Berisha: Nano te harroje marreveshjet

[Brari]

Tema

---------

EDITORIALI
Marrëveshja e pakërkuar

Nga Mero Baze

Muajt e fundit ishin një betejë reale e shoqërisë me arrogancën. Të gjitha krizat në Shqipëri kanë nisur nga mbingopja e pushtetit me pushtet dhe jo nga margjinalizimi i opozitës. PPSH ra më 1991 kur fitoi dy të tretat, Berisha ra kur mori katër të pestat, Ilir Meta kur kishte në dorë qeverinë, parlamentin dhe KPD, edhe Fatos Nano filloi të bjerë kur i fitoi të gjitha. Në Shqipëri mbetet e paprekur frika nga të plotpushtetshmit, ndërsa arroganca e pushtetit është bërë aleatja më e madhe e kundërshtarëve të tij. Fatos Nano filloi të bjerë nga arroganca. Ai shpërfilli opozitën brenda partisë, u përpoq të injorojë dhe denigrojë opozitën reale politike, u përpoq të injorojë problemet e varfërisë dhe ekonomisë në vend, duke i parë ato nga helikopteri i gruas së vet dhe jo duke u ulur seriozisht, dhe kjo mendoj se i krijoi premisat e krizës.

Më tej akoma ai ngjalli frikë me kontrollin që vendosi mbi institucionin e presidentit. Kjo frikë buronte nga fakti se ai ishte e vetmja pikë ku opozita bashkohej me institucionet dhe mund të shërbente për iniciativë në rang më të gjerë politik. Mënyra se si e keqpërdori ai Presidentin dhe si e ktheu në një ushtar pa dinjitet, nuk ngjalli mëshirë për Moisiun, por frikë nga Nano. Dhe kjo ka çmim. Moisiu u bashkua në çdo gjest pro tij, si në eleminimin e opozitës së brendshme, edhe në eleminimin e opozitës politike duke falsifikuar zgjedhjet. Ai u përfshi deri dhe në debate bajate politike nëse jemi apo nuk jemi neve Gjeorgji!

Tashmë kryeministri ka ndier se ka humbur pikërisht prej arrogancës. I pezmatuar nga zhvillimet e fundit dhe sidomos nga paralajmërimi i rreptë për maratonën e protestave pas datës 20 mars, ai ka artikuluar pardje pas mbledhjes së Kryesisë, kërkesën për një Marrëveshje të re me opozitën. Shumë zëra afër qeverisë u frynë menjëherë borive të festës, ku nuk ishte ftuar dhe nuk kishte kërkuar të ishte prezent askush. Askush nga opozita nuk ka kërkuar marrëveshje me pozitën. Askush nga opozita nuk ka kërkuar që të ulet në tavolinë me Fatos Nanon. Askush nga ata mijëra që janë në rrugë nuk presin më ndonjë gjë më përçudnuese prej marrëveshjeve pozitë-opozitë se krijesa që lindi në vitin 2002. Dhe shikoni se si kërkon Fatos Nano një Marrëveshje të re... pa zemër, pa fuqi, pa siguri, pa ngritur sytë lart të shikojë në sy ata që ka përballë. Thjesht si një përdhunues i frikësuar.




------------

[kristal]

Si jane bere shqipetaret njelloj si deveja ne shkretetire,duke menduar se ekziston akoma shpresa se politileket Thanas dhe Salep munt te ndryshojne te ardhemen e shqipetareve keta qe e varrosen shqiperine njehere e mire,deri ne humbjen e cdo shprese per shqipetaret.

Nuk ndryshohet situata katastrofike me ulje tavolinash e ngritje karrikesh,se ngelem vetem sqepar greke ne kopshtin rus.


Sa me vrulle vazhduan demostratat por nuk e di se cfare ndodhi qe kane vendosur ti bejne njehere ne muaj..............asgje e re dhe as shprese nuk ka si te kete me keta politikane qe po e coraposin shqiperine,jernek kolumbez.


Shqiperia ne duar te zotit.


Zoti e ndihmofte shqiperine dhe shqipetaret.


kristali