Meta: Nano po përgatit vrasjen time

[Albo]

Për herë të parë Meta del në një intervistë dhe shprehet se kryeministri Nano duhej të ishte shkarkuar pas tragjedisë së fundit në det. Ai akuzoi politikat e qeverisë që kanë çuar në rritjen e çmimeve, ndërsa thotë se mafia po pushton të gjitha sferat e vendit. Sipas tij krimi ekonomik ka mbërritur deri në instancat më të larta dhe kontrollon qytetet më të mëdha në vend. Meta u shpreh se do të mbështesë lëvizjen qytetare për ndryshim dhe çdo lëvizje që do të çojë në rrëzimin e qeverisë Nano

Ilir Meta në ALSAT hedh hije dyshimi mbi kulisat që mbajtën në pushtet Fatos Nanon

Nano "bleu" mosrrëzimin pas 9 Janarit

"Nano mund të korruptojë disa persona por jo gjithë shqiptarët. Vërtet mund të korruptohet një ndërkombëtar, por jo të gjithë ndërkombëtarët..."

Ju nuk morët pjesë në negociatat dhe as në votimin e qeverisë. Pse?

Më duket se arsyet janë bërë të qarta në një deklaratë të një grupi deputetësh, të cilët vazhduan të njëjtën linjë edhe pas kongresit përsa u takon ndryshimeve në qeveri, sepse kongresi i Partisë Socialiste ishte një kthim i plotë mbrapa dhe jo vetëm një hap prapa. Ne nuk kemi patur asnjë dyshim se nga mënyra se si u formua qeveria e fundit, të mund të zgjidhë ato probleme që shtruam ne. Ne e konsideruam atë si një proces rekrutimi, dhe jo si një proces të përzgjedhjeje të vlerave më të mira.



Ku kanë shkuar ata deputetë që mendonin ndryshe nga zoti Nano?

Kjo është një pyetje që nuk më takon mua, për arsye se unë nuk kam marrë përsipër që të përfaqësoj një numër fiks deputetësh. Gjithmonë kam qenë përfaqësues i një alternative qeverisje brenda Partisë Socialiste. Nuk është fatkeqësi të mbetesh me pak shokë, të cilët mendojnë si ti, por mendoj se është fatkeqësi që të tradhtosh bindjet e tua, të vendosësh i ndikuar nga interesa apo rrethana për çështje, të cilat nuk janë të rëndësishme jo vetëm në parti. Kongresi nuk u mblodh për të marrë masa për të qeverisur më mirë, por u mblodh për të likuiduar një grup armiqësor, i cili kishte kurajon që të ngrinte probleme thelbësore, probleme parimore që shqetësojnë ata që kërkojnë të mpijnë Partinë Socialiste, kërkojnë që ta shndërrojnë atë në një instrument të verbër të pasurimit të tyre, kërkojnë të mpijnë gjithë pluralizmin politik në Shqipëri, duke komprometuar dhe korruptuar deri dhe përfaqësues të opozitës e të komprometojnë dhe të asfiksojnë çdo lëvizje qytetare, civile në këtë vend, që kërkon një raport të ri midis shtetit, qeverisë, një raport në themel të të cilit të jenë transparenca dhe përgjegjshmëria.


--------------------------------------------------------------------------------

Menjëherë pas kongresit nuk keni marrë pjesë në tre seanca të rëndësishme parlamentare. Ndërkohë ka një nen në statutin e ri që parashikon përjashtimin e këtyre socialistëve që mungojnë në seancat për vendime të rëndësishme?

Përderisa në Kongres u miratua një nen stalinist ku u kërkua nga delegatët që të bëhej me votim të fshehtë, besoj se për çeshtje të tilla edhe në Zulluland votohet në mënyrë të fshehtë, sigurisht për mua dhe për shokë të tjerë nuk ka asnjë rëndësi, dhe nuk e njohim një vendim të tillë. Ata përderisa e morën një vendim të tillë, mund të përjashtohemi, nuk ka asnjë problem, dhe nuk duhet të bëhemi qesharakë duke nxjerrë Ali Komikë që herë na përjashtojnë dhe herë na falin. Nuk jemi aspak të vetëpërjashtuar, pasi ishte i fundit kongres stalinist, i organizuar nga klika që vendosi përfundimisht modelin stalinist autokratik, shto dhe korruptiv në drejtimin e partisë, qeverisë, shtetit. Ishte një kongres jo vetëm i bukës së gojës, por edhe i krimit ekonomik. Edhe mosbalancimi i komisionit të votimit shkonte sipas parimit stalinist, se nuk ka shumë rëndësi se kush voton, por ka më shumë rëndësi se kush numëron. Ne kemi firmosur për të qenë në grupin socialist meqë kjo është një procedurë normale, është punë e tyre se çfarë qëndrimi do të mbajnë.



Është përfolur se keni ndërmend që të krijoni një parti të re politike?

Nuk kemi ndërmend që të krijojmë një parti politike. Ne jemi të vendosur që të përfaqësojmë të gjithë ata që mendojnë se ky vend nuk mund të qeveriset më me mashtrime, të gjithë ata që mendojnë se ky vend të mos vazhdojë të mjerojë pjesën më të madhe të vendit për të ruajtur monopolet e disa qeveritarëve dhe të të afërmve të tyre, për të mbrojtur bizneset e tyre, në dëm të konkurrencës së lirë, në dëm të liberalizmit dhe një pjesë e madhe e rritjes së çmimeve, vjen për shkak të monopoleve të shumta në sektorët e ekonomisë, të cilat po asfiksojnë në mënyrë të veçantë biznesin e mesëm dhe të vogël, gjë që besojnë se e ndiejnë ata që merren me këto biznese dhe konsumatori.



A mendoni se gjendeni në pozitë të vështirë?

Unë kam luftuar shumë për të arritur atë që kam arritur në Partinë Socialiste. Shumë ata që janë rikthyer kanë hyrë në Partinë Socialiste, kanë hyrë në qeveri dhe u duket vetja si anëtarë të byrosë politike, u duket sikur kanë realizuar një ëndërr të kahershme, të cilët largoheshin atëherë nga Partia Socialiste në vitin 1992, kur ne krijuam FRESSH ata largoheshin nga kjo parti.


--------------------------------------------------------------------------------

Në përvjetorin e parë të FRESSh nuk keni qenë të pranishëm. Pse?

FRESSH i hapi rrugën Partisë Socialiste për t'u anëtarësuar në Internacionalen Socialiste dhe u kthye në një forum që përfaqësonte interesat e rinisë shqiptare. Nuk ka asnjë divorc me FRESSH-in, pasi ai ka përcaktuar identitetin tim politik dhe nuk asnjë lidhje kjo me qëndrimin e Kojës, apo të Kryemadhit, apo të ndonjë drejtuesi tjetër. Historia e FRESSH ka të bëjë jo vetëm me persona por dhe me ngjarje të mëdha që kanë ndodhur në Shqipëri.



Që nga muaji korrik, kur ju latë detyrën keni patur akuza për mënyrën e qeverisjes për reformat e Marrëveshjes se Stabilizim Asociimit. Vizita e fundit e Nanos në Bruksel e konfirmoi këtë ftohje? Keni ndonjë koment për këtë?

Vërejtjet e mia për qeverisjen dhe qeverinë janë bërë publike para gjashtë muajsh, pra në qershor, në letrën që unë u detyrova t'i dërgoj kryesisë së partisë, por ato janë bërë prezente edhe në mbledhjen e qeverisë dhe në mënyrë konfidenciale me zotin Nano, pasi ato nuk janë probleme që u shfaqën në qershor, apo tani në janar, këto janë probleme që janë shfaqur gjatë gjithë kohës së qeverisjes së zotit Nano. Në rast se në fillim ekzistonte një shpresë e mirë për të besuar premtimet e tij për të bërë reforma, me kalimin e kohës meqenëse ai përsëriste të njëjtat premtime, duke qenë se reformat jo vetëm që u ngadalësuan, por dhe u deformuan nga rruga e nisur, më detyroi jo vetëm mua por dhe ndonjë deputet të Partisë Socialiste për të sensibilizuar jo vetëm opinionin publik por dhe atë ndërkombëtar për të shprehur shqetësimet e tij për të konsoliduar institucionet, për të liberalizuar më tej ekonominë, transparencën në qeverisje, dhe besoj se këto gjithmonë e më shumë janë shoqëruar me një reagim social, tashmë edhe me një reagim qytetar, pasi janë probleme të drejta dhe janë probleme të pakapërcyeshme, dhe sa më shumë mundohesh aq më shumë rrit pengesat për të qeverisur.



Me raportin më të fundit të Grupit të Krizave, a jeni njohur?

Jam njohur nga mediat dhe për mendimin tim ato janë tërësisht të vërteta, janë konstatime legjitime dhe nuk janë vetëm konstatime të qytetarëve, por janë dhe konstatime të vetë qytetarëve, pasi në të thuhet se kjo qeveri është e angazhuar për të plotësuar interesat e veta, dhe jo për realizimin e aspiratave të qytetarëve të këtij vendi. Problemi kryesor për mua janë hapat mbrapa përsa i përket zhvillimit demokratik. Këto raporte nuk është hera e parë që ngrihen, dhe një nga detyrimet e mia kur ngrija këto shqetësime ishte se unë e dija mendimin e tyre si ministër i Jashtëm dhe për shkak të kontakteve, sikurse i dinte dhe Kryeministri, por nuk mund të rrija pa i ngritur, pasi nuk mund të mbyllet as Marrëveshja dhe nuk mund të bëhen as hapa para në integrimin e vendit në Bashkimin Evropian. Nuk mund t'ia hedhim as Evropës dhe nuk mund t'ua hedhim as shqiptarëve.


--------------------------------------------------------------------------------

Ndërkohë është kërkuar dhe dorëheqja e Nanos?

Mendoj se dorëheqja është një akt individual, u kërkohet njerëzve civilë, njerëzve të përgjegjshëm dhe që dinë të marrin pëgjegjësi në emër të disa interesave më të mëdha. Këtë dorëheqje nuk e ka bërë për asnjë nga këto arsye. Unë mendoj se nëse mazhoranca do të kishte moralin e duhur, duhet ta kishte shkarkuar vetë kryeministrin. Duhet të ishte shkarkuar për të shkarkuar përgjegjësinë e asaj që ndodhi nga mazhoranca dhe nga partitë e koalicionit qeveritar, nga mënyra se si ai reagoi se si vazhdoi të tallet me shqiptarët. Duke thënë se do të kërkojë falje në mënyrë institucionale. Këtë e ka për detyrë, nuk shkoi edhe për ngushëllime tek familjarët. Dhe nuk lejoi asnjë ministër të shkonte për ngushëllime tek familjarët e viktimave. Mazhoranca nëse do të kishte një moral të vetin duhet ta kishte shkarkuar. Kryeminstri izraelit u kthye në një rast kur pati viktima në Izrael kur gjëra të tilla ndodhin shpesh në një vend të tillë. Për më tepër një tragjedi ku shteti kishte një mundësi ta evitonte dhe ta minimizonte në maksimum. Nuk mund të jetë një kryeministër pa përgjegjshmëri. Për shkak të paralajmërimit që bëri media kishte mundësitë që të bëhej më shumë për të shpëtuar këta njerëz.



Po vazhdon një debat i ashpër për tragjedinë e 9 Janarit?

Hetimi është i domosdoshëm për të verifikuar të gjitha arsyet dhe shkaktarët për të marrë masat ligjore për të gjithë ata që nuk ushtruan detyrën për evitimin e kësaj tragjedie. E cila zgjati për shumë kohë. Edhe për të sjellë drejtësinë në vend dhe të parandalohen në të ardhmen ngjarje të tilla. Kemi të bëjmë me një tragjedi të ngjashme, do të konsideroja të pamoralshëm si çnjerëzore që për të shmangur përgjegjësitë të hapet rrethi i hetimeve për ato që kanë ndodhur përpara. Jam kundër shmangies së përgjegjësisë së shtetit, qeverisë dhe të gjithë strukturave për këtë ngjarje. Mosreagimi me pjekuri me njërëzillëk ndaj kësaj tragjedie është fyerje që u bëhet familjeve të viktimave, që u bëhet shqiptarëve. Rifillimi i trafikut ka të bëjë me atë që lufta kundër trafikut bëhet me fushata dhe se një pjesë e mirë e shoqërisë jeton në varfëri ekstreme që është e gatshme të sakrifikojë jetën për një jetë më të mirë. Nuk është faji i Evropës që nuk na jep viza është faji ynë sepse duhet të përmbushim standardet e reformave për të përmbushur të gjitha detyrimet në përputhje dhe me procesin e integrimit evropian për të liberalizuar vizat. Asgjë reale nuk është bërë që nga ajo kohë. Shpresoj se të mos jetë një premtim tjetër se do të mbyllte këto trafiqe.


--------------------------------------------------------------------------------

Në vend ka filluar një operacion i quajtur Rrjeta e Hekurt, ndërkohë që në vend ka qenë për vizitë dhe prokurori i antimafias italiane?

Unë në parim përshëndes çdo lloj aksioni për të luftuar krimin e organizuar dhe çdo lloj krimi tjetër. Shërbime të tjera kanë njoftuar se trafiku nuk është eliminuar, por se është riaktivizuar. Problem mbetet trafiku i drogës. Edhe në letrën time ishte lufta kundër krimit të organizuar dhe drogës. Ishte më shumë propagandistik se sa real më shumë fushatë se sa një angazhim i përditshëm. Besoj dhe shpresoj se të mos jetë për të shmangur vëmendjen nga ajo që ka ndodhur. Besojmë që të mos jetë një rrjetë e shpuar. Diskutohet për një legjislacion antimafia, kjo tregon qartë atë shqetësim që tashmë është verifikuar.



A do të kemi prezent një krim të organizuar për t'u shndërruar në një mafie të organizuar?

Ata skafistët që merren me trafikun janë bishti, mafia janë ato që u krijojnë mundësi për të zhvilluar trafikun, ata që marrin paratë dhe mafia nuk janë skafistët. Koka e madhe janë ata që marrin të ardhurat në shkëmbim të lehtësirave dhe monopoleve.

Janë ndërprerë disa trafiqe të personave që nuk kanë mbështetje por janë vendosur të tjerë. Mafiozë janë ata që hoqën drejtorin që kapi drogën. Mafia nuk janë kriminelët ordinerë. Janë ata që u sigurojnë mbrojtje dhe përkrahje politike. Nëse aty do të bien peshqit e mëdhenj dhe peshkaqenët, atëherë mund të quhet e suksesshme. Tashmë përfaqësuesit e krimit ekonomik kanë bërë një karrierë të rëndësishme në PS. Kontrollojnë jo vetëm qendrën, por edhe rrethet si Durrësi, Vlora, Shkodra etj.. Kontrollon jetën institucionale, tregtinë, investimet, prokurimet. Të gjitha tenderat i bën një deputet, të gjitha tenderat i fitojnë vetëm firmat që s'kanë asnjë dokument. Mafia janë ata që sigurojnë monopolet e tyre, që bëjnë presione mbi gazetarët, janë ata që asgjësojnë konkurrencën në ekonomi dhe politikë. Ruajnë vetëm një fasadë ndërkohë që kërkojnë asfiksimin e mendimit të lirë.


--------------------------------------------------------------------------------

A janë shanset që të ketë ndryshime në qeverisje?

Nuk kam një besim se mund të ndryshojë dhe se ka vullnetin për të ndryshuar se vërtet mund të provokojë disa ndryshime. Mund të korruptojë disa persona por jo gjithë shqiptarët. Vërtet mund të korruptohet një ndërkombëtar por jo të gjithë ndërkombëtarët. Në këtë mënyrë për këtë do të ketë më pak shanse. Kërkohet një qeverisje tjetër një frymëmarrje për t'i dhënë fund kësaj qeverie.



Keni ndonjë shembull konkret në rastin e korruptimit të ndërkombëtarëve?

Nuk kam ndonjë shembull konkretisht... duhet të kuptojmë se përpjekjet nuk kanë munguar, kjo është e pamundur. Nuk mund të korruptosh dot të gjithë. Nuk mund të ecësh me logjikën se mund t'i korruptosh të gjithë!



Cila do të jetë lëvizja juaj politike?

Ështe e përcaktuar e keni pyetjen për faktin se nuk jam në KPD. Do të ishte e habitshme të isha pas atij kongresi si njolla më e zezë por ky nuk është problemi im është problemi i këtyre lloj figurash si kongresi i kongresmenëve, jam eurosocialist unë në Partinë Socialiste nuk kam ndenjur, se nuk kisha ku të shkoja, janë njerëz të respektuar e kam zgjedhur në një kohë shumë të vështire kur të tjerët shkonin në PD. I tillë është botëkuptimi im. Vetë përkatësia si socialist është e padiskutueshme që sot ndihen të tradhtuar nga kjo lloj udhëheqjeje. Jam i të njëjtës përkatësi politike me të gjithë ata që kanë përgjegjësi për një rritje të qytetarëve në vendim marrje. Dhe të gjithë jetës politike.

[Albo]

Ish-kryeministri shprehet se qeveria aktuale është me e korruptuara në të gjithë historinë e Shqipërisë

Meta: S’do të lejojmë që shqiptarët të ndihen minoritet në atdheun e tyre

Shekulli

TIRANË – Ish-kryeministri Ilir Meta ka deklaruar dje, gjatë një interviste për “Top-Channel” se
do të punojë me të gjithë atë pjesë të popullsisë për të ndryshuar “këtë lloj qeverisje apo këtë lloj klike”, siç e quajti ai qeverinë e drejtuar nga Nano. Ai deklaroi se nuk do të pranojë që shqiptarët të ndihen “minoritarë në atdheun e tyre”. “Jam i vendosur që së bashku me këtë opinion të shëndoshë, së bashku me këtë opinion brenda dhe jashtë PS-së, të punojmë për të ndryshuar këtë lloj qeverisje, këtë lloj klike dhe për të mos e zëvendësuar me një klikë tjetër, por përkundrazi për ta zëvendësuar me një qeveri të hapur, demokratike dhe transparente, të përgjegjshme për vendin dhe jo për interesat e veta dhe të të afërmve të saj”, -tha Meta. Sipas tij, si lajmotiv kryesor i kësaj lëvizjeje do të jetë ajo që “ne nuk mund të pranojmë më që rruga për në Evropë të zgjatet pambarimisht dhe nuk mund të pranojmë që shqiptarët të ndihen dhe të jetojnë si një minoritet i diskriminuar në atdheun e tyre”. Edhe dje, ashtu si një ditë më parë, Meta u shpreh se “kemi përballë nesh qeverinë më të korruptuar në të gjithë historinë e Shqipërisë dhe kam besim se nuk do të ketë ndonjë qeveri më të korruptuar se kjo, as në të ardhmen”. Ai u shpreh se “është një qeveri, ku drejtuesit e saj dhe të afërmit e tyre kontrollojnë dhe ushtrojnë biznese nga më të ndryshmet, kanë vendosur monopolet e tyre mjaft të rrezikshme që nga bizneset e shërbimeve ajrore dhe transportit rrugor dhe deri tek ushqimet e pulave”. Sigurisht që pas kongresit të PS-së, rruga e një ndryshimi të brendshëm është vështirësuar mjaft, nënvizoi Meta, por unë jam i bindur, tha ai, se ende në PS ka forca, të cilat ndihen tashmë të përjashtuara nga gjithë vendimmarrja, e cila është ngushtuar në duart e një klike dhe nuk është më në forumet e partisë, ato nuk janë më përfaqësuese dhe njëkohësisht kam besim tek vetëdija qytetare, tek zgjimi dhe reagimi i saj. Ish-kryeministri nuk ka folur me emra konkretë, për personat e korruptuar por është shprehur se “janë ata që përfaqësojnë pikërisht këto monopole, që përfaqësojnë këto konflikte serioze të interesave të biznesit të tyre dhe posteve të të afërmve të tyre që ata mbajnë”. Por sipas Metës, janë po ata që kërcënuan median natën që ajo paralajmëroi tragjedinë e 9 janarit. I pyetur për deklaratën e bërë një ditë më parë për disa ndërkombëtarë të korruptuar nga kryeministri Nano, Meta tha se kjo do të thotë “që kjo përpjekje që bëhet këtu bëhet edhe në raport me partnerët tanë ndërkombëtarë, po siç dihet deri tani këto kanë rezultuar jo të suksesshme”. Por tentativa të tilla për të blerë vizita, për të blerë dhe sajuar telegrame apo për të nxitur një korrupsion moral tek përfaqësuesit ndërkombëtarë bëhen që ata të pranojnë këtë lloj “status kuo”-je si rrugën e garantimit të gjoja stabilitetit të vendit, u shpreh Meta.

[Brari]

ZP mpreh shpaten edhe i her per Ilir Maten

Ne Zp lexojme:

--------


Meta, mbrojtje ish-kryepolicit të Tiranës, emërtesë e tij në postet kyçe të policisë
Ish-kryepolici I Tiranës, emërtesë e Metës në gjithë vendin dhe postet kyqe në Polici, përfshirë edhe Drejtorinë e Kufirit dha dorëheqjen përpara se të fillonte operacioni antitrafik



TIRANE- Ish-zëvendëskryeministri dhe ish-ministër I jashtëm Ilir Meta në rikthimin e tij një ditë më parë në jetën politike, ka bërë me të vërtetë një deklaratë spektakolare.
E cuditshme por e vërtetë, Meta ka mbrojtur ish-kryepolicin e Tiranës, duke deklaruar se atë e hoqën mafiozët. Për të qënë korrekt me deklaratën e ish-zv.kryeministrit Meta po e citojmë të plotë deklaratën e tij të dhënë në një TV, atë ALSAT një ditë më parë dhe të botuar në gazetat shqiptare.

"Të mos mendojë ndokush se do të besojmë se mafiozi ishte ai shoferi I asaj linjës përkatëse ku u kap droga. Jo mafiozët janë ata të cilët hoqën drejtorin I cili kapi drogën",
..ka deklaruar ish-zv.kryeministri Meta një ditë më parë.
Në radhë të parë, për hir të së vërtetës duhet të pranojmë se dorëheqja e kryepolicit të Tiranës është bërë kohë më parë se të fillonte operacioni antitrafik dhe antidrogë, nëpërmjet një letre të hapur të bërë prezente në të gjitha mediat.
Për hir të së vërtetës duhet të pranojmë se ish-kryepolici I Tiranës ka qënë emërtesë eksluzive e ish-kryeministrit Meta në postet drejtuese kyqe në të gjitha rrethet e vendit, kryesisht me pika kalimi kufitar, në postet kryesore të drejtimit të policisë së shtetit, përfshirë edhe atë të Kufirit.
Pra, s'është për t'u cuditur me këtë mbrojtje që ish-kryeministrit, ish-zv. kryeministrit dhe ish-ministri I jashtëm I bën ish-kryepolicit të Tiranës.

S.V.



Z.Meta, cili është ndërkombëtari I korruptuar nga kryeministri Nano?!

TIRANE- Ish-zv. kryeministri Ilir Meta në një intervistë të dhënë ne nje TV privat në Shqipëri ditë më parë ka deklaruar se "Lidershipi actual vërtetë mund të korruptojë ndonjë ndërkombëtar, por nuk mund të korruptojë të gjithë". Një deklaratë më të vërtetë e papritur deklarata e bërë nga ish-ministri I Jashtëm shqiptar deri në korrik të vitit 2003 kur dha dorëheqjen, teksa ka akuzuar një diplomat ndërkombëtar se është korruptuar nga kryeministri shqiptar. Një deklaratë e cila nuk del nga goja e një politikani cfarëdo por nga goja e ish-shefit të diplomacisë shqiptare për një vit rresht, ish-kryeministrit dhe zv.kryeministrit për viteve me radhë, pra një deklaratë me të vërtetë e rëndë që vë nën hijen e dyshimit të gjithë diplomatët e huaj, të gjithë trupin diplomatic të akredituar në Tiranë.
Një akuzë kjo, e cila e përdorur pa emër vënë nën hijen e dyshimit të gjithë trupin diplomatic të akredituar në Shqipëri. Besojmë se Meta do të ketë mundësinë që në një të ardhme të afërt ta zbardhë emrin e këtij ndërkombëtari dhe të shpëtojë nderin e ndërkombëtarëvce të cilëve u vërtitet tashmë mbi kokë hija e akuzës së ish-ministrit të jashtëm shqiptar.

S.V



Berisha refuzohet në idenë e thithjes së intelektualëve dhe të larguarve në PD

Selami, Brojka, Meksi, Ruli dhe përfaqësues të tjetër të rëndësishëm, ish themelues të PD refuzojnë kthimin dhe përfshirjen në PD: Të largohet Berisha nga drejtimi



TIRANE - Berisha po has shumë vështirësi në idenë e tij për hapjen e PD ndaj shoqërisë civile, të larguarve nga kjo parti, të dëbuarve nga kjo parti, si dhe të frikësuarve nga Berisha të cilët kanë vite që ngurrojnë të afrohen me PD. Me përjashtim të dy deputetëve të PAD, Imami dhe Zogaj, të cilët dolën nga votat e PS-se deputetë, në të ashtuquajturin proces të Dushkut, të Arben Meçes, i cili me atë që bëri në Komisionin Rama si ekspert kërkoi rehhabilitimin nga ato deklarata të tmerrshme në drejtim të Berishës në fund të vitit 1996 dhe fillim të vitit 1997, kiu e akuzonte Presidentin e atëhershëm Berisha si spiun të UDB jugosllave dhe të sigurimit të shtetit shqiptar, sulme këto publike, deri më tani të gjithë kanë ngurruar që të futen në kazermën e Berishës, e cila formalisht dhe për emërtesë quhet PD.
Të parët që e kanë dhënë sinjalin se nuk mund të afrohen në PD, me gjithë kërkesat e Topit dhe të Bodes, pa peshë këta përballë Berishës, kanë qënë të larguarit më të fundit nga PD, pra grupi I Pollos. Por nuk kanë mbetur prapa as promemoristët e Dashamir Shehit, duke përfshirë këtu edhe Genc Rulin, të cilët kanë deklaruar apo lënë të kuptohet se PD pa ndryshuar lidershipin e saj nuk mund të ndryshojë, pra e thënë copë pa u larguar nga berisha jo vetëm ata nuk do të rkithehen në PD, por asnjë nga përfaqësuesit e intelektualëve dhe të shoqërisë civile nuk riskojnë për të hyrë në kazërmën e Berishës.
Ndërkohë që në mërgim Selami ruan heshtjen. Më konkreti nga të gjitha ka qënë ish-kryetari I bashkisë së kryeqytetit Albert Brojka, I cili ka deklaruar se ai nuk kthehet në PD pa u larguar Berisha nga drejtimi I PD. Dhe për më tepër Brojka ka deklaruar se asnjë nuk duhet të shpresojë se mund të ketë reformim apo happje të PD për sa kohë në krye të kësaj partie do të jetë Sali Berisha, për të cilin është shumë I vështirë koncepti I hapjes së partisë, koncepti I mendimit ndryshe dhe ku për 12 vjet me radhë të gjithë ata që kanë shfaqur mendim ndryshe nga Berisha janë detyruar të largohen ose janë dëbuar nga PD. Për më tepër që intelektualët nuk janë entuziasmuar nga përfshira e dy tre personave që kanë qënë anëtarë të PD dhe që kanë fituar gjatë zgjedhjeve të pushtetit vendor, pasi tjetër gjë është kandidimi për zgjehdjet vendore tjetër gjë është kandidimi për strukturat e PD ku do të përballesh me Berishën dhe ku mund të humbësh shumë nga personaliteti me një njeri të tillë në krye të PD. Gjithsesi të gjithë janë të frikësuar dhe qëndrojnë larg idesë së rrejshme të Berishës për hapje të PD.

S.V.



.............


Kush do jete ky SV -ja?

Ndoshta Lir Meta ne ditet e ardhshme na e zbulon kte mjeshter te ZP-se..

[Brari]

Ec Liro zgjidhe thesin e na trego paudhesite e shokve te tu...


KJ shkruan:



------
E Hene, 02 Shkurt 2004


PO ME SULMOJNE ISH SERVILET E MI

Zoti Meta cfare do te thone per ju deklaratat e bera nga Sekretari i Marredhenieve me Publikun prane PS-se dhe zedhenesi i Ministrise se Rendit Publik?

Deklaratat e bera dje nga Sekretari i partise dhe nga Ministri i policise ne sinkron te plote me njera- tjetren, tregojne ne menyre te qarte perpara shqiptareve se klika ne fuqi e ka shnderruar dhe po e shnderron PS-ne, nga nje parti demokratike ne nje parti policeske. Po e shnderron policine e shtetit nga nje polici e ligjit ne nje polici politike. Per sa i perket aludimeve dhe akuzave te shplara te tyre, une dua te them edhe nje here tjeter me bindje dhe me krenari, se tashme te gjithe shqiptaret dhe te gjithe socialistet e ndershem e kane kuptuar se morali im eshte prej kristali dhe nuk ka asnje lidhje me akuzat e tyre, me asnje lloj afere trafiqesh dhe asnje lloj korrupsioni. Edhe ndonje nga ata qe opininoini publik ka dyshuar ne te kaluaren se nen hijen e Ilir Metes mbronte bizneset ose trafiqet e tij, sot eshte nen prehrin e klikes. Pra sot jam me i lire se asnjehere tjeter per te provuar moralin tim dhe fakti qe flas ne kete menyre, prej kohesh dhe denoncoj pa kompromis kete klike tregon shume qarte se akuzat e tyre jane te rendomta. Me akuzat e tyre ata sot jo vetem qe nuk hedhin dot asnje fije dyshimi per mua, por perkundrazi ata kerkojne te mbulojne 2 miliarde dollare droge qe ka qarkulluar sipas vete agjencive me serioze perendimore ne nje vit pergjate Shqiperise. Ne qofte se duam te gjejme se kush jane ata qe bashkepunojne me trafikantet e droges te shikojne vellezerit, niperit, dhe kusherinjte e kujt qeveritareve jane ata qe jane ndaluar nga policia italiane dhe ajo shqiptare. Po te duan te gjurmojne edhe me tej, le te kontrollojne linjat e autobuseve Tirane - Athine, le te kontrollojne bizneset qe sherbejne si koperture per te levizur sasi te medha droge nepermjet Shqiperise. Aritmetiken e tyre te kapjes se droges nuk e beson njeri, sepse gjithkush e di qe policite evropiane gjate ketij viti kane kapur sasi droge qe kalon nepermjet Shqiperise shume me teper se sa ka kapur gjate gjithe periudhes se tranzicionit. Pra une do t'i ftoja te mos mendojne dhe te mos enderrojne se do te mbulojne mjerimin e shqiptareve me perralla te tilla dhe me tablo te tilla sinoptike. Le ta kuptojne se jane pergjegjesit kryesore per varferimin e shqiptareve per mjerimin qe po u sjellin atyre per cmimet skandaloze dhe katastrofike qe po rrisin cdo dite, jo per shkak te reformave, por per shkak te monopoleve te tyre qe kane ngushtuar cdo frymemarrje te ekonomise dhe te demokracise ne kete vend. Per sa i takon ndonje servili komik te PS-se une dua te shpreh keqardhjen dhe sigurisht te reflektoj per keta servile vertet komike, qe dikur kane qene edhe servilet e mi kur une isha kryeminister.

Zoti Meta ju jeni shprehur per nje levizje te gjere qytetare pjese e se ciles keni konsideruar dhe ju veten tuaj. Ne cfare konsiston kjo levizje?

Levizja ime eshte tashme shume e qarte. Ajo eshte nje levizje qe shkon drejt opinionit publik, drejt socialisteve te ndershem qe nuk mund te pranojne te turperohen me nga kjo klike e cila perpara se te shpife dhe te akuzoje ish-kryeministrin e tyre duhet te mbaje pergjegjesi penale per 30 shqiptare qe mbyti ne Karaburun. Sepse duke dashur te fshehe trafiqet e saj dhe implikimet e veta per 15 ore la dhjetra shqiptare te pafajshem ne meshire te detit, ne meshire te nje dite dhe te nje nate te tmerrshme vetem e vetem per te fshehur trafiqet e tyre. Le te gjejne gomonen e dyte dhe se cfare kishte ajo, keta te papergjegjshem te cilet kane ardhur ne krye te policise per shkak te personalitetit te tyre te dyshimte dhe te panjohur ende nga publiku por qe padyshim do te njihet, morali politik dhe profesional dhe familjar.



Sipas jush cfare permbante gomonia e dyte?

Gomonia e dyte jam i bindur se kishte pikerisht ate artikull te cilin e permendin vazhdimisht kreret e policise qe po e luftojne, por natyrisht nuk kishte miellin qe ka rritur cmimin e bukes.

Pergatiti: Oli Xhilaga

------

[Albo]

Ish-kryeministri tha dje se është normale që kjo KPD staliniste të përjashtonte kundërshtarët politikë

"Nano projekton atentate politike"

“Nuk dorëzoj raport mjekësor për të justifikuar mungesën në Kuvend. Mospjesëmarrja ka qenë politike”

Shekulli

TIRANE - Ish-kryeministri Meta tha dje se nuk ka ndërmend të dorëzojë në PS arsyet e mungesës në seancën plenare të funddhjetorit ku u votuan ndryshimet në qeverinë “Nano”. “Sipas tij, arsyet dihen që janë politike, është normale që KPD-ja staliniste të përjashtojë kundërshtarët politikë.


Zoti Meta, në mbledhjen e djeshme të KPD-së është kërkuar që ju të argumentoni me shkrim mungesën tuaj në votimin e qeverisë “Nano” në Parlament, a do ta bëni një veprim të tillë?
Gjëja më normale që mund të bënte kjo KPD si produkt i një kongresi stalinist që është, sigurisht që ishte përjashtimi politik i kundërshtarëve politikë të klikës që është instaluar në krye të PS-së dhe qeverisë. Do të ishte surprizë sikur një KPD e tillë të kishte kërkuar llogari për dhjetëra milionë dollarë deficite gjatë vitit të shkuar. Do të ishte çudi që kjo KPD të kishte kërkuar llogari për 110 milionë investime të parealizuara gjatë vitit 2003. Do të ishte çudi që kjo KPD të kërkonte llogari për mosrealizimin e rritjes së pagave për vitin e kaluar. Do të mbeteshim pa mend në qoftë se kjo KPD do të kishte kërkuar llogari për thellimin e bilancit tregtar gjatë vitit që shkoi. Do të ishte gjithashtu çudi sikur kjo KPD të kishte kërkuar analizimin e rritjeve të jashtëzakonshme të çmimeve që nga mbledhja e saj e fundit, kur qeveritarët kanë shtrenjtuar jetesën e shqiptarëve duke sjellë varfërimin e tyre të përditshëm. Sigurisht jo për shkak të reformave që mungojnë por për shkak të monopoleve të klikës që forcohen çdo ditë. Nuk mundej pra kjo KPD e emëruar në mënyrë staliniste që t’i kërkonte llogari klikës se përse mashtroi kur tha në fund të vitit se kishte arritje në qeverisje, kur parametrat nuk ishin realizuar në të gjitha drejtimet. Do të ishte surprizë sikur kjo KPD të kërkonte llogari se ku janë njëqind milionë dollarët që u tha se janë investuar në 2003.
E pra, askush nuk priste që këto gjëra të diskutoheshin në këtë KPD, por të paktën të ishin bërë dy akte njerëzore për të mbajtur një minutë heshtje për viktimat e tragjedisë së Karaburunit, e cila ndodhi për shkak të papërgjegjshmërisë së kësaj qeverie apo dhe të kërkohej përgjegjësia për këtë ngjarje për ta shkarkuar maxhorancën socialiste nga ngarkesa dhe përgjegjësitë e individëve të papërgjegjshëm. Ata nuk patën kohë të mbanin një minutë heshtje as për dy policët që ranë në Berat sepse atyre nuk iu intereson policia e shtetit, reformimi i saj dhe lufta kundër krimit të organizuar apo atij ordiner, por iu intereson krijimi i strukturave të policisë së tyre politike për t’i përdorur ndaj kundërshtarëve politikë. Është gjëja më normale që një KPD e tillë të angazhohet me përjashtime politike. Lidhur me justifikimin me shkrim që kanë kërkuar për mungesën tonë në votimin e kësaj qeverie në Parlament, natyrisht që unë nuk kam ndërmend që t’u çoj ndonjë raport mjekësor për të justifikuar mungesën time sepse këtë nuk e bëj që nga koha e tetëvjeçares. Arsyet e mospjesëmarrjes në votimin e kësaj qeverie janë politike dhe janë bërë publike në deklaratën që disa deputetë kanë lëshuar po atë ditë. Që nga ajo ditë vazhdojnë të forcohen arsyet politike sepse thellohet papërgjegjshmëria e kësaj klike në drejtimin e vendit, sepse vazhdojnë të forcohen monopolet dhe të rriten çmimet e të varfërohen shqiptarët.

Zoti Nano ka deklaruar se ju keni bërë pushime të gjata gjatë fundit të dhjetorit dhe gjatë janarit, kjo ka qenë arsyeja e mungesës suaj gjatë kësaj kohe?
Lidhur me aludimet e tij për pushime të gjata në disa shtete dhe për veprime bankare, kjo më kujton atë hajdutin kompleksiv që thërret kapeni hajdutin. Meqënëse klika aktuale kontrollon edhe maxhorancën parlamentare është e ftuar nga unë që të ngrejë një komision hetimor parlamentar për të verifikuar se ku kam qenë unë dy javë dhe se çfarë shpenzimesh kam kryer gjatë kësaj kohe. Natyrisht që do të ishte në dinjitetin e zotërisë në fjalë që i njëjti komision të hetojë edhe për të se ku ka qenë gjatë asaj periudhe, përfshirë edhe 9 janarin kur ndodhi tragjedia në Karaburun, se me çfarë ka udhëtuar, me kë është shoqëruar dhe se sa shpenzime bankare dhe të tjera ka kryer së bashku me sponsorizuesit e tij. Meqënëse ka përmendur Austrinë dhe gjoja veprime bankare të kryera atje, jam i bindur se ky ka qenë një lapsus dhe më ka ngatërruar me veten sepse ai dhe të afërmit e tij kanë qenë shpesh në Austri gjatë dhjetorit dhe janarit dhe nuk është aspak çudi të kenë kryer veprime bankare. Jam i hapur për një komision parlamentar që të na hetojë të dyve së bashku dhe shpresoj që ai ta provojë, duke pasur parasysh që ka edhe policinë e tij politike me të cilën mund të na provojë të gjitha shpifjet e tij. Ndërsa kur aludon për inkriminimin tim, i shkon mendja se unë mund të jem autori i aksidentit tragjik të Shkallnuerit kur para disa kohësh ka humbur jetën një njeri i nderuar, për të cilin akuzohet një politikan, unë jam i hapur që edhe për këtë të hetojë një komision parlamentar.

Në mbledhjen e KPD-së u tha edhe se ju prishni imazhin e vendit duke shtruar dhunë verbale, si është e vërteta sipas jush?
Çdo mendim i lirë atij i duket si dhunë që rrezikon monopolet e tij të paligjshme, por është e kundërta. Është ky që ka ushtruar jo vetëm verbale, por edhe dhunë fizike gjatë konferencave të PS-së edhe pas Kongresit, madje çdo ditë dhunon në format më të pabesa socialistët dhe shqiptarët, dhunon institucionet e shtetit, drejtësinë, me të vetmin qëllim mbretërimin e tij të pakufizuar në kurriz të mjerimit dhe varfërisë së shqiptarëve. E kam paralajmëruar dhe më parë dhe po e bëj përsëri të njëjtën gjë, se nuk e mban dot pushtetin me dhunë, me kërcënimin e bukës së gojës për shumë socialistë të ndershëm që janë në administratë, me gjobat që u vihen bizneseve dhe shkatërrimin që u bëhet bizneseve në të gjitha fushat ku qeveritarët kanë vendosur monopolet e tyre dhe as me projekte të pabesa për atentate dhe aksidente politike. E ardhmja e klikave është e pashpresë. E ardhmja e demokracisë është e garantuar. Kjo klikë është kthyer në identitet.

[S`ka Lezet]

Zakonisht hajduti njeh hajdutin...e c`fare do ilir meta?Amnistim politik apo falenderim per zgjuarsin qe ai e shpalos ne disa raste?
Domosdo qe keta qe kane pushtetin nuk jane budallenj... se perndryshe nuk do te kish mundesi se si ata te vinin ne pushtet...por dhe adhe jo zgjuarsi qe kane... e kane vene ne sherbim te qellimeve te tyre malinje...

[Albo]

Kryeministri Nano deklaroi se brenda këtij muaji, metistët duhet të justifikojnë qëndrimet e tyre

Meta të japë llogari ose të përjashtohet

Kryetari socialist, Fatos Nano, gjatë mbledhjes së djeshme të Komitetit të Përgjithshëm Drejtues të Partisë Socialiste sulmoi ish-kryeministrin Meta, duke kërkuar që ai të vinte para tij për të dhënë llogari për mungesat që kishte bërë gjatë votimeve në Kuvend. Edhe pse nuk ishte përfshirë në rendin e ditës së punimeve të KPD, kryetari socialist ka ashpërsuar sulmet ndaj Metës. Madje Nano ka caktuar fillimin e muajit, që të gjithë ata deputetë që kanë dalë kundër tij, të japin justifikimet e nevojshme. "Përjashtimi duhet të arsyetohet mbi një bazë të caktuar që është statuti i Partisë Socialiste. Mbi këtë bazë brenda një date të caktuar që nuk mund të jetë më larg se fillimi i muajit që vjen, secili nga këta shokë përfaqësues apo të deklaruar ish përfaqësues, të vijë dhe të justifikohet se ku ka qenë gjatë gjithë kësaj kohe", u shpreh kryeministri Fatos Nano.

Sipas kryetarit të Partisë Socialiste të gjithë deputetët e mendimit ndryshe kanë afat që deri në fillimin e muajit mars të justifikojnë mungesat e tyre me letër me shkrim. "Ne, sekretari i Partisë Socialiste do t'u drejtojë këtyre zotërinjve nga një kërkesë me shkrim për të dhënë shpjegime mbi mungesat e bëra. Nuk ka më vend për fjalë, të vijnë e t'i sjellin gjërat e shkruara. Më pas strukturat, forumet e Partisë Socialiste do të marrin në diskutim arsyet nëse ato janë bindëse apo jo", vijoi më tej Nano. Pas shqyrtimit të letrave që presupozohet se do të dorëzohen nga deputetët anti-Nano, sekretari i Përgjithshëm i PS-së do t'u kthejë secilit prej tyre nga një përgjigje ku do të flitet nëse është përjashtuar apo jo. "Pasi të shohim justifikimet e shokëve tanë do t'u kthejmë përgjigje se për çfarë arsyesh përjashtohen dhe për çfarë arsyesh nuk përjashtohen", ka thënë më tej Nano.

Ditën e diel, Ilir Meta bëri akuza shumë të ashpra në adresë të kryeministrit duke i kujtuar tashmë jo vetëm bizneset e bashkëshortes së tij por duke e akuzuar për linjën e trafikut të drogës Tiranë-Athinë me anë të autobuzave të "Joy Travel". "Vetëm për të fshehur trafiqet e tij, Kryeministri la në det për 15 orë dhjetëra shqiptarë. Pyeteni se ku është gomonia e dytë dhe nëse e gjeni, do të mësoni se nuk ka qenë me miellin e bukës që ka shtrenjtuar sot", është shprehur Meta.

Ish zv/kryeministri Meta dhe disa nga mbështetësit e tij, që pas Kongresit të 6-të Partisë Socialiste nuk janë më anëtarë në asnjë nga forumet drejtuese të Partisë Socialiste. Pas diskutimeve nga ana e kryeministrit Fatos Nano, Këshilli i Përgjithshëm Drejtues i Partisë Socialiste miratoi dje programin politik të vitit 2004. Prioritetet kryesore të këtij programi lidhen me forcimin organizativ dhe politik të partisë, me shtimin e radhëve të saj, si dhe përgatitjet për zgjedhjet legjislative për vitin 2005. Gjithashtu, platforma e socialistëve për këtë vit parashikon mbështetje për programin qeverisës në proceset për integrimin europian të vendit, luftën kundër trafiqeve, korrupsionit dhe krimit të organizuar.


--------------------------------------------------------------------------------

Bizhga kërkon përjashtimin e menjëhershëm të Metës

Deputeti Gazmir Bizhga, i njohur si një nga mbështetësit e ish-kryeministrit Fatos Nano, ka kërkuar që në fillim të mbledhjes së KPD-së, të merret në shqyrtim përjashtimi i Metës. Madje ai ka kërkuar që deputetët që kanë mbështetur atë, së bashku me Metën në krye, të përjashtohen menjëherë nga forumet e kësaj partie, duke argumentuar se ata e kanë shkelur tashmë nenin e statutit të partisë, i cili parashikonte përjashtimin e atyre deputetëve që dalin kundër vendimeve të forumeve të kësaj partie. Por kërkesa e Bizhgës shërbeu si nxitje për të futur në diskutim dhe këtë çeshtje, e cila nuk ishte parashikuar në rendin e ditës së kësaj mbledhjeje. Kryeministri e kundërshtoi kërkesën e Bizhgës për të përjashtuar menjëherë deputetët që kanë munguar në votime, dhe tha se për to do të ketë një tjetër plan. Sipas Nanos, ata duhet të justifikojnë qëndrimet e tyre, dhe në rast se ndiejnë se kanë gabuar, ata mund të bëjnë dhe autokritikë.


--------------------------------------------------------------------------------

Nano: E di qëllimin e vizitave të Metës

Kryeministri Fatos Nano, në fjalën e tij në mbledhjen e Komitetit të Përgjithshëm Drejtues, duke e quajtur Metën, të vetëpërjashtuar nga kjo parti, tha se ai po përdor dhunën verbale ndaj partisë, për të prishur imazhin e saj. Ai gjithashtu iu përgjigj akuzave të Metës, për implikim të njerëzve që qëndrojnë afër tij, madje vetë gruas së tij në trafiqet e drogës në vend. Nano tha se Meta duhet të japë shpjegime për pushimet e stërzgjatura të tij. Madje kryeministri deklaroi se e dinte përse Meta kishte bërë këto vizita jashtë shtetit. Por ai nuk dha asnjë arsye konkrete për këto vizita. "Dikush nga shokët e vetëpërjashtuar flet për pushimet e mia të stërgjatura, por erdhi momenti të thotë edhe ai pushimet e tij që ishin disa herë më të gjata. Ka ardhur koha të japin shpjegime duke nisur që nga Maqedonia, Gjermania, Franca dhe SHBA, sepse unë e di fort mirë itinerarin e vizitave të tij", u shpreh Nano.


--------------------------------------------------------------------------------

Kuvendimi i Madh për të luftuar Metën në bazë

Kryetari socialist, Fatos Nano deklaroi se strategjia e tij për Kuvendimin e Madh do të shërbejë për të mos forcuar pushtetin e kundërshtarëve të tij politikë në parti. Në këtë mënyrë ai la të kuptohej se kjo përpjekje e tij do të shërbente për t'iu kundërvënë përpjekjeve të Metës për të dalë në një tur në bazë. "Ne nuk mund të lejojmë më që koha mes dy fushatave të shfrytëzohet për karrierë të pamerituar, për klane e fraksione interesash ilegjitime që shpesh herë e kanë dëmtuar Partinë dhe reputacionin e saj në komunitetet e njerëzve," deklaroi Nano përpara anëtarëve të Komitetit të Përgjithshëm Drejtues. "Realizimi me sukses i këtij Projekti të madh ka një rëndësi jetike edhe për ne socialistët dhe progresistët, sepse vetëm mbi këtë bazë do të gatuajmë dhe garantojmë fitoren e zgjedhjeve parlamentare të vitit 2005," vazhdoi Nano. Meta së bashku me një grup mbështetësish të tij kanë deklaruar se janë të gatshëm për të dalë në bazë për t'iu komunikuar problemet që kanë mbërthyer Partinë Socialiste dhe gjithë shtetin shqiptar, që kur në krye të qeverisë ka mbërritur Nano.

[Brari]

Ska me Metiste por lir Mete..
Sjan ko-e kandari socialistet te ndjekin pas nje qe ska pushtet..

Ata nuhasin si kafshet e egra me te fortin dhe i shkojn mbrapa..me instiktin e tufes..

Meta megjithate po guxon te ndeshet edhe i vetem me Nanon..
Miku i tije Braho ja drodhi dhe ju bashkangjit tufes.. po ashtu dhe Dhelpra Edvin nuk ndihet megjithse prej Metes i ka ato miliarda leke nga te cilat disa milion te qelbur i beri pllaka trotuari sa me justifikue supervjedhjen e perbashket.
Per cdo dite qe kalon Meta ngelet perhere e me i vetmuar.

Nano po e le Meten te grij sallate e nga ana tjeter beri rrokad ne Selin roze e Kongres ku kudo futi te vetet. Edhe ndrrimet ne komisariate te policise del sa jan bere nga Nano me qellim qe Meta te mos kete asnje fans te tije me pistolet ne brez..

Deri ku do te shkoje Meta me denoncime?

A do guxoje te hapi tema te mprehta?

Ne frazen se " dhe ndonji nderkombetar mundet Nano ta bleje" ai tha shume..

Dhe tashme kuptohet se kush jane te bleret..

Jane Prodi, Xhefri e ndoj spurdhjak tjeter..

A do guxoje Meta te thote se me sa i bleu Nano kta nderkombetare???
Me Valixhe me euro dollare apo me bizhyte e shtrenjta te Thesarit te Shtetit?

Te shohim deri ku do shkoje guximi i kokfortit Meta..

[karaburuni]

Që po vendos diktaturë staliniste Nano, kjo duket sheshit. Po eshte fare qesharake, me kujtoi filmat me partizane dhe gjermane.
Lexova ne nje gazete ku Nano thoshte se Meta po ben "agjitacion dhe propagande", neni 55 ne mos gaboj. Besoj se Nano greku do na e kthente me kenaqesi kete nen. Tani sipas Nanos na qenka krim te ikesh edhe jashte Shqiperise (pervec Greqise dhe Nanos natyrisht), besoj se Nano do na i mbyllte me kenaqesi kufijte edhe njehere si ne kohen e qoftelargut. E ku do te gjente me mire Greqia se nje Shqiperi te izoluar me Fatosis Nanos ne krye?
Shpresoj te iki e te thyeje qafen sa me pare ky antishqiptar qe ne gen, qe vetem gjeme e mort na ka sjelle e do te na sjelle sa ta kemi mbi koke.

[Albo]

Klika që po na varfëron

ILIR META

Opinioni publik për më tepër se dy vjet është dëshmitar se kryetari i klikës në fuqi ka udhëhequr një fushatë të pandërprerë shpifjesh dhe denigrimi politik ndaj figurës sime dhe një grupi deputetësh socialistë. Synimi i kësaj fushate ka qenë dhe mbetet eliminimi i kundërshtarëve të vërtetë politikë, mbytja e mendimit ndryshe në strukturat partiake dhe jetën pluraliste, izolimi i personaliteteve të njohur dhe me integritet të PSSH-së dhe zëvendësimi i tyre me servilë dhe elementë të dyshimtë. Në vazhdën e këtyre qëndrimeve janë edhe sulmet e ditëve të fundit ndaj meje, në të cilat janë artikuluar një sërë akuzash të turpshme. Këto akuza kanë synuar të bindin opinionin publik se faji që z.Nano bën pushime përrallore, luksoze dhe të zgjatura, kur shqiptarët varfërohen çdo ditë, është i imi, se faji që z.Nano nuk ka asnjë respekt për shqiptarët, as në gaz dhe as në mort, është i imi, se faji që shqiptarët humbin jetën tragjikisht dhe kryeministri i tyre nuk mund të ndërpresë vakancën apo të kërkojë falje, është i imi, se faji që reformat kanë ngecur në vend, se faji që nuk u nënshkrua marrëveshja e stabilizim-asociimit brenda dhjetorit, pra brenda presidencës italiane siç pretendoi kreu i klikës vazhdimisht është i imi, se faji që çmimet rriten përditë, se korrupsioni dhe trafiqet lulëzojnë dhe administrata është më e shthurur se ndonjëherë që nga `97 përsëri është i imi dhe i një grupi deputetësh të cilët "nxijnë" realitetin rozë të tij. Faji sipas z.Nano është gjithashtu i imi edhe sepse çarterat venë e vijnë, edhe sepse KPD e tij nuk ka kohë të merret me problemet e vendit, pasi shqetësimi kryesor i tij është “zbatimi i statutit”, edhe pse shpenzimet qeveritare janë fryrë në zërin e "shërbimeve-vakanca". Ndërkohë qytetarët shqiptarë dëgjojnë në fjalime mashtruese për një miliard dollarë investime publike që nuk i shohin asgjëkundi, ndërkohë deficitet e krijuara janë prej dhjetëra milionë dollarë të ardhurash të parealizuara, ndërkohë investimet publike të buxhetit të shtetit vetëm për vitin që mbyllëm nuk u realizuan të paktën me 100 milionë dollarë, ndërkohë deficiti tregtar i vendit vjen duke u rënduar, jo thjesht për shkak të marrëveshjes së tregtisë së lirë, por nga monopolet e qeveritarëve dhe të afërmve të tyre, duke varfëruar çdo ditë shumicën dërrmuese të shqiptarëve. Përballë këtij realiteti i drejtohem parlamentit që të bëhet pjesë e një procesi të gjerë e të plotë transparence duke i ardhur kështu në ndihmë edhe sistemit të drejtësisë, i cili në kushtet e këtij presioni të madh politik të klikës në fuqi e ka të vështirë të zbardhë të vërtetat dhe të hedhë poshtë shpifjet. I bëj thirrje deputetëve të të gjithë krahëve, të angazhohen për të zbardhur të vërtetën lidhur me akuzat që i drejtohen personit tim me të gjithë mjetet ligjore që kanë në dispozicion, duke filluar që nga komisionet e posaçme hetimore dhe deri te komisionet e përhershme të kuvendit për të hetuar gjithë veprimtarinë time politike dhe administrative. Me këtë rast do t`i bëja thirrje z.Nano të mos përdorë numrat bllokues në parlament të mazhorancës socialiste për të penguar zbardhjen e të vërtetës së Shkallnuerit, të vërtetës së tragjedisë së Karaburunit, të vërtetës mbi procedurat e zhdoganimit, licensimit dhe mënyrën e operimit të helikopterëve dhe autobuzave të linjave Tiranë-Athinë, të vërtetave mbi udhëtimet jashtë shtetit dhe sponsorat pas tyre dhe shumë të vërtetave të tjera, pasi vetëm kështu shqiptarët do të qartësojnë plotësisht imazhin e klikës që i qeveris aktualisht.