Kush ishte Muslimani i pare ??

[xheni4i]

Kush ishe muslimani i parë ose i pari ti bindet Allahut ?

Sure 6:14
Thuaj: "A pos All-llahut, krijues i qiejve dhe i tokës, që ushqen të tjerët, ndërsa vetë nuk ushqehet, të pranoj Zot tjetër?" Thuaj: "Unë jam urdhëruar ( i.e Muhamed ) të jem i pari që bindem dhe (urdhërohem): të mos bëhem kurrsesi nga idhujtarët.

Sure 6:164
Ai nuk ka shok (nuk adhuroj tjetër). Me këtë (thjeshtësi të adhurimit vetëm për Zotin) jam i urdhëruar dhe jam i pari i muslimanëve (i pari që pranoj dhe bindem)!

Sure 39:12
Dhe jam i urdhëruar të jem i pari i myslimanëve!

Në vargjet e mësipërme ne shikojmë se ishte Muhamedi ai qe kishte nderin të ishte muslimani i parë , por në vargjet e mëposhtme kjo gjë nuk është kështu dhe zbulojme se Abrahami dhe Jakobi ishin muslimanë..

Sure 2:132
E Ibrahimi i porositi bijtë e tij me këtë (fe), e edhe Jakubi, (u thanë) "O bijtë e mi, All-llahu ua zgjodhi fenë (islame) juve, pra mos vdisni ndryshe, por vetëm duke qenë muslimanë!"

Pra ajo qe desha te thoja cila eshte qendrimi i nje muslimani ne nje situate te tille kur lexon keto vargje kondritatore . dhe sipas jush ( Muslimaneve ) kujt do tia jepni nderin per te qene Muslimani i pare .

[vetem_TI]

dhe cfare kerkon te dish ti?

[FLORIRI]

Postuar më parë nga jim_morrison3
dhe cfare kerkon te dish ti?

pa u nxehur

[FLORIRI]

Postuar më parë nga xheni4i
Kush ishe muslimani i parë ose i pari ti bindet Allahut ?

Sure 6:14
Thuaj: "A pos All-llahut, krijues i qiejve dhe i tokës, që ushqen të tjerët, ndërsa vetë nuk ushqehet, të pranoj Zot tjetër?" Thuaj: "Unë jam urdhëruar ( i.e Muhamed ) të jem i pari që bindem dhe (urdhërohem): të mos bëhem kurrsesi nga idhujtarët.

Sure 6:164
Ai nuk ka shok (nuk adhuroj tjetër). Me këtë (thjeshtësi të adhurimit vetëm për Zotin) jam i urdhëruar dhe jam i pari i muslimanëve (i pari që pranoj dhe bindem)!

Sure 39:12
Dhe jam i urdhëruar të jem i pari i myslimanëve!

Në vargjet e mësipërme ne shikojmë se ishte Muhamedi ai qe kishte nderin të ishte muslimani i parë , por në vargjet e mëposhtme kjo gjë nuk është kështu dhe zbulojme se Abrahami dhe Jakobi ishin muslimanë..

Sure 2:132
E Ibrahimi i porositi bijtë e tij me këtë (fe), e edhe Jakubi, (u thanë) "O bijtë e mi, All-llahu ua zgjodhi fenë (islame) juve, pra mos vdisni ndryshe, por vetëm duke qenë muslimanë!"

Pra ajo qe desha te thoja cila eshte qendrimi i nje muslimani ne nje situate te tille kur lexon keto vargje kondritatore . dhe sipas jush ( Muslimaneve ) kujt do tia jepni nderin per te qene Muslimani i pare .

shiko ,Muhamedi(sas) urdherohet ne kuran qe te jete i pari qe te pranoje me sinqeritet fene e zotit ne kohen kur po i zbrisnin suret pra ne kohen kur po ua shpallte njerezve ne gadishullin arabik dhe nuk eshte dhene me ate kendveshtrim qe e ke marre ti.

[vetem_TI]

shume dakort,nuk jam nxehur por nuk kam kuptur ende ckerkon te dish,prej zot ka ardhur vetem nje fe se ska si ndodh ndryshe pavaresisht se si ja kane vene emrin njerezit dhe myslimani i pare ka qene njeriu i pare ADEMI a.s pasi ka qene edhe profeti i pare.

[xheni4i]

Florir dhe Jim ju falimnderit per pergjigjjet e juaja por a mund ti vertetoni ato qe thoni .Gjithashtu do i lutesha cdo antari qe mendon te postoj dicka .... ju jetum nese keni sillni fakte dhe jo brrockulla

Ju faleminderint
Xheni4i

[FLORIRI]

Postuar më parë nga FLORIRI
shiko ,Muhamedi(sas) urdherohet ne kuran qe te jete i pari qe te pranoje me sinqeritet fene e zotit ne kohen kur po i zbrisnin suret pra ne kohen kur po ua shpallte njerezve ne gadishullin arabik dhe nuk eshte dhene me ate kendveshtrim qe e ke marre ti.

ku eshte brockulla e kesaj qe po te them.

[vetem_TI]

Postuar më parë nga xheni4i
Florir dhe Jim ju falimnderit per pergjigjjet e juaja por a mund ti vertetoni ato qe thoni .Gjithashtu do i lutesha cdo antari qe mendon te postoj dicka .... ju jetum nese keni sillni fakte dhe jo brrockulla

Ju faleminderint
Xheni4i

si ke deshire te ta vertetoj,ne cmenyre e do pasi mundem.

[rapsod]

Per te te shpjeguar sado pak!!
Islami nuk eshte fe e cila lidh vetem njeriun me Allahun Ajo eshte edhe legjislacion per muslimanet. Duke marre shkas nga kjo dua te te tregoj se Islami eshte fe e cila ka ekzistuar kohe perpara Muhamedit, le te themi se Islami ka qene fe edhe e Ibrahimit, mire po ti ke harruar dicka qe eshte thelbesore qe eshte KOHA. Islami nder kohe nuk ka pesuar ndryshime ne aspektin teologjik pra ne besim , por ndryshimet nder kohe kane qene te aspektit legjislativ, ndryshe kane qene ligjet ne kohen e Ibrahimit e ndryshe kane qene ne kohen e Muhamedit e deri me sot.
Duhet te dish edhe dicka se, ne kohen para muhamedane dmth para se Muhamedi te shpallej profet eshte quajtur "Koha e Injorances" dhe pas ardhjes se Muhamedit ai vertet ka qene muslimani i pare i asaj kohe, ndersa Ibrahimi eshte cilesuaar muslimani i pare nga ana legjislative sepse nga ana teologjike pra nga besimi, dua te them, ai ka qene Ademi si njeriu i pare i krijuar dhe per kete i pari njeri qe ka besuar ne Allahun Nje e Vetem.
Besoj se me pak fjale e kam shpjeguar sado pak shqetesimin se kush ishte muslimani i pare.

ps// Komentet dhe shpjegimet per Kur'anin kane kushtet e tyre, psh: nevoitet te dihet koha, vendi, dhe shkaku i zbritjes se nje ajeti kur'anor, etj si keto. Eshte njesoj sikur te pyesesh se kush eshte i pari i ketij vendi dhe fjala e duhur do te ishte Alfred Moisiu. Ketu pyetja eshte drejtuar ne kohen ku jetojme, vendi mund te jete "nje rruge" "nje kafene" etj, dhe shkaku eshte ose injoranca e pyetesit ose pyetesi e di pergjigjen dhe kerkon aprovimin e asaj qe di, ose , ose , ose...
me respekt Rapsodi

[drita]

Përshëndetje të gjithëve!
O Xheni nuk është e vështirë të kuptosh dëshirën tuaj të flaktë për të gjetur kontradikta në Kur’an, por si pasojë e kësaj dëshire të verbër ju përbuzni edhe normat më elementare të etikës së diskutimit.
Përsëri nuk është vështirë që të kuptosh se këto kontradikta që ju mendoni se gjenden në Kur’an thjesht sa i keni kopjuar apo përkthyer nga ndonjë person tjetër, dhe nuk keni tentuar as që t’i vërtetoni nëse gjenden apo jo vargjet në Kur’an (fakt për këtë se vargu 6:164 nuk gjendet ashtu sikur ju e keni cituar).
E mos të flasim pastaj që të kesh parë kontekstin nga ku janë shkëputur këto vargje.
Apo akoma më tej mos të flasim pastaj që kesh pyetur se cfarë do të thotë të jesh muslimanë.
Dhe kupa jote mbushet o Xheni kur pa pikë përgjegjshmërie injoron përgjigjet që të jepen dhe i konsideron ata si brockulla??!!
E pse qenkan brockulla??
Apo sepse ti je i/e paaftë t’i kuptosh ato??
Dëgjo një barsaletë:
Ishte një një mbret që nuk dinte gjuhë të huaja.
I ra rasti këtij mbreti për të shkuar në vendet arabe. Shkoi përkthyesi i tij që t’i mësonte dy-tre fjalë thjesht për përshëndetje.Dhe i tha:
Kur mbreti arab të të thotë: Esselamu Alejkum! Ti duhet t’ia kthesh: Alejkum Selam!
Mbreti injorant mendoi në vete: “Sa e lehte qenka gjuha e huaj, njëri të thotë thotë një fjali, ti ia kthen mbrapsht fjalët”.
Pas vizitës në vendet arabe, këtij mbreti i doli një vizitë për në Angli.
Përsëri përkthyesi shkoi t’i mësonte disa fjalë për përshëndetje dhe i tha:
“Kur mbretëresha e Anglisë të të thotë “Hi”, ti përgjigju: “Hi!”, pastaj shto:” How are you?”
Shkon ky atje dhe takon mbretëreshënn e Anglisë.
Ajo I thotë: Hi!
Ky ia kthen:
Hi! How are you?
Ajo ia kthen:
Fine, Thanks, and you?
Mbreti I thotë përkthyesit:
Ore po kjo nuk dika anglisht!!!
Pse thotë përkthyesi i habitur?
Po sepse kur unë i thashë “How are you?”, ajo nuk ma kthehu “You are how!”
Këtij të gjori i ishte fiksuar në mendje se gjuha e huaj është thjesht kthimi mbrapsht i fjalëve të fjalisë si në rastin e përshëndetjes arabe, prandaj priste që edhe mbretëresha ti thoshte “You are how”!
Kështo o Xheni edhe halli yt.
Ty është fiksuar se Kur’ani ka kundërthënie dhe cdo përgjigje për të hedhë poshtë fiksimin tënd të verbër të duket si brockull.
Nëse do të diskutonim bashkë me mesazhe private as që do të merrja mundimin të të ktheja përgjigje, por duke qenë se këtu futen ndoshta edhe njerëz të tjerë që nuk kanë fiksime të sëmura marr mundimin të kthej një përgjigje në lidhje me këtë pluhur që ju mundoni të ngrini.
Atëherë Fjala Islam, vjen nga arabishtja që në shqip do të thotë Bindje dhe nënshtrim me vullnet të lirë ndaj Zotit, ndërsa muslimanë konsiderohet ai person që ka pranuar të pranojë këtë bindje dhe nënshtrim me vullnet dhe dëshirë ndaj Zotit.
Meqë Islami qenka Bindje dhe Nënshtrim ndaj Zotit atëherë lind pyetja:
Konkretisht ndaj cfarë gjëje duhet të bindemi?
Dhe përgjigja është:
Ndaj rregullave dhe ligjeve që vinë prej Zotit.
Në vija të trasha tërësia e këtyre rregullave dhe ligjeve formojnë atë që quhet Fe.
Kështu Feja Islame është tërësia e rregullave dhe e ligjeve që janë të shpallura nga Zoti.
Këto rregulla dhe ligje që gjenden në Fenë Islame shërbejnë për të rregulluar 4 mardhënie kryesore:
1. Mardhënia e njeriut me Zotin (besim).
2. Mardhëniet midis vetë njerëzve (legjislacion).
3. Mardhëniet midis njeriut dhe krijesave të tjera që e rrethojnë.
4. Mardhëniet e njeriut me vetveten.
Por këto rregulla dhe ligje që janë shpallë për njerëzit (Fe) nuk është se u shpallën për herë të parë me Muhammedin, por Zoti këto rregulla dhe ligje u shpalli të gjithë njerëzve para kohës së Muhammedit.
Por dihet që gjatë historisë njerëzore njerëzit nuk kanë jetuar në kushte të njëjta shoqërore, prandaj për të rregulluar mardhëniet midis njerëzve që kanë jetuar në kohë dhe kushte të ndryshme Zoti ka shpallë ligje dhe rregulla të ndryshme që u janë përshtatur kohës dhe kushteve në të cilat janë ndodhë njerëzit. Deri sa u krijuan kushtet që këto rregulla dhe ligje për të rregulluar mardhëniet midis njerëzve të jenë të njëjtat për të gjithë njerëzit dhe kohët që do të vinin më pas.
Kjo gjë ndodhi pikërisht me Muhammedin, i cili u caktua që të jetë profeti i fundit i ardhë në tokë dhe për të gjithë njerëzit deri në ditën e Fundit.
Për të folur më qartë Feja Islame (tërësia e rregullave dhe ligjeve që rregullojnë ato 4 mardhënie që përmendëm pak më sipër), është Fe e cila nuk është themeluar nga Muhammedi, bile nga asnjë njeri tjetër, ajo është përcaktuar nga vetë Zoti dhe ka ardhë në këtë botë që me shfaqen e njeriut të parë, dhe ka vazhduar deri në kohën e Muhammedit ku aty u plotësua, e që do të ngelet deri në Ditën e Kijametit.
Sic vetëkuptohet pjestar i parë (i binduri i parë i rregullave dhe ligjeve) i kësaj feje (musliman) ka qenë vetë Ademi, pastaj të tjerë pas tij që pranuan të zbatojnë rregullat dhe ligjet e kësaj feje, u qujtën muslimanë.
Por vinin periudha kohore që njeriu për qëllime të ndryshme i ndryshonte rregullat dhe ligjet që Zoti kishte shpallë dhe i zëvendësonte ato me rregulla dhe ligje të tjera. Por kush nuk vepronte me rregullat dhe ligjet që Zoti shpallte dhe vepronte me rregullat dhe ligjet e tjera të shpikura nga njerëzit, nuk mund të konsiderohej si musliman (i binduri i rregullave dhe ligjeve të Zotit), prandaj Zoti sillte njerëz të tjerë (që konsiderohen profetë) që ua rishpallte rregullat dhe ligjet duke bërë zëvendësimet e duhura tek këto rregulla dhe ligje (duke marrë parasysh kushtet e jetesës që jetonte gjenerata së cilës i ishin shpallë këto rregulla dhe ligje).
Njeriut të cilit i rishpalleshin këto rregulla, dhe i cili ua komunikonte të tjerëve (gjeneratës ku jetonte) normalisht në atë kohë ka qenë edhe i pari (i asaj gjenerate që i fliste) që u bindej këtyre rregullave, prandaj edhe me të drejtë theksohet “Unë jam i pari që bindem (i pari prej muslimanëve)” .
Prandaj kur thuhet në Kur’an se Ibrahimi është i pari i muslimanëve, apo Muhammedi është i pari i muslimanëve, me gjithë dëshirën e flaktë të dikujt nuk mund të dalësh direkt në përfundimin se këtu kemi të bëjmë me kontradiktë (??!!), por ajo që bëhet është se duhet të shihet konteksti ku janë cituar këto pohime, gjithashtu të shihet edhe kriteri sipas të cilit Ibrahimi konsiderohet Muslimani i parë, po ashtu duhet të shihet edhe kriteri sipas të cilit Muhammedi del se është muslimani i parë.
Këto vargje në asnjë mënyrë nuk merren të shkëputura prej kontekstit dhe të injorohen kriteret sipas të cilave edhe Ibrahimi edhe Muhammedi emërohen si muslimanë të parë, sic e ka bërë ai nga ku ka kopjuar Xheni.
Mendoni se sikur të shkëputnim pohime të tilla:
Ismail Qemali është kryeministri i parë shqiptar.
Aleksandër Meksi është kryeminsitri i parë shqiptar
Fatos Nano është kryeministri i parë shqiptar.
A janë këto pohime kontradiktore???
Pohime të tilla nuk mund të konsiderohen si kontradiktore, sepse është e vërtetë se Ismail Qemali, Aleksandër Meksi dhe Fatos Nano kanë qënë kryeministra, nga ana tjetër ai që i pohon këto pohime ka parasysh një kriter që duke u bazuar tek ky kriter del që Ismail Qemali është kryeministri i parë shqiptar, po ashtu ka parasysh një tjetër kriter, që duke u bazuar tek ky kriter del se Aleksandër Meksi është Kryeminsitir i parë shqiptar, po ashtu edhe për rastin e tretë, ai ka parasysh një kriter që duke u bazuar tek ky kriter Fatos Nano del kryeministri i parë shqiptar.
Ajo që mund të thuhet për këto pohime është se ato në formën që janë cituar nuk rezultojnë të jenë të plota, por kurrësesi nuk kemi të drejtë të flasim për kontradiktë, pasi ne nuk dimë se cfarë kriteresh janë zbatuar, në bazë të të cilave rezultojnë që edhe Ismail Qemali, edhe Aleksandër Meksi edhe Fatos Nano të jenë njëkohësisht kryeministra të parë.
Nëse këto pohime do të merreshin në kontekstin e tyre atëherë do të kuptonim se:
Ismail Qemali është kryeministri i parë shqiptar i Shqipërisë së pavarur.
Aleksandër Meksi është kryeminsitri i parë shqiptar i Partisë Demokratike.
Fatos Nano është kryeminsitri i parë shqiptar që tregon papërgjegjshmëri totale.
Kështu duke i parë këto pohime pa i shkëputur nga konteksti i vet, ato dalin se nuk janë aspak kontradiktore por janë pohime mëse të vërteta.
Duke u kthyer tek vargjet kur’anore, edhe Ademi, Ibrahimi, Jakubi apo Muhammedi të gjithë këta janë muslimanë, por nëse ato vargje shihen në kontekstin e vet, del shumë lehtë në përfundimin se Ademi është i pari musliman në sipërfaqen e tokës që kur u krijua njerëzimi, Ibrahimi është i pari musliman i kohës së vet, Muhammedi është i pari musliman i kohës së vet, bile edhe Jezusi ka qenë i pari musliman i kohës së vet, dhe sipas Kur’anit edhe apostujt dëshironin të numërroheshin në radhët e muslimanëve, duke i thënë Jezusit:
“Ne do të pasojmë ty, por ti dëshmo për ne se ne jemi prej muslimanëve”
Prandaj kurrëfarë kontradikte nuk ka kur pohohet që Muhammedi është muslimani (i binduri) i parë, kontradikta do të ekzistonte vetëm atëherë kur do të pohohej që Muhammedi është i pari i muslimanëve që nga koha kur është krijuar njerëzimi.
Një pohim i tillë as që ka ekzistuar ndonjëherë në Kur’an.
Prandaj për t’iu përgjigjur pyetjes suaj se kujt t’ia japim nderin e të qënit musliman i parë, i përgjigjemi duke të pyetur se cilës kohë i rreferohesh, nëse i rreferohesh kohës kur ka jetuar Muhammedi ky nder i takon atij, nëse i rreferohesh kohës kur ka jetuar Jezusi ai nder i takon Jezusit e kështu me rradhë…