Lidhja dashurore vret elektricistin!!

[Shpirt Njeriu]

Policia e Fierit gjen vajzën të rrahur për vdekje

Një makinë e dyshimtë ka disa orë që është par-kuar në afërsi të shtëpisë sonë", ishte telefonata në adresë të policisë së Durrësit e bërë mëngjesin e djeshëm nga disa familjarë të lagjes 13, apo sektori Apolonia, që ndodhet në plazh. Ata ishin bërë kuriozë dhe më pas ishin frikësuar prej prezencës së pashpjegueshme të Benzit 200 me ngjyrë blu e targa FR 7351 B. Dyshimi i familjarëve nuk kishte qenë i kotë. Në bagazhin e makinës policia kishte gjetur kufomën e një 35-vjeçari, i cili u identifikua si Robert Mitro, nga Fieri me profesion elektricist. 35-vjeçari ishte vrarë me mjete të forta, mbështjellë me një mbulesë dhe futur në bagazhin e makinës së vet. Policia e Durrësit e kishte pasur të thjeshtë identifikimin, pasi nga kolegët e Fierit u ishte komunikuar denoncimi për humbjen e tij një natë më parë. Viktima quhej Robert Mitro. Ky kishte dy vjet që ishte kthyer nga Greqia, ku kishte jetuar së bashku me familjen e tij, bashkëshorten, Lolën, dy fëmijët e të atin. Ai njihej si një njeri i rregullt.


Skena e krimit

Menjëherë pas mësimit të lajmit, policitë e Fierit e Durrësit janë marrë me hetimin intensiv të ngjarjes. Në duar kishin fillin që mund t'i çonte drejt të vërtetës. Së bashku me viktimën, rreth orës 12.00 të së hënës ishte nisur në drejtim të Durrësit edhe një tjetër i njohur i tij, pronar i një ndërmarrjeje. Nga ana tjetër, policia e Durrësit kishte identifikuar vendin ku ishte konsumuar vepra penale. Ishte një ndërtesë 8-katëshe në ndërtim e sipër në plazh, e cila i përkiste një biznesmeni nga Fieri. Në këtë ndërtesë viktima kishte punuar për disa kohë për të bërë instalimet elektrike. Pikërisht në këtë pallat, në katin e 5-të të tij është kryer edhe vrasja. Policia kishte gjetur gjurmë të dukshme të një përleshjeje, por edhe dëshmitarë që pohonin zhurma. Sipas policies, Mitro është futur në dhomën e katit të 5-të të pallatit të papërfunduar. Në atë dhomë ai është goditur në kokë për vdekje nga një apo dy persona. Ekzekutimi, sipas policisë, mund të ketë ndodhur në mesnatë dhe rreth orës 02.00 të mëngjesit kufoma është mbledhur me batanije dhe është zbritur poshtë. Më pas është vendosur ne bagazhin e makinës dhe është dërguar para objektit ku u gjet dje në mëngjes.

Autorët e akuzuar


Burime të hetimit pohuan për Gazetën se kishin ravijëzuar një skemë të përafërt për ngjarjen. Sipas tyre, ishte zbuluar se viktima, edhe pse i martuar me dy fëmijë, kishte lidhje me një vajzë 18-19 vjeçare me origjinë nga Vlora, banore në fshatin Mbyet të Fierit. Madje, sipas të njëjtit burim, Mitro ishte lidhur me vajzën ndërsa punonte në Durrës duke bërë instalimet pikërisht te pallati i një të afërmi të saj. Sipas hetimit të policisë së Fierit, autori i dyshuar për vrasjesn mendohet të jetë I. B, një kushëri i vajzës i cili është shpallur në kërkim. Kështu përfund kësaj logjike, policia pohon se kishte të ngjarë që njerëzve të vajzës nuk u kishte pëlqyer fakti i lidhjes së njeriut të tyre me një burrë të martuar, por nuk përjashtohet mundësia e veprimit të tyre në momentin kur do të kenë mësuar apo hipotezuar se Mitro mund të kishte qëllime të këqija ndaj vajzës. Një i tillë, sipas policisë, ka qenë mundësia e dërgimit të vajzës për në Itali si prostitutë.

Gjendet nga policia vajza e konfliktit e rrahur për vdekje


Vajza e konfliktit që solli ekzekutimin e Robert Mitros, është gjetur nga policia e Fierit në afërsi të fshatit Mbyet, pranë vendit ku banonte me gjyshen. Ajo ishte në gjendje të rëndë shëndetësore, e rrahur për vdekje me shumë shenja dhune në trup. Vajza 17-vjeçare është dërguar në spitalin e Fierit në rapartin e urgjencës ku i është dhënë ndihma e parë. Sipas policies, ka të ngjarë që skena e krimit të jetë luajtur në sy të vajzës, madje ajo të ketë provuar edhe tmerrin e dhunës pikërisht se bashku me Mitron. Policia dyshon gjithshtu se telefonata që i është bërë Mitros për të shkuar në Durrës, të jetë bërë pikërisht nga vajza me të cilën ai kishte lidhje. Në një dhomë të katit të pestë, Mitro është goditur në kokë për vdekje nga një apo më shumë persona.

Bashkëshortja: Denoncova pasi Berti nuk m'u përgjigj në telefon

E shoqja e viktimës, Lola, në gjendje tepër të rëndë (është darkë dhe ende nuk e di se çfarë i ka ndodhur të shoqit të saj, pasi askush nuk i ka thënë me saktësi), gjatë një kontakti me Gazetën thotë: "Të hënën në mesditë, rreth orës 12.00, Berti u nis për në Durrës së bashku me një shokun e tij. Prita gati 5 orë telefonatën e Bertit, pasi isha mësuar që më merte çdo një orë, apo çdo dy orë, gjatë gjithë ditës dhe e mora vetë në telefon, por ai vazhdimisht e kishte të fikur. Më pas, rreth orës 18.30 shkova të interesohesha në polici se mos kishte ndodhur ndonjë aksident. Por më thanë se nuk kishte ndodhur asnjë aksident deri në ato momente. Meqë isha atje unë bërë dhe një denoncim për faktin që burri im kishte kohë që ishte nisur për në Durrës dhe ende nuk ishte kthyer. Shumë veta mund të qeshnin me këtë fakt, por unë e di që Berti kurrë nuk rri pa më marë në telefon dhe për më tepër nuk e fik telefonin e tij".

[Shpirt Njeriu]

Nje tregtar nga Fieri ka mbetur i vdekur ne Durres gjate nje perleshje me nje tjeter bashkeqytetar te tijin. Burimet policore nga qyteti bregdetar bejne te ditur se vdekja ne Durres duket se ka qene perfundimi i nje historie te gjate te nisur pikerisht ne Fier. "Robert Mitro 37 vjec, ka marre nje vajze nga familja e saj ne Fier dhe te afermit e saj jane hakmarre", thane burimet policore. Nga hetimet e para dyshohet se nje autor i krimit eshte Ismet Borici, 27 vjec, banues ne lagjen "Liria" te Fierit. "Konflikti mes dy personave ka nisur kur Mitro ka marre per arsye ende te panjohura nje vajze, te afert me familjen e Boricit dhe eshte larguar se bashku me te", thane burimet e policise se Durresit. Burimet shtojne se, forcat e policise po punojne intensivisht per zbulimin e vendndodhjes se Boricit dhe per ndalimin e tij. Mitro eshte gjendur i vdekur, pasoje e goditjeve me sende te forta, ne bagazhin e autovetures se tij te braktisur ne Plazh. Sipas te dhenave te para nga ekspertiza mjeko-ligjore, Mitro kishte vdekur rreth ores 01:00 te mengjesit te djeshem. Trupi eshte zbuluar nga uniformat blu, dje ne mengjes rreth ores 08:00, pas dyshimeve te disa qytetareve mbi autoveturen e braktisur. Megjithate, ende mbetet e mistershme sesi historia e nisur ne Fier, perfundoi ne Durres.

Nje femer ne mes, nga Fieri ne Durres

Burimet zyrtare te policise se Durresit bejne te ditur se dinamika e vrasjes eshte thuajse zbardhur plotesisht. Ne kete fakt kane ndihmuar edhe informacionet e marra nga Fieri. Robert Mitro, 37 vjec, lindur e banues ne lagjen "16 Prilli" ne Fier, prej disa kohesh punonte si hidraulik/elektricist ne nje pallat qe po ndertohej ne Plazhin e Durresit, te sektori "Hekurudha". Gjate kesaj kohe, ai banonte ne nje apartament ne katin e peste te nje pallati ne sektorin "Hekurudha" te Plazhit. Nderkohe, dyshimet mbi vrasjen kane rene mbi Ismet Boricin, 27 vjec, lindur e banues ne lagjen "Liria" ne Fier. Mesohet se Ismet Borici nuk ka qene i vetem ne aktin e kryer, por bashkepunetori ende mbetet sekret. Shkak i vdekjes se Mitros eshte bere nje vajze te cilen ai e ka marre nga Fieri. Duket se, per te bashkejetuar gjate kohes qe Mitro qendronte ne Durres, ai kishte patur nevoje per pranine e nje femre. Pjese e hetimeve eshte bere edhe pista e mashtrimit te saj nga Mitro per qellime trafikimi, por kjo duket shume e zbehte pasi viktima nuk kishte precedente penal te nje natyre te tille.

Zbulimi i trupit

Kalimtaret e shumte, qe shijojne ajrin e mengjesit ne bregdet, kane qene ata qe kane lajmeruar policine. Nje autoveture pa targa dhe me celesin ne vendin e duhur ka ngjallur dyshime. Rreth ores 08:00, uniformat blu kane mesuar se behej fjale per nje njeri te vdekur. Marrja ne pyetje e punetoreve te pallatit ku Mitro punonte si hidraulik dhe elektricist ka zbardhur jeten private te viktimes. Kjo ka bere qe, ne kontakt me koleget e tyre ne Fier, policia e Durresit te zbardhe pjesen me te madhe te krimit. Megjithate, autoret mbeten te lire. Te pakten njeri prej tyre, Ismet Borici, eshte tashme i shpallur ne kerkim.

[Shpirt Njeriu]

Ekspertiza mjeko-ligjore ka treguar se autoret e dyshuar ndoshta nuk jane ndeshur me Mitron, me mendimin per ta vrare. Ngjarja ka filluar ne nje apartament ne Plazh, ku Mitro banonte perkohesisht. Policia eshte e sigurte se behet fjale per me teper se nje autor. Ne fakt, dyshohet se jane dy. Ata kane hyre ne banesen e Mitros, pa perdorur force. Ketu, ne hapjen e deres se apartamentit, dyshohet pjesmarrja e femres me te cilen ai bashkejetonte. Nje debat ka precipituar mes paleve dhe dy njerezit e ardhur nga Fieri e kane goditur Mitron me sende te forta. Mesohet se ai ka marre disa hematoma ne koke dhe objekti mendohet te kete qene nje leve hekuri. Por, duket se autoret, jane gjetur te papergatitur nga vdekja e tij e menjehershme. Mitro ka rene i vdekur ne dysheme dhe autoret jane mundur te fshehin sa me teper gjurme. Ata e kane mbeshtjelle viktimen me nje batanije dhe, duke perfitur nga erresira, e kane futur ne bagazhin e makines se vete atij. Autovetura, e tipit Mercedes-Benz, me targe FR 7351 B, eshte derguar ne breg te detit dhe eshte braktisur. Mesohet se celesi i autovetures ishte ende ne kuader, por targat i ishin hequr dhe marre nga autoret.

[Laerta]

Kane qene 6 anetare gjithsej, qe kane bere krimin, dhe kriminelet kane ikur dhe nuk dihet se ku jane. Ketu nuk ka muhabete vajze por me teper lekesh. I ziu ai qe ka pare tmerr me sy si e kane torturuar dhe e kane vrare pak nga pak, pale la dhe dy femije. Ato kriminele duhen varur ne mes te sheshit qe te behen shembull per te tjeret