Dhi e zgjebosur por bishtin perpjete.

[Brari]

Shekulli
----------------
Maturantët, sa shumë shpenzime për një ditë. "Matura një herë vjen në jetë"


Mbrëmja e maturës, prindërit në borxhe


ELBASAN - "Im bir më kërkoi plot 400 mijë lekë të vjetër për mbrëmjen e maturës dhe unë pasi u "dorëzova" vendosa të marr borxh". Kështu rrëfehet Drita, nëna 38- vjeçare, që dje pagoi edhe 20 mijë lekët e fundit që i duhen të birit për mbrëmjen e madhe. Matura mbaroi dhe të gjithë janë gati. Por që të kremtohet sa më bukur dhe sa më këndshëm, duhen para. E këto vetëm prindërit mund të t'i sigurojnë. Arbeni, 18 vjeç, nga shkolla "Kostandin Kristoforidhi", pranon se nuk ka shpenzuar kurrë më parë kaq para, por "nuk jam vetëm unë, më vjen zor të jem larg shokëve". Ai tregon se, për të blerë kostumin që do të vishte vetëm një herë në mbrëmjen e maturës, pagoi 220 mijë lekë. "Kishte dhe me 170 mijë, por e doja me zinxhir, kështu që pagova diçka më tepër". Por, bashkë me kostumin, duhej dhe një këmishë, 25 mijë lekë e një palë këpucë mondane, 80 mijë lekë. Për të përfunduar me kravatën për të cilën u dhanë jo më pak se 12 mijë lekë. Ndërsa Genta nga "Dhaskal Todri" pohon se për të blerë një fustan dhe aksesorë të tjerë iu deshën 200 mijë lekë, pa llogaritur edhe këpucët e shpenzime të tjera. Arbeni e Genta, si dhe shumë të tjerë, pranojnë se këto para janë shpenzim "i tepërt" dhe vetëm për një natë, por shtojnë se "dhe matura një herë vjen në jetë". Dy ditë më parë, në teatrin "Skampa", qindra maturantë të shkollave të mesme të qytetit, në prani edhe të prindërve, morën diplomat duke "dalë në jetë", siç u pëlqen të thonë. Dhe të nesërmen, në një lokal në periferi të qytetit, ku i priste edhe një pishinë e ngrohtë, dhjetëra prej tyre u dyndën në të duke kaluar një mbrëmje dhe natë non stop mes shokëve, shoqeve, por dhe një numri të vogël mësuesish. "Ata (mësuesit) e dinë mirë që "u ka rënë pushteti", kështu që mbyllën një sy dhe nuk na thanë kurrgjë. Pimë dhe u gëzuam duke pritur me padurim të nesërmen". Kjo, jo se e nesërmja do jetë pushim apo gjumë. Një traditë e re ka hyrë. Menjëherë pas mbrëmjes së madhe, autobusët u mbushën me maturantët që "flakën" kostumet luksoze dhe iu drejtuan detit. Sikurse shprehen maturantët, tani menjëherë pas mbrëmjes së maturës, të rinjtë i drejtohen plazhit vetëm për një ditë. Për t'u kthyer në mbrëmje e "për t'u parë kushedi se kur". Një pjesë e mirë e nxënësve pohojnë se nuk shpresojnë të mbajnë lidhje të forta si më parë, ndonëse me një-dy prej tyre për vetë afërsinë në lagje, mund të jenë shokë në vite. Ndërsa, kur i pyet sesi kanë qenë katër vitet në lëmin shkollor, parapëlqejnë më shumë të flasin për kujtime dhe gafa të jetës shkollore. Megjithatë, sidomos gjimnazistët, theksojnë se kanë dalë me nota të mira, pasi edhe kërkesa e llogarisë në to është më e lartë. Kështu një "lumë" të rinjsh lanë bankat e shkollave duke projektuar të ardhmen e tyre. Tani ata janë mes dilemës, nëse do t'i drejtohen auditorëve apo do të zgjedhin diçka tjetër larg arsimit për të ardhmen e tyre. Gjithsesi, dëshira e pjesës më të madhe të tyre është të shkojnë në universitet, paçka se vetëm një pjesë e vogël do të fitojnë konkurset.
Soni Kurani
--------------------------

[KACAKU]

Une e kam bere mbremjen e matures me 1998 dhe nuk kemi shpenzuar shume,megjithese besoj se deri tani eshte mbremja kampione ne shqiperi,pasi kishim te ftuar,Gjergj Jorgaqin,Bleona Qerretin,Dashnor Dikon,Ceken dhe ca kengetare te tjere,qe nuk i mbaj mend mire.Rreth e rrotull turizmit te Beratit ishte policia me maska,se ne ate kohe ishte pak e rrezikshme te festoje naten.

[The Dardha]

O Kacako te mbahet mend kur u carmatosem para se te hynim ne mbremje. lol

[AlBaNiaN_GaNg]

o the dardha u carmatosem the???? nga njera ane gocen qe kishim per mature nga ana tjeter pistoleten..e pseee na afrohej ndonje thua??? -bahhh kur kercenin ciftet te gjithe mbanin distanca, se mos preknin pa dashje ke fustani ndonjeres !!! :P:P:P

[Mina]

Nje nxenesi qe e ka perfunduar maturen me rezultate te shkelqyera nuk mund t`i thuash "dhi e zgjebosur". Per kete femije do te shpenzoja shume sepse e meriton. Ne nje rast tjeter nuk e di se si do te veproja.

[E1m9m8m2A]

Edhe mbremja e matures e imja ka qene shume fantastike sepse ishte hera e pare qe i gjithe grupi jone i shoqerise kalonte nje mbremje taman te gjithe se bashku per nje nate te paharrueshme.

Une kam qene ne Maturen e 2001 dhe e kemi festuar tek "15 kateshi" i famshmem ne Tirane . E vecanta ishte se shumica e shokeve dhe shoqeve tona u larguan per studime jasht shtetit dhe ishte nata e fundit per te gjithe sebashku.Tani kemi mbetur nje grup shume i vogel qe mbajme kontakte dhe qe takohemi pasi jemi ketu ne Itali te gjithe ....
Nejse ... aman mos na sillni ndermend keto kohe .....