Rrefimi I Nje Lolite Te Vonuar Virtuale

[whisper]

RRËFIMI I NJË LOLITE TË VONUAR

Prej disa vitesh kam harruar emrin tim të vërtetë .Qarkulloj vetëm si nickname.Për mbiemër kam passëord-in tim .Pra kam shumë mbiemra .
Password . mjaftojnë 6 gërma që të lumturohem . Një klik aty , një klik këtu dhe….unë shkoj atje …në sigurinë time të pasigurtë . Në mbretërinë time ku mbretëroj si skllave .Atje , nga ana tjetër e klikut presin ata .Sa mirë ! Msn . Dritare chati . Asl-ja juaj ju lutem? Ohhhhh këndshëm ! Më pëlqen . Wet ? Ummmmmmm si të të them…tani u laga pak.
Po shpirt. Kur të më njohësh më mirë do më duash më shumë . Po ti si je ? Unë jam më i miri në botë .Jam kështu e jam ashtu . Po ti pse je e dëshpëruar? Ahhhh , e kuptova ,your ex…Dukuri e rëndomtë kjo zemër ,por…harroje atë ,harroje…
Papritur hapet një dritare tjetër dhe përsëri asl , përsëri pyetje , përgjigje dhe adrenalinë . Msn ? Chat ? E mail ? (Hot)mail ?
O Zot sa kënaqësi ! Tashmë në ekran janë shfaqur katër “miq “ që unë i quaj miq .Janë miq të mirë të mitë .Kam vetëm një javë që i njoh online dhe e ndjej që i kam vërtetë miq . Ata më duan shumë dhe unë ngrohem e tëra nga dashuria e tyre . Fillimisht më zbaviste ,por më pas e ndjeva që më pëlqente shumë kjo lloj miqësie . Sa keq që nuk kam nja dhjetë kompjutera e të chatoja me dhjetra “miq’ njëkohësisht !Qindra mesazhe ….qindra e mail-e…Oh Zot , sa më duan ata edhe pa më parë asnjëherë ! E ndjej dashurinë e tyre . E ndjej brenda meje .Ndonjëherë qesh me veten time kur them këtë fjalë . E ndjej . Ndjeshmëri e lartë mesa duket . I ndjej të gjithë brenda meje sic nuk kam guxuar kurrë t’i ndjej në jetën time reale .Po përse vallë bëhem aq fatkeqe dhe e palumtur sapo “miqtë” e mi e humbasin virtualitetin e tyre teksa më presin në ndonjë hyrje aeroporti…?
Para ca kohësh njoha dikë .Si gjithmonë online . Unë i trembem njohjes reale . Vetëm kur ndonjë nga “miqtë” e mi e kalon sprovën e online-it mund ta realizoj atë takim të shumëdëshiruar , por kjo është një histori më vete .
Fakti që unë vazhdoj ta jetoj jetën time online dëshmon për atë që realiteti shpesh më dhunon e më shpesh më zhgënjen .Ndërsa zhgënjimet online zhduken aq lehtë me një klik tjetër . Dora mbi mausin dhe…hopa zhgënjimi zhduket duke ia lënë aq shpejt vendin një “ miku” të ri ,pasionant e shpesh edhe seksi ,inteligjentë dhe robërues në ato që më thonë e më shkruajnë …
Vetëm me Billi Gejtsin nuk kam chat-uar akoma . Por kurrë nuk është vonë . Ku i dihet ?
Sa lumturi dhe siguri që ndjej e fshehur pas nick-ut tim!
T’ju them një sekret ? Kam dhjetë nick-e dhe password-et e tyre më bëhen lëmsh . Edhe emrat e “miqve” i përdor tashmë për password-e . Nick-et e tyre janë orgazma ime virtuale . As në Bibël ,as në Kuran ,as në enciklopeditë britanike të astrologjisë , biologjisë,meteorologjisë ,mjekësisë apo arkitektures nuk mund të gjënden emra aq turbullues e dehës. Po ato fjalët e tyre aq të ëmbëla që më dehin e më cojnë në qiellin e shtatë . Sa të mirë ,sa të ndjeshëm , sa xhentilë . Po fotot e tyre të mrekullueshme…Aq shumë më dërgojnë saqë do ta lë me shkrim në testamentin tim që me to të të hapet një ekspozitë fotografike përreth varrit tim . ( vetëm varrin nuk do ta kem online ).
Ata më duan shumë dhe ah ta dinë se sa më mungojnë kur mesazhet e tyre vonohen . Bëhem si e tërbuar nga “harresa” e tyre e përkohshme . Ata zakonisht nuk harrojnë .
Pra kam njohur dikë që hiqet ndryshe nga ata të tjerët .Ndoshta vërteë është ndryshe . Më tëheq shumë .Ndonjëherë më duket se kam rënë në dashuri me të ,por pastaj e kuptoj që kjo simptomë më shfaqet edhe në raste të tjera…I ka online-i këto simptoma. E kam të vështirë tia shpreh dashurinë time me fjalë pa u ndjerë përsëritëse e dhjetra fjalëve të thëna edhe më parë online.
Ah…magjia e online-it. Kam njohur me dhjetra njerëz inteligjentë aty . Aq inteligjentë sa nuk m’a kërkonin që natën e parë të chat-it . Ishin vërtetë të zgjuar .Ishin të durueshëm dhe unë qeshja me durimin e tyre . Ndonjë durimmadh edhe më nervozonte. Por durimi i tyre zgjaste vecse pak ditë . Më pas fillonin…të puth…të përqafoj…më ka munguar…
Një ditë kam postuar fjalinë “ oh sa më mungon ! “ në dhjetë adresa të ndryshme. Dhe zemrat e tyre m’u përgjigjën me të njëjtën ëmbëlsi dhe pasion brenda të njëjtës ditë. E kuptoni c’do të thotë të merrni në një ditë të vetme dhjetë “ shpirti im “ ,kur në jetën reale vetëm nja tre herë e kam dëgjuar këtë fjalë ….?
Nganjëherë ata janë të rinj ,të njomë , aq naivë dhe të ciltër sa më vjen t’i ha me gjithë nick .Qëllon të jenë edhe moshë e pjekur . këta fillimisht hiqen si të vetëpërmbajtur ,por pas disa seancave spiritizmi online me mua squllen dhe bëhen më keq se fëmijët në atë kërkesën e tyre universale mashkullore.
Po kur kërcet xhelozia në online….Hahahahahaha.Jam lojtare ,ndonëse e vonuar e këtij lloj sporti . Jam mjeshtre .Mjeshtria ime i zbërthen të gjithë ,megjithëse të gjithë ata i imagjinoj të zbërthyer . Të vetëzbërthyer genetikisht .
Po përse jam kaq e palumtur edhe pse kam gjithë këta miq online ?
Ka një secret kjo puna e online-it . E jeton mrekullinë për aq orë sa e do ,për aq orë sa ajo ekziston . Kur ajo tretet paffffff një klik dhe …jeta vazhdon . në jetë fatkeqësisht ky klik ekziston vetëm për castin e parë të njohjes dhe jo për atë të ndarjes .
Pra kam njohur dikë . Një outsider .
Kur miqtë e mi më pyesin unë iu përgjigjem dinakërisht “jam e dashuruar ! “ ,por pa iu thënë me cilin . kjo gjë I intrigon ata dhe I bëjnë të mendojnë se secili prej tyre është princi I kaltër I ëndërrave të mia online .
Ndërsa outside-rit I thashë ‘ Jam e dashuruar me ty !”.
Kjo s’ka ndodhur kurrë më parë apo …ka ndodhur dhe unë thjeshtë e kam harruar ?

[PINK]

hahahah... Shume origjinale ..

meqe ra fjala COB ---------->>> A/S/L .. pls

[Veshtrusja]

crazy old baby,

sa mire qe e keni shkruar k'te, shpresoj ta vendosin te portali i forumit, shpresoj ta lexojn te gjithe

E kuptoni c’do të thotë të merrni në një ditë të vetme dhjetë “ shpirti im “ ,kur në jetën reale vetëm nja tre herë e kam dëgjuar këtë fjalë ….?

(para ca kohe pash qe ishte hapur nje teme ne lidhje me te "ardhmen e marteses) ... S'ka faj mileti sot qe thot se nuk do te martohet.... na kan gjetur dashuri ne chat...

[Endrrimtari]

Lolita e Vetmuar si e pate adresen, te behem dhe une dashnori yt

[Shiu]

Po përse jam kaq e palumtur edhe pse kam gjithë këta miq online ?
Ka një sekret kjo puna e online-it. E jeton mrekullinë për aq orë sa e do, për aq orë sa ajo ekziston. Kur ajo tretet paffffff një klik dhe… jeta vazhdon. Në jetë fatkeqësisht ky klik ekziston vetëm për çastin e parë të njohjes dhe jo për atë të ndarjes.

COB,

Siç pat thënë njëherë një mik i imi: "Nuk po të jap komplimente, por po të falënderoj për kënaqësinë që ma dhe me këtë shkrim".


Shiu

[[xeni]]

Pershendetje COB!

Nuk eshte mire te perseriten te njejtat gjera, po edhe fjale ka pak shqipja.
Falemnderit qe e ke sjelle ketu.

[maratonomak]

hej


kjo eshte teper origjinale;


shpresoj qe disa te mund te mesojne dhe te korigjohen duke zberthyer kete teme ose realitet me te tyren realitet ;


urime per temen ;

i shkalloi nga trute e kokes pjuteri ;

[Sorkadhe_Kelcyre]

Shume domethenes shkrimi yt. Mendoj se duhet te jete nje mesim per "xhelozet" e online-it. Gjithashtu te uroj te vazhdosh te ndjesh te njejten kenaqesi online, pasi disave ju kalon, venitet apo zbehet .

[Kijoko]

Te lumte wisper,
une te keshilloj te shkruash me gjere per rrefimin e lolites se vetmuar dhe te shkruash nje liber. Diku kam lexur nje liber nga nje shkrimtare amerikane qe fliste per te tilla perjetime, jane shume te verteta ato qe thua, duam apo nuk duam te gjithe qe jemi ketu jemi pjese e asaj qe thua ti.
Kam vene re qe "online dating" jane bere si nje lloj droge, ka shume persona qe hyjne sa me nje nick a me nje tjeter dhe jane perdorues te rregullt te internetit.
Kjo do te thoja qe po zevendeson ndonjehere seancat me psikologun, por mund te jene te demshme per shume persona qe kane nje familje, grua apo femije, mashtrojne dhe sigurisht qe mashtrohen.
Uroj qe te mos jesh per gjate e vetmuar ne rete e internetit.

[Ard]

Mendoja se nuk me kishte shpetuar asgje pa lexuar nga ty,por ja qe kisha gabuar.
Loliten,kete lolite te vonuar nga e kishe fshehur whisper!?
Je aq origjinal se shpesh realiteti mund te duket ndryshe.Me pelqen se si shkruan,jashtezakonisht.

p.s.mos humb whisper,te presim me poezi te tjera