Demaçi themelon "Forumi Qytetar i Kosoves"

[Brari]

Cfar kupton me "Radikalizim" Ademi dhe ti ASGJESIKUrDIELLI?

Me i kthye pushken UNMIKU-t?

Me i vra "tradhtaret" sikur Drinin e Uken?

Cfare?

"Radikalizimi" Alla-Adem eshte pare moti..

Hajt se i ban mir pak stervitje..thoshte per popullin .. kur Ushtria Serbe nen preteksin se po lufton UCk-n masakronte cdo fshat Shqiptar e grat e mjera me fmi ne krah sdijshin ku me shkue.. me pshtue ata fmi te mjere..

Nuk due me pranue Rambujen ..thoshte kur dihej se skish ma shanc tjeter me realizue nderhyrjen e Natos e me shpetue EKZISTENCEN e nji populli qe u hodh si nji dor Sane.. matan Kosoves..

Asnji "ndalni" nuk doli nga goja tije qofte dhe me gjysem zeri kur Shiku i Thaq-Klos ernest Lum Ramushit vrau plot bij te devotshem te Kosoves.. perkundrazi i perkrahu "hesap-qerimet" e ndyra te kesaj natyre..

Ai i keq perdor Vitet e Burgut.. duke i dhen te drejt vetes se Atij cdo gja i falet.. dhe se ai nuk ka pse njef Vot e institucione te Kosoves..

RTK-ne e ktheu ne nje istitucion Anti-President..pra anti-Vot-Populli..



Ai kerkon shume nga Kosova..ma shum sec i ka dhane..e kjo e ka shperfytyrue figuren e tije..

Ska gja ma te lehte se me e ba demagogji te bukur e me e cue popullin e Kosoves dhe i her ne goj te Serbise..

Ceshtja eshte si me shpetue nji her e mire nga Serbi-Rusia.. e kjo nuk eshte e lehte e kte e din gjithkush qe Mendon sado pak per Kosoven..

Ademi me "Atdhetari" e me "Radikalizim" kupton jo si me ba Kosoven republik te pamvarur nga Serbo Sllavia por si me ja hup faren LDK e Rugoves..

Ne se ai eshte i sigurt se me vrasjen e krejt LDK-s e te Rugoves po i vjen Pamvaresia Kosoves ..le te na e shpjegoje kte variant e po shkoj un i pari e po i lutem Rugoves te shkoj diku ne Zeland te re megjith LDK-ne e tja lejn Ademit "autobusin" ta drejtoje..e te na cliroje..

qashtu..

[Llapi]

ASD
Pajtohem me shkrimin dhe mendimin tend.
Brari a u lodhe ?

[Albo]

ASD, une nuk po diskutoj ne kete teme per Bacen dhe jeten e tij. Une po diskutoj per qendrimet qe ai ka mbajtur ne vite qe nuk kane ndryshuar aspak nga qendrimet qe ai po mban edhe tani pas krijimit te nje grupimi te ri politik. As nuk e ve ne dyshim qe ai i ka perkushtuar jeten e tij ceshtjes kombetare dhe per kete meriton respekt si shqiptar, por kjo nuk i legjitimiton qendrimet e tij qe nuk e ndihmojne as kombin, as jeten politike ne Kosove dhe as vete karrieren politike te Demacit.

Adem Demaci ishte arsyeja qe kryetari i PDK-se Thaci, ashtu edhe si ne Rambuje 5 vjet me pare, nuk shkoi vitin e kaluar ne Vjene per te marre pjese ne Viene ne hapjen e diskutimeve per statusin final te Kosoves. Kjo bere qe jo vetem kreret e PDK-se por as kryeministri Rrexhepi te mos merrte pjese ne kete takim historik. Sot PDK dhe kryeministri kane ndryshuar qendrim dhe jane te gatshem per pjesmarrje ne kete proces te nisur, por demi eshte bere tashme. Mesazhi qe u dergua ne Viene per nderkombetare ishte: faktori politik ne Kosove eshte i percare edhe per ceshtje me interes kombetar, ler menjane politiken e brendshme. Edhe qeveria serbe nuk mori pjese ne Viene per te njejtat motive si edhe qendrimi i radikaleve shqiptare.

Ngritja e retorikes kunder prezences nderkombetare ne Kosove mund te mos jete nje "radikalizim" ne syte e tu, por eshte nje radikalizim ne syte e nderkombetare. Nderkombetaret nuk duan te bejne nje investim strategjik afatgjate ne Kosove, ashtu edhe sic kane bere, per tu perballur neser me nje qeveri radikale si ajo qe mbeshtet Demaci me qendrimet e veta.

Demaci nuk eshte in-synch me interesat kombetare qe manifestojne hapur shumica e shqiptareve. Shqiptaret duan te jetojne te lire e te bashkuar dhe me dinjitet ne nje familje te madhe europiane. Shqiptaret nuk duan vetem pavaresine e Kosoves ku Kosova kthehet ne Shqiperine e 1945 me nje murr te hekurt ndaj botes, duan Kosoven e pavaruar qe eshte plotesisht e integruar ne familjen e madhe europiane. Te gjitha qendrimet e Demacit ngrihen mbi argumentin historik se "Nuk duhet ti zeme bese Europes por duhet ti dalim zot vetes" dhe ky argument ka perenduar me bomben e pare qe ra mbi Beograd nga Nato.

Une jam i bindur qe Demaci nuk ka te ardhme ne politiken shqiptare dhe perpjekjet e tij per tu riaktivizuar ne politike tani qe po afrojne zgjedhjet e pergjithshme, vetem sa do te demtojne shanset e PDK-se ne keto zgjedhje. Sa me pare pare qe PDK ben divorcin perfundimtar me Demacin ne publik, aq me te lehte do ta kete per te rregulluar imazhin e saj si brenda opinionit shqiptar edhe para atij nderkombetar.

Sa here qe Demaci mban qendrime te tilla ne publik, nderkombetaret shpjegimet nuk i kerkojne nga Demaci, por nga Hashim Thaci.

[AsgjëSikurDielli]

Brar, fjalen Radikalizim mos e shiko nga prizmi i radikaleve shkije. Ata jane naciste, po me emer te rafinuar. Radikalizimi sic thashe, eshte zgjuarja nga apatia, votimi me i madh, nje iniciative partiake, pamarre parasysh se a eshte e mire apo jo.

Une nuk them se Demaci eshte engjull, e as nuk mund ta them ate gje per asnje nga politikanet tane. Nje gje e di ama, te gjithe Qosjet, Dugollet, Jakup Krasniqet qe i permend ti, dikur e jo shume heret, kane qene anetare te LDK-se, disa madje udheheqes te larte. I tille ishte Qosja, i tille ishte Bujar Dugolli, Jakur Krasniqi, Bujar Bukoshi, Xhavit Haliti, Bajram Kosumi, gati 95% e atyre qe i permend jane ish-anetare te LDK-se. Arsyet e largimit te tyre jane te shumta, po te gjithe pajtohen ne nje gje: demokracia brenda LDK-se ka vdekur. Aty sundon nje teknokraci, me Rugoven ne krye si udheheqes suprem dhe i pakontestueshem. Dy vite po behen pa kryesi te partise dhe as qe e kane ndermend ta zgjedhin. Si funksionon nje parti demokratike dy vite pa kryesi?

Problemi i te lartepermendurve eshte problem kryesisht i Rugoves, dhe egose se tij politike. Nga deshira per te qene Kryetari i pare i Shtetit te njohur nderkombetarisht te Kosoves, sakrifikoi partine me te madhe shqiptare LDK-ne, dhe keshtu i dha nje grusht te forte demokracise. Tani edhe me e bindura ndaj tij, Edita Tahiri po e le. Si i thua kesaj, te gjithe jane gabim e vetem Rugova ka te drejte?

Nese Demaci flet per politikane te Kosoves si lodra te UNMIK-ut, ai flet per te gjithe, jo vetem per Rugoven e LDK-ne. Pse e ben ai kete? E di baca Adem qe nuk fiton ne zgjedhje, ashtu sic e di se LDK-ja nuk zhduket komplet nga skena politike. LDK-ja ka nje trp votuesisht kompakt, qe ne rastin me te keq do ti jipnin se paku 25 vende ne Kuvend. Mirepo, baca po i jep nje shtytje politikes, qe ti kaploje pak paniku partite tjera, e te fillojne te permiresohen. Baca edhe pak i mbush 70 vjet, e di ai qe i ka ikur koha. Mirepo kjo nuk dmth se, ai s'ka te drejte te flet e te formoje parti. Neqofte Rugova aq i sigurte ne veten, e aq lider i mire, edhe perkunder Demacit i japin voten.

Sa per sqarim: nuk mbeshtes qendrimin e Demacit as per Rambuje, as per situaten e tashme. Mirepo kjo s'me pengon ta analizoj situaten me syte e nje kritiku.


Albo,

radikalizim i situates politike nder-partiake nuk dmth radikalizim mes Institucioneve vendore dhe UNMIK. Demaci nuk e ka ate fuqi ta beje kete dhe Thaci, ka qene nder me te maturit per ruajtjen e balances dhe bashkepunimit te mire.

Baca Adem e di se nuk fiton dot, e di se ai mund vetem te marr nje perqindje te ulte te votave, po kjo nuk e ndalon ate nga thenia e mendimeve te tij. Ai s'ka ndonje funksion te larte administrativ, madje asnje funksion hic. Kryetar i nje partie te vogel ne formim. Po te ishte kryetar Kosove e te fliste keshtu, atehere ok, mund te flasim per demin e tij te shkaktuar me keto deklarata, po baca nuk eshte aq i "madh" sa te beje dem te tille, ne kete moment. Atehere pse gjithe keto fjale per dem e per probleme qe i krijon baca Adem?

Politika eshte shume-dimensionale, jo vetem njera ane shihet. Duke degjuar kete gje, partite tjera thone, po ngadale o burre te permiresohemi e te behemi me te mire, qe mos ti leme baces te kete cfare te na thote. Dhe keshtu perfitojne nga verejtjet e baces, qofte direkt apo indirekt. Kuptohet, nqs se jane aq te pjekura sa te nxjerrin dic nga kjo.

Prandaj deklaratat e tij mund te mirren me shume si ndihme e tij dhene partive tjera, se sa si dem i shkaktuar. Pamarreparaysh a ka qene ai qellimi i tij i vertete, apo jo.

[Llapi]

Qe nji shkrim qe deshta tia vertetoi ASD se ashtu eshte :

--------------------------------------

Tahiri: Vetëm Rugova është për listat e mbyllura dhe jo LDK-ja


Prishtinë, 27 shkurt (Kosovapress) Time: 15 : 14

LDK-ja në fakt nuk ka mbajtur mbledhje zyrtare që dy vjet dhe vendimi për një sistem me lista të mbyllura është vetëm i një personi, respektivisht liderit të kësaj partie Ibrahim Rugova,- tha të premten anëtarja e kryesisë së LDK-së, Edita Tahiri, në një protestë që u organizua para selisë së UNMIK-ut nga Koalicioni i OJQ-ve, që i bënë thirrje shefit të UNMIK-ut Hari Holkeri, që të mos nënshkruaj rregulloren për sistemin zgjedhor me lista të mbyllura, por atë me lista të hapura.

[Ari-Intimidator]

Perderisa pajtohem me mendimin e ASD se deklaratat dhe mendimet e Demacit kane ndikim reciprokal ne vendimet dhe deklaratat apo permisimet e Politikaneve te tjere, dua te shprehem se radikalizmi dhe zgjuarja nga apatia nuk jane dy gjera te njejta.

Perderisa zgjuarja nga apatia behet me marrjen e hapave konkrete drej rruges qe e kemi marre(dmth institucionalizimi e institucioneve te Kosoves), radikalizmi nekupton marrjen e nje rruge qe eshte kunder ketyre aspiratave qe edhe bashkesia nderkombetare na i ka dhen si parakusht per krijimin e nje shteti te pavarur demokratike.

Si mund te krijojme nje shtet ligjor kur njerezit sikur Demaci bejne cdo gje qe te krijojne gridlok ne nje sistem te tille. Nuk dua qe dikush ti merre keot mendime te mija si mendime anti-demaciste. Une jam indiferent me partite politke te Kosoves dhe udheheqesit e saj. Nuk jam Rugovist, Surroist, Demacist etj etj. Une thjeshte jam vetem nje student i thjeshte i ligjiit dhe i shekcnave politke.

Duke u nisur nga kjo premise, mendoj se mundesa e nje kulture politke ne Kosove eshte armiku me i madh qe Kosova ka Sot. Nuk eshte UNMIKU, nuk eshte Serbia, nuk eshte Rusia e nk eshte as Rugova. Eshte kjo mungese e kultures politke qe eshte si arketip apo model qe duhet persosur ne menyre qe te arrijme institucionalizmim e Kosoves. Faji nuk eshte as te Rugova as te Demaci e as te Thaci..dhe mesiguri se te gjithe pajtohemi se faji nuk eshte as te populli shqiptare..sidomos te disa qe nuk kane lidhje me politike..sic jane disa anetare ne kete forum qe per shkaqe etike nuk do ti permend.

Amerika nuk u krijua per nje dite..apo sic thote hisotria, ROMa nuk u ndertua per nje dite. Te dy keto vende u ballafaquan me sfida te ndryshme..luftera, tradheti, opozite, shkeputje...mirepo ajo qe i beri qe ti perballojne keto sfida ka qene kjo Kulture Politike.

Cka nenkuptoje me kulture politke? Debati, rrespekti, etiketa, respekti i ligjit, karakteri i forte, dashuria ndaj kombit, interest kombetare para interesave partiake..kjo dashamire eshte kultura politike. Ne Amerike kemi sistem presidencial...dy parti, demokrate dhe republikane. Keto dy parti nuk dallojne njera me tjetren. NEse studjome procesin e votimeve senatoriale, do te mesojme se keta politikane dhe ligjeberes nuk votjne sipas linjave partiake. Interesi kombetare eshte ai qe drejton karakterin e tyre.

Kjo mungon ne Kosove. Kjo qe eshte me themelorja se cdo gje tjeter. Por kujt tja shpejgojme ne kete gje? Njerezit nuk kutpjne dhe po t'ju thuash se Demaci apo thaci apo rugova nuk e kane te drjete, ata te sulmojne dhe te quajne Titist, Rugovist, Demacist etj etj. Kjo eshte ajo qe me se shumti me dhemb kur degjoj. Kjo eshte ajo apatia qe e ka kapluar Kosoven Sot. Kjo eshte ajo apatia qe Kosova duhet te zgjohet nga. E jo ai radikalizm sic pretendon ASD.

Kam thene me pare dhe them prape. Kosova nuk do te arrije pavaresine me kutlure politke qe egziston atje. Kjo gjendje politike ne Kosove i konvenon Serbise dhe aletave te saj, e jo neve. Duhet te zgjohemi dhe te ndalemi e te mendojme se per cka jemi duke punuar; per interesa partiake apo kombetare.

Aludoj qe te gjithe te ndalen dhe te mendojne kete gje. jam i bindur se shumica do te mesojne se nuk jane duke punuar per interesa kombetare por per ato partiake.

Dhe per shkak te krijimit te partive te reja hd deklarimeve te vjetra Kosova vetemn shkone mbrapa e jo perpara.

Shpresoj se nje dite njerez te zgjuar dhe te kutlturua me kulture politike me karakter te forte do te udheheqin Kosoven nje dite.

Ky eshte vetem mendim i imi...theksoj se ehste mendim..e lutem disave qe mos te me dergojne mesazhe private e te me quajne QUN se nuk jam e Qun,

Me respekt,
Ari

[Shiu]

Demaçit me mire i pershtatet detyra e opozitarit te perjetshem, pra qe lirisht mund t'i kritikoje te gjithe te tjeret. Nese themelon parti dhe implikohet drejtepersedrejti ne politike, atehere do ta humbase edhe ate pak autoritet qe i ka mbetur si nje ish i persekutuar politik.

[Arb]

Postuar më parë nga Llapi
Qe nji shkrim qe deshta tia vertetoi ASD se ashtu eshte :

--------------------------------------

Tahiri: Vetëm Rugova është për listat e mbyllura dhe jo LDK-ja


Prishtinë, 27 shkurt (Kosovapress) Time: 15 : 14

LDK-ja në fakt nuk ka mbajtur mbledhje zyrtare që dy vjet dhe vendimi për një sistem me lista të mbyllura është vetëm i një personi, respektivisht liderit të kësaj partie Ibrahim Rugova,- tha të premten anëtarja e kryesisë së LDK-së, Edita Tahiri, në një protestë që u organizua para selisë së UNMIK-ut nga Koalicioni i OJQ-ve, që i bënë thirrje shefit të UNMIK-ut Hari Holkeri, që të mos nënshkruaj rregulloren për sistemin zgjedhor me lista të mbyllura, por atë me lista të hapura.

Deklaratë e kryetares së Forumit të Gruas së LDK-së për protestën e djeshme rreth sistemit zgjedhor

(QIK-u) - Prishtinë, 28 shkurt - Një deklaratë e dhënë dje nga znj. Edita Tahiri para mediave në një "protestë" të disa OJQ rreth sistemit zgjedhor për zgjedhjet e ardhshme nacionale në Kosovë është vetëm një gënjeshtër ordinere dhe një veprim i ulët në shërbim të interesave të disa OJQ të cilat kanë marrë para të mëdha për shfaqje të tilla duke mos u brengosur shumë madje të përdhosin çdo familje shqiptare dhe vlerat aq të çmuara të kombit, thuhet në një deklaratë të Melihate Tërmkollit, kryetare e Forumit të Gruas, deputete dhe anëtare e Kryesisë së LDK-së.

Znj. Tahiri po të interesohej vetëm pak për qëndrimin e partisë në të cilën thirret ende do të shihte se qëndrimi i LDK-së për sistemin e listave të mbyllura është qëndrim i LDK-së dhe LDK gjithsesi ka Kryetar dhe President të Kosovës Dr. Ibrahim Rugovën.

Qëndrimi për këtë sistem, pra është përcaktim i gjerë i LDK-së, i Kryesisë së LDK, i Forumit të Gruas së LDK-së, i Forumit të Rinisë së LDK-së, i të gjitha degëve të saj, madje edhe mekanizmave të tjerë institucionalë, siç është Komisioni për Barazi Gjinore i Kuvendit të Kosovës, dhe të gjitha këto janë shumica e qytetarëve të Kosovës, thekson zonja Tërmkolli.

Në fakt ky nuk është sistemi përzgjedhës i LDK-së, sepse LDK ka insistuar dhe insiston në nxjerrjen e Ligjit zgjedhor dhe një sistem të shumicës i kombinuar me sistemin proporcional i cili do të ishte shprehja më e lartë e një sistemi demokratik dhe që do të siguronte stabilitet më të madh të institucioneve.

Ky sistem, thota ajo, nuk është përmendur asnjëherë nga goja e znj. Tahiri dhe të gjithë atyre OJQ të cilat çirreshin para mediave për gjoja demokraci e transparencë.

Nuk ka dalë asnjëherë nga goja e tyre ta thonë një fjalë të vetme për vendet e rezervuara për serbët dhe minoritetet e tjera që është burimi kryesor i strukturës jostabile të institucioneve. Ata dhe ato e dinë pse nuk e bëjnë këtë, thotë në këtë deklaratë zonja Tërmkolli.

Një gjë është e sigurt se pavarësisht për cilin variant do të vendosë z.Holker, LDK do të fitojë edhe në zgjedhjet e ardhshme nacionale dhe pikërisht për faktin se është parti e realizimit të interesave kombëtare dhe parti që kultivon demokracinë e brendshme dhe në institucione, nënvizon në deklaratën e saj, Melihate Tërmkolli, kryetare e Forumit të Gruas së LDK-së.

[Llapi]

PSE VETEM LDK-eja DHE RUGOVA ,FRIGOHET NGA SISTEMI ZGHEDHOR ME LISTA TE HAPURA??

LDK-ja në fakt nuk ka mbajtur mbledhje zyrtare që dy vjet dhe vendimi për një sistem me lista të mbyllura është vetëm i një personi, respektivisht liderit të kësaj partie Ibrahim Rugova,- tha të premten anëtarja e kryesisë së LDK-së, Edita Tahiri, në një protestë që u organizua para selisë së UNMIK-ut nga Koalicioni i OJQ-ve, që i bënë thirrje shefit të UNMIK-ut Hari Holkeri, që të mos nënshkruaj rregulloren për sistemin zgjedhor me lista të mbyllura, por atë me lista të hapura.

Sistemi zgjedhor me lista të mbyllura më tepër i shërben partive politike dhe është në dëm të qytetarëve të Kosovës, prandaj ky sistem deri më tani ka prodhur fenomene jodemokratike. Kështu u tha të premten në një protestë që u organizua para selisë së UNMIK-ut nga Koalicioni i OJQ-ve, të cilët bënë thirrje tek shefi i UNMIK-ut Hari Holkeri që të mos nënshkruaj rregulloren për sistemin zgjedhor me lista të mbyllura, por atë me lista të hapura.

Koalicioni i OJQ-ve ka protestuar të premten para selisë së UNMIK-ut, për të apeluar tek shefi i UNMIK-ut Hari Holkeri që të mos nënshkruaj rregullorën për sistemin zgjedhor me lista të mbyllura, kur dihet se sistemi zgjedhor është një parakusht për proceset e demokratizimit në Kosovë. Prandaj, sipas përfaqësueve të OJQ-ve listat e hapura janë parakusht për këtë.

Koalicioni i OJQ-ve i ka dërguar Hari Holkerit një letër, ku apelohet që në zgjedhjet e ardhshme të përdorët sistemi zgjedhor me lista të hapura më shumë zona zgjedhore dhe në këtë mënyrë që të dëgjohet zëri i shoqërisë civile.

Nga ana tjetër, zyrtarët e UNMIK-ut nuk kanë konfirmuar se Hari Holkeri ka nënshkruar ndonjë rregullore që ka të bëjë me përdorimin e sistemit zgjedhor gjatë zgjedhjeve të tetorit të këtij viti.

Sipas anëtares së kryesisë nga radhët e LDK-së,Edita Tahiri, sistemi zgjedhor i deritashëm që është aplikuar, më tepër i ka shërbyer partive politike, dhe si i tillë ka prodhuar feneomene jodemokratike në shoqërinë e Kosovës.

Prandaj, ajo ka bërë me dije se qëllim kryesor që të përdoret sistemi zgjedhor me lista të hapura është që Holkeri dhe të gjitha subjektet politike në Kosovë të vetdijësohen se sistemi zgjedhor është një parakusht për proceset e demokratizimit në Kosovë.

Nga ana tjetër, vetë LDK-ja është përcaktuar për një sistem zgjedhor me lista ta mbyllura, dhe jo për të hapura, për çka Tahiri ka sqaruar se LDK-ja në fakt nuk ka mbajtur mbledhje zyrtare që dy vjet dhe vendimi për në sistem me lista të mbyllura është vetëm i një personi, respektivisht liderit të kësaj partie, Ibrahim Rugova.

“Partia nuk ka qëndrim për këtë çështje dhe asjëherë nuk është mbajtur mbledhje e Këslillit të përgjithshëm”, ka thënë Edita Tahiri.

Ndërkaq, e pytur nga gazetarët se ai i frikësohet konsekuancave nga kjo, Tahiri, ka rikujtuar se demokracia dhe fryma demokratike përcillet edhe me një politikan që bartë me vete edhe rreziqet e ndryshme në sfidat për demokratizimin e vendit dhe realizimit të pavarësisë së Kosovës.

Gjithashtu, ajo ka sqaruar se sistemi proporcional me lista të mbyllura ka dëmtuar në masë të madhe cilësinë dhe individët, të cilët as që kanë ardhur në shprehje.Dhe në fakt sistemi i listave të mbyllura ka hapur rrugën për lojalitetin, për klanizimi dhe kronizimit, dhe kjo është arsyeja që ajo mendon ndryshe.

“Kur është sistemi cilësor me lista të mbyllura, kandidatët mendojnë se nëse nuk janë lojal ndaj partisë nuk do të gjenden nesër kandidat në zgjedhje”, ka thënë ajo.

Ndërkaq, Leon Malazogu, përfaqësues i “Reformës 2004”, ka hedhur poshtë arsyetimin e OSBE-së ku rekomandohet që të përdoret sistemi zgjedhor me lista të mbyllura, ngase siç thuhet femrave iu garantohet një përfaqësim me të mirë, ngase dhe me listat e hapura edhe kjo është e mundshme.

“Të gjitha organizatat janë për listat e hapura dhe kërkojmë që kjo të merret parasysh”, tha Malazogu.

Sevdije Ahmeti, përfaqësuese e Lobit të Grave të Kosovës, është shprehur se nëse vërtetë Holkeri mendon që t’i përmbushë standardet, atëherë standardi numër një janë zgjedhjet dhe ai mund të përmbushet duke dëgjuar zërin e qytetarit të Kosovës.

Ndryshe, pesë koalicione joqeveriatre, koalicioni Reforma “2004” (Koalicion i 250 OJQ-ve), Lobi i Grave të Kosovës, Rrjeti i Grave kosovare, ai i KACI-t dhe rrjeti i Biznesit të Grave të Kosovës kanë protestuar të premten për mënyrën e sistemit zgjedhor që parashihet të jetë me lista të mbyllura.

[Arb]

Zgjedhjet në Kosovë: Sistemi me lista të hapura shkakton konfuzion te votuesit

(QIK-u) - Prishtinë, 3 mars - Sven Lindholm, zëdhënës i OSBE-së tha se përparësia e sistemit me lista të mbyllura, që edhe kësaj radhe me gjasë do të përdoret, edhe pse kjo mbetet të përcaktohet nga PSSP-ja, nuk është aq i thjeshtë, sepse duhet të merren parasysh shumë çështje. "Një prej çështjeve që e favorizon sistemin me lista të mbyllura është përfaqësimi gjinor në parlament", tha Lindholm, në një deklaratë për gazetën "Bota sot". Ai tha se edhe në sistemin me lista të hapura, edhe me atë me lista të mbyllura, është sërish partia ajo e cila vendos për kandidatët e mundshëm që do t'i ketë në listë.

Lindhoml ka sqaruar problemet të cilat i ka shkaktuar sistemi me lista të hapura në zgjidhjet e para komunale të mbajtura në Kosovë. "Në zgjedhjet e para komunale, kur është përdorur sistemi me lista të hapura, ka pasur një numër të madh fletëvotimesh jovalide (të pavlefshme), ngase në të shumtën e rasteve votuesit kanë qenë të hutuar për mënyrën se si duhet votuar. Ndërsa, në zgjedhjet tjera, kur janë përdorur listat e mbyllura, numri i fletëvotimeve jovalide ka rënë dukshëm", tha ai.
Zëdhënësi i OSBE-së tha se një prej standardeve është që të ruhet kuota prej 30 për qind e përfaqësimit gjinor.

Dy karakteristikat që e veçojnë sistemin me lista të mbyllura janë thjeshtësia për të votuar dhe përfaqësimi i denjë i gjinisë femërore. Ajo që e veçon këtë sistem nga ai me lista të hapura, është edhe fakti tjetër se sistemi me lista të mbyllura do të kushtojë më lirë. Lindholm mori shembull se sistemi me lista të hapura do të shkaktojë sërish konfuzitet tek votuesit, sepse nëse përdoret lista e hapur, votuesit në ditën e zgjedhjeve, para vetës, do ta kenë një fletëvotim të gjatë me emrat e të kandiduarve, për çka do ta kenë më vështirë për të gjetur kandidatin e dëshiruar, ndërsa me përdorimin e sistemit me lista të mbyllura do të jetë një fletëvotim i vogël, ku janë të renditura vetëm partitë, që do të mundësojë lehtësi për votuesin. "OSBE nuk ka ndonjë qëndrim konkret se cili sistem zgjedhor të përdore tnë këto zgjedhje, por, sido që të jetë, për përdorimin e sistemit me lista të hapura apo të mbyllura do të vendoset nga përfaqësuesi special i sekretarit të përgjithshëm", - tha zëdhënësi i OSBE-së.

Edhe zyrtarët e lartë të LDK-së thonë se sistemi me lista të hapura do të shkaktonte konfuzion total te votuesit.

Në fletëvotim do të gjendeshin me mijëra emra të të gjitha partive e koalicioneve të mundshme dhe votuesi jo vetëm që humb kohë, por edhe mund të gabojë në rrumbullakësimin e kandidatit. Dhe kjo është arsyeja e vetme që LDK preferon sistemin me lista të mbyllura, sepse është më i thjeshtë dhe më efikas gjatë votimit, por edhe gjatë numërimit të votave. Në LDK thonë se sistemi me lista ta hapura, me një zonë zgjedhore, nuk praktikohet askund në botë.

Problemi me lista të hapura a të mbyllura është mistifkuar tejmase nga OJQ-të e ndryshme, të cilat ashiqare nuk e njohin këtë problematikë.