Po lexoja sot nje artikull mbi filmin “Monster”, shkruar nga Sue Russell (gazetare e lire ne Los Angeles). Per ata qe nuk e dine filmi Monster eshte filem I “bazuar” mbi historine e vertete te Aileen Wuornos, lindur ne Michigan te SHBA, luajtur ne filem nga Charlize Theron, e cila fitoi nje Golden Globe per kete rol dhe eshte tani ne kandidatet per Oscar, si aktorja me e mire e vitit.
Shqetesimi qe Russell shpalos ne artikull eshte se ne te vertete Wuornos ishte pergjegjese per vrasjen e shtate burrave ne Florida, gjate viteve 1989-1990 (vrasje te cilat i pranoi) dhe si rrjedhoje u ekzekutua ne vitin 2002, ndersa filmi e nxjerr si viktime te personave te cilet ajo ka vrare. Russell ka studiuar jeten e Wuornos qe nga viti 1991 dhe sipas saj edhe pse jeta e Wuornos eshte pa dyshim nje jete e tronditur dhe fatkeqe ajo perseri eshte vrasesja e shtate veteve, te cilet ajo i ka vrare me paramendim dhe sic tregohet nga provat e policise disa prej tyre i ka vrare nga mbrapa dhe kur ajo vete pranon se burrat nuk kane qene abusues ndaj saj (madje njeri prej tyre nuk ka dashur te kryeje marredhenie seksuale me Wuornos – sic ka shpjeguar ajo gjate seancave gjyqsore).
Wuornos lindi dhe u rrit ne Troy, Michigan me gjyshin dhe gjyshen pasi e jema e braktisi ne moshen dy vjecare. Filloi te shiste trupin rreth moshes 11-12 vjecare dhe si rrjedhoje gjate jetes se saj ishte perdhunuar shpesh here; si shume prostitua te tjera. Filmi e nxjerr qe Wuornos eshte detyruar te vrase per shkak te perdhunimit dhe si ajo vete ka pohuar, ne te vertete ajo ka vrare per te mos lene deshmimtare pas vjedhjeve te saj.
Ne filma te tjere te bazuara ne histori te verteta (si filmi i John Kennedy dhe Malcolm X) Hollywood ka “shtremberuar” perseri te verteten per te kenaqur keshtu shikuesin, e per te na dhene ne nje menyre ate cfare donim te shikonim dhe jo cfare ndodh ne te vertete.
Sue Russell ka pasur disa kontradikta me drejtuesen e filmit “Monster”, Patty Jenkins dhe ndoshta ky si artikull mund te merret dhe si “hakmarrje” intelektuale midis Jenkins dhe Russell. Megjithate per mendimin tim kur njerzit arrijne shpenzojne aq shume kohe dhe lek ne realizimin e filmave te bazuara ne histori te verteta do te ishte mire te shihej fytyra e reale e se vertetes, sidomos kur behet fjale per femren e pare te denuar (SHBA) me vrasje.
Krijoni Kontakt