Prodhuesit rrisin cmimin e bukes ne Shqiperi

[Albo]

Monopolet, gruri shitet 290 dollarë për ton, kushton vetëm 195

Çmimi i bukës është rritur për shkak se nga tre kompani që importojnë grurin, dy janë në duart e Nanos. Kështu tha kryetari demokrat, Sali Berisha gjatë mbledhjes së djeshme të aktivit të Tiranës. Ai theksoi se çmimi i grurit në tregun botëror është shumë më i ulët se çmimi i grurit në vendin tonë. "Çmimi i bukës u rrit vetëm e vetëm se nga tre kompani të importit të grurit, dy janë në kthetrat e plota të klanit të Fatos Nanos. Njëra "Bleta Kompani" që drejtohet nga ish kryedoganieri i Fatos Nanos, i cili bëri kërdinë në dogana derisa ia hoqën ndërkombëtarët. Bleta është gjysëm për gjysëm me Fatos Nanon, ndërsa tek tjetra është përsëri Nano aksioner kryesor. Gruri në bursë i kuotuar është 197 dollarë toni në fakt është nën mesatare të çmimit të grurit po të krahasohet me shumë vite. Kurse klani i grurit të Nanos dhe Dukës, sepse po qe ushqim pas tij qëndron Duka dhe Nano, e shet këtu grurin 295 dollarë tonin. Ndaj dhe na rritet dhe çmimi i bukës. Kjo rritje është një vepër e monopoleve të Fatos Nanos, është antireformë dhe buka nuk mund të rritet pa u kompensuar. Pse nuk u rrit buka gjatë gjithë këtyre viteve plotësisht e liberalizuar. Nuk u rrit për sa kohë nuk ishte vërsulur Nano drejt importit të grurit me ministrin e tij," tha kryetari demokrat.