Tragjedi në minierën e Selenicës

[zeus]

------------------------------------------------------

VLORE (23 Shkurt) - Të paktën 5 minatorë kanë humbur jetën, sipas informacioneve më të fundit nga Vlora. Ministri i Shëndetësisë, Solis konfrimoi se 11 persona ndodhen në gjendje të rëndë në spitalin e Vlorës, 6 prej të cilëve me djegie në gjysmën e trupit. Ndërkaq, nga galeria e minierës së bitumit së Selenicës skuadrat e shpëtimit kanë arritur të nxjerrin të gjithë minatorët që kishin mbetur të bllokuar si pasojë e shpërthimit të gazit në 100 metra thellësi. Sipas prefektit të Vlorës, Bashkim Abili, të plagosurit në gjendjen më të rëndë rëndë janë dërguar në spitalin e kryeqytetit.

------------------------------------------------------

[zeus]

-----------------------------------------------------------------

VLORE (23 Shkurt) - Drejtoresha e spitalit të Vlorës, Marjeta Çakëri, ka deklaruar se në spitalin e Vlorës ndodhen 9 minatorë të plagosur me djegie të shumta, 7 prej të cilëve në gjendje më të rëndë. Një ekip mjekësh nga Tirana do të konstatojnë gjendjen e tyre dhe personat në gjendje kritike do të transportohen për në spitalin e Brindizit në Itali, ose në Tiranë. Ndërsa ministri i Industrisë dhe Energjitikës, Viktor Doda tha se 18 minatorë kanë arritur të nxiren nga miniera, disa minatorë deklaruan për News24 se janë 3 minatorë që rezultojnë të humbur, pasi nuk janë gjetur ende nga skuadrat e shpëtimit. Minatorët akuzojnë kompaninë franceze që ka marrë minierën me konçension për kushtet e këqija të punës dhe sigurisë në minierë. Sipas tyre, temperatura në minierë është shumë e lartë dhe ka probleme me filtrimin e ajrit. Ndërkaq, mësohet se një minator është ndaluar nga policia për t'u pyetur rreth ngjarjes.

-----------------------------------------------------------------

[zeus]

-----------------------------------------------------

VLORE (23 Shkurt) - Presidenti i firmës franceze "K.L.P. Selenicë bitum sh.a.", e cila ka marrë me koncension minierën e bitumit në Selenicë dhe administratori i kësaj firme, janë ndaluar pak minuta më parë në Tiranë dhe po shoqërohen drejt minierës. Kryeprokurori i rrethit të Vlorës, Petrit Çano, tha se, "presidenti i firmës Patrik Paskal dhe administratori Tomor Beqiri, janë ndaluar në Tiranë dhe janë duke u shoqëruar me helikopter për në minierën e Selenicës". Sipas Çanos, nga të dhënat paraprake mendohet që dy personat e mësipërm të jenë shkaktarë të mosmarrjes së masave të nevojshme të sigurisë teknike në galeritë e minierës.

-----------------------------------------------------

[zeus]

-------------------------------------------------------------------

Viktimat e tragjedisë së sotme në minierën e Selenicës janë Refat Tozaj, 52 vjeç nga fshati Resulaj (Selenicë), Mynyr Gargaj, 50 vjeç nga Selenica, Enver Jançaj, 36 vjeç nga Selenica, Bardhosh Hyseni, 34 vjeç, nga Selenica, Basri Imami, 35 vjeç, nga fshati Romës (Selenicë). Ndërkaq, ministri i Shëndetësisë Leonard Solis sqaroi se 2 prej të plagosurve në minierën e Selenicës u nisën drejt Tiranës, 3 do të dërgohen në Brindizi dhe 4 të tjerë në Janinë. Gjendja e 3 të plagosurve të tjerë paraqitet më e mirë. Të plagosurit kanë djegie në fytyrë dhe probleme në rrugët respiratore.

-------------------------------------------------------------------

[zeus]

------------------------------------------------------

TIRANE (23 Shkurt) - Kryeministri Fatos Nano mbërriti sot në Vlorë për të parë gjendjen e minatorëve të plagosur, që ndodhen të shtruar në spitalin e qytetit. Nano premtoi ndihmë dhe përkushtim nga ana e shtetit për përmirësim e gjendjes shëndetësore të tyre. Nano tha se kishte marrë konfirmim nga pala italiane për dërgimin e disa të palgosurve në spitalin e Brindizit për kurim. Nano i ka kërkuar kryeprokurorit Sollaku nisjen e hetimeve për të zbuluar shkaqet e tragjedisë së sotme. Ndërkaq, në spitalin e kryeqytetit mbërritën dy të plagosur, Enver Velia, 35 vjeç dhe Edmond Çipo. Ky i fundit ndodhet në gjendje tepër të rëndë, pasi djegia ka arritur masën 80 përqind. Nga shpërthimi i gazit në minierën e Selenicës, gjetën vdekjen 6 minatorë dhe shumë të plagosur. Sipas përfaqësuesit të firmës "Selenicë Bitum" firma do të mbulojë të gjithë shpenzimet e mjekimit.

------------------------------------------------------

[Brari]

korrieri

------

Me 1982, vdiqen 10 minatore
Ne mineren e Selenices ne vitin 1982, gjate nje shperthimi te ndodhur brenda galerive te saj, gjeten vdekjen dhjete persona. Ndersa te plagosur, mbeten edhe rreth 15 te tjere. Por ngjarja nuk u be e ditur nga autoritetet komuniste te kohes. Ndersa ne vitin 1998, ne minieren e Bulqizes, gjashte persona gjeten vdekjen dhe 14 te tjere mbeten te plagosur rende, kur nje shperthim i fuqishem, beri rrezimin e nje prej galerive te brendshme te saj, duke shkaktuar pasojat fatale. Kurse ne vitin 1997 ne Bater te Martaneshit, gjashte minatore humben jeten ne minieren e kromit, pasi u perpine nga masivet shkembore, qindra metra nen toke. Re.Rre

PROVAT KERKIMORE

Minera e Selenices, si u shfrytezua ne shekuj nga te huajt

Ne minieren e bitumit ne Selenice, aktualisht jane punesuar 170 punonjes shqiptare. Minuiera u privatizua 100 per qind, nga shoqeria franceze "SELENICE BITUM", sh.a., me president Patrick Paskal. Por miniera me e madhe ne vend eshte edhe me e vjetra e madje nder me te rrallat ne bote. Ajo ka qene e lakmuar ne shekuj, nga prodhuesit industriale, pasi nxjerr bitum natyror te cilesise se larte dhe qymyr bituminoz me fuqi kalorifike gjithashtu te larte. Ne Fjalorin Enciklopedik Shqiptar, bitumi i Selenices permendet gjeresisht. Ai ka qene i njohur dhe eshte shfrytezuar qe para eres sone. "Aristoteli, Strabone etj, - citohet nga ATSH, Fjalori Enciklopedik Shqiptar, - kane shkruar per Selenicen dhe per bitumin e saj, qe eksportohej ne vende te ndryshme te pellgut te Mesdheut". Ne vitin 1835, kete miniere e kane shfrytezuar shoqerite e huaja turke, ndersa ne vitin 1875 ato angleze e franceze, dhe ne vitin 1918, shoqerite italiane. Nxjerrja me intensive eshte bere prej shoqerise koncesionare italiane Cimza e cila nga kjo miniere deri ne vitin 1944 ka marre 420 mije ton bitum te paster,. Ne vitin 1944 miniera kaloi ne pronesi te shtetit, duke u shfrytezuar, deri ne vitin 1990. Mbas vitit 1990, pas nje periudhe nderprerjeje te aktivitetit, kaloi ne pronesi te shoqerise rentiere "Silva", e

cila kishte 70 per qind te kapaciteteve te minieres. Ndersa 30 per qind, ne pronesi te shtetit. Shoqeria franceze, " SELENICE BITUM", sh.a, sipas ministrise se Industrise dhe Energjitikes, mori nen administrim 100 per qind te gjithe minieren, duke kapitalizuar 70 per qind te pjeses se firmes piramidale dhe 30 per qind te aksioneve te shtetit. Shoqeria franceze prodhon ne kete miniere rreth 10 000 tone bitum ne vit, nga i cili rreth 3 600 tone, bitum i paster, kryesisht per tregun e vendit.



-----

Minute pas minute me tragjedine

07.30 Hyjne 30 minatore, ne pusin qendror te minieres se bitumit ne Selenice te Vlores, prone e ish kompanise rentiere VEFA, privatizuar nga francezet

08.45 Pese nga minatoret marrin ne duar nje masiv mineral dhe nisin ta cajne me pistolete

08.50 Nje shkendije gjate punes, e rene ne kontakt me korentin e pistoletes, shkakton shperthimin e gazit metan, ndikuar edhe nga temperatura 45 grade celcius, 400 metra nen toke

08.55 Nen kaosin e krijuar, dalin nga toka permes ashensoreve dhe kafazeve paralele, gjashte prej punetoreve, te paprekur nga zjarri

09.05 Nis hyrja e forcave te shpetimit nen toke dhe nxjerrja e minatoreve

09.15 Nxirret i vdekur, i pari i minatoreve, 52-vjecari Refat Tozaj nga Selenica

09.20 Vazhdon nxjerrja e trupave, del pa jete, shefi i sektorit, Mynir Gargaj

09.30 Njekohesisht dalin me djegie shume te renda por te gjalle, 11 minatore

10.05 Dalin te vdekur edhe tre minatore te tjere, Enver Jancaj 36 vjec, dhe dy 35-vjecaret, Bardhosh Hyseni e Basri Imami

10.15 Perfundon nxjerrja e te gjithe minatoreve

10.30 Mberrijne ne spitalin e Vlores, te gjithe te mbijetuarit dhe ne morg, te vdekurit

11.30 Policia dhe prokuroria nisin shoqerimin e drejtuesve te kompanise franceze

13.30 Transportohen drejt spitalit te Tiranes, dy prej te plagosurve

15.30 Dergohen ne Itali per kurim te specializuar, 4 te plagosur rende

-------
Moisiu: Masa per mosperseritjen e tragjedise
Presidenti Moisiu ngushelloi nepermjet nje telegrami familjaret e minatoreve, te cilet humben jeten, si pasoje e shperthimit ne minieren e Selenices. "Kjo ngjarje tragjike na ka tronditur te gjitheve. Ne keto momente te veshtira, lutem qe, shendeti i te plagosurve te permiresohet dhe permasat e tragjedise te mos zgjerohen me tej", shkruan Kreu i Shtetit. Duke nenvizuar rendesine e marrjes se masave per sigurimin dhe permiresimin e kushteteve te punes se minatoreve, ne telegram Presidenti nxit "qeverine dhe organet e tjera pergjegjese te kryejne hetimet e nevojshme per te zbuluar arsyet e tragjedise dhe per te marre masat e duhura ligjore e administrative, qe ato te mos perseriten me te ne ardhmen". "Njekohesisht, organet vendore dhe qendrore duhet te tregojne perkujdesje te vecante dhe te ndihmojne familjet e prekura nga kjo tragjedi", shkruan Presidenti ne telegramin e tij.


--------

Nano: Te gjenden shkaktaret e incidentit

Kryeministri udheton me urgjence drejt Vlores e Selenices per te ndjekur operacionin e shpetimit te jeteve te minatoreve te rrezikuar dhe ngushelluar familjet e viktimave. Nano, bisedime me ambasadorin Ianuci per dergimin e te plagosurve ne Brindizi. Urdheri i shefit te qeverise: "Autoritetet vendore te paguajne shpenzimet e ceremonive mortore"

Kryeministri Fatos Nano ka fluturuar menjehere dje ne mesdite, drejt Qytetit te Vlores dhe me pas ne Selenice, per te ndjekur nga afer operacionin e shpetimit te jeteve te minatoreve, te rrezikuara pas shperthimit te nje vatre gazi natyror ne minieren e bitumit ne Selenice, e cila i eshte dhene me koncension nje firme franceze. Shefi i qeverise mberriti dje rreth ores 13.30 ne Spitalin e Vlores, ku vizitoi minatoret e aksidentuar. Gjate vizites ne Spitalin e Vlores, Kryeministri shoqerohej nga ambasadori italian ne Tirane, Masimo Ianuci, me te cilin ka biseduar mbi asistencen e spitaleve italiane per kurimin e te aksidentuarve. Gjithashtu, Nano ka folur edhe me te demtuarit dhe i ka garantuar ata se shteti po ben gjithcka per sherimin e shpejte te tyre.

Kryeministri, ne spitalin e Vlores, duke iu pergjigjur interesimit te medias lidhur me kete ngjarje, eshte shprehur se "shteti ka vepruar ne kohen e duhur". "Kane humbur jeten pese njerez, duke punuar ne nje nje miniere te vjeter, ku po identifikohen edhe pergjegjesite ligjore per t'u dhene pergjigje", tha Kryeministri. Ai shtoi se nente minatore te tjere jane ne gjendje, nga 20 % deri ne 80 % djegie. "Per shtate prej tyre po merren masa per t'u kuruar per rehabilitim te plote ne spitalin e Brindizit. Keshtu u njoftova nga ambasadori Italian ne Tirane dhe autoritete italiane. Jane marre te gjitha shpenzimet persiper per trajtimin e tyre shendetesor nga pala italiane", u shpreh Nano. Ne te njejten kohe, ai vleresoi punen e ekipit te emergjences se spitalit te Vlores. "Kemi nje minator, qe eshte ne spitalin e Tiranes, qe gjithashtu, eshte nen kujdesin mjekesor, me nje shkalle me te larte diegieje 80 %", vleresoi shefi i qeverise. Ne te njejten kohe, ai tha se shteti po vepron edhe me strukturat e tjera, edhe me Prokurorin e Pergjithshem, per te kuptuar radhen e veprimeve ligjore, per te disiplinuar edhe investimet private qe te mos ndodhin incidente te rrezikshme per jeten e punonjesve, si dhe po kryhen te gjithe veprimet e tjera qe nga identifikimi i rrethanave dhe pastaj i nderhyrjeve te nevojshme administrative apo ekonomike, per te garantuar kushte standarte ne koncensionin francez te Selenices, si dhe per te cuar te djegurit ne spital.

Nderkohe, me urdher te Kryeministrit te gjitha shpenzimet per ceremonite mortore te personave qe humben jeten gjate aksidentit do te merren persiper nga organet e qeverisjes vendore, si dhe do t'u vihet ne ndihme familjeve te tyre.

Kryeministri Nano u kritikua ashper pas ngjarjes se 9 janarit, per mosardhjen ne Tirane, ndersa 21 persona, te cilet synonin te kalonin Adriatikun me gomone humben jeten. Opozita dhe disa levizje qytetare e cilesuan kete veprim te Nanos si te papergjegjshem.

















------------



Koment..

e kam thene dhe me pare se nga lajme te rastit marrim vesh te vertetat..

Psh deri dje nuk e dinim fatin e minieres se Selenices.. tash mesojme se qenka bere prone e nje francezi.. e pra kushedi cili Zyrtar ka fut thesin me para nen krevat nga shitja e ksaj miniere Shteti nje francezi qe ska car kok te bej ventilime e modifikime minires..por vec tja rrjep dhe ato pika te fundit Sere qe i kan mbet nentokes..


Moisiu kur u be president u interesua per ambjentet e pallatit te brigadave dhe lulishtet e saukut ku ai do bente kros e ku duhej ndaluar levizja e amatoreve te natyres andej nga Moisiu do dilte me breke..
Nano sla hotel e kazino te botes pa bredhur e tani luan rolin e nje te cmenduri mbas halleve te popullit..

500 vjet me pare Servantesi me gojen e Don Kishotit jep ca keshilla se si duhet te jete nje qeveritar (guvernator)..

Dil o Sanco i thote (me qe Sanco do behej guvernator) shpesh ne pazare e thertore e shiko si jeton mileti e se mos kasapet ja hedhin te gjorve.. kontrollo burgjet e gjykatat se mos behen padrejtesira etj etj..


Kta biznesmenet.. dine te nxjerrin dhjam nga pleshti..pra din te mjelin pa i dhene lopes bar e uje..e kasolle..
Po nje qeveri prandaj eshte qe te bej kontrolle..
Te gjejm shkaktaret thot Nano..
Ai eshte kryeshkaktari..

Ka kaq dit qe ha e pi ne pallat te Mbretit (ose Brigadave) e gjoja merret me studimin e qendres se Tiranes..

E cka qendra Tiranes per Studim..?
Cili inxhinier Shqiptar nuk e di se cka i duhet Tiranes?

Por si do vjedhin..
Ja duke organizuar cdo dite "projekte" e tendera qe te gllaberojne cdo kokerr euro-dollari nga djersa e kti populli e nga dhuratat e Botes..

Nje miniere duket ne 10 minuta po ti hedhesh nje sy se eshte ne gjendje skandaloze apo te mire.. e per ta pare 10 minuta do i kish dal koha Ministrave e Drejtoreve te shtetit por ata din te kontrollojne vetem hotel-bordellot e mafies sa ne Sarande e sa ne Egjypt e sa ne Vjene e Sauk..

Miniera Selenices ala qendron me shinat e dokovilet e traret qe ka vendosur ai "burgjezi italian" qe ne koh te Zogut bile me heret.. dhe PPSH asnje remont nuk i ka bere galerive edhe se SEREN e SELENICES e shiti 50 vjet jasht shtetit e me ato pare blenin "proletaret e Byrose" BENZA Borgjeze te blinduar..
Po Selenica cfar fitoi?

Ne se do kishim nje qeveri te mire qe ne vitin 1950 duhej qe Sera e sapo dale nga krahet e minatoreve te shtrohej fillimisht ne ambjente e Minieres..pastaj ne rruget e qytezes se Selenices..pastaj ne Rrugen Selenic-Vlore e ne fund fare te asfaltonte lagjen BBLOK ne Tirane..
Por jo Mileti kur kujtojne SELenicen mendojne gure.. gropa.. Ferra e vape .. Proletar me gelbaza qe han buk e gjiz e thone rroft Partia e Enveri e shoku Nano ruc.. asgje tjeter..


Buk Misri e dhalle e ca tallash qe merrnin puntoret nga Sharra e minieres e gatuanin groshet ne ca teneqe te improvizuara si soba..ne ato banesat si furriqe ..
50 vjet nxorri Selenica sere per Boten dhe rruga kryesore e Selenices ka qene vec gure..dhe balte e gropa jo vetem ne qyteze por dhe deri ne Vlore..

Biznesmenet Selenicare Rakipet e gazetes Albania kan perlare qindra mijra dollare nga te mundin e per minieren di llafe nuk kan shkruar..

Pse shkon Nano ne Selenice.. jo se i ha meraku se vdiqen ca minatore..se ata kan 70 vjet qe vdesin ne minire her pas here ..por se ne Selenice PS e ka lehte te marre vota nga injoranca qe ka mbjelle aty PPSH e dega brendshme e Vlores qe e kish si laborator per te internuar "armiqte e Partise"..

Po sindikatat ku jane..

Ska sindikata Shqiperia vec ca hajdute me kollare qe luajn Rol sindikalistesh..

jazekk..

[Brari]

KJ

E Merkure, 25 Shkurt 2004


CIUDAD JUAREZ DHE SELENICA

Nga Gazmend KAPLLANI

Ciudad Juarez eshte nje qytet ne Meksike, ne kufi me SHBA-ne. Eshte i njohur per dy gjera: per dhunen ndaj femrave dhe per industrine tekstile. Para disa vitesh disa firma Amerikane zbuluan "parajsen" duke transportuar uzinat e tyre ne Meksike. Ne Amerike nje punetor, per te njejten pune, paguhet te pakten 18 dollare ne ore. Ndersa ne Meksike per te njejten pune nje maquiladoras, pra nje punetore meksikane, paguhet maksimumi 4 dollare ne dite!

Ciudad Juarez eshte vetem nje prej mijera shembujve ne boten e sotme te globalizmit. Sic eshte edhe Selenica. Eshte pjese e nje fenomeni te pergjithshem, sindrome e "planetit tone kanibal" - sic thote politologu liberal Zaki Laidi. Prej hemisferes se pasur shperngulen ne hemisferen e skamur firma te ndryshme qe nxjerrin fitime perrallore. Duke ringjallur ne vendet e skamura forma te kapitalizmit qe jane braktisur prej vitesh ne vendet e tyre. Sepse dihet qe "skamja" kushton lire. Ka nevoje per pune, ka nevoje te siguroje kafshaten e bukes per femijet. Rropatet per 4 dollare ne dite ne Ciudad Juarez dhe per 11 mije leke te reja ne muaj ne Selenice... 11 mije leke te reja ne muaj: shume me pak se sa c'kushton darka e VIP-ave ne nje nga lokalet luksoze ne qender te Tiranes.

Breda tragjedise se Selenices "banon" jo vetem epopeja planetare e skamjes, jo vetem pasojat e kapitalizmit te xhungles por edhe tragjedia jone kombetare. "Banon" fakti qe jemi nje nga vendet me te skamura te hemisferes me te skamur. Selenica (ashtu si Karaburuni) eshte realiteti yne lakuriq qe nuk i ben dot lifting...

Nje realitet qe zbulon nje tragjedi tjeter sui generis dhe qe e perjetojme cdo dite. Brenda Shqiperise jetojne tashme "bote" te ndryshme qe nuk komunikojne me me njera-tjetren. Nje fakt qe e konstatonte dje ne menyre aq dramatike gazeta Korrieri. Mjafton te shohe kush asimetrine uleritese mes popullit dhe Kryeministrit. Njerezit mbyten si klandestine ne det ndersa ai ben turizem; mandej si kunderpeshe shkon ne Bruksel qe te na tregoje se andej nga behari do na luten Europianet per t'u futur ne BE. Ne momentin qe skamja ka arritur kulme te papara ne gjithe Shqiperine Kryemistri dhe qeveria e tij flet gjate gjithe kohes per `fshatrat turistike' dhe per qendren Europiane te Tiranes. Njerezit lene jeten ne miniere duke punuar si kafshe per 11 mije leke te reja ndersa ai shperblen vehten me rroga ekstra. Njerezit mbushin serish sheshet dhe protestojne kunder skamjes, arrogances dhe kleptokracise ndersa ai i quan klone te Haxhi Qamilit - me pak fjale `jashteqitja e kombit' sipas shprehjes se preferuar te regjimit enverist. Besoj se tani pas tragjedise se Selenices erdhi momenti t'a marre stafeten First Lady yne. Per te rregulluar imazhin e Shqiperise, te organizoje nje gala luksoze, nje "gala lux" per jetimet e minatorev te vdekur ku do jene te ftuar nderi Sulltani i ishujve Bahre, z.Silvio Berluskoni dhe znj.Dhimitra Liani Papandreu; ku poezi te z.Agim Isaku - kushtuar minatoreve te pafate - do recitohen nga Kryeministri z.Fatos Nano te shoqeruara me melodine e kenges "What a wonderful world". Hyrja per pjesemarrje ne "gala lux" do kushtoje te pakten 11 mije leke te reja... C'est vraiment, vraiment touchante!


----------






Puntori.. Rropatet per 4 dollare ne dite ne Ciudad Juarez dhe per 11 mije leke te reja ne muaj ne Selenice... 11 mije leke te reja ne muaj: shume me pak se sa c'kushton darka e VIP-ave ne nje nga lokalet luksoze ne qender te Tiranes.

[hajla]

"Shprehi ,"Dhimbje ma te thella per Minatoret e Lesenices te Vlores!!.
Uroj te Shpetuarit nga (Minjera)-- te kan sherime pa te meta!!
me Shpres,e te Rritura paget "Mujore"me nje LUTJE:
Per kujdesin e "Femijve te atyre qe humben jeten..
ne Tragjedi e Minjeres,te "Lasenices!..
Shkojn e vin Dite Pikllimie Tragjedis!?..
e dhasht" Zoti" qe ti ndal niher e pergjithmon..keto dit (zije)--e rasteve te "Tilla"..
Uroj *Paqe*per mbar Shqiptaret::
ZOTI E BEKOFT SHQIPERIN DHE KOSOVEN:

[zeus]

-----------------------------------------------------------

Ngushëllime!

Ngjarja e Selenicës duhet ta bëjë të reflektojë qeverinë për problemet reale të shoqërisë shqiptare!

-----------------------------------------------------------

[Brari]

panorama

------

tragjedia e Selenicës

reportazh


Çfarë ndodh në qytezën, me bitumin e të cilës janë shtruar rrugët e Parisit e të Romës

Rrugët pa asfalt të Selenicës

Një ditë pas tragjedisë. Dje ceremonia e varrimit të viktimave


Nga të dërguarit tanë në Selenicë, Vladimir Karaj & Aulona Kadillari

Sapo kemi hyrë në qytetin e Vlorës dhe duhet të kthehemi për të shkuar në Selenicë. Në rrugë nuk ka një tabelë që të tregojë drejtimin për në qytetin e bitumit, por janë kalimtarë të rastit që na drejtojnë.

Pa iu afruar Selenicës, mësojmë se duhet të marrim një rrugë të dytë. Na thonë se ishte prishur ura e rrugës që të çonte shkurt për në qytezë dhe prej më shumë se dy muajsh ajo ishte bërë e pakalueshme. Marrim tjetër drejtim. U ngjitemi kodrave të Lumit të Vlorës dhe kalojmë rrëzë Drashovicës dhe më tej akoma. Më shumë se një orë, në një rrugë me gropa për të mbërritur në qytezën, ku dy ditë më parë, u vranë dhe u plagosën pas një aksidenti në minierë 24 persona. Me gropat në rrugë jemi mësuar, se i kemi edhe në qytete të tjerë, jemi mësuar edhe me rrugë të paasfaltuara, por ndryshe nga Selenica, qytetet e tjera nuk prodhojnë lëndën e parë për asfaltimin e rrugëve.

Mirëseardhja në Selenicë

Nuk është e vështirë të kuptosh që ndodhesh në Selenicë, edhe pse mungon tabela e mirëseardhjes me emrin e qytetit, pasi këtu përshëndetjen e parë ta japin pirgjet me bitum të hedhura aty këtu. Një i ri nga Selenica, na saktëson se kishim arritur pikërisht në vendin e duhur. Si me mburrje, ai përmend: ”Këtu është një nga pesë minierat e vetme të bitumit në botë”. I lëmë vendalinjtë e parë që takuam dhe ndalojmë në qendër të qytetit. Rrugët janë thuajse të zbrazura. Syri të kap vetëm ndërtesa gjysmë të shkatërruara dhe rrugë të prishura. Në krahun tjetër të sheshit të qendrës ndodhet busti i kryeplakut të dikurshëm, të katundit të Selenicës. Por nga katund ky vend u bë qytet, madje qytet i zhvilluar, siç tregojnë me nostalgji të vjetrit, duke treguar me dorë ndërtesat e prishura, ku dikurë flinin minatorë të ardhur nga e gjithë Shqipëria. Nga një prej lokaleve të pakta të qytetit, sikur mbijnë ca njerëz, të veshur në të zeza. “Këta janë të afërm të minatorëve të vdekur”, na thotë i riu që na shoqëron në qytet dhe shton se aty ishte bërë dreka e varrimit për njërin prej tyre. Ai merr përsipër të na çojë edhe në shtëpinë e njërit prej viktimave. Futemi në rrugicat e qytezës së Selenicës. Të paasfaltuara, ashtu si rruga kryesore, madje edhe në gjendje më të rëndë. Duket se nga qyteti ka ngelur shumë pak në këtë vend.

Qyteza gjysmë fshat
Tek-tuk, madje sheh shenja të theksuara të fshatit. Pula, oborre të rrethuara me gardh dhe vreshta e kopshtinj të vegjël. Selenica nxjerr bitum dhe me të janë shtruar rrugët e Romës dhe të Parisit, por askush nuk është kujtuar të shtrojë rrugët e shkurtra dhe të pakta të këtij qyteti. Nisemi për në minierë dhe, ndërsa prisnim që të paktën kjo rrugë të ishte e shtruar, mbetemi të zhgënjyer. 15 minuta larg qendrës së Selenicës është miniera e bitumit, një nga më të pasurat me këtë material, të cilin e shkelim në rrugët e Tiranës disa kilometra larg Selenicës. E shkelin edhe italianët në Milano, apo të tjerë të huaj, në qytetet e tyre, por jo minatorët që shkojnë çdo ditë dhjetëra metra nën dhe për të nxjerrë këtë mineral. Pasi në rrugën e tyre nuk është kujtuar njeri të hedhë bitum. Lëmë pas shpine Selenicën dhe minierën e saj, që vetëm para dy ditësh mori jetën e 6 personave dhe plagosi disa të tjerë. Dielli ka perënduar dhe mbi qytet bie një hije e zezë si prej zifti.



Miniera e tragjedisë, gjysmë e rrënuar

Ndërtesa gjysmë të shkatërruara, grumbuj bitumi dhe hekurishtesh të hedhura vend e pavend. Kjo është pamja e parë e minierës së bitumit në Selenicë. Duket se në këtë vend prej kohësh nuk është vënë dorë për restaurim. Para se të shkosh te hyrja e minierës, kalon para kazanëve të shkrirjes së bitumit, aty ku bëhet edhe përpunimi i parë i mineralit. Një hangar i stërmadh, i sterrosur dhe që nxjerr avuj të rëndë bitumi. “Vetëm sa po e mbajmë ndezur, sepse nuk kemi mineral për të përpunuar”, thotë Genti, një nga punëtorët e shkrirjes. Ai herë pas here lëviz me dorë një shtyllë të ngulur në bitumin që valon dhe sapo ai ngre pak traun që përdor si “lugë” nga kazani, ky i fundit shfryn duke nxjerrë avuj të nxehtë. “Mendo sikur të biesh brenda”, thotë punëtori, duke shtuar: “Siç e shikon nuk ka asgjë që të të mbrojë, dikur ka patur mbështetëse metalike, që nuk të linin të bije as para dhe as prapa, tani qëndrojmë mbi këto dërrasa, që mund të thyhen nga momenti në moment”. Përshëndetemi me punëtorët e shkrirjes, të cilët na shtrëngojnë me duar të nxira nga zifti dhe vazhdojmë për në minierë. Ja ashensori prej nga zbritën atë ditë 6 minatorët, që nuk u kthyen dot të gjallë në sipërfaqe. Më shumë duken si grumbull kavosh, ku varet një dhomë e vogël, me hekura të shtrembëruar dhe rrjeta anësore të çara. Uji dëgjohet të rrjedhë në tunelin që ndodhet 100 metra nën dhe. “Qëndrojmë vetëm për ta ruajtur që të mos përmbytet”, tregon pompisti i minierës. Ai na lejon që t´i hedhim një sy pusit, ku mund të shohim vetëm errësirë dhe na shpjegon se nuk mund të futemi brenda, pasi nuk ka punëtorë të tjerë që të bëjnë ndezjen e ashensorit dhe zbritjen në tunel. Ndër tabelat e shqyera që paralajmërojnë minatorët, shquhet ajo me shënimin “Rrezik Vdekje”.



Mynyr Garga ka lënë punën në tavolinë
Zyra e përgjegjësit të skuadrës

E vetmja zyrë që ndodhet në minierë është ajo e përgjegjësit të skuadrës, Mynyr Garga, që mbeti i vdekur bashkë me pesë punëtorë. Në tavolinë janë lënë shënimet e fundit, para se të nisej për në galeri, ndërsa në mur varet harta e tuneleve. Aty është shënuar edhe vendi ku Mynyri shkoi para dy ditësh për herë të fundit. Prej 30 vjetësh ai ka hyrë dhe ka dalë në ato galeri ku gjeti edhe vdekjen. Në tavolinën e punës ka mbetur buka e mbështjellë me qeskë, ashtu siç e ka lënë për herë të fundit Mynyri, më i vjetri i minierës. Edhe pse nuk ka qenë në detyrat e tij, nga kolegët mësojmë se e kishte zakon të shkonte në vendet e vështira. Kohët e fundit në minierë kishin ardhur edhe minatorë të rinj, që nuk ishin instruktuar dhe ai u gjendej në krahë, për t´i mësuar. Fronti i punës ku duhej të punonin ishte hapur disa ditë më parë, pasi ishte shumë i pasur me bitum, por në të ishin verifikuar edhe gjire gazi dhe vite më parë puna në atë krah ishte paralizuar.


--------



koment..

shkruajta para ca ditesh ktu se Selenica qe ka 100 vjet qe prodhon SEREN.. pra asfaltin i ka vet rruget plot gropa e te pa asfaltuara..

Mirpo nga qe dua te jem i sakte kur shkruaj ketu.. me kapi nje merak..
Mos valle i kan asfaltuar kto vite rruget Vlor-selenice e rruget brenda vet Minieres e Qytezes se Selenices e po dal Bllof me cka thashe..

mirpo qellova me fat..

Pra dhe gazetari qe ka shkuar dje aty i verteton fjalet e mija te cilat i thash nga nje kujtim i larget qe kisha ne memorie per vapen e tmerrshme, gjinkallat e rruget me gropa e pa asfalt te Selenices e ne pergjithsi te zonave te Labo Lalerise..

Selenica eshte tipike nje qytez labo-lalore sepse ka leber proletare e me miq lart ne sugurim e lale cobano vlleh me partishmeri..
Prandaj gjen aty arben Malo Hajduti votues e pastaj me ato vota tuberkulozash e varfanjakesh vjen e sundon ne Tirane e vjedh pasandaj per klasen Labo Bolshevike gjysmen e Resurseve Shqiptare..

Megjithate nje Fatkeqsi kure sduhet perdorur per kapital politik..
Dhe PD kishte mundesi ta asfaltonte nje 500 metersh rrug nga Miniera ne qender te Selenices..

Kurse Ps..eh ps..