SHBA dhe BE injorojnë Nanon në Shkup

[Albo]

Gjatë një takimi me Moisiun, disa zyrtarë amerikanë thanë se protestat janë mekanizmi për të çuar para demokracinë

SHBA dhe BE injorojnë Nanon në Shkup

Presidenti i Republikës, Alfred Moisiu u takua në Shkup me sekretarin amerikan për çështjet veterane, Entoni Principi, si dhe kongresmenët Eliot Engëll, Frenk Uolf, këshilltarin e presidentit Bush, Berri Xhekson, asistent sekretaren për politikat evropiane Ketlin Stipens dhe ambasadorin amerikan në Shkup, Leri Batler. Mësohet se gjatë këtij takimi është biseduar veçanërisht për situatën më të fundit politike në vendin tonë. Bëhet e ditur se sekretari amerikan dhe kongresmenët kanë theksuar nevojën e zhvillimit të protestave në vend, pasi sipas tyre ato janë një mekanizëm që vë në funksionim demokracinë dhe bën që ajo të jetë në rrugë të drejtë. "Në referim të situatës aktuale, sekretari amerikan nënvizoi se, do të punojmë së bashku për ndërtimin e demokracisë e institucioneve demokratike, madje këto të fundit duhen mbrojtur. Duke i trajtuar protestat në demokraci si normale për funksionimin e saj, zyrtari i lartë i administratës amerikane theksoi se, ato nuk duhen përdorur për të kthyer mbrapsht proceset demokratike. Gjithashtu, ata u shprehën se do të vazhdojnë mbështetjen në drejtim të integrimit të Shqipërisë në strukturat e NATO-s. Biseda u përqendrua dhe në zhvillimet në Kosovë, ku çështja e përcaktimit të standardeve u vlerësua si shumë e rëndësishme për të ardhmen e statusit të saj," theksohet në një njoftim të presidencës për takimin e zhvilluar në Shkup. Gjithashtu bëhet e ditur se në takim është biseduar dhe për luftën ndaj terrorizmit. Biseduesit amerikanë kanë theksuar se Shqipëria është një aleat i rëndësishëm në luftën kundër terrorizmit. Sekretari amerikan tha se Shtetet e Bashkuara po ndjekin me vëmendje gjendjen në Ballkan dhe sidomos në Shqipëri. "Shqipëria është një aleate e ngushtë e SHBA-së në luftën kundër terrorizmit, një nga aleatet më të vendosura e të sinqerta të saj" - tha Presidenti Moisiu në fillim të bisedës me bashkëbiseduesit. "Duke nënvizuar cilësitë e shkëlqyera të trupave tona me mision paqeruajtës në Irak, Presidenti vlerësoi lart marrëdhëniet e shkëlqyera mes trupave amerikane e atyre shqiptare në Mosul, të cilat i vizitoi pak javë më parë. Lidhur me zhvillimet në vend Presidenti u ndal në përpjekjet për ndërtimin e demokracisë së vërtetë, për procesin e reformave, nevojën e menaxhimit më të mirë të tyre nga qeveria, me qëllim që pasojat në nivelin e jetesës së shtresave më të varfëra të popullsisë të mos jenë të rënda. Entoni Principi, sekretar amerikan i shtetit, vuri në dukje se SHBA po ndjekin nga afër situatën në Ballkan e në Shqipëri," thuhet në njoftim.

[Albo]

KRYEMINISTRI FYEN PRESIDENTIN

Kryeministri shqiptar demonstron nje sjellje skandaloze me prezencen e vet ne ceremonine mortore te presidentit Boris Trajkovski. Nder gjashtedhjete delegacionet pjesemarrese ne kete ceremoni te dhimbshme, Shqiperia perfaqesohej me dy delegacione, perkatesisht ate te Presidentit te Republikes zotit Alfred Moisiu dhe ate te kryeministrit Fatos Nano. Te dy kreret e larte shteterore paten axhende krejt te ndryshme kontaktesh dhe komunikimesh, nderkohe qe mes tyre sipas burimeve prane tyre nuk pati asnje cast komunikim.

Nga Protokolli zyrtar shteteror per kete akt skandaloz nuk jepet asnje sqarim, por sipas nepunesve shteterore ky akt konsiderohet si nje precedent i ri ne praktiken protokollare shteterore. Presidenti Moisiu gjate qendrimit ne Shkup ka shkembyer biseda dhe komunikime me perfaqesues te larte te Bashkimit Europian dhe te diplomacise perendimore e amerikane si dhe me krere te shteteve fqinje. Nderkohe qe kryeministri Nano gjate ketyre kontakteve jo vetem ka munguar, por ka synuar dublimin e kreut te shtetit, duke shkaktuar drejtpersedrejti nje incident protokollar. Gjesti kryeministror dhe reagimet e perfaqesuesve te larte te BE-se jane ne sinkron te plote. Pas kesaj, apeli i kreut te Komisionit Europian, Romano Prodi per vemendje dhe pergjegjesi te politikaneve shqiptare per shmangien e destabilitetit ne vend behet edhe me i besueshem.

Por mosrespektimi i protokollit nga ana e kryeministrit socialist ka nisur kohe me pare. Dublimi qe po perpiqet t'i beje kreut te shtetit shenoi pikun e tij ne Shkup, ku takimet dhe deklaratat me pas ishin shume larg njeri tjetrit. Nje precedent i tille nisi ne menyre publike me viziten e fundit te kryeministrit Nano ne Kosove ku mbeten te cuditur shume njerez, sidomos per vendimin e tij publik per te ftuar presidentin e Kosoves per vizite ne Shqiperi. Ne protokollin e shtetit dhe ne te gjithe boten demokratike, presidentet ftohen nga presidentet dhe jo nga kryeministrat. Kjo ndodh vetem nese kryeministri eshte i autorizuar per ta bere nje gje te tille nga Presidenti. Ne rastin konkret presidenti i Kosoves, Ibrahim Rugova ka muaj qe ka nje ftese te konfirmuar te presidentit Moisiu, por me ftesen e Nanos eshte shkelur jo vtem tradita, por edhe protokolli i shtetit. Nese ne kete rast do te thuhet se nuk eshte problem pasi behet fjale per Kosoven, gjesti kthehet ne skandal kur shikon se kryeministri nje dite me pas ka telefonuar presidentin e Polonise, Kvashnjevski. Ne asnje vend me Republike parlamentare nuk ndodh qe kryeministri i nje vendi te telefonoje zyrtarisht presidentin e nje vendi tjeter, por Shqiperia vazhdon te jete vendi i cudirave. Nano mund te fliste ne telefon me kryeministrin e Polonise jo me presidentin. Ky veprim nuk cenon institucionin e presidentit ne Shqiperi, por imazhin e vendit dhe marredheniet dypaleshe. Kortezia e pranimit te bisedave telefonike nga vende te tilla demokratike si Polonia, nuk e zbut cudine dhe protesten perse telefonata nuk vjen ne nivelin e kerkuar protokollar, por nga nje nivel me i ulet, gje qe krijon paragjykime dhe probleme per te ardhmen e ketyre marredhenieve. Kjo tregon qarte se mes presidentit te Republikes dhe kryeministrit shqiptar marredheniet jane ne diskordance. Nuk eshte hera e pare qe ndodh nje gje e tille. Nano ka munguar ne shume nga pritjet e Presidentit te Republikes, vetem per faktin e thjeshte se te huajt kane vleresuar se pari kreun e shtetit dhe me pas kryeministrin. Kjo tregon qarte se Nano kerkon te jete ne krye te listes kudo dhe ne vizita kortezie, pa marre parasysh protokoll apo rregullat e funksionimit te nje shteti.

KJ

[beni67]

Cudi qe ShBA dhe BE e injorojne fatosin! Vertet per tu cuditur. Po pse xhanem e injorojne? Ca ka bere ai qe e injorojne? Une kam lexuar disa ne forum qe ate e mbeshtet bota.! Pa he se kushedi ja fut kot Albo.

[StterollA]

Postuar më parë nga Albo
KRYEMINISTRI FYEN PRESIDENTIN

Moisiu-Nano, sherr per Shkupin


Presidenti dhe Kryeministri kane debatuar dje rreth paraqitjes se delegacionit shqiptar ne ceremonine e varrimit te Trajkovskit, me dy delegacione te ndara. Publikimi i deklarimeve te ashpra te Prodit dhe sulmet ndaj Moisiut nga organi zyrtar i PS, pas dekorimit te dy shikasve te vrare ne Vlore, ne qender te takimit

Presidenti Moisiu dhe Kryeministri Nano jane takuar pasditen e djeshme, per te shkembyer replika te ashpra mes tyre. Kreu i shtetit dhe shefi i qeverise, ne nje bisede qe ka zgjatur rreth nje ore, mesohet te jene perqendruar kryesisht ne problemet qe krijoi udhetimi i tyre drejt Shkupit, ku moren pjese ne ceremonine e varrimit te Presidentit Trajkovski. Moisiu mesohet te jete shprehur i pakenaqur nga menyra e prezantimit ne Shkup, duke u perqendruar ne faktin se delegacioni shqiptar veproi i ndare. Ne nje linje te tille, dy dite me pare, kryetari i Partise Republikane, Fatmir Mediu, pjestar i delegacionit, kishte kritikuar veprimet e Nanos ne kryeqytetin maqedonas, duke pretenduar se Presidenti dhe Kryeministri kishin zhvilluar ceremoni te ndryshme. "Protokolli varet nga Ministria e Jashtme dhe ministri i Jashtem, Kastriot Islami eshte ne duart e Kryeministrit Nano dhe per sa kohe qe te jete e tille, mund te beje edhe arranxhime te turpshme, qe Kryeministri dhe Presidenti te bejne ceremoni ne kohe te ndryshme", kishte deklaruar Mediu. Nderkohe, edhe ne takimin e djeshem me Presidentin, Nano mesohet te kete sqaruar se protokolli i vizites se tij ne Maqedoni ishte i rakorduar me palen pritese. Sidoqofte, burimet thane se Presidenti ka ruajtur pakenaqesite e tij per sjelljen e delegacionit kryeministror.

Por, problemet e lindura ne Shkup nuk kane qene vetem protokollare. Takimi i Presidentit Moisiu me kreun e Komisionit Evropian, Romano Prodi, dhe publikimi i deklarimeve te ashpra te tij ne drejtim te politikaneve shqiptare, ka sherbyer per rritjen e tensionit mes dy godinave, ne krah te ndryshem te bulevardit "Deshmoret e Kombit". Presidenca i ka dhene jehone maksimale kritikave te Prodit dhe shprehjeve te tij, ku kerkohej unitet ose paralajmerohej katastrofe. Ne te kundert, Kryeministria, ndonese pa u shprehur zyrtarisht, duket te mos kete "tretur" plotesisht "ushqimin e rende" te ardhur nga Shkupi. Prodi i kerkonte Shqiperise te shmangte cdo shenje destabiliteti, ndersa nuk jepte ende afat per nenshkrimin e Marreveshjes se Stabilizim-Asociimit. "Nuk jam doktrinar, - vuri ne dukje Prodi, - per te percaktuar kohen se kur do te realizohet ky apo ai objektiv, por eshte edhe ne interes te se ardhmes se vendit tuaj, per te cilen duhet te mendoje klasa politike e vendit, te fillohet te mendohet e punohet ne kete menyre. Ajo duhet te jete e afte te ruaje unitetin e vendit, ne te kunderten do te jete nje katastrofe".

Nderkohe, ne biseden e djeshme mes Presidentit dhe Kryeministrit duket se nuk kane mbetur jashte edhe problemet e lindura pas dekorimit te dy punonjesve te sherbimit sekret, te vrare ne shkurt '97 ne Vlore. Moisiu dhe pjestare te stafit te tij te ngushte, per disa dite me rradhe u sulmuan ashper nga gazeta zyrtare e Partise Socialiste "Zeri i Popullit". Sidoqofte, Kryeministri Nano nuk ka dale publikisht me nje qendrim per veprimin e politikanit 74 vjecar, i cili njoftoi se ishte konsultuar me pare edhe me deputete socialiste te Vlores. Pavaresisht kesaj, sulmi tejet i ashper i ardhur nga organi zyrtar i PS duket se ka qene nje nxites me teper ne klimen jo te mire mes dy institucioneve.

Ne kete menyre, i sulmuar nga opozita per shkak te zgjedhjeve te 12 tetorit, Moisiu nuk duket ne nje "stine dashurie" as me Nanon. Takimet, dikur te perjavshme, tashme jane nje kujtim i larget dhe ia kane lene vendin bisedave me te rralla. Dhe nese ne Samitin e Selanikut, Moisiu dhe Nano ndertuan nje marredhenie te mire edhe personale, udhetimi drejt Shkupit duket t'i kete cuar te dy, ne debatet e konsumuara dje ne zyren e Presidentit.

E.Metaj

Korrieri

[Pellazgu]

Ky Derri Jefri do rroka nja 3 mijë vjet që 14 vjet i quan "sapo"
Na paska ardhur në Shqipëri për të vëzhguar situatën politiko-ekonomike?! Uau!
Derri është i mbyrthyer në dhjam vetë dhe nuk ia ka haberin as se ç'bëhet në Amerikë, po vinka e i qaka hallin shqiptarve për ekonomi. Derrit po t'i dhimbsej thataniku aq shumë e bën si me Izraelin që ka 47 vjet që e subvencionon me paret e idiotave amerikanë duke filluar qysh nga buka e brekët e deri tek arsenali bërthamor. Sa për politikë, Derri nuk ka nevojë të vëzhgojë Shqipërinë por të shohë Bullin e vet që i vodhi votat, po ja fusin me damote e ve vezë kudo që shkon e vete në Amerikë e botë. Nqs puthadb*** shqiptare nuk i mjafton Derrit, asgjë nuk do mjaftonte që Shqipëria të bëhej Izraeli i Evropës. Ashtu siç kanë 14 vjet që politikanët e intelektualët shqiptarë, por edhe b***grisurit si puna ime që i kanë ulur brekët e nuk do t'ia fusi kush, kot që mbahen shpresat tek Derrat. Ato kur nuk kanë patur të ngopur deri tani, asnjëherë nuk do duan t'ia dijnë nëse ke bukë ti a jo.
Unë për vehte e kam mbushur mendjen top:
Derisa t'i humbë durim-madhit shqiptar durimi e të flasë me gjuhën e 97-ës, askush nuk do t'i kthejë sytë nga shqiptari.
Do rrijnë duke u tallur: Jo boja pallatit është shumë e kuqe, jo e bardha trotuarit duhet e verdhë. Jo varrezat e makinave duhet të jenë të kompjuterizuara, jo kjo fabrika është afër qendrave të banuara, jo kto llampat e juaja nuk bëjnë, blij të mijat, jo jevgjit nuk kanë të drejta, jo pse s'ka gjithkush numër pune( ani pse nuk ka punë). Kështu shkojnë e vijnë Derrat e ne prisim tu bjerë ndonjë copë dhjam atyre në SHqipëri. Edhe në u rëntë, ajo bie në dorë të Nanove e Berishave të pafund që ne kurrë nuk shterojmë!

[Albo]

Zbulohen detajet pse u ndez konflikti mes Kryeministrit Nano dhe Presidentit Moisiu

Moisiu ka shmangur takimin e Nanos me amerikanët

Nano i ka kërkuar Moisiut shpjegime pse ka ftuar zotin Mediu dhe pse ky i fundit i siguroi takim Moisiut me Sekretarin e Shtetit të SHBA për veteranët. Tensioni është rritur kur Nano ka mësuar se Moisiu ka ftuar në Shqipëri edhe një kryeministër të një vendi nordik

Pavarësisht përpjekjeve për të mbuluar të vërtetën e sherrit mes Kryeministrit dhe Presidentit nga zyrat përkatëse të shtypit, burime nga Kryeministria zbardhën dje për gazetën Tema përmbajtjen e bisedës në zyrën e Moisiut. Të zemëruar me faktin që disa gazeta kanë shkruar për "rishikimin" e pozicionit të Nanos në qeveri, burime nga zyra e kryeministrit bëjnë të ditur se pavarësisht qëndrimeve publike identike, grindja ka filluar së pari për pjesëmarrjen e Fatmir Mediut në delegacionin në Shkup. Nano i ka kërkuar Moisiut shpjegime pse ka ftuar zotin Mediu dhe pse ky i fundit i siguroi takim Moisut me Sekretarin e Shtetit të SHBA për veteranët, ndërsa përjashtoi nga ky takim Fatos Nanon. Moisiu i është përgjigjur duke iu referuar protokollit të shtetit se ai është kryetar delegacioni dhe në të gjitha rastet kur është ai në vizitë gjithë të tjerët janë thjesht anëtarë delegacioni. Tensioni është rritur kur Nano ka mësuar se Moisiu ka ftuar në Shqipëri dhe një kryeministër të një vendi nordik. Biseda është ashpërsuar dhe Nano ka kërcënuar se do të bëjë skandal duke kërkuar anullimin e vizitës. Pas kësaj biseda ka degraduar deri në fyerje të ndërsjellta dhe Nano ka braktisur takimin. Më pas dy këshilltarët përkatës janë takuar për të vendosur se çfarë do të bëhet me paraqitjen publike të takimit. Si përfundim ka dalë që të dy zyrat do të kenë qëndrim identik për takimin pa zbuluar detaje. Por pasi shtypi shkruajti dje se ka pasur konflikt mes tyre, zyra e Fatos Nanos mendon të hakmerret duke zbuluar detajet nga takimi. Dhe jo në pak redaksi qarkulloi dje versioni i tyre që përshkruam më lart. Kështu në reagimin e bërë publik më datë nëntë mars, një ditë pas takimit thuhet se gjithçka që është shkruar nëpër mediat e ndryshme, është një spekullim. Njoftimi saktëson se këto janë takime institucionale. Në këtë mënyrë saktësohet se takimet institucionale mes krerëve të shtetit nuk duhet të bëhen publike, ose duhet të bëhen të ditura vetëm në raste të veçanta. Në njoftim nuk bëhet asnjë saktësim i faktit se pse pikërisht në këto momente ndërmerret një takim mes të dy krerëve të shtetit. Madje fakti që ata janë takuar, bëhet i ditur një ditë pas takimit, pas shkrimeve në media. Por ajo që ka rënë më shumë në sy në njoftimet për mediat të zyrës së Shtypit pranë presidentit, dhe të zyrës së Shtypit pranë kryeministrit ka qenë se ata kanë qenë identikë në mënyrën se si janë ndëruar dhe konceptuar. Njoftimi duket sikur ka dalë nga e njejta zyrë, ose sikur është diktuar nga dikush. Vetëm në rastin kur ai bëhet publik nga presidenca, njoftimi fillon me presidenti dhe anasjelltas, kur ai bëhet publik nga kryeministria, fillon me emrin e kryeministrit.


--------------------------------------------------------------------------------

Njoftimi i presidencës

Presidenti i Republikës Alfred Moisiu, zhvilloi dje në mesditë takimin e radhës me Kryeministrin Fatos Nano. Biseda e Presidentit me Kryeministrin u përqendrua në situatën aktuale në vend. Ndërkohë zyrat përkatëse të shtypit, ajo e Presidentit dhe e Kryeministrit përgënjeshtrojnë çdo spekullim mbi këto takime institucionale.


Njoftimi i Kryeministrisë

Kryeministri Fatos Nano, zhvilloi dje në mesditë takimin e radhës me Presidentin e Republikës z. Alfred Moisiu ne seline e Presidences. Biseda e Presidentit me Kryeministrin u përqëndrua në situatën aktuale në vend. Ndërkohë zyrat përkatëse të shtypit, ajo e Presidentit dhe e Kryeministrit përgënjeshtrojnë çdo spekullim mbi këto takime institucionale.