Gjykata: Djali i Gramoz Ruçit, i pafajshëm

[Antimafia]

"Vjedhja ne bashkepunim", nipi i ministri Malaj merr pafajesine

E Merkure, 04 Maj 2005

TIRANE - Gjykata e Rrethit ne Tirane, shpalli dje te pafajshem te pandehurin Shkelqim Malaj, i akuzuar per vjedhje me dhune ne bashkepunim. Vendimin e mori gjyqtari Kreshnik Omari, pas seances se meparshme ku prokurori Dritan Nushi, kerkoi shtate vjet burg. Nipi i ministrit te Financave Arben Malaj, Shkelqim Malaj, akuzohej bashke me Urim Cupin dhe Fiorentina Bombajn per vjedhje me dhune ne bashkepunim, ne dem te nje pushuesi nga Kosova. Behet fjale per ngjarjen e ndodhur ne korrik te vitit te kaluar, ne nje hotel te kryeqytetit, ku Maliq Shala, nje qytetar nga Kosova, u josh nga e pandehura Fiorentina Bombaj duke hyre ne dhomen e tij. ne keto caste sipas prokurorise, dy shoket e saj, Malaj e Cupi, u futen ne dhome te veshur me maska, duke e kercenuar me nje thike qe te dorezoje parate, rreth 400 euro. Gjyqtari Omari, vendosi te jape gjashte muaj burg per te pandehurin Urim Cupi dhe nje vit e gjashte muaj per Fiorentina Bombajn. Prokurori Dritan Nushi deklaroi pas vendimit, se nuk ishte dakort dhe i eshte drejtuar Gjykates se Apelit per ankimim. Ne pretencen e tij, Nushi vec 7 viteve burg qe kerkoi per Malajn, propozoi edhe gjashte vjet per Bombajn e Cupin. F.Vezaj

[Pride]

ja dhe shoku i ngushte i Arben Malajt.


gazeta Panorama:


Akuza e Prokurorisë së Barit: Trafikoi1 ton heroinë


Lul Berisha, si e kapën italianët në marsin e 2000-it




Antimafia italiane e ka cilësuar si operacionin më të suksesshëm kapjen e shqiptarit Lulzim Berisha pesë vite më parë. Ai ishte akuzuar prej proku-rorëve të saj si kapoja i bandës që kishte trafikuar rreth 1 mijë kg heroinë drejt Gjermanisë, duke shkelur në Itali.

Djaloshi nga Durrësi, atëherë 29 vjeç, kishte marrë në dosjen italiane figurën e personit që mbante nën varësi 30 persona, të gjithë anëtarë të një grupi të mirëfilltë shqiptar. Ky lajm u përcoll më 24 mars të vitit 2000 nga agjencia e lajmeve italiane, Ansa, gazetarët e së cilës përcillnin deklarimet e hetuesve. Berisha u ndalua në një restorant luksoz të Riminit, ku darkonte bashkë me një vajzë ruse.

Akuzat
“Hetimet për grupin e heroinës së drejtuar nga Lul Berisha janë kryer nga Prokuroria e Pulias dhe pikërisht nga Xhovani Xhorxhio dhe në vitin 1998 ato i janë përcjellë Drejtorisë Kombëtare të Antimafias”. Sipas hetuesve italiane, Lulzim Berisha akuzohej për trafikimin e 1 mijë kg heroinë nga Shqipëria në Itali e më pas në Gjermani nëpërmjet porteve të Barit, Brindizit dhe Ankonas. Për Antimafian italiane, Berisha ishte kapo i një grupi të përbërë nga afro 30 persona, të cilët merreshin veç trafikut të drogës edhe me shfrytëzim prostitucioni të vajzave shqiptare. Qendra e trafikut ishte veriu i Italisë, ndërsa protagonistë të tij ishin emigrantë shqiptarë me dokumente të rregullta, që i ishin bashkuar grupit për shkak interesash apo lidhjeve personale mes tyre. Droga e fortë vinte nga Turqia e më pas nëpërmjet porteve shqiptare kalonte në Itali. Agjentët e huaj nuk e kanë pasur shumë të lehtë që të arrinin deri në kapjen e kapos së grupit, pasi sipas tyre kishin lidhje të forta politike. Pikërisht ky moment solli dhe incidentin me ish-presidentin e vendit, Sali Berisha. Kjo edhe për shkak të mbiemrit të njëjtë të Lul Berishës. Sipas deklarimeve të hetuesve, i ati kishte jetuar për 30 vjet në Kosovë.

Arrestimi
Por si u arrit deri në arrestimin e Berishës? Hetuesit italianë pohuan se klani “Berisha” ishte në rivalitet me grupe të tjera që vepronin në të njëjtin shtet. “Agjentët ndoqën njërin prej anëtarëve të njërit grup konkurrent në trafikun e heroinës, një shqiptar me emrin Erjon Hoxha, i cili ishte nisur për të eliminuar fizikisht Berishën. Ai u arrestua në 19 shkurt nga antimafia e Barit, vetëm 5 ditë para kapjes së Berishës në Rimini”, bënë të ditur burimet e Antimafias Kombëtare Italiane. Pasi kanë pikasur një makinë “BMV” (të cilën e dinin se përdorej prej tij) para një lokali luksoz. Agjentët janë futur brenda, janë ulur nëpër tavolina të ndryshme, derisa kanë gjetur dhe momentin për ta arrestuar. “Kur u arrestua nga skuadra e policisë së Riminit, Lulzim Berisha deklaroi se nuk ishte nga Shqipëria por kosovar, duke treguar një pasaportë të falsifikuar. Por policia nuk u gënjye, sepse kishte me vete një fotografi të tij, të cilën e kishin shkëputur nga një dokument fals identifikimi si shtetas slloven”, citonte agjencia e lajmeve në 24 mars të vitit 2000. Ai shpesh ishte pikasur në qytete të ndryshme të Italisë, pasi vinte nga Shqipëria me linjë avioni apo udhëtonte me makina të fuqishme. Arrestimi i tij bëri bujë të madhe në shtypin italian, i cili për ditë me radhë pasqyroi akuzat e prokuorisë së Barit.

Ekstradimi
Prangosja e Lul Berishës nuk kishte qenë vështirësia e vetme për palën italiane. Hetuesit gjermanë deklaruan në atë kohë se kishin prova për trafikun e drogës të këtij grupi edhe në këtë shtet. Në vitin 1994, Prokuroria e Hamelmit, në distriktin e Hanoverit kishte lëshuar një urdhërndalimi ndërkombëtar. Sipas saj, gjatë kësaj periudhe ai kishte trafikuar një sasi shumë të madhe të heroinës. Por, pas arrestimit Berisha kishte deklaruar se ishte i pafajshëm. Me rrëzimin e akuzave në Gjermani, Berisha u përball edhe me akuzat e prokurorisë së Barit. Pas disa muajsh, Berisha u kthye në Shqipëri pas shkërrmoqjes së akuzave të italianëve e gjermanëve duke vijuar jetën në qytetin e tij të lindjes. Gjithçka që u fol për të rezultoi e pavërtetë. Fashikujt e dosjeve të Prokurorisë italiane ranë në Gjykatë.



Berisha, incidenti me ish-presidentin

Gjithmonë duke iu referuar lajmeve të ANSA-s së 5 viteve më parë, pas arrestimit të Lulzim Berishës më 24 maj 2002, hetuesit pohuan menjëherë se ai ishte kushëri i ish-presidentit Sali Berisha. Ky lajm qarkulloi për dy ditë me radhë në mediat italiane, të cilat e lidhnin trafikun e madh të heroinës me faktin se grupi kishte mbështetje politike. Por reagimi ishte i shpejtë nga zyra e shtypit të PD-së, ku me anë të një njoftimi të datës 26 mars deklarohej se lajmi duhej të përgënjeshtrohej. “I arrestuari në Itali nuk ka kurrfarë lidhje farefisnore me ish-presidentin Sali Berisha”, thuhej në deklaratën e dalë nga selia blu. I njëjti prokuror që kishte ndjekur çështjen, Xhovani Xhorxhio, sqaroi në një konferencë për shtyp se “ish-presidenti Berisha është tërësisht i huaj në lidhjen me të arrestuarin”.



Policia arrin të parandalojë atentate dhe gjakderdhje në mes të qytetit


Durrës, vlon hakmarrja mes bandave
Që prej vrasjes së Klodian Salihut dhe arrestimit të Shullazit

DURRES - Ekzekutimi i Klodian Salihut në një pritë të organizuar, do të hapte rrugën për një seri atentatesh dhe vrasjesh në qytetin bregdetar, por që fatmirësisht nuk u realizuan të gjitha. I njohur prej kohësh si një person problematik, si dhe i skeduar nga policia, Klodian Salihu u vra në autostradë, pranë fshatit Maminas, më 26 shkurt të këtij viti. Sipas burimeve të policisë, personat e kishin pritur gjatë dhe të organizuar mirë, derisa kishin realizuar edhe objektivin e tyre. Gjatë një kontrollit të policisë në shtëpinë e viktimës, u gjet një ditar i Salihut, ku me shkrim dore ishin shënuar të gjitha vrasjet e famshme të bëra në Durrës, motivet e tyre, personat që i kishin kryer dhe rrethanat. Pikërisht pas këtij momenti, Durrësi filloi të ziente. Disa javë më vonë, më 18 mars, një “Mercedes” luksoz nuk do t’i ndalonte policisë. Pas një ndjekjeje spektakolare nëpër rrugët e Durrësit, u bë e mundur arrestimi i Emiljan Shullazit, i plagosur më parë në Tiranë, Ervin Bancës dhe italianit Claudio Corvino. Në makinë u gjetën edhe 4 pistoleta me fishekë në gojë. Duket se ishin bërë gati për një atentat.
Rreth një muaj më parë, mesditën e 5 prillit një polic i rrugores do t’i bënte me shenjë që të ndalonte një “Volksvageni”. Tre personat që ishin në të largohen me shpejtësi, pasi e braktisin makinën në afërsi të stacionit të trenit. Në automjet u gjetën dy automatikë “Scorpions” me fishekë në gojë. Dy ditë më pas, policia vuri në pranga Fisnik Meçon, banor i lagjes Spitallë. Ende sot ai nuk pranon që të ketë qenë në drejtimin e “Volksvagenit”.