Dashuria Romanca Dhe Shen Valentini

[StormAngel]

Une kam ndegjuar se ka qene prift Shen Valentini i cili ka be martesen midis cifteve te cilat nuk kane mundur te martohen ndryshe.Ndoshta gabohem.

[Klevis2000]

Thojne se kur njeriu puth harxhon energji sa per te ndezur 100 llampa.Kujdes se mos ... (lol)


Duhet të bëhesh një puthës/e profesionist që ajo/ai të mos ndihet e pasigurt të puthjet që jep. A do të vazhdosh te jesh në shkallën fillestarë apo do të bësh ai që ajo dëshiron. Ndiq me kujdes hapat e mëposhtëm, për tu bërë një “professional kisser”. Asnjëherë mos harroni që puthja ka rolin kryesor në një marrëdhenië sentimentale. Nëse i dashuri ose e dashura juaj në momentin që puth thotë ‘Të dua”, kjo nuk do të thotë aspak se ai/ajo di të puthë si një profesionist. Në fund të fundit, gjithçka në këtë process, realizohet vetëm në sajë të lëvizjes së buzëve dhe jo të fjalëve. Roli i syve është mjaft i rëndësishëm kur puth dikë. Duhet ti mbash mbyllur sytë apo duhet ta shohësh në sy, kjo është një dilemë e madhe. Jepi fillimisht një puthje të vogël njeriut të zemrës duke e vështruar thellë në sy dhe më pas harro vështrimin duke u fiksuar tek buzët dhe efekti do të jetë marramendës. Mos harro nëse nuk je i zoti/e zonja, për ta bërë këtë gjë, lërë atë që ka më shumë eksperincë të hedhë hapin e parë, pra të bëjë mësuesin, sigurisht pa u ofenduar. Shpesh nuk na pëlqen stili i puthjes që na jep njeriu i zemrës, për këtë qëllim është më e mirë që të marrësh situatën në dorë dhe të vësh pikat mbi “I”. Tregoi se mënyra se si ti puth është më e mirë, nëse edhe kjo nuk i pëlqen, atëherë zgjidhni puthjet e çmendura. Startoni leksionin tuaj me puthjet tipike Chupa Chups. Besoj se askush nuk e di sesi janë këto puthje. Të shpejta, sa hap e mbyll sytë dhe sigurisht të ëmbla si lëpirësja magjike. Provo fillimisht të puthësh buzët e atij/asaj duke i puthitur dhe më pas përdor gjuhën, njëlloj si ke vepruar me një lëpirëse chupa chups. Kujdes ky stil kaq modern konsiston kryesisht tek efekti qetësues i gjuhës, mos kini frikë nëse humbisni kontrollin në mungesë të ajrit. Puthjet duhet të jenë të bollshme, me qëllim që ajri të depërtojë lirshëm në buzët tuaja, në këtë mënyrë ato do të jenë të hidratuara dhe të buta, pa krijuar efekt negativ tek personi që keni përballë. Më pas mund ta kaloni në gjëra seriozë. Shpesh shumica e të dashuruarve harrojnë që në fund të fundit edhe puthja është një xhest serioz dhe këtu duhet të realizoni trukun e famshëm të puthjes French kiss, duke “përleshur” gjuhët, që janë edhe pika me e nxehtë në një puthje. Për ta marrosur farë ATË me efektet speciale dhe teknikat alternative tek puthjet French Kiss që dhuron përdor lehtësisht gjuhën (mos harro shumë njerëz besdisen nga kjo gjë) duke lëvizur atë lirshëm në gojë, duke respektuar trafikun e gjuhëve të palës tjetër. Hey për pak desh harrova tipin e fundit të puthjes. Janë ato me specialet në vesh, në hundë dhe kudo që partneri yt ka dëshirë, kjo do të ndihmojë që marrëdhënia juaj të arrijë një harmoni perfekte.

[sLimShady]

Asnjehere nuk pata rastin ta festoj Shen Valentinin.

loool stromo qekemi njejt

[Dito]

Klevis bravo te bukura informacionet, do i arkivoj me kujdes ne arsenalin tim te thenieve mbi dashurine.

Dito.

[StormAngel]

Shën Valentini, nga mëkati tek shenjtëria


Shekulli online

Të dhënat e para mbi festimin e ditës së Shën Valentinit i gjejmë në Romën parakristiane, kur paganët festonin “Festën e Ujkut” ose “Lupekarlinë” në çdo 15 shkurt. Kjo festë organizohej çdo vit për nder të perëndeshës romake Februata Juno, e cila njihej si perëndesha e grave dhe e martesës, apo e dashurisë së “ethshme” (febris-ethe), si dhe për nder të Panit, zotit romak të natyrës. Në këtë ditë feste tërësisht erotike, gra të reja vendosnin në një qyp a vazo disa bileta, ku kishin shkruar më parë emrat e tyre. Më pas, djemtë tërhiqnin biletat nga vazoja për të zbuluar se cila do të ishte shoqja e tyre seksuale e ditës, e vitit dhe, në raste të veçanta, e gjithë jetës. Çiftet që dilnin nga “qypi” shkëmbenin dhurata me njëri-tjetrin në shenjë dashurie dhe, shpesh, edhe martoheshin.
Krishtërimi
Kur Krishtërimi u shfaq në skenën romake, pati përpjekje për ta zëvendësuar këtë traditë me një mënyrë tjetër festimi, që t’i afrohej më tepër linjës së etikës dhe moralit. Tradita e të shkruarit të emrave, hedhjes së tyre nëpër qypa e vazo dhe përzgjedhja e këtyre emrave vazhdoi, por tani këta emra u zëvendësuan me emrat e shenjtorëve, të cilët zgjidheshin për gjithë vitin. Nuk është për t’u habitur që ky version i krishterë i Luperkalisë, për shkak të humbjes së karakterit fillestar erotik, vdiq shpejt, pa arritur të shndërrohet në traditë të qëndrueshme. Megjithatë, të krishterët e asaj kohe nuk tërhiqeshin lehtë. Kësaj radhe ata u përpoqën ta shndërrojnë një “festë të epshit”, si Luperkalia, në një “romancë rituale”. Për këtë qëllim, Kisha do të zgjidhte një shenjt për të zëvendësuar perëndeshën Februata Juno. Ky shenjt do të ishte Shën Valentini. Viti 496 e.s. ishte koha, kur papa Gelasius shpalli ndryshimin zyrtar të festimit të datës 15 shkurt, si ditë e Lueperkalisë, me 14 shkurtin e ditës së martirizimit të Shën Valentinit, për t’i dhënë kësaj tradite pagane një kuptim të krishterë. Edhe tradita e tërheqjes së biletave, si jehonë e Luperkalisë, vazhdoi dhe gratë e burrat, të martuar apo jo, tërhiqnin nganjë “valentin”. Pasi çiftoheshin sipas biletave, shkëmbenin dhurata dhe kujtime dashurie. Kjo traditë vazhodi deri në shekullin e tetëmbëdhjetë në këtë mënyrë, por, dalëngadalë, ajo pësoi edhe ndryshime. Më vonë dhuratat nuk shkëmbeheshin nga të dy anët. Tani ato u bënë vetëm përgjegjësi e burrit. Ky ndryshim bëri që të mos ndjehej më nevoja e zgjedhjes së rastësishme të emrave dhe meqë shumë burra jo edhe aq të pasur e kishin shumë të vështirë t’u bënin dhurata të shtrenjta grave fisnike e të pasura, individët u lanë të lirë që ta zgjedhin vetë “valentinin” e tyre. Në këtë mënyrë, festimi mori një kuptim të veçantë dhe më serioz mes çifteve.
Kush ishte Shën Valentini?
Duke qenë se regjistrimet e sakta për jetën dhe veprimtarinë e këtij shenjti mungojnë, historia e tij nuk njihet me saktësi, ndërsa pretendimet se Kisha mund ta ketë “zbukuruar” disi atë histori për ta bërë më joshëse për besimtarët romantikë janë shumë të përhapura. Sipas një legjende, Valentini ishte vrarë me urdhër të perandorit romak Klaudius II për arsye se kishte drejtuar fshehurazi ceremonitë e martesave të ushtarakëve. Klaudsiusi II kishte krijuar bindjen se burrat beqarë janë ushtarë më të mirë sesa ata që kanë gra dhe familje, prandaj edhe kishte urdhëruar ndalimin e rreptë të martesave të meshkujve të rinj, të cilët do të përgatiteshin për t’u marrë në shërbimin ushtarak. Valentini nuk e kishte marrë parsysh këtë urdhër të Klaudiusit II dhe kishte drejtuar në mënyrë të fshehtë martesat e çifteve të rinj. Kur ky veprim i tij u zbulua, Klaudiusi urdhëroi pa e zgjatur dënimin me vdekje dhe ekzekutimin e tij. Gjatë kohës që ishte në burg, në pritje të ditës së ekzekutimit, thuhet se shenjti i ardhshëm kuroi bijën e gardianit të burgut nga verbëria. Vajza e varfër u dashurua marrëzisht pas Valentinit dhe u përpoq që t’i shpëtonte me çdo kusht jetën, por nuk mundi. Në prag të ekzekutimit, Valentini arriti t’i dërgonte vjedhurazi vajzës një letër të shkurtër. Letra thuhet se mbyllej me fjalët: “Nga Valentini juaj”. Këtë shprehje e gjejmë sot të përhapur në kartolinat e shumta që dërgohen me rastin e ditës së Shën Valentinit.
Versione të tjera
Një histori tjetër, e ardhur nga e shkuara e largët, thotë se Valentini ishte një prift i shenjtë në Romë, i cili ndihmonte të krishterët t’u shpëtonin burgjeve të tmerrshëm romake, ku ata rriheshin e torturoheshin shpesh në mënyra çnjerëzore. Valentini u arrestua dhe u dërgua tek prefekti i Romës pikërisht për këtë. Ky i fundit u mundua ta bindte Valentinin që të heqë dorë nga besimi i tij, por nuk pati sukses, prandaj edhe urdhëroi rrahjen e tij me dru dhe më pas ekzekutimin me prerje koke. Kjo histori bëhet e ditur të ketë ndodhur më 14 shkurt 270 e.s..Sipas Enciklopedisë Katolike, ekzistojnë edhe tri variante të tjera të historisë, të cilat lidhen të gjitha me disa martirë të krishterë, të ekzekutuar më 14 shkurt. Njëri nga ata përshkruhet si një prift në Romë, një tjetër si ipeshkvi në Interamna (Terni i sotëm) dhe një i tretë në Afrikë. Në traditat e shumta nuk mungojnë edhe versionet negativiste. Një histori thotë se Valentini ishte një prift i një qyteti bregdetar, me ndihmën e të cilit marinarët e ardhur nga vende të ndryshme të botës kryenin një lidhje martesore me prostitutat e vendit dhe, në këtë mënyrë, i jepnin karakter “legal” marrdhënies së tyre seksuale me këto prostituta. Ky prift, gjithashtu, thuhet se pranonte të organizonte ceremonitë martesore për ata çifte, martesa e të cilëve refuzohej të bëhej nga Kisha për arsye nga më të ndryshmet. Ky ishte shkaku që, sipas të dhënave, ky prift, i shndërruar më vonë në shenjt, nuk shihej me sy të mirë nga Kisha. Por edhe kjo histori, sikurse versionet e tjera, është e vështirë të argumentohet. Një numër legjendash e bestytnish, të lidhura me zanafillën e ditës së Shën Valentinit, lidhen me besimin e përhapur në Anglinë dhe Francën mesjetare, sipas të cilit 14 shkurti është dita kur zogjtë nisin të çiftëzohen. Letërsia angleze dhe frënge e shekullit të pesëmbëdhjetë i referohet shpesh dhe në mënyrë të drejtpërdrejtë kësaj praktike.

[StormAngel]

Ndonëse kohë e keqe, të dashuruarit festuan 14 shkurtin. Banorët e periferisë, edhe pse më pak se vjet, sërish në Tiranë

Tiranë, një Shën Valentin mes shiut

Sipas shitëseve, dhuratat e preferuara kanë qenë si gjithmonë lulet. Tufa më e madhe, me 100 trëndafila

B.Prifti

Koha këtë herë nuk ka prirë për mirë. Shën Valentini në kryeqytet është festuar jo shumë bujshëm, nën një mot të ftohtë e me reshje të shumta shiu. Por pavarësisht kësaj, lëvizjet nuk kanë munguar, paçka se nuk kanë sjellë në Tiranë një aromë të vërtetë festive. Ndryshe nga një vit më parë, kur bulevardi kryesor ishte i tejmbushur nga radhë pafund njerëzish me destinacion kodrat e liqenit, këtë 14 shkurt vendprehja e shumicës së të dashuruarve nuk qe një alternativë e mirë feste. Ndonëse nostalgjikët “guxuan” të bënin ritualin e radhës edhe në shi.
Vjet, më shumë lule
Ka radhitur koshat e luleve që në orën 07.00 të mëngjesit. Veshur me një meshinë të zezë, mbështjellë me një shall të verdhë, hedhur edhe sipër kryeve, ka pritur të parët blerës të luleve për ditën e të dashuruarve. Zhgënjimi ka ardhur sakaq. “Nuk ka pasur shumë punë. Vjet kujtoj të kem shitur lule pa fund”,- thotë Vitorja, që dje shiste përpara piramidës. Është më pak se 40 vjet dhe prej më shumë se 5 vitesh merret me tregtimin e luleve. Biznes që siguron të ardhurat për familjen e sa të madhe. “Jam matjane, e ardhur në Tiranë përpara 6 viteve”, -rrëfen ajo, në pritje të blerësve që uron të shtohen. “Ditët e festave i pres me qejf, jo vetëm për fitimin, por edhe për kënaqësinë që ndiej kur njerëzit blejnë e dhurojnë mes tyre lule”,- vazhdon më tej ajo. Megjithëse i ka qejf pa masë, tregon se vetë rrit pak lule, kryesisht trëndafila. Kurse lulet që shet, që sipas saj vijnë nga Holanda përmes Greqisë, i blen në pikat e shumicës. Në ditët e zakonshme shet lulë pranë varrezave, kurse në ditë të shënuara përjeton tjetër ndjenjë, teksa shet lule për dashurinë e të gjallëve. Lule të ndryshme, karafila e trëndafila që sundojnë nëpër kosha. Por nuk mungojnë edhe të tjerat. Tulipanë, margarita, zambakë. “Shiu e ka fajin, këtë vit na prishi shumë punë”,- thotë mbyturazi Vitorja, që duket se ndryshe i kishte bërë hesapet këtë ditë. “Kam shitur, më shumë trëndafila 200 lekësh, po ashtu edhe karafila”,- thotë ajo. Ngjyra e preferuar, natyrisht e kuqja.
Dhuratat
Më të preferuarat kanë qenë lulet. Nuk kanë munguar edhe surprizat, si bizhu apo veshje. “Janë shitur shumë bizhuteri, të blera si nga femrat, ashtu edhe nga meshkujt”,- thotë shitësja e një dyqani të tillë në zonën e ish-Bllokut. Sipas saj, dhurata më e shtrenjtë deri mesditën e djeshme ishte blerë nga një djalë me vlerën e 110 mijë lekëve dhe ka qenë një varëse shumë e veçantë. Tek lulet, tufa më e madhe e bërë ka qenë prej 100 trëndadilash të kuq. “Është bërë nga një vajzë e re për të dashurin dhe ka kushtuar plot 15 mijë lekë”,- thotë shitësja tek rruga e Elbasanit. Ndërsa dhuratat që për të mund të konsiderohen me çmim të zakonshëm kanë variuar tek 2-3.5 mijë lekë. Në morinë e dhuratave të zgjedhura sipas gustos, nuk kanë munguar biankeritë intime. Më tradicionalët, e kanë mbyllur historinë e dhuratave me lule e me një drekë diku jashtë shtëpisë. Të tjerë, kanë preferuar që kujtimit të kësaj date t’i shtojnë një darkë nën dritën e qirinjve.

Një ditë për dashurinë
“Mosha është fjalë e huaj për dashurinë”. Kështu përgjigjet Bujari, një burrë plot 60 vjeç, teksa del nga dyqani i luleve në rrugën e Elbasanit. “Lulet i kam për time shoqe”,- thotë ai e tregon se të tilla nuk i jep vetëm për festa. “Kjo është një ditë, por për njerëzit që duhen të gjithë janë Shën Valentin”,- vazhdon më tej ai, duke mbrojtur nën çadër tufën e luleve që ka zgjedhur. Katër trëndafila të kuq e ca lule të vogla të bardha, mbështjellë me qese bojë blu. Të njëjtën gjë dëgjoje dje, nga gjithë atë që mund të pyesje. E në fakt blerës ka pasur, me shumicë burra, djem të rinj e vajza.

Nga periferia
Nuk janë parë radhët e gjata që një vit më parë dukeshin që përtej. Por ndonëse më të paktë, banorët e periferisë, nuk kanë lënë t’u shpëtojë një rast i tillë për të zbritur në kryeqytet e për të festuar. Shumica të fejuar. Për Edën dhe Gimin, çiftin e ri nga Bathorja, një foto tek piramida mund të ketë qenë kujtimi më i bukur i kësaj dite. Në gishta u shndrrijnë unazat e fejesës. “Sapo jemi fejuar dhe e pritëm me gëzim këtë ditë, por koha nuk na ndihmoi fare”,- thotë vajza. Lulen e dhuruar nga i fejuari e ka vënë mes flokëve. Është një gonxhe e bardhë. Të tjerë kanë vizituar liqenin, ndonëse nuk kanë mundur ta shijojnë deri në fund festën. Nuk kanë dhënë e marrë buqeta të mëdha lulesh, por janë mjaftuar edhe me nga një gonxhe apo karafil.

[Kumbe]

lot pyes angel
te dhuruan ndonje buqete me lule apo kartoline/dhurate per shen valentinin apo ndjek vetem lajmet? sa per kurjozitet

[StormAngel]

me dhuruan ca sms ne telefon,asgje me shume
shpresoj te kenaqi pergjigja per kuriozitet
kshu e ka kjo pune,disa me duar plot,disa me duar bosh,po festa feste eshte

[Kumbe]

me thene te drejten, me kuptimin e mirefillte te fjales kenaqje, sme kenaqi hic , po prisja te na tregoje buqeta me lule trendafila te kuq, dhurata pa mase, te ulur ne nje gju nqs ma kupton mendimin, po aha vetem sms

Kraje them une jepi duret, filloja nga fillimi

[StormAngel]

Kumbe,lexo firmen time