Presidenti Dr. Rugova u shpall Senator Nderi i Europës

[Llapi]

Ku e ke postue ti te njejtin postim per datlindje edhe une e kam postue deshmin e bashkefshatarve te tij

[kasum]

Ty TAL AGA dhe Llapi spo ju vjen merzi te shkruani kso shkrime,po te dy jeni shqiptar flisni shqip e keni emer shqiptar e spo ju vjen keq te shkruni per personin e tret qe pak ju takon juve me shkrujt per Ibrahimin.Kuptoni se nuk jam nje njeri qe mirem me politik e as qe i takoj naj partie por per nje person qe eshte akademik keni respekt....

[Tal Aga]

kasum, nga cili postim imi fitove përshtypjen, që paskam shkruar pa respekt ose me ofezë për Rugovën ose për ndonjë person tjetër???????

[Llapi]

Ty TAL AGA dhe Llapi spo ju vjen merzi te shkruani kso shkrime,po te dy jeni shqiptar flisni shqip e keni emer shqiptar e spo ju vjen keq te shkruni per personin e tret qe pak ju takon juve me shkrujt per Ibrahimin.Kuptoni se nuk jam nje njeri qe mirem me politik e as qe i takoj naj partie por per nje person qe eshte akademik keni respekt....

Po prej kurit koka be Akademik rugove ore???!!!!

[Arb]

Dr. Ibrahim Rugova rizgjedhet President i Kosovës

Prishtinë, 3 dhjetor - Presidenti aktual i Kosovës Dr. Ibrahim Rugova me vota të fshehta u rizgjodh edhe në mandatin e ardhshëm në krye të vendit, pas tri raundeve të votimeve. Në dy raundet e para kundërkandidat i Ibrahim Rugovës nga radhët e LDK-së, ishte Ramë Buja nga PDK, i cili në raundin e tretë u tërhoq nga votimi i mëtejshëm nga partia e tij.

Presidenti Ibrahim Rugova duke u falenderuar për besimin e dhënë, tha:
I nderuar Kryetar Daci,
Deputetë të nderuar,

Ju falënderoj për besimin e dhënë që edhe në mandatin e ardhshëm të udhëheq vendin tonë të dashur Kosovën, në cilësinë e Presidentit.

Të nderuar deputetë,
Betohem solemnisht se do të ruaj e mbroj integritetin territorial të vendit tonë Kosovës, dhe unitetin e popullit, do të angazhohem për zhvillimin ekonomik dhe demokratik, stabilitetin, prosperitetin dhe mirëqenien e të gjithë qytetarëve, do të punoj për njohjen sa më të shpejtë të pavarësisë e të integrimit të Kosovës në BE dhe në NATO si dhe forcimin e miqësisë permanente me SHBA.



Zonja dhe Zotërinj,
Më lejoni që nga kjo Seancë përuruese solemne e Kuvendit të Kosovës të përshëndes Presidentin Bush, Kryeministrin Blair, Presidentin Chirac, Kancelarin Schröder, Kryeministrin Berlusconi dhe Sekretarin gjeneral Anan që po e përkrahin Kosovën.
Si gjithmonë përshëndetje të ngrohta i bëjmë Atit të Shenjtë Papa Gjon Pali II që gjithmonë kujdeset për Kosovën, - tha në fund të fjalës së tij Presidenti Rugova.
Në raundin e parë votuan gjithsej 108 deputetë. Ibrahim Rugova fitoi 65 vota, kundërkandidati Ramë Buja fitoi 34 dhe një votë ishte e pavlefshme.

Ndërkaq në raundin e dytë për Ibrahim Rugovën votuan 63 deputetë, për Ramë Bujën 34 dhe tri vota ishin të pavlefshme. Sipas Kornizës Kushtetuese në dy raundet Presidenti duhet të marrë dy të tretat e votave, atëherë u kalua në raundin e tretë.
Në raundin e tretë, pas tërheqjes së kandidatit të PDK-së, votuan 99 deputetë. Pro Ibrahim Rugovës votuan 64, kundër ishin 32 dhe tri vota ishin të pavlefeshme.

QIK-u

[Arb]

Biografia e Presidentit Ibrahim Rugova

Prishtinë, 3 dhjetor - Ibrahim Rugova u lind më 2 dhjetor 1944 në fshatin Cerrcë, komuna e Istogut, në Kosovë. Më 10 janar 1945, komunistët jugosllavë ia pushkatojnë babain e tij Ukë Rugova dhe gjyshin Rrustë Rugova, që kishte qenë luftëtar i njohur kundër çetave çetnike që po depërtonin gjatë Luftës së Dytë Botërore në krahinën e Rugovës.



Ibrahim Rugova mbaroi shkollimin e mesëm në Pejë më 1967. Diplomoi në Degën e Albanologjisë të Fakultetit të Filozofisë të Universitetit të Prishtinës më 1971. Zoti Rugova qëndroi gjatë një viti akademik (1976-77) në Paris, në Ecole Pratique des Hautes Etudes, nën mbikëqyrjen e Prof. Roland Barthes-it, ku ndoqi interesimet e veta shkencore në studimin e letërsisë, me përqëndrim në teorinë letrare.

Ibrahim Rugova mori doktoratën në letërsisë në Universitetin e Prishtinës më 1984.
Më 1996, Dr. Ibrahim Rugova u zgjodh anëtar korrespondent i Akademisë së Arteve dhe të Shkencave të Kosovës.

Po në këtë vit ai u shpall doktor nderi i Universitetit të Parisit VIII në Paris.

Autor i dhjetë librave. Dr. Ibrahim Rugova ishte në nismë redaktor në gazetën e studentëve "Bota e re" dhe në revistën shkencore "Dituria" (1971-72), që botoheshin në Prishtinë. Pastaj për afro dy dekada, Dr. Rugova punoi në Institutin Albanologjik të Prishtinës si hulumtues i letërsisë. Për një kohë ka qenë kryeredaktor i revistës "Gjurmime albanologjike", që e nxirrte ky Institut.

Dr. Rugova është zgjedhur kryetar i Shoqatës së Shkrimtarëve të Kosovës më 1988, i cili u bë bërthamë e fuqishme e lëvizjes shqiptare që po kundërshtonte sundimin komunist serb/jugosllav në Kosovë.

Si intelektual me nam që i jepte zë kësaj lëvizjeje intelektuale e politike, Dr. Rugova u zgjodh më 23 dhjetor 1989 kryetar i Lidhjes Demokratike të Kosovës (LDK), partisë së parë politike në Kosovë që e sfidoi drejtpërdrejt regjimin komunist në fuqi. LDK-ja u bë shpejt forca politike prijëse në Kosovë, duke mbledhur shumicën e popullit, edhe pse në ndërkohë u shfaqën në skenë edhe edhe parti e grupe të tjera.

Nën udhëheqjen e Dr. Ibrahim Rugovës, LDK-ja, në bashkëpunim me forcat e tjera politike shqiptare në Kosovë dhe me Kuvendin e atëhershëm të Kosovës, përmbylli kornizën ligjore për institucionalizimin e pavarësisë së Kosovës. Deklarata e Pavarësisë (2 korrik 1990), shpallja e Kosovës Republikë dhe miratimi i kushtetutës së saj (7 shtator 1990), referendumi popullor për pavarësinë dhe sovranitetin e Kosovës mbajtur në fund të shtatorit të vitit 1991, qenë prelud për zgjedhjet e para shumëpartiake për Kuvendin e Kosovës dhe zgjedhjet presidenciale në Republikën e Kosovës më 24 maj 1992. LDK-ja fitoi shumicën dërrmuese të deputetëve në Kuvend, në të cilin përfaqësoheshin edhe tri parti të tjera, ndërsa Dr. Ibrahim Rugova u zgjodh Kryetar i Republikës së Kosovës me shumicë dërrmuese të votës.

Dr. Ibrahim Rugova u rizgjodh Kryetar i Republikës së Kosovës në zgjedhjet e mbajtura në mars të vitit 1998. Partia e tij, LDK, fitoi shumicën e vendeve në Kuvendin e Republikës së Kosovës në atë vit.

Nën udhëheqjen e Rugovës, LDK-ja fitoi 58% të votave të elektoratit në zgjedhjet lokale, të sponsorizuara ndërkombëtarisht, në Kosovën e pasluftës, në tetor të vitit 2000, si dhe zgjedhjet e para nacionale në vitin 2001 dhe zgjedhjet e dyta lokale më 2002.

Çmimet dhe titujt ndërkombëtarë:
Më 1995, Dr. Rugovës iu dha Çmimi për paqe i Fondacionit Paul Litzer në Danimarkë.
Më 1996, Ibrahim Rugova u shpall Doktor Nderi (Honoris Causa) i Universitetit të Parisit VIII Sorbonë, Francë.

Më 1998, Rugova iu nda Çmimi Saharov i Parlamentit Evropian.

Në vitin 1999, Rugova mori Çmimin për paqe të qytetit Mynster (Münster), Gjermani, ndërsa u shpall qytetar nderi i qyteteve italiane: Venedikut, Milanos dhe Breshias (Brecscia).

Në vitin 2000, Dr. Rugova mori Çmimin për paqe të Unionit Demokratik të Katalonisë "Manuel Carrasco i Formiguera", në Barcelonë, Spanjë.

Më 2003 në Belgjikë mori Çmimin Senator Nderi i Evropës.

Më 2004 u shpall Honoris Causa (Doktor Nderi) i Universitetit të Tiranës.

Dr. Ibrahim Rugova u zgjodh President i Kosovës në mars të vitit 2002 në bazë të zgjedhjeve nacionale të zhvilluara në nëntor të 2001.

[Llapi]

4_dhjetor, 2004

Gjergj Ahmetaj-Seanca me improvizime tragjike


Dje, sytë e qytetarëve të Kosovës dhe të teleshikuesëve të tjerë kanë përcjellë seancën e parë të parlamentit qëndroë, ku është zhvilluar procedura zgjedhore për kryetarë dhe për kryeministër. Brenda një salle komode të stilit ruso – kazak, si asnjëherë më parë politika dhe demokracia improvizohen deri në zenitin tragjik të ndonjë procesi: zgjidhet një kryetar, për të satën herë në këtë post, dhe një kryeministër koalicioni me ministra nga më të rëndomtit, e mundshëm.

Koha do të dëshmojë se cfar do të jetë qeveria e Ramush Haradinajt, por koha nuk ka se cka të dëshmojë për kryetarin e ri të Kosovës. Më shkurt, për dr. Rugovën. Ky njeri me pasione për shalle dhe cigare malboro, vazhdon ta mbaj peng Kosovën me dorën e tij pushtetare, me dorën e tij prej princi fisesh të shek. XIV. Hija e tij, sjelljet dhe politika, mënyra e qeverisjes, veprimet e kanë lidhur nyje fatin e qytetarëve dhe të gjithë Kosovës. Kosova, me zgjedhjen e tij të sërishme për kryetar hynë në fazat e reja të status quos dhe, të degradimeve të fatit e proceseve, në pafundësi.

Dr. Rugova është zgjedhur kryetar i partisë që prej mbledhjes së parë konstituive të Lidhjes Demokratike të Kosovës më 23 dhjetor të vitit 1989. Atbotë, ende ishte në jetë sistemi monist – komunist dhe, ish Jugosllavia shtet në të cilën frymonte edhe Kosova. Radhazi, ky njeri ka arritur ta ruaj postin e kryetarit të partisë, duke sfiduar të gjithë kundërshtarët e mundshëm edhe në arritjen dhe ruajtjen e postit të kryetarit të Kosovës. Pavarsisht ecjeve apo lëvizjeve të ndryshme, proceseve ( paqës e luftës - luftës e paqës ), u zgjodh kushedi për të satën herë, s’ërish kryetar i Kosovës. Por zgjedhja e djeshme e tij, me apo pa verdiktin e qytetarëve të Kosovës shtron disa dilemma për të gjithë ne: Cka do të thotë emërimi i s’ërishëm i dr. Rugovës për kryetar të Kosovës. Cka do të thotë ky emërim i tij i s’ërishëm për nga aspekti partiak dhe plural. Cka do të thotë zgjedhja e s’ërishme e dr. Rugovës për kryetar të Kosovës për nga domeni i demokracisë dhe e konsolidimit të saj. Cka do të thotë zgjedhja e s’ërishme e tij për kryetar, kundruall proceseve në të cilat ndodhemi të gjithë ne, pa përjashtim. Mund të shtrohen edhe shumë pyetje të tjera, por këto janë disa nga pyetjet aktuale të cilave duhet dhënë kuptim.

Rugova na e kujton Josip Broz Titon

Zgjedhja tjetër e dr. Rugovës për kryetar të Kosovës, shënon fazën më inerte të vetëdijes së opinionit, të vetëdijesë së përgjithshme të shumicës së qytetarëve të Kosovës të cilët, tani mund të themi lirisht që ende nuk kanë arritur të kalojnë në terrenin e demokracisë. Simbolikisht, inercioni që shumica të votojnë disa herë radhazi një parti dhe disa herë radhazi një lider, mund të zbërthehet vetëm me faktin se vetëdija e votuesëve potencial, mbetet në ingranazhet e së kaluarës: të kohës së sistemit monist. Hapi që determinon hyrjen në demokraci për votuesit potencial apo për shumicën e qytetarëve të Kosovës qëndron në terrenin e së kaluarës prandaj, kjo vetëdije e hapave si ky që pamë dje, është një metastazë e sistemit monist – komunist. Vetëdija politike dhe publike e bartur deri në parlamentin e Kosovës, përfundimisht e ka vënë në pikëyetje tranzicionin në Kosovë dhe cdo model të funksionimit më minimal të procesit të demokracisë. Zgjedhja e sërishme e dr. Rugovës për kryetar, nuk ka të bëj me zhvillimin e demokracisë por me formën më të ashpër të improvizimit të saj, për të mos thënë të legjitimimit demokratik të sistemit monisto – komunist. Konform kalbjes në bërthamë të procesit të egër të demokracisë, kundërmimi i kësaj kalbjeje është mënyra tragjike e vënjes në lojë të vazhdueshme të njeriut të këtij trolli, të qytetarëve dhe të gjithë Kosovës. Nëse deri dje kemi shpresuar në dalje të përgjithshme nga e kaluara famëkeqe dhe shfrytëzuese prej Beogradit, tani famëkeqizimi dhe shfrytëzimi vjen nga faktori vendorë, për fat të keq, i hedhur në letra të ligjshme, në procese të ligjshme dhe në institucione të ligjshme.

Me Lidhjen Demokratike të Kosovës tani e tuetje ne duhet të identifikohemi me ish Lidhjen Komuniste të Jugosllavisë dhe me dr. Rugovën ne mund të identifikohemi me ish kryetari Tito. Pra, për fat të keq procesi aktual i Kosovës dje është xhveshur nga elementet themelore demokratike: ndrrimi apo, votimi divergjent. Pavarsisht nga i tërë procesi që i ka parapri kësaj seance, nga kodet demokratike të përdorura në procedura, nga qeverisja dhe sistemi të gjithë ne, jemi bindur saktësisht që nuk bëhet fjalë për demokraci apo votë demokratike: bëhet fjalë, për një parti dhe për një lider të saj.

Ashtu si edhe salla e kuvendit që është dekoruar me shkëlqim, votimi për kryetar dhe kryeministër të Kosovës është dekoruar me shkëlqim por, në të gjitha variantet, me shkëlqim të rremë. Nuk ka të bëjë fare me demokraci zgjedhja për mbi 15 vite rresht e një njeriu për kryetar të një vendi. Pauzat e herë pashershme të tij jashtë këtij funksioni në këto 15 vite, janë dekorimet e brendshme dhe të jashtme, ashtu si edhe dekorimet e bëra s’fundi përmes një koalicioni të zbehtë me AAK-në dhe, përmes një joshjeje të partive minoritare joserbe. Dekorimeve, duhet shtuar edhe kalbjen së brendshmi të proceseve e qeverisjes dhe mbulimin e tyre me manipulime e demagogji, me shfrytëzim të cmendur të një vetëdije inerte masive, me poshtërime e mashtrime nga më të ndryshmet që nga koha e okupimit, e luftës dhe s’fundit, edhe të kohën së paqës gjysmake. Ripërsëritjet e tilla zgjedhore me skema, janë manipulimet flagrante të demkracisë dhe, përfundimisht demokracia në Kosovë ( nëse fare kishte pak demokraci ), është vënë në peshojën dekonsoliduese. Sepse, zgjedhja e s’ërishme e dr. Rugovës më nuk ka të bëj me process demokratik, por me karikaturimin tragjik të demkracisë. Ky emërim i ri, anon më shumë kah monizmi dhe diktatura. Të mos harrojmë: zgjedhje janë bërë edhe në sistemin monisto – komunist, por ato kanë qenë edhe të dekretuara e, edhe të improvizuara.

Izolim, krizë sociale, revolta…

Zgjedhja e sërishme e dr. Rugovës për kryetar, e shpie vendin në stagnim të vërtetë sepse, as kryeminstri Haradinaj edhe po t’i ketë flatrat, nuk mund të shënojë përparim, aq më pak të arrijë suksese. Rugova, ka të gjitha shenjat e despotit apo diktatorit dhe, nuk lejon zhvillim, konsolidim, përparim të vendit. Nuk lejon, sepse në cdo fazë tjetër përparuese, ai nuk do të kishte mundësi të zgjidhej e rizgjidhej kështu, si në kohën e monizmit. Rugova, ka skematizuar partinë dhe njerëzit, vetëdijet, informacionin, qeverisjen, isntitucionet duke e shndërruar vendin në pronë private dhe duke vasalizuar gjithcka rreth tij. Rugova, i ka kristalizuar arteriet e demkrascisë duke i shndërruar ato në antidemokraci dhe diktaturë. Sundimi i jashtëm i tij ( sudim i mëndafshtë ), ngulfatet me një sundim të egër intern duke manipuluar dhe shfrytëzuar qytetarin, Kosovën dhe pozitën e vështirë të Kosovës. Sot, vendi është pa ujë të bollshëm, pa bukë dhe pa drita. Sot, vendi është nën trysninë e politikës së Beogradit dhe kërcnohet përditë, me ndarje. Sot, vendi është me mbi 53 përqind varfëri të skajshme dhe, me mbi 60 përqind të papunë. Sot, vendi është nën trysninë e standardeve dhe, askush nuk e di se si mund të realizohen standardet në rrethana të tilla. Sot, vendi është i përqarë dhe në minimum të unitetit, karshi krizës së rënd morale dhe sociale, karshi kostos së ulët të jetesës. Sot, vendi ka marrë një qëndrim mortorë lidhur me demokracinë dhe të ardhmen, lidhur me shpresat se në verë të vitit 2005, do të hapen bisedimet për statusin e Kosovës. Një kryetar që mezi ka arritur të votohet dhe një koalicion që përbëhet prej 5 partive dhe që nuk arrinë të tubojë rreth vetës as 400 mijë banorë të vendit, si mund të synojë prosperim dhe suksese ?

Kosova, tani si asnjëherë ka zvogluar shanset për një udhëtim të sigurtë në proceset e zhvillimit dhe të prosperimit. Vendi, ka të ngjarë të izolohet sepse, demokracia do të vdesë ngadalë dhe institucionet do të kaplohen nga korrupcioni dhe krimi. Kriza sociale, sa nuk ka shpërthyer. Gjendja politike, ekonomike, territoriale, e sigurisë nuk është fare stabile dhe, Kosova kanoset nga rreziqe të paparashikueshme në muajt që vijnë. Rugova, definitivisht shndrrohet në monark të tipit të diktatorit të butë por, me sherre të mëdha për vendin. Rugova, nuk do të njihet nga 3 shoqatat e dala prej luftës e që këto shoqata përfaqësojnë tri lloje kategorishë të luftës. Koalicioni qeverisës rrezikohet nga nominmi i minstrave joprofesional, dhe gjithsesi, të papërvojë për postet që do të zënë. Nuk do të dëshironim në asnjë mënyrë por, vendi do të kërcënohet nga revoltat sidomos nëse thellohet gjendja e rënd sociale, dhe partnerët në koalicion do të punojnë për interesat partiake, më shumë se për qytetarët dhe Kosovën. Askush nuk e di se si do të përfundojë z. Haradinaj, pasi që ka zëra që thonë se ai kërcënohet nga gjyqi i Hagës. Mbi të gjitha, fusha e algjebrës me ekuacione të panjohura hapet sot më 3 dhjetor, për qytetarët e Kosovës dhe për rajonin. Rugova, qysh tani pretendon që deri në infinit të botës të mbetet kryetar i Kosovës, kurse Kosova pretendon se ka kaluar në sistemin e demkoracisë. Kush po sheh ëndrra të bukura: Rugova apo Kosova ? Rugova, sepse atij po i realizohen ëndërrat kurse Kosovës, jo.

[SHKOZA]

Or SHEHSIRO
A je ne vete more ti a Kryetarin e Kosoves po e bene luledielli ti a? Bre, bre krejt i fshime eshte ky fare Sheshiri bre!

[Nice_Boy]

Ish-Presidenti i SHBA-ve, Bill Clinton
Kam pasur nder ta mbështesë luftën e tij dhe të popullit të Kosovës për paqe dhe liri. E kam dashur dhe e kam admiruar shumë. Rezistenca e tij e padhunshme ndaj shtypjes së Millosheviqit e inspiroi botën. Bashke me Hilary-in e kemi ne mendje dhe lutemi per familjen e tij dhe per Kosove.

Kryeminstri i Britanisë së Madhe, Toni Bler
Presidenti Rugova ishte një forcë e rëndësishme në jetën e Kosovës, për shumë vjet. Popullariteti i tij në mesin e popullit të Kosovës dëshmon për mbështetje të gjerë për përpjekjet e tij joviolente për të ardhmen e Kosovës. Jam shumë i lumtur që kam pasur rastin të takohem me të. Shpreh keqardhje të thellë që vdekja e tij ndodhi në kohën kur sapo ka filluar procesi për statusin final të Kosovës. Puna e palodhshme e presidentit Rugova dhe vendosmëria e tij ka ndihmuar që kjo të ndodh.

Presidenti i SHBA-ve, George W. Bush
Presidenti Rugova për shumë vite udhëhoqi fushatën për paqe dhe demokraci në Kosovë dhe fitoi respektin e botës për qëndrimin e tij parimor kundër dhunës. Shtetet e Bashkuara kanë humbur një mik të vërtetë. Gjatë viteve të konfliktit, Ibrahim Rugova ishte zëri i arsyes dhe maturisë që i ndihmoi popullit të Kosovës për të vënë bazat për një të ardhme paqësore. Humbja e këtij zëri, në këtë kohë vendimtare, është posaçërisht tragjike për Kosovën

Sekretarja Amerikane e Shtetit, Condoleezza Rice
Uashingtoni ka humbur "një mik të madh" kurse Kosova "një udhëheqës të madh. Presidenti Rugova e udhëhoqi popullin e tij në kohë sprovash dhe fitoi respektin e botës për mbrojtje e demokracisë dhe paqes.


Riçard Holbruk, ish-Ambasadori Amerikan në Kombet e Bashkuara
Kur e kam takuar Ibrahim Rugovën për herë të parë, ai dukej si një zë i vetmuar, në betejë të vetmuar, duke bartur një shall që thoshte se do ta varte, vetëm kur ta sheh vendin e lirë. E shikoja duke ndjekur ëndrrën e popullit të vet nën kushte të jashtëzakonshme me urtësi dhe këmbëngulësi, dhe u bëra admirues dhe shok i tij. Çfarë kënaqësie ishte ta shoh më në fund në Prishtinë pa shallin e tij! Mbaj zi për ndërrimin e jetës, së bashku me tërë popullin e Kosovës. Derisa Kosova e fitoi lirinë nën udhëheqësinë e tij, tani përjetoi një humbje të tmerrshme në një pike kritike, kur shumë punë mbeten për tu bërë. Presidenti Ibrahim Rugova ishte një udhëheqës i jashtëzakonshëm. Populli i Kosovës ishte me fat që u drejtua nga një njeri i tillë dhe tani duhet të punojë për të realizuar ëndrrën e Presidentit Rugova për pavarësi. Kosova ndoshta nuk do te ekzistonte sot pa vizionin dhe kembenguljen e tij. Ai ishte një njeri i madh dhe populli i Kosovës ishte me fat që e kishte atë si udhëheqës.


Luftetaret e Koshares, të Brigadës 138 "Agim Ramadani"
Kemi pasur bindjen e plotë që me forcen, kurajon dhe qëndrimin burrërorë të Presidentit tonë të dashur do të jemi dëshmitarë të vulosjes së idealit të tij të nisur, trasuar me guxim, mençuri dhe me sfida nga më të ndryshmet, vulosjen bashkarisht të Pavarësisë së Kosovës. Jemi krenar dhe përherë jemi krenuar edhe ne fushëbetejat e luftës, me Emrin e Presidentit Rugova, Politiken e tij, vizionin dhe filozofinë e tij, e cila na ka dhënë moral dhe për ne ka qenë udhërrëfim për suksese në beteja. Qëndrimi burrëror i këtij Burri të Pavdekshëm e të madh të Kombit shqiptar, këtij prijësi të madh, këtij pinjolli të derës së madhe dhe bujare të Rrustë Sadrisë, krahinës kryengritëse të Rugovës, këtij prijetari të Kosovës, të Arkitektit të Pavarësisë së Kosovës, na obligon të gjithë ne që amanetin e tij ta jetësojmë. Ashtu siç ditëm bashkarisht ta bëjmë luftën do t'ia arrijmë edhe finalizimit të punës maratonë dhe të përjetshme të Presidentit, njohjen e shtetit të Pavarur të Kosovës, të ndërtuar në bazë të parimeve dhe principeve të filozofisë institucionaliste të trasuar nga vet President Rugova, Luftëtari më i Madh për ndërtimin e Institucioneve të Kosovës si shtet.

[SHKOZA]

Eh qmu keni bere ju komunistete me kete Rugoven , mi kujtoni enveristet ,, Enver Hoxha , parti Enver jemi gati kurdohere " dhe Titistete qe ,, Druzhe Tito miti seku nemo ja sa ttvoga puta ne skrenemo"" hahahahahah.
Eh na rrofshin opangat te gjithe komunistet e Enverit, Titos dhe Rugoves.