Skandal ne Albtelekom: $50 milion abuzimet vjetore

[Jonian]

Këshilli Kombëtar Shqiptaro Amerikan

2021 L Street, N.W., Suite 402, Washington, DC 20036

481 8th Avenue, Suite 922, New York, NY 10001

Brigada e Krajishtes, No. 8, 38000 Prishtina, Kosova

Telephone: (202) 466-6900 Fax: (202) 466-5593

Web: www.naac.org Email: naac@naac.org

______________________________________________
Për Shtyp: 18 shkurt 2004

Kontakt: Valbona Sherifi (202) 466 6900

DEKLARATË PËR SHTYP


KKSHA-ja bën thirrje për një proçes transparent dhe jo-politik në hetimin e Albtelekom-it





Washington, DC, 18 shkurt 2003: Këshilli Kombëtar Shqiptaro Amerikan (KKSHA) lëshoi këtë deklaratë për shtyp në lidhje me zhvillimin e një proçesi transparent dhe jo-politik në hetimin e Albtelekomit.


Një raport i shpërndarë kohët e fundit mbi AMC/Vodafone në lidhje me marrëveshjen e linjave tokësore fikse të Albtelekomit duhet të alarmoj gjithë opinionin publik. Raporti është sponsorizuar nga Bashkimi Ndërkombëtar i Telekomunikacioneve (International Telecommunication Union – ITU), një organizatë ndërkombëtare në gjirin e sistemit të Kombeve të Bashkuara me 186 vende anëtare duke përfshirë edhe Shqipërinë. Ky raport analizon sektorin e telekomunikacioneve në Shqipëri dhe mbërrin në konkluzione që vënë në dukje natyrën e padrejtë të këtyre marrëdhënieve.
Tre faqet e shpërndara nga ky raport tregojnë që marrëveshjet e krijuara nëpërmjet këtyre dy firmave janë në konflikt me Aktin Shqiptar mbi Telekomunikacionet. Raporti gjithashtu vë në dukje një strukturë taksash që janë diskriminuese ndaj Albtelekomit dhe rrjedhimisht ndaj popullit shqiptar. Ne kete marreveshje, palët kanë lidhur një kontratë 4-vjeçare, ndërkohë që në botën e telekomunikacioneve, standarti është një kontratë nje vjeçare me të drejtën për të rinegociuar më pas.
Detajet e kësaj kontrakte e vënë Alblekomin në një disavantazh të tillë sa raporti përfundon me këto fjalë: “duhet thënë që nuk ekziston asnjë shembull tjetër i vetëm në Evropë ose më gjerë me të tilla marrëveshje të padrejta për ndërlidhjet. Raporti përmend gjithashtu se kjo marrëveshje rrezikon të krijojë një “shpërbërje to plotë të Albtelekomit”.
Ne jemi dakord me rekomandimet që bëhen në raport. Qeveria duhet të caktojë eskpertë shqiptarë dhe të huaj që të asistojnë autoritetet perkatese në ristrukturimin e marrëveshjeve të Albtelekomit, në mënyrë që t’i jepet fund humbjeve që po pëson populli shqiptar si pasojë e kontratave tejet të pandershme. Ata duhet të sjellin një grup të udhëhequr nga një firmë e njohur inspektimi financiar për të vënë në dukje dëmet e bëra nga gabimet në këtë kontratë. Ata duhet t'u drejtohen organeve ligjore për të marrë fondet e humbura si rezultat i padrejtësive të kësaj marrëveshjeje. Gjithashtu, ashtu siç u aprovua nga parlamenti, duhet të fillohet një hetim i menjëhershëm me pjesmarrjen e ekspertëve të huaj. Ky hetim duhet të zbulojë nëse këto marrëveshje janë rezultat i pazotësisë, i neglizhencës së hapur apo i korrupsionit. Rezultati i këtij hetimi duhet të bëhet publik dhe të dorëzohet në zyrën e prokurorisë. Së fundi, duhen marë masa për tu siguruar që në të ardhmen do të zhvillohen proçedurat dhe mekanizmat e duhur për të shmangur marrëveshje të tilla të padrejta. Megjithëse qeveria shqiptare e kishte marë raportin e ITU-s që në fillim të dhjetorit, ajo jo vetëm që nuk kishte implementuar asnjë nga masat e rekomanduara por edhe nuk e kishte bërë publik këtë raport. Ky fakt tregon më së miri urgjencën e propozimit tonë.
Ky proçes duhet të jetë transparent dhe nuk duhet politizuar. Mungesa e transparencës do të sjellë më shumë pyetje se përgjigje dhe politizimi do të sjellë hije mbi këtë proçes.
Pjesemarrja e specialisteve te huaj, te cilen ne po propozojme, do te ndihmoje ne sigurimin e objektivitetit te nevojshem. Këshilli Kombëtar Shqiptaro Amerikan është i gatshem të ofrojë ndihmën e tij për të identifikuar dhe sjellë ekspertë në fushën e telekomunikacioneve, në fushën ligjore dhe ekonomike, ose në fusha të tjera për të arritur në një konkluzion të shpejtë e të drejtë të kësaj çështjeje. Vetëm masa korrigjuese, të shpejta, profesionale dhe transparente do t’i rikthejnë popullit shqiptar atë çka i përket dhe do të forcojnë demokracinë shqiptare.





Këshilli Kombëtar Shqiptaro Amerikan (KKSHA) është një organizatë jo-përfituese dhe jo qeveritare e dedikuar ndaj advokimit të çështjeve shqiptare, promovimit të paqes dhe zhvillimit ekonomik në Ballkan për të forcuar politikat demokratike, për të inkurajuar respektin për të drejtat e njeriut, dhe duke mbajtur programe zhvillimi dhe edukative.

[Albo]

Telekomi, opozita paraqet emrat për komisionin

Konfirmohet emri i Ilir Banos në krye të komisionit hetimor

Partia Demokratike ia ka besur drejtimin e Komisionit Hetimor Parlamentar për zbardhjen e marrëveshjes së ndërlidhjes së Albetelekomit, deputetit Ilir Bano. Një gjë të tillë e konfirmoi dje vetë lideri demokrat, Sali Berisha. Ndërkohë që anëtarët e tjerë të opozitës të zgjedhur në bashkëpunim me partitë e tjera të opozitës do të jenë Dilaver Qesja, Fatos Beja, Maksim Begeja nga Partia Republikane si dhe Arjan Starova nga Partia Bashkimi Liberal. Në këtë mënyrë komisioni hetimor për çështjen e abuzimeve të Albtelekomit është i plotësuar dhe pritet vetëm miratimi i emrave të tyre në parlament. Edhe socialistët kanë paraqitur gjashtë emrat e anëtarëve, të cilët kanë dalë nga mbledhja e para dy ditëve të grupit parlamentar të Partisë Socialiste. Ndërkohë në përzgjedhjen e emrave të këtyre deputetëve ka patur reagime negative lidhur me pjesëmarrjen në komision. Nga ana tjetër opozita do të ketë të drejtën e kryesimit të këtij komisioni të kërkuar nga vetë ajo. Në mbledhjen e grupit, socialistët vendosën me shumicë votash që të përfaqësohen nga Mezan Malaj, Nazmi Bilani, Flamur Rrogu, Durim Hushi, Ardit Kaja dhe Nezir Selimi. Ngritjen e këtij komisioni Partia Demokratike e ka konsideruar si shumë të rëndësishme, pasi, sipas liderit demokrat Sali Berisha, bëhet fjalë për një abuzim që kap vlerën e disa milionë dollarëve, të cilat shkojnë në konto private. Gjatë pronocimeve të ditëve të fundit drejtues të lartë të Partisë Demokratike janë shprehur se posedojnë dosjen e plotë që implikon direkt kryeministrin Nano dhe drejtues të tjerë të lartë. Madje kryedemokrati është shprehur se ekziston dhe një përpjekje për të falsifikuar dhe dokumentacionin ekzistues për të humbur provat. Por ka shtuar se një gjë e tillë është e pamundur, sepse sipas tij çdo gjë është e dokumentuar.

"Fatos Nano po ushtron terror për të falsifikuar dokumentat e Telekomit. Por janë të pashpresë, e kam të konfirmuar nga persona në Telekom. Po ushtron terror dhe nuk mund ta bëjë një gjë të tillë," është shprehur Berisha. Nga ana tjetër një nga pikat e rëndësishme që mendohet të merret dhe krijimi i një qeverie të përkohshme të kërkuar nga opozita, - është zbardhja e aferave të marrëveshjes së Albtelekomit nëpërmjet marrëveshjes së ndërlidhjes.

Anëtarët e opozitës

Ilir Bano
Maks Begeja
Dilaver Qesja
Arjan Starova
Fatos Beja
Nezir Selimi

Anëtarët e PS

Mezan Malaj
Nazmi Bilani
Flamur Rrogu
Durim Hushi
Ardit Kaja

[Albo]

Berisha: Albtelekomi, ja kontrata që favorizon kompaninë e Nanos

N.Perndoj

TIRANE - “Albtelekom ka shkelur rëndë ligjet e funksionimit për liberalizimin e tregut duke favorizuar një shoqëri të drejtuar nga kryeministri Nano”. Kryetari i Partisë Demokratike Sali Berisha e ka shpjeguar në këtë mënyrë, një marrëveshje që 4 vite më parë, ish-këshilltari i kryetarit socialist, Fatos Nano, Arben Ahmetaj ka nënshkruar me ish-drejtorin e Albtelekomit, Dhimitraq Rafti. “Kam në dorë një marrëveshje,- nisi ai duke treguar para kamerave dokumentin,- që këshilltari financiar i Fatos Nanos, aktualisht zv/ministër, Arben Ahmetaj, që ka një kompani të përbashkët me Fatos Nanon dhe Arben Malajn, ka nënshkruar me Dhimitër Raftin. Në dispozitën 27, thuhet se Albtelekom deklaron dhe garanton se, do të trajtojë shoqërinë “Hermes” si klientin më të favorshëm, pra kompaninë e Fatos Nanos. Kjo është konkurrenca në Shqipëri dhe e firmosur poshtë nga Arben Nano (Ahmetaj) dhe Dhimitraq Nano (Rafti)”. Berisha shtoi se, kjo marrëveshje do t’i jepet për hetim komisionit hetimor parlamentar, për ta bërë publike “Imagjoni se çfarë vjedhje me marrëveshje është bërë në një vend ku pretendohet, që të jetë tregu i lirë, në një vend ku pretendohet se, respektohet tërësisht ITU e cila në të gjitha nenet e saj të telekomunikacionit, bën fjalë për tregun liberal. Këtu tregu liberal nënkupton një favor absolut për firmën private të qeverisë, ndaj dhe tregu telekomunikativ urban, në Shqipëri, ndonëse duhet të ishte tërësisht liberal, ndonëse për këtë Kuvendi ka miratuar ligjin në përputhje me ITU, është tërësisht monopol i kryeministrit Fatos Nano. Pra sipas kësaj marrëveshje, Dhimitër Rafti shpall Arben Nanon (Ahmetajn) klientin më të favorshëm”, -tha Berisha. Lideri i opozitës shtoi se, problemet në fjalë janë “pjesë e një regjimi”, që duhen zgjidhur sa më parë. “Vendosmëria mbarëpopullore është totale. Ne natyrisht duhet të punojmë në të gjitha planet sepse mbrojtja e interesit publik është një detyrë parësore”, -tha ai.

[Brari]

Mejdani shkruan ne Shekull:

------------

Ç’është ky Hermes?


REXHEP MEIDANI

Para pak ditësh një mik i kthyer nga Kanadaja, duke pirë një kafe më pyeti: Ç’është ky Hermes? Fillimisht, pyetja m’u duk e parëndësishme, por më tej, pas shpjegimit të tij, mbeta jo pak i habitur. Me pak fjalë, historia ishte kjo: i ndodhur në Kanada, rreth dy muaj më parë, kishte telefonuar një abonent në Shqipëri, por një operator deri në atë kohë i panjohur prej tij, i quajtur "Hermes", dhe jo si zakonisht Albtelekomi, e kishte sinjalizuar se linja ishte e zënë. Por ai kaq kishte vënë re…Historia e tij, në dukje të parë e parëndësishme, m’u pasurua "ndjeshëm" vetëm një ditë më vonë nga një koleg, doktor shkencash, në Zvicër, i cili kur po çmalleshim në Tiranë m’u ankua për një rritje të ndjeshme, por të padrejtë të pagesës telefonike në Zvicër vetëm kur lidhej me familjen në Tiranë. Sipas tij, pas hyrjes fillestare në Shqipëri, ai kishte paguar në jo pak raste, ende pa folur, edhe kohën e një "çelësimi" apo transferimi shtesë, të "rirënies së ziles" ("rerouting" -un e sinjalit) dhe të lidhjes fundore me numrin konkret. Por jo nga Albtelekomi, që e ka lidhjen ndërkombëtare të drejtpërdrejtë, pa këto pagesa ndërmjetëse, por nga një sistem urban në Shqipëri me lidhje dytësore. Pra, me fjalë të tjera, ai detyrohej të paguante kështu dhe kohën shtesë të këtij "degëzimi" të ri, dhe për më tepër, edhe cilësia e sinjalit, kur kjo lidhje nuk bëhej drejtpërsëdrejti nga Albtelekomi, por nga ky operator urban, linte shumë për të dëshiruar...
Por dhe pa e ditur përgjigjen e kësaj pyetjeje fillestare, nuk mund të mos më lindnin në çast disa pikëpyetje. Për këtë, ndoshta, ndikoi tek unë, krahas reagimit qytetar, kohët e fundit, ndaj të rritjes së paargumentuar të tarifave të telefonisë fikse, dhe shpërthimi në media e mjediset politike i debatit mbi problemet e marrëveshjeve të interkoneksionit apo miratimi e fillimi i veprimtarisë së komisionit hetimor parlamentar për këto probleme. Nga ana tjetër, më shqetësonte dhe mendimi se kur "makutëria për kamje, përvidhet e hyn në shtëpi si mike, pastaj bëhet zonjë shtëpie e më tej kthehet në zotëruese" ( K. Gibran ). Ky mësim njerëzor, por dhe kjo situatë humbjesh, dyshimi e paqartësie, më ka shtyrë këto ditë që të pyes disa specialistë të telefonisë për këto lidhje të ndërsjellta midis operatorëve, sidomos edhe për ato të dy operatorëve të telefonisë së lëvizshme, apo të operatorëve të tjerë si Hermes, deri tani i panjohur nga shumica e përdoruesve shqiptarë. Në mënyrë më të veçantë më intrigonin dhe çështjet teknike të mundësisë së këtyre operatorëve për lidhje me jashtë, pa ndërmjetësimin e Albtelekomit. Përveç disa përgjigjeve të vagëta për problemin e fundit, në shumicën e rasteve përgjigja ishte një po, sa potenciale po aq konkrete, madje e supozuar si e realizuar pjesërisht apo, në trajtë më të "zbutur", dhe e eksperimentuar gjatë kësaj kohe të fundit, sidomos pushimeve të verës, ndërkohë që pretendohej se, ligjërisht e administrativisht, lidhja me jashtë ishte e duhet të mbetet një e drejtë e Albtelekomit, deri në fund të dhjetorit të vitit 2004. Të njëjtin pohim të fundit e kam gjetur dhe në citimin e deklaratës së fjalës së ministrit S. Poçi në gazetën “Albania” ( 12 mars 2004, f.15). Sipas këtij citimi: "gjatë vitit 2003, tregu i telekomunikacioneve u liberalizua në fushën urbane dhe kombëtare, ndërsa në vitin 2004 do të liberalizohet edhe në fushën e telefonisë ndërkombëtare, duke u shndërruar në një treg 100% të liberalizuar". Dhe kjo, e thënë në këtë mënyrë, nuk mund të kuptohet ndryshe. Gjithashtu po aty nënvizohet se marrëdhëniet e Albtelekomit me operatorët e tjerë mbështeten në marrëveshje interkoneksioni, të studiuara dhe të bazuara në eksperiencën ndërkombëtare, të miratuara nga Enti Rregullator i Telekomunikacioneve (ERT) dhe si të tilla nuk janë gjë tjetër veçse marrëdhënie biznesi. Por nuk pohohej më tej nëse ishte respektuar ligjërisht deri tani vendimi përkatës (si vendim qeverie apo si sistem rregullator i ERT-së) për këtë afat kohor, të përmendur më sipër, lidhur me të drejtën e hyrjes dhe të daljes në rrjetin ndërkombëtar. Apo, për më tepër, sa humbje për Albtelekomin dhe fitim jo ligjor për operatorë të tjerë ka shkaktuar ky "eksperimentim" i paligjshëm…
Nuk mund të paragjykohet as problemi dhe as vërtetësia e këtyre pohimeve apo citimeve, por pas pyetjes së fundit për Hermes-in u interesova të gjeja bazën ligjore përkatëse (ligje, akte ligjore e nënakte, VKM ose vendime të ERT-së, për problemin e të ashtuquajturve operatorëve publikë). Për fat të keq arrita të shqyrtoj nëpërmjet programit "Juristi" vetëm ligjin 8618 dt.14.06.2000, i cili jep një përkufizim të liberalizuar e përgjithësues mbi operatorin publik, ndryshe nga ai i operatorit të pavarur (neni 2). Po ashtu në atë ligj, në nenin 9, pasqyrohen dhe kompetencat e detyrat e Entit Rregullator të Telekomunikacioneve (ERT-së). Në paragrafin c), d) dhe e) të nenit 9 theksohet përkatësisht se ky ent: "Rregullon interkoneksionin e rrjeteve të telekomunikacioneve…Kujdeset që konkurrenca ndërmjet operatorëve të telekomunikacioneve të mbështetet në parimet e transparencës, të mosdiskriminimit dhe të ndershmërisë… Mbron interesat e përdoruesve të shërbimeve të telekomunikacioneve nga praktikat e pandershme të operatorëve…". Dhe këto kompetenca nuk janë pak për problematikën e ngritur, madje zbatimi i tyre me transparencë e mosdiskriminim, ndershmëri e "pa mbyllje sysh", do të ishte një barrierë e fortë ndaj çdo abuzimi. Ky aspekt nuk mund të mos të jetë objekt verifikimi, në mënyrë të thellësishme, edhe nga komisioni parlamentar. Sidoqoftë, duke mos patur mundësi për të patur në duar vendimet e ERT-së apo të Këshillit të Ministrave për çështje të telekomunikacionit, më duket e natyrshme që hetimi parlamentar të ketë si pikënisje pikërisht këto vendime, më tej dokumentacionin e plotë, licencat e kontratat përkatëse midis operatorëve dhe përfundimisht bilancin e pagesave të tyre të veçanta, midis vetë operatorëve dhe shlyerjen e detyrimeve ndaj organeve tatimore. Kjo, ndoshta, mund të ishte dhe një radhitje normale e çështjeve për hetim.
Nga ana tjetër, problemi themelor nuk duhet të mbetet më, si në komisionet e tjera parlamentare, pozicionimi ose loja, diskreditimi politik i një pale apo një tjetre, as "shoë" e propoganda politiko-elektorale, por hetimi serioz e transparenca e plotë, zgjidhja sa më e shpejtë e problemit të zhbalancimit të pagesave midis operatorëve në veprim në Shqipëri, dhe më tej, në rast shkeljesh dhe një hetim më i specializuar deri penalizim i personave përgjegjës. Dhe për këtë duhet studiuar me kujdes gjithçka që ka të bëjë me marrëveshjet e interkoneksionit, por dhe mundësia e ndonjë tejkalimi ligjor të tyre, qoftë dhe si "eksperimentim", lidhur me hyrjet apo daljet ndërkombëtare. Po ashtu i rëndësishëm, ndoshta, më i rëndësishmi, është edhe kontrolli i krahasuar i pagesave në përputhje me kontratat aktuale, nëpërmjet verifikimit paralel të operatorëve të njëkohshëm në skemën e interkoneksionit. Në këtë mënyrë, i shërbehet konsumatorit dhe mund të arrihet, jo me ndonjë anësi politike, por në mënyrë tekniko-profesionale e administrativo-ligjore në mjaft përfundime të dobishme, si dhe mund të merren përgjigjet e domosdoshme lidhur me pretendimet e palëve, me shqetësimet e akuzat aktuale. Vetëm me një teknologji profesionale e ekspertë auditimi të kësaj fushe, mund të sqarohet, së pari, nëse janë realizuar dhe si janë realizuar këto kontrata për pagesat, nëse ka patur raste shkeljesh apo janë lejuar këto shkelje qoftë të karakterit ligjor, qoftë të atij financiar ose të krimit ekonomik ? Dhe, së dyti, në bazë të këtyre pagesave relative midis Albtelekomit dhe operatorëve privatë (që në ligjin Nr. 8618 quhen publikë) apo midis këtyre të fundit, mund të bëhen edhe krahasimet e nevojshme me standardet botërore, për të kuptuar nëse këto marrëveshje interkoneksioni janë në përputhje ose të përafërta me këto standarde. Në rast se jo, mbeten të përcaktohen përgjegjësitë individuale e zgjidhjet përkatëse. Dhe kështu qytetari shqiptar mund të mos ndeshet më me arbitraritete ose të "papritura" të tjera, të paktën në këtë fushë mjaft "pjellore", sepse, në fund të fundit, edhe sipas Seneca-s "padrejtësia kurrë nuk sundon përngahera"…



16/03/2004



Berisha ne Rd :


Berisha kërkon që Raporti i Agjencisë Ndërkombëtare t'u shpërndahet gjithë deputetëve


Nano, prerje kokash për të mbuluar vjedhjet në Albtelekom


Berisha: "Revoltuese është përpjekja e Fatos Nanos, Arben Malajt, Dhimitraq Raftit e të ndonjë tjetri, për të larë duart si Pilati. Pasi kanë vjedhur qindra e qindra milionë lekë në marrëveshjen e lidhjes me "Hermesin" e tyre dhe me marrëveshje të tjera ndërlidhjeje, kërkojnë tani të rrokullisin një farë Alqi Biraçi"


Dy ditë më parë, Këshilli i Ministrave vendosi t'i propozojë Kuvendit shkarkimin e kryetarit dhe anëtarit të Këshillit Drejtues të Entit Rregullator të Telekomunikacionit, Alqi Biraçi. Ndërsa Nano dhe klani i tij e ndërmarrin këtë akt për shkak se Biraçi nuk ka pranuar rikthimin e tarifave të telefonise fikse, opozita e konsideron revoltuese këtë përpjekje të Nanos, Malajt e Raftit, për të mbuluar vjedhjet e tyre që arrijnë në qindra milionë lekë.

"Revoltuese është përpjekja e Fatos Nanos, Arben Malajt, Dhimitraq Raftit e ndonjë tjetri, për të larë duart si Pilati, të cilët pasi kanë vjedhur qindra e qindra milionë lekë në marrëveshjen e lidhjes me "Hermesin" e tyre dhe me marrëveshje të tjera ndërlidhjeje, kërkojnë tani të rrokullisin një farë Alqi Biraçi", tha Berisha. Kryetari i PD-së i kërkoi kryetarit të Kuvendit, Servet Pëllumbi, që t'u shpërndahet urgjentisht të gjithë deputetëve Raporti Zyrtar i Agjencisë Ndërkombëtare të Telekomunikacionit. Berisha theksoi gjithashtu se qeveritarët aktualë bënë presion të madh ndaj agjencisë që të ndryshonte Raportin.

"Agjencia Ndërkombëtare e Telekomunikacionit mbrojti nderin dhe dinjtetin e vet. Ajo ka kërkuar që raporti t'i shpërndahet çdo parlamentari, pasi abuzimet e konstatuara kanë të bëjnë me pronën publike të shqiptarëve, ndoshta në ndonjërin prej aseteve më të çmuara që kanë patur", deklaroi Berisha.

Duke kundërshtuar futjen me procedurë të përshpejtuar në kalendarin e Kuvendit të propozimit të Këshillit të Ministrave, Berisha tha se opozita nuk mund të pranojë që Kuvendi të merret me Alqi Biraçin, me të cilin Fatos Nano, Arben Malaj, Arben Ahmeti dhe Dhimitraq.Rafti, pronarë të vërtetë të Albtelekom, të mund të mashtrojnë shqiptarët me shkarkimin e tij.

Kryetari i PD-së kujtoi gjithashtu se një përvojë e tillë s'mund të funksionojë, pasi tashmë dihet se çdo gjë bëhet për të mbuluar korrupsionin qeveritar.

"Nuk mund të pranojmë këtë prerje kokash. Vetëm një javë më parë dha dorëheqjen një farë Shalsi, sepse zonja e Kaçit të zi e përzuri në mënyrë që Kaçi dhe Kaçët të bëhen pronarët e ardhshëm të INSIG-ut. Një muaj më parë, Igli Toska shkarkoi Ylli Dygjerin, tani Nano shkarkon këtë Biraçin. Ne nuk mund të pranojmë këto sulme ndaj personave, për të larë duart", theksoi Berisha.

Ndërkohë burime pranë Kryeministrisë bëjnë të ditur se propozimi që i ka ardhur Kuvendit nga Fatos Nano për të shkarkuar kryetarin dhe anëtarin e Këshillit Drejtues të Entit Rregullator të Telekomunikacionit, Alqi Biraçi, ka në thelb konflikte interesash, pasi ai nuk i ka dhënë Albtelekomit liçensën e operatorit të tretë të telefonisë celulare në vend.

H.R




Opozita dënon përpjekjet e qeveritarëve aktualë për të marrë në mbrojtje klane të ekonomisë


Qeveria, kanal ligjor për të larë paratë e pista


Opozita dënon përpjekjet e qeveritarëve aktualë për të marrë në mbrojtje klane të ekonomisë kriminale. Në seancën e djeshme plenare të Kuvendit, kryetari i Partisë Demokratike, Sali Berisha, kundërshtoi futjen në procedurat parlamentare të projektligjit "Për disa shtesa dhe ndryshime në Ligjin Nr.7973, datë 26.7.1995 "Për konçensionet dhe pjesëmarrjen e sektorit privat në shërbimet publike dhe në infrastrukturë". Lideri demokrat Berisha theksoi se modifikimi i këtij ligji bëhet për interesat e ekonomisë kriminale, me të cilat Fatos Nano, Anastas Angjeli, Arben Malaj, Agron Duka dhe të gjithë bosët e ekonomisë kriminale shqiptare, kërkojnë t'i japin akses larjes së parave të klaneve të krimit në punët publike. Një tendencë e tillë është shfaqur edhe para katër muajsh, kur u zhvillua një betejë e ashpër në Parlament. Shefi i opozitës tha se është e papranueshme t'u rikthehemi ligjeve që janë hedhur poshtë disa muaj më parë dhe me të cilët bosët e ekonomisë kriminale synonin t'i jepnin akses pastrimit të parave të tyre të pista në punët publike.

"Është revoltuese, është e papranueshme që ne t'i rikthehemi sërish këtij ligji. Nuk mund të pranojmë ne ndryshime të tilla me të cilat qeveritarët kërkojnë të krijojnë kanalin ligjor për të larë paratë e tyre të pista", deklaroi Berisha.

Tendenca të tilla të qeveritarëve janë denoncuar dje edhe nga deputetë të partive të tjera opozitare. Kryetari i Partisë Republikane, Fatmir Mediu, tha se në vend të reflektimit në kritikat e shumta të ndërkombëtarëve për implikimin e qeveritarëve shqiptarë në afera të shumta korruptive, në këtë rast kemi të bëjmë me një përpjekje të qartë për të mbuluar korrupsionin e tyre. Kundër përfshirjes në kalendarin dyjavor të punimeve të Kuvendit të projektligjit për disa shtesa dhe ndryshime në ligjin nr.7973, datë 26.7.1995 "Për konçensionet dhe pjesëmarrjen e sektorit privat në shërbimet publike dhe në infrastrukturë" u deklaruan edhe deputetët legalistë, të PBL dhe ato të Ballit Kombëtar.

H.R


.........

[dodoni]

E di që ka qenë një temë e hapur në lidhje me këtë problem por nuk e di se ku ka avulluar.

E Merkure, 14 Prill 2004


SI VIDHET ALBTELEKOMI ME KURS PREFERENCIAL

AISBERG/ Vazhdon denoncimi i vjedhjeve me fakte dhe dokumente ne Albtelekom

Ne nentor te vitit 2001 Albtelekomi ka blere gjithsej 2 422 886 euro ne Banken Tirana dhe ka shitur ne po te njejten periudhe 2 423 017 euro po ne Banken Tirana. Si rezultat i ketij aktiviteti te paster kambizmi ne fund te muajit Albtelekomi kishte humbur 44 980 883 leke te reja dhe 131 euro. E kjo eshte vetem njera pjese e humbjes. Pjesa tjeter vjen nga kursi preferencial i kembimit. Po, po nga kursi preferencial i kembimit. Themi keshtu mbasi po qe se Albtelekomi nuk do t'i kishte kryer kembimet me "kurs preferencial" tek Banka Tirana por do t'i kishte kembyer me kursin zyrtar te Bankes se Kursimeve do te kishte nje perfitim prej afro 30 000 000 lekesh te reja vetem per muajin nentor 2001.