë edhe me opozitën

Erisa Zykaj
korrespondente nga Brukseli

Ndonëse kryeministri Nano është pritur nga zyrtarët evropianë, problemet mbeten të njëjtat. Presidenti i Komisionit Evropian, Romano Prodi, ka mundur të ngrihet mbi formulat diplomatike të falenderimit të ndërsjellë dhe ka vënë pa humbur kohë pikat mbi 'i'.

Ai nuk ka dhënë datë për mbylljen e negociatave me Shqipërinë, si rrjedhim i rezultateve të pakënaqshme të qeverisë shqiptare në fushën e reformave të marrëveshjes së Asocimit dhe Stabilizimit. "Ne kërkojmë që Shqipëria të zhvillojë institucionet demokratike për të arritur standardet që kërkohen nga Bashkimi Evropian dhe të punojë paralelisht për të zhvilluar ekonominë shqiptare. Është jashtëzakonisht e rëndësishme që Shqipëria të bëjë progrese, pasi strategjia për t'u bërë anëtare e Bashkimit Evropian është arritja e progreseve hap pas hapi," ka deklaruar kryetari i Komisionit Evropian.

Presidenti Prodi i ka vënë kapakun edhe entuziazmit të kryeministrit shqiptar për të marrë një mbështetje nga institucioni që ai përfaqëson në lidhje me lëvizjen e lirë të shqiptarëve në territorin e Bashkimit Evropian. Romano Prodi ka treguar se për të arritur në këtë fazë, duhen plotësuar disa kushte "Liberalizimi i vizave nuk mund të paraprijë kryerjen e procesit të reformave, por vetëm të jetë rrjedhojë e këtij procesi" ka deklaruar ai. Nga ana tjetër, pyetjen e gazetës "TemA" në lidhje me pakënaqësinë e Bashkimit Evropian kundrejt rezultatit të dobët ndaj prioriteteve të qeverisë shqiptare lidhur me luftën ndaj krimit të organizuar, korrupsionit dhe trafiqeve, presidenti Prodi nuk e ka shoqëruar me një pohim me kokë, por është përgjigjur qartë "Unë i kam kërkuar qeverisë shqiptare që të punojë seriozisht për zhvillimin e politikës së doganave, të respektimit të ligjeve, të konsolidimit të punës së policisë shqiptare" ka deklaruar Prodi, i cili ka nënvizuar se kjo mbetet çështja më e rëndësishme në të cilën pritet që qeveria shqiptare të paraqesë rezultate konkrete.

Pyetjes se cili e mban përgjegjësinë e tragjedisë së Karaburunit, kryeministri shqiptar i është përgjigjur duke shpalosur strategjinë e qeverisë së tij, e cila sipas tij mbështetet në 2 boshte: punën ndërinstitucionale për të luftuar emigracionin klandestin dhe strategjinë për të reduktuar varfërinë dhe për të nxitur zhvillimin ekonomik.

Nga ana e tij, përfaqësuesi i lartë i politikës së jashtme të Bashkimit Evropian, Havier Solana ka vënë në pah mangësinë e rezultateve të kënaqshme të Shqipërisë brenda për brenda vendit. "Do të doja që Shqipëria të kishte të njëjtat rezultate që ka në nivelin rajonal edhe përsa u përket reformave që i janë kërkuar në kuadër të marrëveshjes së asocimit dhe stabilizimit" ka deklaruar Solana. Ai ka shprehur keqardhjen e tij për viktimat e tragjedisë së Karaburunit, duke thënë se Bashkimi Evropian, së bashku me qeverinë shqiptare, ka për synim që të luftojë krimin e organizuar. Solana ka përmendur në këtë kuadër takimet e ministrave të Drejtësisë dhe të Brendshëm të Bashkimit Evropian me ato të Ballkanit dhe ka thënë, se ato do të vazhdojnë edhe gjatë këtij viti.

Gjatë konferencës për shtyp me Solanën, kryeministri shqiptar e ka mohuar faktin se ndërrimi i qeverive ka shkaktuar zvarritjen e reformave. "Ndërrimi i qeverive ështe bërë duke respektuar kushtetutën shqiptare," ka deklaruar Nano. Më tej ai ka shtuar se niveli i demokracisë në Shqipëri është fleksibël dhe se procesi zgjedhor nuk mund të pretendohet të ketë qenë perfekt dhe se është normale që të ketë palë të kënaqura dhe palë të pakënaqura.

Ndërsa kryetari i Parlamentit Evropian, Pat Cox ka propozuar një afrim më të madh të popujve të Bashkimit Evropian me ato të Ballkanit, duke ofruar edhe një dimension më intensiv midis parlamentit shqiptar dhe atyre të tjerë të rajonit dhe atij evropian. "Ne i kemi ftuar parlamentarët shqiptarë në një takim në javën e parë të shkurtit në Budapest për të folur mbi rëndësinë e nivelit parlamentar në procesin e integrimit evropian," ka deklaruar Pat Cox.

Ky i fundit ka këshilluar disa herë qeverinë shqiptare të bashkëpunojë me opozitën për procesin politik në vend. "Të gjithë aktorët kanë vendin e vet në kërë proces. Perspektiva e afrimit të Shqipërisë me Bashkimin Evropian nuk është vetëm me qeverinë, por edhe me opozitën dhe me forca të tjera politike e shoqërore. Bëhet fjalë për një afrim kombëtar" ka thënë Cox.

Tema

[Arlind]

BE PRANON KUSHTET E PALES SHQIPTARE



Bisedimet e raundit 5-te te negociatave teknike mes Shqiperise dhe Bashkimit Evropian kane rezultuar te suksesshme. Nje fakt te tille pervec ministres tone te Integrimit e ka deklaruar edhe kreu i delegacionit evropian Daly. Pozitiviteti i ketyre megocimeve qendron kryesisht ne faktin se pala evropiane pranoi kushtin e pales shqiptare per caktimin e afateve tranzitore ne lidhje me mundesimin e zbatimit real te neneve 70-77 te marreveshjes se Stabilizim-Asocimit. Behet e ditur se pala shqiptare e beri nje kerkese te tille per te mundesuar hartimin e legjislacionit perkates dhe zbatimin ne perputhje me standartet e Bashkimit Evropian. Nga ana tjeter, delegacioni europian vleresoi perpjekjet e pales shqiptare per permbushjen e kushteve ne nenet e deritanishme te negocuara mes te dyja paleve. Kreu i delegacionit Daly e ka konsideruar te suksesshem diskutimin dypalesh qe sipas tij eshte pjese e nje procesi jo te lehte negocimi. Nga ana e saj, kryenegociatorja shqiptare ministrja e Integrimit Evropian Ermelinda Meksi deklaroi se ky nivel i pergatitjes se pales shqiptare ne negociatat me Bashkimin Evropian garanton pershpejtimin dhe cilesine e nevojshme per perfundimin e negocimit te Marreveshjes se Stabilizim-Asocimit.

Dje u diskutuan shtate nene te marreveshjes

Ne perfundim te Raundit 5-te te negociatave teknike mes Shqiperise dhe Bashkimit Evropian, palet hapen diskutimin e dy Protokolleve te rendesishme te kapitullit Bujqesia dhe Peshkimi te Marreveshjes se

Stabilizim-Asocimit. Behet fjale per protokollin e vererave dhe pijeve alkoolike si dhe ate per produktet bujqesore te perpunuara. Pala shqiptare informoi mbi stadin aktual te zhvillimit te industrise se ketyre produkteve te perpunuara. Si pjese e axhendes se diskutimeve, persa i perket neneve qe kane te bejne me "Perafrimin e legjislacionit", "Zbatimi i legjislacionit", "Rregullat e konkurrences", "Mbrojtjes se konsumatorit", "Ndihmes shteterore", "Pronesise intelektuale, industriale dhe tregtare", "Prokurimit publik", "Standartizimit, metrologjise, akreditimit dhe vleresimit te konfromitetit", "Kushteve te punes dhe mundesive te barabarta", pikerisht nenet 70-77 te marreveshjes se Stabilizim Asocimit u ra dakort ne parim lidhur me permbajtjen e tyre. Ne lidhje me to, pala shqiptare propozoi disa afate tranzitore per te mundesuar zbatimin e tyre real ne perputhje me standartet e Bashkimit Evropian. Por nje pjese e diskutimit te djeshem ishte edhe dhe informimi nga pala shqiptare mbi perditesimin e situates ne plotesimin e angazhimeve te OBT-se. Qeveria shqiptare prezantoi angazhimet e marra permes miratimit te paketes fiskale 2004 e cila garanton ne nje pjese te konsiderueshme zbatimin e angazhimeve te Shqiperise ndaj OBT.

[Albo]

Në një takim për tranzicionin ekonomik në vendet e Ballkanit, jepen shifra dekurajuese për Shqipërinë

BE: Shqipëria pa interes për investime

Brukseli: Shqetësim mungesa e energjisë elektrike dhe raporti 4/1 i import-eksporteve

Viron Gjymshana

Ndoshta ka qënë rastësi, por sidoqoftë organizimi në të njëjtën ditë në Bruksel i 2 konferencave mbi tranzicionin ekonomik në vendet e Ballkanit Perëndimor duket se dëshmon se vendet e Europës Juglindore nuk janë aq larg sa thuhet ndonjëherë nga vëmendja dhe interesi i grupimeve ekonomike dhe politike që gjallojnë në kryeqytetin e Europës së bashkuar. Së pari ishte Drejtoria e Përgjithshme e çështjeve ekonomike dhe financiare pranë Komisionit Europian që publikoi një raport të veçantë rreth dukurive kryesore të vëna re gjatë procesit të tranzicionit ekonomik në 5 vendet e Europës Juglindore gjatë viteve të fundit. Dy orë më pas ishte Qëndra Politike Europiane që mblodhi në "Hotel Europa" në Bruksel ajkën e afaristëve dhe specialistëve europianë për Ballkanin.
Konkluzioni i përbashkët i përfaqësuesve të botës së financave dhe ekonomisë ishte pothuajse i njëjtë me deklaratat e deritanishme të politikanëve perëndimorë: Ballkani është një mozaik vendesh dhe kombesh që dallohen nga njëri- tjetri jo vetëm nga gjuha, zakonet, kultura, feja por po ashtu edhe nga zhvillimi i pabarabartë ekonomik. Prandaj edhe integrimi i tyre në BE do të kryhet në bazë të meritave të secilit dhe duke mbajtur parasysh edhe faktorët e sipërpërmendur.
Dhe pavarësisht nga fjalët e mira dhe inkurajimet, Kristofor Fovre i Komisionit Europian pohoi se megjithë vendosjen e ekonomisë së tregut, rritjen e shkëmbimeve dhe privatizimin pothuajse të plotë të ndërmarrjeve të mesme dhe të vogla, prodhimi i përgjithshëm bruto në vendet e Ballkanit Perëndimor është përsëri më i ulët se ai në vitin 1989. Ai e spjegoi këtë prapambetje me shpërthimin e konflikteve ndër etnike dhe sociale në këto vende. Aktualisht të gjitha vendet e Ballkanit kanë një defiçit të theksuar në tregtinë me jashtë, por po ashtu edhe në balancën e buxhetit të brendshëm. I vetmi vend për të cilin zyrtarët europianë nuk i kursyen superlativat dhe lavdërimet ishte Kroacia, e cila jo më kot është duke u përpjekur të shkëputet gjithmonë e më shumë nga karvani i vendeve të Europës Juglindore dhe po përpiqet të kapë trenin e vitit 2007 të integrimit në BE, së bashku me Rumaninë dhe Bullgarinë.
Shifrat dhe statistikat që Bashkimi Europian paraqiti mbi zhvillimin ekonomik në Shqipëri, Maqedoni, Bosnjë, Kroaci, Serbi dhe Mal të Zi ishin sa të qarta aq edhe të pakundërshtueshme. Ato dëshmonin për një diferencë të theksuar progresi ekonomik sidomos ndërmjet Kroacisë dhe Serbisë nga njëra anë dhe Shqipërisë, Kosovës, Maqedonisë dhe Bosnjës nga ana tjetër. Në Kroaci psh prodhimi i përgjithshëm kombëtar për frymë popullsie arrin në 5420 euro për person, në Serbi ai arrin në 2055, në Maqedoni 1972, në Shqipëri 1600, në Bosnjë 1383 dhe në fund fare renditet Kosova me 900 euro të ardhura vjetore për frymë popullsie. Niveli të ardhurave në këto vende gjithsesi është shumë larg mesatares së përgjithshme në vendet e BE-së që rrotullohet në afro 24 mijë euro për banor.
Nga dokumentat e Komisionit Europian dhe të Qëndrës së Politikës Europiane bie në sy se specialistët e ekonomisë dhe afaristët europianë janë të mendimit se paqëndrueshmëria politike kronike, e shoqëruar kjo me mungesën e rezervave në energji elektrike si dhe vonesat në ndërmarrjen e reformave strukturore të domosdoshme, përfaqësojnë handikapet më të mëdha për ecurinë e ekonomisë shqiptare sot. Balanci katastrofal 4/1 i import - eksporteve shqiptare, i cili përfaqëson 23% të të ardhurave të përgjithshme kombëtare, normalizohet deri në një farë mase nga të prurat e emigracionit shqiptar., - theksohet në raportin e Komisionit Europian.
Në sytë e investuesve perëndimorë ekonomia shqiptare konsiderohet përgjithësisht si ekonomi e vogël. Prodhimi i saj i përgjithshëm në vitin 2002 arriti në 5,4 miliardë euro, të cilat përfaqësojnë vetëm 9% të prodhimit të përgjithshëm në vendet e Europës Juglindore dhe vetëm 0,6% të atij të BE-së.
Prandaj edhe në 2 konferencat e zhvilluara së fundi në Bruksel, që pasuan një tjetër të organizuar në muajin dhjetor mbi investimet e huaja në Ballkan, dëshmuan edhe një herë tjetër se Shqipëria nuk konsiderohet si një vend me interes të veçantë për investitorët e huaj, të cilët po i kthejnë gjithmonë e më shumë sytë sot drejt Kroacisë dhe Serbisë.

[Albo]

Grupi Nderkombetar i Krizave: "Shqiperia, hapa prapa per reformat"

Institucioni nderkombetar vlereson se Tirana nuk ka ndermarre asnje reforme te qenesishme dhe tashme mungon interesi per te nxitur shpejtimin e bisedimeve me Bashkimin Evropian. Reagon Ministria e Jashtme: "Nuk ka asnje raport zyrtar per Shqiperine nga Grupi Nderkombetar i Krizave"

Konstatimi me i fundit qe vjen nga Brukseli per vendet e Ballkanit Perendimor behet kesaj rradhe nga nje institucion me njohje nderkombetare dhe me nje kontribut te shquar ne ceshtjet e Ballkanit, sic eshte Grupi Nderkombetar i Krizave. Sipas tij, gjate ketyre 18 muajve te fundit ne Serbi dhe Shqiperi jane bere hapa prapa, ndersa situata ne Maqedoni dhe Bosnje-Hercegovine ka njohur permiresime. Nikolas Uajt pohon per radion "Dojce Vele", se para 18 muajve ne Bruksel ishin optimiste persa i takon situates se pergjithshme ne Shqiperi, si dhe forcimit te lidhjeve te saj me Bashkimin Europian dhe NATO-n. Por qe atehere gjerat kane mbetur ne vend dhe Shqiperia nuk ka ndermarre asnje lloj reforme te qenesishme. Si rrjedhoje tani mungon edhe interesi per te nxitur pershpejtimin e bisedimeve, qe do ta afronin Shqiperine me Bashkimin Europian, thekson zyrtari europian, posti i te cilit nuk specifikohet nga radio gjermane ne gjuhen shqipe. Sipas tij, qeveria shqiptare duket se interesohet me shume per interesat e saj. Aspiratat e vendit duket se nuk jane aq te rendesishme per te (qeverine), pohon Nikolas Uajt, para se te shtoje se deri ne zgjedhjet e ardhshme, qe duhet te mbahen ne Shqiperi vitin e ardhshem, ka ende kohe qe punet te marrin per mbare. Ai pohon se ne Shqiperi nuk po behet nje politike e drejte.

Persa i takon Kosoves, Grupi Nderkombetar i Krizave eshte i mendimit se zgjidhja e statusit te saj eshte sot problemi me i rendesishem sot ne Ballkan.

Shqiperia dhe Bashkimi Evropian nisen ne janar 2003 negociatat per nje Marreveshje Stabilizim-Asociimi. Megjithate, ecuria e ketyre bisedimeve ka qene e ngadalte, ndersa Tirana zyrtare shpresonte perfundimin e tyre brenda vitit 2003. Por ky objektiv nuk u arrit, ndersa nje afat tjeter, qershori 2004, duket serish i paarritshem. Presidenti i Komisionit Evropian, Romano Prodi, ka deklaruar javen e shkuar, pas nje takimi me Kryeministrin Nano, se shpresonte qe Marreveshja e Stabilizim-Asociimit mes Shqiperise dhe Bashkimit Evropian te nenshkruhej brenda mandatit te tij, qe perfundon ne tetor 2004. Bruskeli ne vazhdimesi ka kerkuar nga Tirana shpejtimin e reformave dhe vecanerisht luften ndaj korrupsionit dhe krimit te organizuar. Kjo kerkese i eshte perseritur edhe Kryeministrit Nano gjate vizites se tij te fundit ne Bruksel.

Ministria e Jashtme: Raporti nuk ekziston

Ministria e Puneve te Jashtme, nepermjet zedhenesit te saj Agim Neza, e cilesoi dje dizinformues dhe jo te sakte, lajmin qe i referohej raportit te Grupit Nderkombetar te Krizave, te publikuar nga disa media. "Grupi Nderkombetar i Krizave nuk ka bere keto dite asnje Raport zyrtar per Shqiperine", deklaroi Neza. Sipas tij, Grupi Nderkombetar i Krizave eshte nje forum prestigjoz joqeveritar qe jep opinione dhe rekomandime per organizmat perkatese nderkombetare dhe do te ftohet keto dite ne vendin tone per te pare situaten nga afer dhe per t'u informuar me angazhimet serioze te qeverise shqiptare per kryerjen e reformave dhe luften ndaj trafiqeve te paligjshme.

Thane:

BARDHYL AGASI, Sekretar per Marredheniet me Publikun ne PS:

"Per te mbajtur nje qendrim duhet ta njohesh dhe ta analizosh mire raportin, gje qe nga ana jone deri me tani nuk eshte bere, sepse sapo jemi njohur me te, nepermjet medias. Por, Partia Socialiste ka qene e hapur dhe gjithmone ka mbajtur qendrim dhe e ka rritur shqetesimin edhe me shume, kur ka pasur verejtje te kesaj natyre. Une jam i sigurte qe edhe qeveria, e cila ka reflektuar gjithmone, do te kete nje angazhim gjithnje e me te madh, qe po e shfaq per thellimin e reformave ne vend, ne menyre qe te permbushim ato standarte dhe ato nivele qe kerkon BE-ja".

JEMIN GJANA, Deputet i PD:

"Problemi i reformave, i trafiqeve dhe i nje sere problemesh te tjera, jane kushtezime te komunitetit nderkombetar per procesin tone te integrimit. Keto shqetesime, tashme nuk jane vetem te opozites ne vend, te shoqerise shqiptare, por jane shqetesime qe vijne prej komunitetit nderkombetar. Normalisht, pergjegjesi kryesor eshte Kryeministri Shqiptar, ai qe e konsideron veten kryetar i shumices, i progresisteve, por qe mbetet te konsiderohet kryetar i regresisteve, per sa kohe qe Shqiperia nuk ben asnje hap perpara drejt procesit te integrimit".

Korrieri

[Albo]

Ambasadori i BE paralajmëron qeverinë shqiptare

Salzman: Qeveria s'ka vullnet për reforma

Sipas një raporti të TV Alsat, ambasadori Salzman ka deklaruar se sipas Brukselit qeveria ende nuk e ka vullnetin e duhur politik për të luftuar korrupsionin dhe krimin e organizuar në nivele të larta

Ambasadori i BE në Shqipëri paralajmëroi qeverinë shqiptare se nuk do të përfundojë Marrëveshja e Stabilizim Asocimit, pa përfundimin e reformave. Ambasadori Salzman e bëri deklaratën dje gjatë një takimi të organizuar nga një organizatë joqeveritare ku diskutohej mbi sfidat e integrimit të Shqipërisë në Evropë një vit pas çeljes së bisedimve për nënshkrimin e Marrëveshjes.

Sipas raportit të TV Alsat ambasadori Salzman ka deklaruar se sipas Brukselit qeveria ende nuk e ka vullnetin e duhur politik për të luftuar korrupsionin dhe krimin e organizuar në nivele të larta.

Deklarata e ambasadorit pason një valë kritikash nga Perëndimi për qeverinë shqiptare. Zoti Nano u kritikua në Bruksel në mes të muajit janar, për ngadalësim të reformave dhe hapa prapa në reformat ligjore, luftën kundër kurrupsionit dhe krimit të organizuar. Ndërkohë Grupi Ndërkombëtar i Krizave paralajmëroi qeverinë shqiptare për hapa mbrapa. Qeveria ka anashkaluar kritikat duke i quajtur ato jo reale dhe ka shmangur një përgjigje të qartë për to.

[S`ka Lezet]

Ore nqs kane qejf me jetu ne self denial s`ka problem se ne gjyq ketyre u bien pendet me shpejt sesa lepuri qe vrapon...Le te kopjojne serbet se mire e kane....por pavelicet e pinochetet nuk do rrijne pa u zbuluar e pa u kerkuar llogari ....

[Albo]

Ambasadori amerikan kërkon sigurimin e kushteve për investitorët vendas dhe të huaj

Xhefri: Nevojiten ndryshime nga maja deri në fund

“Reformat dhe ndryshimi i mentalitetit nevojiten që vendimet të mos meren nga një pakicë në përfitim të një pakice”

Nevila Përndoj

TIRANE - Gjatë ceremonisë së zhvilluar dje nga USAID për personat, që janë trajnuar jashtë vendit, ambasadori amerikan Xhejms Xhefri deklaroi se në Shqipëri do të ketë investime të huaja atëherë kur ligjet dhe rregullat do të zbatohen në mënyrë të barabartë për të gjithë. “Investime që do të krijojnë vende pune, do të rrjedhin si nga burime të brendshme ashtu edhe të huaja, atëherë kur investitorët të kenë besim që ligjet dhe rregullat do të zbatohen për të gjithë njëlloj dhe në mënyrë të barabartë dhe kur infrastruktura bazë përfshirë energjinë, të jenë të siguruara. Vullneti politik dhe reformat konkrete nevojiten për të siguruar ato kushte ku sundon ligji dhe jo miqësitë apo paratë”, -tha Xhefri. Një vëmendje të veçantë ambasadori amerikan i ka kushtuar edhe të rinjve që studiojnë jashtë vendit.
“Të rinjtë shqiptarë që kanë fituar një eksperiencë shumë të vlefshme jashtë vendit do të kthehen në atdheun e tyre kur të jenë të bindur që këtu ekzistojnë kushte për të punuar dhe për t’u ndjerë të sigurtë, të kenë përkujdesje dhe arsimim të duhur, dhe të luajnë një rol në zhvillimin e vendit të tyre. Reformat dhe një ndryshim i mentalitetit nevojiten në mënyrë që vendimet të mos meren nga një pakice në përfitim të një pakice në mungesë të transparencës dhe dialogut të sinqertë me të tjerët. Këto ndryshime duhet të ndodhin në çdo nivel të shoqërisë shqiptare, nga maja deri në fund”, -tha ai.
Ambasadori amerikan u shpreh i kënaqur për trajnimet e realizuara jashtë shtetit, të sponsorizuara nga qeveria amerikane përmes USAID-it, të organizuara nga “World Learning”. “Projektet e trajnimit janë një element shumë i rëndësishëm në ndihmën që qeveria e Shteteve të Bashkuara jep për Shqipërinë për shkak se trajnimi praktik dhe i mirorganizuar zgjeron horizontet jo vetëm të individëve por edhe për organizata, komunitete, dhe në fund për tërë vendin. Ne e ndërlidhim çdo program trajnimi me programe të tjera të ndihmës teknike dhe të zhvillimit për të siguruar që ata të plotësojnë njëri- tjetrin për të zhvilluar reformat ekonomike, ligjore, të brendshme dhe sociale të domosdoshme për futjen e Shqipërisë në Evropën e integruar. Qeveria e Shteteve të Bashkuara dëshiron të shohë Shqipërinë si një vend të begatë”, -tha Xhefri. Ai shtoi se qeveria e Shteteve të Bashkuara që nga viti 1993 ka ofruar trajnime për shqiptarët në shumë fusha. Përgjatë 11 vjetëve të fundit në bazë të projekteve të USAID-it në Shqipëri për trajnimin pjesëmarrës, që zbatohen përmes “World Learning”, janë trajnuar mbi 3800 individë, të cilët vinin si nga sektori privat dhe shoqëria civile ashtu edhe nga sektori publik.