A ndihemi ne Shqiptaret ne mbrojtur nga shteti yne kur jemi jashte Shqiperise?

[Clevis]

Mar shkas per kete teme nga emisioni i Shqip i Top Chanel per qytetarin nga Shkodra i cili ndenje 8 muaj ne aeroportin e Venezueles. Kjo eshte nje turp per drejtuesit e ketij vendi te cilet i lene qytetaret e tij ne kete lloj menyre.

A duhet te kemi me besim tek konsullatat apo ambasadat tona qe ata nje dite do te na ndihmojne po te kemi nje rast te njashem? (Zoti mos e dhente)
Ju ftoj ne kete debat ku pak a shume te gjithe e kemi ndjere braktisjen e Shtetit qeverise.

Naimi ka thene: TI SHQIPERI ME JEP NDER ME JEP EMRIN SHQIPETAR, ZEMREN TI MA GATOVE ME DESHIRE E ME ZJARR.

A jemi me te vertete te tille sot?

[Pidocchio]

e pash ate ngjarjen..dhe me erdhi keq jo vetem per ate te shkret qe hoqi piken e zeze por edhe per ne te tjeret qe kemi nje jete te tere neper rruget e botes ....dhe mos o zot te rente noj problem me pasaporta ose noi hall tjeter ....



jemi i vetmi vend qe per numer popullsie kemi ambasada me shume nga te gjithe neper bote... beni hesap kemi ambasade ne Izrael kur Izraeli jovetem s'ka por s'ka per te patur ne mend te hape ne Shqiperi. dhe mos harroni vetem ne çmimet e mbajtjes se ketyre ambasadave Shqiperia shpenzon mbi 35,000.000,00€ ne vit ( dhe me e bukura sa here qe ndryshojn qeverit ne Shqiperi keta dipllomat kerkojn azzil politik ) jo vetem demi ekonomik por dhe turpi

ne Itali kemi 3 (1 ne Milano dhe 2 ne Rome) kot se mos te rente problemi...... o nene o nene

Me vjen keq ta them por jo vetem te braktisur zoti Clevis por kur kthehemi ne shqiperi na trajtojn si te huaj dhe me perbuzje nga punonjesi e ketij shteti te mjere




Jam ne te njejtin mendim me ju ZOTI MOS E DHENTE

[ju flet Tirana]

Postuar më parë nga Clevis
A ndihemi ne Shqiptaret ne mbrojtur nga shteti yne kur jemi jashte Shqiperise?

Po tallesh ti plako me duket right?

[leci]

Dinjiteti i shtetit tone humbi ne vuajtjet e shtetasve shqiptare per te kaluar kufirin per ne Greqi(me dokumenta te rregullta).
Vdiq ne ofendimet dhe shkeljet e te drejtave te shqiptareve mbare botes.
Jemi ne qe mbajme lart emrin shqiptar,te ishte per shtetin ishim zhdukur me kohe.

[Pidocchio]

Dinjiteti i shtetit tone humbi ne vuajtjet e shtetasve shqiptare per te kaluar kufirin per ne Greqi(me dokumenta te rregullta).
Vdiq ne ofendimet dhe shkeljet e te drejtave te shqiptareve mbare botes.
Jemi ne qe mbajme lart emrin shqiptar,te ishte per shtetin ishim zhdukur me kohe---Leci



shume e sakte Leci,

[marriage]

Si nuk ke turp, mor t'u befsha, qeveria shqiptare s'mbron dot shqiptaret brenda ne Shqiperi nga njeri-tjetri!

[Afer-dita]

no comment!!

[[xeni]]

vetem pasaporten te jep shteti shqiptar dhe asgje me teper...

[Afer-dita]

)), kjo me lart eshte e forte, edhe ate nuk dime per cfare e duam, nuk hyn ne pune. Te pakten identifikohemi kur levizim me trasta krahesh andej-ketej mos te themi jemi fare pa shtet.

[Elna Durrësi]

Mar shkas per kete teme nga emisioni i Shqip i Top Chanel per qytetarin nga Shkodra i cili ndenje 8 muaj ne aeroportin e Venezueles. Kjo eshte nje turp per drejtuesit e ketij vendi te cilet i lene qytetaret e tij ne kete lloj menyre.

A duhet te kemi me besim tek konsullatat apo ambasadat tona qe ata nje dite do te na ndihmojne po te kemi nje rast te njashem? (Zoti mos e dhente)
Ju ftoj ne kete debat ku pak a shume te gjithe e kemi ndjere braktisjen e Shtetit qeverise.

Naimi ka thene: TI SHQIPERI ME JEP NDER ME JEP EMRIN SHQIPETAR, ZEMREN TI MA GATOVE ME DESHIRE E ME ZJARR.

A jemi me te vertete te tille sot?

Më dhemb shpirti të rihy përsëri në një debat të tillë, por për të mos ndenjur indiferente ndaj një realiteti kaq të hidhur , po ju sjell postimin tim te një tjeter temë e këtij forumi, ku subjekti është pak a shumë i njëjtë:

Nga Elna Durresi ----

14 qershor 2004


Shqipëri po të them sot .

--------------------------------------------------------------------------------

Shqipëri po të them sot se ti më bëre të marr udhën e mërgimit:nëna e mirë i mbledh zogjtë pranë.

Shqipëri po të them sot se ti më hoqe të drejtën e nështetësisë së tim biri:
UNË ISHA FEMËR dhe jo mashkull.

Nuk pranove as të më hedhësh emrin e tim biri: pjellës time në pashaportën time pa nënshkrimin e të atit, pra më mohove të drejtën e trashëgimisë së gjakut tim e tëndit në damarët e tim biri.
Më le ta ndiej veten më se jetime në ambasadën tënde prej 2 dhomash të një pallati më se banal në Bern e të lutesha duke kërkuar nënshkrim për pjellën që e solla në jetë unë me gazin për të qenë nënë. Për të më kurajuar më the: Të ishe mashkull fëmija hidhej automatikisht ne pashaportën tënde.
Pra i mohove tim biri të drejtën e shtetësisë shqiptare, se unë isha prindi femër, pra isha NËNA, jo Babai.

Shqipëri po të them sot se tim biri i the të priste sa të bëhej 18 vjeçar e të bënte kërkëse si të gjithë të huajt në parlament për ti dhënë nënshtetësinë time e tënde.
Pra mua më mohove fëmijën tim.
Unë e bëra nacionalitetin e tim biri se ty të ka mbuluar kokë e këmbë korrupsioni, por vallë a duhet të paguaj një nënë për ti dhënë të birit nënshtetësinë e saj?!

Ka ndodhur para 5 vjetësh nëna ime Shqipëri. Zëdhënsja tënde skuqeje zverdhej nga kjo paturpërsi.

Shqipëri po të them sot se për të rifreskuar pashaportën time të cilës i kishte dalë afati m'u desh të humbja dy ditë nga ditët e pakta të pushimeve e të rrija në rradhë tek dega e Durrësit që në tre të mëngjesit e deri ne tre pasdite në kulmin e vapës së gushtit.
Të dytën ditë m'u desh të paguaja formularin të cilin e mbushi gabim oficeri që të prezantonte ty.

Shqipëri po të them sot se sa herë zbres në aeroportin tënd më duhet të pres me orë për të marrë një vulë hyrje apo tjetrën dalje. Më shumë lodhem nga koha për pritjen e vulës, se nga koha e udhëtimit.

Shqipëri po të them sot se prezantuesit e tu ne aeroportin e Rinasit më trembin. Zërat e tyre të ngjirur dhe të shtyrët e tyre në radhët e pritjes së vulave dalëse më bëjnë të mos ndihem qënie njerëzore. Nganjëherë qëllon edhe që rrezohem nga të shtyrët e përfaqësuesit tënd. Kur i drejtohem pse vallë shtyjnë ashtu më përgjigjen me ton akoma më të lartë e me sy të çjerrë nga guximi im i përgjigjes. Nganjëherë si pësim përgjigjeje qëllon edhe të rikthehem në fund fare të rradhës së pafundme të pritjes.

Shqipëri po të them sot se kur ve këmbët në ujin e kripur të qytetit tim me të cilin jam rritur ne fëmijëri më zë tmerri i sëmundjeve dermatologjike nga papastërtia që ka në det.

Shqipëri po të them sot se dua të kthehem po ku vallë kur nuk i bëj dot ballë korrupsionit që të ka pushtuar ty.

Shqipëri po të them sot se kur është festa tënde as Ambasada tënde në Bern as Konsullata tënde këtu në Gjenevë nuk e merr mundimin të na dërgojë një copëz letër urimi për festën tënde. Sa për dijeni e dashur Shqipëri, në Gjenevë zyrtarisht nuk janë më shumë se 200 shqiptarë nga Shqipëria, për të të mos trembur me vëllazërinë e Kosovës se ashtu bëhemi diku 8 mijë, e nuk di nëse ti e din se sa do gëzoheshim ne kur të hapnim kutinë postale e të gjenim një copëz urim nga ana tënde. [E dashur apo e mjera Shqipëri , kur janë festat e portugezëve , spanjolleve , tunisieneve e iatalianeve amabsadat e tyre u dergojne nje copez urim per festat nacionale ( citova keto nacionalitete qe i kam pare urimet me syte e mi . Mund ta bejne kete gje edhe shtete te tjera.......)]

Shqipëri po të them sot se nëse një ditë kthehem mos mendo se kthehem tek ty për ty, por sepse më ra fati të lindja tek ti e s'kam tjetër vend që të jetë i mbushur me kujtimet e fëmijërisë e rinisë së jetës sime.

Shqipëri po të them sot se të dua ashtu si fëmija e do nënën e tija edhe pse ajo nuk qe nënë e mirë, por duhet ta dish e dashur Shqipëri që ende sot pas kaq vitesh mërgim ndjehem e braktisur nga ti.
Ndjehem si ai fëmija kur e kupton se është aksident i udhës ardhja e tij në jetë dhe se nëna e tij as që do t'ia dijë për të.
Por ja, prapë vij unë tek ti.
C'të bëj.
Jam fëmija i barkut tënd.
Kam nevojë për aromën e trupit tënd.
Kam nevojë të ndihem me nënë diku.

Më mbysin lotët sa herë mendoj këtë, por ja e dashur Shqipëri kështu ndihem unë sot, vallë faji yt , vallë faji im?!

Me trishtim

Elna.