Trafiku i qenieve njerzore ne Shqiperi !

[ALBA]

Telefonatë tek "TemA"

Ne viktima të trafikut drejt SHBA-së

"Flasim nga Amerika Latine. Jemi në burg. Dy trafikantë shqiptarë na morën nga 10 mijë dollarë për të na çuar në Amerikë dhe na kanë rrasur në burg. Jemi në Amerikën Latine". Kaq mund të shpjegojë telefonata e largët e dy të rinjve shqiptarë që japin për gazetën vetëm inicialet e tyre B.D. dhe R.S. Trafiku i qenieve njerëzore drejt SHBA është tashmë më fitimprurës se ai i skafeve drejt Italisë. Rrjetet që e drejtojnë atë përmes Italisë dhe Greqisë kanë rekrutuar me mijëra emigrantë, të cilëve u marrin deri në 10 mijë dollarë për të emigruar në ShBA e Kanada duke ndjekur itinerare të ndryshme, shpeshherë të rrezikshme, si në Brazil, Meksikë, Rep.Dominikane etj.. Këta emigrantë shpeshherë me qëllimin që vetëm të ikin, kanë vuajtur edhe burgjeve në këto vende.

Qytetarët që na telefonuan thanë se janë trafikuar nga dy shqiptarë nga Kosova dhe premtuan të japin në të ardhmen emrin, numrat e telefonit të tyre në shtetet e ndryshme të Evropës e Amerikës si dhe veprimtarinë e tyre.

Ata i kanë gënjyer se janë të lidhur me punonjës të aeroportit në një vend të Amerikës Latine nga ku do të përcilleshin si destinacion i fundit SHBA. Ata kërkojnë të kthehen nga brigjet e Amerikës Latine në Shqipëri, por nuk kanë as shpresë, as para. Ata janë në burg, trafikantët janë të lirë. Me shpresë se gazeta do të rilidhet me ta, pas këtij botimi, ne do të përpiqemi të ndriçojmë të vërtetat për këtë rrjet trafikantësh në Shqipëri, Kosovë dhe disa vende të Evropës deri në SHBA.

[ALBA]

MBI 6 MIJE FEMIJE SHQIPTARE TE TRAFIKUAR

Mbi 6 mije femije shqiptare jane trafikuar gjate viteve te fundit ne Itali dhe Greqi, te cilet detyrohen nga familjet e tyre, te aferm apo tutore te lypin, te shesin artikuj ambulante apo te vjedhin. Keta femije shpesh te keqtrajtuar nga tutoret detyrohen te bredhin neper rruge, me ore te tera derisa te fitojne shumen e duhur. “Trafikimi i fëmijeve, sidomos vajzave të vogla eshte nje burim i mire per trafikantet. Femijet e rruges te cilet jane rome apo jetime perfaqesojne kategorine me te vuajtur, shtresen e keqtrajtuar dhe te varfer te shoqerise”, u shpreh Avokati i Popullit, Ermir Dobjani. Perfaqesues te larte te shtetit shqiptar, te Keshillit te Evropes dhe Task Forces, kane diskutuar ne nje konference per menyrat e eleminimit te ketij trafiku, per riintegrimin e ketyre femijeve ne vendin tone. “Ideja se secili mund te luftoje vec eshte nje ide e gabuar. Ne mund te luftojme se bashku per te arritur rezultate”, u shpreh Engjell Bejtaj. Ndersa zevendesministri i Jashtem Luan Hajdaraga pohoi se ligji shqiptar parashikon denimet e trafikanteve nga 10 deri ne 20 vjet burg. Por moszbatimi i ligjit, mosfunksionimi i shtetit apo korruptimi i disa strukturave te shtetit, kane sjelle moszbatimin e plote dhe ka bere qe organizatoret e ketij krimi te mos ndeshkohen.

.


Marre nga top chanel.

[ALBA]

E vërteta shqiptare në jetimoret greke -


Raporti i UNICEF-it për trafikimin e fëmijëve shqiptarë në tokën helene. 75% “zhduken” nga institucionet, të ngujuar në jetimoret e Greqisë, të detyruar forcërisht të ndërrojnë kombësinë, pa asnjë kontakt me gjuhën amë, ky eshtë realiteti i fëmijëve shqiptarë të trafikuar në tokën helene, i zbardhur nga raporti i UNICEF-it për Shqipërinë.

“Fëmijët më të vegjël se 12 vjeç dërgohen nëpër jetimore, ku i nënshtrohen një procesi të shkombtarizimit me forcë dhe humbasin kontaktin me gjuhën e tyre të origjinës”, thuhet në raport. Shifrat e Ministrisë së Punës dhe Çështjeve Sociale, flasin për 6’000 fëmijë shqiptarë në jetimoret italiane dhe 2’000 në ato greke. Porse raporti i UNICEF-it saktëson se e vërteta e përtej gardhit të jetimoreve greke është krejt tjetër. “Në tre vitet e fundit, rreth 75 për qind e fëmijëve shqiptarë në institucionet greke, janë ‘zhdukur’ prej aty”, thuhet në raport. Sipas burimeve zyrtare greke, nga 644 fëmijë shqiptarë të strehuar, 487 ia kanë mbathur. Por raporti tregon se nuk ka informacione bindëse rreth numrit të fëmijëve shqiptarë të mbajtur në jetimoret greke. “Ministria greke e Shëndetësisë ka refuzuar t’i përgjigjet kërkesës së OJQ-së shqiptare “Help for Children” për informacion dhe akses nëpër jetimoret greke”, thuhet në raport.

TË ZHDUKUR E TË VDEKUR
“Disa të zhdukur e të vdekur”, ka deklaruar shefi i misionit të organizatës “Terre des Hommes”, duke iu referuar raportit për fëmijët shqiptarë të trafikuar në Greqi. As policia e organizatat joqeveritare greke nuk kanë dijeni për vendndodhjen e pjesës më të madhe të fëmijëve shqiptarë. “Rreth 80 për qind e fëmijëve të trafikuar që janë në Greqi kanë ndryshuar lokalitetet ku qëndronin më parë, si dhe aktivitetet që ushtronin. Ata janë zhdukur në rrjete, apo qytete e shtete të tjera”, thuhet në raport. Rishtas, trafikimi i fëmijëve për të dyja sekset, lidhej me punësimin me forcë e lypjen, shpërndarjejn e drogës dhe aktivitete të tjera si larja e makinave. “Ka fëmijë që janë rishitur për arsye prostitucioni”, citohet në raport. Sipas të dhënave të mbledhura nga “Terre des Hommes”, pas disa kohë qëndrimi në Greqi apo në Itali, fëmijët trafikohen më tej në Evropën Perëndimore.

Qytetet kryesore prej nga trafikohen fëmijët shqiptarë janë Berati, Korça, Fieri, Elbasani e Tirana. Raporti saktëson se mosha e tyre varion nga 0-15 vjeç. Shumë syresh, janë prej familje të varfra. “Shumica e fëmijëve të trafikuar vijnë nga minoriteti rom në Shqipëri, megjithëse ka fëmijë edhe me origjinë shqiptare dhe problemi nuk është specifikë e një grupi të caktuar nga radhët e minoriteteve”, thuhet në raportin e UNICEF-it. Sipas raportit, fëmijët trafikohen për në Greqi, duke shkuar në këmbë, duke kapërcyer malet, me kamion, nëpërmjet kufirit me dokumente false, si dhe me të ashtuquajturat “nëna” false. Raporti i mëshon edhe përfshirjes së zyrtarëve në trafik. “Tolerimi i autoriteteve në të dyja anët e kufirit, Greqi e Shqipëri, është bërë një pjesë e pandarë e problemit”, citohet në raport. Në disa raste, rikthehen. Porse vetëm në kufi. Arrestohen, burgosen e mbahen bashkë me trafikantët. Në çdo rast me të rriturit. “Gjatë mbajtjes në arrest, me ata shpesh abuzohet, keqtrajtohen dhe grabiten nga gardianët apo edhe nga të ndaluarit e tjerë. Pas disa ditësh, ata dërgohen në kufi dhe lihen aty në mëshirë të fatit”, thuhet në raport. Kësisoj ua servirin në pjatë të argjendtë trafikantëve, pasi, sipas raportit, institucionet shqiptare dhe policia nuk janë të informuara rreth aksioneve të fqinjëve.

RAPORTI I ORGANIZATËS “TERRE DES HOMMES” NË KE
“Dhjetëra fëmijë shqiptarë janë ‘zhdukur’ në Greqinë qendrore”. Ky është një nga konkluzionet e raportit “Fëmijët shqiptarë të trafikuar në Greqi” i organizatës ndërkombëtare “Terre des Hommes”, në komisionin e të drejtave të njeriut në Këshillin e Evropës. “Janë me qindra fëmijët shqiptarë që nga mosha katër vjeç të trafikuar në Greqi, ku janë shfrytëzuar ekonomikisht e seksualisht, për përfitime të të rriturve”, thuhet në raportin e parashtruar në KE. Sipas raportit, qeveritë e dy vendeve kanë bërë shumë pak në ndaljen e këtij fenomeni. Fjala e përfaqësuesve të “Terre des Hommes” në KE, saktëson se nuk ka kritere etnike në “përzgjedhjen” e fëmijëve të trafikuar. Përfitimet shkojnë të gjitha në xhepat e “bosëve”. “Një fëmijë siguron minimumi 30-50 euro në ditë dhe të gjitha paratë ia jep padronit”, thuhet në raport. Ndodh që rekrutuesi është i afërm i familjes së fëmijës së trafikuar. “Do të bëjë lekë”. Kësisoj bindja ndodh pa shumë mundim. “Prindërit i lejojnë fëmijët për shkak të varfërisë, injorancës, por në disa raste janë të përfshirë vetë në trafik”, thuhet në raport. Sakaq, vendi i destinacionit, Greqia, nuk i konsideron të vegjlit viktima, por fajtorë për kalim të paligjshëm të kufirit. “Terre des Hommes” apelon në Këshillin e Evropës për t´i thënë ndal këtij trafiku, nëpërmjet një bashkëpunimi të të gjitha palëve.

SHIFRAT E FËMIJËVE TË TRAFIKUAR
Sipas Ministrisë së Punës dhe Çështjeve Sociale janë të paktën 6’000 fëmijë shqiptarë në jetimoret italiane dhe 1-2 mijë në ato greke Zonat kryesore prej nga trafikohen fëmijët shqiptarë janë Berati, Korça, Fieri, Elbasani dhe Tirana Mosha e fëmijëve të trafikuar varion nga 0-15 vjeç Një fëmijë fiton minimumi 30-50 euro në ditë. Të gjitha të ardhurat i kalojnë “bosit”.

Sipas burimeve të institucioneve greke, nga 644 fëmijë shqiptarë të marrë në mbrojtje, 487 janë arratisur, 90 janë përcjellë te familjet e tyre, 45 janë dërguar nëpër institucione, 22 janë kapur nga policia. Rreth 80 % e fëmijëve të trafikuar në Greqi kanë ndryshuar lokalitet dhe aktivitet, janë zhdukur në rrjete, apo qytete e shtete të tjera.

Panorama

[inspektori]

nga sa kam ndjekur me vemendje rreth kesaj teme,mendoj se sdo te diskutohet me gjate.
shqiperia doli nga lista e trafikut te qenieve njerezore.kjo sdo te thote se sdo te kete me raste ose tentativa ,por ne nivelin qe kane qene sdo te jene me...
eshte diçka per tu inkurajuar....shume pozitive....
pershendetje nga inspektori

[leci]

çfare do te thote qe ne livelin qe ishim nuk do jemi me?
Atehere qenka politike numrash..
Meqe zhdukeshin 10 dhe tani zhduken 5,te fillojme te duartrokasim per betejat qe po fitojme?
Sikur edhe nje femije te zhduket,eshte nje gur qe i hiqet murit tone.
Sikur edhe nje femije te zhduket,nje drite qe fiket,do te ngeli perjete si nje humbje e jona..e popullit shqiptar.

pershendetje
leci

[inter_forever]

Trafiku i qenieve njerezore nuk ka per tu zhdukur asnjehere nga Shqiperia . Dy jane faktoret kryesore qe e mbajne gjalle kete trafik:
Varferia e tejskajshme qe po e zhyt vendin ne varferi dhe nga ana tjeter vazhdimi i izolimit te Shqiperise , qe e ben te pamundur levizjen e lire te qytetareve .
Shifrat jane propagande si gjithmone . Trafiku vazhdon te ekzistoje , por vazhdimisht perfeksionon e ndryshon menyren e kalimit.
pershendetje.

[rudi c33]

Do te shtoja dhe un dicka,por jo shum i sigurt
sepse e degjova nga dikush
Ne nje nga TV shqipetare tregon,se ne Elbasan,shvarrosen
10 varre femijesh jetime,ku ne 10 varre 2 ose 3 u gjenden bosh
Kur ne Shqiperi ndodhin keto.C'far te presim nga grekuu a te tjer

[inspektori]

me sa shoh ju as argumentat pozitive sju mjaftojne.meqe jeni kaq pesimiste a mund te marr nje pergjigje per pyetjen time:
NE CİLİN VEND TE BOTES SHKALLA E KRİMEVE ESHTE NE NİVELİN 0!???????????????????????????????????????????????
ato do te ekzistojne gjithmon sepse ashtu eshte krijuar kjo jet.e rendesishme eshte ti minimizojme.per ti bere 0 ta mendosh bile eshte teper....

[Genti^Itali]

ca benet kshu mer daj

Po nuk pati stabilitet total ne shqiperi qe te drejtat tona te behen-
te barrabarta me ato europjane nuk ka per tu myll ky trafik skandaloz-
i qenjeve njerezore:

Turp te ken!