Skandali në Paris, policët seks me vajzat shqiptare
Image PARIS – Shtatë policë të shërbimit të sigurisë publike dolën në gjyq për ushtrim të dhunës seksuale ndaj vajzave shqiptare dhe me origjinë lindore, ndërsa po kaq të tjerë hetohen për gjobëvënie ndaj taksistëve, me qëllim përvetësimin. Shërbimi i Kontrollit në policinë e Parisit identifikoi 14 oficerët me shkelje të rënda tre vite më parë dhe pas hetimeve të kryera i ka dërguar në Gjykatën e Parisit për abuzime me detyrën. Lajmin e botoi e përditëshmja franceze “Le Figaro” ditën e djeshme, duke iu referuar zyrtarëve të drejtësisë.Çështja e dhunimit seksual të dy vajzave shqiptare klandestine në kryeqytetin francez ka nisur gjatë vitit 2003 kur u bë dhe një denoncim. Hetimet disavjeçare nxorrën fajtor tre prej policëve, ndërkohë që katër të tjerë janë ende në hetim. Po kështu shtatë punonjës të policisë rrugore investigohen për vënie të gjobave personale nga 50-150 euro për çdo shofer taksie në rrugët e Parisit. Efektivët ishin të zonës së Deuil-la-Barre, në Val d'Oise. Dosja në gjykatë është dërguar gjatë muajit maj të këtij viti, ndërsa zyrtarët disa ditë më parë deklaruan përfundimin e hetimeve të nisura. Gjyqi i parë u zhvillua ditën e djeshme, ndërkohë që shtatë prej policëve mbahen nën ruajtje nga kolegët, pas vlerësimit me arrest shtëpie. Shërbimi i Inspektimit të Përgjithshëm (ISG) bëri të ditur se hetimi ka qënë tre vjeçar dhe i mbështetur në denoncime e fakte. Referuar në dosje, e përfunduar më 12 Dhjetor 2003, Cyril Dussart, Romaric Leclerc dhe Yohann Mahé, të tre të martuar dhe me fëmijë, dyshohen se kanë abuzuar me detyrën që kryenin, duke dhunuar dy vajza shqiptare pa dokumenta dhe një lituaneze. Dhunimi ka qenë seksual dhe fizik. Ndërsa për një pjesë tjetër akuza ishte mosdenoncim i krimit të ndodhur. Megjithatë edhe dje data e procesit ka mbetur pezull për këtë grup. Dyshohet se policët ishin të dehur gjatë momentit të krimit të kryer. Por ngjarjet kanë qenë të përsëritura. Sipas fakteve, më 8 Pvril 2003, Cyril Dussart dhe Romaric Leclerc pasi kanë braktisur qëndrën e punës, së bashku janë larguar me një makinë dhe me uniforma për të bërë një xhiro rreth Parisit. Në boulevard kanë ndaluar një vajzë të re shqiptare duke i kërkuar dokumentet dhe lejen e qendrimit. Pasi konstatuan se ishte e parregullt, policët i ofruan një shërbim tjetër në këmbim të mosshoqërimit në komisariat. E kanë çuar afër “Stadiumit të Francës” dhe aty e përdhunuan dhe rrahur keq. Rreth orës 03.00 të mëngjesit të dy efektivët, të shoqëruar këtë herë edhe nga një i tretë, Yohann Mahé, kanë dalë në Paris me makinë private dhe kanë takuar një vajzë shqiptare dhe një lituaneze. Edhe me këto kanë bërë të njëjtën gjë. Vajzat denoncuan ngjarjen, duke shkaktuar një skandal në opinionin francez për policinë.
Gazeta Sot
13-09-2006
Përgjigju Duke Cituar
Postuar më parë nga alibaba
Krijoni Kontakt