SHBA dhe BE injorojnë Nanon në Shkup

[S`ka Lezet]

Prandaj ky shtet hajdut do ti lere parate e vjedhura e perfitimet me vendimet e tyre ne gjyqe boterore....Ligjet shqiptare jane ligje qe do hidhen ne koshin e historise...Ose populli do ngrihet ose do haje bar edhe kur ky shtet hajdut te izolohet dhe te denoncohet ne mbare boten....Keta nazi hajdutet do ndiqen deri ne varr....Sokol Nano e shoke te tjere beni gati mbrojtjen se fundi po ju vjen...

[S`ka Lezet]

A s`mjafton qe i falem njehere qe na vodhen per 50 vjet...tani ti falim prape???Pse ore kush qenkan keta qe te na shkelin me kembe per gjithe jeten???

[jonidapasho]

NUK E DI SI DO VENE GJERAT.
JAM MJAFT E REVOLTUAR ME KETE SITUATE QE PO ZGJAT CA SI SHUME.

[mateo]

e kam cilesuar me kohe absurditeti i politikes shqiptare, po mban peng progresin e vendit tone. me vjen turp qe ne shqiperi kemi nje kryeminister si fatos nanon, qe gjithcka mund te beje ai person por qe te drejtoje nje shtet nuk ja ka idene. mesa kuptova une gjirhcka qe shqiperise i duhet urgjensisht eshte siguria. ( ate nenvizon prodi me luften kunder krimit te
organizur dhe korrupsionit). evropa nuk pret qe ne te kemi te ardhura per $25,000 per koke, dhe atehere ne te pranohemi ne KE por siguria dhe zhvillimi te ecin ne rrugun e duhur. me siguri nano nuk e kupton kete gje ... apo nuk don ta kuptoje!

[Albo]

Barry: Elbasani shembull i shkelqyer qeverisjeje

Keshilltari i larte i administrates amerikane Berri Xhekson e shtriu gjeografine e vizites se tij ne Shqiperi ne qytetin Elbasan, ku zhvilloi disa takime pune dhe njohjeje me pushtetare lokale. "Une kam ardhur ne Shqiperi per te vezhguar situaten politike dhe ekonomike, jo vetem ne Tirane", ka nenvizuar Berri. Pasi ka falenderuar popullin Shqiptar si aleat te SHBA ne lufte kundert terrorizmit, Berri theksoi se Shqiperia eshte nje vend qe sapo ka dale nga komunizmi dhe si i tille politikanet duhet te jene me te sinqerte e te lidhen me shume me popullin. Me sa kam vene re, ka vijuar ai, problem mbetet lufta kunder korrupsionit dhe koalicioni i posacem i ngritur per kete qellim, po bashkepunon edhe me organizma te tjere, ne menyre qe Shqiperia te arrije objektivat e mijevjecarit e te integrohet sa me shpejt ne Europe. "Lufta kunder korrupsionit nenkupton kontrollin e popullit ndaj qeverisjes se tij. Qeveria duhet te punoje me shume per listen e zgjedhjeve, ne menyre qe ne te ardhmen te marrin te gjithe pjese ne votime dhe te kujdeset per mbarvajtjen e votimeve. Detyra e opozites eshte qe te kritikoje gabimet e qeverisjes, por ajo duhet te respektoje qeverine e zgjedhur nga mazhoranca. Per te realizuar synimin e saj politik eshte e drejte e opozites te ngrihet ne protesta, por keto protesta duhet te jene paqesore dhe te mos dhunojne institucionet", ka theksuar Berri. Keshilltari amerikan u shpreh se jo pa qellim e ka zgjedhur Elbasanin ne turin e vizitave te tij ne Shqiperi. "Ketu e majta dhe e djathta punojne se bashku per te miren e komunitetit dhe kjo te sjell nje kenaqesi te vecante. E gjithe Shqiperia duhet te marre shembull nga ky qytet qe me sa di ka zhvilluar nje process zgjedhor per t'u pasur si shembull per rrethet e tjera te vendit', ka perfunduar Berri.

Fatos Salliu

[Albo]

Ambasadori amerikan shprehet se vetëm biznesi privat mund të shpëtojë ekonominë shqiptare

Xhefri: Ekonomia, reformat e qeverisë s’kanë funksionuar


Nevila Përndoj

TIRANE - Qeveria shqiptare nuk ka gjetur rrugën e duhur për funksionimin e ekonomisë shqiptare. Ambasadori amerikan në Tiranë, Xheims Xhefri ka dhënë këtë vërejtje, gjatë takimit të zhvilluar dje, me përfaqësues të Dhomës Amerikane të Tregtisë, në Tiranë. Përgjatë një bisede të zhvilluar me këta përfaqësues, ambasadori amerikan ka rekomanduar edhe zgjidhjen e çështjes në fjalë.
Ai është shprehur se, reformat qeveritare në ekonomi, mund të gjejnë ndryshim vetëm nga veprimtaria e biznesit privat. “Reformat qeveritare në ekonomi nuk kanë funksionuar dhe mundësia e vetme e ndryshimeve është biznesi privat”, -tha ndër të tjera ambasadori amerikan në Tiranë, Xheims Xhefri. Ai e ka përforcuar më shumë deklaratën e tij teksa shtoi se, “nëse ka një ekonomi, që duhet të shpëtojë nga një sektor privat i fortë, kjo është ekonomia shqiptare”. Ambasadori amerikan e shpjegoi fenomenin në fjalë me disa arsye historike, si dhe për mënyrën se si qeveria shqiptare ka gjetur rrugët për zbatimin e saj. “Kjo për një sërë arsyesh historike dhe për shkak se qeveria ka zgjedhur një rrugë që nuk ka funksionuar dhe nuk po funksionon. Çështjet ekonomike janë në luftë me krimin i cili po lëviz fuqishëm në disa fusha si prostitucioni, trafiku i drogës, pastrimi i parave dhe monopolet e paligjshme, dhe kur në këtë punë hyn edhe politika, problemet përkeqësohen më tepër”, -tha ai. Ambasadori amerikan ka kërkuar edhe mbështetjen e bizneseve shqiptare. Në mbledhjen e djeshme së Asamblesë së Përgjithshme janë mbledhur edhe organet drejtuese të Dhomës Amerikane të Tregtisë. Gjatë vitit 2003 Dhoma Amerikane e Tregtisë ka zhvilluar një sërë aktivitetesh në ndihmë të biznesit dhe regjistron në anëtarësi të saj rreth 140 biznese shqiptare nga më të njohurat në vend. Para pak kohësh Xhefri deklaroi se shoqëria shqiptare ka nevojë për ndryshime rrënjësore nga maja deri në fund. Një sërë vërejtjesh për ecurinë e reformave kanë shprehur gjatë vitit të fundit edhe ekspertët e Bashkimit Evropian, të cilët ndërsa shprehen të kënaqur me miratimin e ligjeve në Kuvend sipas standarteve komunitare, kërkojnë të shohin zbatimin e tyre. Kjo ka qenë edhe një nga pikat e dobëta të të gjitha raporteve të ndërkombëtarëve këto vitet e fundit.

[Albo]

Parlamenti Evropian: Kushte për ndihmën që do t’i japin Shqipërisë

Nevila Përndoj

TIRANE - Qeveria shqiptare rrezikon të mos marrë 25 milionë euro ndihmë ekonomike nga Bashkimi Europian. Kjo për arsye se, referuesi për dhënien ose jo të kësaj ndihme në Parlamentin Europian, deputeti spanjoll, Johan Valves ka paraqitur dy kushte të forta në mbledhjen e komisionit europarlamentar për marrëdhëniet me jashtë në Bruksel. “Eurodeputetët duhet të votojnë pro por me dy kushte. Së pari, kontrolli i rreptë që duhet të ushtrohet për të siguruar ndihmat që të mos avullojnë nga buxheti i shtetit shqiptar dhe kushti i dytë që qeveria shqiptare duhet të tregojë transparencë në lidhje me shpenzimet e kësaj ndihme”, -është shprehur deputeti spanjoll. Shuma që Bashkimi Europian duhet t’i akordojë Shqipërisë është 25 milionë euro, që normalisht duhet t’i shtohen asaj të FMN-së në mbështetje të buxhetit shqiptar. Në rast se një shifër e tillë aprovohet nga Këshilli i Ministrave në BE, atëherë Shqipëria do të përfitojë 16 milionë euro që do t’i falen buxhetit të shtetit dhe 9 milionë euro të tjera të cilat janë borxh dhe duhet t’i kthehen BE-së pas një periudhe afatgjatë. Kjo shifër, cilësohet e rëndësishme nga qeveria shqiptare për t’u miratuar, nisur nga nevoja që ka Shqipëria për zbatimin e reformave në vend. Ndërsa eurodeputetët janë shprehur disa herë se shifra e akorduar do të ndihmojë në zbatimin e disa vërejtjeve, që ata kanë nxjerrë në pah si, mungesa e investimeve të huaja, kriza energjitike, apo mosaplikimi korrekt i ligjeve. Me kërkesën e FMN-së, Komisioni Europian propozoi dhënien e kësaj ndihme, që në fillim duhet të aprovohet nga Kuvendi dhe më pas nga Këshilli i Ministrave i BE-së.

[zeus]

--------------------------------------------------------------------------------



Problematike dhuna policore, korrupsioni në drejtësi


--------------------------------------------------------------------------------



Departamenti i Shtetit publikoi dje raportin për respektimin e të drejtave të njeriut e të punës në Shqipëri. Pas vlerësimeve për punën e bërë në lidhje me ndalimin e trafikut të qënieve njerëzore me skafe, SHBA rendit kritikat: Dhuna e policisë, drejtësia e korruptuar, presioni politik mbi median, diskriminimi i komuniteteve rome e egjiptiane vazhdojnë. SHBA ka renditur kritikat e vlerësimet për Shqipërinë duke nënvizuar se qeveria Shqiptare ka respektuar në praktikë lirinë e fesë.

LAJMI

Raporti i nxjerë nga byroja e demokracisë e të drejtave të njeriut në Departamentin e Shtetit të SHBA bën një analizë të situatës së të drejtave të njeriut për të gjitha vendet. Në 25 faqet e raportit vetëm për Shqipërinë jene fakte, emra e shifra për çdo rast të raportuar apo çdo verifikim të bërë nga vetë kjo byro.

Dhuna
Sipas raportit të vënë në dispozicion dje nga ana e ambasadës amerikane në Tiranë, Shqipëria ka probleme me dhunën e policisë ndaj të dyshuarve apo ndaluarve. Shkak sipas raportit është niveli i ulët i trajnimit të policisë. Kritika nga SHBA bëhen edhe për një pjesë të mirë të drejtësisë e cila, sipas departamentit të shtetit rezulton të jetë e ndikuar politikisht, e kërcënuar e korruptuar dhe e paaftë për të qenë e pavarur dhe e efektshme.

Trafiku
Raporti vlerëson se qeveria shqiptare ka bërë një punë të mirë në ndaljen e trafikut të klandestinëve me anë të skafeve. Megjithatë thuhet se trafikantët kanë gjetur rrugë të reja nëpërmjet trageteve dhe linjave ajrore, si dhe nëpërmjet linjave që kalojnë nga Maqedonia, Mali i Zi dhe Greqia. Raporti i amerikanëve nënvizon dhe vazhdon trafikimi i femrave e fëmijëve megjithëse në një nivel më të ulët se më parë. Deri në vitin 2000 ishin trafikuar 4 mijë fëmijë shqiptarë për qëllime përfitimi nga lypja në rrugë, prostitucioni apo pedofilia. Në raport përmenden të gjitha rastet kur janë hapur hetime në lidhje me këtë trafik, si dhe evidentohet forcimi i ligjit që është bërë nga ana e qeverisë. Si një e metë përmendet mungesa e një sistemi drejtësie për fëmijët si dhe mbrojtja e dëshmitarëve.

Feja
Qeveria e respektoi të drejtën e fesë. Ky është përcaktimi që bën raporti i SHBA për Shqipërinë. Vendi, sipas raporteve gëzon një bashkjetesë të qetë fetare mes muslimanëve (sunitë e bektashinj) kristianëve ortodoksë e katolikëve romanë. Ndërkohë që përmenden disa raste ankesash në lidhje me pronat e komuniteteve fetare apo ankesa të organizatave të kishave protestante në vend.

Minoritetet
Vlerësimi për pakicat kombëtare në raport është shumë i ndryshëm. Ndërsa thuhet se sigurohet arsimimi, informimi për pakicat tashmë të njohura, si grekët, maqedonasit, e serbët përmenden probleme me komunitetet e romëve e egjiptianëve. Në raport thuhet se qeveria këto komunitete nuk i njeh si minoritete apo pakica kombëtare. Ata nuk arsimohen në gjuhën e tyre, janë shumë të varfër të paarsimuar e jetojnë në kushte të këqija shëndetësore. Përmendet se qeveria Shqiptare ka hartuar një program të veçantë për romët e egjiptianët por pak është bërë në praktikë.


Fëmijët e gratë, ja problemet

Trafiku i grave e fëmijëve është ulur. Konstatimi i bërë nga ana e amerikanëve lidhet edhe me faktin se policia ka ndalur trafikun e klandestinëve me anë të skafeve. Raporti përmend pozitat që krijohen rreth viktimave të trafikut që në disa raste janë trajtuar edhe si kriminelë, ndërkohë që ky mentalitet ka ndryshuar tashmë. Ndërsa për integrimin në shoqëri thuhet se nuk ka pengesa për arsimimin e grave por ato në një pjesë të mirë janë të nënpunësuara apo nuk punojnë në profesionin e tyre.


Romët e egjiptianët më të diskriminuarit

Romëve dhe egjiptianëve nuk nuk u njihet e drejta e pakicës kombëtare. Raporti përmend kriteret që janë në Shqipëri për të marrë statusin e minoritetit etnik dhe cilëson se këto dy komunitete në Shqipëri janë më të diskriminuarit për arsimimin, shkollimin apo edhe nivelin ekonomik. Në raport përmenden përpjekjet e egjiptianëve për integrim në shoqëri por thuhet se pjesa më e madhe e tyre jetojnë në kushte të këqija. Ata sipas raportit bëhen edhe viktimë e dhunës, diskriminimit apo trafikimit.


"Media nën presionin e politikës"

Media ishte aktive dhe përgjithësisht e pakufizuar megjithatë pati probleme, serioze, theme-lore me përdorimin e medias për qëllime politike". Ky është përcaktimi fjalë për fjalë që raporti i Departamentit të Shtetit bën për median në Shqipëri. Në të tregohen dy rastet e dhunimit të gazetarëve si dhe gjyqet që politikanët kanë hapur ndaj medias. "Politikanë të pakënaqur me pasqyrimin në media herë-herës sulmuan apo kërcënuan anëtarë të medias", thuhet në raport.


--------------------------------------------------------------------------------

[XimiD]

Vazhdo pra shoku Fatos , mbroje dhe perkrahe Ameriken se ja si ta shperblen ! I korruptuar, i paafte, do perfundosh si Aristidi me duket !!

[Arlind]

Ministri i Puneve te Jashtme Kastriot Islami ka raportuar dje per here te pare ne kete post, para Keshillit te Perhershem te OSBe-se ne Vjene. Gjate fjales se tij ne kete takim, ai ka vene ne dukje se Shqiperia eshte perpjekur te permbushe plotesisht normat dhe detyrimet e vena nga OSBE-ja. "Nje gje e tille do siguroje kohezionin e forte dhe kredibilitetin e Organizates, sikurse dhe nje afrim me te shpejte te disa vendeve drejt anetaresimit ne strukturat euroatlantike" tha nder te tjera ministri Islami. Duke raportuar per gjendjen ne Shqiperi, Islami vuri ne dukje se qeveria ka marre masa te rendesishme ne fushen e drejtesise dhe zbatimit te ligjit. "Kemi perpiluar disa ligje te rendesishme si ai i Gjykates se Krimeve te Renda, mbi Policine e Shtetit dhe tani po punojme per ligjin e konfiskimit te pasurive qe vijne nga aktivitetet kriminale" tha ai nder te tjera. Nderkaq, sipas Islamit, edhe lufta kunder korrupsionit, mbetet aspekt i rendesishem i aktiviteteve te qeverise shqiptare. "Por masa te rendesishme jane ndermarre dhe ne lidhje me permiresimin e sistemit elektoral. Kodi i ri ishte perpjekje e perbashket, por kryesisht i OSBE-se dhe ODIHR-it" raportoi Islami.