Levizja Mjaft! [Koalicioni Mbrojtja Qytetarit]

[Macho]

Koha per ti thene Mjaft qeverise dhe atyre qe e drejtojne ate!!
Historia e afërt, në vende jo shumë larg Shqiërisë, ka treguar se
veprimi i përbashkët në formën e Inisiativave/Fushatave qytetare mund ta ndryshojë rrjedhën e mbrapshtë të apatisë publike.
Në Shqipëri, ka mungesë të debatit publik të hapur e të pastër mbi problemet e politikës, ekonomisë dhe problemet shoqërore me pjesëmarrje nga publiku i gjerë, çka është në fakt një nga karakteristikat e shoqërisë së hapur e të lirë.
Këto nevoja nuk janë nxjerrë në pah si duhet për më shumë se një dhjetëvjeçar pas rënies së komunizmit. Vendi ynë renditet si mos më keq në pjesën më të madhe të indekseve ( barazia gjinore, korrupsioni, trafiqet njerëzore, gjakmarrja, degradimi mjedisor, shërbimet e dobëta mjekësore, arsimimi, etj.) të Raportit të Zhvillimit Njerëzor, krahasuar me vendet e tjera të Europës juglindore.
Ne mendojmë se tashmë është pjekur koha që shoqëria shqiptare të ndërmarrë një ndryshim drastik në përpjekjet e saj për të lëvizur përtej “mentalitetit të krizës” drejt një të ardhmeje dinjiteti dhe prosperiteti. Ka ardhur koha që të gjithë shqiptarët që do të donin ta shihnin këtë shoqëri të ndryshonte të bashkojnë zërat e të thonë se kanë duruar mjaft dhe nuk do ta pranojnë më këtë gjendje! Kupa është mbushur, durimi ka sosur! Ka ardhur koha që të gjithë qytetarët e vendit tonë të thonë “MJAFT korrupisionit, varfërisë dhe injorancës! MJAFT dhunës, trafiqeve, p o l i t i k a v e të pacipa dhe të papërgjegjëshme! MJAFT mungesës së ujit dhe ndërprerjeve stresuese të dritave! MJAFT gjakmarrjes! MJAFT sistemit arsimor dhe shëndetësor që po shpërbëhet dita-ditës! MJAFT burokracisë, gropave dhe baltës!”.
Fushata Mjaft është qendra e një fushate publike që do të përfshijë 2.5-3 milion njerëz, me synimin për të qenë fushatamë e madhe e të kërkuarit të së drejtës mbajtur ndonjëherë në Shqipëri. Synimi i MJAFT!-it është të shkaktojë një “tërmet shoqëror” në Shqipëri, që të shkundet apatia qytetare e të rritet kërkesa publike për zgjidhje drejt jetesës së duhur. Ne besojmë se një demokraci e mirë, qeverisja e duhur dhe shoqëria e begatë mund të ndërtohen vetëm nëpërmjet arritjes së të kërkuarit publik konstruktiv dhe pjesëmarrjes. Mbyllja e syve para problemeve shoqërore të shumta edhe pse i hasim përditë ato, siç na ndodh të gjithëve, nuk ka për ta ndryshuar rrjedhën e problemve të tanimshme.
Eshtë detyra jonë të tregojmë se ç'do të thotë të jesh një qytetar i Shqipërisë! Është koha që në Shqipëri të thuhet Mjaft!

Parimet e organizimit të aksionit të drejtpërdrejtë janë:
1) Të arrijë ndryshime konkrete në jetët e njerëzve,
2) Të fuqizojë njerëzit në mënyrë që ata të bëjnë ndryshime përmes fitoreve dhe
3) Të ndryshojë marëdhëniet e pushtetit ndërmjet individëve dhe qeverisë, krijimi i organizatave të qëndrueshme lokale dhe kombëtare.

Jepni mendimet tuaja per kete teme qe prek cdo Shqiptar qofte ky/kjo eshe jashte vendit.

[Macho]

Eshte e natyrshme qe mbas nje periudhe 13 vjecare te mbushur me shpresa e zhgenjime,me premtime e mashtrime njerezit te lodhur tashme nga politika dhe nga alternativat e pakta qe ju afrohen do t'i kthenin shpinen angazhimit qytetar-aq te nevojshem per nje vend qe aspiron demokraci e zhvillim.
Per kete arsye,futja ne shoqerine shqipetare e nje levizjeje si "MJAFT" apo e cdo levizje tjeter te ngjashme ,gjithmone te shkeputura nga politika e perlyer me cdo te keqe qe shqipetaret kane perjetuar e perjetojne, eshte nje domosdoshmeri qe ndoshta vjen me pak vonese do te thoja.
Prandaj mendoj qe cdo njeri nga ne duhet ta mbeshtese pavaresisht nga vendi ku eshte me tera mundesite.
Ne jemi populli me moshen me te re ne europe.Eshte e patolerueshme qe ne te drejtohemi e te perfaqesohemi me njerezit qe kane mentalitetin e regjimit te Enver Hoxhes,perdorin te njejtat metoda dhe e shohin pushtetin si te trasheguar.
Ka ardhur koha ti themi MJAFT e te vendosim vete per te ardhmen tone.

SHQIPTAR MOS RRI PO DUKU!!!

Me respekt
Macho

[Erban]

Vallaj julo un dje isha aty por sot jo se me erdhi furnizimi i xhinseve ene nuk arrita te shkoja dot por dua ta them edhe Ketu "MJAFT VUAJTJES" "MJAFTE POILITIKES" "MJAFT KRYEKURVAVE TE SHQIPERISE QE JANE SALA ENE FATOSI BASHKE ME SHOKE "

[Macho]

Shume dakort me ty vlla. Ti japim fund ktyre qelbsirave qe po na e nxijne vendin.

[Erban]

Ehe julo ashu osht vella na e kan sjell ne maj te hunes vallaj le te cohemi sic ka bo vllai im me shoke ne vitet 90' ene ti hedhim poshte kto karakurva pa license

[LOS-LOBOS]

Qelbësirën sic e cilson ti Machu Pichu, ja kena dhon vet voten c'ka do te thote se ne jemi ato qe i dham voten ketyre Qelbësirave... Ndaj ti lem menjane komentet dhe debatet dhe ti thrrasim mendjes per dicka qe ne rradh te pare jemi vet shkaktare, duke qen te vete dishem perpara nji rreziku dhe duke u munduar ta sfidojm ate "C'ka eshte per te qeshur me vone se mendojm se na e kish qeveria fajin" aq me pak duhet dhe te na kerkoj ndjes publike!

Ne rradhe te pare jemi nji shtet Demokratik...

Demokracia esht nji fjal e vjeter greke qe ndahet ne Demo qe do te thote njeri, dhe kracia qe do te thote sundim... Pra Sundimi i popullit. Dhe nuk jemi ne nji shtet diktatorial qe pergjegjesia bie mbi njeri te vetem icili zgjidhet vete.

me kte desha te them se shum bindje politike jan dekompozuar tek rinia, dhe me pak takt mund te them se Rinia e sotme ajo qe ne i themi "LEVIZJA MJAFT" eshte ven ne levizje, nga nji grup partiak e majt apo e djatht qoft ajo dhe se besoj se dalin em vullnetin e tyre, duke marr shkas nga nji tragjedi e vetme, kur koha dhe momenti eshte per te heshtur dhe jo per te demostruar perpara nji qeverie, gje kjo qe seshte ne zakonin e shqipetarit!

Ndaj lijini menjane replikat kunder qeverise, por mendoni se c'do behet me te ardhmen tone, cila eshte mundesia jone per te bashkepunuar me qeverine qe dhe ne si shqipetare te kemi ate cka quhet Viza Shengen! Pra kjo duhet te veproj me shum ne mendjen e ketyre te rinjve dhe jo mendimi i nje rrezimi qeverie dhe krijimi i nji kausi politik, i cili do ti jepte nji mundesi veprimi te dyte krimit per te vepruar dhe ne nje far menyre te rrembej perseri jet njerezish!

NDAJ LERINI MENJANE POLITIKEN DHE VIHUNI NE ANGAZHIM PER NJE TE ARDHME TE MIRE E CILA I PERKET BREZIT TONE DHE ATYRE QE NA VIJN NGA PAS!!


Faleminderit!

[all the stars]

Pershendetjeje po lexoja 1 gazete ktu ne milano dhe pashe qe u folte per shqiperine dhe per shoqerine MJAFT dhe fliste shume mire per to.Une se dija se ekzistote por dua te them MJAFT qeverive te korrupsionit, trapave njerzve qe nuk njohin dhimbjet qe ka kalu shqiperia ne 13 vjetet e fundit por edhe MJAFT edhe mentalitetit puro shqiptar, me hakmarrje me thashatheme per njeri-tjetrin. Djem e vajza shqiptare duhet ta ndryshojme ne shqiperine dhe pa pas parti por per te miren e shqiperise dhe shqiptareve. Hajde tung te gjitheve...............................

[SUPERSTAR_N1]

Mjaft”-i i thotë edhe vetes Mjaft

“Në tribunën ku shfaqen zakonisht djemtë e lëvizjes “Mjaft”, pati një krisje të lehtë”, - e fillonte dje editorialin e vet një gazetë pranë opozitës. Meqënëse ia lexoj së paku paragrafin e parë dhe të fundit të shkrimeve të përditshme (më shumë për të kuptuar ato gjëra që nuk i marr vesh nga fjalimet bubullitëse të Berishës) di që artikullshkruesi, për nga mjeshtëria e lojës me termat, është nga ata që lë me barrë edhe një gomar mashkull. Megjithë gjakftohtësinë që ruan për të mbuluar varësinë politike, kësaj here ai nuk e fshihte dot ngazëllimin për atë që kish ngjarë. Ç’ka ngjarë? Ngjau që në tubimin e së premtes së lëvizjes “Mjaft”, një grup simpatizantësh të PD-së, të cilët protestonin bashkë me vullnetarët e lëvizjes në fjalë dhe me shumë qytetarë të tjerë të Tiranës, nuk e lanë Mustafa Nanon të mbante fjalën e vet. Meqë isha vetë i pranishëm në turmë, pashë fare qartë, se sa dhe çfarë ishin ata që e penguan Mustafanë të fliste; pashë edhe veprimet e dy-tre “kolegëve” të Mustafait pas shpinës së tij; pashë me po aq keqardhje edhe pazotësinë e të zotëve të shtëpisë, pra djemve të lëvizjes “Mjaft”, për të mos lejuar që një pakicë e kurdisur të vinte veton në një tubim ku kishte qindra të tjerë që mendonin ndryshe.
Sidoqoftë, u bë ashtu siç ishte parashikuar të bëhej. Dhe ja ku Mustafai, pikërisht ai Mustafa që ka shkruar për “Mjaft”-in aq shumë shkrime, sa mund t’ia kalojë vetëm analisti që cituam më sipër me shkrimet e veta për Berishën, e sheh veten jashtë Lëvizjes, pikërisht asaj lëvizjeje që u identifikua në media dhe iu prezantua publikut nëpërmjet tij. Pse? Sepse “ky kryeministër nuk luftohet duke nxjerrë para qytetarëve të zemëruar, një simbol antiopozitar si kolegu ynë Mustafa Nano”, - shkruhej në editorialin në fjalë. Kinse, përdoret fjala “qytetarëve” në vend të “simpatizantëve të PD-së”. Jo se këta të fundit nuk janë qytetarë si gjithë të tjerët. Padyshim që janë dhe as atyre, e as kërrkujt, nuk mund t’i hiqet e drejta e protestës. Meqë ia kanë marrë dorën, le të protestojnë si të duan dhe ku të duan, një më një apo të tërë bashkë, mjaft që të arrijnë të ruajnë një nivel të pranueshëm qytetarie. Por ndarjen e bënte “kolegu i Mustafait”, i cili në shkrim-ngazëllimin e tij aludonte që “Mjaft”-i (d.m.th qytetarët që e kanë mbështetur këtë lëvizje, pikërisht sepse janë bajatosur e traumatizuar nga kjo klasë politike me në krye Nanon e Berishën) “deri tani ka bërë aksione guerrile” dhe vetëm bashkimi në protestën e së premtes i militantëve të PD-së i “dha kësaj lëvizjeje identitet”.
Atëherë po i ftoj djemtë e zgjuar të “Mjaft”-it dhe jo vetëm ata, të zgjidhin një ushtrim të thjeshtë aritmetike. Mjafton t’u përgjigjen dy pyetjeve. E para, sa janë ata që mendojnë si Mustafa Nano, se këtij vendi nuk i duhen as Nanot e as Berishët; dhe e dyta, sa janë ata që mendojnë se këtij vendi nuk i duhen Nanot, por Berishët. Merrini, vërini në kandar dhe bëni si t’ua presë rradakja.

Kundërsulmi i politikës
Një politikan telefonoi dje pas botimit të një artikulli me autorësinë e tij. Me një guxim për t’u admiruar, ai shprehu pakënaqësinë për pozicionin e artikullit të tij në gazetë. Vini re: për pozicionin teknik në faqosje. Nuk u ankua (ruajna Zot) për censurë. Nuk u ankua as për redaktime, ndryshime e më the të thashë. U ankua pse shkrimi ishte vendosur në “anë të faqes” dhe jo në “krye” të saj. Meqë ra fjala, në “krye” ishte shkrimi i një publicisti dhe afërmendsh, cilido redaktor që ka dy pare mend në kokë dhe dy fije respekti për profesionin dhe kolegët, (pra për veten) nuk mund të preferojë në planin profesional (po flasim thjesht për faqosjen) një politikan para një publicisti. Por ajo që bën përshtypje dhe që ndihet edhe në incidentin e mësipërm, është një lloj revanshi tinzar që po vihet re këto ditë ndaj medias. Po provoj ta shkoqis:
Nuk është hera e parë që ndodh, por është hera e parë që media dhe politika vihen përballë njëra-tjetrës kaq fuqishëm. Tragjedia e dhimbshme e Jonit, veç të tjerash nxori në shesh më qartë se kurrë forcën e medias dhe pas kësaj, edhe forcën e lëvizjeve të vërteta qytetare. Por ç’po ndodh? Në këtë pikë kur media dhe lëvizjet qytetare arritën për herë të parë të identifikohen plotësisht me interesat e komunitetit që përfaqësojnë, në vend të ndryshimit të pritshëm dhe reflektimit (nuk po themi ndjesës se kush përtyp piper, nuk pështyn sheqer) politika jonë nxori kthetrat. Kjo politikë (qeveri e opozitë bashkë) kërkon t’i mbajë fijet e lojës në dorën e vet. Si? Qeveria duke kërcënuar median dhe lëvizjet qytetare, ndërsa opozita politike duke kanalizuar protestat e medias dhe lëvizjeve qytetare (që në fakt janë edhe kundër saj) në hullinë e vet.
Dhe ja çfarë ndodh. Individi që mban postin e kryeministrit të vendit, në vend të shpjegimeve për papërgjegjshmërinë e vet marsiane, deklaron me ashpërsinë që e karakterizon pas dopjos së tretë, se “trafikantët kanë lidhje me elementë të medias”. Merr e rras brenda edhe një gazetar sepse nuk mund ta konceptojë ky pashai ynë që dikush mund t’i kërkojë edhe llogari për ato që bën. Në të njëjtën “gjatësi vale”, ministri i Rendit për të cilin ka dyshime të forta se ishte në dijeni që në gomone kishte 35 njerëz, në momentin kur shpërndau nëpër disa redaksi lajmesh informacionin se në gomone janë vetëm dy trafikantë dhe një sasi droge, dje nga faqja e parë e një të përditshmeje kërcënonte për “luftë ndaj parave të pista të mediave”.
Paralelisht me këtë kundërsulm të qeverisë, opozita po infekton me kalbësinë e vet intelektuale lëvizjet qytetare, duke i hequr këtyre palcën kurrizore, pra duke larguar prej tyre atë masë të madhe qytetarësh që për herë të parë po ndiheshin të përfaqësuar, jo më si militantë të ndërsyer partish, por si qytetarë të paqtë e të denjë. Incidenti me Mustafa Nanon dhe analiza politike e asaj gazetës që cituam në fillim i dëshmojnë qartë këto përpjekje.
A do ta detyrojë Pozita median të heshtë? A do t’ia arrijë Opozita të largojë nga protesta qytetare atë 50 për qindsh që nuk voton as për hajdutërinë e as për mediokritetin? Pra a do arrijë politika t’ia hedhë edhe kësaj here, çka do të thotë se edhe pas gjithë kësaj furtune, (madje edhe pas heqjes së këtij turistit playboy që kemi mbi krye) e ardhmja nuk do të jetë ndryshe?
Sikur Mustafai të kishte mundur të fliste, sikur kërcënimet e ministrit nën akuzë të mos i shihja dje në faqen e parë të një gazete-kolege, sikur ai politikani sedërmadh të mos pretendonte se kishte të drejtë të zinte kryet e vendit në faqet tona, do të thosha JO.

[Macho]

Nuk jam dakort absolutisht me LOS-LOBOS. Nuk eshte fare e vertet se kto varen nga partite politike. Do ju jap konferencen e mbajtur nga miqte e mi te Levizjes Mjaft per kete teme.

[Macho]

DEKLARATA PER SHTYP

"MJAFT" nuk mbështesim dhe nuk mbështetemi nga asnjë parti politike

E kemi thirrur këtë konferencë për shtyp, për të bërë të ditur disa nga qëndrimet tona dhe të qartësojmë konfuzionin e vërejtur ditët e fundit rreth pozicionimit të lëvizjes MJAFT! në kaosin e ngritur me ose pa qëllim nëpërmjet disa deklaratave ose analizave në shtyp.

Ne dëshirojmë të themi që në fillim qartë dhe prerë, se MJAFT! nuk mbështet dhe as nuk mbështetet nga asnjë prej forcave që veprojnë në spektrin politik shqiptar. Se lëvizja MJAFT! nuk identifikohet me asnjërën prej tyre dhe se nuk mbron interesat e asnjërës nga forcat që luftojnë për të mbrojtur ose marrë pushtetin.

Madje lëvizja MJAFT! ka lindur dhe do të vazhdojë të ekzistojë si një artikulim i një revolte qytetare kundër gjithë klasës politike shqiptare. Klasë e cila me paaftësinë e saj për të kuptuar dhe për t’u dhënë zgjidhje problemeve të qytetarëve të saj, është shndërruar me këtë paaftësi që tregon, në arsyen e ekzistencës së kësaj lëvizjeje.

Pavarësisht nga spekullimet politike, kërkesat e lëvizjes MJAFT! janë dhe do të mbeten vetëm shprehje e ndjeshmërisë qytetare.
Këto kërkesa gjenerojnë vetëm nga revolta e brendshme e njerëzve të cilët shohin teksa u administrohen në mënyrë të padenjë, qoftë qeverisja qoftë opozita.

Ne ishim të imponuar për të dhënë këtë konferencë sqaruese për shtyp ndërkohë që, siç e keni ndjekur edhe vetë, lëvizja MJAFT! ka qenë e angazhuar maksimalisht në rrugë, atje ku protesta në këto ditë të dhimbjes është shprehur me mijëra qirinjtë dhe mesazhet e qytetarëve, të cilët ne nuk kemi ndër mend t’i tradhëtojmë. Vetë qëllimi i kësaj konference është për të sqaruar se MJAFT! nuk dëshiron të bëhet pjesë e diskutimeve për përkatësi politike por të përqëndrohet në diskutimin e çështjeve e problemeve të pafundme që shqetësojnë qytetarët e vendit tone.

Për këtë arsye sot në datë 16 Janar në orën 17.00 Lëvizja MJAFT! do të organizoje një miting proteste përpara kryeministrisë. Në thelb të kësaj proteste qëndron kërkesa jonë për një qeverisje të përgjegjshme. Në thelb të kësaj proteste qëndron manifestimi i së drejtës tonë qytetare për t’i kërkuar llogari njerëzve që vetë kemi zgjedhur e punësuar për të na qeverisur.

Në të njëjtën kohë kjo është një protestë që i drejtohet gjithë klasës politike shqiptare, e cila në 12 vjetët e fundit ka rrënuar shpresën e qytetarëve shqiptarë për një të ardhme më të mirë.

Lëvizja MJAFT! në protestën e sotme do të vazhdojë të kërkojë një falje publike nga ana e kryeministrit të Shqipërisë, si një minimum përgjegjshmërie, si dhe dorëheqjen e tij, si shprehje të ekzistencës së moralit dhe qytetarisë.