Inside trader- aksionet e dites

[R2T]

Mendova te hap nje teme per te treguar aksionet me te forta dhe me te dobta te dites, cilat sygjerohen te blihen apo shiten dhe "performance" e tyre ne pergjithesi.

Sqarim: Udhezimet e me poshtme jane vetem sygjerime. Sic dihet tregu i aksioneve eshte i paparashikueshem, per kete arsye autori i temes nuk mban pergjegjesi mbi luhatjet e te ardhurave te investuara ne aksionet e sygjeruara.

Tani qe hoqem qafe detyrimet ligjore fillojme me aksionet qe sygjerohet te blihen sot. E Marte 2 mars 2004:

- (HMC) Honda, Acura. Aksionet e firmes se njohur te automobilave Honda u riten sot (30 cent ne $22.28) dhe pritet te riten ne ditet e ardheshme si pasoje e ritjes se shitjeve dhe te ardhurave/ per aksion ne 3-mujorin e pare te vitit. Shitjet e Hondes u ngriten me 7.1% me vitin e kaluar, me nje total prej 105,779 makinash.

- (BLS) BellSouth, (SBC) SBC Communications dhe (VZ) Verizon, presin ngritje te aksioneve. Si pasoje e nje vendimi te Gjykates se apelit ne Washington DC, anullohet vendimi i Federal Communications Commision qe u jepte te drejten kompanive te vogla te telefonave, per te perdorur linjat e Bellsouth per te ofruar cimime me te ulta ne tarifat e telefonave. Ky vendim pritet te risi aksionet e kompanive te siperpermendura dhe te uli aksionet e kompanive me te vogla si (FON) Sprint.

- (VXGN) Vaxgen perfundoi me sukses fazen e pare te testimit te vaksines rPA102 kunder antraksit. Kompania tregoi se vaksina tolerohej pa problem nga trupi dhe kunderpregjigja e imunitetit ishte shume efikase. Pritet qe aksionet e VXGN te riten ndjeshem, sidomos nese faza e dyte dhe e trete dalin me po kete sukses.

- (ROYL)Royale Energy. Aksionet e Royale Energy u riten ndjeshem sot,pothuajse 9 % ne $12.17 pasi kompania e San Diegos pati nje fitim prej $1.6 million, ose 31 cents per aksion, per tremujorin e fundit .

Disa nga aksionet qe paten ngritje sot:

SIMBOLI KOMPANIA CMIMI RRITJA DITORE TREMUJORI I FUNDIT

AMIC American Independence Cor 15.90 +0.41 Q4
ASVI Asv Inc 34.70 +0.95 Q4
BJ Bj`s Wholesale Club 25.14 +0.70 Q1
BNS Bank of Nova Scotia 50.76 +0.11 Q1
BRKR Bruker Bioscience Corp. 5.88 +0.13 Q4
COO Cooper Companies 48.87 +1.64 Q1
CRMT Americas Car Mart Inc. 27.69 +0.57 Q3
UNFI United Natural Foods Inc 48.60 +1.68 Q2
GMST Gemstar-tv Guide International 7.91 +0.41 Q4
GYMB Gymboree 16.02 +0.35 Q4
HSIC Henry Schein Inc 73.73 +1.09 Q4


Nese ka interesa per analizen e ndonje stoku te vecante, mund te postoni me poshte. Tregu per sot mbyllet ne oren 4 eastern standart time.

[R2T]

Rekomandimet e Sotme, 3 mars 2004:

Sygjerohen te blihen:

- (EFD) Efunds. Kjo kompani specializohet ne Menaxhim Reziku dhe Sherbime Elektronike Pagese. Kompania ka raportuar $10.1 mil. fitim ne tremujorin e fundit ose 21 cent per cdo aksion. Pritet nje rritje aksionesh prej 4-5% ne ditet e ardhshme.

- (GORX) Innovative Cos. pret nje ritje aksionesh prej 6% pasi kompania hodhi ne treg nje linje te re "carb-free candy products" ne dyqanet Kroger.

- (GBI) Genesis Bioventures pati nje rritje prej 33% pasi kompania ka mare aprovimin e Departamentit Amerikan te Agrikultures per nje sere produktesh qe eleminojne mbeturinat-kronike.

- (ISIS) Isis Pharmaceuticals pret nje rritje ne cmimin e aksioneve pasi kompania nenshkroi nje kontrate dyvjecare me Departamentin e mbrojtjes, me vlere $19.5 mil. Kompania prodhon nje biosensor, qe gjen mikrobet infektive ne nje lufte kimike

Disa nga aksionet e tjera qe presin/paten ngritje sot:

DDN Dynamex Inc 12.85 +0.35 Q2
DXPE Dxp Enterprises Inc 5.57 +0.28 Q4
EDP Electricidade De Portugal 28.90 +0.18 Q4
EFD Efunds Corporation 17.20 +0.39 Q4
GCO Genesco 22.45 +1.82 Q4
GLH Gallaher Group Plc 49.84 +0.69 Q4
LGND Ligand Pharmaceuticals 18.00 +1.81 Q4
LINK Interlink Electronics 8.98 +0.48 Q4
SGA Saga Communications 18.73 +0.71 Q4

Tregu mbyllet sot ne 4 Pm Eastern Standart Time.

[R2T]

Pulsi i tregut - 4 mars 2004.

Tregjet sot kane patur nje nga ditet me te mira te kesaj jave, tregjet jane rritur si vijon: - NASDAQ +14.02, S&P500 +2.30 dhe NYSE + 18.60.

Aksionet qe udhezohet te blihen sot:

- (ISKO) Isco. Ngritje cmimesh per kete kompani priten gjate mbasides, Isco u kthye perseri ne nje kompani fitimprurese gjate tremujorit te dyte te vitit fiskal. Isco, qe eshte prodhuese e produkteve qe monitorizojne pastertine e ujit, raportoi te ardhura prej 1.5 mil, ose 26 cent per aksion, ne te njejten periudhe vitin e kaluar kompania kishte nje humbje prej $10,000.

- Sipas statistikave te fundit nga ATA (American Travel Association), numri i udhetareve eshte rritur ndjeshem. Si pasoje e kesaj rritjeje pritet nje ngritje e cmimeve te aksioneve te kompanive ajrore. Nga me te ndjeshmet pritet te jene (JBLU) Jet Blue Airways qe ka patur nje rritje prej 48% ne numrin e pasagjereve dhe (ACAI) Atlantic Coast me nje ritje prej 37%.

- (GES) Aksionet e firmes se robave Guess u riten me me teper se 3% duke kapur cmimin $16.50 per aksion. Kompania raportoi nje ritje prej 14.8% rritje ne shitjet e dyqaneve te saj. Fitimi gjate muajit shkurt per kete firme ka qene 35 mil., 6 mil. me teper se fitimi i kesaj periudhe nje vit me pare.

- (PLMO) PalmOne pati nje rritje te jashtezakonshme sot ne $12.71/aksion pasi JP Morgan e rivleresoi, kompanine e prodhimit te kompjuterave te dores, nga "neutral" ne "ble". Duke theksuar se ka pasur kerkesa te medha per Treo 600 organizer dhe qe produkti ka pasur referenca shume te mira nga dyqanet qe e shesin kete produkt. PalmOne pritet te risi numrin e partnereve qe shesin produktet e saj nga 7 ne 11. Kompania ka filluar gjithashtu te reklamoje drejtpersedrejti tek Menaxheret e korporatave te industrise se kompjuterave, qe si rjedhoje do sjellin rritje fitimi dhe ngritje ne aksione.

Aksionet qe permiresuan pozicionin e tyre sot:

ACR American Retirement Corp 5.55 +0.70 Q4
AMI Alaris Medical 21.94 +0.59 Q4
CASY Caseys General Stores 16.80 +0.34 Q3
CAV Cavalier Homes Inc 4.82 +0.76 Q4
FIF Financial Federal 34.35 +0.31 Q1
FLE Fleetwood Enterprises Inc 14.05 +0.61 Q3
PBY Pep Boys 25.80 +1.82 Q4
TACT Transact Technologies Incorporated 29.80 +0.74 Q4
TCN Tele Norte Celular Participacoes S.a. 10.49 +0.45 Q4
TIVO Tivo 11.47 +0.45 Q4
TLCV Tlc Vision Corp 10.78 +0.26 Q4
VDM Van Der Moolen Holdings N 9.53 +0.48 Q4
VRX Valeant Pharmaceuticals International 24.12 +1.36 Q4
WGII Washington Group International 39.91 +0.21 Q4
WR Westar Energy 20.39 +1.00 Q4

[R2T]

Sygjerimet e sotme (5 mars 2004) jane si vijon:

- (MCD)McDonald's. Firma e restoranteve McDonald's raportoi nje ritje te ndjeshme te te ardhurave ne shitjet e Shkurtit. Aksionet e kompanise ne mesdite arritem cmimin $29.98 per aksion, dhe rritje e metejshme pritet gjate mbasdites.

- (AAPL) Apple. Kompania e kompjuterave Apple para 2 javesh ka hedhur ne treg iPod mini digital player. Produkti qe shitet per rreth $249 dhe mban rreth 1000 kenge, pati nje sukses te jashtezakonshem gjate 2-javeve te para. Rreth 100,000 te tille u hodhen ne treg nga kompania dhe pothuajse te gjithe jane shitur qe ditet e para. Cmimi i aksioneve te Apple ka kapur vleren 27,49/aksion dhe nese produkti vazhdon te pritet me kete sukses, rritje e ndjeshme pritet te vijoje ne javen e ardheshme.

- (TIVO)TiVo ka qene nja nga fituesit kryesore gjate mesdites me nje rritje prej $1.31 per aksion. Kompania raportoi nje fitim me te madh sec pritej ne tremujorin e katert te vitit.

-(ADO) Adecco, aksionet e kompanise Zviceriane te punesimit Adecco, kane patur ulje te ndjeshme gjate javes qe kaloje, si pasoje e nje analize qe gjeti gabime ne menyre e kontrollit dhe menachimit te financave ne deget e kesaj kompanie ne Amerike. Megjithate kompania raportoi sot se do te beje publike te premten fitimet e tremujorit te pare te 2004 dhe tremujorit te fundit te 2003. Kompania sqaroi se fitimet kane qene te "bollshme" dhe me te larta se ato te nje viti me pare. Gjithashtu theksoi se mungesa e kontrollit nuk ka ndikuar ne fitmet e kesaj firme.


Disa nga aksionet e tjera qe ishin me fitim sot:

ICPT Intercept Group 12.49 +0.10 Q4
INHO Independence Holding Company 34.00 +0.87 Q4
NUI Nui 16.99 +0.04 Q1
NWLIA National Western Life Insurance 154.00 +1.99 Q4
VTIV Ventiv Health 13.20 +1.99 Q4
WORK Workflow Management Inc 4.85 +0.01 Q3

Tregu i aksioneve mbyllet sot ne oren 4pm ET dhe hapet perseri te henen. Luhatejet e tregut gjate fundjaves ne "after-hours market" meren ne konsiderate me hapjen e tregjeve te henen ne mengjes.

[ganoid]

Tregu i aksioneve ne te gjithe boten, ku akoma jane te fresketa sulmet terrorriste te Madridit, mbreme perseri perjetuan nje shok te vertet.
Nje nga shkaqet kryesore ishte edhe goditja ndaj liderit shpirteror te grupit palestinez Hamas, plakut invalid, Ahmed Jasin. Bursat evropiane e mbyllen naten e mbremshme me nje trade nga me te uletit e ketij viti.
Ato i rrethonte nje frike, se ne Lindjen e Mesme mund te ndodhnin sulme te tjera, tha mbreme agjensia e lajmeve Reuters.

"Nuk ka dyshim qe ne tregetimin e aksioneve mbizotrojne ankthe gjeopolitike te lidhura me cilatdo situata , qofshin keto ne lidhje me Izraelin, Tajvanin, Irakun, apo Spanjen" komentoi mbreme per agjensine Reuters Hugh Jonson i firmes amerikane First Albany. Sipas tij neper bote mbizotron nje panik i cili i demoralizon investoret.

Nje nga INDEXET kryesore ai i burzes se letrave me vlere FTSE 100 te Londres mbreme ka humbur 1,9% dhe u mbyll ne nivelin 4333,8 pike. Perfundoi keshtu ne nivelin me te ulet qe nga 16 dhjetori i vitit te kaluar. Ky ndryshim ditor i shprehur ne leke do te thote se vlera e pergjithshme e tregut te ketij aksioni u ul 20miliarde liber sterlingu ( perafersisht 3 000 miliarde lek te rinj).

Tregun e aksioneve e ndikoi edhe situata e brendshme e Tajvanit, ku u pati nje perballje te forte ne perfundim te zgjedhjeve presidenciale te se dieles. INDEXi i burses se aksioneve per kete ra me 7 %.
"Ende nuk arritem te harrojme se shokun e shkaktuar nga sulmi ne Madrid, na u shfaq nje tjeter problem" citoi mbreme agjensia Reuters nje nga njerezit me te rendesishem te burzes ne Londer.

Situate jo e qete u shfaq edhe ne burzat New York, tri burzat kryesore te se cilit paten nje ulje te konsiderueshme (minimumi 1%). " Na shqeteson pasiguria e madhe qe ka rrethuar boten per nje atentat te mundshem ne cdo vend te botes" tha mbreme Bill Strazzullo, zvendepresidenti i companise State Street Global Markets.

Nderkohe qe situatat me te fundit nuk i ka ardhur per shtat me shume dollarit i cili ka pesuar nje renie kundrejt valutave te tjera te rendesishme dhe mbi te gjitha jenit Japonez. " Dollarin do ta ndihmonte kapja e ndonje koke te Al-Kajides nga ushtria pakistaneze" citoi agjensia Reuters Meg Browne perfaqsuese e bankes HSBC. Ne dobesimin e dollarit reagoi edhe shtrenjtesimi i dukshem i dollarit. Cmimi i tij u rrit ne nivelin te tille te cilin Evropa s'e ka pare qe nga janari i ketij viti.

[FIERI1]

Cfare keshille do te me jepnit per NORTEL eshte moment i duhur per te blere shares te NORTEL faktisht keto dy javet e fundit ka pesuar renie dhe sidomos kur CEO u sunspesua pa pagese???
Mutual Funds si pshm Fidelity, Templeton, ING Bonds, AIC Value, a jane te qendrueshme per rritje pozitive psh Fidelity dhe Templeton keto dy jave te fundit kane pesuar shkundje te forta ne renije kurse ING Bonds dhe ne pergjithesi Bonds jane gjalleruar mire me tregues pozitiv, dhe dua te di cfare ka ndikuar, pse ndodh qe bonds jane duke u ngritur, dhe cila eshte me e sigurte momentalisht Bonds or Mutual Funds or Stock Market, ju lutem do kisha deshire te merrja keshille nga ju siper qe e njihni mire kete fushe sidomos nga Mariglenora, R2T, Ardi-1, etj, une momentalisht kam investuar ne MUTUAL FUNDS ne ato qe permenda me siper por nuk parashikoj dot me vone se si do te vazhdojne rrjedha e tyre apo mund te shkoje lart e poshte. Shume faleminderit.

Nano Ik!!!!!!!!!

[R2T]

Pershendetje Fieri1

Ne fillim per Nortelin. Nortel (NT) eshte hedhur ne gjyq nga tre kompani qe perfaqesojne aksioneret; Emerson Poynter LLP, Bernstein Liebhard & Lifshitz, LLP dhe Roy Jacobs and Associates(kesaj liste priten ti shtohen dhe shume emra te tjere). Kompania akuzohet te kete shkelur Seksionet 10B dhe 20a te "Securities Exchange Act" te 1934. Nortel kishte rishikuar fitimet e vitit 2000,2001 dhe 2002 dhe kishte paraqitur situaten financiare te saj ku kishte raportuar se ishte ne nje pozite te mire financiare. Aksioneret qe perfaqesohen nga firmat e mesiperme, si pasoje e ketij raporti, blene aksione te kjo firme. Disa dite me pas kompania tha se kishte rishikuar gjendjen e saj ekonomike dhe nxori nje raport te ri, qe vinte qarte ne dukje problemet e medha financiare dhe situaten e dobet ekonomike te saj. Kjo solli akuzat nga avokatet e mesiperm. Si pasoje Nortel largon nga puna pa pagese CEO Douglas C. Beatty deri ne vendimin e gjyqit. Aksionet e Nortel kane patur nje ulje prej 18.5% si pasoje e ketyre akuzave. Nese jeni ndikuar nga raportet e pasakta te Nortel-it dhe deshironi te rikompensoheni duhet te ngrini padi perpara dates 17 Maj 2004. Nese ju duhet perfaqesues ligjor per kete padi kontaktoni ne 1-800-663-9817 ose ne shareholder@emersonfirm.com.
Aksionet e Nortel pesuan ngritje te vogel sot me $0.16 per aksion. Megjithate personalisht mendoj se neser (dhe per disa dite ne vijim) do shofim perseri nje ulje te aksioneve per kete firme dhe aksionet e saj do fitojne stabilitet vetem pas vendimit te gjyqit. Megjithate Nortel e ka humbur besimin tim si investues dhe une nuk do investoja kurre ne nje kompani si ajo, pavaresisht se sa lart apo poshte ben ai aksion.

Mutual Funds

Kompanite qe permende ti kane shume lloje 'Mutual funds" dhe aq me shume "Tickers". P.sh ING ka 4 lloje Fondesh, secila me te pakten 18 Tickers. Fidelity akoma dhe me shume. Mutual Funds ndahen ne Growth Funds, Aggressive Growth Funds ,Income Funds ,Balanced Funds. Aggressive Growth Funds jane me me rrezik po sigurisht dhe me me fitim (nese je me fat). Eshte veshtire ti pergjigjesh pyetjes pse Fidelity funds humbasin vleren. Nje pjese e tyre mund ta humbasin vleren nderkohe qe nje pjese e tyre forcojne poziten e tyre financiare. E gjitha varet nga cfare lloj Fondi ke. Keshtu pra per mua eshte e pamundur te te jap mendimin tim se si do levize fondi yt, pa ditur me pare se cfare lloj fondi eshte.

Gjithe te mirat
ardi

[bebushe]

Mund te me thote njeri cfare do te thote MUTUAL FUNDS ?

[Ardi-1]

PËRMBAJTJA

1. Një përshkrim i përgjithshëm për kompanitë dhe investitorët

Sigurimi i kapitalit - rruga për te arritur sukses

Vënia e parave ne pune

Tabela 1: Si e sigurojnë kapitalin kompanitë

Tabela 2: Interesi dhe përfitimet e investitorëve nga katër llojet e Letrave me Vlere

2. Bursa e New York-ut (NYSE):

Një force lëvizëse ne ekonominë botërore

Nen pemën Buttonwood (Under Buttonwood Tree)

Krijimi i bordit zyrtar

Rritja dhe zhvillimi

Tregu ne ditët e sotme

NYSE, numri një ne bote

Rruga drejt tregtimit te automatizuar


3. Si funksionon NYSE

Standardet rigoroze

Brokerat e dyshemesë dhe firmat e brokerimit

Specialistet

Dyshemeja e tregtimit

Si shitet dhe si blihet një aksion

Analizimi i një tregtimi aksionesh

Teknologjia e tregtimit ne NYSE


4. Investitori i mësuar

Leximi i tabelave te aksioneve

Treguesit e tregut

Leximi i raporteve vjetore


5. Perse çmimet e aksioneve luhaten larte e poshtë

Kërkesa dhe oferta

Situata financiare e kompanisë

Situata financiare e industrisë

Trendët ekonomike

Evenimentet botërore dhe kombëtare

13 evenimente: efekti i tyre ne Tregun e Aksioneve

Një vështrim me nga afër


6. Mbrojtja e tregut

Ruajtja dhe mbrojtja e sistemit

Piramida rregullatorë

Metodat vetërregulluese te NYSE-s

Korporata mbrojtëse e investorëve te letrave me vlere

Arbitrimi i NYSE-s -- zgjidhje e shpejte dhe efektive e mosmarrëveshjeve


7. Udhëzime për investitorët

Investimet me risk te ulet

Alternativa te tjera investimi

Obligacionet

Aksionet

Zhvillimi një strategjie te përshtatshme investimi

Si investohet

Klubet e investimit

Si matet mbarëvajtja

Tabela 3: Opsionet për kursim dhe investim




KAPITULLI I PARE

NJË PËRSHKRIM I PËRGJITHSHËM PËR KOMPANITË DHE INVESTITORËT

Ne qofte se keni kryer ndonjëherë ndonjë aktivitet privat dhe keni marre para për te atëherë ju mund ta konsideroni veten si një firme private me një pronar ose siç quhet: biznes i vogël (sole proprietor). Biznes i vogël quhet çdo lloj biznesi i zotëruar dhe operuar nga një person. Ju ndoshta mund te jeni ne dijeni te avantazheve te zotërimit te një biznesi te vogël. Për shembull, është i lehte për tu krijuar, dhe te gjitha fitimet shkojnë drejt e ne xhepin tuaj. Nga ana tjetër, ju mund te ndjeni se një biznes i tille, i operuar nga një person, kufizon aftësinë e biznesit tuaj për tu zgjeruar.

Për te kapërcyer këto probleme, ju mund te vendosni qe te bashkoheni me një shok. Tani ju keni formuar një ortakëri (partnership), një biznes i zotëruar nga dy apo me shume persona. Ju përfitoni nga njohuritë, aftësitë dhe paratë e shtuara. Por ju duhet qe te ndani fuqinë vendim-marrëse dhe përsëri burimet tuaja janë te kufizuara ne paratë dhe eksperiencën qe ju te dy mund te kontribuoni sëbashku.
Cfare mund te bëni ne qofte se dëshironi te zgjeroni me tej aktivitetin? Si mund te përballoni blerjen e pajisjeve te reja, punësimin e punëtoreve te rinj dhe fushatën e marketingut për te reklamuar zgjerimin e mëtejshëm? Përgjigja është kapitali - ne ketë rast paraja. Kapitali është energjia qe ndihmon biznesin te rritet, i cili Ben te mundur një kërkim te zgjeruar, makineri me te mira dhe te reja, një fuqi pune me te madhe, dhe me tepër marketing.

Një burim kapitali janë individët qe kane para tepër për te investuar. Për këta individë, kapitali është paraja qe ata mund ta vene ne pune për te fituar me tepër para. Siç do e shikoni ne ketë kapitull, kompanitë qe kane nevoje për kapital dhe individët ne kërkim te investimeve solide përdorin si pike takimi Bursën e New York-ut.

Sigurimi i kapitalit - rruga për te arritur sukses

Një firme e cila përballohet me vështiresitë e rritjes se aktivitetit te saj mund te zgjedhe një prej disa rrugëve te mundshme për te siguruar kapitalin e nevojshëm.
N.q.se kompania aktualisht ka një fitim te kënaqshëm, ajo mund te vendose qe ta riinvstoje një pjese te këtij fitimi. Për te riinvestuar, fillimisht menaxheret e kompanisë shlyejnë shpenzimet vjetore te kompanisë. Pastaj, ne vend qe t'i ndajnë fitimet e mbetura, ata i derdhin këto para, qe quhen fitim i mbajtur, përsëri ne biznes - për shembull, për te blere pajisje te reja apo për te punësuar punonjës te tjerë. Ose, kompania ashtu si ç'bejnë dhe individët, mund te siguroje para duke marre hua nga një banke. Huaja bankare mund ta ndihmoje kompaninë qe te ketë rritje për një periudhe, por kompanisë do t'i duhet qe një dite ta ktheje borxhin sëbashku me interesin perkates. Gjithashtu, bankat e kufizojnë sasinë e huas qe ato japin ne përputhje me fuqinë paguese te firmës. Kështuqë kompania është ne gjendje qe te marri borxh një sasi te kufizuar parash nga banka.

Për te mbështetur një rritje afatgjate kompania mund te përdore një forme tjetër huamarrje, ajo mund te emetoje obligacione. Obligacioni është një lloj kontrate zyrtare huaje. Kompanitë u japin investitorëve obligacione ne shkëmbim te parave. Pas një periudhe te përcaktuar kohe, ne disa raste dhe deri ne 30 vjet, boni "maturohet". Ne ketë moment kompania i paguan çdo individi shumen qe secili ka investuar. Gjithashtu, kompania u paguan investitorëve një shume interesi ne intervale te caktuara, gjate viteve qe investitori mban obligacionin.
Alternativa e katërt për sigurimin e kapitalit është shitja publike, e pjesëve te pronësisë mbi kompaninë. Këto pjese quhen aksione. Ky proces mund te gjenerojë shuma te mëdha parash qe mund te përdoren për shume qëllime. P.sh. një kompani mund t'i përdore fondet e siguruara ne ketë mënyre për te paguar borxhin e akumuluar. Përveç kësaj kompania mund t'i përdore paratë për te ndërtuar fabrika te reja, për te blere pajisje, te rrisë buxhetin për reklama, te punësoje punonjës te tjerë apo te beje kërkime për produkte te reja.
Pavarësisht nga fakti se si kompania i përdor shumat e përfituara nga shitja e aksioneve publikut, përfundimi është i njëjte - paratë do e ndihmojnë kompaninë për tu zgjeruar, e cila si rrjedhim do siguroje vende te reja pune, do gjeneroje te ardhura shtese, do zhvilloje produkte me te mira dhe do kontribuoje ne ekspansionin e përgjithshëm te ekonomisë.

Kompania, për te realizuar daljen ne publik zakonisht i drejtohet një firme bankare investimi (investment banking firm). Kjo firme e specializuar bën vlerësimin e kompanisë, ndihmon ne përcaktimin e çmimit për aksionet e saj dhe shërben si ndërmjetës midis emetuesit te letrave me vlere dhe publikut investues.
Kur aksioni i një shoqërie emetohet për here te pare, atëherë kemi te bëjmë me një oferte publike fillestare (IPO, inital public offering), dhe tregtimi zhvillohet ne tregun primar. Me vone, kur aksionet u rishiten investitorëve te tjerë, ato tregtohen ne tregjet sekondare, qe rëndom njihen si bursa, si PS. bursa e New York-ut apo e Londrës. Duke kaluar ne publik, kompania transformohet nga një biznes privat, ne pronësi te pak personave, ne një kompani pulke te zotëruar kolektivisht nga një grup i madh investitorësh, apo aksionaresh. Me poshtë do shpjegojmë se pse ky proces i tërheq aksionaret.

Vënia e parave ne punë

Ne qofte se keni punuar shume për te vene ca para mënjane, me siguri qe do te dëshironit një vend te sigurt për to. Për disa njerëz brenda ne dyshek është vendi me i sigurte. Por fshehja e parave nuk e bën atë domosdoshmërish te sigurte. Ato ndoshta mund te humbasin, vidhen apo dëmtohen. Dhe fare është me e rëndësishmja, paraja nuk do "punoje" për t'ju sjelle me shume para. Ne fakt, po te marrim ne konsiderate faktorë te tille si inflacioni, paraja e fshehur ne dyshek do jete me pak e vlefshme nesër.

Një mënyre tjetër për te ruajtur paranë tuaj te sigurte dhe produktive, është qe ta investoni atë. Investim quhet gjithçka për te cilën ju shpenzoni para me qëllimin për te gjeneruar me shume para. Investimet i kemi ne shume forma, qe nga prona te paluajtshme, tek koleksionet e librave e deri tek blerja e aksioneve dhe obligacioneve.
Me qellim qe te zgjidhni investimin me te mire për ju, juve ju duhet qe te vlerësoni synimet tuaja personale te investimit (shikoni kapitullin 7). Disa investitorë qe kane para me teprice dhe besim ne vetvete, janë te gatshëm te marrin parasysh risk, me shpresën për te realizuar fitime te mëdha. Disa kërkojnë një mënyre për te mbrojtur investimet e tyre nga erozioni i inflacionit. Dhe te tjerët duan qe paraja e tyre te siguroje një te ardhur te qëndrueshme. Por, te gjithë investitorët kërkojnë mënyra për ta bere kapitalin e tyre sa me fitimprurës qe te jete e mundur.

Një alternative për investitorët është qe te investojnë paratë e tyre ne obligacionet e kompanive, qe janë hua afatgjata për kompanitë ne rritje. Kompanitë shesin obligacione me një norme te përcaktuar interesi. Kështuqë investitorët e dine me saktësi se sa do te fitojnë - pra normën e interesit - dhe se për sa kohe paraja do qëndroje e bllokuar.

Gjithashtu, Investitorët mund t'i vendosin paratë e tyre ne aksione. Mjaft kompani emetojnë dy lloje aksionesh. Aksione te preferuara, qe i garantojnë pronarit se do jete i pari qe do përfitoje nga ndarja e fitimeve te kompanisë, një pagese periodike qe njihet me emrin dividend. Gjithashtu ne qofte se kompania falimenton apo likuidohet, aksionaret e preferuar janë te siguruar se ata do jene nder te paret për kompensim investimit te tyre. Zotëruesit e obligacioneve konsiderohen si kreditore te kompanisë - pra ne një pozicion te kundërt me pronaret - dhe si rrjedhim, kane prioritet, si ndaj zotëruesve te aksioneve te preferuara ashtu edhe ndaj atyre te aksioneve te zakonshëm ne rast likuidimi.
Këto mekanizma mbrojnë pronarin e aksionit te preferuar ne momentet e vështira qe kalon kompania. Por pronaret e aksioneve te preferuara nuk përfitojnë ne periudhat kur kompania provon rritje. Ne qofte se kompania ka një vit te mbare dhe vendos qe te paguaje një dividend me te madh, pronaret e aksioneve te preferuara do te marrin vetëm dividendin e përcaktuar ne norme fikse vjetore.
Aksioni i zakonshëm është ne përgjithësi me i pak i kushtueshëm dhe përmban me tepër risk e si rrjedhim mundësi me te mëdha fitimi. Zotëruesit e aksioneve te zakonshëm mund te marrin ose jo disidente, ne varësi te mbarëvajtjes financiare te kompanisë dhe politikes se ndarjes se fitimeve. Por aksionaret e zakonshëm mund te luajnë rol ne ndjekjen e kësaj politike. Zotëruesi i aksioneve te zakonshme ka te drejte te votoje për drejtuesit dhe për heshtje te tjera te rëndësishme ne asamblenë e përgjithshme vjetore te aksionareve te kompanisë. Zakonisht një investitor ka te drejtën e një vote për çdo aksion. Zotëruesit e aksioneve te preferuara nuk kane te drejtën e votës.

Pronaret e aksioneve te zakonshme shpresojnë qe te bëjnë para ose përmes disidenteve qe ata marrin ose përmes rritjes se çmimit te aksioneve - pra duke e shitur aksionin për me tepër se sa kane paguar për blerjen e tij. Ky fitim njihet si fitim kapitali. Aksionet e zakonshme ne përgjithësi konsiderohen si mjaft likuide. Investim likuid është ai investim qe mund te shitet apo konvertohet lehtësisht dhe me shpejtësi ne para.

Shume investitorë kombinojnë avantazhet e llojeve te ndryshme te letrave me vlere duke blere pjese ne fondet e përbashkëta te investimeve. Fondi i përbashkët i investimeve është një kompani investuese qe mbledh paratë e shume investitorëve për te blere shuma te mëdha te letrave me vlere te ndryshme. Fondi drejtohet nga një menaxher profesionist i cili merr vendimet për investim dhe shpërndan fitimet tek investitorët. Këto fonde u ofrojnë investitorëve avantazhet e diversifikimit duke përfituar dhe nga sasia e madhe e fondeve te investuara, si dhe menaxhimin profesional qe ata nuk do ta kishin si investitorë individuale. Fondet e përbashkëta ne përgjithësi strukturoren rreth qëllimeve strategjive specifike, si rritja afatgjate, fitimet afatshkurtra, apo ne një industri apo rajon gjeografik te veçante. Investitorët individuale nuk kane ndikim ne menaxhimin e fondit.

[Ardi-1]

KAPITULLI I DYTË

BURSA E NEW YORK-UT (NYSE):
NJE FORCË LËVIZËSE NË EKONOMINË BOTËRORE)

. Ne burse investitorët blejnë dhe shesin aksionet dhe obligacionet e kompanive përmes agjenteve qe quhen brokera.
Ashtu siç gazetat nuk janë pronare te mallrave dhe shërbimeve qe ato reklamojnë, ashtu edhe Bursa nuk është pronare e aksioneve dhe obligacioneve te listuara ne te. Kompanitë publike listojnë letrat e tyre me vlere ne burse pasi kështu investitorët do dine se ku te drejtohen dhe te bëjnë investimet e tyre, d.m.th. shitjen dhe blerjen e letrave me vlere.

Një histori e shkurtër e NYSE, bursës se New York, tregut me te madh te kapitalit ne bote, zbulon se si lindi dhe u zhvillua ky treg për plotësuar nevojat e kompanive publike qe kërkojnë kapital dhe investitorëve qe kërkojnë fitime.
Nen pemën Buttonwood (under buttonwood tree)

Ne 1790, ne USA tregtoheshin vetëm dy lloje letrash me vlere: Obligacionet Revolucionare te Luftës qe qeveria e sapokrijuar amerikane i shiti për te paguar borxhin e luftës prej 80 milion dollarësh, dhe aksionet e bankës se pare kombëtare, te quajtur Banka e Shteteve te Bashkuara.

Brokerat, tregtaret dhe organizuesit e ankandeve (auctionieers), i blinin dhe i shisnin këto obligacione ne zyra, kafene, vende tregtimi dhe zona te tjera ne dhe rrotull Wall Street-it. Duke mos pasur një vend dhe kohe te caktuar për tregtim, shitësit dhe blerësit duhej te kërkonin për njeri-tjetrin ne te gjithë qytetin. Ne terma teknike, ky treg nuk ishte shume likuid, d.m.th. shitjet dhe blerjet e letrave me vlere nuk ishin te shpejta dhe te lehta.

Ne 17 maj, 1792, 24 brokera te Wall Street-it e zgjidhen problemin e likuiditetit shume thjesht. Ata ranë dakord me shkrim qe te tregtonin vetëm me njeri-tjetrin. Kështu, bursa me e madhe e botes filloi aktivitetin bazuar vetëm ne një dokument te thjeshte me dy fjali te quajtur Marrëveshja Buttonwood. Marrëveshja mori emrin e vendit ku u nënshkrua marrëveshja, nen pemën qe quhej Buttonwood, ne Wall Street, 68.

Krijimi i bordit zyrtar

Vetëm pas një çerek shekulli, ne 1817, brokerat e Wall Street-it i dhëne organizatës se tyre një emër zyrtar: Bordi i Aksioneve dhe Këmbimit i New York-ut (Emri u shkurtua ne 1863 ne Bursa e New York-ut.) Ata gjithashtu caktuan një president dhe adoptuan rregulla zyrtare për drejtimin e aktivitetit.
Shkaku i cili i detyroi brokerat qe te zyrtarizojnë bordin e tyre ishte i njëjti për te cilin ata e kishin krijuar atë. Qeveria ishte e detyruar qe te shiste me tepër obligacione për te paguar për luftën, ne ketë rast lufta e 1812. Ne te njëjtën kohe, kompanitë private - veçanërisht bankat dhe kompanitë e sigurimit - iu kundërpërgjigjen bumit te pas-luftës duke shitur me tepër aksione për te siguruar kapital.
Ne 1817, Bordi i Aksioneve dhe i Këmbimit i New York-ut listoi 30 aksione. Çdo dite pune, presidenti i Bordit do te thërriste emrat e te gjithë 30 aksioneve, një nga një. Për çdo thirrje, brokerat Benin kërkesat për blerje aksionesh apo për shitje ne një ankand te hapur. Brokerat shqiptonin me zë te larte kujtimet e tyre për blerje dhe shitje, nga karriget e caktuara për ta. Kjo ishte origjina e termit "vend" (seat), i cili qe atëherë nënkupton anëtarësinë ne NYSE (Bursa e New York-ut.)
Atëherë njësoj si tani, vetëm brokerat qe ishin anëtare te NYSE mund te blinin dhe te shisnin ne dyshemenë e tregtimit. Ne 1817, një "vend" për anëtarësie kushtonte 25$ dhe pjesëmarrja ishte e kufizuar. Sot vendet kushtojnë me tepër se 1 milion $. Përveç kësaj, anëtaret potenciale duhet qe te përmbushin kërkesa strikte, te parashtruara nga NYSE, për njohuritë e tyre dhe situatën financiare.

Rritja dhe zhvillimi

Qe nga 1817, NYSE është rritur dhe është zhvilluar gjate një shkuli e gjysme ndryshimesh periodike te tregut, duke përfshire bumet (ose ndryshe tregjet "dem") dhe rëniet (tregjet "arinj"). Ne vitet 1830, kombi amerikan, ende i ri filloi zgjerimin e tij ne perëndim. Si kompanitë private ashtu edhe qeveria kishin nevoje për para qe te ndërtonin hekurudha, kanale, rruge dhe banka. Deri ne 1838 ato kishin emetuar letra me vlere me një shume prej 175 milion dollarë për te siguruar fondet e nevojshme. Shume nga këto letra me vlere ishin te listuara ne Bordin e Aksioneve dhe Këmbimit te New York-ut. Ne dekadën pas Luftës Civile, rritja e qëndrueshme ne industri ndihmoi tregun ne dy drejtime. Se pari, shpikje te reja si telefoni dhe "stok ticker" (shirit letre ose elektronik me çmime te kuotuara) zgjeruan tregtimin dhe hapen Wall Street-in për investitorët ne te gjithë vendin. Se dyti, industritë e reja si p.sh. industria e çelikut, etj. ndihmuan ne krijimin e korporatave te reja, duke furnizuar materialet për hekurudhat, makineritë, urat dhe ndërtimet. Këto korporata dhe industri te reja iu drejtuan bursës për te siguruar kapital. Shtimi i tregtimit e detyroi NYSE-n te rrisë orët e qëndrimit hapur dhe ne 1872 te braktiste sistemin me thirrje "call" dhe te fillonte tregtimin e vazhdueshëm ne te gjithë aksionet gjate gjithë ditës. Megjithatë sistemi i ankandit vazhdoi te ekzistonte. Ne tregun e sotëm me ankand te vazhdueshëm, blerësit qe duan te blejnë me çmimin me te ulet te mundshëm, u bëjnë oferta (bid) për blerje shitësve, dhe shitësit, qe kërkojnë te shesin me çmimin me te larte te mundshëm, u bëjnë oferta (ask) për shitje blerësve. Tregtimi zhvillohet menjëherë, ne çastin kur te dyja palët bien dakord për një çmim.

Për te bere te mundur tregtimin e letrave me vlere te shtese, te emetuara nga korporatat e reja, NYSE riorganizoi Dyshemenë e saj te Tregtimit, duke bere qe shitja dhe tregtimi te zhvillohej tashme ne postet e tregtimit (trading post). Secili post merrej vetëm me disa letra me vlere dhe brokerat lëviznin nga posti ne post për te realizuar tregtimet e tyre. Bursa e sotme, mjaft moderne, akoma ka poste, megjithëse kompjuterët i kane shpejtuar goxha transaksionet dhe secili post tani mund te aranzhoje tregtimin e me tepër se 150 letrave me vlere te ndryshme.

Ndryshimet me te mëdha ne burse ndodhen pas crash-it te 1929. Përpara crash-it, çmimet e aksioneve u ngritën me shpejtësi dhe ne mënyre te qëndrueshme ne saje te bumit te pas-Luftës se Pare Botërore dhe te industrive te reja ne rritje si aviacioni, radio dhe kinemaja. Për herë të pare publiku i përgjithshëm filloi te tregohej mjaft i interesuar për tregtimin e letrave me vlere. Por për t’i hyre kësaj veprimtarie shume investitorë te vegjël u detyruan te merrnin hua. Kur çmimet e aksioneve ranë ne mënyre drastike ne 1929, shume falimentuan ne përpjekje për te paguar borxhet. Shume kompani gjithashtu dolën nga biznesi për mungese kapitali.

Ne fillim te viteve 1930 Kongresi amerikan tentoi te stabilizonte tregun e letrave me vlere duke miratuar dy ligje: Akti mbi Letrat me Vlere i 1933 (Securities Act) dhe Akti mbi Letrat me Vlere i 1934. Akti mbi Letrat me Vlere i 1933 kërkon qe letrat me vlere te ofruara ne disa shtete te Amerikës duhet te regjistrohen pranë qeverise federale përpara se t’i shiten publikut. Ai gjithashtu kërkon qe, informacioni financiar mbi kompaninë emetuese, duhet t’i vihet ne dispozicion publikut përmes një dokumenti qe quhet prospektus. Akti mbi Letrat me Vlere i 1934 sanksionoi krijimin e Komisionit te Letrave me Vlere dhe Bursës (Securities and Exchange Commission, SEC) dhe gjithashtu prezantoi disa masa mbrojtëse shtese si ndalimin e manipulimit, keqinformimit dhe aktiviteteve te tjera abuzive. Përgjegjësia kryesore e SEC-ut ishte dhe mbetet administrimi i Akteve te 1933 dhe 1934.

U desh shume kohe qe Bursa dhe Ekonomia Kombëtare te menin veten nga Crash-i i 1929. Por ne vitet 1950 ato provuan një nga tregjet dem (bull) me jetëgjatësi rekord te pa pare deri atëherë. Gjate katër dekadave ne vazhdim, numri i kompanive te listuara ne NYSE dhe numri i aksionareve qe zotëronin aksionet e tregtuara ne NYSE u rrit ne mënyre drastike.

Tregu ne ditët e sotme

Përveç NYSE-s ne SHBA ekzistojnë dhe gjashte Bursa te tjera - Bursa Amerikane (American Stock Exchange), Bursa e Boston-it, Bursa e Cincinnati-t, Bursa e Chicago-s Bursa Pacific dhe Bursa e Philadelphia-s. Një aksion është e mundur qe te listohet dhe te tregtohet ne me tepër se një burse. Përveç bursave kryesore, shume letra me vlere tregtohen ne tregun-mbi-banak.

Shumica e aksioneve te tregtuara ne tregun-mbi-banak u përkasin kompanive qe nuk përmbushin kërkesat për listim ne bursat kryesore. Ato tregtohen përmes një rrjeti te gjere telekomunikimi te quajtur NASDAQ (Kuotimi i automatizuar i Shoqatës Kombëtare te Tregtareve te Letrave me Vlere, Nacional Asssociation of Securities Dealers Automated Quotation), qe operohet nga Shoqata Kombëtare e Tregtareve te Letrave me Vlere (National Asssociation of Securities Dealers, NASD). NASD përbehet nga mijëra firma brokerimi te njohura si broker/dealer.
Bursat janë një fenomen i njohur ne tere boten. Bursa ka ne Tokio, Rondon dhe ne me tepër se ne 130 qytete te tjera.

Qe ne 1978, te tete tregjet amerikane janë lidhur me njeri-tjetrin përmes një rrjeti elektronik komunikimi te quajtur Sistemi i Përbashkët i Tregtimit (Intermarket Trading System, ITS). ITS i lejon tregtuesit qe te kontrollojnë përmes kompjuterëve, ne bursa te ndryshme, për te arritur çmimin me te mire.
NYSE numri një ne bote

Pa pike dyshimi, NYSE është bursa me e madhe dhe me një rol mjaft te rëndësishëm ne bote. Për ta ilustruar ketë me poshtë jepet një liste e fakteve me impresionuese për vitin 1996:
·
· Rreth 170 miliard aksione te me tepër se 2800 kompanive janë te listuara ne NYSE.
·
· Kapitalizimi i NYSE-s (vlera e te gjitha aksioneve) është me tepër se 6.8 trilion $, ose e barabarte me 90% te prodhimit kombëtar bruto (GNP), qe është vlera vjetore e te gjitha mallrave dhe shërbimeve te prodhuara ne Shtetet e Bashkuara.
·
· Pothuajse çdo kompani e madhe industriale, financiare dhe e shërbimeve është e listuar ne NYSE.
·
· Me tepër se 250 kompani ndërkombëtare janë te listuara ne NYSE, me tepër se ne çdo burse tjetër.
·
· Mesatarisht me tepër se 400 milion aksione tregtohen çdo dite ne NYSE.
Qe te listohet ne NYSE, një kompani duhet qe te plotësoje disa kërkesa, si p.sh. te ketë një nivel te caktuar te fitimit neto, aktiveve dhe volumit te tregtimit, si dhe aksionet e saj duhet te jene gjerësisht te zotëruara nga investitorët. Kompania duhet gjithashtu te përmbushe standardet struktë te vendosura nga NYSE për mbrojtjen e investitorëve, qe përfshin nxjerrjen e një raporti vjetor, mbajtjen e një asambleje vjetore te aksionareve, si dhe vënien ne dispozicion te publikut te informacioneve te rëndësishme financiare rreth kompanisë. Si shpërblim kompania fiton prestigj dhe njohje nga publiku dhe letrat me vlere te emetuara prej saj bëhen me atraktive për investitorët.
Rruga drejt tregtimit te automatizuar
Gjate 150 vjetëve te shkuara NYSE ka njohur një rritje fantastike. Me poshtë jepet një histori e shkurtër e disa prej evenimenteve me te rëndësishme qe e kane ndihmuar NYSE-n te behet bursa me e avancuar ne bote.
·
· 1867 - (Ticker) i aksioneve prezantohet për here te pare. Duke siguruar informacion për çmimet e aksioneve, (stok Ticker) krijonin mundësi për afrimin e mijëra investitorëve ne tregtimin e aksioneve. Modeli origjinal u përmirësua disa here gjate viteve nga shpikës te ndryshëm si p.sh. Thomas Edison. (Stock Tickers arritën një shpejtësi optimale te pritmit prej 900 karakteresh ne minute. (Tickers) me kalimin e kohës u zëvendësuan me aparate dhe kompjuterë te sofistikuar.
·
· 1929 - Ne ketë vit u prezantua shërbimi i kujtimit "bid" dhe "ask". Ne fillim quotimet "bid" dhe "ask" siguroheshin nga operatoret dhe me vone nga regjistrimet "drum". Ne ditët e sotme këto kuotime sigurohen përmes kompjuterëve.
·
· 1966 - Transmetimi i te dhënave, nga Dyshemeja e Tregtimit te NYSE-s, rreth tregtimeve dhe kuotimeve behet tërësisht i automatizuar përmes përdorimit te një sistemi kartash dhe përpunimi kompjuterik. Kartat me vone u zëvendësuan nga ekrane terminale dhe aparate portative qe nuk kishin nevoje për lidhje fikse.
·
· 1972 - Formohet Kompania e Automatizimit te Industrisë se Letrave me Vlere (Securities Industry Automation Corp. SIAC) si një filial i NYSE-s. Qëllimi I SIAC është qe te konsolidoje zhvillimin e përpunimit te dhënave dhe te operacioneve për NYSE-n dhe për bursat e tjera.
· 1974 - Krijohet një sistem i ri ndërlidhjeje i cili luan rolin e një "centrali" super te shpejte qe Ben te mundur shkëmbimin e urdhrave dhe mesazheve mes firmave anëtare te NYSE-s dhe Dyshemesë se Tregtimit te Bursës.
· 1975 - Prezantohet një mënyre me e konsoliduar informimi, ne formën e një shiriti lëvizës te dhënash ne ekran, si faze e pare e Sistemit Kombëtar te Tregtimit. Tregtimet prej shumicës se bursave amerikane i raportohen SIAC-it dhe bashkohen ne një transmetim te unifikuar dhe super te shpejte drejt ofruesve te dhënave te tregut.
· 1976 - Inaugurohet një sistem i ri i quajtur DOT (Designated Order Turnaround) i cili përpunon urdhrat e tregut dhe urdhrat e limituar si dhe siguron një sere aplikacionesh ndihmese për sistemin e ankandit ne treg. Me kalimin e kohës DOT është perfeksionuar dhe është riquajtur SuperDOT.
· 1978 - Instalohet Sistemi i Përbashkët i Tregtimit (Intermarket Trading System, ITS). ITS, duke lidhur te gjitha bursat kryesore, përmes ekraneve lejon specialistet e NYSE-s te krahasojnë çmimin e një letre me vlere te tregtuar ne disa bursa njëkohësisht, me qellim qe te arrijnë çmimin me te mire për investitorët.
· 1982 - Instalohet një sistem i ri lajmërimi me radio i cili zëvendëson sistemin tradicional te tabelave te lajmërimeve te përdorur për te lajmëruar brokerat e dyshemesë për mesazhet e reja qe presin për ta ne pozicionet e tyre fikse te punës. Po ketë vit, iniciohet një program për përmirësimin e kapacitetit përpunues i cli vijon ditën e pare te tregtimit ne NYSE kur volumi i tregtimit arriti 100 milion aksione. Sot NYSE ka Dyshemenë e Tregtimit me te avancuar ne bote dhe zotëron një kapacitet për siguruar tregtimin e 2 miliard aksioneve ne dite.
· 1983 - Krijohen regjistra ne forme ekranesh elektronike për specialistet qe zëvendësuan regjistrat tradicionale prej letre.
· 1984 - Prezantohet një sistem i ri (Omnibus Name Comparison) i cili lehtëson lidhjen e kontratave duke eliminuar shume hapa ne zhvillimin e këtyre kontratave.
· 1987 - Modernizohet sistemi i ekzekutimit te urdhrave për sasitë "odd" (0-99 aksione) dhe "lot" (shumëfisha te 100 aksioneve). Ne ketë mënyre u be e mundur ekzekutimi i menjëhershëm i urdhrave për tregtimin e me pak se 100 aksioneve ne çmimet aktuale "bid - ask". Duhet sqaruar se një urdhër p.sh. për te blere 395 aksione konsiderohet si dy urdhra te veçante prej 300 dhe 95 aksionesh. Kjo sepse praktikisht është me i lehte dhe shume me i shpeshte tregtimi i aksioneve ne grupe shumëfisha te 100.
· 1988 - Modernizohet substancialisht sistemi i komunikimit përmes instalimit te një sistemi te ri telefonik te dyshemesë bazuar ne mikroprocesorë.
· 1991 - Prezantohet një sistem i cili vepron mbas orarit normal te tregtimit dhe qe lehtëson përputhjen e automatizuar te urdhrave te blerjeve dhe te shitjeve. Gjithashtu reduktohet cikli i përmbarimit te transaksioneve nga pese dite ne një dite.
· 1993 - Fillon operimin Programi i Teknologjisë se Integruar (Integrated Technology Program. ITP) i cili e transformon NYSE-n ne Dyshemenë e Tregtimit teknologjikisht me te avancuar ne bote. Komponentët e ITP përfshijnë afishime me ngjyra, ekrane dhe terminale me ekran te sheshte dhe aplikacione te avancuara, te zhvilluara për te ndihmuar specialistet dhe brokerat e dyshemesë te përpunojnë me tepër urdhra si dhe te jenë me efektive
· 1994 - Iniciohet një sistem i avancuar pa tel (wireless) për komunikim dhe raportim tregtimi si dhe për transmetimin e te dhënave dhe operacioneve te tjera broker.
· 1995 - Përmirësohet sistemi i përputhjes se blerjeve dhe shitjeve.
· 1996 - NYSE hap një faqe te saj ne internet (World Wide Web: www.nyse.com).