Trafiku i droges: Kapen 55kg droge ne Kukes

[mani]

Ne zbatim te plote nga ana e bashkkombasve Ligji per tregtine e lire mes Kosoves dhe Shqiperise!


Kukës, pranga 2 korrierëve, në kërkim pronarët



TIRANE (31 Janar) - Kapet në Kukës sasia më e madhe e heroinës së sekue-struar ndonjëherë. Janë rreth 55 kilogramë drogë, e cila kap një vlerë prej 2 miliardë lekësh të reja. Ngjarja ka nxjerrë në terren të gjitha drejtoritë e policive në Veri të vendit, të cilët janë mobilizuar për kapjen e personave të lidhur më këtë sasi droge. Në orët e vona të mbrëmjes së djeshme tre trafikantë rezultonin në pranga, ndërkohë që mendohet se pas këtyre fshihen baronë të drogës që kanë lidhje me organizatat kriminale ndërkombëtare. Operacioni ka nisur në Kosovë nga policia e UNMIK-ut, me 30 kilogramët e parë të kapur, dhe më pas është vazhduar nga policia shqiptare. Antidroga ka nisur procedurat për sekuestrimin e lokalit në Kukës dhe të një automjeti tip Audi, pronë e Hamdi Ozunit, njërit prej trafikantëve, të cilit i'u sekuestrua sasia e drogës. Arrestimet në dy anët e kufirit Aksioni ka nisur në territorin e Kosovës, kur një automjet i është larguar me shpejtësi një postblloku të Policisë së UMNIK-ut dhe i ishte drejtuar Piramidës D, në Morinë. Policia ndërkombëtare e Kosovës nuk i është ndarë automjetit dhe në momentin që ky i drejtohej Shqipërisë është sinjalizuar policia e Kukësit. Forcat e policisë së Kukësit nuk janë ndalur edhe pasi kanë kaluar kufirin zyrtar me Kosovën dhe të mbështetura nga policia e UNMIK kanë bllokuar automjetin, në Vërnicë, (3 kilometra në brendësi të kufirit Kosovar) dhe rreth orës 13.00 është njoftuar bllokimi i 30 kilogramëve drogë të llojit heroinë dhe arrestimi i korrierit të saj Kujtim Pregja 30 vjeç, banues në Shkodër. Ndërkohë që sipas policisë është ndaluar edhe shoqëruesi i tij Vasi Demi nga Kukësi. Pregja është marrë në pyetje nga policia e UNMIK e cila është duke u marrë edhe me hetimin e këtij rasti. Katër orë më vonë, në 17.00, antidroga e policisë së Kukësit kryen aksionin e dytë në të njëjtën linjë. Forca të shumta policie drejtohen në lokalin e Hamdi Ozunit, 40 vjeç, banues në Kukës, për të cilin kishte pasur edhe më parë informacione se ishte i përzier në trafik narkotikësh. Ozuni është gjetur pranë lokalit të tij në një automjet tip Audi me targa KU 0348A, pronari i cilit ishte vetë. Në bagazhin e mjetit policët e antidrogës kanë gjetur dhe më pas sekuetruar një substancë të ndarë në 50 pako me peshë 500 dhe 700 gramë me peshë totale 25 kilogramë, e cila nga këqyrja paraprake rezultoi e ngjashme me lëndën narkotike heroinë. Sakaq në drejtoritë e policive në Veri të vendit është shpallur gatishmëria. Veprimet e antidrogës kanë vijuar edhe në qytetin e Shkodrës, ku është bërë shoqërimi i pronarit të agjensisë së udhëtimeve "Samsel", Muhamet Pregja, i cili është edhe vëllai i korrierit të kapur në kufi, Kujtim Pregja. . ro/ro (GazetaShqiptare/BalkanWeb)

[mani]

Respektimi i marrveshjes ne nivel te duhur.Me siguri ky njeri duhet te jete ndonje ekonomist apo kontabilist i tyre kur i din keto shifra me kaq saktesi.

Meta: Qarkulluna 2 miliardë USD drogë në vitin 2003

TIRANË – Ish-kryeministri Ilir Meta lëshoi dje të tjera akuza në drejtim të qeverisë së drejtuar nga kryeministri Fatos Nano. Pas një vizite në Komunitetin Musliman, ku ka uruar festën e Kurban Bajramit, i pyetur nga gazetarët, Meta e ka cilësuar këtë qeveri si “të pashpirt”.

nga Shekulli