Mocioni rrezohet, opozita braktis sallen e kuvendit

[Dita]

Nga gazeta TemA



Turp koral për kryeministrin e munguar

Nga Jozefina Topalli


Tha: "Unë jam Fatos Nano dhe prapa më vjen historia."

Në fakt, nuk vonoi më shumë se tre javë.

Kur u nisën minimalisht ishin 39. Ishin bashkë, u kthyen vetëm 11. Shtatë të tjerë, në mes të cilëve, Ela, Marjana, Faria, Nduja, Gjini, Kreshniku nuk u kthyen as të gjallë as të vdekur. Prindërit e tyre vazhdojnë të qëndrojnë në Vlorë, - mos t`ia kthejmë shpinën fëmijëve - thonë ata.

Unë, zotërinj deputetë, nuk e di si matet graviteti i një përmbytje, nuk e di as si matet dhimbja e fëmijëve të ngrirë në ujë, por një gjë e di - në mos e shkaktofsh ti atë dhimbje, në mos mundsh ta lehtësosh atë - të paktën respektoje. Dhimbja është për t`u respektuar; dhe kur s'e bën as këtë, prit të gjitha mallkimet e kësaj bote.

Kam menduar gjatë për sjelljen tuaj. Kam kërkuar të gjej shpjegim. Por ndoshta, z. Nano bëtë mirë që nuk i ngushëlluat, bëtë mirë që nuk u shkuat as për vizitë, bëtë mirë që nuk u kërkuat as falje. Bëtë mirë, sepse i qëndruat tërësisht besnik shpirtit tuaj. A nuk kishit menduar gjithnjë se parimet e së drejtës nuk vlejnë për të varfërit?

A nuk dorëzohet çmimi i bamirësisë gjithmonë aty ku lulëzojnë trafiqet, mjerimi e klandestinët? Por e tepruat pak kur i treguat Besianës (15 vjeçe) ligjin.

E ngatërruat më tej, kur Elës që nuk gjendet, e paralajmëruat që të zbatojë ligjin. Është shumë e gjatë - z. Kryeministër - lista e të vdekurve. Ju s`ishit këtu as për t`i parë në TV. Skenat ia kalonin ferrit dantesk.

Në seancën e paradites kallëzuat edhe një herë përrallën e "prijësit të familjes së madhe" që "mallëngjeu" disa prej kongresmenëve, madje këtë radhë treguat përrallën e prijësit me "gjak blu". Në përralla kjo është cilësi e "princit fisnik", por princi fisnik zoti kryeministër nuk i lë Borëbardhat të ngrijnë në ujërat e akullta të Jonit.

Në atë që ju e quani "familja juaj e madhe", nuk mund të ketë asnjë fije fisnikërie zoti kryeministër, dhe kjo jo thjesht për shkak deformimesh gjenetike, por, së pari, e mbi të gjitha, për shkak se kjo familje u krijua në krim, funksionoi për 60 vjet për shkak të krimit dhe mund të fisnikërohet sot, po aq sa një mëkatare 60 vjeçare, që kurrë nuk u pendua për çka bëri. Ju keni gjakun dhe pamjen e saj zoti kryeminister, e kësisoj jeni shumë larg vlerave të fisnikërisë. Çertifikatën e fisnikërisë që me çdo kusht e kërkoni, nuk mund t'ua japin as "seratat galà" dhe as çmimet e bamirësisë që blini me paratë e mjeranëve, të cilëve në këmbim u shisni - vdekjen.

Kaq për familjen tuaj të madhe dhe fisnikërinë tuaj zoti Nano, ndërsa përsa i përket humanizmit, as këtë nuk mund ta keni, sepse jeni pjesë edhe e familjes së "vogël", që herë pas here e arrestoni për ta liruar të nesërmen ... për mungesë provash. Ndaj dhe këtu s`duhet të pyetet:

- Se kush do shpjegojë për të vdekurit, apo të gjallët e vdekur. Këtu s`duhet pyetur.

- Kush do të thirret për t`u përgjigjur për ata që janë të përpirë nga dallgët (21 ndëshkimet administrative?!)

- Të paktën një herë, një ditë, a do të duhet të jepet llogari për këto jetë të ngrira.

- A nuk janë të humburit njerëz?

- Pse Joni duhet të popullohet me kufoma shqiptare?

- Sa duhej të vdisnin që ju ta gjykonit të mjaftueshme për t`u paraqitur në detyrë?

- Si mund të guxosh t`u thuash policëve që të fikin qirinjtë, para godinës suaj.

- A jeni ju po ai Fatos Nano dy vjet më parë thonit: (Gazeta "ZP", datë 20 gusht 2002):

Superoperacioni i ndërmarrë nga policia shqiptare ka qënë tepër i suksesshëm.

(Gazeta "ZP", datë 23 gusht 2002):

Operacioni puna nis në tokë.

Nano: Nuk do të ndodhë më siç ka ndodhur në të kaluarën kur operacionet antitrafik bëheshin me fushata, aq sa vetëm i trembnin trafikantët apo i merrnin ndonjë gomone, zetor apo karel.

Ky impenjim është shfaqur dukshëm edhe te kreu i kësaj policie për qarkun e Vlorës nënkolonel Neritan Nallbati dhe policia nën drejtimin profesional të tij, ka kapur vetëm gjatë këtij viti rreth 25 gomone, pa llogaritur gomonet e kapura nga operacioni " Puna".

(Gazeta "ZP", datë 24 gusht 2002):

Nano institucionalizon dhe detajon detyrat e çdo institucioni antitrafik.

Nano: Pakt Antikrim

5 ministra dhe Prokurori i përgjithshëm nënshkruajnë detyrimet.

Në Vlorë nuk ka më skafe.

Gazeta "ZP", datë 27 gusht 2002

Kontrolle në 26 motele, lokale dhe bilardo, arrestohet një trafikant

Gazeta "ZP", datë 28 gusht 2002



Nano: Goditja do të zgjasë sa mandati im.

Në emër të maxhorancës së sotme progresiste mbetem i angazhuar që Vlora të mos jetë më moli i piratëve, dhe sot në këtë vend ne inaugurojmë krijimin e njësisë "Delta Force" që do të garantojë ruajtjen e paqes dhe të situatës normale.

Dua të garantoj vlonjatët dhe të gjithë shtetasit shqiptarë, partnerët tonë ndërkombëtarë dhe vendet fqinje që ky nuk është një aksion i radhës antitrafik, por qeveria që unë drejtoj është një qeveri antitrafiqe.

Vetë shteti po strukturohet si një "Delta Force" komplekse shumë dimensionale, jo thjesht për të ndaluar çdo trafik të paligjshëm.

Punë të mbarë ! (kjo ishte një vit e gjysëm më parë)

Gazeta "ZP", datë 29 gusht 2002

Nano: Kjo është djegia e së shkuarës dhe e piraterisë nga brigjet tona.

Nuk ka më gomone dhe trafikantë në ujërat e Republikës së Shqipërisë.

Tymi i gomoneve të vdekjes do zëvendësohet me pluhurin e kantjereve.

Nuk do të tolerohet më klima, veprimi apo mosveprimi, që toleron ushtrimin e veprimtarive të paligjshme dhe veçanërisht të trafiqeve ilegale, të trafiqeve në kuptimin më të gjerë të fjalës, nga ato të qenieve njerëzore dhe të lëndëve të rrezikshme deri tek trafikimi i pushtetit dhe përfaqësimit politik

Gazeta "ZP", datë 30 gusht 2002

U krijuan Task Forca. Ndërsa në intervistën e datës 13 janar Nano thotë: Do krijojmë një Task Force. Me 30 gusht, po ky njeri thotë Task Forca që krijuam është një trup i përbashkët mes Prokurorisë dhe shërbimeve për të goditur krimin.

Me 13 janar 2004 do të thotë: Nuk e kuptuam se ishte e nevojshme një Task Force mes prokurorisë, shërbimeve dhe një gjykate. (A s`e patët bërë dy vjet më parë)?

Me 30 gusht Nano do të thotë:

Shteti po heton në detaje gjithë pasurinë apo sipërmarrjet që zotërojnë elementët kriminalë, për të mundësuar, që asnjë pasuri e vënë në rrugë të paligjshme të mos fitojë statusin legal të qytetarisë.

Garantoj se punishtet, hotelet, restorantet, baret, mjetet lundruese, pasuri të tjera të luajtshme apo të paluajtshme që zotërohen nga trafikantët, që po bllokohen, nuk do të zhbllokohen më.

Por në fakt sot treguat se asnjërën prej këtyre s`e bëtë. Përsëri gënjeni!

Tani na tregon ligjin e antimafies. Pasi ezauroi të gjithë emrat e mundshëm të titujve për ligje - e për t`u bërë më interesant, na përmend edhe Cavalierin. Po Kavaljeri nuk e lë pa telefon kapitenerinë e distriktit detar. Kavalierin e pamë të kthehet nga jashtë në Lecce, madje të përlotur tek shqiptarët. Dhe nëse shpëtuan 11, ata shpëtuan nga oficerët e Guardia di Financës, një oficer që dridhej nga tmerri i asaj që kishte parë, dhe nuk ishte as shqiptar, e aq më pak kryeministri i shqiptarëve. Po pse nuk bëni ende sot, pas një jave trasparencë mbi çfarë ndodhi?!

- A e dini se deri dje, asnjë prokuror në Vlorë, s`ka marrë ende në pyetje familjarët e të zhdukurve ?

- A e dini se vetëm miqtë vlonjatë i gjenden avokatë dhe i treguan derën e prokurorisë. Të gjitha këto, 5 ditë pas tragjedisë, shteti shqiptar, s`don të pyesë, shteti shqiptar s`don të flasë. Shumë mister ka në këtë ngjarje, zotërinj.

-A e dini me na tregue sa skafe ishin: 1, 2 apo sa më shumë?

- Pse nuk kishin besim njerëzit e gomones tek policia, se do i ndihmonte? Por i drejtohen më me besim TV.

- Pse policia e Vlorës nuk donte të ndihmonte?

- Çfarë kishte për të fshehur? Përtej dijenisë dhe bashkëpunimit të policisë në këtë mes.

- Pse anijet e huaja u lajmëruan pas tre orësh.

- Pse u ndërpre kërkimi në mesnatë për anijen R 224.

Pse anija shqiptare R215 doli ne lundrim vetëm në ora 21.30.

Pse edhe kësaj iu dha urdhër të kthehej në ora 2 pas mesnate.

- Kush e beson se i zuri deti detarët?!!!

Përseri duke iu referuar raportit tuaj, pse e niset pa rezerva karburanti anijen?

Pse vetëm në ora 05.20 dhe 05.25 dolen anijet R216 dhe R217?

Pse nuk u dha SOS-i per tragetet qe kalonin andej?

- Pse ju përmes shtypit tuaj donit të na bënit të besonim se aty kishte vetëm drogë e kriminelë?

- Pse ju gënjyet kur thatë se askush nuk kërkonte askënd ?

Si shpjegohet - rrjeti i familjes Rrokaj ? - kush i emëroi ata?

Pse u çuan kufomat në Sazan. Çfarë duhej të fshihej aty.

Pse nuk dorëzoni sendet e të mbijetuarve?

-Pse s`lejuat deri vonë mediat të filmonin?

- Pse s`kishte deri më sot asnjë skafist në burg?

- Si mund të jetë qenia njerëzore kaq mizore, sa për hir të karriges, e të pompimeve të sukseseve, pranuat të bënit të fundoseshin 30 fëmijë, vajza e djem të rinj.

- Për të thënë se nuk ka më trafik klandestin s`iu tut syri për të thënë se Liza (e Lizat e tjera) që kishte ardhur se i kishte vdekur i ati dhe donte të rikthehej në Itali, tek tre fëmijët e saj, ishte kriminele?

- Kaq e egër të jetë pashpirtësia juaj sa t`ua citoni ligjin fëmijëve, madje fëmijëve të vdekur, bile edhe arkivoleve pa kufoma.

Dhe gjithë këtë lumë deklaratash e bëni nga luksi i holleve të hoteleve me pesë yje.

Ata fundoseshin në Jon e ju notonit në pishina për të ulur barkun.

Familjarët ngriheshin nga ankthi para morgut, e ju shtronit darka me biznesmenët në Azi.

Makinat me të vdekur nisen për në Veri dhe ju vetëm atëherë kujtoheni se në biletën e avionit (në biznes class) ka afrue data e mbarimit të pushimeve tuaja.

Si njeri mund të mos jeni unik, por si kryeministër jeni unik.

Dhimbja është për t`u respektuar ! Kur edhe këtë s`e bën, bëj hap prapa.

N.q.s., edhe këtë s`e pranon, të të vijë turp ! Në këtë vend ku çdo gjë e çdokush shitet e blihet, kisha menduar se vdekja ishte "free". Kam gabuar. Edhe ajo duhej të blihej madje shtrenjtë, 1500 euro. Por ç`rëndësi ka. E rëndësishme është që ju të vazhdoni të uleni aty. TURP! Dhe të gjithë ju deputetëve të tjerë, që do të votoni kryeministrin e munguar në detyrë edhe në tragjedi. Ju as nuk përfaqësoni më. Socialistët e ndershëm nuk do t`jua justifikojnë kurrë. Vota juaj për të mbrojtur mosqenien e kryetarit tuaj në detyrë, në rrafshin ligjor e moral është turpi koral i kategorisë njerëzore dhe nuk mjaftoheni me kaq, por mblidhni edhe aleatë, natyrisht jo për tragjedinë , por për të shpëtuar kavalierin tuaj të vogël. (Që edhe s`i dridhet buza, kur thotë: e dija se do të ndodhte).

- Ju mund të vazhdoni të shpëtoni karrigen, por kurrë shpirtin tuaj.

Sa shumë qeshnit dje, kur koalicioni siguroi se Fatosi do vazhdojë të na princërojë.

Sjellja juaj, ndaj mungesës "par excellence" të kryetarit tuaj, ishte e shëmtuar. Shumë e shëmtuar. Dhe përçmimi juaj ndaj atyre që s`janë më, është e frikshme. E pra z. kryeministër, ata ishin më të bukur, më me kurajo, më me dinjitet se të gjithë këta "onorevoli". Sa thashë ishte vetëm pjesa morale. Por unë votoj për shkarkimin tuaj z. Nano për shkakun që ata fëmijë dhe të rinj i çoi te gomonia. Nuk i shkon as për vizita për të kuptue. Aty do të gjejë të gjitha arsyet. Të gjithë këto familje si gjithë pjesa tjetër e Veriut jetojnë me shpirt ndër dhëmbë.

Votoj, për Gëzim Fushën 18 vjeç, djali i madh i familjes që u nis për të ndihmue nanën e vet me rritë 7 fëmijët e tjerë. Votoj kundra teje për Tom Dedë Gjonin, që s`kishte as rrugë për të mbërritë te shpia. Votoj kundra teje për Kreshnikun, djalin e vetëm në 5 motra, me babë invalid që iku sepse ti s'i dhe asnji punë!

Votoj kundër për djalin e Dobraçit që la vajzën 6 muajshe, për Sadikun që la djalin 3 muajsh, për Lizën që la tri fëmijë, për Alfredin, për Paulinin, për Dritanin, për Arbenin, për Markun, për Gëzimin, për Toninin, për Besmirën, për Ridvanin, për Agronin, për Marlinin! Votoj kundra teje për faktin se asnjëherë tjetër ngjarja s`ka pasur një lidhje kaq të afërt familjare me elitën politike, si kësaj radhe. Ndaj na ndihmoni të bëjmë kujdes - se mund të quhet abuzim me tragjedinë.

Ndaj dhe cinizmi, sadizmi e arroganca duket s`kanë fund. Ndjeshmëria juaj, për të mos folur për tragjedinë është vetëm ngulmimi juaj i fillimit për të mos pranuar ngjarjen, për ta fshehur atë, për të mos e ndjekur atë, për ta zhytur në asgjë atë që vetë ju i quani episode, por të gjithë të tjerët e quajnë tragjedi.

Po, abuzim me tragjedinë, sepse s`duhet të themi se ç'kërkonin të ikurit nga uria e mizerja. Se s`duhet të themi që kërkonin të bashkoheshin me familjet - e se nuk duhet të tregojmë lidhjet e rrjetit me ata që shajnë - po abuzoni!! Ju jo vetëm i latë të vdisnin, tani doni të vrisni edhe arsyen. Po të mundnit edhe këtë të fundit do e mbysnit në Jon.

Ju qytetarë - bëni kujdes nga sirenat, këndojnë bukur, por të marrin me vete.

A nuk i patë dje sa të qeshur ishin sirenat e koalicionit për integrim. Votoj kundra teje për armiqësinë tënde ndaj qytetit tim. A e kupton se aty ku ka uri, aty s`ka lekë për libra e ilaçe, s`ka lekë për drita. Jo natyrisht s`mund të kuptosh. Aty ku s`ka drita 18 orë, s`ka punë. Aty ku s`ka punë, s`ka bukë. Aty ku s`ka bukë, s`ka jetë - ndaj mbetet të përdoret vetëm Joni. Por Joni nuk është për t'u populluar me kufoma!!!

[Dita]

Pervec dy komenteve te Berishes dhe topallit gazeta TemA sjell sot nje informacion te gjere lidhur me zhvillimin e tragjedise, versionin e dhene nga ministri i rendit dhe versionin e te mbijetuarve dhe personave qe kane pasur dijeni. Gjithashtu dhe zhvillimin ne seancen parlamentare te thirrur nga opozita qe do vazhdoje edhe sot.

Krejt materiali i rubrikes politike meriton te sillet ne kete teme.




POLITIKA

Toska mbyt dhe të vërtetën e tragjedisë

Gazeta "TemA" boton variantin e ministrit të Rendit, Igli Toska, për kronologjinë e tragjedisë së brigjeve të Karaburunit. Paralelisht me të botohet edhe kronologjia e ngjarjeve sipas dëshmive të të mbijetuarve dhe personave të tjerë që kanë dijeni mbi ngjarjen tronditëse të 9-10 janarit. Ballafaqimi i këtyre dy kronologjive nxjerr shumë mospërputhje. Sipas dëshmive të të mbijetuarve dhe ish shefit të postës kufitare të Dhërmiut, Vladimir Kordhishta, kronologjia e ministrit Toska nuk është e vërtetë. Ato kanë mospërputhje duke filluar nga oraret e ndryshme dhe veprimet që janë bërë për të shpëtuar jetën e viktimave të tragjedisë që ndodhi vetëm 5 kilometër larg nga Karaburuni. Ministri thotë se është vënë re objekti lundrues në orën 18:00 dhe se nuk ka pasur asnjë informacion më parë për gomonen. Ndërsa shefi i Postës së Policisë të Dhërmiut thotë se ka informuar eprorët e tij që në orën 17:40. Kontradiktat e mëdha mes versioneve zyrtare për ngjarjen dhe versioneve të të viktimizuarve, lënë ende të errët të vërtetën e tragjedisë, ku ngelën të vdekur, 21 persona e u zhdukën mbi shtatë të tjerë.


--------------------------------------------------------------------------------

Ngjarja sipas ministrit Toska

1- Rreth orës 18.00 nëpërmjet radarit të postës kufitare Dhërmi, u njoftua se një mjet ndodhej në ujërat e Karaburunit, rreth tre milje larg bregut. Para sinjalizimit të parë nuk kishte asnjë informacion tjetër. Duke qenë se shërbimet e policisë kufitare nuk kishin informacione për lëvizje të mjeteve të ligjshme në këtë drejtim, u njoftua menjëherë salla operative e drejtorisë së qarkut Vlorë, u morën masa për nxjerrjen në det të mjeteve lundruese, për verifikimin e mjetit që lundronte.

2- Në orën 18.20 u nisën në drejtim të Dhërmiut një motovedetë e repartit Delta Force, një gomone e policisë kufitare, dhe një motovedetë e Guardia di Financas italiane, me ekipazh të përbashkët shqiptaro-italian. Mjetet e sipërpërmendura shkuan deri në mezokanal dhe aty u detyruan që të kthehen pas, për arsye se deti ka qenë shumë i trazuar, dhe shumë i rrezikshëm. Forca e dallgëve ka qenë 6 ballë dhe era ka pasur shpejtësinë 80 km në orë. Kapaciteti teknik i mjeteve të disponueshme, nuk përballonte objektivisht fortunalin duke rrezikuar jetën e forcave të policisë dhe marinarëve. Nga ana tjetër forcat e policisë kufitare Dhërmi filluan kërkimet në afërsi të vendit ku menduan se ishte nisur objekti. Aty shkoi shefi i postës kufitare me një grup policësh ku u gjet një automjet tip pezho, i braktisur dhe me targa italiane, si dhe bidona karburanti bosh. Nga hetimet paraprake mjeti rezultoi në pronësi të shtetasit Hysni Tafili për të cilin menjëherë u bë shpallja në kërkim.

3- Ndërkohë shërbimet e policisë kufitare morën informacionin se nga qytetarët në rrezik ishin marrë informacione nga numrat e telefonave celularë 06920 70 266, 06922 50 449, nëpërmjet të cilëve ishte përcaktuar vendndodhja 4-5 milje larg bregut mes Palasës dhe Karaburunit. Menjëherë pas këtij informacioni i cili u vlerësua i besueshëm, kemi intensifikuiar masat për shpëtimin e gomones. Mbi bazën e rivlerësimit të situatës në orën 19:40, është njoftuar disktrikti i dytë detar i Vlorës, njerëz të cilët komunikuan me grupin e 28 naval italian në Sazan, dhe në një hark kohor të shkurtër nisën mjetet e tyre drejt vendngjarjes.

4- Në orën 20:30 u njoftua koordinatori i forcave të Natos në Tiranë, të cilit iu kërkua për helikopter, ndihmë e cila u vu në dispozicion, ndihmë, e cila u mundësua në orën 22:00.

U nis nga baza e Pashalimanit një anije, e cila mund t'i rezistonte kohës së keqe, si dhe nga Sazani një anije e dytë e bazës italiane e Guardia di Costiere. Me marrjen e këtij informacioni të plotë nga burime konfidenciale policore, media e qytetarë të ndryshëm me telefona të Drejtorisë së Policisë në Vlorë.


--------------------------------------------------------------------------------

Ministria e Rendit, mori këto masa:

-U njoftua Zv.kryeministri për situatën dhe masat e marra deri në ato momente. Mbas urdhrit të zv.kryeministrit kam urdhëruar me aktin 19/40 të dt.9.1.2004, ngritjen e shtabit të emergjencës në Ministrinë e Rendit Publik si dhe mbajtjen kontakt me median për të informuar publikun mbi zhvillimet e kësaj situate që po bëhej gjithnjë e më dramatike. Kjo e fundit në funksion të transparencës dhe për të siguruar informacione nga familjarët e personave që ndodheshin në gomone.

Drejtoria e Përgjithshme e Policisë bëri një plan të detajuar për veprimet që duhet të ndërmerreshin. Urgjentisht u nis për në Vlorë një grup specialistësh nën drejtimin e drejtorit të Policisë Kriminale si dhe drejtorit qendror të Policisë Kufitare, të cilët do të merreshin me menaxhimin e situatës si dhe zgjidhjen e saj.

5- Paralelisht u tentua të hyhej në lidhje me telefona celularë me synim për të marrë informacione të tjera orientuese për operacionin e shpëtimit, por ishte e pamundur pasi shkëputej lidhja dhe sinjali telefonik. Në orën 21:30 iu njoftua dhe iu kërkua ndihmë Flotës Luftarake Detare pranë Forcave të Armatosura për dërgimin e mjeteve të tyre në vendin e ngjarjes dhe kapitenerisë së përgjithshme të porteve italiane në Brindizi për të ndihmuar me helikopterë dhe mjete lundruese. Si rezultat i këtyre masave të mësipërme, nga baza detare e Guardia di Finanzza u dërguan dy mjete lundruese nga Sazani dhe Durrësi si dhe u nis një helikopter nga Brindizi. Me gjithë masat e marra deri pas mesnate nuk u arrit që gomonia të lokalizohej. Kjo u bë e mundur vetëm në orët e para të mëngjesit.

6- Mjetet e lundrimit dhe helikopterët kanë kaluar shumë pranë gomones por për shkak të motit, mjegullës errësirës dhe kushteve të detit, nuk u bë e mundur që të gjendej.


--------------------------------------------------------------------------------

Kronologjia e ngjarjes sipas të mbijetuarve dhe të tjerëve në dijeni të ngjarjes

1- Ish shefi i postës së policisë së Dhërmiut, Vladimir Kordhishta bëri përgjegjës për tragjedinë, eprorët e tij, të cilët nuk kanë ndërhyrë për shpëtimin e personave që ndodheshin në gomone. "Rrezikun për gomonen e kam dhënë që në orën 17.40 minuta, por eprorët e mi nuk janë përgjigjur."

2- Vladimir Kordhishta: "Në orën 21:00 deti ka qenë i qetë dhe po të ekzistonte vullneti, viktimat do të ishin shpëtuar. Unë edhe me not do të mund t'i shpëtoja viktimat, aq afër sa ishin, jo më i gjithë shteti."

3- E dashura e skafistit Artur Rrokaj: - Arturi më ka telefonuar në orën 18.20. Më tha në telefon se po mbyteshin, lajmëro policinë. Kam njoftuar policinë e Vlorës, kam dhënë numrin e Arturit, që nuk është numri me 20, por ai me 22 dhe deri në orën 21:00 kam marrë lajm shpesh nga Arturi, duke thënë se ne po mbytemi, pse nuk vjen njeri për ndihmë. Kur u shkëput lidhja me telefonin me numër 22 më merr në telefon me numrin me 20 dhe më thotë se kam 2 orë e gjysmë që kam thënë për ndihmë dhe s'po bën gjë. Në orën 21.45 kam pasur kontaktin e fundit me Arturin, i cili tha se po sheh një helikopter dhe po i bën me shenjë. Babai i Arturit, Fatbardh Rrokaj, shefi i antiterrorit të Shkodrës, kur e kam marrë në telefon më ka thënë - ik qerohu se djali im nuk ka të bëjë me këtë histori!

4- Njoftimi për shtyp i NATO-s në 10 janar 2004: - Kërkimet filluan mbrëmë në orën 21.30 të mbrëmjes së djeshme 9 janar dhe vazhduan deri në orën 1.30 të natës, pastaj u ndërprenë për të rifilluar këtë mëngjes në orën 7.00.

5- Fran Prenga, burri i Lizës dhe vëllai i Arbenit, që ngelën të vdekur në gomone: - Me gruan time kam folur edhe në orën tetë të mëngjesit të datës 10 janar, një ditë pasi ishin nisur gomonet. Ajo ka qenë gjallë deri atëherë. Lidhjet i ka ndërprerë një person që ka qenë duke ecur afër nesh në mëngjes në Vlorë. Unë shoh vëllanë dhe gruan me shenja djegieje në trup dhe në fytyrë, por jo në flokë apo vetull. Të afërmit e mi janë djegur qëllimisht, prandaj kërkoj hetime për këtë qëllim. Të afërmit e mi nuk janë djegur me rroba, por me ndonjë gjë tjetër. Me drogë. Kërkoj përgjegjësit të ndëshkohen e jo të mbulohen nga ana e qeverisë. Ata janë përgjegjës së bashku me ta.

6- Avni Cakaj nga Dobraçi i Shkodrës, i mbijetuar: - Po, vetëm gjysmë ore pasi jemi nisur. Policia e ka ditur se po mbyteshim e nuk ka ardhur të na shpëtojë. Një anije ka kaluar shumë pranë nesh, aq afër sa ne e shihnim shumë mirë, po ata bënë sikur nuk na panë.

7 - Një skafist nga Vlora thotë se nëse do t'i ishte kërkuar ndihmë, ai do të mund të shpëtonte viktimat, maksimumi për dy orë.


--------------------------------------------------------------------------------

Socialistët: Na lini të punojmë

Përfaqësuesit socialistë kanë braktisur seancën e djeshme, pa mbaruar as çereku i diskutimeve të parlamentarëve. I pari është larguar kryeministri Nano dhe më pas janë larguar pjesa më e madhe e deputetëve. Në sallë kanë mbetur vetëm një numër i vogël i deputetësh të majtë. Në kryesinë e Kuvendit janë depozituar kërkesat e 85 deputetëve për të diskutuar, kurse deri në momentet kur janë larguar qeveritarët, kishin mbaruar diskutimet e vetëm rreth 20 deputetëve, përfshi këtu dhe diskutimin e ministrit Toska.

Socialistët dhe aleatët e tyre kanë mbrojtur versionin se në vende të ndryshme ndodhin tragjedi, për të cilat nuk duhet të jetë përgjegjëse administrata shtetërore. Ata gjithashtu në fjalën e tyre kanë vlerësuar punën e qeverisë dhe të dikastereve gjatë kësaj ngjarjeje. "Ministria e Mbrojtjes, e Rendit të koordinuara bënë të pamundurën. Por nuk themi se kemi bërë gjithçka. Ngjarje të përmasave të tilla duhet të analizohet me përgjegjësi, ngjarje të tilla kanë nevojë për solidaritet. Pozitën dhe opozitën nuk mundi t'i bashkojë as zija," deklaroi ministri i Drejtësisë Fatmir Xhafa.

"Krimi po investon mbi konfliktualitetin shtet dhe polarizimin fals, aktorë të të cilit jemi të gjithë ne. Krimi investon mbi faktin se si klasë politike nuk garantojnë perspektivë dhe nga ana tjetër se nuk kemi ende një shoqëri civile të fuqishme. Le të mos bëjmë gabimin fatal, që ne të ndahemi. Nëse ndahemi në momente të vështira, krimi investon mbi hapësirat që krijohen. Kemi shumë precedentë që kanë përjetuar tragjedi të tilla, të kundërtën kanë gjetur. Më 11 shtator SHBA-së iu godit zemra, por askush nuk u ngrit kundër administratës," tha kryetari i PBDNJ, Vangjel Dule.

"Shërbimet e policisë e kanë ditur edhe më parë që njerëzit që vinin nga veriu. Gjithkush që merr rolin e prokurorit e ka gabim. Le t'i themi gjërat në kohën e duhur. Kryeministri është në detyrë dhe vlen të ketë besimin tonë. Zonja Topalli ka të drejtë të akuzojë, por nuk është synimi im që të mbroj kryeministrin Nano. Besoj se Nano t'i dalë vetë për zot vetes së vet," deklaroi kryetari i partisë Demokracia Sociale, Paskal Milo.


--------------------------------------------------------------------------------

Lesi: Qeveria e trekëndëshit Vlorë-Gjirokastër-Tepelenë

Deputetët e opozitës thanë në fjalët e tyre se Nano ka qenë një nga personat që ka punuar më shumë se të tjerët që të varfërojë vendin, e sidomos opozitën. Një deklarim të tillë e bëri kryetari i Partisë Demokristiane, Nikollë Lesi. "Dua të them se vendi është në mjerim dhe skamje. Vendi ka probleme, por jam i detyruar të them se Veriu është zona më e varfër. Pasi socialistët e kanë lënë në mungesë totale investimi. Kjo qeveri është më antiveriorja e Shqipërisë, qeveria e shqiptarogrekut Fatos Nano. Ngjarja tregoi se nuk funksionon shteti, të mos ishin mediat jam i bindur se në mënyrë kategorike asnjë strukturë nuk do funksiononte. Ministri duhet të marrë masa drastike dhe jo të heqë disa drejtorë. Qeveria e trekëndëshit Tepelenë-Vlorë-Gjirokastër. Kjo është qeveri nepotike. Kryeministri nuk ishte në ditën e zisë. Nano duhet të kish shkuar e të pinte kafë atje. Një njeri i urryer për njerëzit. Edhe drejtues të PS-së së Lezhës thonë se na turpëroi. Përfundimisht unë po votoj pro mocionit, një votë jam, por zë i parëndësishëm nuk jam," e mbylli fjalën e tij deputeti Lesi.


--------------------------------------------------------------------------------

Deputetët e opozitës kanë deklaruar se kryeministri është fajtor për tragjeditë e shqiptarëve

“Nano na vrau shpresat, po na vret dhe fizikisht”

Opozita ka deklaruar se Nano është përgjegjës për tragjedinë. Madje sipas tyre pashpirtësia e kësaj qeverie ka arritur shumë larg, aq sa viktimave iu janë vjedhur dhe gjërat personale. "Ju keni grabitur bizhuteritë e të vdekurve, jeni hija e zezë e mallkimit jo vetëm për Shkodrën por për të gjithë shqiptarët. Në të kundërt mbi ty do të bjerë mallkimi i bijve të asaj nëne që u sakrifikuan për të ikur nga ky vend. Nano ka sjellë fatkeqësi për një popull të tërë," deklaroi deputeti i Shkodrës Valentin Palaj.

"Kryeministri Nano u tregua i papërgjegjshëm duke mos ndërprerë pushimet kur vendin e mbuloi zia, duke injoruar jetët e vdekura. Ai u kujtua pas tragjedisë se ekzistonte trafiku, droga, dhe se duheshin luftuar. Shqiptarët mendojnë se Kuvendi nuk është për ta. Vendi po shkon drejt shkatërrimit dhe fajtore për këtë është qeverisja e keqe e lidhur me trafiqet e krimin. "Mjerimi dëshira për një jetë më të mirë theksoi Mehdiu i bëri të rinjtë e Shkodrës të marrin rrugën drejt vdekjes dhe të bëhen pre e kriminelëve," theksoi kryetari republikan, Fatmir Mediu.

Kurse kryetari i grupit parlamentar të demokratëve të rinj, Nard Ndoka, tha se mbështet mocionin. "Jam i prekur për familjet e varfëra. Tragjedia të mos shndërrohet në një histori që përsëritet. Ne kemi një qeveri që i detyron shtetasit të ikin nga kjo tokë, dhe nuk kemi pse kërkojmë se përse nuk i shpëtojmë në det. Ne jemi sepse PD kërkon mocionin dhe ne e mbështesim. Ne kërkojmë zgjedhje të parakohshme. Nuk kemi pse kemi 2 ditë zie të turpshme. Nëse nuk tregojmë se kemi vullnetin të ndryshojmë gjërat, mocionet do të jenë të kota," theksoi Ndoka.


--------------------------------------------------------------------------------

Seanca, opozita: Vendi në terr informativ

Edhe pse ishte parashikuar që qytetarët e Shqipërisë do të kishin mundësi të shihnin zhvillimin e seancës së djeshme parlamentare, kjo gjë nuk ka ndodhur. Fillimi i saj i ka gjetur shumë nga qytetet e Shqipërisë në mungesë të plotë energjie elektrike, kurse opozita kërkoi që kjo seancë të ndërpritej, pasi ajo po zhvillohej për qytetarët e Shqipërisë, të cilët duhet të informoheshin. Gazeta jonë mori kontakt me banorë të qyteteve të ndryshme në vend për të provuar saktësinë e informacionit të dhënë nga ministri i Energjitikës Viktor Doda, nëse qytetet kishin drita.

Në qytetet më të mëdha të vendit, qytetarët pohojnë se nuk kanë drita, ndërsa në redaksi kanë mbërritur dhe telefonata nga qytetarë, të cilët shprehen se seanca nuk duhet të zhvillohet, për shkak se ata nuk kanë drita. Ky problem është shfaqur deri në orët e para të mbrëmjes. Ndërsa opozita ka deklaruar se po bëhen dhe tentativa për të ndërhyrë në transmetuesit e ndryshëm. Seanca e jashtëzakonshme ka nisur me debate mes familjarëve të viktimave dhe mazhorancës socialiste. Kjo seancë është ndërprerë disa herë. Deputetët e qytetit të Shkodrës kanë kundërshtuar zhvillimin e seancës, pasi në këtë qytet dhe zonat përreth mungonte energjia elektrike dhe banorët nuk mund të përcillnit debatet në sallën e Kuvendit. Këtë pretendim e ka ngritur deputetja Jozefina Topalli me kërkesë të qytetarëve që përfaqëson në sallën e parlamentit dhe familjarëve të viktimave, një pjesë e të cilëve gjendeshin në sallën e Parlamentit. Pas kërkesës së opozitës, Ministri i Energjitikës Viktor Doda ka premtuar se do të ketë drita pothuajse në të gjithë vendin. Pas premtimit të ministrit të Energjitikës seanca ka rifilluar, por shumë shpejt është ndërprerë, pasi në Shkodër nuk ka patur energji elektrike, edhe pse Doda bëri një premtim publik. Më pas vetë Pëllumbi ka deklaruar se do të ndërpritet seanca, kurse sekretari i përgjithshëm i Partisë Socialiste, njëkohësisht kryetar i grupit parlamentar të kësaj partie, Gramoz Ruçi, theksoi se do të ngrihet një komision me deputetë të të dy krahëve për të vërtetuar gjendjen elektrike në vend.

Kreu demokrat Sali Berisha deklaroi se seanca e jashtëzakonshme e kuvendit nuk mund të zhvillohet në terr informativ. Berisha tha se sipas informacioneve të marra, shumë qytete të vendit janë zhytur në errësirë. "Ne kërkojmë që seanca të jetë më seriozja, por s'mund ta zhvillojmë kurrsesi pa energji", tha lideri demokrat.


--------------------------------------------------------------------------------

Doda premton 24 orë energji, Shqipëria s'ka drita

Duke u nisur nga telefonatat e qytetarëve shkodranë për mungesë disaorëshe të energjisë elektrike, opozita ka kërkuar shtyrjen e seancës së jashtëzakonshme parlamentare, derisa në gjithë vendin të kishte energji. Në këtë mënyrë debatet do të ndiqeshin në të gjithë vendin. Pas kërkesës së opozitës, Ministri i Energjitikës Viktor Doda ka premtuar se do të ketë drita pothuajse në të gjithë vendin. Pas premtimit të ministrit të Energjitikës seanca ka rifilluar, por shumë shpejt është ndërprerë, pasi në Shkodër nuk ka patur energji elektrike, edhe pse premtimi i ministrit, në pamje të parë, ka qenë bindës. Korporata Elektronergjitike Shqiptare (KESH), ka deklaruar se ka marrë dje një urdhër për ndërprerjen e kufizimeve të energjisë elektrike duke nisur nga 24 orët në vazhdim dhe deri në momentin e përfundimit të debatit parlamentar të kërkuar nga opozita për tragjedinë e Karaburunit. Ndërsa raportimet në rrethe, evidentojnë vazhdim të kufizimeve, edhe pse më të reduktuara se ditët e tjera. Ndërsa në Shkodër, energjia elektrike ka munguar nga ora 9 e paradites deri në 5 të pasdites. Pastaj dritat kanë ardhur, por nuk kanë munguar ndërprerjet gjysmorëshe.

Në zonat rurale të Shkodrës ndërprerjet e energjisë kanë qenë më të gjata. Urdhri është konfirmuar nga Ministri i Industrisë dhe Energjitikës, Viktor Doda, i cili tha se i ka kërkuar KESH-it, të garantohet furnizim i pandërprerë i të gjithë konsumatorëve me energji elektrike në të gjithë vendin, pra 24 orë pa ndërprerje. Në një njoftim për shtyp që shpërndau dje në mesditë, zyra e shtypit të ministrisë së Industrisë dhe Energjitikës, thuhet gjithashtu se "të gjitha strukturat e KESH-it, janë vënë në gatishmëri të plotë për eleminimin e defekteve dhe për të siguruar furnizimin e pandërprerë për të gjithë konsumatorët shqiptarë". Ndërkohë nga raportet e djeshme nga të gjitha rrethet e vendit, mësohet se ka patur ndërprerje të vazhdueshme të energjisë elektrike.

A.B.


--------------------------------------------------------------------------------

Topi: Nano, erdhi koha të largohesh

Kryetari i Grupit Parlamentar të opozitës, Bamir Topi, ka paraqitur në seancën e jashtëzakonshme të Kuvendit, mocionin e mosbesimit ndaj kryeministrit Fatos Nano të nënshkruar nga 28 deputetë të opozitës. Në fjalën e tij, deputeti Bamir Topi ka hedhur akuza të rënda mbi figurën e kryeministrit duke i kujtuar këtij të fundit se "koha për t'u larguar ka ardhur". Nënkryetari demokrat ka akuzuar zotin Nano si autorin kryesor të tragjedisë së 9 janarit duke komentuar se ka një mungesë të theksuar etike në sjelljen e tij ndaj viktimave. "Sjellja e Fatos Nanos ka një mungesë morali dhe etike ndaj ngjarjes së Karaburunit. Ai është një njeri që ka urdhëruar ditën e zisë, nga hotelet luksoze të Stambollit", është shprehur Topi. Sipas tij, opozita kërkon që në këtë seancë të jashtëzakonshme të zbardhë të vërtetën e ngjarjes së 9 janarit, se përse këta qytetarë shqiptarë nuk u shpëtuan nga shteti i tyre. "Kërkojmë të nxjerrim mungesën e sinqeritetit të kryeministrit tonë. Ne nuk kërkojmë asnjëherë që të bëjmë mazhorancën në sallë, por kërkojmë transparencë. Kërkojmë largimin e Fatos Nanos si autor kryesor i tragjedisë", ka vijuar Topi. Fati i gomones së dytë është, sipas zotit Topi, një tjetër pikë që opozita dhe familjarët kërkojnë shpjegim. Deputeti i opozitës ka kërkuar që familjarët të largojnë kryeministrin Fatos Nano dhe nga ana tjetër ka premtuar angazhim serioz të opozitës në hetimin dhe zbardhjen e plotë të tragjedisë në detin Jon.


--------------------------------------------------------------------------------

Nano provokon familjarët e viktimave

Pas paraqitjes së mocionit nga ana e opozitës, ka marrë fjalën kryeministri Fatos Nano duke fajësuar kryetarin e opozitës për zhvillimet në vend. Ai ka filluar deklarimet e tij se qeveria ka marrë masa për të luftuar trafikun, kurse banorët e kanë ndërprerë disa herë atë, duke e quajtur kriminel dhe vrasës. "Qeveria vlerëson masat antitrafik të marra ditët e fundit në goditjen e trafiqeve. Policia ka ndaluar disa prona të ndërtuara në rrugë të paligjshme dhe tashmë po heton mbi ngjarjen. Përsa i përket mocionit të opozitës, unë nuk kam dëshirë fare të merrem as me Topat dhe as me shtratin e tyre, Sali Berishën. Ky njeri nuk është veçse një njeri që nxjerr vrer për vite me radhë dhe vjen rrotull si korb i zi. Askush më shumë se ai nuk ka derdhur lot në këto ditë, lot që nuk dalin nga dhimbja por janë lot krokodili që kërkon pushtet," tha kryeministri Fatos Nano.

Heshtjen e mbajtur nga ana e tij në këto ditë, Nano e quajti traditë kombëtare në nder të të vdekurve. Kryetari i qeverisë ka kujtuar disa nga tragjeditë që kanë ndodhur në vite duke e quajtur Sali Berishën hije që sillet rrotull politikës shqiptare. "Nuk kam dalë të evidentoj dëmet e pallogaritshme që i bëri nderit dhe imazhit të Shqipërisë dhe vetë shqiptarëve instalimi i trafiqeve nga regjimi i Berishës deri në furnizimin e makinës vrasëse të Millosheviçit. Unë nuk kam ndërmend të dal e të ndërtoj një politikë si ajo e Berishës", tha Nano, ndërsa akuzoi se opozita po përdor tragjeditë për interesa politike.


--------------------------------------------------------------------------------

Nano ndalon gazetarin që "zbuloi" kongresmenët socialistë

kryeministri Policia ka ndaluar gazetarin e televizionit 'Top Channel', Ismet Drishti, dhe ka ushtruar presion mbi operatorin e këtij televizioni, pasi ata kanë tentuar që të filmojnë në momentet kur Fatos Nano, i cili po darkonte së bashku me ministrin e Rendit, Igli Toska në restorant 'Karlsberg', pasi kanë lënë në mes seancën e jashtëzakonshme të Kuvendit, në të cilën po diskutohej për tragjedinë më të fundit në vend. Gazetari së bashku me operatorin janë shoqëruar nga forcat policore, në komisariatin numër dy të kryeqytetit. Ndërkohë një grup tjetër xhirimi i këtij televizioni është nisur për të filmuar dhe për të marrë informacione për këtë ndalim, por nuk kanë arritur që të depërtojnë dot, për shkak të masave të rrepta policore. Nano nuk është shqetësuar, në një kohë kur opozita ka kërkuar me ngulm që ai të jetë i pranishëm në seancë gjatë kohës kur ata flasin për tragjedinë e madhe. Nano u largua në një kohë kur më pak se çereku i deputetët kishin përfunduar fjalimet e tyre.


--------------------------------------------------------------------------------

Çfarë thanë ata që s'u dëgjuan...?!

"Nano, të paktën në ngushëllim na vije"

"Nuk kemi ardhë të dëgjojmë Nanon të na flasë për korba e as ta dëgjojmë duke u zënë me Sali Berishën, se e njohim kush është. Po duam të dimë se çfarë po bëhet për ne. Ne e dimë se sa burrë i mirë është, se edhe për ngushëllim nuk na erdhi. Ne do ta prisnim edhe më mirë se Berishën, se kështu na e kërkon tradita. Po ai po bënte qejf me zonjën e tij," - tha Gjeto Prenga nga Shkodra, i cili ka humbur djalin e vëllait dhe nusen e djalit, të cilët kishin ardhë nga Italia për të varrosur babain, e më pas nuk u lejuan të kalonin.

Të heshturit e sallës së Kuvendit ishin pikërisht ata për të cilët bëhej seanca parlametare. Ishin ata që Kryetari i Kuvendit arriti t'i quajë edhe mitingashë. Ishin ata që humbën fëmijët, nuset, vëllezërit e të afërmit e tyre. Humbën në thellësitë e detit trupat e pajetë të të dashurve të zemrës. Ata që nuk u dëgjuan e u shpërfillën nga pushtetarë të papërgjegjshëm, ishin varfanjakët e ardhur nga Shkodra për të dëgjuar përfaqësuesit e tyre, të flasin për "korba të zinj që enden në historinë e politikës moderne shqiptare". Kjo ishte pikërisht ajo që nuk i la dot pa ngritur zërin. Mark Grisha e Nikoll Nila, humbën djalë e vajzë 19 e 16 vjeç të sapomartuar. Gjithsesi e mposhtën dhimbjen e erdhën të dëgjojnë se çfarë po bën shteti i tyre, të paktën për të mbuluar në dhe trupat e pajetë të dy të rinjve. Gjetë Prenga e shumë e shumë të afërm të tjerë që humbën njerëzit e tyre të dashur në det. Ata arritën të bërtasin e të kërkojnë se çfarë po bëhet për ta. "Nuk erdhëm këtu të dëgjojmë Fatos Nanon duke u zënë me Sali Berishën. Ne kemi pasur kohë për të bërë këtë gjykim. Është Nano ai që na i mbyti njerëzit tanë. Është ai që duhet të mbajë përgjegjësi", shprehet i indinjuar Gjetë Prenga nga Shkodra. Ai humbi vëllanë Arbenin e nusen e vëllait Lizën, në tragjedinë e Jonit. E ndërsa Nano vazhdonte me termat e komplikuar të fjalimit të tij, familjarë të pranishëm në sallë reagonin. Bërtisnin e ngrinin zërin, megjithëse askush nuk i dëgjonte. Madje kryetari i kuvendit Servet Pëllumbi tentoi t'i nxirrte jashtë sallës. I quajti edhe mitingashë.

"Nuk ke faj ti mor nuk ke, na quan edhe mitingashë, se nuk ke humbur ti fëmijët! Je ulur aty në kolltuk e kurrgjë nuk të shqetëson. Po ne, ne na kanë vdekë fëmijët...", reagon e indinjuar gruaja rreth të dyzetave, e cila ka humbur të afërmit. "Nuk kemi ardhë të dëgjojmë Nanon të na flasë për korba e as ta dëgjojmë duke u zënë me Sali Berishën, se e njohim ku është. Po duam të dimë se çfarë po bëhet për ne. Ne e dimë se sa burrë i mirë është, se edhe për ngushëllim nuk na erdhi. Ne do ta prisnim edhe më mirë se Berishën, se kështu na e kërkon tradita. Po ai po bënte qejf me zonjën e tij," - thotë Gjeto Prenga nga Shkodra, i cili ka humbë djalin e vëllait dhe nusen e djalit, të cilët kishin ardhë nga Italia për të varrosur babain, e më pas nuk u lejuan të kalonin. Liza e Arben Prenga janë kthyer nga Italia disa kohë më parë për të varrosur babain e Arbenit, pasi kishte vdekur në moshë të madhe. Ata kanë tentuar të largohen për në Itali po nuk janë lejuar pasi u kishte mbaruar afati i dokumentave. Ata kanë lënë në Itali tre fëmijë të vegjël. Gjithë kjo tragjedi nuk i bënte të afërmit e viktimave të dëgjonin parlamentarët që flisnin për politikë. Ata donin të dinin për fatin e tyre. "Djali i vëllait e nusja e tij ikën e nuk kthehen më, po tragjeditë do vazhdojnë. Djali im është 15 vjeç, nesër ai rritet e nuk ka çfarë të bëjë. Edhe ai do të largohet. A të më mbytet edhe djali...?!"

Shqetësimi i të afërmve të viktimave që ishin në sallën e Parlamentit për të dëgjuar se çfarë do të bënte shteti për ta, nuk morën asnjë përgjigje. Ata panë, menduan e vlerësuan...


--------------------------------------------------------------------------------

Gjinushi kërkon dorëheqjen e Nanos

Kryetari i Partisë Socialdemokrate, Skënder Gjinushi gjatë fjalës së mbajtur në seancën e jashtëzakonshme, tha se kryeministri duhet të reflektojë pas situatës së krijuar pas tragjedisë së fundit në detin Jon. Gjinushi deklaroi se dorëheqja do i jepte moral politikës. Por kryetari i socialdemokratëve u shpreh se është kundër zgjedhjeve të parakohshme. Gjinushi kishte deklaruar një ditë më përpara se ai do të votonte kundër mocionit të opozitës për Nanon. Kreu i socialdemokratëve përmbylli diskutimet për seancën e djeshme. Ajo do të rifillojë sot në orën dhjetë të paradites. Deklarata e Gjinushit vjen pas nënshkrimit të një aleance të re mes Nanos dhe Gjinushit

[Brari]

korrieri shkruan:

------------

Tragjedia, Nano fiton ne Kuvend

Rezultati i votimit

50 PRO

76 KUNDER

1 ABSTENIM

15 NUK VOTUAN

Ne baze te Kushtetutes, per t'u miratuar mocioni i mosbesimit ndaj Kryeministrit kerkoheshin 71 vota

Kryeministri Nano ka fituar dje perballjen me opoziten, ndersa Parlamenti ka rrezuar mocionin e mosbesimit ndaj tij. Me 50 vota pro, opozita nuk ka mundur te shkarkoje Kryeministrin, te cilin e kishte cilesuar si pergjegjes te ngjarjes se 9 janarit ne ujerat e Jonit, ku humben jeten 21 persona. Sipas Kushtetutes per te miratuar nje mocion mosbesimi jane te nevojshme 71 vota. Mazhoranca eshte treguar kompakte ne voten e saj ne mbeshtetje te Nanos, duke dhene 76 vota kunder mocionit, ndersa nje deputet ka abstenuar.

Ne kete menyre, mbi tete ore diskutime, shpesh here edhe nervoze, jane mbyllur me rrezimin e mocionit te mosbesimit. Ne oren 02.00 pas mesnate, Kryeministri ka lene i qete sallen e Kuvendit ku kaloi votebesimin e dyte, brenda me pak se 20 ditesh. Kete rradhe ne favor te tij eshte shprehur edhe deputeti socialist Spartak Braho, i cili fillimisht kishte deklaruar se do te votonte per te rrezuar Kryeministrin. Por gjate votimit nominal, Barho ka ngritur kartonin e kuq per mocionin e opozites, ku propozohej shkarkimi i kreut te qeverise. Gjithashtu, mbeshtetes te tjere te ish-Kryeministrit Meta, deputetet Koja, Zela e Kaja kane votuar kunder mocionit, duke mbeshtetur Kryeministrin Nano. Vete Meta, bashkeshortja e tij Monika Kryemadhi dhe deputetet Prifti e Muci nuk kane qene te pranishem gjate votimit, duke evituar te shprehen per shkarkimin ose jo te Nanos. Gjithashtu, aleatet e Nanos kane respektuar vendimin e marre ne mesjave nga partite e "Koalicionit per Integrim", duke mbeshtetur qeverine.

Nderkohe, ne rradhet e opozites ka spikatur abstenimi i reformatorit Qazim Tepshi. Ai nuk ka qene ne nje mendje me koleget e tij, duke ngritur kartonin e bardhe. Lideri demokrat, i cili ka ftuar deputetet e tij te lene sallen ende pa dale rezultati i votimit, eshte shprehur se nje rezultat i tille pritej.

Ne kete menyre, Kryeministri ka triumfuar serish ne proven parlamentare, ku me 29 dhjetor arriti te rikompozonte qeverine e tij. I akuzuar ashper nga opozita si pergjegjes per ngjarjen e 9 janarit, Nano eshte larguar nga Parlamenti ne oret e para te dites se sotme me nje tjeter mandat besimi.

E.M/E.GJ



--------------------



koment..

Parlamenti i Dushkut pra sdo tja dije per viktimat e Otrantos..
Mafia ecen perpara..
Tak Braho beri vez perseri ne furrik te Nanos..
Lir e Monik kokmadh-Meta nuk marrin pjese ne votim pra nuk japin vot kunder .. pra dhe ata vezen e ben ne furrik te Nanos..
Qazim pollo tritan- tepshi dikur zyrtar i PD-se e dikur dikur spiun ambasadash..gjithashtu ben vez tek Nano..
Po ata 15 te tjeret kush jane..
Te pakten kte te na sqaroj Berisha..
Sigurisht jan dash Shehet e Rroqat e kollcaket e "opozites".

Pra Nano e ka ne xhep Parlamentin.. Ne xhep dhe Prod-Pakun.. Ne xhep dhe Lino xhefrin..ne xhep dhe Makbule Skafisten.. Luiz Kanibalen..dhe ne xhep dhe zogisto-ballistet e Abaz ermenit..

Po Nard Ndoka i Va dejsit (nga u mbyten shumica e Ka-raburunsave.. per ke ka votuar valle .. apo prap ka shtyp buton "gabim"..si her tjera..






kur do i hiqni kto "kryetemat" ju Moderatoret..
Mos e bajatosni Forumin..
E titujt mos na i redaktoni sepse i jepni form ZP-je forumit..

[Brari]

korrieri



-------

Meksi: Ku gaboi Nano ne tragjedine e Jonit
Ish-Kryeministri, Aleksander Meksi, analizon veprimet e qeverise per ngjarjen e 9 janarit dhe aksionet e policise per sekuestrimet

Si e komentoni operacionin me te fundit te policise per sekuestrimin e pasurive te disa te inkriminuarve?

Se pari, une do te bashkohem me zerin e shumices derrmuese te shqiptareve, ne te gjitha trevat e vendit, per keqardhjen, lidhur me ate qe ndodhi ne detin Jon, per viktimat fatkeqe, per familjaret e tyre. Ajo qe ndodhi, realisht, eshte nje gje mjaft e keqe dhe tregon se nuk eshte goditur atje ku duhet dhe sa duhet krimi i organizuar. Ky nuk eshte kalim i paligjshem kufiri, se te kujton fjale te turpshme qe lidhen me klonin e Enverit dhe me vrasjet e vitit '90. Kjo eshte nje lufte per nje jete me te mire, duke rrezikuar, gje qe shumica edhe me det te qete nuk ka kurajon dhe ka frike ta bejne. Kuptohet cila eshte gjendja e tyre, nga vete fakti qe vijne nga krahina te jugut apo te veriut, me te prapambeturat nga pikepamja ekonomike, qe me pak se te tjeret kane perfituar nga ndryshimet dhe reformat. Kjo, tregon se ka dicka qe nuk shkon, ne menyren e organizimit te shtetit social dhe te ndihmes qe i eshte dhene atyre. Kjo ishte njera ane e ceshtjes. Ana tjeter eshte lufta kunder krimit te organizuar e trafiqeve nuk behet me fushata, por behet me lufte te organizuar dhe me instrumenta teresisht ligjor. Kur ne ketu e vite me pare, ndermorem bllokimin e plote te tyre, beme nje ligj, sipas ligjeve kunder krimit te organizuar dhe aktiviteteve mafioze ne Itali, ku mjetet e krimit, konfiskohen dhe pastaj veprohet ne baze te ligjit. Kjo gje nuk mundi te ndodhe ne Shqiperi. Por ajo qe eshte me tragjike eshte se me fitoren e revolucionit te dyte demokratik popullor u lejuan skafet, u be i pavlefshem ligji me perkrahjen dhe te eksperteve, qe qeveria e majte italiane dergoi ne Shqiperi. Pra, une mendoj se ka vend per t'u rishikuar klasa politike shqiptare dhe mentalitetin e vet dhe mentalitetin e forcave te luftes kunder krimit te organizuar dhe te tere strukturen e ligjeve. Vetem atehere, realisht, do te kete suksese. Dihet nga te gjithe se deklarimi i pasurise dhe kontrolli qe behet mbi te, jane ne themel te luftes kunder trafikut te parave, te njerezve, te droges dhe korrupsionit, qe eshte ajo cka bejne zyrtaret me fondet publike. Keto te gjitha nuk jane per qejf ne Shqiperi. Me te drejte ka njerez qe preken e thone, "c'patet me ne"? "Pse e filluat me ne"? Pra, ketu duhet nje shkundje e tere e shtetit, sepse ka shume vite qe si une, si te huajt, si shume shqiptare, si opozita, kane kembengulur per kthimin e shtetit ne nje shtet te krimit. Sot kjo ka kaluar te tera limitet dhe nuk ka vend as per t'u mburrur me luften, as me gje, por per ta filluar nga e para me baza te rregullta. Atehere te jeni te sigurte se shqiptaret do te mendojne me shume per punen dhe zhvillimi ekonomik do te jete me baza reale. Sigurisht, kjo eshte njera ane e problemit. Ana tjeter eshte krijimi i nje klime mikse per investimet, i nje klime inkurajuese per punen dhe heqjen e monopoleve te favorizuara, qe me cpo shohim, detyrimisht duhet te mbajne o kollare te kuqe, ose kostum apo fund te kuq. Kjo nuk me duket aspak normale.

Cfare mendoni se nuk funksionoi ne strukturat shteterore gjate tragjedise se Karaburunit? Si e trajtoi Kryeministri kete ceshtje? Si e vleresoni mocionin e opozites per shkarkimin e Kryeministrit Nano?

Une mendoj se reagimi nuk ishte ne lartesine e duhur. Eshte e vertete qe kjo eshte nje fatkeqesi kombetare, eshte e vertete qe nuk mund te akuzohet personalisht individet per ate qe ndodh, pavaresisht se bashkarisht e kane pergjegjesine derisa jane ne pushtet. Por, ne castin qe nuk e thua kete gje, tregon se nuk e ndjen kete pergjegjesi. Me duket se kalojme ne kufirin e te kuptueshmes ne ate te te ndaluares. Nuk kishte pse te futej politika per te thene se s'kishte njerez ne te. Kontrolli behej derisa te bindej se s'ka njerez. Ne castin kur u tha se mungojne 7 veta, u vazhdua. Kjo tregon se dicka nuk funksionon ne rregull dhe njerezit jane shkrehur pikerisht ne luften kunder krimit dhe ne luften per te shpetuar jetet e njerezve. Ne kete drejtim, kerkesa per nje mocion mosbesimi nga ana e opozites, pavaresisht nga rezultati qe mund te jape, eshte mese normale. Keto ndodhin ne te tere boten. Madje, ne keto raste ndodhin dhe doreheqje te atyre qe ndjejne se kane nje pergjegjesi me personale se te tjeret dhe qe lehtesojne barren e pergjegjesise se kolektivit, duke u larguar per t'i dhene mundesi si hetimit ashtu edhe zgjidhjes. Une mbetetm me ate, qe cuditerisht edhe nje nga udheheqesit e revolucionit te dyte demokratik popullor, theksoi se shteti, qe nga Presidenti dhe te Prokurori i Pergjithshem e Kryeministri, ne qofte se kane akuza direkte, duhet t'ja kalojne prokurorit. Nese prokurori nuk e ben kete gje, ka shperdoruar detyren dhe neser do te pergjigjet ne baze te ligjit. Pra, nuk eshte puna tani qe po shahemi ne, o burra ta ndalojme dhe te krijojme nje klime normale, kur deri dje mbi keto pergojime pati pasoja te medha dhe u dogj Shqiperia. Kjo eshte arsyeja qe une kam thene se ja vlen ta shqyrtojme pse u dogj vendi, sepse, del ndonje si Kryetari i FRESSH, qe kercenon Bamir Topin se me kete zhurme qe beni ju ndodhi '97. Zhurmen e beri krahu kur ka qene pioner i socialisteve Gjergj Koja. Keshtu qe keto gjera ndodhin e nuk ka asgje per t'u cuditur. Shteti duhet te reagoje. Duhet nje shtet qe te jete i vetedijshem, jo duke na treguar se ka miq jashte, jo se do ben nje ligj antimafia. Nuk eshte nje ligj, eshte nje pakete e tere antimafia e plote te tjera qe duhet te behen. Persa i perket kembenguljes se opozites qe duhet te jete Kryeministri, une besoj se eshte mese normale qe ne keto raste, kur ka mocion, duhet te ishte prezent. Une kam nje episod te ndodhur te ketij lloji, kur kam qene ne vizite ne Itali dhe ndodhi nje incident qe gazetat e atehershme shkruajten, sepse dha nje lajm gabimisht nje kosovar, qe une u takova me Kryeministrin Amato. Takimi u la per te nesermen, sepse ate dite qe ishte caktuar i'u vu nje mocion mosbesimi dhe Kryeministri ishte i detyruar qe gjate gjithe seances te ishte ne parlament. Une e kam takuar te nesermen Kryeministrin ne dhomen e Parlamentit gjate pushimit te seances. Ai nuk mund te ikte nga Parlamenti, sepse mocioni ishte per te. Keshtu qe une mendoj se nuk duhet te habitemi nga e drejta e qytetareve te organizuar per te protestuar, nga e drejta e tyre per te kerkuar llogari, por nuk mund te jemi dakort qe forcat politike t'i mesojne qytetareve qe ta djegim Shqiperine se do digjet dhe pozita.

Bisedoi

Armando META

--------

[SUPERSTAR_N1]

Ashtu edhe siç ishte parashikuar, mocioni i mosbesimit të opozitës ndaj kryeministrit Fatos Nano u rrëzua sot në Kuvend kur kishin kaluar dy orë nga mesnata. Nisma e demokratëve u votua vetëm nga 50 deputetë opozitarë, duke qenë 21 vota larg kuorumit të duhur për të rrëzuar kryeministrin. Mocioni iu kundërshtua nga 76 socialistë dhe aleatë të tyre, ndërsa reformatori Tepshi abstenoi dhe 15 deputetë munguan. Midis tyre, ish-kryeministri Meta dhe pesë kundërshtarë të kryeministrit Nano. Opozita duke parë se si po shkonte votimi e braktisi sallën në momentin që kryetari i Kuvendit po llogariste rezultatin e votave. Kreu i Kuvendit Pëllumbi i tha kryetarit të PD-së që të rrinte në sallë për të marrë vesh dhe rezultatin e votimit, por Berisha ju përgjigj se “E dimë. Nuk prisnim që ju të votonit ndryshe.” Ndërsa kryeministri Nano, ndryshe nga miratimi i dekreteve të presidentit për ministrat e rinj nuk kishte ndonjë shenjë entuziazmi në fytyrë madje, kishte një vështrim sfidues ndaj opozitës. Ndërkaq një nga kundërshtarët e betuar të kryeministrit Nano, Spartak Braho, që kishte deklaruar se do të votonte për rrëzimin e Fatos Nanos votoi kundër mocionit të opozitës. E reja e këtij votimi të parë në historinë e pluralizmit, pasi është i pari mocion mosbesimi për një kryeministër, ishte votimi nominal. Çdo deputeti i thirrej emri dhe ai deklaronte me zë të lartë votën e tij para sallës. Një e papritur ishte dhe vota e reformatorit Tepshi, megjithëse ai e kishte paralajmëruar një gjë të tillë. Si edhe në votimet e fundit për dekretet e presidentit për ministrat e rinj të kabinetit “Nano”, Tepshi abstenoi dhe ishte dje opozitari i vetëm në sallë që nuk mbështeti mocionin e mosbesimit ndaj kryeministrit. Të gjithë deputetët e opozitës veçanërisht ata të PD-së ndërsa kalonin pranë tij duke dalë nga salla i drejtonin nga një fjalë për këtë votim.
Të pranishëm në votimin e mocionit të djeshëm të mosbesimit ndaj kryeministrit Nano ishin 127 deputetë.
Tërheqja
Seanca e e jashtëzakonshme e Kuvendit që nisi të enjten dhe përfundoi sot në orën 2 të mëngjesit rrezikoi të zgjaste edhe nja dy tre orë të tjera nëse nuk do të ishin tërhequr 15 diskutimet e fundit. Për këtë gjë kryetari i Kuvendit Pëllumbi bëri disa herë thirrje por ishte grupi i PD-së ai që nuk pranonte të tërhiqte diskutantët e vet. Kur ora kishte shkuar 01.30 kreu i deputetëve socialistë, Ruçi, i propozoi Kuvendit që të mbylleshin diskutimet dhe të kalohej në votimin e mocionit. Më në fund Topi pranoi se ky ishte një propozim racional dhe u kaluan në votim.

[SUPERSTAR_N1]

Replikat Nano Berisha

Berisha: Ti je Fatos Zia. Tie je një njeri pa atdhe. Je unik në qëndrimet e tua. Mund të mbledhësh votat e këtyre deputetëve që janë në sallë, por ta dish se jashtë kësaj salle ata të gjithë të shajnë.

Nano: Po i përsëris kryehienës Berisha. Shumë vetë në Shqipëri besojnë se ti je avantazhi im më i madh në politikë, por unë po të them se ti je dizavantazhi më i madh për këtë vend. Të siguroj se nuk largohem nga ky vend dhe kjo detyrë pa çliruar Shkodrën nga kthetrat e Berishës.

Berisha: Unë të them vetëm Nard Koka dhe Nehat Kulla. Kaq.

Berisha-Islami

Berisha: Fishekun në tavolinën e Fatos Nanos në vitin 1998 e vuri Kastriot Islami
Islami: Herën e parë ta thashë italisht, tani do ta them shqip, Je bërë si Cari i Rusisë

[christina54]

Gjalle qenka MEKSI?
A ka surrat dhe te drejte morale te flasi ai?.........

[christina54]

un as ce mund ta mendoj ndryshe.Si mund te votojne ato kunder vetes tyre?Sado ce ato bejne gam gam me njeri tjetrin kur vjen finalja ato behen grusht rreth PARTIS.Si mund te pranojne te rrezohen ato ce jane bere super milionere me gjakun eatij populli.Per ato eshte njesoj sikur te bejne vetvrasje.Por Nga eksperienca e shum shteteve po shohim se vjen nje dite dhe drejtesia vjen ne vend.Mbas njezet vjeteve u kapen vrasesit e ALDO MOROS...........

[Asteroid]

Po pse ore ju genjente mendja juve qe kriminelat te votojne kunder kriminelit !?

[Erban]

ashtu eshte christina eshte normale qe smund te votojne kunder vetes se tyre se Nano i ma me buke ato se mos te ishte ai kot do ishin duke shitur paketa rrugeve