Ka me mire se gjuha shqipe?

[Ullmar Qvick]

Perestae - të lutem të lexosh intervistën me mua që u botua në gazetën "Ballkan"
më datë 14/5/2004 (kërkoni në Yahoo search 'ulmar kuik' nëse nuk e gjeni artikullin drejtpërdrejt)
Intervistuesi është z. Riza Lahi, i cili vizitoi Suedinë në lidhje me një festival këtu.
Falemnderit Perestae për kompliment - gjithmonë kompliment për mua kur njerëzit mendojnë se unë jam shqiptar! Edhe Pelini më mëson se nuk kam mentalitet suedez. Mirë. Përsa i përket shprehjes "një farë Llapi" mendova se Llapi është një emër gjeografik. Ndoshta gaboj, por për mua nocioni "një farë Llapi" tregon se nuk kemi të bëjmë me vendin por me një person!
Nuk është dobësia gjuhësore si e tillë që tregon Llapi që më bën të reagojë, është fakti se ai merret me diskutime politike si propagandist, dhe në raste të tilla një zotërim i gjuhës është i domosdoshëm! Një diskutim serioz politik duhet të jetë në nivelin e duhur, jo në nivelin gjuhësor të rrugacit! Gjykimi im ndoshta duket i rreptë, por ky shok ka shumë nevojë për edukim rrënjësor, pavarësisht nga virtytet që mund të ketë ai, për të cilët nuk di gjë.
Unë, Perestae, po dal me emrin tim të vërtet, dhe ti ke guxim të kërkosh prej meje të tregoj identitetin tim. Ku dhe kur tregon ti identitetin tënd?

[Greta E]

perestae00?
Mos mbani shume merak per mua,sepse une jam e lindur dhe e rritur ne Tirane dhe nuk mendoj se do te vije ajo dite, qe mund te harroj gjuhen shqipe.Do do te ishte me mire per ju te mendoheshit edhe nje here tjeter perpara se te shtypni butonin PERGJIGJE.

[perestae00]

Ullmar, my appologies!
Nuk e dija qe jeni nje albanolog suedez. Mendova se mos jesh nga ata shqiptar qe e heqin veten si te huaj, dhe postojne here pas here ne kete forum. Me behet qejfi qe ti si suedez ke treguar dhe po tregon interes per gjuhen dhe popullin shqiptar. Komplimente per pervetsimin qe i keni bere gjuhes; shkruani ne nje shqipe te kulluar letrare.

[perestae00]

Mos mbani shume merak per mua,sepse une jam e lindur dhe e rritur ne Tirane dhe nuk mendoj se do te vije ajo dite, qe mund te harroj gjuhen shqipe.

Une per ty nuk merakosem aspak, goc tirone. Ti per mua harroje gjuhen sa me shpejt qe te jete e mundur po te duash, mua ajo pune fare nuk me intereson. Por sic duket ti nuk e paske kuptuar postimin tim te meparshem, prandaj po ta shpjegoj.

Ti the qe eshte shume e rendesishme per ty qe femija jote te flas shqip. Une them se per ty kjo nuk eshte shume e rendesishme, sepse po te ishte me te vertete kaq e rendesishme per ty ruajtja e gjuhes shqipe, ti nuk do te ishe martuar me nje te huaj. Pse do te thuash ti? Ngase dihet se kur nje femer shqiptare martohet me nje te huaj dhe jeton ne nje vend te huaj, probabiliteti qe femija i ketij cifti te flas apo ndihet (gjysem) shqiptar eshte pothuajse zero, keshtu qe don ti apo jo, femija jote nuk ka per ta mesuar gjuhen shqipe (pervec nja 5 fjaleve themelore).
Ne jemi dhe jetojme ne nje shoqeri patriarkale & patrilineale, dhe se eshte kombesia/gjuha e babes/burrit ajo qe e percakton edhe identitein kombetar/gjuhesor te femijes. Nese ty kjo s'te pelqen pak rendesi ka

[Greta E]

O perestae00 .... Po pse hidhesh perpjete ti more djale?
Per mua eshte e rendesishme qe femija im te flasi shqip,prandaj edhe po mundohem te komunikoj ne SHQIP me te.
Nuk besoj se ja vlen te shtoj ndonje gje tjeter,se po e shoh qe pak me lart ja keni futur fjaleve si kodra mbas bregut.
PS: flm per shpjegimin.

[Ullmar Qvick]

Perestae - ju keni kërkuar falje në mënyrë të ndershme dhe të sinqertë, dhe natyrisht e pranoj. Më mirë të jemi të sinqertë, ballafaqime mund të kemi por disa herë kemi edhe arsye të kërkojmë falje....
Megjithëkëtë jam në një dilemë në lidhje me debatet politike shqiptare - shumë herë kam menduar të mos ndërhyj fare. Prapëseprapë: cështjet politike si duket hyjnë kudo... p.sh. në muzikë (votimet në Festivalin e Evrovizionit) dhe bile në gjuhësi. Kam shumë kontakte, po lexoj shumë, por ka raste kur jam i bindur se i huaji mbetet i huaj.... se ndërhyrjet nga ana ime do të bëhen të gabuara. Ndoshta jo aq katastrofale sa ndërhyrja e z. Bush në Irak, por.... Më dëshpëron shumë fakti se në Shqipëri dhe në Kosovë lufta politike midis pozitës dhe opozitës dhe në përgjithësi ka trajta antidemokratike. Dhe bile në problemet gjuhësore shfaqen qëndrime thjesht politike, shumë herë në mënyrë të tepëruar. Është hija e Stalinit që e errëson tokat shqiptare: Kush nuk është me mua, është armik. Në lidhje me normat e gjuhës së bukur shqipe nuk ka nevojë për radikalizëm, gjuha letrare ka një bazë, dhe vetëm modifikime janë të nevojshme. Fakti se shumë faktorë politikë ishin vendimtarë në vendimet e vitit 1972 nuk përjashtojnë një fakt tjetër: Norma e miratuar ishte përgjithësisht e pranueshme nga pikëpamja gjuhësore. Dhe një popull si ai shqiptar ka shumë nevojë për bashkim forcash, për punë të përbashkët me mend dhe logjikë, në frymën e demokracisë. Gjithmonë brenda një shteti do të kemi kundërshtime p.sh. krahinore. Këtu në Suedi njerëzit e Suedisë veriore janë gjithmonë të pakënaqur me situatën e tyre. Kanë lëndët e para, punojnë, por shumica e vendimeve mirren në Stokholm! Pakica etnike same (laponezët) ndihet e diskriminuar, ndërsa suedezët mendojnë se samët kanë kërkesa të tepruara dhe kështu me rradhë.
Konflikte, po, mosmarrëveshje, po, por atentate, luftë civile jo. Vërtet u vra Anna Lindh, ministreja jonë e punëve të jashtme, por vrasja ishte me burim serb, jo suedez - vrasësi Mihailo Mihailovic' ishte i tërbuar për arsye se Anna e miratoi luftën e NATO-s për Kosovën.... Normalisht problemet tona zgjidhen në mënyrë paqësore. Dhe pse të mos zgjidhen kështu në të gjitha anët e botës?

[harmonies]

Ullmar,

Megjithëkëtë jam në një dilemë në lidhje me debatet politike shqiptare - shumë herë kam menduar të mos ndërhyj fare.

Konflikte, po, mosmarrëveshje, po, por atentate, luftë civile jo.

Besoj se keni lexuar ketu ne forum, thirrje per lufte, atentate kunder politikaneve shqiptare, therje te serbeve, prerje kokash si Al-Qaeda, etj; sikunder edhe kunderthirrje se ne nuk jemi me te mire se serbet, shume me pak te civilizuar, barbare, primitive etj.

Ju keshilloj te mos i merrni seriozisht.

Eshte si puna e thirrjeve-kunder_thirrjeve servo-greke. Eshte e lezetshme te jesh midis thirrjes-kunder_thirrjes, krijon pasivitet tek ata qe jane ne mes dhe hutim tek ata qe jane jashte.

Zerin e vertete shqiptar fatkeqesisht nuk mund ta degjojme/lexojme sepse eshte aq i zene me mbijetesen e perditshme dhe sepse mori goditje shkaterruese gjate komunizmit. Uroj qe koha te beje te veten.