Presidenti maqedon humbet jetën në aksident ajror

[StterollA]

Humb jetën presidenti i Maqedonisë Boris Trajkovski në fatkeqësinë ajrore në Bosnjë

26 Shkurt, 2004

Ekipet e shpëtimit të Republikës serbe i kanë gjetur pjesët e aeroplanit me të cilin udhëtonte presidenti i Maqedonisë Boris Trajkovski në rajonin e fshatit Bitunjë, komuna e Berkoviqit. Janë gjetur kufomat e të vdekurve në aksidentin ajror që sot ndodhi në afërsi të Stolaçës, BeH, në të cilin e humbi jetën presidenti i Maqedonisë Boris Trajkovski dhe anatërë të delegacionit që udhëtonte me të, lajmërojnë mediat boshnjake.

Sipas njoftimeve të marra nga SFOR-i aeroplani i tipit Super Kinger B200 në të cilin ndodhej presidenti i Republikës së Maqedonisë Boris Trajkovski u rrëzua sot afër Mostarit, bën të ditur Agjencia e Informimit. Aeroplani Kinger me të cilin udhëtonte presidenti i Maqedonisë u rrëzua herët në mëngjes në Mostar, te vendi Stolaçë. Në aeroplan gjendeshin gjithsej nëntë persona.
Sipas njoftimeve të SFOR-it, ekipet e shpëtimtarëve menjëherë janë dërguar në vendin e fatkeqësisë, por ata janë të detyruar që të veprojnë ngadalë për shkak të kushteve atmosferike të këqija që mbizotërojnë në atë terren. Ekipet e shpëtimit të Republikës serbe i kanë gjetur pjesët e aeroplanit me të cilin udhëtonte presidenti i Maqedonisë Boris Trajkovski në rajonin e fshatit Bitunjë, komuna e Berkoviqit. Janë gjetur kufomat e të vdekurve në aksidentin ajror që sot ndodhi në afërsi të Stolaçës, BeH, në të cilin e humbi jetën presidenti i Maqedonisë Boris Trajkovski dhe anatërë të delegacionit që udhëtonte me të, lajmërojnë mediat boshnjake. Sipas njoftimeve të Shërbimit të Punëve të Përgjithshme dhe të Përbashkëta të Qeverisë së Republikës së Maqedonisë fluturimi është bërë me kërkesën e Kabinetit të Presidentit të Republikës së Maqedonisë, për të cilin janë bërë të gjitha përgatitjet e domosdoshme. Aeroplanin e ka drejtuar kapiteni Mirko Markovski dhe kopiloti Branko Ivanovski, pilotë me përvojë të madhe, të cilët vite me radhë kanë fluturuar pandërprerë dhe bashkërisht, thuhet në Shërbimin e Punëve të Përgjithshme dhe të Përbashkëa.
Ndërkohë në delegacionin e presidentit maqedonas kanë qenë edhe

Dimka Ilkovska-Boshkoviq - këshilltare në Kabinetin e presidentit,
Risto Bllazhevski - këshilltar në Kabinetin e presidentit;
Anita Lozanovska - këshilltare në Kabinetin e presidentit;
Mile Kërstevski - nga Ministria e Punëve të Jashtme;
Boris Velinov - i sigurimit;
Ace Bozhinovski - i sigurimit;
Marko Markovski - pilot; dhe
Branko Ivanovski - pilot.

Aeroplani është nisur në orën 6 e 48 minuta. Në aeroplan ndodheshin gjithsej shtatë udhëtarë. Sipas njoftimeve të fundit të Shërbimit, aeroplani ka humbur nga kontrolli i radarit në orën 8 e një minutë në rajonin afër Stolaçit, 30 kilometra në jug të Mostarit. Aeroplani në të cilin ndodhej presidenti i Maqedonisë Boris Trajkovski me anëtarët e Kabinetit të tij është pronë e Qeverisë së Republikës së Maqedonisë. Emri i aeroplanit është "Kin-ger". Ai ndodhej në përdorim qe 25 vjet.

Aeroplani është prodhim i kompanisë amerikane "Biç kraft". Ky tip i aeroplanëve diposponon dy turbo-motorë helikë dhe kryesisht është i dedikuar për relacione të shkurtra dhe të mesme. Ky tip aeroplani shfrytëzohet në botë për udhëtime diplomatike. Në Maqedoni, në Drejtorinë e Lundrimit Ajror Civil, aeroplani është regjistruar me shenjën "Z-3 AB", (zul 3 alfa brado). Aeroplani është dashur të aterojë në orën 8 sipas kohës lokale. Arsyet e fatkeqësisë tash për tash nuk dihen./I.M./Liria


lajmet

[StterollA]

Eshtë heret të parashikohen pasojat e humbjes së Trajkovskit në jeten politike në Maqedoni.

26 Feb 2004

Intervistë me nënkryetaren e BDI-së Teuta Arifi

DW: Zonja Arifi, ju keni patur mundesi të kontaktonit shpesh me presidentin e ndjere Trajkovski, çfarë përfaqësonte ai për ju, si e pritet humbjen e tij?

Arifi: Gjithsesi ne kemi bashkepunuar si parti politike dhe si politikanë me presidentin e ndjere Trajkovski, veçanërisht në raste të ndryshme, derisa nuk ishte formuar qeveria e Maqedonisë. Qasja e tij ka qenë ka qenë gjithmonë pozitive dhe ka tentuar të ndihmojë në procese të ndryshme. Po ashtu veçanërisht ajo e fundit që mbajmë ne politikisht nga bashkepunimi me te ishin takimet që kishin të bëjnë me ligjin për universitetin e Tetovës, kur ai përfundimisht vendosi që ta dekretonte dhe ta nënshkruante ta bënte të plotfuqishëm këtë ligj për universitetin.

DW: A mund të kete humbja e tij pasoja në zhvillimet politike në vend, sidomos në raportet nderetnike ndermjet maqedonasve dhe shqiptareve?

Arifi: është heret të parashihen gjëra të asaj natyre, mirepo përgjithësisht ky është megjithatë një rast tragjik dhe në rradhë të parë një rast që akoma është heret të shikohet nga aspekti politik, dmth se cilat do të ishin konsekuencat politike.

DW: Po ashtu është edhe çështja e procesit të integrimit të Maqedonisë në BE, meqenesi ai ka qenë ithtar i fortë i reformave, i afrimit dhe integrimit të Maqedonisë në BE.

Arifi: Ishte një ithtar i fortë i integrimit në BE në rradhë të parë e keqja është se sot duhej të ishte dita e aplikimit të Maqedonisë në BE, gjë që nuk ndodhi për shkak të kësaj tragjedie meqë ky aplikim është shtyrë për disa javë me tutje. Nderkohë që roli i tij ishte i rëndësishëm edhe në raport me SHBA përgjithesisht pra në këto raporte apo në linjen politike ne nuk presim të ketë ndryshime sepse keto janë konceptet e integrimeve evropiane është një koncept konsensual për të gjitha partitë politike.

DW: Në tetor do të zhvillohen zgjedhjet presidenciale dhe lokale, sa do të ndjehet mungesa e tij për opozitën VMRO-DPMNE?

Arifi: Këto situata të reja të cilat është vështirë t´i parashikojmë, por sipas kushtetutës ne do të duhet të shikojmë a do të ketë nevojë për zgjedhje të parakohshme. Eshtë një çështje që keto ditë duhet të interpretohet nga specialistë të gjykatës kushtetuese./F.F./Liria

Lajmet

[zeus]

--------------------------------------------------------------------

MOSTAR (27 Shkurt) - Gjendet trupi i pajetë i presidentit maqedonas Boris Trajkovski. Bashkë me Trajkovskin janë gjetur dhe identifikuar edhe trupat e 8 personave të tjerë që udhëtonin në avionin presidencial. Trupat u gjetën në lokalitetin Kustoviç në afërsi të Mostarit.

--------------------------------------------------------------------

[Shpirt Njeriu]

Gjendet avioni i presidentit maqedonas .
Zyrtarët e NATO-s në Bosnjë-Hercegovinë e kanë konfirmuar se ekipet e kërkimit kanë gjetur trupat e që të nëntë personave që ishin në bord të avionit që barte presidentin maqedonas, Boris Trajkovski, që u rrëzua të enjten.
Trupa të NATO-s u angazhuan në kërkimin e avionit të rrëzuar.

Ekipe boshnjake dhe maqedonase të mjekësisë ligjore shkuan në vendin e ngjarjes për të filluar procesin e identifikimit zyrtar.

Dy kutitë e zeza janë nxjerrë nga avioni i rrëzuar.

Avioni u rrëzua në mot me shi dhe mjegull të dendur në një kodër 20 kilometra larg qytetit boshnjak të Mostarit.

Ai u gjet më herët, por ekspertë të mjeteve shpërthyese u detyruan të pastronin zonën nga minat e vendosura në luftën e Bosnjës para se t'i afroheshin vendit.

Maqedonia mban tri ditë zie zyrtare për presidentin Trajkovski.



Shpirt Njeriu

[Shpirt Njeriu]

Presidenti Trajkovski ishte burrë i madh, një njeri që çoi përpara vendin e tij, jo vetëm për reforma, por që t'i afrohej Evropës sa më shumë që ishte e mundur.


Pas mësimit të lajmit për vdekjen e presidentit maqedonas Boris Trajkovski, Bashkimi Evropian ka anuluar ceremoninë për pranimin e aplikimit të Maqedonisë për anëtarësi në këtë organizëm.

Në një deklaratë të BE-së thuhet se kryeministri irlandez, Berti Ahern, vendi i të cilit ka presidencën e rradhës së BE-së, pritej të merrte në dorë aplikimin e Maqedonisë.

Ceremonia tani është shtyrë për më vonë.

Presidenti Trajkovski ishte burrë i madh, një njeri që çoi përpara vendin e tij, jo vetëm për reforma, por që t'i afrohej Evropës sa më shumë që ishte e mundur.

J Solana, shefi i BE-së për politikë të Jashtme


Ahern e përshkroi presidentin Trajkovski si person "që ka kontribuar shumë në pajtimin në Maqedoni".

Ndërkohë, Javier Solana, shefi i BE-së për politikë të Jashtme dhe Siguri, tha se zoti Trajkovski ishte një njeri i madh që ka punuar shumë për ta afruar vendin e tij me Evropën.

"Dita e sotme është një ditë tragjike për Maqedoninë, për të gjithë banorët e këtij vendi. Por po ashtu, për shumë njerëz në Evropë. Presidenti Trajkovski ishte burrë i madh, një njeri që çoi përpara vendin e tij, jo vetëm për reforma, por që t'i afrohej Evropës sa më shumë të ishte e mundur.

Si thashë, ai kishte shumë miq. Unë kam qenë me të në momente shumë të vështira, ditë dhe netë të gjata, dhe gjithmonë e kam parë pasionin e tij, aftësinë e tij për të punuar. Do të jetë shumë e vështirë për maqedonasit ta plotësojnë këtë boshllëk. Por maqedonasit të jenë të sigurt se evropianët do të vazhdojnë t'i mbështesin, t'i ndihmojnë që të plotësojnë ëndrrën që kishte presidenti Trajkovski për ta afruar vendin e tij me strukturat e BE-së.

Po ashtu, do të doja t'u dërgoja ngushëllimet e mia familjes së presidentit Trajkovski, që pata kënaqësinë ta takoja kohë më parë dhe të kaloja me ta momente emocionesh të mëdha dhe momente të vështira në historinë e vendit të tyre," tha z. Solana.

Ai ishte një burrë që i solli pajtim vendit të tij ku mundësitë për ndarje ishin kaq shumë të mëdha.

P Cox, president i Parlamentit Evropian


Parlamenti evropian ka mbajtur një minutë heshtje. Presidenti i parlamentit, Pat Cox, i bëri homazh figurës së presidentit maqedonas.

"Ai ishte një njeri që e kam njohur fillimisht personalisht si mik dhe politikisht për shumë vite. Ai ishte një burrë që i solli pajtim vendit të tij ku mundësitë për ndarje ishin kaq shumë të mëdha. Një njeri që ishte pajtues në rajon, një evropian i vërtetë, një person zemërbardhë. Ne jemi shumë të trishtuar nga humbja e tij tragjike. Do të doja t'i shprehja qeverisë, parlamentit dhe popullit maqedonas simpatinë dhe solidaritetin tonë dhe mund të shtojë dhe vendosmërinë se do ta mbajmë të gjallë vizionin e z. Trajkovski për të ardhmen evropiane të vednit të tij," tha Pat Cox.

Presidenti i Komisionit Evropian, Romano Prodi në mesazhin e tij tha se kjo ishte ditë e hidhur për Maqedoninë.

"Një ditë e hidhur për gjithë rajonin e Ballkanit, për integrimin e të cilit ai bëri përpjekje të shumta. Dhe një ditë e hidhur për Evropën që humbi një mik dhe përkrahës të vlerave të tolerancës mbi të cilat bazohet Unioni ynë. Ne i detyrohemi shumë zotit Trajkovski dhe shpresa ime e sinqertë është që vizoni i tij do të jetë një trashëgimi për gjithë maqedonasit," tha zoti Prodi.

Kryeministri britanik Tony Blair gjatë një konferencë për gazetarë i bëri homazh presidentit Trajkovski.

"Me lejoni t'i shpreh ngushëllimet më të thella popullit maqedonas për vdekjen tragjike të presidentit të tyre në emër të popullit britanik," tha kryeministri Blair.

Ndërsa në një deklaratë të tij, sekretari i përgjithshëm i NATO-s tha se presidenti Trajkovski demonstroi një udhëheqje të mirë për të ruajtur unitetin e vendit të tij kur ishte nën kërcënim.

Përballë rrethanave të vështira dhe opozitës së shumë vetëve, ai udhëhoqi republikën ish jugosllave të Maqedonisë dhe luajti rol të rëndësishëm në nënshkrimin e Marrëveshjes së Ohrit. I bëj homazh, tha zoti Jap de Hoop Shefer, këtij burrështeti të guximshëm.

[StormAngel]

Varrimi behet ne Shkup ne varrezat e qytetit te quajtura "Butel".
Kutia e zeze shkon ne Pariz per ekspertize dhe kthehet prap ne Maqedoni.
Edhe nje here ngushellime per Presidentin.
Pershendetje!

[Llapi]

Cërvenkovski ka kritikuar SFOR-in

Kryeministri i Maqedonisë Branko Cërvenkovski nëpërmjet një kumtese të zyrës së tij ka akuzuar misionin paqeruajtës ndërkombëtar në Bosnje SFOR për gabime në komunikime pas përplasjes së aeroplanit që shkaktoi vdekjen e presidentit Boris Trajkovski.


Kryeministri Cërvenkovski është takuar me një zyrtar të lartë të SFOR-it në Sarajevë për ta diskutuar këtë çështje. Në kumtesën e kryeministrisë së Maqedonisë thuhet se SFOR-i ka pranuar kritikat.


RTK

[molembek]

Nuk e di se cfare ngushellimesh keni shprehur per ata shqiptare qe u vrane ne 2001 nga ushtria maqedonse dhe ky kryetar shteti bente tifozlllek per ushtrine e tij

[zeus]

----------------------------------------------

Kam pershtypjen se nuk eshte tamam ashtu siç thua ti. Edhe une me te degjuar e kam (ashtu si ti) qe ka luajtur rol pozitiv. Nejse!

----------------------------------------------

[molembek]

Nuk arita tju kuptoj shprehjen " njeri qe u peroq shume per paqen ne vendin e tij "" njeri qe beri shume per vendin e tij " mos nenkuptoni kur perpara syve te ketij presidenti vriteshin shqiptare nga Maqedonia nga ushtria maqedonse kur largoheshin prej shtepive te tyre se u bombardoheshin shtepite shqiptareve ,vetem e vetem se kerkonin te drejtat themelore.
Te nderuar forumiste mos devioni kaq shume nga identiteti juaj mos u shprehni me shume reformiste se sa vete kuptimi i fjales.
Nuk dua te dal kunder asnje postimi juaj , por thjesht ju referova realitetit te hidhur