"Mjaft": Nano s'mund të flasë për imazh të mire të vendit

[Brari]

KJ

--------
"MJAFT" SQARON OPINONIN SE LEVIZJA ESHTE E TYRE

Levizja "Mjaft", gjate nje prononcimi publik sqaroi dhe njehere pozicionin e saj ne levizjet e ndermarra nga shoqeria civile, si reagim ndaj problemeve qe ate e shqetesojne. Sipas drejtuesve te saj kjo levizje nuk identifikohet me asnjeren nga forcat politike qe lufton per te mbrojtur ose marre pushtetin. "Mjaft" ka lindur dhe do te vazhdoje te ekzistoje si nje artikulim i nje revolte qytetare kunder gjithe klases politike shqiptare e cila me paaftesine e sj s'mund t'u jape me zgjidhje problemeve te shqiptareve", thuhej ne deklaraten e kesaj levizje. "Mjaft" premtoi se pavaresisht spekullimeve politike, vazhdon t'i perkushtohet zgjidhjes se problemeve te pafundme qe shqetesojne qytetaret. Per kete arsye kjo levizje ftoi dhe njehere qytetaret e Shqiperise, qe ashtu si tani te mbeshtetin kete levizje ne nismat qe burojne vetem nga revolta e brendshme e njerezve, te cilet shohin sesi u administrohet ne menyre te padenje qofte qeverisja qofte opozita.

T.B



-----------------

koment..

Po mire..ja e rrezoi Mjafti kte Qeveri.. por vendi pa Qeveri s'ben te jete... e ke personalitet e grup personalitetesh parashikon Mjafti te qeverise Vendin?

?????

[PrInCiPiEl]

- Parti e re politike ???

[Brari]

Tema




-------
EDITORIALI

Identiteti i "Mjaft" dhe këshillat e pamjaftueshme

Nga Mero Baze

Dje në tribunën ku shfaqen zakonisht djemtë e lëvizjes "Mjaft", pati një krisje të lehtë. Qytetarët e grumbulluar refuzuan në mënyrë masive të fliste para tyre Mustafa Nano, një kolegu ynë gazetar, i njohur si antiopozitar shembullor. Ky incident pasoi një sërë përkujdesjesh të djemve që përpiqen të formësojnë këtë lëvizje, për të mos u identifikuar me forca politike, për të qenë thuajse vetëm protestues estetikë në këtë krizë politike, shoqërore, sociale dhe morale të shoqërisë shqiptare. E them që në fillim se nuk e miratoj refuzimin e njerëzve për të dëgjuar Mustafa Nanon. Por edhe ata janë të lirë të dëgjojnë kë duan ata, dhe jo kush u zë rrugën. Ajo që ndodhi dje tregon se ka ardhur një moment kur lëvizja "Mjaft", nuk është më një shtab regjisorësh dhe gallataxhinjsh që kritikojnë të metat e qeverisë. "Mjaft" ka thirrur në ndihmë mbështetësit antiqeveritarë, ka thirrur në ndihmë ata që nuk besojnë te kryeministri, ka thirrur në ndihmë ata që e dijnë se çmimet e Telekomit, nuk janë gabime borderosh, ka thirrur në ndihmë ata që mungesën e ujit e kuptojnë se nuk vjen nga tekat e drejtorit të ujësjellësit. Lëvizja "Mjaft" ka thirrur në ndihmë qytetarët që janë në kërkim të ndryshimit. Ata mund të mos guxonin deri këtu. Ata mund të mbeteshin tek ato spektaklet e vogla guerrile kundër qeverisë që na argëtonin të gjithëve. Por kur kërkon dorëheqjen e kryeministrit, ka nevojë për më shumë identitet. Kryeministri i Shqipërisë nuk është kryetar shoqate dhe, për më tepër, ky kryeministër gjithmonë është larguar me qamete të mëdha. Në vitin 1991 u desh të varroseshin të gjallë minatorët në Valias, në vitin 1998 të varrosej Azem Hajdari dhe tashmë të varroseshin dhjetëra vetë në det. Përballë këtij kryeministri nuk dilet për t'u argëtuar, por për të luftuar. Dhe ky kryeministër nuk luftohet duke nxjerrë para qytetarëve të zemëruar me të, një simbol antiopozitar si kolegu ynë Mustafa Nano. Ajo që ndodhi dje tek protesta e "Mjaft", tregon se lëvizja po përjeton rritjen e saj, daljen nga skema e prodhuar në laboratorë antiopozitarë. Ajo ka thirrur në ndihmë njerëzit e zemëruar me qeverinë dhe ka kërkuar të largohet kryeministri. Që të jemi deri në fund seriozë, ky është një mision i pamundur për një lëvizje që nuk është e qartë në strategjinë e saj për ta realizuar këtë objektiv. Pesha e protestës është një ortek që shpesh zë nën vete edhe ata që nuk e udhëheqin dot. "Mjaft" ka nevojë t'u thotë "mjaft" edhe kostumeve që ka marrë me qira kur ishte spektakël. Tani është përballë qeverisë.

-----------

Mir e ka Merua..se mutafa Nano u be anti qeveri kur u hoq Klosi nga Shiku.

po te vihet Klosi perseri Mutafa del i ze me dru mjaftistet se Mutafa merrte rrog te majme nga fondet e Klosit..

[dodoni]

Mjaft: Kryeministri të japë dorëheqjen


Shekulli

TIRANE - Për herë të parë dje gjatë një proteste paqësore, lëvizja “Mjaft” i kërkoi dorëheqjen kryeministrit Fatos Nano vetëm pak metra poshtë dritareve të zyrës së tij. Mijëra qytetarë të Tiranës ju përgjigjën thirrjes së “Mjaft”-it për të protestuar para Kryeministrisë pas tragjedisë së 9 janarit dhe papërgjegjshmërisë sipas tyre, të kryeministrit të vendit. Duke bërë kujdes që lëvizja në përgjithësi por dhe tubimi i djeshëm, i cili në përmasa ishte më i madhi që në krijimin e kësaj lëvizjeje të mos merrte ngjyrime politike, drejtuesit kujtonin herë pas here se nuk ishin krah dhe as të nxitura nga asnjë parti politike por një lëvizje qytetare që synon zgjimin dhe sensibilizimin e qytetarisë për t’i thënë mjaft nëpërkëmbjes së të drejtave dhe dinjitetit të shqiptarëve nga ana e qeveritarëve. Me thirrje të forta, “Mjaft Fatos Nanos” “Mjaft politikanëve”, të pranishmit arritën që të shuajnë edhe disa zëra brenda turmës që dukej qartë se ishin anëtarë dhe militantë të ndonjë force politike. Me nga një qiri në dorë, kryeqytetasit të elektrizuar nga nxitjet që vinin nga podiumi bashkoheshin në kor duke i kërkuar politikanëve dhe në veçanti qeverisë, dhënien fund të metodave poshtëruese dhe të papërgjegjshme. Edhe gjatë paradites së djeshme, në një konferencë për shtyp, drejtuesi i lëvizjes, Veliaj, tha se “Ne dëshirojmë të themi që në fillim qartë dhe prerë, se MJAFT! nuk mbështet dhe as nuk mbështetet nga asnjë prej forcave që veprojnë në spektrin politik shqiptar. Se lëvizja MJAFT! nuk identifikohet me asnjërën prej tyre dhe nuk mbron interesat e asnjërës nga forcat që luftojnë për të mbrojtur ose marrë pushtetin. Madje, sipas tij, lëvizja MJAFT! ka lindur dhe do të vazhdojë të ekzistojë si një artikulim i një revolte qytetare kundër gjithë klasës politike shqiptare. “Klasë, e cila me paaftësinë e saj për të kuptuar dhe për t’u dhënë zgjidhje problemeve të qytetarëve të saj, është shndërruar me këtë paaftësi që tregon, në arsyen e ekzistencës së kësaj lëvizjeje. Pavarësisht nga spekulimet politike, kërkesat e lëvizjes MJAFT! janë dhe do të mbeten vetëm shprehje e ndjeshmërisë qytetare. Këto kërkesa gjenerojnë vetëm nga revolta e brendshme e njerëzve të cilët shohin teksa u administrohen në mënyrë të padenjë, qoftë nga qeverisja, qoftë nga opozita”,-tha ai. Ndërkaq po sot në të njëjtën orë dhe në të njëjtin vend “Mjaft” do të organizojë protestën e radhës.



17/01/2004

Mendoj se kjo do të kishte shumë më efekt po të bëhej para kongresit dhe gjatë kohës së krizës qeveritare por edhe tani nuk është vonë. Mirëpo pyetja kryesore që parashtrohet në këtë moment është Kush pas Nanos?
Berisha!!
Së pari nuk e besoj të jetë në interesin shqiptare qenia e Berishës në krye të vendit dhe këtë gjë e dijnë edhe shqiptarët prandaj edhe nuk ka përkrahje për momentin nga shqiptarët megjithëse një përmirësim i tij dhe vënien e interesave shqiptare në plan të parë edhe mund ta sjell në pushtet.
Mirëpo, unë prapë mendoj se largimi i Nanon dtth largim i Berishës sikur largimi i Berishës që dtth edhe largim i Nanos. Këta të dytë mendoj se janë duke e mbajtur njëri-tjetrin në politikë dhe kjo mendoj se nuk është në interesat tona më të mira prandaj edhe që të dy këta duhet ikur.
Mendoj se si PS ashtu edhe PD kanë intelektual të pastër dhe shumë më të mençur se të dy këta për të çuar vendin përpara dhe bashkuar me Kosovën që në të njëjtën kohë do të thoshte një shtysë shumë e madhe edhe ekonomisë sonë gjithëkombëtare. Kjo pastaj do të integronte edhe vendin shumë më shpejt në institucionet euroatlantike.
Mendoj që nga PS duhet të largohen Nano dhe Angjeli kurse të tjerët mendoj se mund ta udhëheqin shumë më mirë PS-në dhe sidomos duke futur më shumë FRESSH-istë në strukturat më të larta të kësaj partie. E
Nga PD, mendoj se largimi i Berishës mjafton dhe edhe ata rinia demokratike duhet të marrë pjesë më shumë në frenat e kësaj partie.
Rinia e të dy partive, shumica kanë studiuar në univerzitetet më të mira botërore dhe kanë më shumë përvojë jete në sistemet demokratike më perfekte në botë, poashtu janë njerëz të pastër të painkriminuar dhe që mendoj se kanë marrë mësimet e duhura nga demokracia moderne se karriera politike mund të bëhet vetëm duke përfaqësuar më së miri interesat më të mira të kombit që e përfaqësojnë dhe duke ofruar plane dhe projekte më të mira të mundshme për zgjidhjen e çështjeve të ndryshme tona kombëtare duke filluar nga ato më madhoret e deri në detajet më të vogla.

Përshëndetje dhe urime MJAFT-it për punën e mirë që janë duke e bërë.

[Albo]

Mjaft kerkon te "rrezoje" kryeministrin Nano nga pushteti? Edhe pse drejtuesit mundohen te hiqen si "jo-politike", thirrjet e tyre po marrin ngjyra politike? Ajo qe une dua te di eshte:

Ishte 'Mjaft' apo shqiptaret ne shesh qe therrisnin per doreheqjen e Nanos?

Megjithate, Mjaft eshte shume i kendshem. Mjaftistat u nxjerrin ne shesh shqiptareve perpara kryeministrise, Nanon qe ti flasi Nanos. Njeri e ka emrin Mustafa e tjetri e ka Fatos. Mustafa nuk ia thurri dot lavdet shokut Nano nga sheshi, ia thurri ne faqet e Shekullit pasi aty shqiptaret nuk kane ze qe te protestojne duke i prere fjalen shokut Fatos.

Albo

[Albo]

Ekskluzive për gazetën "TemA" nga Erion Veliaj, drejtor ekzekutiv i Lëvizjes "Mjaft"

"Mjaft": Referendum për shkarkimin e Nanos

Kryeministri nuk ka identitet moral të tillë që të kërkojë dorëheqje. Duhet ta detyrojmë. Mendojmë për thirrjen e një referendumi mbarëkombëtar me 50 mijë firma votuesish. Presidenti për çështje madhore, ka të drejtë të thërrasë një referendum

Dëgjoj nga shumë njerëz të afërt që më thonë "Fatos Nano ka kërkuar t'ju blejë dhe pyesin a shiten ata çunat". Dëgjon gjëra nga më të ndryshmet. E vetmja gjë që na mbetet është integriteti ynë

"Mjaft"-i vërtet është apolitike, por nuk mund të qëndrojë jashtë politikës

Erion Veliaj, drejtues i lëvizjes "Mjaft"

Lindur më 17 dhjetor 1979 në Tiranë

Mbaron shkollën e mesme tek "Sami Frashëri"

Nis shkollën për shkenca politike në Miçigan

Pas vitit të parë të studimeve kthehet dhe punon një vit e 3 muaj në Peshkopi me refugjatët kosovarë dhe 9 muaj në Prishtinë

Gjatë viteve të shkollës punon për agjenci të ndryshme si OKB, OSBE, Kryqi i Kuq. Në El Salvador, kur ra tërmeti dhe në Kongo në ndihmë të të dëmtuarve nga vullkani. Merret me konsulenca të ndryshme në Afrikë dhe Amerikën Qëndrore, Ruanda, Burundi, Uganda.

Në fund të 2002-it jeton në Ruanda. Punon për një projekt të presidentit që bëri pajtimin kombëtar.

Diplomohet për shkenca politike.



Me një diplomë të një universiteti prestigjoz, përse zgjodhët të ktheheni në Shqipëri?

Sapo mora diplomën dhe isha përballë dilemës çfarë do të bëj me jetën. Kisha shumë lidhje me Shqipërinë, edhe këtu rrija dy ditë sa nuhasja situatën, shihja çfarë bëhej. Pjesën tjetër të kohës shkoja në Maqedoni, Kosovë apo Serbi. Asnjëherë s'jam infiluar në ndonjë parti politike, prindërit e mi gjithashtu. Im atë vdiq kur unë isha 10 vjeç, kështu që nuk jam rritur në një familje me background politik. Pata disa oferta shumë të mira për punë në OKB dhe agjenci të tjera dhe u vendosa para dilemës: të nis një punë që më paguan 10 mijë euro në muaj, apo një punë që nuk marr as një të 80-ën e saj, e për më tepër përflitem. Dhe kur njeriu është 23 vjeç mendon se i duhen mjaftueshëm para. Aq sa për të paguar qiranë, naftën dhe kafen e mëngjesit. Qoftë karriera, qoftë burimi i të mirave materiale, presin. Me sinqeritetin më të madh, është kjo arsyeja që erdha në Shqipëri, përveç faktit se do të isha pranë familjes. Kështu i refuzova të trija ofertat, për t'iu futur idesë së çmendur të "Mjaft"-it.



Në çfarë parimesh u bazuat sapo nisët punën?

Ajo që na brente më shumë, ishte fakti që njerëzit edhe pse jetonin në skamje, që çdo ditë përballeshin me politika korruptive, e konsideronin si diçka normale. Thoshin "kështu e ka jeta", "në Shqipëri jemi". U duk sikur njerëzit nënshkruan çertifikatën e heshtjes: "unë dorëzohem përballë një realiteti që nuk e ndryshoj dot dhe pranoj që Shqipëria nuk bëhet". Ajo që pamë ishin listat ose indeksin e zhvillimit njerëzor që nxirret OKB-ja. Shqipëria nga viti '98-'99 sa vinte dhe zbriste në këtë indeks. Shkonte në një familje me vendet e Afrikës. Dikush që kishte jetuar në këto vende, ndihej dyfish keq për faktin që Shqipëria është në këtë nivel. Qëllimi i parë ishte të grisnim këtë çertifikatë të heshtjes, në mënyrë që ata të thoshin "këtu jam dhe unë". Ky ishte qëllimi primar: të shkundej apatia qytetare dhe njerëzit të fillonin të angazhoheshin, të interesoheshin. Jo se nuk interesoheshin, por instituti i interesimit ishin bërë kafenetë, ndërkohë që keqqeverisja nuk pyet shumë për muhabetet e kafenesë. Qëllimi i dytë ishte të rehabilitohej sensi i protestës. Teatri në rrugë, psh., është një formë si mund të protestohet. Jo gjithmonë gurët dhe zjarri janë e vetmja alternativë. Rasti konkret: KESH-i dhe Telekomi as e morën mundimin të reagonin kur Akademia e Shkencave u bëri oponencë. Në momentin që panë letër higjenike, deshën të na hidhnin në gjyq.



Keni gjetur një mënyrë shumë origjinale për të protestuar. Janë idetë tuaja, apo ndiqni ndonjë model?

Duhen gjetur mesazhet që jo vetëm i bëjnë njerëzit të qeshin, por japin edhe një mesazh shumë të fortë. Janë ide që na lindin duke ecur nëpër zyra. Oponencat ligjore nuk zgjidhin gjë në Shqipëri, sepse vetë sistemi është i korruptuar. Njerëzit e kuptojnë më kollaj kur dikush ua artikulon shumë thjesht: "Çmimet e Telekomit janë thjesht shumë të shtrenjta, ose zhurma e gjeneratorëve do t'ju buçasë aq shumë në derë, sa nuk do t'ju lërë të punoni".

E njëjta gjë ishte edhe me gomonet. Njerëzit ia lënë jetën e tyre në dorë një strukture plastike. Kanë arritur deri në atë pikë sa më shumë besojnë tek ai mjeti prej gome, sesa tek shpresa që mund të japë një qeveri. Kështu kemi bërë, kemi gjetur mënyra që mesazhi të jetë shumë gazmor, por edhe shumë i fortë. Të përpiqemi të tregojmë fytyrën e një Shqipërie tjetër.



Kam ndjekur analizën që ju bëtë pas fazës së parë të lëvizjes. Thatë që faza e dytë do të jetë më e fortë, dhe ishte vërtet kështu. A ka ndikuar rrjedha e ngjarjes në suksesin tuaj?

Ne mbajtëm premtimin tonë duke u nisur që nga debatet për zgjedhjet. Në fazën e dytë filluam aksione konkrete ose blic siç i quajmë. Kryeministri ishte aq dështak, sa nuk erdhi në kohë për të ngushëlluar familjarët e viktimave ose për të kërkuar falje për faktin që funksionarë të lartë të shtetit ishin përfshirë. Kjo ishte diçka që ne s'e programonim dot, kur intensifikuam lëvizjen, nuk mund të merrnim parasysh dëmin e madh social qo do t'i shkaktonte Shqipërisë një bombë sociale. Besoj aleati më i madh në suksesin e lëvizjes ka qenë arroganca e qeverisë, mënyra arrogante me të cilin një njeri përballet ka qenë ajo që në mënyrë indirekte na ka dhënë një krah, sepse sa më shumë të papërgjegjshëm kanë qenë qeveritarët tanë, aq më shumë ka justifikuar ekzistencën tonë si lëvizje.



Flitet se qëndron dikush prapa "Mjaft"...

Ndonjëherë më vjen për të qeshur, pagesat tona janë minimale për të mos thënë skandaloze për të përballuar jetën në Tiranë. Kur dëgjon p.sh. "Mjaft-i merr para nga opozita". Eshtë e çuditshme imagjinata e njerëzve, nuk mund të pranojnë diçka për atë që është dhe nga paaftësia për të zgjidhur problemet e tyre, janë kthyer të gjithë në pseudoanalistë. Në të vërtetë nuk është askush mbrapa "Mjaft". Janë ata njerëz që e krijuan "Mjaft" me sinqeritet dhe çiltërsi rinore.



Si e përballoni koston e veprimtarisë suaj?

Aktualisht na duhet një kosto minimale. Duhet të paguajmë një qira dhe të kemi një rrogë të vogël sa për të paguar disa shpenzime. Dhe shumica e gjërave na dhurohen, p.sh., postën e kemi falas nga një shërbim postar, po kështu fotokopje, printimin, kisha dhe xhamia na kanë dhënë qirinj, letër higjenike secili ka sjellë nga shtëpia e vet. Shumica e gjërave që bëjmë nuk kushtojnë ndonjë gjë. Ndërsa organizatat e tjera bëjnë konferenca në "Sheraton" konferencat tona i bëjmë në rrugë dhe japin mesazhe shumë më të fuqishme dhe kushtojnë qindarka, për të mos thënë asgjë. Dhe pjesa tjetër janë kontributi i secilit prej nesh. Ajo që ndodhi përpara kryeministrisë ishte me të vërtetë diçka e madhe, por dikush na fali një beze, një tjetër solli lulet dhe qirinjtë.



Kush ua jep rrogën?

Kemi një grant nga Ambasada Hollandeze, por bëhet fjalë për qindra euro, jo për shuma kushedi se çfarë. Momentalisht nuk kemi asnjë mbështetje financiare. Ata që llomotisin për miliona sikur t'i dinin vërtet kushtet, s'e di a do t'u vinte turp, ndërsa ne do të ndiheshim mirë.



Keni lidhje me organizata të huaja?

Kemi disa lidhje me disa organizata të huaja, por jo lidhje financiare. Një shkëmbim eksperiencash, partneriteti, shkëmbim strategjish dhe përvojash, si ndërtohen rrjetet e organizimit qytetar. Kemi një mbështetje tepër të madhe nga mediat e huaja, BBC, Radio France International, gazeta "The Guardian", gazeta "Corriere della Sera", "The Indipendent". Na kanë ndihmuar shumë sidomos për fushatën kundër dhunës greke në kufi.



Dje është parë suksesi juaj. Në konferencë për shtyp keni deklaruar që do të jeni larg çdo partie politike. Si do të shpëtoni nga lidhje të tilla?

E gjitha është çështje vendimesh. Dëgjoj nga shumë njerëz të afërt që "Fatos Nano ka kërkuar t'ju blejë, dhe pyesin a shiten ata çunat". Dëgjon gjëra nga më të ndryshmet dhe e vetmja gjë që na mbetet është integriteti ynë. P.sh., fakti që kërkuam dorëheqjen e kryeministrit ose faljen si minimum moral, si shprehje e qytetarisë, nuk do të thotë që "Mjaft" u bë me opozitën. "Mjaft"-i vërtet është apolitike, por nuk mund të qëndrojë jashtë politikës. Në momentin që merr përsipër të mbrosh interesat e qytetarëve, bën politikë. As nuk mund të përdoremi dhe as nuk do të regjistrohemi në parti politike, por nuk mund të anashkalojmë situata kur një parti politike kërkon të njëjtën gjë dhe vërtet ne besojmë që kjo është në interes të qytetarëve.



Keni thënë që nuk do të largoheni nga sheshi para kryeministrisë, derisa Nano të kërkojë falje dhe të japë dorëheqjen...

Zyrtarisht "Mjaft" nuk ka thënë që do të vazhdojë të protestojë para kryeministrisë. E tha një nga spikerat në protestë. Ne do të ngelemi brenda strukturave ligjore. Duke mos e ditur sesi do të ishte mitingu i së premtes, nuk morëm leje për një miting të shtunën. Na duhet të gjejmë një strategji. Kam frikë se Kryeministri nuk ka një identitet moral të tillë që të kërkojë dorëheqje. Duhet të detyrohet. Por ky detyrim nuk duhet të vijë vetëm nga protestat. Duhen parë alternativa të ndryshme. Psh., ajo që menduam sot ishte thirrja e një referendumi mbarëkombëtar me 50 mijë firma votuesish. Presidenti për çështje madhore ka të drejtë të thërrasë një referendum, pra ajo do të ishte vërtet arritje. Vërtet dolën 5 mijë vetë në shesh dje, por a janë vërtet mbi 50% e shqiptarëve që duan këtë gjë. Unë them se po, por nuk mund ta provoj. Një referendum mund ta provonte fare mirë. Kjo është një metodë që "Mjaft"-i do ta eksplorojë. Janë alternativa që ekzistojnë brenda kushtetutës. Këtë fundjavë do të reflektojmë. Por ndoshta mund t'u rikthehemi protestave rutinë çdo të premte.

Alida Beqiri

[Dita]

Realizimi i referendumeve te thirrura nga levizje qytetare tregon nje shkalle te larte ne demokracine e nje vendi. Mund t'i quash dicka normale ne nje vend si Zvicra. Po ne nje vend si Shqiperia ku nuk po zhvillohen nje pale zgjedhje ne menyre normale, po rezultatet vazhdimisht kontestohen, ku vazhdimisht zhvillohen pastaj fushata per pastrimin e rezultateve dhe pastrimin e fytyres para institucioneve nderkombetare qe vene vulen mbi dokumentat perfundimtare, nuk besoj se eshte zgjidhja me vend per te levizur vendin nga gjendja ku ndodhet.
Tek tema mbi zhvillimin e zgjedhjeve lokale ne Tirane, kam sjelle nje togfjalesh permbledhes mbi "pafundesine" e ketij procesi, togfjalesh qe nje shkrimtar shqiptar (Agron Tufa) e ka perdorur ne nje artikull letrar, MAJMUNADE E UBUBUSHME. Per mendimin tim i pershtatet me se miri asaj qe ndodh ne Shqiperi me proceset zgjedhore. Nese drejtuesit e "Mjaft" e zhvillojne me tej idene e ketij referendumi, le te kene parasysh dhe mundesine e nje deshtimi te plote te tij e perpjekjeve te tyre.

POR le te jemi pozitive e ta zeme se realizohen shkallet qe te cojne deri tek referendumi (qe kuptohet se do te kerkojne muaj). (Cdo ide qe ka per qellim daljen e vendit nga bataku ku e kane zhytur, meriton vemendje dhe shqyrtim logjik). Kush do t'i numeroje votat e ketij referendumi? A thua e le qeFERRiA fronin aq lehte, ajo qeFERRi qe i le njerezit te vdesin si pa te keq?

Meqe levizja eshte per dialog direkt me qytetaret shqiptare, ata qe kane mundesine e kontaktimit direkt me drejtuesin apo pjesmarres te tjere te kesaj levizjeje, le t'i bejne me dije ekzistencen e kesaj teme ne nje platforme virtuale. Debati con ne nje rezultat me te mire.


Edhe nje mendim personal pas leximit te artikullit intervistues ne gazeten TemA me djalin qe drejton levizjen "Mjaft".
Nese Erion Veliaj vazhdon ne drejtimin qe kam nisur (duke u bazuar tek te dhenat biografike te tij ne artikullin intervistues, shume te pasura per nje djale ne moshen e tij), kam pershtypjen se pas vitesh do te degjojme per te si kandidat per cmimin Nobel per paqen.


Dita

[Shpirt Njeriu]

Lëvizjet qytetare po i zënë vendin dita-ditës protestave të partive politike. Ditët e fundit lëvizja qytetare "Mjaft" dhe Zyra për Mbrotjen e Qytetarëve kanë marrë në dorë shprehjen e kërkesave dhe pakënaqësive popullore, duke bërë daljen në shesh të qytetarëve. Në dallim me protestat e partive politike, veçanërisht ato opozitare, protestat e lëvizjeve qytetare kanë marrë me të vërtetë karakterin qytetar, duke mos protestuar për votën e dhunuar apo manipuluar, por për kërkesat imediate të qytetarëve, siç janë rritja e çmimit të Albtelekomit apo KESH-it dhe fyerja e moralit qytetar nga ana e Kryeministrit, për rastin e tragjedisë së Karaburunit. Këto lëvizje po tregojnë se protestat e partive politike janë bërë tashmë bajate dhe janë larg kërkesave të përditshme të qytetarëve. Kjo duket qartë dhe në numrin e simpatizantëve dhe pjesëmarrësve në këto tubime popullore. Këto protesta qytetare, përveç kryeqytetit po përhapen në të gjithë vendin, ku po gjejnë mbështetje dhe shtrirje në të gjitha shtresat e shoqërisë. Të dyja këto drejtime të sensibilizimit qytetar kanë paralajmëruar takime dhe protesta në Gjirokastër, Shkodër, Fier e gjetkë. Karakteristikë e tyre është natyra qytetare e të bërit të protestave, në të cilat po tregohet një emacipim i paparë i pjesëmarrësve, të cilët disa vite më parë digjnin dhe thyenin gjithshka, duke i kthyer protestat në revolucion. Zyra për Mbrojtjen e Qytetarëve organizoi dje një takim në teatrin Skampa të Elbasanit, ku interesi qytetar ishte mjaft i madh për vetë tematikën e bisedës. Në të drejtori i kësaj zyre, Kreshnik Spahiu, preku çështje që kanë të bëjnë me zbatimin e Kodit Penal, në lidhje me aksionin e sekuestrimeve të pasurive të trafikantëve. Sipas tij, operacioni "Rrjeta e Hekurt" nuk duhet të shndërrohet në "Rrjeta e Merimangës", duke bërë sekuestrime pronash me urdhër partie apo ekzekutivi, pa zbatuar procedurat e Kodit Penal. Ai ka kërkuar që sekuestrimi i pasurive të paligjshme të fillojë nga pronat e zyrtarëve të lartë. Por takimi i djeshëm i ZMQ preku dhe problemin e rritjes së çmimit të energjisë elektrike dhe tarifave të Albtelekomit, ku është kërkuar që zgjidhja e këtij problemi do të varet nga vetë sensibilizimi dhe ngritja e vetë qytetarëve. Ndryshe nga ZMQ, lëvizja Mjaft, ka nxjerrë njerëzit në shesh dhe paralajmëron për protesta dhe në qytete të tjera, ku tashmë kanë kristalizuar kërkesën politike, atë të faljes publike dhe dorëheqjes së kryeministrit Nano.


Spahia: Sekuestrimet të nisin nga politikanët

Drejtori i Zyrës së Mbrojtjes së Qytetarëve, Kreshnik Spahiu, i cili mori pjesë dje në një takim me qytetarë të Elbasanit, kërkoi nga qeveria dhe policia sekuestrimin në radhë të parë të pronave të zyrtarëve të lartë shtetërorë. Ai ka komentuar dhe mënyrën e zhvillimit të operacionit 'Rrjeta e Hekurt'. "Ne e përshëndetëm këtë operacion si një hap shumë të rëndësishëm të policisë shqiptare, kërkuam që kjo rrjetë e hekurt të mos transformohet në një rrjetë merimangash, e cila të mos sekuestrojë prona në mënyrë subjektive si 50 vjet më parë, me vendime partie apo të ekzekutivit", tha Spahiu. Sipas tij, "sekuestrimet pa mandate të prokurorisë, mund të krahasohen vetëm më periudhën e Haxhi Qamilit. Që krimi të mos mposhtë shtetin, ai së pari duhet ndarë nga politika", tha Spahiu. "Nëse nuk do të goditen ata pushtetarë të cilët mbështesin këta trafikantë, nëse nuk do të goditen ata politikanë që çdokush i njeh se si i kanë vënë këto pasuri gjatë viteve të tyre në politikë, atëherë kjo do të jetë një nga tullumbacet e radhës së qeverisë shqiptare, nuk do të jetë asgjë më shumë siç qenë sekuestrimet e makinave luksoze. Disa herë policia shqiptare ka sekuestruar makina luksoze të trafikantëve, por kjo tullumbace nuk ka zgjatur më shumë se një javë, sepse pas një jave asnjë nga makinat e sekuestruara nuk është gjetur më në pikat e grumbullimit të policisë, pasi janë shpërndarë sipas ryshfeteve të dhëna politikanëve apo zyrtarëve të lartë", u shpreh Spahiu. Ai theksoi se në takimin e një viti më parë me kryeministrin Nano, kërkoi sekuestrimin e pronave të zyrtarëve të lartë, kërkesë që nuk u mor parasysh nga askush. "Personalisht, së bashku me anëtarët e koalicionit shqiptar kundër korrupsionit, kemi diskutuar një vit më parë në zyrën e Kryeministrit, ku i kemi kërkuar atij dhe qeverisë shqiptare të fillojë sekuestrimin e pasurive të zyrtarëve të lartë, madje dhe anëtarë të kabinetit të tij, apo ata që ai vetë i ka akuzuar. Por ai ka ngurruar, qeveria ka ngurruar, policia ka ngurruar drejtësia ka ngurruar", u shpreh Spahiu.


Të rrëzojmë murin Shengen Nano

Këshilli Rinor Shqiptar, Qeveria Studentore Shqiptare, Parlamenti Rinor Shqiptar që prej dt.15.01.2004 kanë inicuar një Lëvizje Qytetare Kombëtare e cila synon shembjen e murit Shengen për shqiptarët me moton: "Ne nuk shkojmë në Europë, Ne jemi në Europë"! Lëvizja synon përfshirjen e të gjithë qytetarëve shqiptarë dhe organizimeve të tyre jo-politike në një presion qytetar të përqëndruar ndaj të gjithë burokracisë politike dhe administrative shqiptare. "Nuk ka lëvizje të lirë të qytetarëve shqiptarë në Europë, nuk shëmbet Murit Shengen me këtë gjëndje ekonomike dhe këtë ngadalësi të plotësimit të kushteve të vëna nga BE për Shtetin Shqiptar", theksohet në kërkesën e tyre. Kjo lëvizje, e cila nisi në fillim si solidaritet i përfaqësive rinore shqiptare, u përforcua dhe mori formën e një lëvizje qytetare pas ngjarjes tragjike të 9 Janarit 2004 e cila i kujtoi të gjithë shqiptarëve në çfarë situate të vështirë jetojnë.


Lesi: Berisha të mbledhë të Djathtën

Kryetari i PDK, Nikollë Lesi, u bëri thirrje partive opozitare të organizohen për të qenë të gatëshme për zgjedhjet e parakohshme. Në thirrjen e tij kreu demokristian kërkon nga të gjitha partitë e djathta të mblidhen në një tryezë të përbashkët për të përcaktuar kushtet e një koalicioni të djathtë nën drejtimin e partisë më të madhe opozitare, PD nën drejtimin e Sali Berishës. Në këtë mënyrë Lesi përcakton si liderin e opozitës Berishën dhe përjashton krijimin e një koalicioni tjetër opozitar, duke hedhur poshtë fjalët për krijimin e një koalicioni të tretë, parlamentar, këtë herë nga opozita. Situata politike sipas Lesit mund të çojë në zgjedhje të parakohshme prandaj opozita si një e vetme duhet të jetë e bashkuar në një koalicion të qëndrueshëm

[Shpirt Njeriu]

Levizja qytetare "Mjaft" ka ngjallur reagime te politika shqiptare. Nje pjese e konsiderueshme e deputeteve e cilesojne si te domosdoshme kete levizje qe ka gjetur perkrahje te madhe nga i gjithe populli. Madje ata e cilesojne si te momentit te duhur, pasi tashme sipas vete deputeteve ka ardhur momenti i rrezimit te qeverise dhe kete me mire se kushdo e bejne vete qytetaret. Por nje pjesa tjeter shprehen se eshte anti-kushtetuese dhe se ajo po merr permasa politike



Mustafa Muci, deputet i PS-se

Levizja "Mjaft" perfaqeson nje eveniment te ri ne zhvillimin social politik te vendit, per arsye se eshte levizja e pare qytetare e organizuar e ketij niveli dhe mendoj se kjo levizje do te faktorizohet gjithnje e me teper per aq kohe sa platforma e saj, qendrimet e saj do te fokusohen mbi ceshtje te rendesishme jo vetem te politikes shqiptare, por edhe persa u takon problemeve ekonomike dhe sociale te vendit. Mendoj se kjo levizje do te vije gjithnje duke u rritur dhe do te behet nje nga faktoret e rendesishem te zhvillimit te vendit.



Neritan Ceka, kryetar i PAD-se

Kam pershtypjen se eshte nje levizje qe filloi si iniciative per te sensibilizuar opinionin publik dhe po perfundon si aneks i politikes konfliktuale shqiptare. Vecanerisht implikimet e fundit te kesaj levizjeje ne debatet e fundit politike, kam parasysh kerkesen e kesaj levizjeje per largimin e kryeministrit Nano jane totalisht jashte detyrave qe ka nje levizje, jane pretendime me karakter jo vetem politik por dhe anti-kushtetues. Zoterinjte dhe zonjushat qe drejtojne kete levizje nuk kuptojne se ky vend ka nje kushtetute dhe kryeministri sipas kushtetutes nuk largohet dot me referendum. Nuk duhet te harrojme gjithashtu se eshte nje levizje qe financohet me fonde vecanerisht te qeverise holandeze dhe une nuk e di se c'do te ndodhte nese qeveria shqiptare do te financonte nje gup ne Holande, i cili do te perpiqej te largonte nga detyra e tij kryeministrin e Holandes. Dua te permend edhe nje gje skandaloze, duke u futur ne parlament diten e enjte, pjesetare te kesaj levizjeje, qe ishte e qarte qe ishin militante te PD-se, kane hedhur kunder meje disa qirinj. Ky eshte nje turp dhe keta zoterinj duhet te permblidhen ne detyrat e nje shoqate, jo te nje partie politike, ose te krijojne nje parti politike.



Nard Ndoka, kryetar i grupit parlamentar te PDR-se

Eshte nje levizje qytetare, ne sensin e duhur dhe politika shqiptare ka nevoje per nje levizje te tille te civilizuar, qe te preke te gjitha ato ceshtje qe ne nje fare menyre shqetesojne qytetaret e ketij vendi. Levizja "Mjaft" ka shume pune per te bere, deri tani eshte ne nivelet e konstatimeve, por kam pershtypjen se asaj i mungon nje hallke e rendesishme per te ndryshuar realitetin, jo thjeshte per te treguar se cfare eshte bere dhe nuk eshte bere mire. Duhet te kete nje lloj bashkepunimi ndoshta edhe me nisma qytetare apo ligjore, per te dhene edhe rruget e zgjidhjes se problemeve. Besoj nuk mjafton vetem nje "mjaft" per realitetin shqiptar. Duke e pare ne kete kontekst, ajo nuk do te mbetet thjeshte nje levizje qe shpesh tentohet te manipulohet nga te dy krahet e politikes. Nuk e di se sa do jene ne gjendje personazhet e kesaj levizjeje qe te evidentojne saktesisht misionin e tyre. Por ky eshte nje element pozitiv qe me ne fund futet ne jeten e shqiptareve, dhe mendoj se duhet te kete forma te ndryshme protestash, qe ta detyrojne politiken shqiptare qe te reflektoje per hallet dhe problemet e qytetareve. Gjithsesi, mendoj se levizja "Mjaft" duhet te merret me ceshtje qe t'i filloje dhe t'i finalizoje deri ne zgjidhje, pasi per fat te keq, deri tani asnje problemi nuk i eshte shkuar deri ne fund.



Limoz Dizdari, deputet i PS-se

Eshte nje levizje shume demokratike, me nje angazhim qytetar dhe me nje orientim shume progresist. Deri tani ajo eshte shprehur si levizje e nje grupimi qe nga perberja krijon nje lloj entuziasmi, pasi ka te rinj te shkolluar, te angazhuar per nje vend sa me te mire dhe te paster, qe bashkojne perpjekjet e tyre me ato institucione qe punojne per funksionimin e nje shoqerie pa korrupsion dhe elemente te tjere negative. Ky eshte nje angazhim qytetar, te cilin jo vetem duhet ta vleresojme por dhe duhet ta mbeshtesim dhe te jemi te ndergjegjshem se puna e tyre eshte ne favor te interesave te vendit. Pavaresisht se nga burojne vullnetet angazhimet, fondet etj., kjo levizje vjen ne favor te interesave te popullit.



Edi Paloka, deputet i PD-se

Levizja "Mjaft" eshte nje levizje per te cilen shqiptaret kane nevoje, pasi keto vite kane treguar se reagimi qytetar nuk ka qene ne nivelin e duhur. Prej gati shtate vjetesh kemi te bejme me disa qeveri qe une do t'i quaja qeveri anti-popullore, pasi masat e marra nga keto qeveri kane qene kunder shqiptareve, duke filluar me varferimin e tejskajshem, taksat ne rritje, probleme si papunesia, uji, dritat etj, por reagimi qytetar ka qene ne nivel te ulet. Keta djem dhe vajza te reja i kane dhene ketij vendi pikerisht ate qe i mungonte, pra levizjen qytetare. Ata jane vertete te rinj, por puna e tyre per ndergjegjesimin e qytetareve ka qene e madhe. Ne momente t-_lla, kur edhe partite politike praktikisht jane ne llogoret e tyre, mbase levizje te tilla qytetare do te arrijne te bejne ate qe s'e bejne dot forcat politike, qofte edhe opozita, e cila vertete ka luftuar shume per ndryshimin e situates, por sic duket, reagimi qytetar eshte mjaft i nevojshem.



Muci: Jemi gati per formacion te ri

"Ne presim vendimin e grupit parlamentar dhe ne baze te ketij vendimi do te marrim dhe ne vendimet tona, duke formuar nje formacion te ri". Keshtu u shpreh dje deputeti socialist, Mustafa Muci duke bere te qarte se antiNanot brenda PS-se jane drejt konsolidimit te nje strukture te re politike



Oli Xhilaga

Perkrahesit e ish-kryeministrit, Ilir Meta deklaruar dje se jane gati te presin vendimin e grupit parlamentar per t'u pozicionuar me pas ne formacionin e tyre te ri. Nje fakt te tille e beri dje te ditur njeri nga keta deputete, Mustafa Muci. Ne nje prononcim per mediat, ai u shpreh se ata qe kane munguan ne seancen plenare presin vendimin e grupit, ku dhe do te marrin pozicionin e tyre perfundimtar. "Ne presim vendimin e grupit parlamentar dhe ne baze te ketij vendimi do te marrim dhe ne vendimet tona, duke formuar nje formacion te ri", u shpreh deputeti, Mustafa Muci. Ne kete menyre per here te pare ata pranojne se jane gati te marrin nje drejtim te ri ne parlament dhe jashte tij. Ndryshimet e reja ne statutin e partise parashikojne perjashtimin e deputeteve qe kane dale kunder vendimit te grupit lidhur me votimin e ministrave ne parlament ne daten 28 dhjetor. Ne mbledhjen e pare te grupit socialist qe eshte sot vete sekretaret e saj jane shprehur se do te respektojne deri ne fund ndryshimet e reja statutore ne parti te vendosura ne Kongresin e 6-te socialist. "Ne rast perjashtimi ne do te gjejme menyren me dinjitoze te perfaqesimit tone ne parlament", kushtu u shpreh Muci duke bere te qarte se nese grupi socialist merr masa te tilla, atehere ata jane te gatshem te bashkohen me ndonje grup tjeter parlamentar. Ne kete menyre Muci konfirmon se grupimi i deputeteve "rebele" eshte i gatshem te formoje ndonje grupim te ri brenda Kuvendit. Nga ana tjeter ai beri te qarte se Nano duhet te jape doreheqjen nga posti i tij kryeministror, duke perkrahur idene e hedhur pak dite me pare nga Gjinushi ne parlament, qe kjo eshte gjeja me minimale qe mund te beje Nano, si gjest moral. "Nano te tregoje pergjegjshmeri ne kete moment dhe te largohet", kjo ishte fjalia e thene nga Muci, duke ju shtuar keshtu listes se deputeteve qe kerkojne largimin e Nanos nga kreu i ekzekutivit. Ne vleresimet e deputetit socialist eshte dhe levizja qytetare Mjaft, pasi sipas tij per here te pare ka nje levizje te nje niveli te tille qe kerkon te ballafaqohet me probleme te rendesishme politike dhe ekonomike. "Levizja mjaft eshte shume pozitive ne Shqiperi, pasi per here te pare ne kemi nje levizje te ketij nbiveli qe kerkon te ballafaqohet me problemet me te rendesishme politike dhe ekonomike te vendit", cilesoi ai duke bere te qarte se eshte levizja e duhur per te rrezuar Nanon nga pushteti i tij absolut. Po keshtu ai ka kujtuar Nanos se nuk mund te vere bast me levizje te tilla, sic eshte shprehur kreu i ekzekutivit. "Nuk mund te ve bast se levizja qytetare do ta rrezoje apo jo zotin Nano por do t'i uroja dhe atij qe te mos vinte nje bast te tille sese kjo do te ishte ne dem te zhvillimit te vendit, ne dem te reformave te nevojshme qe duhet te marre vendi yne", ju pergjigj Muci bastit qe Nano ka vene per levizjen "Mjaft". Nderkohe idese se Mustafa Muci per te formuar grup te ri ne parlament i jane bashkangjitur dhe te tjere deputete oponente te Nanos, si Spartak Braho apo Ndre Legisi.

[Albo]

Qeveria premtoi se i shfarosi trafiqet ilegale, por zyrtarë të lartë të shtetit ishin të implikuar në këto trafiqe. Ajo që shkakton zemërim dhe që e di me siguri, di që humbja e këtyre njerëzve është shkaktuar nga zyrtarë të lartë të shtetit


“Mjaft” tubimeve politike, do të kthehemi në identitet



Nuk ka irritim më të madh kur shikon se qeveria ka shfarosur me qindra gomone dhe i ka djegur për të nxjerrë në lundrim gomonet e veta



Besian Pesha koordinator i studentëve i lëvizjes "Mjaft"



Lindur më 9 gusht 1980, në Gjirokastër

Mbaron shkollën e mesme në qytetin e lindjes

Punon si vullnetar në disa shoqata humanitare, si "Caritas" italiane, Kryqi i Kuq hollandez, Italian

Largohet disa vite në Greqi

Gjatë krizës në Kosovë punon si koordinator në një organizatë ndërkombëtare italiane. Ka punuar në rreth 20 projekte rindërtimi dhe rehabilitimi në qytete të ndryshme të Kosovës

Kthehet në Shqipëri, nis studimet e larta. Është në vitin e dytë në degën shkenca politike pranë fakultetit juridik në Tiranë



Si u bëtë pjesë e "Mjaft"



Para një viti kur organizata ndërkombëtare e debatit që është një nga implementueset e lëvizjes "Mjaft", organizoi një debat ndërkombëtar, aty fitova vendin e parë si debatuesi më i mirë dhe kështu nisi rruga ime me "Mjaft". Nisi aventura ime me çunat dhe gocat e "Mjaft". Këtu jam njohur me ta. Jam i vetmi nga grupi i ngushtë i 'Mjaft' që nuk kam qenë shok më parë me ta. Jemi njohur pikërisht në rrethana të tilla, brenda debatit.



Në këtë kohë, 'Mjaft'-i ishte krijuar?



Jo ishte ideuar. Ishte thjesht një ide, mua më pëlqeu ideja që në fillim dhe vendosa të përfshihesha. Punët filluan gradualisht. Nisëm me fushatën, lëvizjet nëpër qytete. Për një periudhë rreth dy muaj kam punuar si vullnetar, pastaj u bëra pjesë e stafit të ngushtë me 'Mjaft'-in, derisa arrita të bëhem një nga drejtuesit e tij. Me këtë dua të tregoj fleksibilitetin brenda lëvizjes. Jemi në këtë gjendje. Mendoj se 'Mjaft'-i arriti një pikë shumë të lartë. 5 mijë qytetarë me bindje të ndryshme politike, ose fare pa bindje arritëm t'i mbledhim në një shesh ku të gjithë të bërtasin "mjaft politikave degraduese". Kjo më ka sjellë një kënaqësi shumë të madhe.



E zgjodhët "Mjaft"-in thjesht për të shoqëruar financiarisht studimet tuaja?



Unë kam qenë rebel që i vogël. Kështu më kanë quajtur dhe kam shprehur rebelizmin tim në forma të ndryshme. Kam pasur mundësi shumë herë më të mira, nëse do të bëhej fjalë për një punë që do të shoqëronte studimet e mia, qoftë nga ana akademike apo financiare. Por ajo që më siguron 'Mjaft'-i është harmonia me vetveten.



Para tri ditësh ju kanë mbajtur një orë në polici. Si ndodhi në të vërtetë?



Faktikisht, të jem i sinqertë, nuk bëhej fjalë për një mbajtje në polici apo arrestim. Ka qenë një shoqërim. Nëndrejtori i policisë kishte kërkuar një takim në zyrën e vet dhe u shoqërova nga një makinë policie me dëshirën time. Bashkë me mua ishte dhe gazetari Artur Çani. Fillimisht ata kërkuan që ta ndërprisnim protestën tonë para kryeministrisë, protestën e qirinjve dhe mesazheve. Por mbrojta idenë se do të vazhdonim të protestonim, pasi kjo protestë ishte shprehje e indinjatës qytetare.



A bazohej në ndonjë ligj kjo kërkesë e nëndrejtorit të policisë?



Absolutisht jo. Kjo kërkesë e tyre për ndërprerje nuk bazohej në asnjë nen të asnjë ligji. Biseda zgjati rreth një orë e gjysmë dhe donin të na mbushnin mendjen që protesta ishte e jashtëligjshme, por duke konceptuar bashkarisht nenet mbi tubimet, si ato për tubimet normale, ashtu edhe ato për tubimet urgjente, u pa që protesta jonë ishte organizuar mbi të gjitha rregullat që parashikonte ligji. Pastaj nxorën edhe një problem tjetër që sipas tyre ishte rreziku terrorist. Duke qenë se kryeministria ishte një objekt i rëndësisë së veçantë, pretenduam që ne e shtonim rrezikun për sulme terroriste. Por ligji parashikon që në raste të tilla qeveria duhet të dyfishonte masat mbrojtëse, sepse e drejta e tubimit është një e drejtë pozitive në kushtetutë. Policia duhet të të ofrojë gjithë shërbimin maksimal që ti ta ushtrosh këtë të drejtë në mënyrën sa më të mirë dhe të duhur.



Protestoni që kryeministri të japë dorëheqjen, sepse ka përgjegjësi për ngjarjen e 9 janarit. Hidhen shumë hipoteza: se kanë qenë dy gomone, njëra ka qenë me drogë dhe ka mbërritur në destinacion. Si besoni se është ngjarja?


Në përgjithësi nuk më pëlqen të bëj hamendësime. Ajo që di me siguri është se para disa kohësh, qeveria shqiptare premtoi që nuk do të ketë më trafiqe ilegale dhe kjo nuk ishte e vërtetë. Qeveria premtoi se i shfarosi trafiqet ilegale, por zyrtarë të lartë të shtetit ishin të implikuar në këto trafiqe. Ajo që më irritoi, që më shkaktoi zemërim dhe që e di me siguri, di që humbja e këtyre njerëzve është shkaktuar nga zyrtarë të lartë të shtetit, të vendosur dhe të emëruar po nga zyrtarë të lartë të shtetit. Dhe nuk ka irritim më të madh kur shikon se qeveria ka shfarosur me qindra gomone dhe i ka djegur për të vendosur gomonet e veta të lundrojnë.


Si i shpjegoni kontradiktat mes dëshmive të të shpëtuarve, të policisë dhe gjithë aktorëve të tjerë të tragjedisë së Karaburunit?

Gjithmonë ka kontradikta. Ka kontradikta në histori më të vogla, jo në histori me përmasa të tilla ku rrezikohen shumë emra, shumë njerëz dhe duket se ka shumë të implikuar. Nuk mund të them asgjë me siguri. Padyshim do të ketë kontradikta mes varianteve që njerëzit do të hedhin, sepse secili përfaqëson një grup interesi të veçantë dhe do të mbrojë interesat e atij grupi.

Gjatë fundjavës do të reflektonit për të zgjedhur mënyrën sesi do të protestoni në vazhdim. Janë hedhur ide si referendumi, protestat rutinë para kryeministrisë... Si keni vendosur?

Jemi mbledhur shumë herë gjatë fundjavës. Faktikisht e kishim menduar një periudhë pushimi, por ishte më e lodhshme sesa ditët kur kemi qenë në aksion. Çështja është shumë më e komplikuar nga sa duket. Nga njëra anë qëndron kryeministri me kokëfortësinë e vet dhe mungesën e moralit, që duhet të kishte dhënë dorëheqjen dhe nga ana tjetër qëndron kërkesa e qytetarëve karshi nesh, që të reagojmë, të themi diçka, pataj qëndron edhe opozita që kërkon me të gjitha mënyrat ta përfshijë lëvizjen "Mjaft" brenda saj.

Për një gjë jam i sigurt. Nuk do të kisha dëshirë që ne të vazhdonim me protesta të tipit politik si ai tubimi që ne zhvilluam ditën e premte, megjithë vlerat e tij. Është e sigurt që do të jenë aksione të tipit rinor, protesta të formës rinore. Ne do të kthehemi prapë në identitetin tonë, do të protestojmë ashtu siç di vetëm "Mjaft-i" të protestojë.


Po përsa i përket referendumit?

Siç e thashë më sipër ne jemi në një periudhë reflektimi. Ideja e referendumit është një mundësi, por ne na duhet të marrim një konsulencë legale, sesa është e mundur dhe sa mund të sjellë një përfitim të vërtetë për komunitetin. Jemi në pritje të përfundimeve të konsulencës sonë legale. Por asgjë nuk është e sigurt. Ne nuk jemi ekspertë në të gjitha fushat, por kemi thjesht dëshirën e mirë për të ndryshuar gjërat. Për këtë na shërbejnë këshilltarët ndërkombëtarë dhe bordi ynë këshillues.

Mendoni se mocioni që kërkoi opozita do ta largonte Nanon nga posti i kryeministrit?



Nuk kishim asnjë shpresë. Rezultati dihej.


Mosha mesatare e "Mjaft" është rreth 25 vjeç, si e përballoni fluksin e mediave, forcave politike, komunitetit?


Nuk është fare problem. Nga njëra anë duket e çuditshme, sepse njerëzit janë mësuar që faktorë politikë apo faktorë socialë t'i bëjnë njerëz që kanë kaluar të dyzetat apo janë mes 40 dhe 50. Por nuk është kështu. Në moshën tonë mund të arrish gjithçka, nëse je i pastër moralisht dhe politikisht.


Intervistoi: Alida Beqiri