Martesa e perkohshme

[Hase]

Nje i njohuri im gjithnje thoshte: Gruaja eshte sherbetore pa para!

[MISTRECE22]

po mire mi vajze, thuaj disa argumente pse duhet te jesh kundra bashkjeteses, qe te hidhemi ne te tjeret qe jemi pro asaj.
jo kaq thate.........

[shigjeta]

Bashkejetesa mire, keq varet se ne c' kendveshtrim e shikon. Eshte pozitive duke menduar se I ndihmon njerezit te njihen duke mos patur ndonje detyrim tek njeri - tjetri. Po pikerisht ketu qendron dhe ana negative e bashkejeteses. Ndryshe nga martesa ku shpesh here ana sociale , fetare etj te mbajn te lidhur dhe te bejn te luftosh qe ajo lidhje te funksionoj ne bashkejetes nuk ka detyrime te tilla. Por gjithashtu nuk ka as shume perpjekje per ta bere te funksionoj nje mardhenie (relationship ) edhe kur te dalin probleme te ndryshme.

[Estella]

Nuk shoh ndonje te mete tek bashkejetesa, megjithate ajo eshte nje zgjedhje qe secili person e ben per vete.
Gjithashtu varet edhe nga gjenda ekonomike e nje personi. N.q.s nje person iken nag shtepi qofte mashkull apo femer dhe perseri kethehet nga njerzit e shtepise per let per te jetuar dhe paguar billat e veta, atehere cila eshte arsyeja qe te iki nga shtepia e prinderve?
Po qe se dikush mund te perballoje jetesen vetem atehere pa problem.

[Elna Durrësi]

Bashkëjetesa , për mua është ideja më e mirë për të mundësuar dy njerëz të njihen, që më pas të marrin vendimet e rëndësisshme të jetës, pra ose të vazhdojnë më tej qoftë kjo me martesë apo mirardhjen e një fëmije , ose të ndahen pa patur nevojën të kalojnë në një mijë e një proçedura zyrtare apo dhe familjare.
Për mua rroftë bashkejëtesa , se martesa s'besoj se më zë më derën.

[Estella]

Veprat flasin më shumë se fjalët - (Angleze)
Te bashkejetosh do te thote te njohesh mire nje njeri nga veprimet e tij dhe jo nga fjalet qe ai thote. C'fare thua dhe ben jane dy gjera te ndryshme.

[ViVaci]

bashkjetesa ne nje moshe te re eshte e demshme per raportin.jam shum dakort qe eshte menyra me e mire per te pare nga afer personin qe do por ne moshe te re ndikon per keq.per te arritur tek bashkjetesa duhet te kalosh nje sere fazash te tjera dhe eksperienca te cilat te beejne me te pjekur dhe te cojne drejt bashkjeteses,por kurrsesi nuk eshte e drejte qe ti ti kalosh keto etapa sepse atehere bashkjetesa te behet ferr...

[xhulia]

pO TE ECESH SIPAS TEORISE ESHTE SI TE MBASH SYZE DIELLI NATEN, NDONJEHERE DUHEN BERE GJERA QE NDJEN PER MOMENTIN NE FUND TE FUNDIT EKSPERIENCA I JEP JETES KRAHE.

[Brari]

------------
Ja dhe Vipat e Tiranes si dashurojne e bashkjetojne.


---------------------




Edi dhe Rudina, të fshehtat e një Love Story

Histori dashurie në Tiranë

Çifti VIP i Tiranës dhe dashuria që lindi tre vjet më parë nga një libër me poezi

Nga Alma Kushova

Kohët e fundit, po shihen për herë e më tepër bashkë. Kamerave djallëzore nuk u ka shpëtuar imazhi i një prej çifteve Vip të kryeqytetit, Edi Rama dhe Rudina Magjistari. Ata janë fokusuar në ceremonitë dhe ngjarjet e ndryshme kulturore, në shoqërinë e njëri- tjetrit dhe të tjera herë në shoqërinë e familjarëve dhe miqve të ngushtë. Në ambientet e jetës mondane shqiptare, në teatër në ngjarje kulturore e ceremonira të ndryshme, ata nuk përbëjnë më një gjë të pazakontë. Nëse ke vendosur që kafen e pasdites ta pish tek bar Piazza, nuk është çudi t’i shohësh edhe aty, të zhytur në bisedat e tyre dhe ndoshta paksa indiferentë ndaj botës që i rrethon. Kështu, me pak fjalë, edhe pse ata ende nuk kanë pranuar ta deklarojnë për publikun, kryebashkiaku i Tiranës dhe bukuroshja e spektakleve janë bashkë.

Si nisi një histori dashurie ?
Duket të jetë një nga lidhjet klishe të botës së sotme Vip, kjo midis një politikani të suksesshëm dhe një vajze të bukur. Por asnjërit syresh nuk i bën përshtypje kjo gjë. Nuk ishte thjesht bukuria, ajo që e shtyu kryetarin e Bashkisë së Tiranës, Edi Ramën, drejt Rudinës. Dhe nuk ishte pushteti i këtij të fundit që e shtyu, prezantuesen e njohur Rudina Magjistari, drejt tij. Ndoshta u takuan në një shfaqje ose ndoshta në një kafe të thjeshtë, ku ai i është afruar tavolinës së saj për t’u prezantuar dhe për t’i dhuruar një libër me poezi. Kjo është një grimcë që u përket atyre, por është fakt që tashmë janë bashkë prej tre vitesh. Dhe kanë vendosur të ngrejnë një strehëz të vogël për ndjenjën e tyre para pothuaj një viti, pikërisht në një apartament të vogël, 1+1 në rrugën e Elbasanit. Edhe pse dita e punës për secilin është e gjatë dhe e lodhshme, mbrëmja i gjen bashkë. Po ashtu dhe fundjavat. Së fundi çifti ka vizituar qytetin e dashurisë, Parisin, për plot 10 ditë për të kaluar Krishlindjet nën ritmin dhe shkëlqimin parizien. Ndërsa për pushimet verore të dy vendosën t’i gëzohen diellit të ngrohtë të një prej ishujve të Greqisë. Por iu desh të braktisnin gjithçka pas një momenti tepër të vështirë familjar për Rudinën, ku në një aksident tragjik ajo humbi të vëllanë. Dhe në këtë moment Edi iu gjend pranë. Edhe sot e ndjejnë se janë mirë në shoqërinë e njëri-tjetrit dhe plotësojnë njëri tjetrin. Për Rudinën, Edi është një mik i mirë, një sup i fortë ku ajo mbështetet, ndërsa për Edin, Rudina është ngrohtësi, qetësi dhe çlodhje.

Ai dhe Ajo
Ai, 38 vjeç, politikan i suksesshëm me një fizik të jashtëzakonshëm, karakter i fortë, impulsiv, natyrë rebele dhe ndonjëherë agresiv. Një figurë ndryshe, në sfondin politik shqiptar, dominues e i drejtpërdrejtë. Duken si karakteristika që nuk kanë të bëjnë me një artist, me një piktor, ose le të themi që edhe pikturat e tij mund të jenë kështu të shprehura me forcë. Dikur pjesë e lëvizjes studentore, provoi edhe emigrantin për të rihyrë bujshëm në politikën shqiptare, për të marrë edhe poste ministrore dhe kohët e fundit edhe drejtimin e metropolit shqiptar. Një figurë për ca e dashur e për të tjerë e kontestuar.
Miqtë e tij të afërt tregojnë se është një tip “i fiksuar” pas punës.
Ajo, 27 vjeç, një bukuri e shndritshme, zë i ngrohtë e buzëqeshje e ëmbël e spektakleve shqiptare. Herë e brishtë e herë kërkuese. Vajza që u hapi portat e fateve shumë njerëzve. Një nga figurat më të dashura e më të plota të prezantimit televiziv shqiptar. Magjike në buzëqeshjen e saj, por e afërt në komunikim. E bukur dhe inteligjente, për shumë ajo përfaqëson gjithçka do të donte të ishte një femër.

Ç’ ka thënë ajo për dashurinë
Për të dashuria është një nga gjërat më të rëndësishme. Eshtë e nevojshme për të krijuar atë atmosferë qetësie shpirtërore në mënyrë që ti të hidhesh në fushën e punës me tërë fuqitë dhe energjitë që ke. Dashuria të zbut shpirtin, të rrit shumë si njeri, të fisnikëron dhe kjo është domosdoshmëri. E rëndësishme është ta rimarrësh veten dhe të quash diçka të shkuar si një eksperiencë të dobishme. Nuk ka rëndësi nëse njeriu që do është i famshëm ose jo, ai duhet të ketë personalitet, të jetë i sinqertë dhe, mbi të gjitha, të jetë njeri.
Të thëna e të pathëna
Thuhet se kur kanë qenë në Amerikë, Kofi Anan e ka ftuar për darkë çiftin nga Tirana.
Edi kujdeset për gjithë miqtë e tij të shtrenjtë t’u dërgojë dhurata në raste festash dhe sa herë kthehet nga ndonjë udhëtim nuk harron t’i sjellë diçka Rudinës, zakonisht bizhuteri. Kohët e fundit Rudinës i sheh në dorë një orë “Radon”, ndoshta edhe kjo është një nga dhuratat e tij.
Plazhin Rudina preferon ta bëjë në vende jo publike, i pëlqen intimiteti. Rudinës i pëlqen të jetojë në luks dhe të frekuentojë restorantet dhe baret më të shtrenjta.
Vetë Rudina nuk mban dietë të rregullt por është shumë e kujdesshme me ushqimin. Nuk pi duhan apo pije alkolike. Në palestër shkojnë gjithmonë bashkë.
Edi është shumë i kujdesshëm dhe i vëmendshëm, i vështirë, i ashpër, por i drejtë. Ka një staf, të cilin e ka përzgjedhur vetë duke kërkuar maksimumin dhe personat më të mirë. Ka një marketing të shkëlqyer dhe stafi i tij është i përbërë më shumë nga femra.
Rudina, përveç jetës së spektaklit, ka filluar një karrierë të dytë. Ka hapur një studio kontabiliteti, pasi diploma e saj është ekonomiste. Ka një personel të vogël, por profesional dhe punon ngushtë me ta për t’u bërë edhe këtu e suksesshme si në spektakle. Angazhimi i bërë tek portat e fatit bënte që të kalonte shumë kohë në studiot e “Klan”, tashmë ajo preferon të ketë bashkëpunime për spektakle që i përshtaten. E mbështet Edin pa rezervë në politikën e tij, por pa ndërhyrë, kjo falë edhe natyrës së pavarur të Edit.
Veshjet i porosit shpesh jashtë në një seksion të veçantë, ndonjëherë i dizenjon dhe u kërkon rrobaqepësve t’ia qepin. Kjo është ndoshta arsyeja që ka veshje të pazakonta dhe ndonjëherë ekstravagante.
Rudina ka një garderobë shumë të pasur. Përzgjedh midis stilistëve, por edhe blen veshje të gatshme si në Tiranë dhe jashtë. Vishet edhe klasike dhe sportive, por më rehat ndihet me këto të fundit. I pëlqen palestra, atletika dhe noti. Rudina është një person që e udhëheq arsyeja dhe që kujdeset për veten. I pëlqen të jetë e pavarur e rezervuar dhe intime.

Bashkë, por deri kur?
Askush nuk e di përgjigjen e kësaj pyetjeje. As ata vetë. Duket sikur bëjnë pjesë në atë kategori çiftesh modernë që duan të testojnë ndjenjën e tyre duke jetuar bashkë për një periudhë të pacaktuar. Dhe momenti do të vijë. E rëndësishme është ndjenja që i lidh dhe i bën të ndihen mirë me njëri tjetrin. Të dy kanë lënë nënat e tyre vetëm, për të qenë pranë njeri tjetrit për të ndarë bashkë momente të bukura e të vështira. A nuk është kjo një provë më se e mjaftueshme e dashurisë së tyre? Por nga ana tjetër është dhe një sfidë për të dy. Të jetosh në çift, kërkon sakrifica, të heqësh pak dorë nga egoja të dish të tolerosh, të pranosh njeriun për atë që është. Dhe më tej akoma ta duash, t’i shërbesh t’i jesh pranë deri sa vdekja të të ndajë. Të shpresojmë se kjo do të ndodhë edhe me çiftin simpatik të kryeqytetit.



marre nga "spekter".

[Mina]

Postuar më parë nga Hase

Nje i njohuri im gjithnje thoshte: Gruaja eshte sherbetore pa para!

Me kete llogjike i bie qe burri eshte hamall!