Vret Gruan e Tij!!

[Shpirt Njeriu]

KRUJE

Vrasja barbare dy ditë më parë e mësueses Age Luka, banuese në fshatin Luz të Fushë-Krujës ka tronditur të madh e të vogël në gjithë zonën dhe jo vetëm aty. Mijëra banorë dje kanë marrë pjesë në ceremoninë e varrimit të 50-vjeçares e cila u ekzekutua llahtarshëm nga bashkëshorti i saj, Mëhill Luka (e goditi shtatë herë me qytën e automatikut në kokë). Menjëherë pas ngjarjes së dhimbshme, të afërmit e autorit të krimit kanë hapur dyert e mortit. Vaji për humbjen e nënës së katër fëmijëve ka prekur skajshëm të gjithë ata që e kanë njohur gruan fatkeqe. Në dhënien e lamtumirës së mësueses së shkollës tetëvjeçare të Luzit kanë marrë pjesë jo vetëm banorët e këtij fshati, por edhe qindra veta nga fshati fqinj, Bilaj, ku ishte bijë viktima. Të habitur, askush nuk do ta besojë ngjarjen që ka ndodhur. Banorët e dy fshatrave pohojnë se krimi i kryer në orët e para të mëngjesit të së dielës i ka shokuar, pasi nuk pritej të bëhej në familjen Luka. Kjo për faktin se edhe familja e vrasësit, por edhe familja e gruas së tij, njihen si më të mirat, më të arsimuarat dhe më të rregulltat në të gjithë krahinën. Ata thonë se edhe Agja, edhe Mëhilli ishin njerëz shumë të mirë. Vëllai i vrasësit, Gjon Luka është ai që hedh dritë mbi çudinë e krimit. "Vëllai im ka vuajtur nga çrregullime mendore. Ai ka qenë i shtruar një herë në spitalin psikiatrik. Veçse asnjëherë nuk ka shfaqur shenja të sëmundjes së tij. Mëhilli atë ditë ka dashur të vrasë fëmijët e tij dhe djalin tim. Vetëm Zoti i ka ruajtur". Sipas Lukës, policia do të zbardhë të vërtetën e ngjarjes.

[Lolita Bonita]

Sa e sa here kemi degjuar nga keto ngjarje qe kur i lexon te rrenqethet mishi.
Eshte vertet nje fatkeqesi per Shqiperine qe ka njerez te tille qe arrijne derri atije


sa vrasin gruan apo femijet. Dite per dite ne Shqiperi do ndodhi ndonje ngjarje e tille. Nuk arrij ta kuptoj dot se si mundet nje njeri te vras nje te aferm te tij apo femijet qe jane i njejti gjak. Eshte me te vertete per te ardhur keq.

[KaLTerSi]

me te vertete qe eshte per te ardhur keq, ngushellimet e mija familjes.
po c'siguri ke ne nje shtet kur te tere e kane nga nje mjet artilerie ne shtepi, ja ne nje moment cmendurie tjetri vajti beri te paberen, beri hatan, vrau. e njerez si puna Age Lukes do vuajne per pazotesin e shtetit te mos flasim per shkaterrimin psiqik qe kalojne dhe femijet per ter jeten e tyre.

[kolombi]

Fatkeqsisht,po degjojme kaq histori te tilla ,dhe sa te tilla do vazhdojme te degjojme.
Derisa gota e mekateve te derdhet nga dhembja ,dhe ti vihet plugu kesaj bote ,qe histori te tilla e shemtojne perdite.