Shamia e kokës

[Shpresmiri]

E shoh të dobishme të sjell edhe këtë mendim që nuk është i obligueshëm të lexohet patjetër. Një këshillë: Lexonie pa emocione.


MAQEDONI:

Hakerët e mapave

Shkruan: Arbën Xhaferri


Filozofi i njohur Erich Fromm (1900-1980) në analizat e tij filozofike sjell konkludime se kafshët për të mbijetuar udhëhiqen nga instiktet, që ua përkufizojnë atyre itinerarin jetësor dhe nga ana tjetër, njerëzit në mungesë të instikteve, për mbijetesë dhe orientim në jetë, në kohë dhe hapësirë shfrytëzojnë mapën, sistemin e vlerave, adhurimin e diçkaje. Adhurimi mund të shfaqet ndaj një figure, prej ari, prej guri, ndaj stërgjyshërve, ndaj një prijësi karizmatik a diabolik, ndaj një Zoti abstrakt, ndaj kombit, parasë etj. Mapa e sajuar nga vlerat ofron orientimin në jetë, ndërkaq adhurimi i diçkaje ofron intencën, orientimin drejt një pike. Pa këtë mapë, pa këtë strukturim të brendshëm të tablosë për botën dhe rolin e njeriut në të, sipas konstatimeve të Fromit qeniet njerëzore do të ishin konfuze dhe të paafta për të vepruar në mënyrë intentionale (të qëllimshme) dhe koherente. Pa këtë mapë, ose pikëmbështetje jeta e njeriut do të dukej kaotike, prandaj edhe nëse mapa është e gabueshme, megjithatë ajo kryen një mision të rëndësishëm psikik në jetën e njeriut dhe të shoqërisë. Nuk ekziston asnjë rast gjatë historisë së njerëzimit që një shoqëri, apo një bashkësi, madje as edhe një individ të funksionojë pa mapë, pa atë sistem të vlerave që lehtëson orientimin në situata të ndryshme.

Po ashtu Erich Fromm hedh idenë se adhurimi është burim i religjionit pa marrë parasysh se çka është objekti i adhurimit, Zoti si vlerë absolute apo nocione të ndryshme, si kombi, kultura, totemi etj. Në vijë të këtyre përsiatjeve, ai në mënyrë ingjenioze konstaton faktin e ekzistimit të religjionit sekret dhe të atij zyrtar: “Nëse njeriu e respekton pushtetin derisa predikon religjionin e dashurisë, religjioni i pushtetit është religjioni i tij sekret, ndërkaq i ashtuquajturi religjion zyrtar, bie fjala krishterizmi shndërrohet në ideologji”. Populli shqiptar aktualisht ballafaqohet me paqartësinë e mapës së tij kulturore që krijon konfuzion në orientim në situata kritike që sajohen vetvetiu, meqë në këtë kohë të globalizimit, interaksioni kulturor dhr ndikimet nga jashtë janë intensifikuar.

Për ta kuptuar mapën shqiptare duhet shtruar pyetjen: çka është objekti i adhurimit të shqiptarëve?. Të paktën në Kosovë dhe në vise të tjera jashtë territorit të shtetit amë objekti i adhurimit është kombi. Të gjithë shqiptarët, e kam fjalën për ata që kanë kaluar në aksion, ata që u janë kundërvënë sistemeve represive, që me dhunë tentonin t’ua ndërrojnë mapën e tyre kulturore, t’i asimilojnë, orientim të vetëm kanë pasur interesin kombëtar. Të gjitha kryengritjet, të gjitha flijimet, të gjitha burgosjet dhe sakrificat e tjera janë bërë për shkak të mbrojtjes së këtij interesi. Nuk njihet asnjë rast të organizimeve ilegale të shqiptarëve apo aksioneve të ndryshme të orientuara nga idetë religjioze, si bie fjala në Bosnje. Populli boshnjak e ka ndërtuar mapën e vet mbi premisat religjioze dhe në kuadër të këtij sistemi të vlerave, të këtij botëkuptimi ka vepruar dhe ka hasur në probleme me organet shtetërore që nuk kanë pranuar ide të tilla brenda sistemit komunist të vlerave.

Prijësi karizmatik i boshnjakëve z. Alia Izetbejgoviç ra në burg për shkak të një broshure, “Deklaratës islamike” që binte në kundërshtim me vlerat komuniste të asaj kohe. Madje, ai në veprën e tij autobiografike, “Kujtimet” përshkruan takimet e tij në burg me të dënuarit politikë shqiptarë, të cilëve, në emër të interesave të përbashkëta islame u ofron përkrahje. Sipas z. Izetbejgoviç, të burgosurit shqiptarë e refuzojnë këtë lloj përkrahje për shkak të orientimit të tyre “ateist”, apo marksist- leninist siç thotë ai. Gjithsesi ata që e njohin historinë e popullit shqiptar lehtë do të vijnë në përfundim se ky pozicionim i veprimtarëve politikë shqiptarë nuk buron nga ideologjia marksiste-leniniste, por nga bindjet e tyre të thella kombëtare, nga ai adhurim religjioz i kombit, nga ajo mapë kulturore që u ndërtua në kohën e rilindasve tanë.

Sot shqiptarët janë ballafaquar me dy lloj rreziqesh: i pari rrezikon substancën fizike të tyre dhe buron nga projektet gjenocidale të sllavëve të jugut që synojnë likuidimin fizik dhe biologjik të shqiptarëve dhe i dyti që e rrezikon mapën kulturore, autentike shqiptare duke e zëvendësuar atë me një mapë tjetër, ideologjike a religjioze që e fut popullin shqiptar në konflikt të brendshëm dhe në konflik me faktorin global. Të shprehemi me gjuhën e informatikës, kanosja e parë është drejtuar kundër hard-warit shqiptar dhe tjetri kundër soft-warit apo mapës së tyre kulturore. Identiteti i një populli ndërtohet mbi mapën e tij kulturore. Shqiptarët shpesh janë ballafaquar me rreziqe të tilla që kanë synuar t’ua shlyejnë mapën e tyre kombëtare dhe t’i integrojnë ata në mapa të huaja kulturore, ideologjike, religjioze apo kombëtare. Madje në letërsi, film apo në veprimtaritë e tjera kulturore janë ndërtuar figura, personazhe të pëlqyeshme shqiptarësh që nuk rezistojnë të integrohen në sistemin e ri të vlerave. Shqiptarët e këtyre viseve ende e kujtojnë personazhin e filmave luftarakë jugosllavë me emrin Kapiten Lleshi (në interpretim të Aleksandar Gavriq-it), i cili, si komunist, me orientime projugosllave i ndiqte këmba-këmbës ballistët e “urryer”, i vriste duke e mbrojtur Jugosllavinë nga ata. Ideologët jugosllavë ofronin kodin përmes të cilit do të krijoheshin kushte për integrim të shqiptarëve atipikë në sistemin e ri të vlerave, mirëpo kot, shqiptarët e kishin përfunduar procesin e vetëdijësimit kombëtar dhe kishin krijuar një distancë sanitare që parandalonte depërtimin e vlerave të huaja, kështu që sot Kapiten Lleshi nuk figuron më në kujtesën e tyre. Edhe pushtuesit e tjerë janë përpjekur që të ndërrojnë identitetin shqiptar duke e dënuar atë. Me pushtimin bullgar të Shkupit filluan persekutimet e shqiptarëve, përkatësisht të identitetit të tyre kombëtar. Pushtuesit si objekt dënimi e zgjodhën qeleshen e bardhë shqiptare. Ata, xhandarë e qytetarë, ku shihnin shqiptarë me qeleshe të bardha i rrihnin, i torturonin, madje dhe i vrisnin. Shkupjanët shqiptarë, duke pandehur se qeleshja është burim i rrezikut dhe jo identiteti i tyre filluan ta ndërrojnë atë, duke e zëvendësuar me një kësulë të zezë, të shëmtuar, si opozitë ekstreme e së bardhës, duke pritur kështu që të sosen vuajtjet e tyre.

Edhe sot e kësaj dite, edhe pse bullgarët janë larguar, ata ende i mbajnë këto qelesha të zeza si relike që përkujtojnë trysninë e egër mbi ta. Ndërrimi i qeleshes ka një peshë të jashtëzakonshme simbolike. Popujt e ndryshëm kur dëshirojnë të manifestojnë përkatësinë e tyre etnike, kulturore, pra të tregojnë se i takojnë një mape vlerash autentike e vënë kapuçin e tyre. Çifutët, qofshin ata krijues, politikanë, sportistë janë më të displinuar në këtë drejtim. Kur ndërrohet kapuçi, veçmas kur ai zëvendësohet me një tjetër paralajmëron krizën e madhe të identitetit. Ndërrimi i kapuçit paralajmëron dëshpërimin në vetvete dhe orientimin drejt një mape të re kulturore. Kohët e fundit bota është e ballafaquar me polemika të ashpra, debate politike, kulturore dhe juridike lidhur me lejimin apo moslejimin e mbajtjes së shamisë nga ana e nxënësve myslimane nëpër shkolla apo në institucione të tjera zyrtare. Ekzistojnë dy lloje debatesh, debate në mes të të krishterëve dhe myslimanëve dhe mes vetë myslimanëve. Kjo fushatë ka kapluar edhe hapësirat shqiptare, ndonëse jo në mënyrë aq intensive. Hapja e polemikave të kësaj natyre tregon se mapa kulturore shqiptare e ka humbur qartësinë e saj. Simptomat e para janë treguar edhe më herët, kur pleqtë tanë pas kthimit nga haxhillëku i ndërronin qeleshet e tyre të bardha me të ashtuquajturat terllëqe turko-arabo-çifute, saqë ato sot dominojnë dhe krijojnë atë imazh oriental të shoqërisë shqiptare.

Fenomeni i shamisë nuk ka qenë i panjohur në hapësirat shqiptare dhe nuk ka pse të trishtohemi nga kjo dukuri me të cilën madje jemi familjarizuar. Por është diçka tjetër që brengos: projekti politik që përuron simbole për t’i spikatur dallimet fetare. Me këto simbole nuk madhërohet besimi, por imponohet ndasia. Kjo intencë politike për krijim dhe manifestim të ndasive mbi baza religjioze nuk ka pasoja për popujt që në tërësi i takojnë një besimi, por krijojnë kontradikta me pasoja shumë të rrezikshme konfliktuale për popujt që kanë besime të ndryshme, siç është populli shqiptar. Kjo mani që krijon shamia është projekt i pastër politik që manifestohet në tri faza: në atë të parën krijohet shoku, befasia nga risia që në opinion paralajmërohet si simbol ideologjik-religjioz. Duhet theksuar se përurimi i shokut është i inskenuar. Zgjidhen institucione atraktive, si Parlamenti ku një deputete për herë të parë shfaqet me shami (rasti i Parlamentit turk). Në fazën e dytë kjo befasi shokante vetvetiu hap debatin lidhur me të drejtat e njeriut, të tolerancës fetare e kështu me radhë që krijon kontestin dhe ngrit relevancën politike të inskenuesve të shokut që paralajmëron ndasinë. Në fazën e tretë krijohet antagonizmi: ne dhe ata. Mbrojtësit e shamisë, që grupohen në kategorinë “ne”, parapëlqejnë të jenë viktima, ndërkaq “ata”, si regjimi francez janë “satrapët” që dhunojnë të drejtat e njeriut.

Përmes një simboli, shamisë, që karakterizon një mapë kulturore inagurohen projekte politike që nxisin antagonizma të rrezikshme për shoqëritë multikonfesionale siç është shoqëria shqiptare. Projekti, në të parë duket beninj, i parrezikshëm, por në thelb kanosës për identitetin kombëtar. Ashtu si ideologjia komuniste ashtu edhe ajo islame (pra bëhet fjalë për ideologji e jo për religjion ) kanë tentuar t’i rrënojnë identitetet kombëtare duke ofruar shkrirjen në një identitet universal, që ishte paravan pas të cilit fshiheshin interesat, dikur të sllavëve apo sot të arabëve. Populli shqiptar në një kohë të gjatë po zhvillon beteja me këta hakerë klasikë a modernë që synojnë ta ndërrojnë identitetin e tyre kombëtar, duke imponuar orientime religjioze apo politike. Sot e kësaj dite qarkullojnë ide për krijimin e identitetit të ri mbi baza politike që e personifikuam me figurën e integralistit filmor Kapiten Lleshi, krahas atyre për ripërkufizim të identitetit mbi baza religjioze, ku terllëku ia zë vendin kapuçit të bardhë, apo përdorimi insistues i shamisë në institucionet laike shtetërore. Të mos harrojmë dukurinë e dhënies së emrave dhe mënyrave të përshëndetjes. Kur u bë i famshëm Gamal Abdel Naseri, një nacionalist arab, shoku i ngushtë i Titos, aspak religjioz dhe shumë antishqiptar, disa nga prindërit tanë, me mapa të dëmtuara i pagëzuan fëmijët e vet me emrin e tij: NASER. Këto projekte që instalojnë konfliktin, polarizimin në vete nuk ngërthejnë asnjë interes religjioz, por thjesht kanë të bëjnë me tendencat për ekspandim të vlerave, të mapave të ndryshme kombëtare, kulturore, qytetëruese. Sot, megjithatë nga burime të ndryshme imponohet ideja e konfrontimit planetar mbi baza religjioze përkundër faktit real se vetë religjionet nuk përmbajnë mesazhe konfliktuale.

Por, prej nga burojnë këto politika konfliktuale? Është një fakt i pamohueshëm se mapa perëndimore depërton lehtazi në gjithë rruzullin tokësor në sajë të teknologjisë së përsosur, produkteve cilësore, organizimit shoqëror që i garanton të drejtat e njeriut dhe funksionimin e shtetit ligjor. Ky është një proces i pandalshëm dhe i pakontrollueshëm. Këto vlera, ç’është e vërteta nuk janë aspak religjioze. Ky depërtim kaq i lehtë i këtyre vlerave në kultura të tjera krijon nervozizëm dhe fustracion te elitat e popujve të ndryshëm që përfundojnë me reagime të natyrave të ndryshme. Dikush hedh idenë që të mos festohet dita e Shën Valentini e dikush hedh bomba. Reagimet më ekstreme vijnë nga disa qarqe arabe.

Shumë intelektualë, krijues, politikanë dhe demagogë ngrejnë zërin kundër këtyre formave të transplantimit të vlerave, mirëpo të vetëdijshëm se nuk mund të fitojnë betejën në fushën e teknologjisë, politikës, jurispondencës, demokracisë etj. prej nga lançohen këto vlera, e bartin garën në fushën e religjionit, ku retorikat, imagjinatat bëjnë më shumë punë sesa faktet. Logjika është e thjeshtë: ofrohet largimi nga terreni ku maten fenomenet, në një terren ku fenomenet janë të pamatshme, pra ofrohet ideja se nuk ka kurrfarë rëndësie nëse teknologjia perëndimore është shumë më e avacuar, ashtu si shoqëritë e tyre demokratike, por është me rëndësi se Zoti ynë, feja jonë, mapa jonë religjioze (në fakt kulturore) është më superiore sesa Zoti i tyre, me çka sërish përurohet politeizmi.

Një betejë e humbur teknologjike dhe shoqërore synohet të shndërrohet në fitore absolute përmes bartjes së krahasimit në fushën religjionit, ku vlejnë rregulla të tjera shumë intime, subjektive dhe të pamundura që të objektivizohen. Ky krijim artificial i antagonizmave në mes të krishterizmit dhe islamit, që nxitet nga interesat banale politike apo frustracionet psikike të disa qarqeve, nga ajo mendësi irracionale antioksidentale nuk do të ngadhnjejë, por do të krijojë viktima të kota tragjike në periferi të shoqërive të ashtuquajtura islamike që kufizohen me ato krishtere. Ky antagonizëm nuk i ka rrënjët e veta në Perëndim, por në Lindje. Qytetërimi perëndimor ka hequr dorë nga nxitja e këtij lloji të antagonizmit që në kohën e kryqëzatave. Siç dihet logjikën e kryqëzatave, perëndimorët e zëvendësuan me atë të renesansës, humanizmit, iluminizmit dhe liberalizmit.

Pra, krijimi i anatagonizmave fetarë është projekt politik që mëton të realizohet duke krijuar çdo ditë simbole të reja identifikuese përmes të cilave ndërtohet ndasia rigjide mes religjioneve. Këto ndasi planetare i zvetnojnë mapat kombëtare, në rastin konkret, atë shqiptare. Individë të ndryshëm, duke qenë të bindur se këto antagonizma janë sakrale, pa vetëdije i bashkangjiten këtij procesi artificial polarizues mbi baza fetare dhe bëhen bartës, avoketër të këtij projekti të paarsyeshëm dhe të dëmshëm për ardhmërinë e popullit shqiptar. Është e dhimbshme kur ballafaqohesh me faktin se në mesin e këtyre avoketërve has në emra të respektuar në fushën e krijimtarisë, shkrimtarë, historianë, publicistë etj. Hakerët modernë që punojnë me projektin e ndërrimit të mapës kulturore shqiptare dhe zëvendësimin e saj me një mapë tjetër nuk perceptohen si të huaj, ngaqë fshihen prapa koncepteve religjioze dhe në emër të Zotit, përkatësisht në emër të keqpërdorimit blasfemik të Zotit i shkaktojnë dëme të pariparueshme popullit shqiptar duke e futur atë në konfikt me vetveten dhe me faktorët globalë që determinojnë të gjitha proceset teknologjike, financiare, historike, etj në botë. Shekulli, 21/02/2004

[rapsod]

OOHH pash Zotin!!!
E kam lexuar dhe ster lexuar shkrimin e Areben Xhaferrit ne gazeten Shekulli dhe nuk di se c'te vleresoj me teper, injorancen religjoze apo fjalorin e pasur te Xhaferrit.
Xhaferri qe kur fillon te polemizoje per shamine gabon duke thene se
"Fenomeni i shamisë nuk ka qenë i panjohur në hapësirat shqiptare "
Xhaferri duke qene edhe nje ultra-nacionalist mesiguri e di se edhe ne kulturen tone kombetare shamia e femres si ne te gjitha vendet ballkanike ka qene nje fenomen i njohur dhe karakteristik per vendet perkatese te Ballkanit.
Xhaferri vazhdon te jete akoma me cinik kur shprehet se :
"Por është diçka tjetër që brengos: projekti politik që përuron simbole për t’i spikatur dallimet fetare"
Ne kete pjese te shkrimit te tij dua ta falenderoj si ate ashtu edhe kolegun e tij kosovar qe per here te pare ka hapur dyert e nje propagande si ai i "Islamit Politik" pasi askush nuk guxonte me pare ta hidhte si ide.
Pjesa e dyte e monedhes eshte se perkunder injorances fetare te intelektualeve tane shqiptare dihet islamikisht se "shamia e muslimanes" nuk eshte simbol islam por eshte pjese e mbuleses trupore te obliguar me Kur'an dhe Hadith.
Thatesia intelektuale e Xhaferrit ndodh shpesh here ne pergjumjen e tij natyrale dhe shpesh here ajo reflektohet edhe ne thenie a shkrime te tij si shembulli i shkrimit:
"Kur u bë i famshëm Gamal Abdel Naseri, një nacionalist arab, shoku i ngushtë i Titos, aspak religjioz dhe shumë antishqiptar, disa nga prindërit tanë, me mapa të dëmtuara i pagëzuan fëmijët e vet me emrin e tij: NASER."
Keto jane shembuj te rendomta qe s'kane te bejne me temen vetem ne menyre qe ta ilustroje pak me llustren anti-c'fare qe as ai nuk e di se kujt i drejtohet, por gjithsesi le te vazhdojme pak me analizen.
Xhaferri shkon me tej dhe per ti dhene llustren e fundit ai ndermerr shembuj teknollogjik te cilat sipas tij nuk kane te bejne me religjonin dhe i i tille "krijon nervozizëm dhe fustracion te elitat e popujve të ndryshëm që përfundojnë me reagime të natyrave të ndryshme." Vazhdon akoma pergjumesia e xhaferrit dhe detyrohet te thote:
"Dikush hedh idenë që të mos festohet dita e Shën Valentini e dikush hedh bomba. Reagimet më ekstreme vijnë nga disa qarqe arabe."
Per cilat qarqe arabe behet fjale? - (heshtje). Ne etiken e intelektualit eshte se nese mbron nje teze ate duhet ta argumentosh, megjithate une mund t'ia argumentoj ndryshe se reagimet me ekstreme vijne mbi te gjitha nga orthodoksia greke e cila ka kundershtuar me force mos festimin e shen valentinit sepse ky shenjtor nuk i perket kishes orthodokse. Ky rast eshte me ekstrem se ai i arabeve muslimane te cilet nuk ngaterrohen me te tilla specialitete italo-katolike.
Xhaferri mesa duket ne vazhdim-shkrimin e tij duket qarte se eshte i prapambetur ne intelektualitetin e tij prej gjumashi. Ne nje kohe kur Perendimi eshte koshient dhe i ndergjegjshem per kaosin dhe katastrofen qe ka sjelle "zhvillimi" teknologjik, ai mbetet akoma ne periudhen pos-feudale duke u entuziazmuar per "zhvillimet" qe po ndodhin-ne fakt kane ndodhur-ne teknologjine perendimore. Mire po fakti eshte se askush prej muslimaneve nuk eshte i nervozuar apo i shqetesuar per keto lloj zhvillimesh pasi qe ai eshte realizimi i projektit "IKRA'e" ne Kur'an e cilesuar nga Gete se Islami eshte kapuc perfekt per kokat e evropianeve.
Besoj se pakashume eshte i kuptueshem pergjumja e Shen Xhaferrit dhe nuk do te zgjatem pasi do ti kaloj temes ne menyre me te drejtperdrejte.
respekt rapsodi

[rapsod]

Shamia!!
Do te jem shume i shpejt pasi nuk kam kohe te jap shpjegime!
Shamia ne ajetin Kur'anor vjen ne gjuhen arabe neprmjet fjales "khumur" i cili eshte shumes i fjales "khimar" qe do te thote "ajo qe mbulon koken e femres" (lisan al arab, ibn mundhir), gjithashtu edhe ibn Hajjan ne librin e tij "Bahr al Muhijt" shpjegon se fjala Khumur eshte mbulesa e kokes se femres deri ne gjoksin e saj (bashk me gjoksin).
Ajeti qe flet per obligimin e shamise: "Thuaju besimtareve te mos tregojne bukurite e tyre, pervec atyre qe duken prej tyre" sure an nur 31
Ne pjesen e dyte te vargut ka nje vecim kur thuhet "... pervec atyre qe duken prej tyre" - sipas te gjith komentuesve te Kur'anit eshte "fytyra dhe duart" bazuar ne disa hadithe te Muhamedit si:
Esmaja e bija e Ebu Bekrit hyri tek Muhamedi (a.s.) e veshur me rroba te holla (te tejdukshme), Ai i tha: O Esma, femra nese i ka mestruacionet (ne pubertet) duhet te mbulohet e tera pervec kesaj dhe kesaj, dhe beri me shenje nga duart dhe fytyra" Transmetoi Ebu Dawud
Gjithashtu ne baze te shkolles Juridike Hanefite te se drejtes islame qe aplikohet ne Ballkan por edhe ne nje pjese te mire te evropes ne formen krahasimtare thote se pervec argumentave citues nje argument llogjik eshte se ajo duhet te jete e mbuluar sic eshte ne Namaz dhe Haxh.
Ndersa kunderthenia ose replika se Shamia nuk eshte simbol duhet te drejtohemi ne shkaqet e zbritjes se ajetit.
Esmaja e bija e Murethid qndronte ne dhomezen e saj kru aty hyne shume gra qe iu duknin pjeset e turpshme si kofshet, gjoksi dhe floket, ajo e indinjuar tha: C'gje me e shpifur qe eshte kjo? atehere zbriti ajeti Kur'anor ne suretu Nur 30-31
Pra nuk ka per qellim te simbolizoje por qellim te organizimit te jetes pjese e te ciles eshte edhe mbulesa e trupit. Dijetaret te gjithe e kane klasifikuar kete fenomen si mbulese e trupit dhe nuk e kane klasifikuar si dallim nga fete e tjera. Ne muslimanet nuk kemi simbole sepse nuk jemi ikonoadhurues per kete edhe nuk bartim simbole si psh. kryqi apo jarmulket cifute.
Ndersa Hixhabi sic e shpjegova me lart nuk eshte pjese e mbuleses trupore por se ajo eshte pelhure mbi ate mbulese shih. tefsir al Mewdudi
pershendetje

[fundamentalisti]

jo jo mos u merzite se ne e dime mire per qka duhete ta derdhime gjakune e per qka jo,ne nuk derdhime gjake sikure do shqipe folsite per te tjeret po derdhime vetem per atdhe e moral
e per dollar sikure ju nuk vdesim kot............

[altin55]

Motra ime eja me mua ta shofesh kete grua e cila eshte shembulli i ndershem i grave te cilat therasin ne fene e Allahut s.v.t
Ajo nuk kishte turp nga mbulesa e saj edhe pse gjendej ne mes te europes . Kjo shkaktoj qe Allahu s.v.t ti dhuroje nje dhunti shume te madhe e ajo eshte hyrja ne fe e shtate grave te tjera ....

Lexoni kete tregim .......

Kjo grua saudiane shkoj ne shoqerim te burrit ne nje konference te medicines ne nje qytet europjan . Ajo shkoj atje duke ditur se Zoti eshte i Njejti edhe ne europe . Ajo e dinte se edhe atje ka burre sikur dhe ketu . Ishte e kapur ne fene dhe ne mesimet e fese se vet . Normalisht se kjo reflektohej edhe ne mbulesen e saj . Ajo ishte e mbuluar plotesisht me mbulese Islame

Ajo shkoj ne ate qytet me mbulese e saje te plote Islame saqe prej asaj nuk dukej asgje

Ajo me burrin e saj kalonte neper koridiret e salles ku mbahej koferenca. E tera ne te zeza askush nuk e dinte se cka ka brenda . Te gjithe syte e shikonin dhe deshironin te dine se cka bene kjo mbulese e plote ne qender te europes ?

Gje te cilen se kishin pare me heret.

Shume gra europjane u grumbulluan rreth asaj . Ato ishin profesoresha. Ato ju drejtuan dhe i thane ?

"Sigurisht keshtu je mbuluar se ke ndonje te mete ose fytyra jote eshte e shemtuar" ?

Keshtu ato mendojne se mbulesa ua mbulone shemtimin e tyre

I mori ne nje skaj dhe ua zbuloj fytyren e pane se s'kishte as te meta e as ndonje shemtim madje fytyra e saj ndriconte . Ishte edhe sikur dhe grate e tjera

Bisedoj me to dhe u sqaroj poziten e gruas ne Islam madheshtin e gruas muslimane sa e mbron mbulesa dhe ne pergjithsi mbi mesimet Islame . Pas 20 minutash bisede shtate grate publikuan hyrjen e tyre ne Islam . Ato hyren ne fene Islame kurse shkak ishte kjo grua e cila kujdesej per nderin mbulesen dhe fene e saj

Si shtate profesoreshat te hyjne vetem per njezet minuta !

Kjo grua nuk kishte turp nga mbulesa e saj nuk i vinte rende ta mbaje mbulesen Islame nuk pranoj te shkrihet ne mesin e kesaj shoqerie e te behet e lire pasiqe e kishte bere Islami krenare

E tille eshte gruaja muslimane nese e kryen misionin e saj e udheheq boten . Nje grua e thjeshte i hudheheq profesoreshat !!

Allahu te dhashe sukses motra ime muslimane te mbrofte dhe te befte te dobishme per Islamin dhe muslimanet e te befte shmellbutyre per te tjera

Valle dhe pas ketij rasti do te turperohesh nga mbulesa jote pa marre parasysh a gjindesh ne vendin tend ose vende te huaja ?!

Pershtati Bekir Halimi
www.albislam.com

[iliria e para]

Nese ka mbetur morali tek nje shami ose nese meshkujt nuk mund te mbajne veten kur shofin nje femer ne mini fund ose pse jo edhe nudo, atehere me mire mos te jemi.
Ketu njeriu tregon dobesine, tregon qe ai vet eshte i pamoralshem e jo femra nekete rast.
Per mue te vishet kush si te done.

[fundamentalisti]

po veq femrate nese daline nudo ai eshte provokime apo,e per veshjen e njerezve nuk kemi qka te perzihemi ne kush qysh te done net veshete veq kure vjene puna mu tu perezi dikush ne familjene tende mos me lene hyrjene ne vende te ndryshme atehere ai eshte cenim i drejtave une nuk kame qefe si rrobe ne vendine tim te jetoje e per ate thashe se e derdhi gjakune.
e per femrate tjera qe nuk jane me shami une nuk thome qe jane te pamoralshme perkundrazi edhe ata jane motrat tona siq jane ato me shami...........

[Jesushaus]

Turqit na bene mysliman me hir dhe me pahir, jane 99.99999% mysliman, dhe ne na quajne bijte e tyre, sepse thone qe shqiptaret jane myslimane sepse jane pasardhes te ushtareve turq qe kane qene ne Shqiperi.
E prape se prape ne Turqi eshte e ndaluar mbajtja e shamise ne shkolla.

Kur baba e ndalon shamine, cna intereson neve? S'eshte as simbol kombetar, asgje qe vjen nga trashegimia jone kulturore, cna duhet ne?

Mos u beni pre e propagandes islamike, e atyre qe se kane per gje t'ju japin nje llokum dinamiti e vrisni veten pastaj. Shqiptari ka qene katolik, mysliman, orthodox, por ne rradhe te pare ka mbajtur traditen e vet. Mos jeni gje myslimane me te mire se prinderit tuaj? Une s'mbaj mend te kete mbajtur njeri shami ne koke. Shkoj tani ne Shqiperi coku shoh ndonje cafke te zeze qe sikur ndjell keq.

Shamia s'ju ben me te mire sesa jeni, para Zotit te gjithe jane mekatare me shami dhe pa shami. Ketu ku jam une ka shume femra turke me shami, por per nga ndeshmeria jane me keq sesa ato pa shami, disa jane nga me perverset. Kujtojne se shamia i lan mekatet.

Ne jemi komb i kulturuar dhe dime ti respektpjme rregullat. Nese ministra e aresimit, apo administrata e shkolles, e ka vendosur keshtu, le te mesojme ti respektojme rregullat. Kur i respekton nje popull barbar si Turqia, por ne.....

Zoti ju bekofte!!
Jezusi ju do!!

[Fjala e drejte]

jesusshaus

Me vjen keq qe flet keshtu por ti e di mire qe bibla e ka urdher mbajtjen e shamise dhe nese nuk e mban thote rrujeni koken me Zor atehere pse ju shqeteson shamia e muslimanes apo sepse jeni shume maniak femrash dhe s'doni te lini femer pa pare.Lere mo tjetren te jetoj jeten e saj ashtu si ajo e mendon fundi fundit ka me shume te drejte ajo qe emban sesa ti qe kerkon mos ta mbaje dhe je dhe shume gabim kur mendon qe ajo mos mbaje shamine .

Clidhje ka turku me shamine Sot.PSe sme flet pak per ortodokset qe akoma e kesaj dite embajne shamine po keshtu dhe katoliket shko dhe shiko ne malsi te madhe .Pra mundohuni te diskutoni me bukur jo duke then fjale qe iu ka dalur boja tani.

Pra ju kristianet sa here do diskutoni me ne muslimanet vetem ne dy pika do hudheni perpjete.

Nje turku dy demokracia.Duke lene biblen anash pse nuk na thoni nje vereset biblik qe e ndalon shamine dhe pse e ndalon.Pse re djalosh i mbare mundohesh te thuash fjale qe si perkasin nje njeriu me mend dhe inteligjence.

Shume prej jush duke qene te deshtuar ne debate hudhni tym ne ajer me fjale te kota pa pike argumneti llogjik ose shkencor ose tologjik.

Shkoni dhe lexoni biblen mesojeni mire dhe pastaj nese bibla e kundershton kete gje atehere hajdeni dhe na thoni ne muslimaneve sepse nese bibla nuk e kundershton mbulesen por perkundrazi e ka urdher ateher ju bie te mekatoni dhe te shkelni fjalen e shenjte me shkrimet e juaja.

(letra epare e korintesave 11 5-13)edhe cdo grua qe lutet ose profetizon koke zbuluar turpron kryet e saj sepse eshte njesoj sikur gruaja te ishte e rruar .Sepse ne qoftese gruaja nuk mbulohet, le tia qethin floket ,por ne qofte per gruan eshte turp te qethet ose te rruhet le te mbuloje kryet e saj…[Prandaj gruaj per shkak te engjejve duhet te kete shenje pushteti mbi kryet…Gjykoni nder veten tuaj ,A I ka hije gruas ti lutet perendise pa u mbuluar”

[MisCongeniality]

Postuar më parë nga iliria e para
Nese ka mbetur morali tek nje shami ose nese meshkujt nuk mund te mbajne veten kur shofin nje femer ne mini fund ose pse jo edhe nudo, atehere me mire mos te jemi.
Ketu njeriu tregon dobesine, tregon qe ai vet eshte i pamoralshem e jo femra nekete rast.
Per mue te vishet kush si te done.

Iliria, si jeni mire?
Nese keto qe thua jane te verteta, atehere te pergezoj sepse qenke shume i forte dhe ben pjese ne nje perqindje shume te vogel djemsh qe do vepronin si ty.

Por nga ana tjeter, duhet ta kuptosh qe mashkulli eshte bere i dobet ne natyre "weak in flesh" dhe s'mund te konsiderohet si i pamoralshem nese nje vajze e bukur i terheq vemendjen. Kjo eshte natyra e tij dhe nese subjektet egzistojne (ne kete rast vajzat me veshje te papershtatshme) atehere eshte me se normale qe ato te mos permbahen. Dhe faktikisht, do thoja qe eshte dicka gabim me djalin nese nuk do i bente pershtypje asnje vajze.

Nese mendon se jam gabim, te garantoj se po pyete te gjithe djemte e forumit do ma mbeshtetnin mendimin se nese nje vajze "drop dead gorgeous" do u kalonte prane, ato do kthenin koken pa perjashtim, ok? Prandaj eshte femra ajo qe duhet t'i eliminoje keto gjera me veshjen e saj te pershtateshme!

Me respekt!
p.s. A guy is a guy; no matter if he is Albanian, Arab, Muslim, Non-Muslim!