Operacioni "Rrjeta e hekurt"

[zeus]

-------------------------------------------------------------

POLICIA NIS OPERACIONIN KUNDER TRAFIKUT “RRJETA E HEKURT”

Policia shqiptare ka nisur sot nje operacion kunder trafikut te kodifikuar “Rrjeta e hekurt”, i cili synon bllokimin e pasurisë së trafikantëve. Operacioni eshte prezantuar sot paradite ne Qendren Antitrafik te Vlores nga drejtori i Pergjithshem i Policise Kriminale ne Ministrine e Rendit, Sokol Bizhga. “Rrjeta e hekurt”, parashikon te parin operacion ne Shqiperi qe synon bllokimin e pasurise se te gjithe atyre qe jane implikuar ne trafiqe dhe ne krimin e organizuar. Drejtori i Policise Kriminale ka organizuar nje mbledhje me te gjithe drejtoret e policise te qyteteve qe lagen nga deti si dhe te kryeqytetit. Operacioni eshte konsideruar i filluar qe sot paradite, por qe te shkohet ne bllokimin zyrtar te pasurive do te duhet me pare zhvillimi i hetimeve dhe vendimi i gjykates. Drejtues te policise ne Vlore thane se eshte pergatitur dhe nje liste me disa nga hotelet apo restorantet e identifikuara paraprakisht si prona te njerezve te lidhur me trafiqet. Por qe te vendoset sekuestroja, duhet me pare nje urdher prokurorie. Ne listen e objekteve jane perfshire dhe pasuri te organizates “Hakmarrja” dhe te njerezve te drejtesise. Gjate mbledhjes Bizhga ka deklaruar se do te behet verifikimi i pasurise se te gjithe te dyshuarve nga Shkodra deri ne Sarande, kryesisht hotele ne bregdet, si dhe i shume objekteve ne Tirane, ku eshte perqendruar dhe biznesi me i madh ne Shqiperi. Pas kesaj mbledhjeje, sot ne mesdite ne brigjet e Vlores ka nisur dhe operacioni per sekuestrimin e te gjitha gomoneve madhesia e te cilave eshte mbi parametrat e lejuara.

-------------------------------------------------------------

Kush eshte menyra me e mire e administrimit te pasurive te fituara ne menyre te paligjshme (n.q.s ato sekuestrohen)?

A do të jetë efikas ky operacion?

-------------------------------------------------------------

[zeus]

---------------------------------------------------------

“Rrjeta e Hekurt”, sekuestron diskon e Roland Shytit


Ardian Dauti



VLORË- Operacioni “Rrjeta e Hekurt” që është ndërmarrë në Vlorë pas tragjedisë së 9 janarit në gadishullin e Karaburunit, ka vënë nën sekuestro edhe një disko në Orikum, me pronar Roland Shytin, që akuzohet si një nga kapot e organizatës Hakmarrja për Drejtësi”, krahas dhjetëra gomoneve të gjetura gjatë kontrolleve të ushtruara përgjatë bregdetit. Për sekuestrimin e gomoneve kanë reaguar pronarët e tyre, të cilët kanë thënë se mjetet që posedonin ata ishin mjete peshkimi apo për turizëm dhe kurrsesi për trafiqe. Diskoja e cila ende nuk është përfunduar është sekuestruar dje gjatë operacionit “Rrjeta e hekurt” dhe në të nuk do të lejohet të punojë asnjëri, deri në konkluzionin përfundimtar që do të japë grupi i hetuesve për të ardhmen e saj. Burimet e policisë nuk dhanë detaje se përse merret kjo masë në këtë moment, por ato saktësuan se objekti në fjalë është pronë e personave që kanë lidhje me krimin dhe se operacioni “Rrjeta e Hekurt” nuk ka si qëllim vetëm goditjen e trafikut klandestin, por të krimit në përgjithësi. Në operacionin “Rrjeta e Hekurt” janë përfshirë forca të policisë së Vlorës, të mbështetura nga RENEA, FNSH dhe forcat speciale të ardhura enkas nga Tirana për këtë qëllim. Gjatë ditës së djeshme, këto forca policore kanë organizuar kontrolle të vazhdueshme në një sërë banesash të të dyshuarve që merren me lloje të ndryshme trafiqesh përmes detit. Por nga këto kontrolle nuk është deklaruar ndonjë i arrestuar. Po ashtu në bazë të operacionit “Rrjeta e Hekurt” uniformat blu kanë bllokuar dje dhe disa gomone. Ndaj kësaj mase të policisë kanë reaguar pronarët e tyre të cilët kanë thënë se këto mjete lundrimi janë mjete peshkimi apo turistike dhe se ato janë me dokumente të rregullta, të marra nga organet përkatëse. Yzeir Meçe, pronari i një gomoneje të vogël pohon për gazetën se isha në shtëpi kur erdhi policia dhe më tha se ju keni gomone. Unë u thashë se kam gjithë dokumentacionin e nevojshëm për posedimin e kësaj gomoneje që është një mjet për peshkim, por papritur ata e morën atë. Nuk më dhanë asnjë shpjegim, veçse më komunikuan sekuestrimin e saj. Ç’është kjo që po ndodh. Ky është një turp i këtij shteti që për fajin e skafistëve e paguajnë peshkatarët. Mjeti që unë posedoja është vetëm 4 metra i gjatë dhe me 1 motor 40 kuaj/ fuqi. Ky lloj mjeti nuk vete dot as në Sazan dhe jo në Itali”,- shprehet i revoltuar pronari Meçe. Gjatë aksionit të djeshëm është bllokuar dhe një gomone turistike, e cila njihet si e vetme në Vlorë. Pronari i saj, Remzi Sulo, shprehet se “jam i pajisur me gjithë dokumentacionin e nevojshëm nga kapiteneria, tatim- taksat. Nuk e di se përse më rrëmbehet prona ime. Ky është rrëmbim. Unë e kuptoj efektin e tragjedisë së 9 janarit, por kjo gjë nuk duhet të jetë pretekst që shteti të abuzojë”. Operacioni “Rrjeta e Hekurt” do të vazhdojë dhe gjatë ditës së sotme, ndërsa pritet që të ketë arrestime dhe sekuestrime.



15/01/2004

---------------------------------------------------------

[Qafir Arnaut]

Mor po edhe sikur prej titaniumi te jete ajo rrjeta s'ka per te rene gje e madhe brenda. Keta bombastiket tane (dmth gazetaret) nuk e marrin parasysh qe pa pasur prova nuk mund te te sekuestrohet prona private, dhe qe prokuroria shqiptare nuk eshte e zonja te gjeje prova.

Edhe Al Kaponen kur e kapen nuk e kapen se kishin prova te prones se tij si e vene ne menyre te jashteligjshme, por e kapen per 'evazion fiskal'.

Keta qypat tane s'kane per te mesuar ndonjehere...

[zeus]

-----------------------------------------------------------

TIRANE (16 Janar) - Dje në Vlorë operacioni i koduar "Rrjeta e Hekurt" ka sekuestruar 7 banesa të trafikantëve, të tragjedisë së 9 janarit 2004. Inventari i pasurisë së këtyre personave është bërë i menjëhershëm në mënyrë që të mos ketë ndryshime të pronësisë të tyre. Nëse do të vërtetohet se këto pasuri janë vendosur nëpërmjet trafikut të klandestinëve atëherë ato do të sekuestrohen. Një ditë pas nisjes së operacionit, në qytetin e tragjedisë janë sekuestruar gjithashtu edhe 19 gomone dhe skafe. Por operacioni "Rrjeta e hekurt" është shtrirë në të gjithë vendin, kryesisht në Tiranë, Lezhë, Durrës, Fier, Korçë, ku kanë rënë nën sekuestro, lokale, hotele, motele, gomone, skafe, dyqane, banesa, të personave që janë të implikuar në trafiqe. Klientët e zakonshëm të Bar-Res-torant-Pastiçeri "Venecia" në kryeqytet kanë mbetur të shtangur mbrëmjen e djeshme, kur janë përballur me dyert e mbyllura të lokalit, ku zakonisht pinin kafenë e mbrëmjes. Policia Tatimore dhe ajo e Rendit, kanë ekzekutuar dje urdhrin për sekuestrimin e "Venecias".Sajmir Lamaj, pronari i pastiçerisë, u shpreh se policia nuk i kishte komunikuar asnjë dokument, vendim gjykate apo urdhër prokurorie për sekuestrimin e pastiçerisë. Në një aksion blitz me policinë tatimore të kryeqytetit antidroga ka sekuestruar bar-restorant "Athina" dhe një lokal tjetër, në rrugën e Durrësit, në Laprakë, pranë pallateve të firmës "Quilltas". Sipas policisë që të dy këta lokale janë pronë e Ilir Ramës, i cili u arrestua pak ditë më parë me 18.6 kilogramë heroinë të pastër Drejtori i policies së Durrësit, Tonin Vocaj konfirmoi dje se "gjatë kësaj dite janë bllokuar 13 skafe dhe gomone me probleme në dokumentacion si dhe është sekuestruar provizorisht një ambient në fshatin Koxhas i cili prodhon dhe shet gomone. Shkaku i këtyre masave administrative vazhdon të jetë mungesa e dokumentacionit të këtyre mjeteve lundruese. Në repartin e riparimit të skafeve Euroalbacom, i cili funksionon me liçencë të rregullt u bllokuan 4 skafe të cilat ishin për riparim. Në total numri i gomoneve dhe i skafeve të bllokuara gjatë këtyre ditëve është 19 copë. Ndërkohë operacioni ka vazhduar edhe gjatë orëve të pasdites. U sekuestruan 3 vila dhe një hotel 5-katësh, "Internacional", i ngritur në zonën e Plazhit që sipas policisë së Durrësit është pronë e Arjan Kapos. Ky i fundit akuzohet si pjestar i rrjetit "Kanun" të akuzuar për trafiiqe. Gjithashtu u bllokua vila 3-katëshe e Besim Metanit dhe një bar-restorant, në pronësi të Sofokli Çotos. Të dy janë të arrestuar, të akuzuar si pjestarë të grupit "Petalli" marrë me trafiqe fëmijësh. U seku-estrua, vila 3-katëshe e Agim Kabashit, person në kërkim për trafik femrash dhe shfrytëzim prostitucioni.Operacioni i ditës së djeshme ka qenë i ashpër dhe në rrethin e Lezhës. Janë sekuestruar pub bar piceri "Edi" në plazhin e Shëngjinit, pronë e vëllezërve Shkëlqim dhe Ali Sufja. Një servis dhe pesë dyqane pranë tregut në Lezhë pronë të vëllezërve Prend, Kel dhe Viktor Nikolli. Një makinë BMË e Sandër Vatajt nga Laçi. Gjithashtu janë bllokuar 12 gomone dhe skafe. Të paktën mbi dhjetë godina luksoze,si motele dhe Qëndra Biznesi,të ndërtuara këto me para të pista,pritet që t'u vendosen shiritat e verdha të seksuestros ,derisa Gjykata të japë vendimin përfundimtar të burimit të të ardhurave. Operacioni ''Rrjeta e hekurt'' është shtrirë edhe në Fier ku kanë nisur procedurat e sekuestros për 8 objekte me prejardhje nga trafiqet. Dhe në Elbasan është bërë gati lista e rasteve kur pasuritë vijnë nga trafiqet e paligjshme, ku janë verifikuar afro 45 raste dhe menjëherë do të fillojnë sekuestrimet.

-----------------------------------------------------------

[kundraRRYMES]

Mire po kartodromin e Xhikes apo e kane harruar ?? Harrova po vilen e METES ne krah te doganes apo edhe ate e harruan ? PO apartamentin e KOLLOVAR NANOS ..aa edhe ate e paskan harruar... Po pushimet ekzotike te NANOS si do ti sekuestrojne?

Ligji "ANTI MAFIE" qe vjen nga vendi fqinj ku te tere e dine se sa shume ka funksionuar dhe se sa po funksionon ne shqiperi do te lulezoje. Keto aksionet "puna" "rrjeta e hekurt" me kujtojne aksionet vullnetare ne kohen e xhaxhit " te ndertojme njeriun e ri socialist" apo " ti kthejme kodrat ne brezare" etj. Por besoj se ideatori i "rrjetes hekurt" dhe "punes" apo dhe " akrepit" ka shume nostalgji per keto slang-et pasi i kujtojne "gjethen e thate" apo "gaforren" apo "shigjetarit" nocione keto te mesuara tek shkolla e partise.
Nuk e di po Nehat Kulles a do te shkoje ti sekuestroje keshtjellen kjo eshte nje cudi, apo Edi Rames vilen ne dardhe te korces, apo KULLEN E KLANIT?
NUk e di po atyre familjeve fatekeqe a do te mund tu kthejne njerzit e tyre te dashur qe u ngrine mbyten per cfare per tu endur dyerve te shtetit qe po na ofron ndihme per "ligjin anti mafie".
A nuk ju duket mjaft ironi ky fakt??

[Brari]

Megjithate ky aksion duhet pershendetur e perkrahur.
Kjo eshte e vetmja menyre per ti bere Xero trafiqet.
Ceshtja eshte se sa serioze do jet kjo fushate dhe sa i madh do jet reaksioni ndaj ksaj fushate.

gjinushi psh ka reaguar duke kerkuar dorheqjen e Nanos.
pra ai si miku i madh i skafisto-tutorve e di se kjo fushat sekuestrimesh ne se do behet e plote shkaterron bazen e PS- PSD-se pra sorrollopin qe doli me kallash e hu zjarri ne 1997-ten si dhe bazen qe ushqen Edvin ramen e sorrollopin

nano di ku godet kur do por sdime sa e ka seriozisht.

PD duhet te denoncoje tek Xhefri ( meqense Ai eshte "arbitrua")
faktin se dosjet per Altin arapin po cohen gjysmake ne Bruksel dhe Mafia arrin te binde brukselin se ky Altini qenka nje qengj i bute..
Pd duhet te denoncoje rastin flagrant te Vizites misterioze ne Biruc te Imeldes te burrit te Makbule Ceco-Terbacit ( sigurimsin Iljaz Ceco-Camin..mikun e Mafies Came-terbaciote) qe se bashku me Luiz Kanibalen jane Tutor-TEZET e Mafies Vlonjate..

Nano eshte zen keq nashti..

Ne Kongres ai triumfoi nepermjet Mafies se Makbule_luizave e tani i duhet ta luftoje ate Mafie per te ujdisur Karrieren qe i rrezikohet..

Gjithcka varet nga Xhefri..


Ne se Ai qerrata ka urdher ta mbroje deri ne pik te fundit kte Mafie .. athere e mori lumi Albanine.. Ne se ndryshojne gjysllyqet ne Departament te Vashingtonit athere pastrohet uji dhe ne Tirane..

te shohim..

[zeus]

---------------------------------------------------------------------------

AKSIONE DHE NE DURRES, KUKES, FIER, KORÇE...

Nën sekuestro edhe disko "Afrika"
Sarandë, operacioni ishte planifikuar që dje


--------------------------------------------------------------------------------


SARANDE

Operacioni "Rrjeta e hekurt" mbërrin edhe në Sarandë. Një nga diskotekat më të njohura të qytetit dhe të krejt Jugut, "Afrika", pritet që sot të sekuestrohet. Kjo është konfirmuar nga burime zyrtare të Drejtorisë së Policisë së Vlorës. Në fakt, plani për sekuestrimin e saj ka qenë dje, por një telefonatë nga Drejtoria e Vlorës u ka kërkuar bluve të Sarandës që sekuestrimin ta shtyjnë për nesër (sot), pasi do të vinin edhe policë nga kjo drejtori. Disko "Afrika", sipas policisë, ndodhet në lagjen numër 4 të Sarandës, fare pranë detit. Ajo është në pronësi të Timoleo Babit. Sipas policisë së Vlorës, ky i fundit e ka regjistruar atë në emër të së ëmës. Sipas të njëjtave burime, Babi prej më shumë se një viti është person i shpallur në kërkim, i akuzuar për tentativë vrasjeje. Sipas të njëjtave burime, "Afrika" gjatë sezonit të plazhit merret me qera nga disa tregtarë nga Tirana dhe fitimi për një muaj arrin deri në 25 mijë euro. Por, veç kësaj shtyrje, në kuadrin e operacionit "Rrjeta e hekurt", në disa rrethe të vendit ka pasur sekuestrime, nga motelet deri te makinat luksoze, si dhe arrestime.

Durrës
Policia e Durrësit ka sekuestruar një tjetër objekt në kuadër të këtij operacioni. Dryni i është vënë nga efektivat një Bar Restorant Hoteli me 3 kate te "Shkëmbi i Kavajës". Sipas policisë, ky objekt është në pronësi të Eduart Hercit. Ky i fundit është i arrestuar, pasi akuzohet për trafik femrash dhe shfrytëzim prostitucioni. Kjo ka lidhje me trafikimin e 16-vjeçares O.L., e cila çoi në pranga shumë njerëz për çështjen e Bisht Pallës. Gjithashtu, policia në bashkëpunim me prokurorinë, ka bllokuar edhe disa mjete luksoze, Benc, BMV, Ford dhe Audi, të cilat rezultojnë të vjedhura.

Korçë
Në Korçë ende nuk ka zbarkuar në terren operacioni "Rrjeta e hekurt", por prokurori i rrethit ka thënë se po hetohen pasuritë e njerëzve që dyshohet apo ka prova se merren me trafiqe. "Prokuroria e Korçës, në bashkëpunim me policinë gjyqësore, ka nisur evidentimin e gjithë pasurive të personave që janë në proces penal. Kjo është në përputhje me Kodin e Procedurës Penale, pasi ne edhe herë të tjera kemi bërë sekuestrime, por ngjarja e 9 janarit na nxit që të mos presim nga policia gjyqësore që të na orientojë, por ne ta orientojmë atë, që t'i japin prova materiale", ka thënë Vangjel Tanellari.

Rrethet e tjera
Në Qarkun e Kukësit policia ka bllokuar 8 autovetura luksoze, pasi mendohet se janë të vjedhura jashtë kufinjve të Shqipërisë. Në Qarkun e Fierit ka nisur ky operacion, por ende nuk ka shkuar te sekuestrimet. Pjesë e këtij operacioni është bërë dhe kapja e 3 vetëve të dyshur në trafikimin e një 20-vjeçareje nga qyteti i Lushnjës, si dhe një 52-vjeçar për trafikim të lëndëve narkotike. Ndërsa sipas kreut të Policisë së Qarkut, Hasan Rama, i janë dërguar organit të prokurorisë së Fierit dhe Lushnjës 14 objekte për t'u hetuar dhe sekuestruar.


Sekuestrimet e policisë të ligjshme, por Prokuroria vlerëson masat

Policia ka dorëzuar dje në Prokurorinë e Tiranës materialet për tre lokalet e sekuestruara në kryeqytet dy ditë më parë. Burime pranë organit të akuzës u shprehën për gazetën se materialet e ardhura janë duke u shqyrtuar nga prokurorët për të vlerësuar masën e sekuestros për çdo lokal. Të pyetur mbi ligjshmërinë e sekuestrimeve të bëra nga policia, drejtues të prokurorisë u shprehën se Kodi i Procedurës Penal lejon të bëhen sekuestrime nga policia kur ka raste flagrance. Të tre sekuestrimet e bëra në Tiranë janë cilësuar si flagrante nga policia, ndonëse nuk janë bërë të ditura provat e rastit të flagrancës. Sipas ligjit organi i akuzës duhet të shprehet brenda 48 orëve mnbi sekuestron në flagrancë të bërë nga policia.


Bajram Ibraj: Ristrukturim të drejtorive kryesore në vend

Tragjedia e Karaburunit ka nxjerrë edhe një herë domosdoshmërinë e ristrukturimit të disa drejtorive kryesore të policisë në vend dhe pastrimin e radhëve të policisë nga të inkriminuarit. Ky fakt është pranuar edhe nga Drejtori i Përgjithshëm i Policisë së Shtetit, drejtues Bajram Ibraj. Në një konferencë për mediat, të zhvilluar pasditen e djeshme, kryepolici Ibraj ka quajtur si një nga objektivat kryesore të operacionit mbarëkombëtar "Rrjeta e Hekurt" ristrukturimin rrënjësor të disa drejtorive kryesore të policisë. Drejtues Ibraj nuk ka lënë pa përmendur edhe evidentimin dhe ndëshkimin e elementëve të inkriminuar apo të lidhjeve të dyshimta në radhët e policisë. Operacioni "Rrjeta e Hekurt" nisi pas riaktivizimit të linjave të trafikut të klandestinëve me mjete lundruese.

-----------------------------------------------------------

[zeus]

--------------------------------------------------------------------
SEKUESTRO EDHE LOKALIT NE KAMEZ

Tiranë, gati lista me 13 sekuestrime
Bllokohet bar "Tirana", pritet aksioni edhe te "Espanja"


--------------------------------------------------------------------------------

TIRANE

Një listë me 13 lokale luksoze dhe banesash të ndërtuara nga të ardhurat e drogës dhe prostitucionit i është dorëzuar krerëve të ministrisë së rendit dhe pritet të sekuestrohen gjatë këtyre ditëve në Tiranë. Në "Rrjetën e Hekurt" mësohet të jetë edhe një nga bar-pasticeritë më luksoze të kryeqytetit. Burime nga celula që drejton operacionin në Ministrinë e Rendit konfirmojnë që në listën e zezë është edhe bar-pastiçeri "Espanja". Ndërsa burime nga policia e Tiranës shprehen më të kursyera në prononcimin e tyre për këtë rast. Gjithsesi, burimet pranojnë që "Espanja" është diskutuar në grupin e punës dhe pritej miratimi i sekuestros nga qendra e operacionit "Rrjeta e Hekurt". Lokali u bë i njohur disa muaj më pare, kur policia e Tiranës ndaloi dy persona të akzuar për vënien e një gjobe 500 mijë USD pronarit Roland Ziu.

Bar Tirana
Antidroga e policisë së Tiranës ka drejtuar mesditën e djeshme sekuestrimin e Bar Tiranës në rrugën "Ismail Qemali", në krah të Radio Televizionit Shtetëror. Në aksionin e mbështetuar nga forca të rendit të Komisariatit numër 1 të policisë së kryeqytetit, merrte pjesë edhe Policia Tatimore. Sipas policies, sekuestro u vendos në flagrancë, pasi lokali tepër i njohur në Tiranë rezulton të jetë pronë e një trafikanti të drogës. Në fakt burimet policore thanë për Gazetën se pronar i këtij lokali është një prej baronëve të drogës, i cili ndodhet i arrestuar për trafik narkotikësh. Bëhet fjalë për Fatjon Budinakun, i cili është arrestuar në 5 nëntor të vitit të kaluar. Në fakt 33-vjeçari Budinaku u ndalua nga Antidroga së bashku 30-vjeçarin Muran Zefi. Ata u bllokuan në lagjen e Xhamllëkut në Tiranë, ndërsa në automjetin e tyre Benz me targa Tr 1844 J u sekutruan 5 kilogramë heroinë e pastër. Në atë kohë u fol se lënda narkotike me vlerë 250 mijë USD kishte ardhur nga Turqia dhe kishte për destinacion trafkimin e saj në Gjermani. Për Budinakun ka pasur të dhëna edhe nga policia gjermane, si i implikuar në trafiqe dhe shpërndarje narkotikësh.

Lokali në Kamëz
Policia e Tiranës ka sekuestruar një lokal dykatësh në Kamëz, pronë e një trafikanti femrash. Lokali, i cili veç barit ka edhe një qendër biznesi dhe sallë force, dyshohet të jetë ndërtuar pikërisht nga paratë e fituara nga shfrytëzimi i femrave për prositucion në Itali. Sipas policies, pronar i këtij lokali rezulton të jetë Zabit Daci. Në fakt Daci u arrestua nga një aksion i Policisë Antitrafik të Tiranës 7 muaj më parë, i akuzuar për trafik femrash dhe shfrytëzim prostitucioni. Ndërsa vazhdon të jetë i siguruar në qelitë e paraburgimit, një vëlla tjetër i tij është në kërkim nga policia, si bashkëpuntor i Dacit në trafiqe.


Ortaku: Bar Tiranën e kam bashkë me babanë e të arrestuarit

Reagon njëri prej dy pronarëve të Bar Tiranës. Pas sekuestros së vendosur nga Policia e Tiranës dhe ajo Tatimore, Dashamir Petrela, i cili është bashkëpronar i lokalit, ka akuzuar se veprimi ishte i padrejtë. Në një prononcim për News-24 Petrela ka thënë se është bashkëpronar me Bujar Bodinakun. Ndërsa ka dijeni për arrestimin e Fatjon Bodinakut, i cili është i biri i ortakut të tij, Petrela nuk e sheh aspak ligjore bllokimin e aktivitetit të lokalit. Petrela ka paraqitur edhe dokumete origjinale, të cilat vërtetojnë blerjen e godinës së lokalit në ndërtetsën 11-katëshe, në rrugën "Ismail Qemali", në krah të Radio Televizionit Shtetëror. Sipas dokumentit, ambienti i lokalit i është blerë në 18 gusht 2000 shoqërisë AL-CON nga Bujar Bodinaku dhe Dashamir Petrela, të cilët rezultojnë të jenë edhe pronarët e vetëm të tij.


Bizhga: Operacionet e policisë dhe sekuestrimet do vazhdojnë

Operacionin i koduar "Rrjeta e hekurt", do të vazhdojë me të njëjtin intesitet dhe me veprime konkrete. Këtë fakt e ka deklaruar vetë drejtuesi i operacionit, drejtori i Policisë Kriminale në Ministrinë e Rendit Publik, Sokol Bizhga. Sipas tij edhe në ditët në vazhdim policia do të jetë në gatishmëri maksimale dhe e angazhuar me veprime konkrete si në det ashtu edhe në tokë. Ndonëse është folur shumë ditët e fundit mbi ligjshmërinë sekuestrimeve (qoftë të gomoneve, barkave, moteleve, lokaleve etj) të bëra nga policia, Bizhga ka deklaruar se skeuestrime të tilla do të vazhdojnë të kryhen nga policia në ato vende, ku ka të dhëna se pronarët e objekteve kanë ose kanë patur precedentë që lidhen me përfitime të paligjshme. Krahas sekuestrimeve policia është e angazhuar përgjatë gjithë vijës bregdetare të vendit në kërkim të gomoneve që mendohet se mund të jenë fshehur.


--------------------------------------------------------------------

[Brari]

Zeus lexo..

KJ shkruan:

-----

REPLIKA TE ASHPRA MES DEPUTETES CECO DHE OPOZITARIT BERISHA

Ceco dhe Berisha, zihen ne salle

Makbule Ceco "Berisha po tregon etjen e pashuar per te ardhur ne pushtet dhe kalbezimin e tij ne opozite. Mua me ke pushuar nga puna bashke me tre pedagoge per arsye politike"

Sali Berisha "Bule, Bule Rroko mbiemrin e ke Rroko, si ate te skafistit te Vlores. Pallatet i ke me droge. Ndersa nga universiteti je pushuar per arsye personale, te tuat"

Debat i ashper ka sunduar ne sallen e Kuvendt gjate fjalimit te nenkryetares Makbule Ceco. I mbushur me akuza ndaj liderit te opozites Sali Berisha, diskutimi i deputetes socialiste ka ndezur nje acarim te madh tek pala e deputeteve opozitare. Njeri prej tyre, Pal Dajci nuk reshti duke e ndalur diskutimin e saj gjate
gjithe kohes.
Ndersa lideri i opozites Sali Berisha gjeti rastin te replikoje menjehere pas fjales se mbajtur nga Ceco. Ai i eshte kundervene asaj duke i permendur mbiemrin e skafistit Rroko. Nga ana tjeter, lideri i opozites nuk eshte permbajtur me duke iu drejtuar nenkryetares se Kuvendit me fyerje te ashpra, duke i permendur asaj faktin se pallatet qe jane nen emrin e saj jane
te ndertuara me para droge. Nderkaq, ai i ka dhene pergjigje deputetes socialiste edhe lidhur me faktin e akuzes se ngritur prej saj se gjate regjimit te Berishes, ajo dhe dy pedagoge te tjere te ministrise se Drejtesise, jane pushuar me te padrejte nga puna.
"Ndersa nga universiteti je pushuar per arsye personale, te tuat" i tha ai. Keto replika te ashpra te Berishes erdhen menjehere pas atyre qe Ceco i beri liderit te opozites per kalbezimin e tij ne opozite dhe shfrytezimin qe po i ben situates.

E.Nasi

-------------


Zeus mos u merr me gjethet por me rrenjet..

ti ke postuar ktu lajmet se po sekuestrohen disko-bordellot E Shyteve..
Shytet jan Terbaciote tirane dhe Altin arapi gjithashtu..
Kur them "terbaciot" nuk kuptoj ata barinjte qe jetojne ne Terbac..qe 50 vjet i dogji shollen e kembeve guri i nxehte e beri tuberkoloza shiu e era..e 30 lekshi ne Kooperativat.. por.. hapi veshet mire.. Terbaciot mendoj .. per ate kaste katundaresh vlonjate qe solli gjat 50 viteve ne Tirane Enveri, Hysniu, araniti, Manushi, Kadriu e Arif hasko e Ethem gjinushi me sorrollop.. dhe i sollen qe te sundojne Tiranen..qe ta bejne Tiranen era coban dhish ..pra duke i perzene nga Tirana qindra familje te mira me edukat humaniste e atdhetare e duke prure ne lagjet e bukura te Tiranes sorrollopin e tyre injorant e xhahil qe te kene gjithmone ne n zap Kryeqytetin..

Pse vajti ne biruc te Imeldes Tasho (dhe ajo patjeter do jet sorollopi Terbaciot) Iljaz Ceco gjoja si avokat i Popullit?

Askush ska te drejte gjat Hetuesise te marre kontakt me te pandehurit..sidomos ne rastin kur kemi te bejme me nje MATA HARRI sikurse eshte IMELDa.. bashkpuntore e vrasesit te dhjetra shtetasve Shqiptare sikurse eshte Altin Arapi..
Makbulja Rroko ose Ceco nga Burri.. kjo perfaqsuese e asaj kastes obskurantiste Terbaciote ka lidhje me banden HAKMARRJA dhe pra Iljaz Ceco ..ky sigurims qe ka punuar me vite ne spiunimin e inteligjences..burri i Makbules ka shkuar ne biruc te instruktoje kriminelen Imelda se si te flase e si te luaj pjesen..

Mafia terbaciote ekziston e nuk po e fantazoj une..

Ka 60 vjet qe ekziston e nese nuk beson..lexo kujtimet e pleqve vlonjat tek TEMA HISTORIA ne Forum ku tregohen atentatet qe filluan ne vitet 1942-43 nga bandat e Hysni Kapove ndaj njerzve nacionaliste ose dhe komuniste te Vlores qe nuk puqeshin me direktivat e Dushan Enverit e Hysni Kapo Manushve..

keto banda mbas lufte erdhen ne Tirane e punuan o ne sigurim o ne KQ o neper minstrira dhe sot bijt e tyre jane Skeleti i hekurt i PS-se..

Dhe banda Hakmarrja eshte produkt i tyre e prandaj mbrohet e prandaj dhe ne Bruksel jan ne gjendje te gjejn avokat per Altin arapin..

Makbulja... tos klosi.. gjinushi Zabiti Zan Caushi leart Shyti Edvin rama Erion Brace Terbaci e qindra e qindra pobrater te tjere ne tirane jane brigada e terbaciotve qe me Malajn ne krye e fahrudin arapet etj jan barre e rende per gjith popullin..

Vlora e bukur nga Natyra jeton nen dhuen e ktyre klaneve..
Edhe ne koh te Berishes Vlora mbeti Ciflig i terbaciotve Envero-Hysni Kapoiste..
Edhe athere rrugve te Vlores nuk guxonin te thoshin njerzit dy fjal te mira per Berishen e kjo vazhdon dhe sot..
Kur Berisha shkoj ne Vlore..gjith Populli i shkoj ne Miting por snajperet e Gjinush Shyto arap-Makbule Malajve vigjelonin..dhe fill mbas Mitingut e vrane nje djal qe kish dal e tundete flamurin gjat fjales se Berishes..

Me kte ata i than Vlores..se NA do sundojme ketu dhe kush guxon te jet kunder ja si e peson..sikurse ky flamurtari ose sikurse Greta Grabova ajo gruaja vlonjate qe e vran vetem se ishte demokrate e sikurse te tjer e tjere..

keshtu zeus djali..

[Shpirt Njeriu]

Operacioni "Rrjeta e Hekurt" ka go-ditur dje njëherazi dhe fuqishëm në shumë rrethe të vendit. Kështu në Tiranë, Durrës, Shkodër, Lezhë dhe Elbasan janë vënë në sekuestro hotele, lokale dhe një numër i konsiderueshëm automjetesh luksoze. Burime nga dikasteri i rendit bëjnë të ditur se janë vënë nën sekuestro të gjitha mjetet dhe lokalet që kanë rezultuar nën pronësi të shtetasve të cilët janë marrë me veprimtari të paligjshme.



Tiranë
Pas sekuestros që iu bë dy ditë më parë Bar Tiranës, dje policia kriminale e kryeqytetit në bashkëpunim me policinë tatimore kanë sekuestruar buzuk "Onda", i cili gjendet në Rrugën e Dibrës, përballë disko "Albanias". Sipas bluve, buzuk "Onda" është pronë e shtetasit Sokol Kane, i cili është arrestuar para dy javësh për tentativë vrasje dhe armëmbajtje pa leje. Ka informacione se ky shtetas është marrë me trafik droge dhe prostitucioni. Po dje në Kashar është sekuestruar një skaf gjashtë metër i gjatë me një motor me 60 kuaj fuqi, i cili është nën pronësinë e shtetasit Lorenc Poluli. Sipas ekspertëve, skafi është sekuestruar pasi rezultoi në kundërshtim me ligjin për mbajtjen e mjeteve lundruese. Ndërkohë, dy ditë më parë blutë e Tiranës kanë kontrolluar 19 hotele dhe motele, kanë verifikuar 18 makina si dhe kanë shoqëruar 20 persona.

Durrës
Grup miks i Drejtorisë së Policisë së Durrësit, dje, në kuadër të operacionit "Rrjeta e hekurt", ka bllokuar tre mjete lundruese. Bëhet fjalë për tre motoskafë me gjatësi nga 3,5 deri në 4,5 metra. Sipas bluve të Durrësit, bllokimi i këtyre tre mjeteve lundruese është bërë pasi ato nuk rezultojnë të regjistruara në zyrën e policisë kufitare.

Shkodër
Edhe në qytetin verior ka nisur dje operacioni për bllokimin dhe sekuestrimin e pasurive të shtetasve të cilët janë marrë me veprimtari të paligjshme. Sipas burimeve nga blutë e këtij qyteti, janë sekuestruar dy lokale që janë në pronësinë e shtetasit Nail Alia, që akuzohet për trafik të prostitucionit.

Lezhë
Operacioni "Rrjeta e Hekurt" ka vijuar dje edhe në rrethin e Lezhës. Kështu janë sekuestruar dy objekte (një ndërtesë dykatëshe dhe një magazinë) dhe dy automjete (një kamion dhe një fuoristradë), të cilat janë në pronësi të shtetasit Mark Boçi, me origjinë nga Mirdita dhe banues në Milot. 38-vjeçari është dënuar për trafik ndërkombëtar të lëndëve narkotike.

Elbasan
Në kuadër të operacionit në fjalë, policia e Elbasanit ka sekuestruar dje dy makina luksoze, pasi dyshohet se ato u përkasin personave të lidhur me trafiqet.