Ringjallja E Rilindasve

[*DJ-ALDO*]

E hapa këtë temë,sepse realiteti i sotëm shqiptar,në shumë PIKA, mendoj unë,përkon me kohën e Rilindasve.
Populli ynë,ndoshta tani,është më turbull se kurrë,dhe tani atij do ti duheshin vërtet Rilindasit,do ti duhej fjala e ëmbël,drithërima e përmallimit,dëshira për të ndryshuar vendin.
Exodet e pandërprera të këtij populli të vuajtur,nuk kanë të sosur,dhe janë me haraç të rëndë ,haraç jete.
O intelektualë shqiptarë ,o ju njerëz që na keni bërë të lotojmë nga të qeshurat,nga dhimbja,gëzimi,ku jeni,ku jeni futur vallë??
Do desha me shpirt e zemër të ngrohja sadopak,akullnajat në vatrat e besimit në të ardhmen,por jam i pamundur i vetëm ashtu si çdokush nga ju.
Por mos harrojmë se të parët na kanë lënë plot eksperiencë,plot mësime,plot shkrime,të cilat mjafton ti kujtosh,dhe ke se çfarë mëson e bën.
Shumë nga ju këtu krijoni dhe botoni edhe në forum.Sillini këtu,bënani të çlodhemi me ju,me penat shqiptare,me piktorët me fotografët e me gjithçka që hyn në ART.
Thyeni agjitatorët dhe çdo antishqiptarizëm me mendjen tuaj dhe ne me kënaqësinë tonë.
Do t'ju lutesha të gjithëve,pa përjashtim dhe pa asnjë dallim krahinor,të sjellin këtu,atë çfarë e shqetëson dhe atë çfarë mund të ndihmojë me mendimin e tij.
Ju lutem,sa më larg POLITIZIMEVE dhe DOGMAVE fetare.
Do dëshironim të gjithë,një diskutim SHQIPTAR dhe larg politikës dhe feve.
Këtu mund që të sillni tituj librash të rinj,e të njihemi të gjithë me,veprat e reja shqiptare,dhe ti kalojmë ''dorë më dorë'' e ti dimë të gjithë.
Ashtu siç Rilinasit u quajtën të tillë,sepse e ringjallën vërtet Shqipërinë dhe shqipen,po ashtu edhe sot duhet që njerëzve ti hapen sytë dhe të shohin qartë të ardhmen e tyre.
Mos harrojmë se jemi në mes atyre,që kurrë,nuk na deshën të ekzistojmë ,të flasim dhe shkruajmë SHQIP.
Ju ftoj të gjithëve.

[*DJ-ALDO*]

Mos jam shprehur gjë gabim tek kjo temë,apo nuk mundeni të sillni diçka për diskutimin e saj?!!
Jemi mirë dhe bukur në këtë gjëndje,apo thjesht u AMBJENTUAM dhe PËRTOJMË të lëvizim??