Letër ambasadorit amerikan

[ganoid]

Letër ambasadorit amerikan




Investitorët amerikanë duhet të njoftohen për ato kompani që tregtohen hapur në tregjet amerikane, në rastet kur ato kanë lidhur ndonjë marrëveshje të fshehtë në vendet e huaja
Jam informuar nga burime brenda Shqipërisë se Nick Gage mban lidhje me biznesmenë grekë të cilët janë të interesuar për industrinë e telekomunikacionit në Shqipëri
Ambasadorit James Jeffrey
Ambasada e Shteteve të Bashkuara në Shqipëri
Tiranë, Shqipëri

Ambasador Jeffrey!
Herët sot ju dërgova një kopje të letrës sime të shkruar më 3 shkurt 2004 për lordin MaClaurin, kryetarin e “Vodafone” në lidhje me marëveshjet e njëanshme për telekomunikacionin në Shqipëri. “Vodafone” tregton aksionet e saj nëpërmjet Bursës së Nju-Jorkut me një volum ditor mesatar prej afërsisht 3 milionë aksione; e prej këtej “Vodafone” bie nën juridiksionin e agjencive regullatore të Shteteve të Bashkuara të Amerikës.
Si përfaqësues i qeverisë amerikane besoj se është pjesë e përgjegjësisë suaj të mbroni interesat e amerikanëve, dhe unë jam i sigurt se ju do të bini dakord me faktin se investitorët amerikanë duhet të njoftohen për ato kompani që tregtohen hapur në tregjet amerikane, në rastet kur ato kanë lidhur ndonjë marrëveshje të fshehtë në vendet e huaja. Për këtë arsye kërkoj që ju të kërkoni një sqarim të plotë të kësaj çështje nga të dyja palët, “Vodafone Albania” dhe nga qeveria shqiptare. Më duhet t’ju informoj se unë jam munduar që këtë çështje ta bëj publike, por deri më sot kjo ka qenë shumë e vështirë.
Me sa duket, kanalet televizive shqiptare janë frikësuar pasi “Vodafone” është një nga kompanitë më të mëdha dhe më të reklamuara në Shqipëri dhe Sokol Nano, djali i Fatos Nanos, është drejtori i marketingut për “Vodafone Albania”. Në qoftë se kjo rezulton e vërtetë, jam i sigurt se bini dakord me faktin se kjo përmblidhet në një përpjekje të drejtpërdrejtë për të shtypur lirinë e fjalës dhe për të penguar drejtësinë. Ju duhet të jini i informuar për faktin se ITU (International Telecommunication Union) pretendon se marrëveshja midis AMC-së dhe “Albtelecom”-it është bërë në favor të AMC-së.
Ju do të vini re se kryetari i komisionit të letrave me vlerë dhe bursës (Securities and Exchange Commission) ishte në dijeni për korrespondencën time me “Vodafone”-in. Ju duhet gjithashtu të dini se muajin e kaluar i dërgova një memorandum të hollësishëm DOJ-it mbi pretendimet për llogaritë e Nanos në Credit Suisse për të cilën disa anëtarë të Kongresit kishin dijeni. Gjithashtu, i kam ofruar informacion DOJ-it për raportet e ITU-së mbi “Vodafone”-in. Vazhdimisht jam informuar nga burime brenda Shqipërisë se Nick Gage mban lidhje me biznesmenë grekë të cilët janë të interesuar për industrinë e telekomunikacionit në Shqipëri. Do të doja të dija në qoftë se këto pretendime janë të bazuara diku dhe a jeni ju në dijeni të çdo lloj përpjekjeje të bërë nga Gage, qofshin këto të drejtpërdrejta apo të tërthorta e që në çfarëdo lloj mënyre të kenë ndikuar në politikat e operatorëve të Telekomit Shqiptar. Do të ishte shumë me vlerë në qoftë se ju gjithashtu do të hetonit mbi këtë çështje si pjesë e hetimit të përgjithshëm i marrëveshjeve të telekomunikacionit.
Gjithashtu, në lidhje me Gage do të dëshiroja të dija nëse ju jeni në dijeni të çfarëdo lloj përpjekjeje të bërë nga senatori Paul Sarbanes për ta përdorur zyrën e tij në ndihmë të programeve të gabuara të Gage-it në Shqipëri dhe/ose ka ndikuar propozimin dhe miratimin tuaj si ambasador. Në rast se kjo rezulton e vërtetë, mendoj se kjo çështje duhet të merret në hetim nga Doj, Dos, Agjencia Kombëtare e Sigurimit, Komisioni Moral i Senatit (Senate Ethics Committee) dhe nga Komisioni i Lidhjeve me Jashtë i Senatit (Senate Foreign Relations Committee).
Përgjigjja juaj për këto çështje do të ishte me shumë vlerë.
Faleminderit!