ZMQ kerkon hetimin e financave te partive politike

[Brari]

KERKESA E ZMQ PER PARTITE POLITIKE

"Ku i gjejnë paratë politikanët"

Spahiu: Ka ministra që flasin në celular me 0900


Besfort Kapisyzi

Kreshnik Spahiu ka iniciuar një lëvizje me anë të të cilës kërkon nga të gjitha subjektet politike parlamentare, zbardhjen e financave të tyre, që në kohën e krijimit e deri në stadin aktual.

LAJMI

Spahiu tha dje se kishte kërkuar edhe faturat e telefonave celularë të ministrave. "Nuk na i dhanë sepse disa kanë folur me 0900", tha dje ai. Zyra për Mbrojtjen e Qytetarëve i kërkoi sot publikisht kryetarëve të partive politike parlamentare ne Shqipëri që të zbardhin burimet financiare të partive që drejtojnë dhe shpenzimet e tyre. Drejtori i Zyrës për Mbrojtjen e Qytetarëve, Kreshnik Spahiu, e ka bërë kërkesën publike sot në një takim me qeverinë studentore të Fakultetit Juridik. Në këtë takim me moton "Misioni për Drejtësi" u diskutua bashkëpunimi dhe aktivitetet që Zyra për Mbrojtjen e Qytetarëve do të zhvillojë me studentët e juridikut. Zyra mori mbështetjen e studentëve të Fakultetit të Drejtësisë për gjithë nismat antikorrupsion të ndërmarra dhe të planifikuara. "Kërkesa drejtuar kryetarëve të partive politike është mbështetur në nenin 9 të Kushtetutës, në bazë të cilit burimet financiare të partive si dhe shpenzimet bëhen kurdoherë publike. Nga ana tjetër ZMQ legjitimohet në këtë kërkesë në bazë të nenit 23 të Kushtetutës ku e drejta e informimit është e garantuar",- tha z. Spahiu. Partitë e kanë detyrim kushtetues të tregojnë burimet e tyre të financimit. Prej kohësh është folur dhe ka patur shkëmbim akuzash mes dhe brenda forcave politike për lidhje me krimin dhe mafian. "Ne mendojmë se transparenca e fondeve të partive, mënyra se si ato i përdorin paratë është një lëvizje në rikthimin e besimit të publikut tek politika dhe hapi i parë për të distancuar krimin nga politika. Zyra do të inicojë ligjin për kontrollin dhe financimin e partive politike. Të gjithë e dinë se me paratë e buxhetit, partitë politike nuk mbahen as një javë në këmbë. Kjo situatë duhet të marrë fund një herë e mirë", tha Spahiu. "Ne shpresojmë se do të marrim përgjigje të shpejtë dhe brenda afateve ligjore për kërkesën tonë", tha z. Spahiu. Në takimin e zhvilluar me Qeverinë studentore, merrnin pjesë qindra studentë të Fakultetit të Drejtësisë. Zyra për mbrojtjen e Qytetarëve i është drejtuar me një letër edhe kryetarit të PS Fatos Nano për këtë transparencë. "ZMQ i kërkon subjektit Partia Socialiste e Shqipërisë vënien në dispozicion të informacionit mbi burimet dhe shpenzimet financiare të këtij subjekti nga krijimi i tij dhe në vazhdim", thuhet në letrën drejtuar Nanos.

...........

[shahisti]

pershendetje te gjitheve,si thoni ju ku i gjejne parate politikanet?!Me rogen e shtetit ku kana ata te shkrete para,po lere c'far thone gazetat,gazetat genjejne.Ku ka politikan me fukarenje dhe te ndershem se sa ne shqiperi,pershembull kryeministri qe kemi ka hyre kollovare ose ri me qera,ose ishe presidenti berisha akoma tek ai pallati ku ka qene ma do mendja akoma,apo shume politikane te tjere qe jan te pastrehe apo rine me qera neper tirane dhe ju thoni qe flasin me celulare apo flasin me linjen 0 900.Mos degjoni c'far thone gazetat qe politikanet shqiptare meren me trafik droge apo femrash apo me trafik armesh.A ka me te ndershem se keta politikane qe nuk po i ze gjumi dite e nate per hallet e popullit,dhe mendojne si te sjellin dritat si te sjellin ujin si te punsojne kete popull si te zbusin varferine,dhe ju thoni ku i gjejne parate keta politikane,ja me ate te shkrete rroge shteti qe nuk u del as per cigare.Kan aritur gjer atje sa politikanet po marin buke me liste apo po vrasin veten se nuk po zgjillin dot hallet e popullit apo vrasin veten se nuk po zbusin varferine e ketij populli.U zgjata ca si shume, ketyre politikaneve qe kemi ne do u vene dinamiti qe te gjitheve dhe te keshe 200 metra fitil qe te keshe kohe te largohesh.Nuk ja vlen me te flasesh per keta maskarenje dhe jo tu thuash politikane qofshin te majte apo te djathte te na falin moderatoret per ironine ndaj politikaneve.

me respekt shahisti