KKSHA: Akuzat tona per qeverine shqiptare

[Brari]

tema

-----------

Martin Vulaj, drejtor ekzekutiv i Këshillit Kombëtar Shqiptaro-Amerikan tha se përkrahte protestat e opozitës

Vulaj: Nano manipuloi deklaratën e takimit tonë

Drejtori ekzekutiv i Këshillit Kombëtar Shqiptaro-Amerikan, Martin Vulaj, tha në një prononcim për shtyp se kryeministria kishte shrembëruar deklaratën, e cila i referohej takimit që Vulaj kishte patur me Nanon. Gjatë këtij takimi ishte i pranishëm dhe ambasadori amerikan në vendin tonë, Xhejms Xhefri. Vulaj tha se në takim ishte biseduar për shumë gjëra, ndërsa në deklaratën që kishte nxjerrë Këshilli i Ministrave, ai kishte parë që të shfaqeshin vetëm disa citime të cunguara. Këto deklarime, Vulaj i bëri gjatë një prononcimi për shtyp, pak momente para largimit nga vendi ynë, në të cilin ai erdhi për një vizitë për të parë më nga afër situatën politike. Ne diskutuam gjatë këtij takimi për shumë gjëra, diskutuam për aferën e Albtelekomit, për korrupsionin, për komisionet hetimore, sistemin gjyqësor, etj., etj., dhe këto nuk janë thënë në deklaratë. Në këtë mënyrë, deklarata nuk ka përmbledhje në total të bisedës," tha Vulaj. Në deklaratën që publikonte Këshilli i Ministrave deklarohej se Vulaj ishte shprehur mjaft i impresionuar për arritjet e qeverisë shqiptare. Gjithashtu në deklaratë thuhej se Vulaj kishte lavdëruar punën e qeverisë në kuadër të luftës kundër trafikut. Drejtori i këtij këshilli tha se falenderonte të gjithë ata qytetarë që morën pjesë në protestën e fundit që organizoi opozita në vendin tonë. Sipas tij kjo tregon se populli shqiptar e ka aftësinë për të ndihmuar në integrimin e Shqipërisë. "Falenderoj pjesëmarrësit që morën pjesë demonstarata e fundit, ku me sjelljen e tyre treguan se populli shqiptar ka aftësinë të ndihmojnë me sjellje demokratike integrimin e vendit në Bashkimin Europian," tha ai. Vulaj tha se tashmë dihet se populli është i pakënaqur dhe se duhet të ndërmerren hapa konkretë ndaj kësaj pakënaqësie. Ai tha se për të arritur këto duhet që vullneti i popullit të jetë i qartë dhe i pastër. "Tashmë është theksuar pakënaqësia e popullit, ajo është e njëtrajtshme. Duhet të ndërmerren hapa të prekshëm për të ndikuar me përgjegjësi ndaj kësaj pakënaqësie të popullit. Këto strategji duhet të jenë afatgjata ose dhe afatshkurtra. P.sh., është e nevojshme që të sqarohet problemi me listat e votuesve. Vullneti i popullit duhet të jetë i qartë dhe i pastër," theksoi Vulaj. Drejtori ekzekutiv i këtij këshilli tha se vështirësitë vijnë pasi nuk ka përgjegjësi në sistemin qeverisës. "Shqiptarët janë një popull europian, por vështirësitë janë pasi nuk ka përgjegjësi në sistemin qeverisës. Reformat e duhura duhet të avancohen, pasi fatkeqësitë i paguan populli shqiptar. Kur qeveria nuk trajton pakënaqësitë e vendit, ky është një kërcënim për vendin dhe dështim i idealeve demokratike," tha Vulaj. Ai ndodhet prej disa ditësh në vendin tonë. Takimin e parë e ka patur me kreun e ekzekutivit. Një ditë më parë ai është takuar me kryetarin e Partisë Demokratike.


--------------------------------------------------------------------------------

Deklarata e kryeministrisë për takimin mes Nanos dhe Vulajt

Kryeministri i njohu përfaqësuesit e Këshillit Shqiptaro- Amerikan me zhvillimet më të fundit në vend, proçeset integruese rajonale dhe ato euroatlantike, me takimet e vazhdueshme me homologët e tij në rajon etj.. Nga ana e tij, z.Vulaj u shpreh se i njohim vështirësitë tuaja si një shoqëri në tranzicion, siç njohim edhe arritjet e realizimet në fusha të ndryshme. "Në vlerësimet tona jemi të zhveshur nacionalisht dhe emocionalisht dhe mbështetemi në gjykime realiste", tha z. Vulaj duke shtuar se jemi të impresionuar nga arritjet dhe mbetemi të angazhuar si gjithmonë për të ndihmuar Shqipërinë. "Hapat e ndërmarra prej jush dhe qeverisë që ju drejtoni i shohim pozitivisht dhe synimi ynë është që të jemi sa më aktivë dhe proaktivë, për të intensifikuar marrëdhëniet tona, si dhe për të ndarë bashkarisht informacione në mënyrë që të jemi më të aftë për të asistuar njëri-tjetrin", u shpreh Z.Vulaj. Më tej, ai ka vlerësuar hapat e hedhura në fushën e legjislacionit, të cilat, sipas tij, duhet të prodhojnë rezultate konkrete. "Lufta e ndërmarrë nga Qeveria shqiptare kundër trafiqeve është impresionuese dhe mendojmë se trafikantët duhet të dënohen nga drejtësia", u shpreh z. Vulaj.


---------------------------------











Koment..

Vulaj derdellit se Nano ja ka ndrruar deklaraten..
Pse cka priti Vulaj ?

Pse nuk e dinte Vulaj se Nano Thanasi ta ndrron llafin?

Pse erdhi Vulaj pikerisht para 21 Shkurtit ne Tirane per te takuar Nanon??

Sigurisht per tu bere nje vegel e Nanos..
Pra cka qe dhelperon Vulaj i Broz Zefit ?

Ja ndrroj nuk ja ndrroj llafet Nanua tashme dihet se Komitete Shqiptaro Amerikane ku kullot Zef Brozi e spiun te tjere jane vegla te PS-se..

Qashtu bre Martin Vula i Tuzit..

Vazhdoni si dikur baballaret tuaj shqiptaro-amerikan ti sherbeni Sigurimit te PPSH-se..

Jan te ambla florinjt qe Dulla ju a dergonte juve aty ne Amerike.. po ato dilnin nga gjaku i te burgosurve te Spac Bulqizes..

qenefa .. te amerikes..

[Albo]

KKSHA-ja shpjegon detajet e takimit me kryeministrin shqiptar

Këshilli Shqiptaro-Amerikan: Ja akuzat tona ndaj qeverisë

Problemi akut i korrupsionit, llogaria sfiduese e Mileniumit, ngecja e negociatave të Stabilizimit dhe Asociimit me Bashkimin Europian (BE), Albtelekomi dhe sistemi jofunksional i drejtësisë, ishin ndër temat që u diskutuan me kryeministrin gjatë vizitës së fundit të Këshillit Kombëtar Shqiptaro Amerikan (KKSHA) në Shqipëri. Fatkeqësisht, në vend që të lëshohej një deklaratë që reflektonte këtë realitet, Departamenti i Informacionit nëpërmjet të cilit kryeministri komunikon me publikun nxori në 25 Shkurt 2004 një deklaratë ku efektivisht KKSHA-ja paraqitej si mbështetëse e qeverisë. Kjo deklaratë ishte një përpjekje e qartë për të manipuluar opinionin publik dhe sigurisht nuk reflekton qëndrimin e KKSHA-së. Qeveria do t'i shërbente shumë më mirë shqiptarëve nëse do të zgjidhte shqetësimet e tyre mbi krimin, korrupsionin dhe çështjet që ndikojnë drejtpërsëdrejti në jetën e popullit se sa duke harxhuar energji duke bërë përpjekje për të ndikuar opinionin publik me anën deformimeve marifetçore të informacionit të dalë nga takime si ai i yni. Në mënyrë të ngjashme, ndërkohë që ne mbështesim plotësisht një proces elektoral transparent, mbështesim hetimet për veprimet abuzive e korruptive të qeveritarëve si dhe zbatimin e mekanizmave që rrisin transparencën qeveritare dhe ndërkohë që të gjitha këto kërkesa mund të jenë në platformën e opozitës, kjo nuk do të thotë se ne e mbështesim opozitën në ambicjet e saj politike. KKSHA-ja është një organizatë e pavarur dhe jopartiake. Si e tillë, ne as i përkrahim dhe as i kundërvihemi partive politike, zyrtarëve, apo kandidatëve qofshin ata në qeveri, ose në opozitë. KKSHA-ja beson se një gjë e tillë duhet t'i lihet eksluzivisht popullit shqiptar dhe jo organizatave dhe entiteteve të huaja.

Në mënyrë që kjo të ndodhë, mekanizmat që masin shprehjen e vullnetit e popullit duhet të përmirësohen. Është e pafalshme që 12 vjet pas ardhjes së demokracisë përsëri vazhdojnë të ekzistojnë pyetje serioze në lidhje me transparencën dhe drejtësinë e zgjedhjeve të Shqipërisë. Zgjedhjet e fundit lokale ku qeveria sëbashku me opozitën u kritikuan nga vëzhguesit e huaj për manipulimin e listave të zgjedhësve janë treguese të këtij fenomeni. Qeveria dhe opozita duhet të marrin masa sa më parë për të siguruar që zgjedhjet e ardhshme të jenë tërësisht të lira dhe të drejta. Kjo do të thotë që duhet të zgjidhen mosmarrëveshjet që ekzistojnë në lidhje me Komisionin Qendror të Zgjedhjeve. Gjithashtu, ata duhet të adresojnë menjëherë çështjet që kanë të bëjnë me ligjin e zgjedhjeve duke përfshirë, dhe në mënyrë të veçantë, vështirësitë në lidhje me listat e votuesve. Vetëm duke marrë këto masa populli mund të sigurohet që zëri i tij do të dëgjohet qartë, një kusht i domosdoeshem për integrimin europian.

Nevojitet edhe krijimi i një sistemi gjyqësor funksional i cili nuk është pre e korrupsionit dhe ndikimeve politike. Një hap i vendosur në këtë drejtim do të ishte identifikimi dhe ndjekja penale e gjyqtarëve të korruptuar. Në këtë menyrë, ata pak kriminelë që përballohen me drejtësinë dhe zyrtarët shqiptarë që dyshohen për shkelje ligji nuk do të kenë mundësi t'i shpëtojnë ndërshkimit të drejtësisë. Për më tepër, kjo do të sjellë si pasojë rritjen e besimit te investitorët e huaj, e cila do të ndikojë në shtimin e investimeve dhe rritjen ekonomike të Shqipërisë.

Çështja e Albtelekomit ofron një mundësi të veçantë për Shqipërinë. Ndërsa ne mirëpresim krijimin e një Komisioni Hetimor Parlamentar i cili do të hetojë marrëveshjen ndërmjet Albtelekomit dhe AMC-së dhe Vodafonit, realiteti është se në të kaluarën këto komisione janë shndërruar në grindje partiake që kanë zhvleftësuar krejt proçesin. KKSHA-ja beson fuqimisht se duhet krijuar një proçes sa më transparent. Kjo transparencë mund të arrihet vetëm duke i shtuar një element të pavarur Komisionit, i cili konsiston në përfshirjen e ekspertëve në fushën e telekomunikaconit, ligjit dhe kontrollit. Ky element nuk duhet të ketë autoritet vendimarrës, por duhet të ketë të drejtën për të patur informacion të plotë dhe për të pyetur dëshmitarët e përfshirë në këtë çështje.

Krijimi i një procesi transparent do të jetë i dobishëm për demokracinë e brishtë të Shqipërisë, do të fuqizojë rolin e Parlamentit të Shqipërisë dhe do të shtojë besimin e zgjedhësve te përfaqësuesit e tyre. KKSHA-ja është ofruar që të ndihmojë me gjetjen e këtyre ekspertëve. Opozita e ka mirëpritur ofertën tonë, ndërkohë që ne ende presim përgjigjen e qeverisë së Shqipërisë.

Qeveria duhet të përpiqet të fitojë mbështetjen e popullit shqiptar me veprime të tilla konkrete dhe jo me deklarata të panevojshme boshe që deformojnë të vërtetën dhe ulin besimin e popullit shqiptar në aftësinë e Shqipërisë për të ndërtuar një demokraci të vërtetë.

[Fringo]

Keshilli Shqiptaro-Amerikan, nuk flet per te gjithe Shqiptaret e Amerikes.
Personalisht, as i kam dhene te drejte, as nuk dua te flase njeri per mua.
I vene lloj lloj emrash me Shqiptar ca organizatave, dhe duan te monopolizojne zerin e Shqiptareve ne diaspore.

[Albo]

Fringo, nga te lindi ideja se KSHA flet ne emer te gjithe shqiptareve te Amerikes, apo duhet te shkruash patjeter budalleqe kur nuk te pelqen ajo qe lexon?

Problemi akut i korrupsionit, llogaria sfiduese e Mileniumit, ngecja e negociatave të Stabilizimit dhe Asociimit me Bashkimin Europian (BE), Albtelekomi dhe sistemi jofunksional i drejtësisë, ishin ndër temat që u diskutuan me kryeministrin gjatë vizitës së fundit të Këshillit Kombëtar Shqiptaro Amerikan (KKSHA) në Shqipëri. Fatkeqësisht, në vend që të lëshohej një deklaratë që reflektonte këtë realitet, Departamenti i Informacionit nëpërmjet të cilit kryeministri komunikon me publikun nxori në 25 Shkurt 2004 një deklaratë ku efektivisht KKSHA-ja paraqitej si mbështetëse e qeverisë. Kjo deklaratë ishte një përpjekje e qartë për të manipuluar opinionin publik dhe sigurisht nuk reflekton qëndrimin e KKSHA-së.