Calcio Mercato

[Eros]

FABRICIO RAVANELI do të kalojë këtë javë te Portsmuthi dhe rroga e tij do të paguhet gjysmë nga Derbi dhe gjysmë nga klubi i ri. Derbi, e rënë në kategorinë e dytë, mezi priste ta hiqte sulmuesin 33-vjeçar italian, i cili do të marrë 40 mijë stërlina në vit.

[Eros]

PETER RIDSDEJL i ka afruar mesfushorit Li Bojer një kontratë të re me Lids Junajtid. "Ne kemi dëshirë që ai të qëndrojë, por i përket atij të vendosë. Arsyeja e vetme që e vendosëm në tregun e lojtarëve ishte se ai nuk pranoi të nënshkruante kontratë të re dhe ne u përballëm me mundësinë që në fund të sezonit të shkuar ai të largohej. Në çdo rast, ne nuk do të fitonin gjë nga shitja e tij." Li Bojeri ka qenë shumë afër kalimit te Liverpuli, por nuk arriti të firmoste për këtë klub, pasi nuk u pëlqye nga trajneri Hulier.

[Eros]

BERND SHNAIDER ka pohuar se do të qëndrojë te Bajer Leverkuseni, megjithëse ka marrë një ofertë nga Barcelona. "Do të kthehem të premten në stërvitje dhe, që atë ditë, do të jem 100 % lojtar i Bajerit. Nuk kam pasur kontakte me Barcelonën, kështu që një lëvizje për në "Nou Kamp" është e pamundur."

[Eros]

HOAKINI po u largohet gjithnjë e më shumë ofertave nga Italia. Presidenti i Betisit i ka ofruar telentit spanjoll një kontratë deri në vitin 2010, pra katër vjet më shumë se kontrata e tij aktuale. Marrëveshja parashikon një pagë fikse dhe një në varësi të rendimentit.

[Eros]

Rivaldo: "Kthimi i Van Gaal influencoi në largimin tim"


--------------------------------------------------------------------------------

Rivaldo qartëson "engimën e tij": rikthimi i trajnerit Luis Van Gaal te Barcelona ishte arsyeja që qëndron pas marrëveshjes së divorcit "konsensual" midis mesfushorit brazilian dhe klubit katalanas.

"Van Gaal është shkaku kryesor i largimit tim", citohet dje nga media spanjolle të ketë thënë kampioni i botës. Unë nuk e pëlqeja Van Gaalin dhe jam i sigurt se dhe ai nuk më pëlqente mua". Gjatë periudhës së parë të drejtimit të Barcelonës nga Van Gaal (1997-2000), Rivaldo e sfidoi autoritetin e trajnerit holandez, duke i kërkuar këtij të fundit që që luante në qendër të mesfushës dhe jo në linjën e majtë të këtij sektori. Van Gaal e fitoi betejën "taktike" dhe Rivaldo u detyrua të kërkojë falje për komentet e tij, pasi u ul në stol për dy ndeshje. Megjithatë marrëdhëniet midis tyre krijuan një dëm të pariparueshëm. Barcelona, për të shamngur një mundësi tjetër konfrontimi me pasoja shqetësuese, vendosi që të shfuqizojë kontratën me Rivaldon, që skadonte në fund të sezonit 2002-2003. Ky vendim nënkupton se ai tani është futbollist i lirë, çka i jep mundësi atij që të bëjë zgjedhjen që i pëlqen. Rivaldo nuk ka përjashtuar mundësinë e lëvizjes te rivali historik i Barcelonës, Real Madrid: "Pres Valdanon që të më telefonojë; unë tani jam një futbollist i 'papunë'. Jam një futbollist i lirë që mund të shkojë në çdo klub, përfshirë dhe Real Madrid, pasi në kontratën që kam nënshkruar", pohoi më tej Rivaldo. Perez mund të preferonjë të nënshkruante me një nga futbollistët më të mirë të botës, për ta bashkuar atë me yjet si: Zidane, Luis Figo dhe Roberto Karlos në Bernabeu. Nëse Perez vendos që të nënshkruajë me Rivaldon, pas marrjes së Figos nga katalanasit, kjo do të ishte një tjetër shkatërrim i marrëdhënieve mes dy klubeve. Ndërkohë alternativa të tjera për Rivaldon mbeten në Itali skuadrat e Lacios dhe të Milanit, kurse në Angli ato të Manchester United e Njukasëll. Milani ka filluar bisedimet me Rivaldon, pas divorcit të këtij të fundit me skuadrën spanjolle, Barcelona. Këtë e bën të ditur dje zëvendëspresidenti, Galiani.

[Eros]

Përfundon merkato e Manchesterit

Manchester United nuk ka në plan për të blerë ndonjë futbollist tjetër, përpara fillimit të sezonit të ri të Premier League, pasi bëri të tij, përmes një shifre rekord, mbrojtësin e qendrës të Leeds dhe të kombëtares angleze, Rio Ferdinand. Manchester shpenzoi një shifër të madhe stërlinash (47.27 milionë dollarë) për Rio Ferdinand dhe mendohej se mund të synonte dhe të tjerë futbollistë për ta forcuar edhe më shumë skuadrën.

[Eros]

Batistuta mbron trajnerin Bielsa

Sulmuesi argjentinas, më i miri shënues në historinë e kombëtares së këtij vendi, Gabriel Batistuta, mbrojti dje gjatë një interviste në radio, trajnerin e Argjentinës, Marcelo Bielsa. Sipas Batisturës, Bielsa "bëri gjithçka për të fituar në botërorin aziatik. Në qoftë se ne do të kishim ndjekur planet e përcaktuara nga Bielsa, Argjentina do të kishte vazhduar të fitonte ashtu siç bëri përpara Botërorit", deklaroi "Batigol".

[Eros]

Arsenal i kërkon Juves për Carinin

Arsenali po negocion që, përmes formulës së huazimit, të marrë borxh portierin e Juventusit, uruguajanin Fabian Carini, me qëllim që të zëvendësojë Richard Reit, që është shumë pranë lëvizjes drejt Evertonit. Sipas gazetave britanike, portieri 22-vjeçar uruguajan do të jetë zëvendësuesi i David Seaman, duke zëvendësuar Reit, transferimi i të cilit drejt Evertonit mund të konfirmohet sot.

[Eros]

Nesta do të qëndrojë te Lacio

Alessandro Nesta, i këkruar nga shumë klube në zë, do të qëndrojë te Lacio dhe për sezonin e ardhshëm, 2002-2003, tha presidenti i Lacios, Sergio Cragnoti. "Nesta do të qëndrojë te Lacio, konfirmoi Cragnotti. Unë do të takohem personalisht me të në ditët e ardhshme. Inter dhe Juventus këmbëngulën, por kushtet që paraqitën për të rekrutuar futbollin tonë ishin të papranueshme. Për momentin kjo është një çështje e mbyllur".

[Eros]

Capello: "Sensi një mendje me mua"

Në shtëpinë e Romës vazhdon të jetë aktualitet çështja "Davids". Capello ka bërë të ditur se nuk ka rreshtur duke shpresuar që holandezi do të vijë te Roma. "Për të rejat, ka shpjeguar trajneri i verdhekuqve, duhet t'i referoheni presidentit Sensi. Edhe ai ka thënë se është një lojtar i rëndësishëm, prandaj dhe ka qenë shumë i qartë. Të shikojmë se ç'do të thotë Juve..." Por megjithatë, sipas Capellos, dhe Roma aktuale është shumë kompetitive.