"Mjaft": Nano s'mund të flasë për imazh të mire të vendit

[Albo]

Në momentin që bëhen gabime politike, të cilat cënojnë moralin qytetar, paguhen çmime politike. Shqiptarët nuk do ta harrojnë kollaj faktin që Kryeministri mungoi në mort. Dhe herët apo vonë, ndoshta këto ditë, ai do ta paguajë këtë çmim politik

Kryeministri i Shqipërisë nuk ka respektuar kodin moral të shqiptarëve duke "munguar në mort"


"Mjaft": Nano do të paguajë çmimin e gabimit politik


Te gazeta "Zëri i Popullit" është shkruar se si ka mundësi që qeveritë e huaja të financojnë një lëvizje të tillë që arrin deri aty sa kërkon edhe dorëheqjen e kryeministrit! Nuk na financon askush. Ne kemi një bord ndërkombëtar ambasadorësh që na ka mbështetur vetëm në fushatat e mëparshme

Arbian Mazniku

Producent ekzekutiv i lëvizjes "Mjaft"
Lindur në Tiranë më 6 nëntor 1978
Mbaron shkollën e mesme tek "Partizani"
Merret me gazetën e shkollës dhe organizatat rinore
Diplomohet në fakultetin e gazetarisë
Koordinator i Organizatës Kombëtare të Debatit.


Si u bëtë pjesëtar i "Mjaft" dhe pozicioni juaj këtu?



Unë jam zv/drejtor dhe producent ekzekutiv i "Mjaft". Merrem me të gjithë pjesën mediatike, me pjesën e dizajnit, posterave e spoteve, imazheve mediatike, imazheve të protestave etj.. Punoj shumë me Erin. Pjesën më të madhe të stafit të "Mjaft" e njoh prej shumë kohësh, sepse janë produkt i organizatës së debatit, anëtar i së cilës kam qenë edhe unë. Debati është një organizatë që ka trajnuar të rinjtë e shkollës së mesme për të debatuar, folur në publik, argumentuar.



Çfarë po bën "Mjaft" aktualisht?



Jemi duke menduar se në çfarë mënyrash dhe si do të vazhdojmë lëvizjen tonë. Kishim dhe vazhdojmë të kemi plane të gjata për gjithë vitin. Mes tyre hyri ngjarja e 9 janarit. Veprime të papërgjegjshme të shtetit shqiptar lidhur me këtë ngjarje, të cilat na bënë të shkëputemi për disa momente nga planet e gjata. Ne jemi të vendosur të bëjmë diçka: ta mbajmë këtë çështje pezull. Siç kemi thënë publikisht edhe herë të tjera, kjo lëvizje kundër kryeministrit dhe qeverisë, nuk mund të jetë ligjore apo politike, por vetëm morale. Gjëja kryesore që kemi kërkuar deri ditën e protestës së madhe ka qenë që shteti shqiptar dhe kryeministri t'i kërkojnë falje popullit shqiptar. I detyrohen për këtë.



Si besoni se do të arrini faljen e kryeministrit?



Po mendojmë gjëra të ndryshme. Thelbi është ky, do të bëjmë që njerëzit të mos e harrojnë këtë që ndodhi. Kryeministri i Shqipërisë nuk ka respektuar kodin moral të shqiptarëve duke "munguar në mort". Nuk ishte i pranishëm në një ngjarje kaq të rëndësishme që njerëzit e përjetuan shumë keq. Duke mos ngushëlluar familjet apo gjithë popullin për këtë që ndodhi, duke mos kërkuar falje, sepse funksionarë të lartë të shtetit ishin përfshirë në këtë trafik, ka cënuar moralin e qytetarëve. Në fund të fundit, duhet të paguajë çmimin politik të kësaj. Ky është mesazhi që duam t'i japim politikës shqiptare të majtës dhe të djathtës, që në momentin që bëhen gabime politike, të cilat cënojnë moralin qytetar, paguhen çmime politike. Shqiptarët nuk do ta harrojnë kollaj faktin që Kryeministri mungoi në mort. Dhe herët apo vonë, këto ditë, ai do ta paguajë këtë çmim politik. Dhe ne do të bëjmë gjithçka kemi në dorë që shqiptarët të mos e harrojnë, do të ndihmojmë memorien e tyre.



A nënkuptoni dorëheqjen e kryeministrit brenda "çmimit politik"?



Jo nuk nënkuptoj dorëheqjen. Eventualisht, në raste të tilla, është njësoj sikur një i afërt i familjes nuk shkon në mort. Të tjerët nuk i flasin, janë të zemëruar. E njëjta gjë ka ndodhur edhe me Nanon, veçse e ndryshuar në një sens politik. Qytetarët e këtij vendi do të vazhdojnë të jenë të ofenduar nga Kryeministri. Dhe kjo nuk është pak.



Për lëvizjet tuaja në vazhdim do të merrni mendimet apo idetë e bordit këshillues. Çfarë ju kanë këshilluar deri tani?



Bordi është një strukturë që kemi ngritur për qëllime thjesht këshilluese. Të kemi mundësi të marrim ide nga njerëz të mençur, por në fund vendimet përfundimtare i marrim vetë. Bordi ka qenë në një mendim me ne se është cënuar morali i shqiptarëve dhe se lëvizja "Mjaft" duhet t'i bëjë të ditur shtetit se ka bërë diçka që nuk mund të kalohet pa u vënë re. Nuk e kemi mbledhur më bordin që pas ditës së premte.



Si i komentoni shkrimet e fundit mbi "Mjaft", ku thuhet se qeveritë e huaja financojnë një lëvizje që kërkon dorëheqjen e kryeministrit?



Është momenti më i mirë për të thënë diçka, pasi mediat po spekullojnë. Tek gazeta "Zëri i Popullit" është shkruar se si ka mundësi që qeveritë e huaja të financojnë një lëvizje të tillë që arrin deri aty sa kërkon edhe dorëheqjen e Kryeministrit! Nuk na financon askush. Ne kemi një bord ndërkombëtar ambasadorësh që na kanë këshilluar dhe mbështetur për fushata e mëparshme, pra për fushatën "Mjaft" që mbaroi në korrik fushatën parazgjedhore "Këtu vendos unë", por në asnjë sekondë nuk na kanë mbështetur financiarisht për lëvizjen e fundit për 9 janarit. Këtu na kanë mbështetur qytetarët dhe një pjesë e fondeve të vogla rezervë të organizatave.



Kush ju ka mbështetur deri para fushatës së 9 janarit?



Ambasada hollandeze, angleze, gjermane, norvegjeze, OSBE-ja, por asnjë nga këto nuk ka mbështetur për lëvizjen e fundit dhe kjo duhet bërë e qartë.



Intervistoi: Alida Beqiri

[Duke_Of_Arberia]

Nuk besoi se kjo "Mjaft" e vetme do te arrij te rrezoj Nanon. E vetmja mundesi e rrezimit te ketij "Përbindeshi" do te ishte dalja e njerezve ne shesh. Nuk ka asnje zgjidhje tjeter per momentin.

[Albo]

Nano takohet me drejtorin e lëvizjes "Mjaft" Erion Veliaj dhe përfaqësues të tjerë të shoqërisë civile. Veliaj kishte veshur një bluzë ku shkruhej e zeza mbi të bardhë "Ju ende nuk keni kërkuar falje publike zoti Kryeministër!"

Veliaj para Nanos me bluzë provokuese. Nano: Falja duhet të jetë institucionale, jo publike

"Mjaft": Nano s'mund të flasë për imazh të mire të vendit

Alida Beqiri

"Nano tha se unë kam me të inat personal", thotë me nota habie Erion Veliaj, drejtori ekzekutiv i Lëvizjes "Mjaft", i cili sapo ka dalë nga takimi që zhvilloi Kryeministri me disa nga përfaqësuesit e organizatave të shoqërisë civile. "As nuk di se çfarë inati mund të kem me të", vazhdon Veliaj që kishte veshur një bluzë me mbishkrimin provokues "Ju ende nuk keni kërkuar falje publike zoti Kryeministër!" "Mjaft", e njohur për detajet e gjetura në mënyrën e saj të të protestuarit, edhe këtë radhë ka arritur të tërheqë vëmendjen mjaft lehtë. Bluza e Erion Veliajt ka tërhequr vëmendjen e të gjithë të pranishmëve në tryezë, edhe të Nanos. "U denoncua republika e 'çarter'-ve dhe gomoneve. I kërkuam Kryeministrit më shumë përgjegjshmëri dhe respektim të të drejtave të qytetarëve. Ai duhet të kërkojë falje publike, pasi kjo do të shpëtonte edhe atë pak dinjitet që i ka mbetur, nëse i ka mbetur. Ai nuk ka pranuar ta bëjë një gjë të tillë, duke thënë se falja duhet të jetë institucionale dhe jo publike". Veliaj ka sulmuar edhe pjesëtarë të afërt të stafit të Nanos, zëdhënësin e kryeministrit Aldrin Dalipi për fyerje dhe presion ndaj gazetarëve dhe këshilltarin e tij Agim Isaku për mosrespektim të ligjit dhe rregullave. "U fol për një imazh të mire të Shqipërisë, gjë për të cilën kurrësesi nuk mund të flasë këshilltari i Nanos që nuk respekton rregullat e qarkullimit rrugor, apo zëdhënësi i tij Dalipi që fyen dhe u bën presion gazetarëve. Në kryeministri nuk të presin nëpunës së institucionit, por truprojat e Nanos që të kërcënojnë edhe me telefon", tha Veliaj.
Përsa i përket përfshirjes në protestën e studentëve, Veliaj tha se "Mjaft" do të mbështesë protestën e studentëve, pasi ka strukturat e saj në Qytetin Studenti. "Duhet bërë e qartë se protesta e tyre nuk ka lidhje me asnjë forcë politike", shtoi Veliaj.
Në takim ishin të pranishëm edhe përfaqësues nga Zyra për Mbrojtjen e Qytetarëve, të cilët diskutuan për një sërë problematikash që përjeton sot shoqëria shqiptare, duke filluar nga përfshirja e grave në politikë dhe përmirësimi i imazhit të vendit në botë, deri tek faturat e larta të telefonisë dhe energjisë. Spahiu shprehu shqetësimin që kryeministri shqiptar si përfaqësues i lidershipit politik, me qëndrimet e tij të fundit, ka thelluar hendekun mes qeverisjes dhe ndjenjave e shqetësimeve të qytetarëve. Duke i kujtuar masakrën e Raçakut dhe lotët e presidentit Klinton për viktimat e genocidit serb, Drejtori i Zyrës për Mbrojtjen e Qytetarëve i tha Kryeministrit se është e papranueshme pandjeshmëria e lidershipit politik ndaj tragjedisë së 9 Janarit dhe kostos sociale për mijëra familje shqiptare, për shkak të rritjes së çmimeve të shërbimeve jetike të energjisë dhe tefonisë.
Takimi është mbyllur me një nga frazat e zakonshme të Nanos për të ardhmen e Shqipërisë drejt Bashkimit Europian: "Shpreh vullnetin e plotë për të qenë pjesë e dialogut të vazhdueshëm dhe transparent me organizatat e shoqërisë civile duke vlerësuar dhe theksuar rolin e tyre të rëndësishëm në zhvillimin dhe forcimin e demokracisë në vend, si dhe për të kontribuar së bashku në të ardhmen europiane të Shqipërisë: tha Nano që para disa ditësh ka thënë se lëvizja "Mjaft" është një lëvizje e pavlerë trotuaresh.

[Hek]

Nuk e di se pse ky "Mjaft" me kujton ate kohen qesharake te viteve "90, dicka para shpalljes se pluralizmit, kur Ramiz Alia beri qe edhe Organizata e Rinise, apo e Bashkimeve Profesionale te kritikonin qeverine, te dilnin jo me kerkese per pluralizem politik, por per pluralizem mendimi (vini re: Mjaft thote duam doreheqjen e kryeministrit, por jemi apolitike), dhe ne fund Organizata si ajo e Rinise, e Grave, e Frontit Popullor kishin edhe te drejten te kishin deputete(!!!!!!!). Keta Mjaft-istet e atehershem ishin Lisien Bashshkurti, Remzi Lani e ca te tjere qe koha i provoi qe ishin super te majte, dhe qe (kjo ta kujton perseri "Mjaft-in") me vone bene monopol shoqerine civile.

2. Te ben pershtypje kalimi i kerkesave te tyre nga doreheqja e Nanos e pastaj zbutja deri tek kerkesa qe kryeministri te kerkoje falje. A e dine keta donkishoter se familjeve te atyre viktimave mund te mos u duhet e tu hyje ne sy fare as doreheqja e Nanos e aq me teper falja? A i kane ata familjet e viktimave me vete, apo si gjithmone, keto u japin te drejten vetes te flasin ne emer te atyre qe vuajne, ne menyre qe atyre qe vuajne vertet te mos u vije asnjehere rradha?
Mjaft kerkon te kthehen ne nje levizje, por a dine keta 20 te rinj te bllokmeneve te rinj, se ne qofte se per te dale ata ne shesh te Tiranes marin qindra dollare per koke, ai qe duhet te protestoje me te vertete, ai nga Kukesi, apo Himara, mund t'i duhet nje dite e tere per te shkuar deri tek sheshi, sepse rruget jane te prishura, po duhet te humbe dhe diten e punes se me ate mbahet e tj. Pra problem i vertet i madh dhe qe duket i Mjaft-it eshte se nuk perfaqson asgje, as ata qe vuajne e as te tjeret. Kjo patjeter behet me qellim:
se pari nuk u lihet rradhe atyre qe duhet te protestojne qe te protestojne vertet,
se dyti jepet imazhi i demokracise ne Shqiperi.
se treti Kryeministri ka rast te beje spektakle te tipit "jo po do kerkoj flaje, jo po s'do kerkoj flaje.
Se fundi do ta besoja levizjen mjaft po te shihja aty edhe njerez qe me te vertet kane bere nje jete te veshtire per shkak te regjimit te nanos, e jo njerez qe jane ne nje menyre ose nje tjeter sekretare OJQ-sh te punesuar nga donatoret e huaj, qe dihet se sa te ngrohte kane qene me te majten shqiptare, dhe dihet se sa kot i kane hedhur leket ne Shqiperi.

Nejse, duke mos qene ne Shqiperi prej kohesh, nuk di per Mjaft-in me shume se sa ka ndonje gazete, keshtuqe do e vleresoja ne se dikush nga forumi do me thonte ndonjegje me shume

[Albo]

I ke rene ne te Hek. Eshte iluzioni me i ri shqiptar ne boten shqiptare te mbarsur plot me iluzione. Qesharakja ne kete bufonate qendron tek fakti se thirrjet e MJAFT nuk perkojne me thirrjet e shqiptareve. Doreheqjen e NANOs nuk e kerkoi MJAFT, e kerkuan shqiptaret ne shesh, Mjaft u nxorri Mustafa Nanon tu fliste per "levizjen qytetare".

Eh c'na gjeti.
Albo

[shkodra13]

S'i njof djemte e "MJAFT", por s'shof ndonji te keqe ne veprimtarine e tyne, perkundrazi...
E keqja asht se na presim gjithcka prej tyne. Iluzioni asht ky. Me daljen e nji levizjeje tjeret marrin menjihere rolin e spektatorit. MJAFT asht nji pjese e shoqnise qi leviz. E vertete? E rrejshme? Ma mire qi asht! Te bajne edhe pjeset tjera rolin e vet. Te "iluduem" jane vec ato qi presin prej MJAFT te rrezojne qeverine, te ndertojne qeverine e re, te na fusin ne Europe, te zgjidhin problemin e tokave dhe te persekutuemve, luften ndaj mafjes ...etj.etj...kushedi se c'kam harrue.
Ne se dikush proteston per dicka te luajne dhe pjeset e tjera te shoqnise rolin e tyne ne fushen e tyne e jo ti bijen menjihere ne krye tjetrit. Ne se MJAFT s'asht kurgjasend, sic thuhet, une mendoj ma mire nji pike se hic. Tjeret te pyesin veten se cka po bajne per te miren e Shqipnise.

[Albo]

S'i njof djemte e "MJAFT", por s'shof ndonji te keqe ne veprimtarine e tyne, perkundrazi...

Nuk ke perse ti njohesh personalisht qe te dalesh ne perfundime llogjike, mjafton te njihesh me qendrimet e tyre. Keta jane ata qe protestojne per uje, drita, telefona, por zgjedhin te heshtin kur shqiptareve u mohoet e drejta e votes ne zgjedhje, A-ja e demokracise. Keta jane ata qe u nxjerrin shqiptareve ne shesh Mustafa Nanon perpara kryeministrise qe tu mbaj leksion mbi "levizjen qytetare", ne te njejten kohe kur turma e protestuesve shqiptare ben thirrje per doreheqjen e qeverise Nano.

Shqiptaret bejne me te drejte me faj qeverine per gjendjen e renduar ekonomike dhe shoqerore ne vend, MJAFT nuk ben njeri me faj pasi "MJAFT NUK MERRET ME POLITIKE". Budalleqe te tilla mund te degjosh vetem nga njerez te pashkolluar ose nga propogandiste te paguar. Te protestosh do te thote te mbrosh te drejtat dhe interesat e tua, do te thote te besh politike. Vetem MJAFT proteston por nuk ben politike dhe ky eshte unikal mbase ne historine moderne te njerezimit.

Nga 'doreheqje te qeverise', te nesermen thirrjet kaluan ne 'doreheqjen e kryeministrit', te pasnesermen 'kthim ne identitet, jo tubime politike', te paspasnesermen, 'Nano te kerkoje te falur'. Keto batuta infantile mund tu hedhin hi syve atyre shqiptareve qe marrin informacion te filtuar nga mediat e kontrolluara, por jo ne ne Perendim qe nuk e njohim demokracine dhe principet e saj nga filmat e Hollywood apo nga librat, por nga jeta dhe shkolla qe bejme.

Mjaft nuk perfaqeson shqiptaret pasi shqiptaret nuk duan protesta, duan NDRYSHIM dhe ndryshimi asnjehere nuk vjen vetem me protesta, por vjen me levizje politike. Pa mbrojtur qendrime te pasterta politike nuk ka asnje ndryshim per mire, ka vetem iluzione.

Mjaft nuk perfaqeson shqiptaret pasi financimet e saj nuk dalin nga xhepat e shqiptareve sic dalin kuotat e partive politike apo sindikatave te punetore, dalin nga xhepat e ambasadoreve dhe organizatave te huaja qe kane axhenden e tyre ideologjike/politike. $90000 ka shpenzuar MJAFT per te blere dashurine e mediave ne nje fushate reklamimi dhe sensibilizimi, shifer kjo e konsiderueshme per nje organizate jo-qeveritare jo-fitimprurese.

Hidhu nje sy edhe faqes se tyre zyrtare ne web dhe lexo se cfare mendime shprehin anetaret e MJAFT ne forumin e tyre. Ke per te kuptuar perse pershkrimi i HEK eshte i goditur.

Albo

[shkodra13]

Gjithsesi per mue ma mire qi asht se mos me qene. E keqja asht se tane Shqipnija fokusohet te nji levizje e pret a thue se prej saj ka me ardhe shpetimi e mandej, sigurisht, s'vjen gja tjeter vecse zhgenjimi. Se s'ka se si prej MJAFT me ardhe shpetimi. Konsiderojeni per ate qi asht e s'keni pse me u zhgenjye. Mos pritni ndryshimet politike prej saj, por prej politikes. Ne vend qi me u marre me kritikimin e MJAFT te thone partite opozitare cka po bajne! Ne qofte se MJAFT nxjerr ne shesh M.Nanon me fole e thote se nuk asht organizate politike, pune per te, mjafton mos me e ndie vedin te perfaqsuem prej saj e kaq. A thue s'ka te drejte me ekzistue? Gjithkush duhet me pase hapsinen e vet deri ne piken qi s'shkel ligjin. Demokracija e presupozon kete. Te losin rolin e vet deputetet e partite e opozites e mos te kene frige se ka hapsine per te gjithe. Te punojne vecse e te mos mshehen kur asht koha me veprue se athere s'asht faji i MJAFT.