Gazeta "Albania" UK

[Shijaksi-London]

Kam marre vesh qe nje gazete e cila mund te quhet "Albania" ka dale qe para nje jave ne Londer. Por, kam pare ne te gjitha dyqanet e shtypit nderkombetar por se kam pare.
Apo mos shitet ne zonen e Westminsterit prane parlamentit anglez qe ende nuk kontrolluar?.
Nese dini dicka jeni te lutur te na informoni, sepse nga nje email qe me ra ne dore rreth platformes se gazetesh derguar ne Akedemine Shiptare UK dukesh se organizatoret kishin marre nje mision goxha te madh mbi vete.
Flm

[POMPACIU]

firme piramidale

gjithsesi njoftimi ne e-mail ishte shume premtues dhe inkurajiv meriton te vleresohet

[Shijaksi-London]

O pompaci

Mire qe ne shqiperi nuk a u ndane keto skemat piramide, po dreqi e mori edhe ketu ne angli po te njejten gje duan te bejne? Jo per ndonje gje,, por vecse organizatoret ne ate "traktin" e tyre te shkruar me stil komunist premtonin shume gjera.
Ja ku jemi, tre jave qe nga ai email na u dergua dhe ende gazeten "Albanian" nuk po e shikojme.

[dallandyshe]

Mos u merzit shijakes. Forcoje veten.
TE premtoje se do ti hap veshet mire ne digjim te ndonje lajmi dhe po rashe ne gjurme do te lajmeroj, me keqardhje do te shtoja se qeni ka kohe qe me ka ngordhur do te na ndihmonte shume ne kerkime.
Pacim fate!

[El_Dorado]

Me shume kenaqesi mund te them qe gazeta "ALBANIA" ka dalur ne shitje me sa di une dhe mund ta gjeni ne zonen e Wood Green , North London nuk jam i sigurt se ne sa dyqane eshte shperndare por ball-per-balle me stacionin e trenit ka nje dyqan qe e shet gazeten dhe mund t'ju them gjithastu qe eshte mjaft interesante

Tung!!

[POMPACIU]

Meto shif ça gjeta:

Shoqata artistiko-kulturore
“Edit Durham”
70 Wakefield Street
London
N18 2AQ
editdurham@hotmail.com
Tel: (+44) 07778574636
Tel: (+44) 07830180731

Thirrje


Të dashur Bashkombas!

Siç edhe mund ta shihni kjo nuk është ndonjë ftesë apo ndonjë njoftim për ndonjë promovim libri apo për ndonjë aktivitet tjetër, që organizohet nga Shoqata “Edit Durham”. Nuk ishim të sigurtë nëse duhet ta titullonim thirrje apo lutje këtë e-mail që po ju dërgojmë. Gjithsesi menduam që thirrje do të ishte më e përshtatshme.


Të dashur vëllezër dhe motra!

Menduam që të ju drejtohem nëpërmjet këtij e-maili që së paku të ju njoftojmë se me tw shtunwn më 24 prill do të dalë numri i parë i gazetës “ALBANIA”. (Gazetë e shqiptarëve në Mbretërinë e Bashkuar).

Besojmë se ky do të jetë së paku një lajm i gëzuar për të gjithë ju të dashur bashkombas që jetoni në Mbretërinë e Bashkuar. Kjo pasi jemi i vetmi komunitet që nuk kemi gazeten tonë, i vetmi komunitet që kemi një mungesë të theksuar organizimi, i vetmi komunitet që komunikimi ynë arrin deri në biseda kafenesh apo që njoftimet vazhdojnë të bëhen me fletushka.....

Ishin një mijë e një arsye që na shtynë që të marrim një vendim të tillë, ndonëse të vetëdijshëm për vështirësitë e shumta dhe për problemet e panumërta me të cilat do të përballemi.

Ndërsa mendon për domosdoshmërinë e hapjes së një gazete shqiptare në Mbretërinë e Bashkuar, të bie ndërmend njeri prej kollosëve të letrave shqipe, i madhi Konica që para një shekulli botoi gazetën “Albania”(1903) këtu në Londër. Beson se pakkush ka menduar për arsyet e verteta që e shtynë Konicën të botonte një gazetë të tillë, kur kihet parasysh numri i shqiptareve në Angli në atë kohë. Por ata që mund të kenë lexuar diçka nga botimet e asaj kohe, mund të konstatojë lehtësisht se në atë periudhë për Shqipërinë dhe shqiptarët dihej shumë pak. Ky realitet konfirmohet qartë edhe nga publicisti i asaj kohe Frances Delez që në veprën e tij “Aspiratat e Evropës” thuhet shprehimisht se “Më mirë e njohim shkretirën e Saharasë apo Tibetin sesa Shqipërinë”. Por një shekull më vonë duket se realiteti “i njohjes” së shqiptarëve ka ndryshuar shumë pak, pra përsëri “dihet” pak për shqiptarët. Duke marrë parasysh shumë rrethana historike në të cilat u gjendëm ne si komb, ne si shqiptarë mund të arrijmë të gjykojmë arsyet e kësaj “mosnjohje”. Por kjo mbetet gjysma e së keqes. “Njohja” jonë si shqiptarë ka marrë një dimension të pazakontë përçudnimi. Janë tashmë të njohura politikat e suksesshme anti-shqiptare, por jo gjithçka mbaron këtu. Mjerisht (që të jemi realistë) nuk është i vogël numri i mërgimtarëve shqiptarëve që krejt të pafuqishëm për të ndryshuar diçka nga ky përçudnim dhe, të gjendur në situata të tilla, arrijnë deri aty sa të mohojnë kombësisë, të mohojnë të qenurit shqiptar, duke paguar kështu taksën më të lartë morale, për të mbetur i huaj i përjetshëm. Për hir të së vërtetës ka edhe nga ata vëllezër mërgimtarët që në shumicën e rasteve të pavetëdijshëm, pranojnë të përfshihen në zhargonin e përçudnimit shqiptar, madje bëhen edhe promotorë (duke mohuar dhe fyer vetëveten) duke pretenduar kështu se tashmë është koha e integrimeve dhe se janë “bërë” anglez, francez, italian, etj etj. Duket se një përçudnim i tillë nuk sheh të ndalur kur mëson se një brez i ri po edukohet me këtë mohim. Është folur shpesh në masmedia se nuk janë të pakta nënat shqiptare që porosisin fëmijën e tyre kur e përcjellin në shkollë, të mos thonë se janë shqiptarë, sepse kështu e gjykojnë se është më mirë, apo të paktën fëmija i tyre nuk do të jetë i përbuzur, pra nuk do të jetë i keq pasi mohon se është shqiptarë. (Nuk besohet se sociologët e kanë të vështirë të përcaktojnë arsyet apo të gjejnë pse-në). Përgjithësisht ky është një realitet që e përjetojmë të gjithë që e prekim çdo ditë. Pra harrohen vlerat, krenaria, harrohet gjithçka që e kemi të mirë dhe babëzitemi duke shpresuar se e ardhmja do të jetë ndryshe. Por “njohja” jonë nuk mbetet vetëm këtu. Të gjithë jemi dëshmitarë të atij opinioni që egziston sot për ne jo vetëm në Mbretrinë e Bashkuar por edhe më gjerë. Opinioni është i prirur të gjykojë sipas një kronike apo një lajmi dhe që mjerisht nuk kanë qenë të pakta dhe mbetet detyrë e jonë që të dëshmojmë vlerat tona, dhe jo të hidhërohemi nga paragjykimet. Por çfarë ndodhi me ne shqiptarët?

Nëse mendojmë se duhet që dikush të na mbrojë, një strukturë juridike që quhet shtet, me dhimbje konstatojmë se mbetëm jetimë. Kështu sot ne shqiptarët, si jetimë të mëdhenj, po përsonifikohen me njerëzit e shkallës më të ulët. Të gjithë e ndjejmë se mbetëm jetimë të mëdhenj, kur kemi parasysh detyrimin kushtetues sipas së cilit shteti shqiptar mbron të drejtat e shtetasve të tij, me banim të përkohshëm apo të përhershëm jashtë kufijve të Shqipërisë. Ndjehemi jetimë kur kemi parasysh parimin kushtetues të garantimit te te drejtave dhe lirive themelore te njeriut, te cilat perbejnë bazën e shtetit. Duke qenë dëshmitarë të trajtimeve jo dinjitoze dhe hera-herës në kufijtë e çnjerëzores që u bëhen shtetasve shqiptarë në disa nga vendet fqinjë, shpesh harrojmë faktin se kjo arrati e shtetasve shqiptarë po rrëmben jo vetëm jetë të shtrenjta njerëzish, por po bren edhe trurin dhe të ardhmen e kombit. Dhe zhgënjehemi nga mungesa e përpjekjeve politike, diplomatike, ligjore, ekonomike dhe sociale të shtetit për mbrojtjen e këtyre të drejtave. E përsëri Konica të vjen ndërmend por të paktën në atë kohë me pasaportë shqiptare mund të shkoje në çdo cep të globit, ndërsa sot një vizë është e barabartë me një jetë, është e barabartë me tragjedi që nuk shohin të ndalur. Sot shqiptarët e Anglisë janë ndoshta të vetmit që duhet të kalojnë nëpër porte dhe aroporte të shteteve të tjera për të arritur në mëmëdhe, sepse aeroporti i Rinasit nuk është i sigurtë. Por nëse na mungon mbrojtja e shtetit amë, nuk na mungojnë njerëzit virtytet dhe vlerat tona. Nëse na mungon një institucion kulturor, që çdo shtet e ka, që do të nxiste dhe do të promovonte vlerat tona si mërgimtarë, nuk na kanë munguar as nuk na mungojnë ambasadorët e shumtë në të gjitha fushat e jetës me të cilët krenohemi dhe që pasqyrojnë më së miri vlerat tona të mrekullueshme, vlerat e një trualli nga ku lindi qytetërimi, vlera me të cilat nuk krenohemi vetëm ne por edhe shumë shtete që jo rrallë i përfaqësojmë.

Dhe të vetëdijshëm se duhet bërë diçka më shumë që këto vlera të mos mbesin thjesht fraza që vazhdojnë të harrohen, me një staf profesionist dhe të mrekullueshëm vendosëm të hapim gazetën Albania, si një shërbim që mund t’i bëjmë komunitetit tonë, të sigurtë që gjithsecili prej nesh të dashur lexues, të ndjehet pjesë e kësaj gazete, pjesë e misionit të madh për të ruajtur dhhe transmetuar vlerat tona të mrekullueshme.

Është shumë pak që të thuhet se ishte obligim për ne, të paktën për ne gazetarët që të vendosemi në shërbim shqiptarëve që jetojnë në Angli.

Ndoshta për shumë nga ju të dashur lexues do të jenë të paimagjinueshme kushtet në të cilat vendosëm publikimin e kësaj gazete, por nuk mund të prisnin më as premtime dhe as lëmosha, pasi jemi i vetmi komunitet në Mbretërinë e Bashkuar, që nuk kemi një medium ku të dëgjohet zëri ynë, dhe nuk mund të vajtonim më historinë e gazetarisë shqiptare në Britaninë e Madhe. Prandaj dhe vendosëm që të hapim këtë gazetë duke premtuar se kjo do të jetë gazeta juaj, gazeta që të gjithë së bashku e kemi pritur. Si fillim duam të ju sigurojmë që Gazeta Albania si gazetë informative artistiko-kulturore nuk do të jetë mekanizëm apo levë në dorë të poltikave apo caqeve të caktuara politike, por jehonë e zërit të mërgimtarëve shqiptarë nga të gjjitha trojet shqiptare që jetojnë në Mbretërinë e Bashkuar dhe që do të jetë në shërbim të interesave dhe të drejtave tona si mërgimtarë. Gazeta Albania e bazuar në nga tre redaksi Tiranë, Prishtinë, Tetovë do të ju sjellë informacionet, lajmet, kronikat, reportazhet, intervistat ekskluzive, dosjerët që na kanë munguar dhe gjithçka do të pasqyrohet me korrektësi dhe profesionalizëm. Gjithashtu në këtë gazetë do të pasqyrojmë gjithcka që ndodh me komunitetet shqiptare nëpër botë. Gazeta Albania do t’i ketë dyert e hapura për të gjithë intelektualët, mërgimtarët shqiptarë të cilët do të jenë të mirëseardhur me shkrimet e tyre. Një faqe e veçantë është parashikuar për ambasadorët tanë më të mirë, me të cilët krenohemi dhe që fatmirësisht nuk janë të paktë, që nga avokatë, biznesmenë etj etj, dhe deri tek pedagogët shqiptarë që ligjërojnë në universitet angleze.

Në një rubrikë të veçantë në faqet e kësaj gazete do të gjejnë vend të gjithë letrat me vërejtjet, sygjerimet, por edhe problemet të cilat ju shqetësojmë. Kështu çdonjëri nga mërgimtarët të thotë fjalën e tij, mesazhin e tij. Në bazë të platformës do të përpiqemi që gjithsecili nga ne, nga çdo trevë shqiptare, nga çdo moshë, të gjejë veten e tij në këtë gazetë. Një kujdes të veçantë do të tregohet edhe për fëmijët shqiptarë që nga ata që besojmë se fjalët e para që do të mësojë të shkruajë në shqip do të jenë “Jam krenar se jam shqiptar”, tek ata që ngatërrojnë fjalët shqipe dhe deri tek ata që “nuk u pëlqen të flasin shqip”. Shqiptaria është gur themeli mbi të cilën është ndërtuar platforma e kësaj gazete. Një vend të rëndësishëm do të zënë edhe marrëdhëniet shqiptaro-angleze. Është parashikuar që një faqe të jetë në anglisht ku do t’u jepet mundësia të gjithë miqve tanë anglezë, që nga ata që na pritën dhe na u gjendën shumë pranë kur kishin nevojë për ta, deri tek pedagogët e Oxfordit apo universiteteve të tjera angleze dhe deri tek misionarët anti-komunistë që shërbyen në Shqipëri. Është fatmirësi për ne që kemi shumë miq anglezë dhe besojmë se me anë të kësaj gazete do të arrijmë sadopak që të forcojmë dhe konsolidojmë lidhjet shqiptaro-angleze. Nuk do të mungojnë edhe faqet argëtuese dhe sporti. Le të ndjejmë të gjithë së bashku se ka filluar një epokë tjetër për ne dhe se integrimi ynë po merr përmasa dhe dimensione të tjera. Premtimi ynë është “Gjithmonë me JU, gjithmonë për JU”.

Ksaj i thone me more kot si pushka jevgut, kujtojn se hapja e nje gazete eshte gje normale qe mund ta beje c'dokush te cilit i pelqe te hape nje gazete sepse eshte nacionalist. NCNCNCNncncncn psssss

JENI TE LUTUR TË GJITHË JU TË DASHUR BASHKOMBAS QË MENDONI SE MUND TË KONTRIBONI PËR GAZETËN TONË TË PËRBASHKËT MOS HEZITONI TË NA KONTAKTONI.

JU INTELEKTUALË KUDO QË TË NDODHENI NËPËR ANGLI DO TË JENI TË MIRËSEARDHUR ME SHKRIMET TUAJA, ME MENDIMET TUAJA.

JU TË DASHUR STUDENTË DHE TË RINJ SHQIPTARË! JENI TË MIRËSEARDHUR NË FAQET E GAZETËS ALBANIA.

JU TË DASHUR PRINDËR TANI DO TË KENI NJË MUNDËSI MË SHUMË PËR TË EDUKUAR FËMIJËT TUAJ ME VLERAT E MËDHA SHQIPTARE.

JU TË DASHUR BIZNESMENË! GAZETA ALBANIA DO TË JETË NË DISPOZICIONIN TUAJ PËR RREKLAMIMIN E BIZNESIT TUAJ.

LE TË DËSHMOJMË TË GJITHË SË BASHKU SE NE SHQIPTARËT DIMË EDHE TË ORGANIZOHEMI, SE NE DIMË TË MBROJMË DHE TË TEJÇOJMË VLERAT TONA AQ TË ÇMUARA DHE TË LAKMUESHME QË NA KARAKTERIZOJNË SI KOMB.

PER ME TEPER RRETH GAZETES MUND TE KONTAKTONI ME KRYEREDAKTORIN E GAZETES PETRIT KUCANEN NE :
70 Wakefield Street
London
N18 2AQ
editdurham@hotmail.com
Tel: (+44) 07778574636
Tel: (+44) 07830180731

DHE PER TE VENDOSUR RREKLAMEN E BIZNESIT TUAJ NE KETE GAZETE MUND TE KONTAKTONI DRITAN BAJRAMIN NE:
80 WILLESDEN LANE
KILBURN
LONDON
NW6 7TA
TEL/FAX: (+44) 02076044526
MOB: (+44) 07971463085
E-MAIL : dbajrami@aol.com

LONDER
19 Prill 2004

Sapo doli kopja e pare e gazetes Albania, dhe nje nder pikat ku mund ta gjeni Gazeten Albania eshte:

ALSAT Satellite
80 WILLESDEN LANE
KILBURN
LONDON
NW6 7TA
TEL/FAX: (+44) 02076044526
MOB: (+44) 07971463085
E-MAIL : dbajrami@aol.com

[Pyes_Lotin]

Pershendetje!

Po Shqiptaret qe ndodhen ne South East London si do kene mundesine ta lexojne kete gazete? Dhe ketej ka nje popullsi te madhe Shqiptaresh qe me siguri do kene deshire te lexojne por ma merr mendja qe e shumta nuk e dine fare qe eshte hapur nje gazete Shqiptare.

Website online ka gazeta?