Bankat shqiptare

[dodoni]

BANKA E RE - DY TROKITJE TE FUQISHME NE TIRANE DHE KAVAJE

Teuta Shamku

"Banka Popullore" eshte banka me e re ne tregun bankar me kapital 100 per qind shqiptar. Keshilli Mbikeqyres i Bankes se Shqiperise ne mbledhjen e saj te radhes miratoi dje vendimin "Per pajisjen me license per te ushtruar veprimtari bankare "Bankes Popullore", sh.a. Menjehere sapo ka marre licensen Banka Popullore eshte e gatshme te cele dy dege te saj, nje ne Tirane dhe tjetren ne Kavaje. "Keshilli Mbikeqyres, mbeshtetur ne konkluzionet e Departamentit te Mbikeqyrjes, pasi plotesohen te gjitha kushtet qe kerkon ligji nr. 8365, date 02.07.1998 "Per bankat ne Republiken e Shqiperise", mori vendimin te pajise me license per te ushtruar veprimtari bankare ne Republiken e Shqiperise, "Banken Popullore" sh.a," - thuhet ne njoftimin zyrtar te Bankes se Shqiperise. Ky subjekt ka marre miratimin paraprak te licenses per te kryer aktivitet bankar me vendimin e Keshillit Mbikeqyres te Bankes se Shqiperise nr. 71, date 27. 08. 2003. Gjate kesaj periudhe banka ne formim ka kryer procedurat juridike te regjistrimit te shoqerise, ka derdhur kapitalin fillestar, ka emeruar administratoret e saj si dhe ka pergatitur kushtet teknike per zhvillimin e aktivitetit bankar. Kjo license i shton nje banke te re sistemit bankar shqiptar duke e cuar ne 16 numrin e bankave operuese ne Shqiperi. Biznesmenet shqiptare tashme kane nje banke me kapital krejtesisht shqiptar. Iniciativa e biznesmeneve per te patur banken e tyre, nisi rreth nje vit e gjysme me pare. Mbeshtetur ne dokumentacionin e paraqitur, Banka Popullore Sh.a. ka aksionere themelues: Ardian Avdalli, Arti Elezaj, Arben Mecaj, Artur Pojani, Alban Xhaferi, Dritan Celaj, Guxim Resuli, Ibrahim Aksoy, Koco Kokedhima, Lefter Sota, Llazar Angjeli, Shyqyri Duraku, Shpetim Prodani, Vasil Naci, Xhevat Rira, Zenel Tafaj, AL DUR INVEST sh.p.k., ARTI sh.a, BNT Elektronics sh.p.k, Lani sh.p.k, Reald sh.p.k, Tirana International Development sh.p.k.

Drejtuesit kryesore do te jene Edvin Libohova, Drejtor i pergjithshem dhe Bledar Elezi, Zv.Drejtor i pergjithshem dhe drejtor operacional. Selia e Bankes Popullore sh.a. eshte ne Tirane, ne adresen rruga "Donika Kastrioti" ("Abdyl Frasheri"), Pall. 11/1, Kati i pare.

Veprimtarite e lejueshme per kete banke

a) te pranoje dhe te grumbulloje depozita bankare;

b) te jape kredi;

c) te marre hua mjete financiare dhe te bleje ose te shese per llogari te saj apo per llogari te klienteve:

i) instrumente te tregut te parave;

ii) letrat me vlere te borxhit;

iii) kontrata te se ardhmes (futures) dhe kontrata me kusht (option), qe lidhen me letrat me vlere te borxhit ose me normat e interesit; ose

iv) instrumentet e normes se interesit;

c) te ofroje sherbimin e pagesave dhe te arketimeve;

d) te emetoje, t- pranoje dhe te administroje mjete te pagesave;

dh) te ndermjetesoje per transaksionet monetare (duke perfshire valutat);

e) te ushtroje qirane financiare;

e) te ofroje sherbimin e kasave te sigurimit;

f) te ofroje garanci bankare dhe garanci te tjera;

g) te sherbeje si agjente ose keshilltare financiare (ketu nuk perfshihen sherbimet e parashikuara ne piken 3/a dhe 3/b te ketij neni).

[ganoid]

Banka Popullore pranohet në skemën e sigurimit të depozitave

Aktiviteti i Bankës Popullore do të fillojë me një kapital fillestar prej 805 milionë lekësh dhe me 22 aksionerë të mëdhenj në bordin drejtues


Banka Popullore është bërë anëtare e Agjencisë së Sigurimit të Depozitave. Kjo është banka më e re që i është shtuar sistemit bankar javën e kaluar dhe e 15-ta që përfshihet në skemën e sigurimit të depozitave.
Objektivat kryesore të veprimtarisë së bankës do të jenë përfshirja dhe kryerja e të gjitha veprimtarive bankare, si dhe aplikimi i formave të ndryshme të kreditimit për bizneset e për qytetarët, mbledhja e depozitave në çdo lloj monedhe, transfertat tregtare etj. Në këtë mënyrë banka synon të plotësojë nevojat financiare të klientëve të saj, duke ndikuar në zhvillimin dhe rritjen e ekonomisë, si dhe të sigurojë rendiment pozitiv si për kapitalin, ashtu edhe për aktivet e saj.
Kur e filloi aktivitetin Banka Popullore?
Aktiviteti i kësaj banke do të fillojë me një kapital fillestar prej 805 milionë lekë, me 22 aksionerë në bordin drejtues. Aksionerët e kësaj banke janë disa nga drejtuesit e bizneseve më të mëdha që operojnë në Shqipëri këto dhjetë vitet e fundit. Sipas drejtorit të përgjithshëm të kësaj banke, Edvin Libohovës, objektivi do të jetë ushtrimi i një presioni mbi tregun bankar, duke synuar uljen e tarifave të shërbimit në bankat e nivelit të dytë që operojnë në Shqipëri. Gjithashtu, “vëmendja” e saj do të jetë e drejtuar nga biznesi shqiptar, por duke mos lënë mënjanë dhe individët.
Kjo licensë i shton një bankë të re sistemit bankar shqiptar, duke e çuar në 16 numrin e bankave operuese në Shqipëri.
Shërbimet
Dhënia e licensës përfundimtare nga ana e Bankës së Shqipërisë i jep të drejtën Bankës Popullore të ushtrojë të gjitha shërbimet që mund të ofrojë një bankë e nivelit të dytë. Megjithatë, sipas Libohovës, duke qenë se kjo bankë është në fillimet e saj, biznesit shqiptar dhe individëve do t’u ofrohen vetëm disa prej këtyre shërbimeve: depozita, pagesa çeqesh, letër garanci, transferta etj.
Fillimisht kjo bankë do të operojë në Tiranë, ku ka dhe selinë qendrore dhe me një degë në Kavajë. Në planet e saj për të ardhmen e afërt parashikohet zgjerimi me 2 ose tre degë të reja, të cilat mendohet të hapen në qytetet më kryesore të vendit.
Ky subjekt ka marrë miratimin paraprak të licensës për të kryer aktivitet bankar me vendimin e Këshillit Mbikëqyrës të Bankës së Shqipërisë nr. 71, datë 27. 08. 2003. Gjatë kësaj periudhe banka në formim ka kryer procedurat juridike të regjistrimit të shoqërisë, ka derdhur kapitalin fillestar, ka emëruar administratorët e saj, si dhe ka përgatitur kushtet teknike për zhvillimin e aktivitetit bankar.
Drejtor i përgjithshëm i Bankës Popullore do të jetë Edvin Libohova dhe zv.drejtor i përgjithshëm e drejtor operacional Bledar Elezi.

[ganoid]

Bankat



Shqiptarët do të kryejnë edhe pagesat në shuma të vogla pranë bankave tregtare. Kështu ka deklaruar guvernatori i Bankës së Shqipërisë, Shkëlqim Cani, gjatë një takimi që ka zhvilluar me Misionin e Asistencës Teknike të Fondit Monetar Ndërkombëtar të kryesuar nga Karl Driessen. “Projekti i sistemit të pagesave në vlerë të madhe, do të ndiqet nga një tjetër projekt për pagesat në vlerë të vogël dhe i gjithë ky evolucion në sistemin bankar, do të gërshetohet me fushatën e Bankës së Shqipërisë për zëvendësimin e veprimeve në “cash” me transferta bankare”, -është shprehur guvernatori i Bankës së Shqipërisë. Sipas Canit, Banka e Shqipërisë sapo ka përfunduar projektin e sistemit ndërbankar të pagesave me vlerë të madhe, të financuar nga Banka Botërore dhe që është vënë në punë pak ditë më parë. “Synimi është zgjerimi cilësor i kapaciteteve operacionale për një shkëmbim efiçent dhe të sigurtë të vlerave monetare dhe ky është një ndër hapat kryesore të Bankës së Shqipërisë në thellimin e reformave financiare në Shqipëri, në forcimin e stabilitetit dhe rritjen e efiçencës së sektorit financiar dhe atij bankar në veçanti”,-tha Cani. Ai pohon se sistemi bankar, tashmë i privatizuar dhe me prezencën e “Raiffeisen Bank”, duket se është i gatshëm të mbështesë nismën e Bankës së Shqipërisë për kanalizimin e parasë në sistemin bankar, jo vetëm me rritjen e numrit të degëve dhe produkteve bankare për klientët, por edhe me uljen e kostos së shërbimeve bankare.

[Fiori]

Malaj: Kete muaj "Raiffeisen" merr Banken e Kursimeve-B.HOXHA

Ministri i Financave, Arben Malaj tha se, jane liruar te gjitha pengesat dhe duke filluar qe kete muaj banka austriake "Raiffeisen" pritet te marre marre administrimin ne Banken e Kursimeve. Gjithashtu BERZH dhe IFC do te behen zoterues te 39 % te aksioneve te INSIG. Per dy muaj buxheti suplementar per perdorimin e te ardhurave nga privatizimi do te paraqitet ne kuvend

Banka e Kursimeve dhe INSIG do te kalojne per administrim ndaj pronareve te rinj brenda ketij muaji. Ministri i Financave, Arben Malaj tha se nuk ka asnje prapambetje ne ne hapat konkrete per perfundimin e procesit te privatizimit te Bankes se Kursimeve. "Diten e djeshme, me cilesine e Ministrit te Financave, i jam drejtuar Bankes se Shqiperise per te kryer veprimet perfundimtare, te domosdoshme qe do te realizojne kalimin e plote te Bankes se Kursimeve ne duart e bleresve te rinj" u shpreh Malaj. Ai tha se gjate muajit mars do te jene kryer veprimet perfundimtare te ketij procesi dhe Raiffeisen Zentral Bank te jete present ne tregun e sistemit bankar shqiptar. Gazeta "Korrieri" para disa ditesh ka publikuar disa shkaqe qe kane penguar kalimin e administrimit te Bankes se Kursimeve tek pronari i ri. Nje nder keto dhe me kryesorja eshte marrja e nje leje nga Autoriteti i Konkurences se Lire, me qellim qe t'i lejoje bankes austriake te ushtroje aktivitet ne pozitat monopol. Nderkohe qe "Raiffeisen" i duhet edhe nje leje nga Banka e Shqiperise, te cilen burimet zyrtare te ketij institucioni e kane cilesuar thjesht formale dhe qe nuk do te pengoje ne asnje rast prezencen e bankes austriake ne sistemin bankar shqiptar. Nderkohe qe burimet zyrtare te "Raiffeisen" ne Viene i kane pohuar "Korrieri"-it se ata jane gati te marrin admnistrimin ne Banken e Kursimeve, por ende nuk eshte permbushur teresisht nga ana e qeverise faza e pare e kontrates per transferimin e aksioneve.

Nderkohe qe Ministria e Financave eshte duke ndermarre hartimin e nje buxheti suplementar ne te cilin po pragramohet perdorimi i rreth 140 milione dollareve qe pritet te arketohen ne buxhet nga shitja e INSIG dhe Bankes se Kursimeve. Ministri Malaj tha, se ekspertet e qeverise jane duke patur parasysh kanalizimin e tyre sipas prioriteteve te qeverise, kryesisht ne sektoret e arsimit, te shendetesise, infrastruktures etj. Ndersa nje pjese e tyre do te perdoret per shlyerjen e borxhit ne vitet ne vazhdim. Ndryshimet ne buxhetin e vitit 2004 do te miratohen ne buxhet rreth dy muaj pasi grupi i eksperteve do te perfunduar studimin teknik. Nderkohe qe mundesia per kompensimin e ish-te perndjekurve politike dhe ish-pronareve mbetet krejteisht e vogel. Ministri i Financave tha se, deri ne fazen e kompensimit financiar duhet te shqyrtohen disa modalitete te tjera per kompensimin e ketyre shtresave dhe per kete qellim duhet studiuar e gjithe baza ligjore.