Haiti: Aristid largohet, hyjne trupat paqeruajtese

[Albo]

HAITI: Opozita nuk heq dorë nga kërkesa për dorëheqjen e presidentit

24 shkurt 2004 5:20 UTC


Udhëheqësit e opozitës në Haiti thonë se megjithëse kanë shtyrë marrjen e vendimit nëse të paranojnë apo jo një plan për ndarjen e pushtetit, ata nuk do të heqin dorë nga kërkesa që Presidenti Zhan-Bertrand Aristide të japë dorëheqjen.
Ata thanë në kryeqytetin Porto-Prenc se ranë dakord ta shtynin deri të martën marrjen e vendimit lidhur me planin e paqes të mbështetur nga komuniteti ndërkombëtar, me kërkesën e sekkretarit amerikan të shtetit, Kolin Pauëll.

Udhëheqësit e opozitës ngulin këmbë që Presidenti Aristide të japë dorëheqjen para përfundimit të mandatit të tij të tanishëm në shkurt të vitit 2006. Shtetet e Bashkuara dhe aleatët e tyre që hartuan planin e paqes kanë thënë se nuk do ta bëjnë largimin e zotit Aristide nga pushteti pjesë të marrëveshjes së paqes.

Ndërkohë, 50 anëtarë të një njësie antiterroriste të korpusit amerikan të marincave arritën të hënën në Porto-prenc. Ata u dërguan me kërkesën e ambasadotrit amerikan në Haiti për të mbrojtur ambasadën nga çdo sulm i mundshëm prej kryengritësve kundër kryqytetit haitian.

Pasi morën të dielen qytetin e dytë të vendit për nga madhësia, forcat kryengritëse kontrollojnë tani pjesëm më të madhe të zonave veriore të vendit. Ata kanë thënë se do ta marrin kryeqytetin me forcë në qoftë se zoti Aristide nuk jep dorëheqjen.

[Albo]

Trupat amerikane vlerësojnë gjendjen në kryeqytetin haitian
2 mars 2004 (18:55 UTC)

Në Haiti, marinsat amerikanë kanë filluar të vlerësojnë dëmet e shkaktuara në portin e plaçkitur të kryeqytetit, ndërkohë që zyrtarët po përpiqen për një zgjidhje politike tani që Presidenti Jean Bertrand Aristide nuk është më në pushtet.
Trupat amerikane thonë se nuk kanë hyrë në kontakt me kryengritësit haitianë në kryeqytetin Port' o Prince ose me policinë haitiane atje. Trupat amerikane dhe franceze filluan të zenë pozicione në kryeqytet dje.

Ndërkohë Shtetet e Bashkuara përsëritën se ato nuk kishin ushtruar trysni që zoti Aristide të largohej nga pushteti por ai kishte dhënë dorëheqjen dhe ishte larguar për në Afrikë me dëshirën e tij.

Opozita politike e Haitit, presidenti i përkohshëm dhe diplomatët ndërkombëtarë po përpiqen për të krijuar një këshill qeverisës, i cili do të emëronte një qeveri deri në zhvillimin e zgjedhjeve.// lk //

[Jonian]

Presidenti e di qe quhet Jean-Bertrand Aristide, po Estrada kush eshte?