Demaçi themelon "Forumi Qytetar i Kosoves"

[Llapi]

Adem Demaçi:

INTERVISTË DHËNË GAZETËS

“KOSOVA SOT”-5. 3. 2004



KS- Z. Demaçi, cili është motivi që ju shtyu që mu tani të angazhoheni në skenën politike kosovare?
A.D.- Motivi i vetëm është që të ndalet trendi i rrëshqitjes së Kosovës drejt rikolonizimit serb i cili po bëhet hapur.Në këtë proces të rrezikshëm janë duke marrë pjesë jo vetëm UNMIK-u i cili e ka edhe për detyrë që të bëjë një gjë të tillë, por edhe institucionet e “kornizuara” të Kosovës.

KS- A mund të na thoni për lexuesit “Kosova Sot” se cilët janë njerëzit e kabinetit tuaj të ngushtë partiak?
A.D.- Nuk ka ende as “kabinet” as udhëheqje të organizatës sonë. Është vetëm grupi nismëtar, i cili dita ditës po vjen duke u zgjeruar me anëtarë të rinj. Këta janë ata që po e pranojnë dhe po e mbrojnë Projektplatformën e organizatës sonë duke dhënë ndihmesën e tyre që ajo të bëhet më e kompletuar dhe më e përsosur duke marrë formën definitive të Platformës politike. Por, rritja e zgjerimi i grupit nismëtar, nuk do të përfundojë me kaq. Para nesh janë edhe dy dokumente fort të rëndësishme siç janë Projektprogrami dhe Projektstatuti i organizatës sonë. Edhe rreth këtyre dokumenteve do të zhvillohen diskutime interne e publike, kështu që rritja e zgjerimi i grupit nismëtar do të vazhdojë edhe më tutje.

KS- Cilët emra janë të kyçur në Forumin Qytetar të Kosovës?
A.D.- Ne nuk kemi ndërmend që të tubojmë njerëz rreth emrave të mëdhej, por rreth platformës objektive dhe të saktë, rreth programit që ofron zgjidhje të drejta për individët dhe për mbarë qytetarët e Kosovës, si dhe rreth statutit i cili do të ofrojë një organizim minimalisht burokratik dhe maksimalisht aktiv, kreativ dhe dinamaik. Ne po krijojmë sistem qytetarësh të vetëdijshëm politikisht, të vetëdijshëm për të drejtat, por edhe për obligimet e veta qytetare. Ne po krijojmë sistem i cili nuk do të jetë grup, grumbull ose “kope” qytetarësh që shkon pas Iksit ose Ipsilonit që, me rënien e Iksit ose Ipsilonit, shpartallohet edhe grupi, grumbulli ose “kopeja”. Ne jemi duke krijuar asi sistemi të organizimit politik e qytetar i cili, gjatë funksionimit të vet dinamik, vazhdimisht, do të përmbushet e do të përtrihet me kuadro gjithnjë e më cilësore dhe i cili do të mbijetojë të gjitha “furtunat” që do t’i dalin përpara.

KS- Pse mu emri Forumi Qytetar i Kosovës?
A.D.- Sepse ky ëahtë emnuesi më gjerë i cili brenda vetes mund të përfshijë pjesëtarë nga të gjitha kombësitë dhe të kombit shqiptar, nga të gjitha shtresat dhe klasat, nga të gjitha moshat dhe nga të gjitha besimet.

KS- Çfarë alternative të re politike po i ofroni elektoratit kosovar?
A.D.- Liria, pavarësia e demokracia e vërtetë në frymën qytetare nuk kanë alternativa.

KS- Sa keni në konsolidimin e partisë tuaj dhe në cilat qendra keni më shumë përkrahje?
A.D.- Për këtë kohë shumë të shkurtër kemi arritur shumë më tepër se sa kemi besuar. Në Prishtinë, natyrish, kemi zgjerimin më të madh, por edhe qendrat tjera gjithnjë e më tepër po interesohen dhe po afrohen.

KS- Ku dhe si do t’i siguroni financat e partisë që ju drejtoni?
A.D.- Qytetarët tanë janë të vetmit në të cilët mbështetemi për të gjitha e, edhe për finanacat.

KS- Sa jeni optimistë se subjekti politik të cilin e përfaqësoni do të krijojë identitet të theksuar në opinion dhe do të mbledhë pas vetes elektorat, i cili do të bëjë kthesa për të cilat angazhoheni me programin tuaj?
A.D.- Ne nuk jemi as optimistë, as pesimistë, ne jemi realistë, të matur, por punëtorë të palodhshëm.

KS- Cilat janë mangësitë e politikës aktuale të lidershipit kosovar nga të cilat vlerësoni se mund të përfitojë Forumi Qytetar?
A.D.- Dështimi i tyre i plotë në të githa fushat ka bërë dhe po bën që të ngritet me shpejtësi vetëdija politike e qytetarëve tanë. Ne na duhen qytetarët me vetëdije të lartë politike dhe të këtillë do të kemi çdo ditë e më tepër.

KS- Flitet se Partia juaj nuk do të marrë pjesë në zgjedhje kët vit. A Qëndron ky pohim?
A.D.- Për këtë çështje do të vendosin në kohën e duhur organet udhëheqëse të organizatës sonë.

KS- Çfarë prisni, cili do të jetë interesimi i kosovarëve për të votuar në zgjedhjet e kësaj vjeshte?
A.D.- Kosovarët janë të paparashikueshëm.

KS- Po për sistemin elektoral me lista të mbyllura çka mendoni?
A.D.- Listat e mbyllura favorizojnë “deshët” partiakë të cilët janë të gatshëm që t’u prijnë “deleve” drejt “pusit” të robërisë serbe.

13.KS- Çka mendoni rreth faktit se votuesi kosovar është jo vetëm konservativ, por edhe i tillë që voton për personalitete e jo për programe që ofrojnë partitë politike

A.D.- “Delet” shkojnë pas “dashit”, ndërsa qytetarët e vetëdijshëm politikisht shkojnë pas ideve e programeve përparimtare.

14.KS- Si do ta nxirni Kosovën nga kolapsi ekonomik dhe nga “Vdekja Klinike” e dinamikës së punësimit të brezit të ri nëse fitoni shumicën e votave në zgjedhjet e vjeshtës?

A.D.- Për të gjitha këto, kur të vijë koha dhe kur të krijohen kushtet, në bazë të programit përkatës, do të vendosin organet e zgjedhura nga anëtarësia e organizatës sonë.

15.KS- Cili është çelësi i krijimit të shtetit të Kosovës sipas programit tuaj politik kur dihet se edhe subjektet e tashme që kanë bërë emër premtojnë bërjen e shtetit të pavarur të Kosovës?

A.D.- Ne po flasim e do të flasim për liri e pavarësi dhe do të veprojmë në funksion të lirisë e të pavarësisë, kurse ata që thoni ju, për shkak se kanë hyrë në “kafaz” dhe në “saksi” vetëm flasin për liri e pavarësi, ndërsa nuk bëjnë as nuk mund të bëjnë asgjë konkrete për lirinë e pavarësinë e Kosovës.

16.KS- Ju z. Demaçi mbaheni mend si njeriu i vetëm që i tha asokohe “jo” Rambujesë. A mund të zgjidhet çështja e statusit final pa bashkëpunim me bashkësinë ndërkombëtare?

A.D.- Së pari, nuk jam vetëm unë ai që kam kundërshtuar shkaurjen në Rambuje. Të njëjtën gjë e kanë bërë edhe disa nga bashkëpunëtorët e mi në Zyrën e UÇK-së, si Albin Kurti, Skender Kastrati, Fehmi Baftiu, i ndjeri Sami Peja, Milot Caka, Blerim Reka, pastaj njëri nga intelektualët më të shquar të Kosovës z. Esat Stavileci, etj. Së dyti, me bashkësinë ndërkombëtare mund të bashkëpunohet si vazal e ekzekutor i verbër, por edhe si partner dinjotoz, syçelë e kreativ. Shokët e mi e unë kemi zgjedhur bashkëpunimin me bashkësinë ndërkombëtare si partnerë dinjitozë, syçelë e kreativë. Dhe, po shihet se nuk kemi gabuar. Sa për ilustrim, ata që nuk i ka lënë kujtesa, le t’i krahasojnë ato që fliste dhe ato për çka përpiqej Z.Hollbruk para pesë-gjashtë vjetësh dhe këto që po thot sot për zgjidhjen e çështjes së Kosovës.

17.KS- A janë standardet për Kosovën rruga e qëlluar drejt finalizimit të vullnetit politik të popullit shqiptar si shumicë në Kosovë?

A.D.- Shumica e standardeve që kërkohen të përmbushen nga kosovarët janë gjëra të mrekullueshme. Mirëpo, me çka t’i realizojnë kosovarët këto standarde kur këta nuk e kanë as lirinë as shtetin e tyre. Kjo që kërkojnë miqët tanë nga ne i ngjanë asaj sikur të kërkosh nga dikush që të bartë ujë me shoshë!

18.KS- Çfarë zgidhje premtoni për minoritetet e Kosovës?

A.D.- Jo vetëm që premtojmë, por me këmbëngulje do të punojmë për statusin më të avansuar të mundshëm të kombësive. Qëndrimi ynë ndaj kombësive në Kosovë do të jetë pasqyra e gjallë e demokracisë sonë humaniste. Prandaj ne kësaj çështjeje i japim rëndësinë e dorës së parë.

19.KS- A keni ndonjë vizion të qartë me të cilin do t’i qaseni zgjidhjes së nyjës së fortë ndarëse të Mitrovicës?

A.D.- Mitrovica e ndarë është argumenti më i fortë se hegjemonizmi serb nuk ka hequr dorë nga projekti i vet i dytë lidhur me çështjen e Kosovës. Projekti i parë është aneksimi i terësishëm i Kosovës. Nëse nuk do të mund të realizohet projekti i parë, atëherë do të hyjë në fuqi, projekti i dytë, projekti i ashtuquajtur i z. Dobrica Qosiq, për copëtimin dhe sakatosjen definitive të Kosovës. Së pari do të tentohet që të krijohen në Kosovë sa më shumë territore etnikisht të pastra serbe. Pastaj, nën pretekstin e decentralizimit, këto territore do të kërkojnë kompetenca shtetërore. Pas kësaj, këto territore, do të bashkohen në një terësi dhe në fund do të shpallin shkëputjen e tyre nga territori i Kosovës dhe bashkimin e vet me shtetin serb. Prandaj të gjithë qytetarët e Kosovës duhet të zgjohen nga gjumi dhe të organizohen sa më shpejt e sa më mirë në mënyrë që të pengojnë realizimin e projekteve djallëzore të çetnikëve dhe neofashistëve të serbisë.

20.KS- Cili është opinioni juaj për dialogun teknik shqiptaro-serb?

A.D.- Pas shkarjes së thellë politike, me rastin e zgjedhjeve parlamentare serbe edhe në territorin e Kosovës më 28 dhjetor 2003, ky është vazhdim i shkarjes teknike e ekonomike të Kosovës drejt shtetit serb.

21.KS- Me cilin nga subjektet politike do të hynit në aleancë eventuale, poqese në zgjedhjet e ardhshme do të dalë ndonjë rezultat i ngushtë i cili do ta kërkonte edhe krijimin e aleancave të ndryshme për krijimin e institucioneve të reja?

A.D.- Për të gjitha këto çështje, në kohën e vet, do të vendosin organet kompetente dhe të autorizuara të Organizatës Politike Paqësore, në formim, FORUMI QYTETAR I KOSOVËS.

[mani]

Ju lutem moderatoreve mos te mi heqin temat e postuara pa konsultim!Nuk eshte dhe se nuk e shoh te arsyeshme qe temat




“Demaçi: Nuk dua të festojë me ata që thonë se ishin ushtarë të Adem Jasharit , ndërsa pranuan Rambujenë, Rezolutën 1244 dhe Kornizën Kushtetuese”

Ekskluzive: Demaçi përgjigjet në 37 provokime të Epokës së re.

[Llapi]

ADEM DEMAÇI : JA KU JAM, NË VENDIN DHE ROLIN TIM TË VËRTETË

EKSKLUZIVE: Intervistë me Adem Demaçin






Sistemi me lista të mbyllura, le të më falë Milaim Zeka për “plagjiat”, është lojë

“guxhas”, jo vetëm me ne kosovarët e gjorë, por është lojë “guxhas” edhe më parimet më elementare të demokracisë perëndimore, për të cilën ne kosovarët edhe kemi derdhur gjak

Forumin Qytetar nuk e zë kurrfarë partie. Partitë mund të hynë në Forumin Qytetar. Kurse, sa i takon asaj paqësore, kjo do të thotë se mjetet tona për ta arritur lirinë, pavarësinë dhe demokracinë e vërtetë për Kosovën, janë vetëm paqësore

















Intervistoi : Burim ETEMAJ



Dorëheqja nga posti i kryetarit të Bordit Drejtues të RTK-së; akterët e politikës kadrovike në këtë institucion informativ dhe vështirësitë me të cilat përballet ai; zhvillimet rreth formimit të subjektit të paralajmëruar politik- FQK; gjendja e tanishme në Kosovë, pengesat dhe perspektivat e saj për të arritur gjer tek pavarësia; zgjedhjet e ardhshme dhe sistemi zgjedhor; arrestimet e ish-pjesëtarëve të UÇK-së, tani TMK-së; madje edhe koha e burgjeve dhe pas burgjeve, janë disa nga segmentet për të cilat kemi intervistuar, me shkrim, bacën Adem.

Gjithsesi, baca Adem është njëri nga personalitetet e rralla shqiptare të Kosovës, i cili mendimin e vet e thotë troç, pa bërë as më të voglën përpjekje për t’ia përshtatur vijës, qoftë ajo vendore a ndërkombëtare. Gjithë energji, siç e njohim gjithnjë, të tilla janë edhe pikëpamjet e tij dhe argumentet që parashtron në mbrojtje të tyre.

EPOKA E RE: Z. Demaçi, me rastin e dorëheqjes nga kryetari i Bordit Drejtues të RTK-së keni thënë se rreth arsyeve më gjerësisht opinioni do të njoftohet më vonë...A mund të na thuani tani se cila ka qenë arsyeja kryesore e dorëheqjës suaj?

ADEM DEMAÇI: Po ju e dini se në atë kolektiv kam punuar dy vjet e tre muaj. Për njerëzit që punojnë me ndërgjegje, ajo punë atje është fort e lodhshme dhe e mërzitshme. Gjërat, lidhur me programin, kohëve të fundit, filluan të dilnin nga kontrolli dhe rekomandimet e Bordit nuk respektoheshin sa duhet dhe si duhet. Bordi nuk donte që të merrte rolin e kontrollorit dhe të urdhëruesit policor, sepse ishte i vetëdijshëm se kompania punonte në kushte fort të vështira. Treqind e sa veta duhej të mbanin tre programe 24 orë! Partitë më të mëdha të Kosovës, përmes gazetarëve simpatizantë të tyre, jo rrallë, ndërhynin me “digresionet” e tyre anuese programore. Në anën tjetër, një grup ish- punëtorësh të RTP- së, të nxitur dhe të përkrahur nga një parti, e cila dëshiron që t’i ketë nën kontroll të gjitha institucionet e Kosovës, bënte trysni të vrazhda mbi menaxhmentin. Bordi, në këto situata, nuk mund të kërkonte nga policia e UNMIK-ut që të mbronte RTK- në nga “populli i vet”.

Pastaj, vështirësitë financiare po bëheshin të padurueshme. Edhe OSBE- ja, bashkë më UNMK-un, duke përgatitur një Ligj për mediat elektronike në Kosovë, më të cilin po trajtonte në mënyrë të njëanshme dhe të padrejtë RTK-në, po bënte një trysni “subtile” mbi këtë institucion tejet të rëndësishëm për shoqërinë kosovare. Për këtë shkak filloi të ndihej një luhatje e menaxhmentit, sa i takon ruajtjes së pavarësisë ndaj institucioneve formale e joformale në Kosovë. Kjo luhatje u shfaq në mënyrë drastike natën e 4 janarit 2004, me rastin e akademisë për nderë të Radios “KOSOVA E LIRË”. Me këtë rast mbajtja një fjalim të shkurtër, të cilin menaxhmenti i RTK-së ma gjymtoi në mënyrë të palejueshme. M’i hoqi pikërisht fjalët që kritikoja presidentin tonë formal, i cili shpallte patriot e hero një trafikant drogash, i cili ishte dënuar jo më larg se në Gjyqin e Qarkut të Prishtinës! Kjo ishte “lëkura e lepurit” e cila u bë shkak që, pa e çuar më gjatë, të largohesha nga “shtrojera” e komoditetit konformist dhe të dilja në “terrenin e rrëshqitshëm politik të Kosovës”, ku frynë “tufani me stuhi”! Zemra po më thotë se, pikërisht tash po më kërkon koha dhe vendi. Dhe si po këndon Xhebreja, “Ja ku jam”, në vendin dhe rolin tim të vërtetë.

EPOKA E RE: Gjatë kohës sa ju ishit në krye të Bordit drejtues, RTK-ja, në njërën anë, është shndërruar më tepër në një televizion familjar se sa publik, ndërsa, në anën tjetër, shpesh ka luajtur edhe rolin e zëdhënësit të UNMIK-ut. Komenti i juaj?

ADEM DEMAÇI: Unë tash mund të flas çfarë të dua, por unë nuk jam hakmarrës. Unë jam nga ata që për të vërtetën e japi edhe kokën. E kam thënë shpesh dhe po përsëris edhe tash, se RTK-ja, më gjithë dobësitë e veta të shumta që ka, ende mbetet programi më i mirë televiziv në Kosovë. Paj, lum zotëria, familja është qeliza themelore e shoqërisë. Burimi i dobësive tona kryesore qëndron pikërisht te familjet tona. Paj, ata që do të mund të shëronin familjet kosovare dhe, le të themi edhe atë shqiptare, nga dija e pamjaftueshme, nga vetëdija ende e ulët kombëtare, qytetare, njerëzore e politike, nga organizmi folklorik, nga paaftësia foshnjore për t’u mbrojtur nga ndikimet dhe manipulimet më negative të kohës, ata do të bënin veprën më të madhe për popullin tonë. Sa për UNMIK-un që thoni ju, lum zotëria, ai është duke e bërë detyrën e vet, sepse ne, si popull e qytetarë, nuk jemi as duke ditur e as duke bërë detyrat tona. Sa më vjen keq që t’ua them qytetarëve të mi të dashur të Kosovës, por i dua fort, prandaj ua them dhe do t’ua them prore të vërtetën. Sikur ata të ishin të vetëdijshëm për rëndësinë e ruajtjes së shëndetit të vet, atëherë ata, nga ata pesëdhjetë milionë euro që do të paguanin për financimin e TV publik, do të mund edhe ta kontrollonin dhe ta dirigjonin këtë institucion me rëndësi thelbësore për ngritjen e një shoqërie kaq të prapambetur siç është shoqëria kosovare. Unë e di se, të gjithë sa janë zonja e zotrinjë, robër të drogës në hapësirën shqiptare, do të qeshnin me përbuzje me mua për këto që po i them. Mirëpo, në të njëjtën kohë, UNMIK-u edhe ata që e kanë dërguar UNMIK-un këtu, me përbuzje po qeshin me mua e me ju dhe për më tepër, si do të thonte, në zhargonin e tij, Milaim Zeka, me krejt ne shqiptarët kudo që jemi, janë duke “luajtur guzhaz”! As Zoti i Madh nuk ju ndihmon atyre që nuk i ndihmojnë vetëvetës.

EPOKA E RE: Na thuani, konkretisht, kush e drejton sot politikën kadrovike në RTK?

ADEM DEMAÇI: Për drejtorin e përgjithshëm dhe zv. e tij, sipas Rregullores në fuqi, ka qenë dhe është përgjegjës Bordi i Drejtorëve. Kurse për kuadrat tjera, përgjegjës është menaxhmenti. Menaxhmenti, në rast se don, mund të këshillohet me Bordin për këtë çështje, por sipas rregullorës në fuqi, ai nuk është i detyruar ta bëjë këtë.


"FQK-ja është duke u përgatitur për shtigje të gjata, prandaj as nuk po flejmë, por as nuk po ngutemi “



EPOKA E RE: Që nga janari keni paralajmëruar formimin e një subjekti të ri politik. Kaluan dy muaj dhe, veç lëshimit të Platformës për diskutim intern dhe publik, ende, publikisht, s’ka asgjë më konkrete në këtë drejtim?

ADEM DEMAÇI: Grupi nisëmëtar është në vlugun e punës. Te ne, në zyrën tonë, në Dardani, rruga Idriz Gjilani, 4/10, për çdo ditë vijnë të interesuar për organizatën tonë në formim për të dhënë ndihmesën e tyre që Projektplatforma e jonë politike të bëhet sa më shpejtë Platformë e kompletuar. Por, edhe ne, gati për çdo natë, shkojmë në vendet ku na thërrasin dhe diskutojmë më qytetarët e interesuar. Ata që i plotësojnë kriteret tona mjaft të rrepta, i bashkohen grupit nisëmtar, i cili dita – ditës po zgjerohet dhe po kompletohet. Kështu do të ndodh edhe me Programin dhe Statutin tonë. Ne po i tubojmë njerëzit rreth ideve e koncepteve dhe rreth një organizimi që do të jetë shumë pak burokratik e fort demokratik, krijues e ndërtues. Ne jemi duke u përgatitur për shtigje të gjata, prandaj as nuk po flejmë, por as nuk po ngutemi. Ne jemi duke e krijuar një sistem të atillë organizimi dhe me njerëz të atillë që do t’u bëjë ballë të gjitha sfidave. Fjalë pak- punë shumë!

EPOKA E RE: Zakonisht formimit të një subjekti politik i paraprinë këshilli inicues, apo themelues, i ngritur mbi projektprogramin dhe projektstatusin dhe më pastaj kalohet në përfshirjen e anëtarësisë dhe shtrirjen organizative. Ju, para se t’i bëni të gjitha këto, keni lëshuar në diskutim publik Projektplatformën. Keni vështirësi në konsolidimin e këshillit inicues dhe hartimin e Projektplatformës, apo si e shpjegoni këtë?

ADEM DEMAÇI: Ne nuk kemi kurrfarë vështirësish. Në fillim ishte idea. Rreth idesë u krijua një grup i vogël nismëtar. Pastaj u përfundua verzioni i parë i Projektplatformës. Pas kësaj filloi të zgjerohet grupi nismëtar, por edhe filloi të lirohej nga individë të cilët shprehnin edhe dilemat më të vogla. Ne jemi munduar që të përfshinim në grupin nismëtar njerëz të cilët kanë dhënë shumë dhe janë flijuar tepër për lirinë e Kosovës, duke rezervuar për ta vend të veçantë në grupin tonë nismëtar. Por, kur edhe midis këtij grupi filluan të shfaqeshin edhe dilemat më të vogla, ne nuk inisistonim që t’i bindnim. Ne i lenim rehat, duke kuptuar plotësisht dhe në mënyrë më pozitive arsyet e tyre. Të merituarit që, pa dilema, mbeten më ne, ia bashkuam grupit nismëtar dhe tani po ecim bashkë. Pra, idenë tonë më fisnike, megjithatë e korigjoi jeta. Tani grupi nismëtar po zgjerohet dhe po ngritë cilësinë e vet më shpejt. Ne nuk jemi të lidhur nga kurrfarë formulash të shtangura. Idetë e konceptet tona ia përshtatim maksimalisht jetës dhe realitetit tonë konkret.


"Nuk pres asgjë nga këto zgjedhje, sikurse që nuk pritëm asgjë nga të gjitha zgjedhjet e deritashme “



EPOKA E RE: Jo më tepër se 7 muaj kanë mbetur deri në zgjedhjet e ardhshme të përgjithshme, të parapara për në muajin tetor. Çfarë prisni të arrini si subjekt politik në këto zgjedhje, kur ende gjendeni në fazën themeluese?

ADEM DEMAÇI: Ne nuk presim asgjë nga këto zgjedhje. Sikurse që nuk pritëm asgjë nga të gjitha zgjedhjet e deritashme. Por, lum zotëria, çka prisni ju nga këto zgjedhje? A mos prisni vallë, se ata njerëz që aq me “hez” shtyhen që të hupin “kompozicionin e vagonave pa lokomotivë as përpara e as mbrapa”, do të arrijnë në ndonjë cak?


" Sistemi më lista të mbyllura është lojë “guxhas” “



EPOKA E RE: Meqë jemi tek zgjedhjet e përgjithshme, cilin sistem zgjedhor e mbështetni ju, me lista të mbyllura apo të hapura?

ADEM DEMAÇI: Sistemi me lista të mbyllura, le të më falë Milaim Zeka për “plagjiat”, është lojë “guxhas”, jo vetëm me ne kosovarët e gjorë, por është lojë “guxhas” edhe me parimet më elementare të demokracisë perëndimore, për të cilën ne kosovarët edhe kemi derdhur gjak.

EPOKA E RE: Tani për tani, subjektin tuaj të ardhshëm e keni prezentuar si Organizatë Politike Paqësore. Pse organizatë, në veçanti- çfarë do të thotë kjo paqësore?

ADEM DEMAÇI: Paj, sepse është organizatë e hapur dhe e pakufizuar për të gjithë qytetarët e vetëdijshëm politikisht të Kosovës. Parti do të thotë pjesë. Dhe, partia mund të përfshijë vetëm një pjesë të qytetarëve të një vendi, qofshin ata pjesëtarë të një klase, shtrese, besimi, profesioni, moshe a gjinie. Forumin Qytetar nuk e zë kurrfarë partie. Partitë mund të hyjnë në Forumin Qytetar. Kurse, sa i takon asaj paqësore, kjo do të thotë se mjetet tona për ta arritur lirinë, pavarësinë dhe demokracinë e vërtetë për Kosovën, janë vetëm paqësore. Ne besojmë se bota, tashmë është pjekur mjaft sa ta kuptojë se dhuna, çfarëdo qoftë ajo, nuk mund ta ndalë vullnetin e popujve për liri. Prandaj, ne kosovarët duam që ta kursejmë popullin tonë dhe popullin serb, i cili i manipuluar edhe tash nga regjimi aktual kuazidemokratik, përjetohet prej nesh si kërcenuesi i vetëm i lirisë e pavarësisë sonë. Ne duam që t’i evitojmë gjakderdhjet e panevojshme në këto hapësira ballkanike.


"Lufta si mjet i zgjidhjes së problemeve politike a ekonomike ndërmjet popujve, ka mbetur vetëm në kokat e çetnikëve e neofashistëve të Serbisë “



EPOKA E RE: Në çfarë aspekti keni menduar që ky subjekt do të jetë më paqësor sesa subjektet tjera politike të shqiptarëve të Kosovës?

ADEM DEMAÇI: Pjesa, pikërisht sepse është pjesë, mund të jetë, ose mund të hyjë në konflikt më pjesët e tjera, ose më tërësinë tjetër që e kërcënon, ose që e shypë. Por, tërësia qytetare, nëse më të vërtetë është e përshkuar nga fryma qytetare, nuk mund të jetë e as të hyjë në konflikt me vetveten. Qytetarët i zgjidhin problemet e tyre eventuale me marrëveshje, me format paqësore të shprehjes së vullnetit të tyre politik, ekonomik ose shoqëror. Në Kanada, bie fjala, ku mbretëron fryma qytetare, hapësira e Kuebekut, që është populluar në shumicën franceze, disa herë deri më tani ka pasur rastin që të shprehë vullnetin e vet politik për shkëputje nga hapësira anglosaksone e Kanadasë. Deri më tani, shumica franceze nuk ka dashur që të ndahet nga tërësia e shtetit kanadez. Në Evropë kemi fenomenin tjetër; që shtetet, gjithashtu me referendum, shprehin vullnetin e tyre të lirë për t’u bashkuar me Bashkimin Evropian, dhe bashkohen. Zvicranët e norvegjezët, bie fjala, disa herë kanë shprehur vullnetin e tyre të lirë kundër bashkimit me Bashkimin Evropian, dhe ende janë jashtë kësaj bashkësie. Kjo është fryma qytetare dhe metoda e zgjidhjes ose lidhjes midis popujve. Lufta si mjet i zgjidhjes së problemeve politike a ekonomike ndërmjet popujve, ka mbetur vetëm në kokat e çetnikëve e neofashistëve të Serbisë, dhe të hegjemonistëve rusë e kinezë.


“Tri partitë më të mëdha shqiptare kanë hyrë, për interesa karrieriste e vetiake, në një “koalicion” që s’është gjë tjetër veçse një “kafaz” “



EPOKA E RE: Cila është arsyeja kryesore që Demaçi i kthehet prapë politikës, në kuptimin organizativ, tashmë me subjekt të ri politik, dhe vërtet a mendoni se Kosovës i ka munguar edhe një parti, pas gjithë atyre ekzistuese?

ADEM DEMAÇI: Arsyen mund ta keni lexuar edhe në Projektplatformën e botuar. Por, shkurt e trup, edhe njëherë për gazetën tuaj të respektuar: Pothuajse të gjitha partitë kanë hyrë në Kuvendin e “kornizuar”, d.m.th. në “saksi”, dhe aty kanë mbetur të paralizuara, pa qenë në gjendje të ndërmarrin asnjë vendim thelbësor në interes të Kosovës e cila, në mënyrë të pandalueshme, po rrëshqet nën pushtetin e Serbisë. Tri partitë më të mëdha shqiptare kanë hyrë, për interesa karrieriste e vetiake, në një “koalicion” që s’është gjë tjetër veçse një “kafaz” që s’çelet nga brenda, dhe e kanë lënë Kuvendin pa kurrfarë opozite. Ne po kërkojmë dhe do të kërkojmë nga qytetarët tanë, ndihmë paqësore për ta ndaluar këtë trend fort të rrezikshëm për Kosovën e për Serbinë… Dhe e dyta, Kosovës i mungon një forcë politike jashtë “saksisë” e jashtë “kafazit”. Prandaj, i kemi hyrë kësaj pune tejet të vështirë.

EPOKA E RE: Pavarësisht se ende s’jeni konsoliduar si subjekt, qysh tash ka filluar të flitet se një numër i caktuar i OJQ-ve, këmbë e krye janë vënë në funksion të rekrutimit të anëtarësisë për ju?

ADEM DEMAÇI: Jo. OJQ-të bëjnë punën e tyre të vyer për të ndihmuar qytetarët e Kosovës. Ne me OJQ-të kemi dy lidhje të forta: Bazën e përbashkët qytetare dhe mjetet paqësore të veprimit.

EPOKA E RE: Gjithashtu thuhet se gjatë kësaj kohe keni pasur kontakte edhe me botën e jashtme, me organizma politik ndërkombëtar dhe me mërgimtarët, në funksion të përfitimit të mbështetjes politike dhe financiare?

ADEM DEMAÇI: Kemi pasur, kemi dhe do të kemi. Bashkëpunimi dhe përkrahja e ndërsjellë është në frymën qytetare. Bashkëpunimi dhe përkrahja midis popujve e organizmave ndërkombëtare janë edhe në frymën e vetëdijes njerëzore. Kudo ku është rrezikuar liria, pavarësia e demokracia e vërtetë, arrin fryma e solidaritetit, sepse liria, pavarësia, janë të pandashme për të gjitha qeniet me vetëdije të lartë njerëzore. Por, kur kemi bërë thirrje për ndihmë e përkrahje, nuk kemi harruar t’u themi të gjithëve se nuk do të pranojmë ndihma e përkrahje të kushtëzuara.


"Krejt çfarë kam bërë e po bëj në jetën time, i kam bërë dhe po i bëj për të tjerët “



EPOKA E RE: E veçanta që mendoni se mund të sjellni me këtë organizim të ri, aq më tepër kur kundërshtarët tuaj politik ju përshkruajnë si “njeri që s’mund ta bartë disiplinën e organizimit politik”, apo edhe se “s’mund t’i hajë dy bukë në një vend”?

ADEM DEMAÇI: Nuk kam dëshirë që ta përdori atë thënien për “fjalët dhe birat e gardhit”, por për ju, lum zotëria, mund të them se kudo që kam qenë, kam qenë i ftuar. Kudo që kam qenë, i kam shtyer gjërat përpara. Për këtë ka gjurmë të shumta dhe këto gjurmë të veprimtarisë sime, për fatin e keq të politikanëve të dështuar, të gazetarëve e të publicistëve të dështuar dhe të bretkocave të kenetave të lëmashkuara politike, me kalimin e kohës, nuk do të shuhen, por do të ndriçohen, sepse krejt çfarë kam bërë e po bëj në jetën time, i kam bërë dhe po i bëj për të tjerët. Për veten time kam bërë vetëm një “kolibë” e gjysmë. Sa për bukën, atë e kam lënë fare. Ka kohë që po ha atë që po hanë kuajt - tërshërën. Le të qeshin pak zonjat dhe zotërinjtë, sepse pavarësisht se me fjalë e me shkrime më “vrasin” çdo ditë, unë prapë i dua ata, sepse i përjetoj si vazhdim të qenies time. Ata e ato që merren me këto “vrasje” nga mosdija, fali, o Zot! Kurse ata që merren me këto “vrasje” nga ambicie të prishura, shpërblej, o Zot, ashtu si e meritojnë!

EPOKA E RE: Meqë njiheni si i burgosuri politik shqiptar në Kosovë, po edhe në gjithë hapësirën shqiptare jashtë shtetit amë- Shqipërisë, me më së shumti vite të kaluara nëpër burgje, do të na interesonte mendimi juaj përkitazi me burgosjet, si nga TPI-ja ashtu edhe në Kosovë, e drejtuesve dhe pjesëtarëve të UÇK-së, tani politikanë të lartë të Kosovës, siç ishte Fatmir Limaj, apo eprorë dhe pjesëtarë të TMK-së.

ADEM DEMAÇI: Nga të gjithë të burgosurit e ditëve tona, nga hapësira e ish-Jugovinës, më së shumti më dhimbset Millosheviqi, sepse askush nga serbët e gjallë, me politikën dhe veprimtarinë e vet, nuk kanë kontribuar më shumë për shpartallimin e Jugosllavisë sesa ai. Po të mateshin meritat dhe fajet e tij, ai do të meritonte të lirohej dhe të shpërblehej më çmimin “Nobel” për lirinë e katër popujve të ish-Jugosllavisë, dhe për këtë frymëmarrjen e lirë pesëvjeçare, me “konop në fyt”, të kosovarëve. Por, vaj që ata gjyqtarët e Hagës po i masin e po i numërojnë vetëm krimet!

EPOKA E RE: Çka mendoni se do të kishte mundur të bëhej më shumë, që nga mbarimi i luftës, si nga shoqëria kosovare, ashtu edhe nga subjektet politike dhe institucionet e Kosovës, në mbrojtjen e vlerave të luftës çlirimtare të UÇK-së?

ADEM DEMAÇI: Pas gabimeve trashanike, politike, të disa shqiptarëve që nga Rambuje- Parisi e deri te Korniza kalimtare Kushtetuese e Kosovës- asgjë!

EPOKA E RE: Duke qenë se ju njiheni edhe si veprimtar i KMDLNJ-së, ku gjer para një muaji ishit edhe anëtar i Bordit Ekzekutiv, a mund të na thuani konkretisht në cilat raste të veçanta dhe në çfarë nivelesh, vendore dhe ndërkombëtare, keni ndërhyrë personalisht kundër shkeljeve të të drejtave dhe lirive njerëzore gjatë arrestimeve të ish-pjesëtarëve të UÇK-së, tani TMK-së?

ADEM DEMAÇI: Janë prononcimet e mia të shumta nëpër media të Kosovës.

EPOKA E RE: Pavarësisht se pas lirimit nga burgu i patët shpallur të amnistuar udbashët shqiptarë të asaj kohe, meqë sot, në një pjesë të madhe të opinionit ekziston mendimi se akuzat kundër ish-pjesëtarëve të UÇK-së janë të hartuara edhe mbi bazën e shpifjeve të udbashve, kosistëve dhe bashkëpunëtorëve tjerë shqiptarë të Serbisë, na intereson mendimi juaj se vërtet cili mund të ketë qenë roli i tyre në këtë drejtim?

ADEM DEMAÇI: Në një fazë të politikës së tij, Millosheviqi, duke goditur të gjithë “mallin”, pa ndonjë seleksionim serioz, ishte koha që edhe ne të bashkoheshim të gjithë kundër politikës dhe veprimeve të tij. Sa për rolin dhe veprimtarinë e tyre, gjatë kryengritjes dhe pas Marrëveshjes ushtarake- teknike të Kumanovës e këndej, kjo mund të përthekohet vetëm me shumë vëllime hulumtimesh, studimesh dhe shkrimesh.

EPOKA E RE: Edhe Naim Frashëri po të ndodhej në anën e gjermanëve, do të ishte vrarë prej nesh. Kështu përafërsisht është shprehur me një rast shkrimtari shqiptar Dritëro Agolli. Vrasja e bashkëpunëtorëve të armikut nuk është diçka e njohur vetëm te shqiptarët. Mirëpo, pikërisht me akuzën për këto vrasje, pavarësisht se qëndron ajo apo jo, sot ish-pjesëtarët e UÇK-së po hedhen para gjyqeve. Pse po ndodh kështu?

ADEM DEMAÇI: Edhe këto pyetje kërkojnë shumë fjalë për t’u shqyrtuar e komentuar si duhet dhe është gjynah që të hapet në një intervistë të kësaj natyre.

EPOKA E RE: Të kthehemi edhe njëherë te subjekti juaj në formim. Në kohën e rinisë jeni angazhuar për bashkim me shtetin amë- Shqipërinë. Pas burgut e keni mbështetur LDK-në e Rugovës, ndërsa sugjeronit që edhe ish-të burgosurit tjerë politik t’i bashkohen masovikisht. Më vonë iu bashkuat PPK-së, duke u vënë edhe në krye të saj. Pastaj keni dalur me projektin për Ballkaninë, të cilin e patët shpallë të ngrirë gjatë kohës së luftës. Tani, do të ketë diçka nga këto në programin tuaj politik, apo do të orientoheni në një projekt krejt tjetër?

ADEM DEMAÇI: Në një projekt krejt tjetër, sepse edhe rrethanat janë krejt tjera.

EPOKA E RE: Institucionet e tanishme vendore janë të ndërtuara mbi bazën e koalicionit qeverisës ndërmjet LDK-së, PDK-së dhe AAK-së. A duhet që edhe pas zgjedhjeve të ardhshme të kemi koalicione të tilla, apo Kosovës, megjithatë, edhe në këtë fazë i nevojitet një opozitë e fortë?

ADEM DEMAÇI: Kosovës i nevojitet një Kushtetutë Kalimtare, e cila do ta çonte drejt lirisë dhe pavarësisë së plotë e objektive, e jo Kornizë kalimtare Kushtetuese, e cila është duke e përgatitur Kosovën për një “Republikë Autonome nën Serbi”, ose për copëtimin e gjymtimin e territorit të Kosovës nga ana e aneksionistëve të shtetit serb. E, mos u merrni me lodra fëmijësh, lum zotëria!


"Në vendin e Rugovës, Rexhepit dhe Dacit, me kurrfarë matematike, nuk do të isha kurrë ! “



EPOKA E RE: Po të ishit ju në pozicionin institucional të Rugovës, Rexhepit apo Dacit, çka do të kishit vepruar ndryshe, si në raport me zhvillimet në vend ashtu edhe me bashkësinë ndërkombëtare, në drejtim të çuarjes përpara të zgjidhjes së drejtë të statusit të Kosovës?

ADEM DEMAÇI: Po të isha në vendin e tyre? Ju tash, lum zotëria, po merreni me pyetje kalamajsh! Ju, si do të thoshte në zhargonin e vet Milaim Zeka, po luani guxhas me mua! Por, nejse, se gazetarëve të rinj iu lejohet gjithçka. Në vendin e tyre, me kurrfarë matematike, nuk do të isha kurrë, o lum zotëria! Por, nga ky vendi ku jam tash, në këtë zyrë gjysmë të errët të Organizatës politike paqësore në formim, në Dardani, jo vetëm këtyre zotërinjve që përmendet Ju, por të gjithë deputetëve e Qeverisë, urgjentisht do t’iu rekomandoja që t’i mbledhin “çaklat” e veta dhe të largohen nga Kuvendi “saksi”, nëse duan që dikush në botë ta shqyrtojë seriozisht çështjen e Kosovës. Përndryshe, tash një vit a dy të kësaj loje kalamajsh me të cilën jeni duke u marrë, do të bëheni gazi i dheut dhe nuk do t’iu lajë as Sava, as Danubi e as Morava!

EPOKA E RE: Z. Demaçi, tashmë është i njohur Dokumenti “Standardet për Kosovën”. Sa mendoni se janë të realizueshme këto standarde, veçanërisht duke pasur parasysh afatin kohor dhe mungesën e kompetencave me të cilat përballen institucionet vendore?

ADEM DEMAÇI: Sikur Kosova ta gëzonte pavarësinë që sot, dhe t’i kishte të gjitha kompetencat në duart e veta, do t’i duheshin jo më pak se pesë vite. Nuk prashitet në ujë, o lum zotëria!


"Sipas Rugovës, ne jemi liruar e pavarësuar tash sa vjet, por nuk di çfarë presin këta të NATO-s e të BE-së që nuk na ftojnë të anëtarësohemi atje “



EPOKA E RE: Ndërkaq, në anën tjetër, disa politikanë, konkretisht Rugova, deklarojnë se shumica e standardeve tashmë veç janë të plotësuara.

ADEM DEMAÇI: Paj, sipas Rugovës, ne jemi liruar e pavarësuar tash sa vjet, por nuk di çfarë presin këta të NATO-s e të BE-së që nuk na ftojnë të anëtarësohemi atje. Edhe këta evropianët e amerikanët, shumë hollë janë kah e tjerrin! Jazëk!

EPOKA E RE: TMK-në, si drejtuesit kryesorë të saj ashtu edhe shumica e qytetarëve të Kosovës, e shohin si ushtrinë tonë të ardhshme. Ndërkaq, në anën tjetër, ndërkombëtarët më tepër preferojnë ta njohin si një “organizatë emergjente”. Mendimi juaj për të dhe njëkohësisht vizioni juaj për të ardhmën e saj?

ADEM DEMAÇI: Fati i UÇK-së është përcaktuar në Rambuje- Paris, e me dokumentin e Rezolutës 1244 të KS të OKB-së, kurse fati i TMK-së është përcaktuar me Kornizën Kalimtare Kushtetuese të Kosovës. Zotëri gazetar, hulumtoni paksa këto dokumente dhe thuajuni lexuesve tuaj të nderuar të vërtetën, e mos u merrni me mjegulla e tymnaja, ju lutem, si thotë Rugova.

EPOKA E RE: Jo pak nga politikanët kosovarë besojnë se në mesin e vitit 2005, do të zgjidhet statusi përfundimtar i Kosovës, dhe atë në përputhje me vullnetin e qytetarëve shumicë të saj. A besoni edhe ju në këtë, apo…?

ADEM DEMAÇI: Duke qenë i sigurt se z. Rugova dhe deputetët e tij nuk do të guxojnë të japin kurrsesi dorëheqje nga “saksia” dhe “kafazi” i tyre, në përputhje me vullnetin e qytetarëve shumicë- Jo!

Si po tallemi ne me vetveten, ashtu po tallen edhe evropianët e amerikanët me demokracinë tonë.

EPOKA E RE: Nga kush duhet të vendoset për statusin e ardhshëm të Kosovës?

ADEM DEMAÇI: Nga qytetarët e bashkuar të Kosovës. Kështu thonë rregullat e demokracisë së vërtetë. Por, si po tallemi ne me vetveten, ashtu po tallen edhe evropianet e amerikanët me demokracinë tonë.

EPOKA E RE: Çka nëse Kosovës nuk i njihet pavarësia?

ADEM DEMAÇI: Atëherë do të kthehemi në pozicionin zero, atje ku ishim prej vitit 1912 e deri në ditët e sotme. Atëherë FQK-ja do të bëhet organizata më e fuqishme paqësore në Kosovë. Nëse dikujt, sepse në politikë gjithçka është e mundur, megjithatë do t’i shkojë mendja që ta ndalojë këtë organizatë si organizatë “ekstremiste”, atëherë Kosova do t’i fitojë ekstremistët e vet pa thojza. Pas kësaj, dikush prapë do të heqë “embargon” nga veprimtaria e FORUMIT, por atëherë nuk di a do të mund t’i qetësojmë ekstremistët pa thojza?

EPOKA E RE: Z. Demaçi, pothuajse edhe pas 5 vitesh të pasluftës familjet e dëshmorëve, invalidët dhe veteranët e UÇK-së, ende nuk e kanë të përcaktuar me ligj statusin e tyre. Pse ndodh kjo?

ADEM DEMAÇI: Sepse disa kosovarë, me nënshkrimet e tyre në Rambuje- Paris, e kanë “përkthyer” luftën- kryengritjen liridashëse në Kosovë në krye me UÇK-në, në konflikt qytetar. Nga luftëtarë e kryengritës të lirisë, jemi shpallur “terroristë”. E, “terroristëve”, si “shpërblim”, iu rezervohen burgjet e dënimet!


"UNMIK-ut e Serbisë i duhen liderë që u është zënë bishti me derë për çfarëdo arsyeje qoftë “



EPOKA E RE: Kohëve të fundit nëpër media është folur me të madhe për korrupsionin në institucionet kosovare dhe për lidhjet e politikanëve me biznesmenë të dyshimtë. Nëse për gjithçka tjetër “UNMIK-u ka qenë i hapur dhe transparent”, siç jeni shprehur para sa ditësh në një intervistë për Radion Dojçe Vele, në këtë segment ai ka heshtur gjer me tani. Komenti juaj, ju lutem?

ADEM DEMAÇI: UNMIK-ut e Serbisë i duhen liderë që u është zënë bishti me derë për çfarëdo arsyeje qoftë. Ata janë partnerë që kryejnë urdhra pa rezistencë.

EPOKA E RE: Në anën tjetër, UNMIK-u nuk ka qenë fare transparent deri më tani as për korrupcionin në vetë administratën e vet. Përkundrazi, ai edhe ka bllokuar raporte të hartuara nga mekanizma ndërkombëtare lidhur me këtë.

ADEM DEMAÇI: Të gjithë në botë mbrojnë interesat e veta, dhe kjo është një gjë shumë legjitime. Të gjithë e bëjnë këtë derisa të zihen “me pelë për dore”! Hajn është ai që zihet! Vetëm ne u besojmë të tjerëve qorrazi, dhe ua lëmë të tjerëve që të mbrojnë interesat tona. Përse kështu? Sepse, si tha një shqiptar i zgjuar nga Amerika, “ju kosovarët, me mend jeni si kalamajt 13 (trembëdhjetë vjeç), me trup 100 (njëqind) kilogramësh”! Diagnoza e saktë.

EPOKA E RE: Me përjashtim të gazetës sonë dhe rrallë edhe te ndonjë tjetër, jeni ndër personalitetet e rralla që drejtpërdrejt e keni akuzuar Rugovën se po i mbron njerëzit e drogës dhe po i quan heronjë. Po ju, ku e mbështetni këtë akuzë?

ADEM DEMAÇI: Ka shkruar në kohën e vet gazeta “Rilindja”, o lum gazetari! Ka qenë një bandë e tërë që janë përgjegjur para Gjyqit të Qarkut në Prishtinë. Pyet dikë nga gazetarët e moçëm të “Rilindjes”. Gjurmo pak, hulumto pak, zotëri gazetar! Çele internetin! Sot është koha e informatikës. Jo fort moti ka pas shkruar një gazetë e Beogradit dhe ka pas sjellë një gazetë e jona. Aty për të ndjerin ka pasur edhe shumë gjëra të tjera.

EPOKA E RE: Z. Demaçi, disa politikanë mendojnë se UNMIK-u e ka përfunduar misionin e tij në Kosovë dhe se ai duhet të largohet nga këtu. A jeni edhe ju ithtar i këtij mendimi?

ADEM DEMAÇI: Jo, zotëri gazetar. UNMIK-u ende nuk e ka kryer misionin e vet. UNMIK-u do ta kryejë misionin vetëm pasi që në Kosovë të kthehen armata e policia serbe, ose pasi të copëtohet Kosova nga Serbia, ose pasi që në Kosovë, nën mbikëqyrjen e Evropës dhe Amerikës, të organizohet e zhvillohet referendumi i qytetarëve të Kosovës, të cilët vetë do të vendosin për fatin e tyre.

EPOKA E RE: Pas luftës në Kosovë, kanë ndodhur një varg vrasjesh, ku viktima kanë qenë ish-pjesëtarët e UÇK-së, zyrtarët e LDK-së apo ndonjë ushtarak i afërt edhe me vetë Ibrahim Rugovën. Në këtë drejtim, për nga numri i vrasjeve, duket se prin Dukagjini. Çfarë mendoni ju, pse ndodh kjo pikërisht në Dukagjin, pse nuk po zbardhen këto vrasje dhe në interesin e kujt shkon moszbardhja e tyre?

ADEM DEMAÇI: Zotëri gazetar, mos haroni se unë nuk jam shef i policisë së Kosovës.

EPOKA E RE: Në funksion të përmbushjes së njërit nga tetë standardet e parashtruara, atij të dialogut me Serbinë, më 4 mars në Prishtinë është takuar për bisedime grupi punues për energjetikë i Kosovës me atë të Serbisë, ndërsa të njëjtën gjë pritet ta bëjnë edhe grupet e tjera. A mendoni se pikërisht tani është koha për të biseduar me Serbinë, qoftë edhe, siç po thuhet, për “çështje teknike”?

ADEM DEMAÇI: Koha për bisedime është gjithmonë. Palët bisedojnë edhe kur janë në veprime të ndërsjella luftarake. Kjo s’ka rëndësi, me rëndësi është se a bisedojnë partnerët e barabartë apo bisedon “zotëria më rrogëtarin”?

EPOKA E RE: Këto ditë, me manifestime të shumta është shënuar Epopeja e UÇK-së. Krahas mungesës së Rugovës dhe Dacit në manifestimin e mbajtur më 5 mars në stadiumin e qytetit në Prishtinë, ka rënë në sy kësaj here edhe mungesa juaj, si në stadium ashtu dhe në akademinë e mbajtur më 6 mars. Si e shpjegoni ju këtë mungesë?

ADEM DEMAÇI: Shumë thjesht. Nuk dua të festoj me ata që thonë për veten e tyre se kanë qenë ushtarë të të madhit Adem Jashari, kurse në anën tjetër kanë pranuar dokumentin e Rambuje- Parisit, Rezolutën 1244 të KS të OKB-së, dhe kanë pranuar e kanë hyrë në lojën politike sipas Kornizës Kalimtare Kushtetuese të Kosovës. Ka ardhur koha që të trandemi nga mashtrimet e vetëmashtrimet nëse e duam Kosovën më shumë se vetën, ashtu si e deshtën Adem Jashari më mijëra të tjerë.

EPOKA E RE: Cila pritet të jetë e veçanta e e qasjes së subjektit tuaj politik ndaj vlerave të UÇK-së, krahasuar me partitë e tjera politike?

ADEM DEMAÇI: Ato vlera do t’i mbrojmë me punën tonë për Kosovën tonë të lirë e sovrane, dhe nuk do të abuzojmë as me luftën e tyre, as me luftën e sakrificat tona, për të nxjerrë për vetën tonë çfarëdo përfitimesh.


"Në vitin 2004 pres që të bëhen horë përfundimisht të gjithë burravecët, hileqarët… dhe tregtarët e “flamujve” të rremë të patriotizmit “




EPOKA E RE: Meqë viti 2004 përgjithësisht paralajmërohet si shumë sfidues për shoqërinë kosovare, çfarë pritni ju në këtë vit?

ADEM DEMAÇI: Pres që të bëhen horë përfundimisht të gjithë burravecët, hileqarët, dallaveraxhinjët, sahanlëpirësit, dhe tregtarët e “flamujve” të rremë të patriotizmit.

EPOKA E RE: Do të kalojmë në një segment krejt tjetër. Fillimisht keni shkruar “Gjarpinjtë e Gjakut”, pastaj, nëse nuk gabohemi, “Kur Zoti harron”, ndërkaq më vonë edhe romanin “Vetëmohimi”. Po tani, keni diçka në dorëshkrim në fushën e letërsisë? Ta zëmë ndonjë “Vetëpohim”, në suza të së përgjithshmes, jopersonales, apo këtë planifikoni ta arrini në radhë të parë me angazhim politik?

ADEM DEMAÇI: Të parat kanë qenë tregimet e shkruara që nga viti 1953 deri në vitin 1958, të botuara nën titullin “Kur Zoti Harron”. I dyti ishte romani “Gjarpinjtë e Gjakut”, kurse romani, deri tash i fundit, është “Libër për Vetëmohimin”. Kur nuk merrem me politikë, atëherë merrem më Maharishi Mahesh Jogin dhe me nxënësit e tij të shkëlqyer, Dipak Çoprën, dhe me shkrime. Tash, politika absolutisht ma absorbon krejt kohën. Por, do të vijë koha edhe për letërsi.

[Brari]

trepca.net
-----------------
ANALIZA TË NXEHTA TË NJË KOKE TË NDEZUR




--------------------------------------------------------------------------------

20 mars 2004 / TN

- Shoku Demaçi, askush nuk po e fajson popullin ! Populli nuk është Demaçi !

Shkruan : Sefedin KRASNIQI

Shoku i FQK-së, Adem Demaçi, formula e vurjes në një thes të institucioneve të Kosovës të dalura nga vota e popullit, me UNMIK-un dhe regjimin e Beogradit për « erupcionin e pakontrolluar » të popullit të Kosovës dhe shkatërrimet që janë shkaktuar për dy ditë, janë shumë të vogla në krahasim me vrasjen e dhjetëra shqiptarëve dhe qindëra të plagosurve. Fajtorët dihen. Ata janë organizatorët e këtij « erupcioni të pakontrolluar » dhe është krejt normale të dihet sesa afër tyre je, ti shoku Demaçi me organizatorët. Kot e ke të na bindësh se gjithçka ishte organizim spontan i popullit, i cili u shndërrua në « erupcion të pakontrolluar ». E quaj « erupcion », me gjuhën tënde, por do të duhej të quhet me gjuhën e vërtetë - demonstrata shkatërruese dhe të kontrolluara nga « 50 mijë agjentët serbë në Kosovë », siç e ke për merak të thuash.

Shoku Demaçi i FQK-së, qytetarët e Kosovës e kanë dhënë provën moti : si në përkrahjen që të kanë dhënë ty, kur je burgosur nga policia serbe, si në vitin 68 kur kanë marrë pjesë në demonstratat e fuqishme, si në vitin 1981 kur ato i përseritën duke u sakrifikuar dhe derdhur gjakun e tyre për të drejta kombëtare, si në vitet ’90-ta, etj. Por, shoku Demaçi, atëherë, në Kosovë, kemi pasur një strukturë të organizuar represive të forcave serbe që rrahnin e vrisnin pamshirshëm shqiptarët e pafajshëm. Tash forcat serbe me ndihmen e KFOR-it janë jasht Kosovës.

Sa i përket mashtrimit të popullit, askush nuk e ka mashrtuar sa ti shoku Demaçi me vizitat tua në Serbi te « vëllezërit serbë ». Askush nuk i ka mashtruar shqiptarët sikur ti, kur në ty shihnin veprimtarin e paepur të çeshtjes kombëtare, e ti shkoje, në Beligrad, menjeherë pas luftës, për të marrë dorë, nga « demokratët serbë » të bëhesh kryetar i Kosovës. Askush nuk i ka mashtruar shqiptarët e Kosovës, sikur ti në takimet me zyrtarët serbë dhe kur kërkoje në mediat e shkruara dhe elektronike të Serbisë që « Rugova mos të bëhet kryetar i Kosovës, sepse ai tashmë nuk lëshon pé, pasi nuk ka çka humb ».

Shoku Demaçi i FQK-së, me paragrafin e dytë, të shkrimit tënd, duhet të pajtohem pjesërisht, por kurrë me atë që shkruan dhe kritikon nënshkrimin e Marrëveshjes së Rambujesë, sepse ajo marrëveshje mundësoi ndaljen e luftës, hapi rrugën për intervenim të NATO-s në Kosovë dhe shpëtoi mijëra shqiptarë të Kosovës nga bajonetat serbe. Marrëveshja e Rambujesë i ndihmoi edhe UÇK-së të konsilidohet, sepse ajo ishte asfiksuar nga operacionet e forcave serbe dhe shumica e ushtarëve me gjithë komandantët e tyre u duken në plazhat e Durrësit. Çdo kritikë e jotja për këtë marrëveshje vetëm e çvlerëson figurën tënde të dikurshme të veprimtarit të çeshtjes kombëtare dhe vërteton se ti je bërë zëdhënës i UÇK-së me zor.

Hartimi i Kornizës Kushtetuese dhe aprovimi i saj u bë nga ekspertët ndërkombëtarë dhe vendorë dhe ajo ishte e vlerëshme vetëm për një kohë derisa të konsolidohen institucionet e Kosovës. Ngathtësia e institucioneve të Kosovës për ta realizuar dhe tejkaluar me qëllim transfomimi të saj në Kushtetutë të Kosovës lë për të deshiruar. Vetëm këtu ke të drejtë. Por, këtë të drejtë e kanë me qindëra dhe mija shqiptarë të Kosovës që e kanë thënë para teje. Këtë e kanë thënë edhe institucionet e Kosovës. Pse i përvetson gjërat ?

Shoku Demaçi i FQK-së, kur e ke ditur se regjimi i Beogradit nuk ka ndryshuar, çka është fort e vërtetë, pse nuk formove një parti për të dalur në ballë të kombit, por tash e pesë vjet mrizoni herë në zyrat e RTK-së duke pasur një pagë mujore astronomike, herë në zyrat e OJQ-ve mundohesh ta kamuflosh veprimin e vërtetë të aktivitetit tënd ilegal !? Ti me ndërtimin e një shtëpie në lagjen e serbëve në Prizren, me përkdheljen që u bëje romëve të Kosovës, kot u mundove t’ua hedhësh ndërkombëtarëve se po lufton për të drejtat pakicave.

Ndërkombëtarët të njohin mirë, sepse u ka treguar zonja Albriht, ish-sekretare e shtetit të SHBA-ve, kur ia ke mbyllur telefonin nga mendjemadhësia duke menduar që ke krijuar një ushtri e cila vërtetë do ta çlironte Kosovën. Ndërkombëtarët të njohin mirë, sidomos amerikanët, me mish e me shpirt, gjatë luftës, u munduan kot të të bëjnë kryeministër të Kosovës, por, ti vure kusht që « pa ikjen e Dr. Rugoves nga skena politike nuk do ta pranoje këtë post ». Ti kërkoje, si gjithnjë të pamundëren, ti ke kërkuar si gjithnjë fajtorë aty ku s’ka.

Shoku Demaçi i FQK-së, edhe në paragrafin e katërt të shkrimit tënd në shumë vende them që ke të drejtë, por jo edhe aty ku UNMIK-ut i drejtohesh me lajka, sepse duket ashiqare pse e bënë këtë. Shoku Demaçi, duke qenë shumë afër strukturave të organizatorëve të demonstratave të dhunshme ku e gjetën vdekjen me dhjetëra shqiptarë e mëse 600 u plagosen dhe ti je i vetëdishëm që këtë gjë e di UNMIK-u. Madje, një mendje më thotë, se ti je vetë në krye të Shtabit të organizatorëve.

Por, pas kësja tragjedie kombëtare, që i përngjanë mbytjes së shqiptarëve në Karaburun, në vend që të lavdërohesh për « suksesin » e « erupcionit të pakontrolluar të mllefit…», ke vendosur që me mjshtri ta kamuflosh krimin, sepse gjaku nuk është ujë. Plagosja e një të riu në Çagllavicë dhe mbytja e tre fëmijëve shqiptarë në veri të Mitrovicës, kanë qenë vetëm pretekst i vazhdimit të demonstratave të « Shoqatave të dalura nga lufta » të nisura me 16 mars 2004, që kishin për qëllim jo « mbrojtjen e çlirimtarëve », por degradimin dhe çvlerësimin e demonstratave paqësore të lajmëruara nga LDK kundër aktit kriminal të gjuajtjes së shtëpisë me gurë të Presidentit të Kosovës. Ti nuk e ke denuar këtë akt kriminal shoku Demaçi!?

Shoku Demaçi i FQK-së, në paragrafin e pestë te shkrimit tënd me titull „ANALIZA TË FTOHTA MBI TEMA TË NXEHTA“ , ti akuzon ushtarët e KFOR-it duke i quajturit me retorikë « miq », dhe thua se « popullata i ka pritur me besim të madh », por ti nuk harron për t’i gjykuar krejt panevojë. KFOR-i e ka stigmatizuar pozitivisht historinë e shqiptarëve me hyrjen triumfale në Kosovë duke shpetuar qenjen shqiptare në ato troje, bërthamen e saj. KFOR-i na e ktheu dinjitetin njerëzor. Them dinjitetin njerëzor, sepse era shqiptarë nuk na vinte.

Shpresoj që “erupcionistët” tu nuk e kanë djegur atë autoblindën e KFOR-it, të cilës në hyrje të Prishtinës, të mbijetuarit ia puthnin xhamat dhe gomat duke ia larë me lot gëzimi. Kjo skenë u bë sigël kryesor, për së paku tri vite, mu në mes të lajmeve të ores 19:30 të RTK-së tënde, nga e cila ike për „t’u marrë me gjëra më kreative“! Ja se ç’vuajtje na solli kreativiteti yt: 32 të vrarë e mëse 600 shqiptarë të plagosur.

Plasja më vjen nga konsatimet tua kuturu, ku denon „aktin i shkatërrimit të ndërtesave fetare nga rrebelimi i drejtë qytetarëve „. E drejta ose është e drejtë dhe nuk bënë gafe si këto, ose është rrebelim « eruptiv » që del nga kontrolli dhe bjen në duar të atyre « 50 mijë agjentëve serbë në Kosovë », që ti shoku Demaçi shpesh i ke përmendur me pasion.

Pas erupcionit të pakontrolluar, ti kërkon humbësit dhe fitimtarët. Humbësit dihen, ata janë shqiptarët, me dhjetëra të vrarë e me qindëra të plagosur. Fituesi më i madh është Beligradi dhe „50 mijë agjentët e Serbisë“ që operojnë lirshëm nëpër Kosovë. UNMIK-u është në mes, pak i merzitur, pak i koritur, shumë i deshtuar.

Ndaljen e shpejt të këtij « erupcioni », me të drejtë e ke paraparë, sepse atë e ke nën komandë ti dhe organizatorët që e kanë gjuajtur me gurë shtëpinë e Presidentit të Kosovës.

Në përfundim më duhet ta pranoj, që gabimisht paskam menduar, se pas tërë kësaj tragjedie kombëtare do të shkosh në pushim mjekësor, sikur që bëre kur të humbi zëri, një ditë para vrasjes në Tiranë të kolonel Ahmet Krasniqit, për të cilin kurrë nuk e ke dhënë asnjë spjegim. Këtë gjest ia ke borxh familjes së të ndjerit, Institucioneve të Kosovës, por edhe UÇK-së dhe tërë popullit Kosovës. Nëse nuk e bënë për së gjalli, do ta marrësh me veti, ngarkesë në qafë edhe në varr.



-------------------------

[Petriti Sokoli]

Kush na qenka ky far sahanlëpirësi Shoku Sefedin krasniqi se ?
A mos vallë banë pjesë edhe ky në ata 50.000 udbashët e serrbisë që po operojnë pa pushim në Kosovë?
Apo ndoshta ashtë qasi "shqiptari që ja puthë UNMIK-ut edhe KFOR-it Ka....(gumat e autoblindave mendova).
Shokët si Sefa,si duhen gja shtëpisë së vetë e le ma dukuj tjetër.
Tipat e tijë bajnë analiza të tipit të gazetes "kobëtare Borba" pardon Bota Sotë.
Të mundohesh ta pshtyshë diellin e di se ç'të ngjet shoku Sefa e shoku Brari.
Brillantin edhe në balt ta hedhësh nuk mun të ndotet se me një rigë shiu iu kthehet shkëlqimi.

Mos u merrni me sene të tilla Shoku Brari e Sefa se hunbni kohen kotë,se e din Kosova kush ashtë Baza ADEM DEMÇi e kush jeni ju sahanlëpirësit e mashalit tuaj të nderuar TITO.

Kaq!

[Llapi]

Petrit Pa dyshim sefedini eshte ne ate listen e ngushte bile te atyre bashkpuntorve te UDB-es dhe do te ishte mier te tregoi sefa qe sa koh nuk ka guxue ta vizitoi Zhilivoden e tina ?

[Llapi]

Postuar më parë nga Brari
trepca.net
-----------------
ANALIZA TË NXEHTA TË NJË KOKE TË NDEZUR




--------------------------------------------------------------------------------

20 mars 2004 / TN

- Shoku Demaçi, askush nuk po e fajson popullin ! Populli nuk është Demaçi !

Shkruan : Sefedin KRASNIQI

Shoku i FQK-së, Adem Demaçi, formula e vurjes në një thes të institucioneve të Kosovës të dalura nga vota e popullit, me UNMIK-un dhe regjimin e Beogradit për « erupcionin e pakontrolluar » të popullit të Kosovës dhe shkatërrimet që janë shkaktuar për dy ditë, janë shumë të vogla në krahasim me vrasjen e dhjetëra shqiptarëve dhe qindëra të plagosurve. Fajtorët dihen. Ata janë organizatorët e këtij « erupcioni të pakontrolluar » dhe është krejt normale të dihet sesa afër tyre je, ti shoku Demaçi me organizatorët. Kot e ke të na bindësh se gjithçka ishte organizim spontan i popullit, i cili u shndërrua në « erupcion të pakontrolluar ». E quaj « erupcion », me gjuhën tënde, por do të duhej të quhet me gjuhën e vërtetë - demonstrata shkatërruese dhe të kontrolluara nga « 50 mijë agjentët serbë në Kosovë », siç e ke për merak të thuash.

Shoku Demaçi i FQK-së, qytetarët e Kosovës e kanë dhënë provën moti : si në përkrahjen që të kanë dhënë ty, kur je burgosur nga policia serbe, si në vitin 68 kur kanë marrë pjesë në demonstratat e fuqishme, si në vitin 1981 kur ato i përseritën duke u sakrifikuar dhe derdhur gjakun e tyre për të drejta kombëtare, si në vitet ’90-ta, etj. Por, shoku Demaçi, atëherë, në Kosovë, kemi pasur një strukturë të organizuar represive të forcave serbe që rrahnin e vrisnin pamshirshëm shqiptarët e pafajshëm. Tash forcat serbe me ndihmen e KFOR-it janë jasht Kosovës.

Sa i përket mashtrimit të popullit, askush nuk e ka mashrtuar sa ti shoku Demaçi me vizitat tua në Serbi te « vëllezërit serbë ». Askush nuk i ka mashtruar shqiptarët sikur ti, kur në ty shihnin veprimtarin e paepur të çeshtjes kombëtare, e ti shkoje, në Beligrad, menjeherë pas luftës, për të marrë dorë, nga « demokratët serbë » të bëhesh kryetar i Kosovës. Askush nuk i ka mashtruar shqiptarët e Kosovës, sikur ti në takimet me zyrtarët serbë dhe kur kërkoje në mediat e shkruara dhe elektronike të Serbisë që « Rugova mos të bëhet kryetar i Kosovës, sepse ai tashmë nuk lëshon pé, pasi nuk ka çka humb ».

Shoku Demaçi i FQK-së, me paragrafin e dytë, të shkrimit tënd, duhet të pajtohem pjesërisht, por kurrë me atë që shkruan dhe kritikon nënshkrimin e Marrëveshjes së Rambujesë, sepse ajo marrëveshje mundësoi ndaljen e luftës, hapi rrugën për intervenim të NATO-s në Kosovë dhe shpëtoi mijëra shqiptarë të Kosovës nga bajonetat serbe. Marrëveshja e Rambujesë i ndihmoi edhe UÇK-së të konsilidohet, sepse ajo ishte asfiksuar nga operacionet e forcave serbe dhe shumica e ushtarëve me gjithë komandantët e tyre u duken në plazhat e Durrësit. Çdo kritikë e jotja për këtë marrëveshje vetëm e çvlerëson figurën tënde të dikurshme të veprimtarit të çeshtjes kombëtare dhe vërteton se ti je bërë zëdhënës i UÇK-së me zor.

Hartimi i Kornizës Kushtetuese dhe aprovimi i saj u bë nga ekspertët ndërkombëtarë dhe vendorë dhe ajo ishte e vlerëshme vetëm për një kohë derisa të konsolidohen institucionet e Kosovës. Ngathtësia e institucioneve të Kosovës për ta realizuar dhe tejkaluar me qëllim transfomimi të saj në Kushtetutë të Kosovës lë për të deshiruar. Vetëm këtu ke të drejtë. Por, këtë të drejtë e kanë me qindëra dhe mija shqiptarë të Kosovës që e kanë thënë para teje. Këtë e kanë thënë edhe institucionet e Kosovës. Pse i përvetson gjërat ?

Shoku Demaçi i FQK-së, kur e ke ditur se regjimi i Beogradit nuk ka ndryshuar, çka është fort e vërtetë, pse nuk formove një parti për të dalur në ballë të kombit, por tash e pesë vjet mrizoni herë në zyrat e RTK-së duke pasur një pagë mujore astronomike, herë në zyrat e OJQ-ve mundohesh ta kamuflosh veprimin e vërtetë të aktivitetit tënd ilegal !? Ti me ndërtimin e një shtëpie në lagjen e serbëve në Prizren, me përkdheljen që u bëje romëve të Kosovës, kot u mundove t’ua hedhësh ndërkombëtarëve se po lufton për të drejtat pakicave.

Ndërkombëtarët të njohin mirë, sepse u ka treguar zonja Albriht, ish-sekretare e shtetit të SHBA-ve, kur ia ke mbyllur telefonin nga mendjemadhësia duke menduar që ke krijuar një ushtri e cila vërtetë do ta çlironte Kosovën. Ndërkombëtarët të njohin mirë, sidomos amerikanët, me mish e me shpirt, gjatë luftës, u munduan kot të të bëjnë kryeministër të Kosovës, por, ti vure kusht që « pa ikjen e Dr. Rugoves nga skena politike nuk do ta pranoje këtë post ». Ti kërkoje, si gjithnjë të pamundëren, ti ke kërkuar si gjithnjë fajtorë aty ku s’ka.

Shoku Demaçi i FQK-së, edhe në paragrafin e katërt të shkrimit tënd në shumë vende them që ke të drejtë, por jo edhe aty ku UNMIK-ut i drejtohesh me lajka, sepse duket ashiqare pse e bënë këtë. Shoku Demaçi, duke qenë shumë afër strukturave të organizatorëve të demonstratave të dhunshme ku e gjetën vdekjen me dhjetëra shqiptarë e mëse 600 u plagosen dhe ti je i vetëdishëm që këtë gjë e di UNMIK-u. Madje, një mendje më thotë, se ti je vetë në krye të Shtabit të organizatorëve.

Por, pas kësja tragjedie kombëtare, që i përngjanë mbytjes së shqiptarëve në Karaburun, në vend që të lavdërohesh për « suksesin » e « erupcionit të pakontrolluar të mllefit…», ke vendosur që me mjshtri ta kamuflosh krimin, sepse gjaku nuk është ujë. Plagosja e një të riu në Çagllavicë dhe mbytja e tre fëmijëve shqiptarë në veri të Mitrovicës, kanë qenë vetëm pretekst i vazhdimit të demonstratave të « Shoqatave të dalura nga lufta » të nisura me 16 mars 2004, që kishin për qëllim jo « mbrojtjen e çlirimtarëve », por degradimin dhe çvlerësimin e demonstratave paqësore të lajmëruara nga LDK kundër aktit kriminal të gjuajtjes së shtëpisë me gurë të Presidentit të Kosovës. Ti nuk e ke denuar këtë akt kriminal shoku Demaçi!?

Shoku Demaçi i FQK-së, në paragrafin e pestë te shkrimit tënd me titull „ANALIZA TË FTOHTA MBI TEMA TË NXEHTA“ , ti akuzon ushtarët e KFOR-it duke i quajturit me retorikë « miq », dhe thua se « popullata i ka pritur me besim të madh », por ti nuk harron për t’i gjykuar krejt panevojë. KFOR-i e ka stigmatizuar pozitivisht historinë e shqiptarëve me hyrjen triumfale në Kosovë duke shpetuar qenjen shqiptare në ato troje, bërthamen e saj. KFOR-i na e ktheu dinjitetin njerëzor. Them dinjitetin njerëzor, sepse era shqiptarë nuk na vinte.

Shpresoj që “erupcionistët” tu nuk e kanë djegur atë autoblindën e KFOR-it, të cilës në hyrje të Prishtinës, të mbijetuarit ia puthnin xhamat dhe gomat duke ia larë me lot gëzimi. Kjo skenë u bë sigël kryesor, për së paku tri vite, mu në mes të lajmeve të ores 19:30 të RTK-së tënde, nga e cila ike për „t’u marrë me gjëra më kreative“! Ja se ç’vuajtje na solli kreativiteti yt: 32 të vrarë e mëse 600 shqiptarë të plagosur.

Plasja më vjen nga konsatimet tua kuturu, ku denon „aktin i shkatërrimit të ndërtesave fetare nga rrebelimi i drejtë qytetarëve „. E drejta ose është e drejtë dhe nuk bënë gafe si këto, ose është rrebelim « eruptiv » që del nga kontrolli dhe bjen në duar të atyre « 50 mijë agjentëve serbë në Kosovë », që ti shoku Demaçi shpesh i ke përmendur me pasion.

Pas erupcionit të pakontrolluar, ti kërkon humbësit dhe fitimtarët. Humbësit dihen, ata janë shqiptarët, me dhjetëra të vrarë e me qindëra të plagosur. Fituesi më i madh është Beligradi dhe „50 mijë agjentët e Serbisë“ që operojnë lirshëm nëpër Kosovë. UNMIK-u është në mes, pak i merzitur, pak i koritur, shumë i deshtuar.

Ndaljen e shpejt të këtij « erupcioni », me të drejtë e ke paraparë, sepse atë e ke nën komandë ti dhe organizatorët që e kanë gjuajtur me gurë shtëpinë e Presidentit të Kosovës.

Në përfundim më duhet ta pranoj, që gabimisht paskam menduar, se pas tërë kësaj tragjedie kombëtare do të shkosh në pushim mjekësor, sikur që bëre kur të humbi zëri, një ditë para vrasjes në Tiranë të kolonel Ahmet Krasniqit, për të cilin kurrë nuk e ke dhënë asnjë spjegim. Këtë gjest ia ke borxh familjes së të ndjerit, Institucioneve të Kosovës, por edhe UÇK-së dhe tërë popullit Kosovës. Nëse nuk e bënë për së gjalli, do ta marrësh me veti, ngarkesë në qafë edhe në varr.



-------------------------

U ZGJUAN KOMUNISTAT JUGOSLLAV PËR TË SULMUAR „KUNDËRREVOLUCIONIN NË KOSOVË“

Njëfar Sefedin Krasniqi azilant në Zvicër është gëzuar se i erdhi situata si në vitin 1981 me sulmue nacionalizmin dhe irridentizmin shqiptar, dhe për të „mbrojtur“ Kosovën nga kundërrevolucioni !! Sefedin Krasniqi një "autor" i dy librave për Kolonel Tahir Zemën dhe autor i shum shkrimeve në gazetën „Bota sot“, nga Zvicra shkruan kundër Adem Demaçit dhe paknaqësive të popullit të Kosovës të shprehur me protesta këtyre ditve të fundit. „- Shoku Demaçi, askush nuk po e fajson popullin ! Populli nuk është Demaçi ! „ kështu e titullon shkrimin Komunisti i Lidhjes Komuniste të Jugosllavis dhe ish puntori në Konsullatën Jugosllave në Francë në periudhën 1980-1984 !! Nga pozita dhe lidhja familjare me Ahemet Krasniqin, Sefedin Krasniai kërkon sqarim nga Adem Demaçi për vrasjen e Ahmet Krasniqit në shtator të vitit 1998??!! : “kurrë nuk e ke dhënë asnjë spjegim. Këtë gjest ia ke borxh familjes së të ndjerit, Institucioneve të Kosovës, por edhe UÇK-së dhe tërë popullit Kosovës. Nëse nuk e bënë për së gjalli, do ta marrësh me veti, ngarkesë në qafë edhe në varr.” Sikur Adem Demaçi paska obligime të jap shpjegime për paudhësit e individve në punënt e tyre kriminale. A thua kush duhet të jap spjegime për punën tënde Sefedin Krasniqi si puntor në Konsullatën Jugosllave në Francë në vitin 1980 -1984 kur edhe Ahmet Krasniqi ishte Oficer i lart në Armatën Popullore të Jugosllavisë ??!! Në kohën kur Adem Demaçi dhe mijra nacionalist dhe irridentist ishin të burgosur nga PUNËDHËNSIT tuaj Sefedin Krasniqi dhe Ahemt Krasniqi !! Unë do të sjell këtu disa SQARIME të Dr. Drazhen Jerkovic, epror i luftës në Qeverinë e Kroacisë për Gospiç dhe shef i Shtabit të krizës nga viti 1991 deri 1993, në inervistën dhënë gazetës së njohur kroate ‘’Globus’’, njohësi më i mirë i veprimtarisë së kusheririt tuaj Nënkolonel Sefedin Krasniqit !! Këto sqarime i ke pasur edhe të ribotuara në gazetën "tënde" “Bota sot” !!! E besoj e ke shum të SQARUAR kush ishte dhe çka bëri kusheriri juaj Sefedin Krasniqi !!

Ja konstatimet e Dr. Drazhen Jerkovic, epror i luftës në Qeverinë e Kroacisë për Gospiç dhe shef i Shtabit të krizës nga viti 1991 deri 1993 :

1.) „Ahmet Kraniqi nuk ka shërbyer kurrë në Armatën Kroate.“

2.) „Ahmet Krasniqi në verë të viti 1981, ishte transferuar nga kazerma ‘’Marshall Tita’’ e Zagrebit në Gospiç.“

3.) „Këtu edhe e zë lufta e vitit 1991, në cilësin e komandantit të kazermës ‘’Kanjizha’’ ku ishte edhe stokimi i armatimit më të madh në këtë regjion të Kroacisë. „

4.) „ Deri në shtator të vitit 1991 është e vërtetë se e ka ruajtur armatimin në kazermë të APJ.“

5.) „ Në mbarim të vitit 1991 Ahmet Krasniqi ishte në uniformë të APJ-ës në frontin kroat... „

6.) „-Në janar të vitit 1992. Disa njerëz që për detyrë kishin përcjelljen e mediave të jashtme e kishin parë Ahmet Krasniqin në televizionin e Beogradit. Mbante veshur uniformën e APJ dhe udhëhiqte trupat që sulmonin Osjekun. „

7.) “Në shtator të vitit 1992, cingërroi telefoni. Ishte Ahmet Krasniqi. Më telefononte nga Vjena. M’u lut që t’i rregulloja tre pasaporta, për gruan dhe dy fëmijët (Teutën dhe Florentin v.j.).”

8.) “Në shtator të vitit 1992 më lajmëruan se kishin burgosur një oficer të ish-APJ, i cili thirrej në mua dhe quhej Ahmet Krasniqi. Më pyetën se a do të dëshmoja për te. Vendosa pa u hamendur, edhe pse pakëz hezitova, ngse nuk dija si ta spjegoja paraqitjen e tij në TV Beograd, me uniformë të APJ, në frontin kroat.”

9.) “Nuk kam mundur ta kuptojë se si ka guxuar të dezertojë me uniformë të APJ dhe si e ka kaluar me familje kufirin serbo-maqedon, si ka shkuar në Austri për t’u kthyer në Kroaci, pastaj në Gospiç te disa miq, ku edhe e kishin burgosur. “

10.) ”-Kemi dëshmuar në Gjyqin Ushtarak të Karllovcit : Anton Vlajniqi, ish-komandanti MT për Gospiç, Ante Kariqi, përfaqësues lufte i Qeverisë së R. Kroacisë për Likë dhe unë. Mendoj se ka dëshmuar edhe anëtari i shtabit të krizës për Likë, Tihomir Oreshkoviqi dhe vëllau i tij Ivica.

11.) “Në vitin 1993 Ahmet Krasniqi është dënuar me 2 vjet burg në Gjyqin Ushtarak të Karllovcit të Kroacisë.”

12.) “Prej 1994 deri 1997 Ahmet Krasniqi ka kaluar në mjerim të thellë si rojtar i trgut të specave dhe bananeve në Rovinj të Kroacisë.”

13.) “Ahmet Krasniqi më tregoi se pas daljes nga burgu kishte jetuar vështirë, se ka vuajtur nga uria dhe në Zagreb, pas daljes nga burgu, nga uria i kishte rënë të fiktë në rrugë, se kishte punuar në gurëthyes, por duke iu falënderuar miqve shqiptarë ishte gjindur dhe po shiste perime në treg.”



Kështu trgon në gazetën “Globus” të Zagrebit Dr. Drazhen Jerkovic, epror i luftës në Qeverinë e Kroacisë për Gospiç dhe shef i Shtabit të krizës nga viti 1991 deri 1993 njohsi më i mirë i veprimtaris së Nënkolonel Ahemt Krasniqit në Kroaci !!

Ndërsa sot kusheriri i Ahmet Krasniqit derdh lot krokodili dhe kërkon SQARIME nga Adem Demaçi (sikur Adem Demaçi e paska futur në këto ujra të ndyta Ahmet Krasniqin dhe Sefedin Krasniqin !!). A thua Adem Demaçi ishte PUNËDHËNSI i juaj Sefedin Krasniqi ??? që ai të jap sqarime !!!

Ku ishe ti Sefedin Krasniqi në kohën kur ky kusherini juaj paska duruar urie dhe i paska rënë të fikt nga uria në Kroaci ??

Ku ishte interesimi ytë për Ahmet Krasniqin në atë periudhë !!?? Dhe paramendo prej 1997 sa ishte Ahmet Krasniqi rojtar në tregun e specave në Rovinjë deri në mars 1998 kur shpallet Ministër i Mbrojtjes në Qeverin e Bujar Bukoshit e deri te milioneri në periudhën muajve në vazhdim maj, qershor, korrik, gusht : deri me tentim Grushtshtetin me 14 shtator 1998 në Tiranë !!

Këta muaj të sqaroj Sefedin Krasniqi (mars, prill , maj , qershor , korrik , gusht 1998) ku ishte dhe si u bë milioner njeriu që pak muaj më parë kishte qenë roje në Tregun e specave në Rovinjë të Kroacisë dhe kishte vuajtur për bukën e gojës !!! (Besianainfo)

[Zanë Kosove]

Shkrimet e Sefedin Krasniqit do mbesin ne faqet e Historise.


Shifet kush mirret me UDB-shat dhe kush frymon si ata .Pra, ata qe intervistojn, ushqehen, dhe veprojn ashtu siq urdherojn UDB-ja, e ata jane alla Llapi (nick) .

nje dite te qete u uron Zane Kosove