Mocioni rrezohet, opozita braktis sallen e kuvendit

[Albo]

Partia Demokratike depoziton 29 firmat per thirrjen e Kuvendit ne seance te jashtezakonshme per tragjedine e Vlores. Sot mblidhet Byroja, qe do te diskutoje edhe kerkesen per mocion mosbesimi ndaj Nanos. Deputetet e opozites: "Ky Kryeminister eshte i padenje dhe Parlamenti duhet ta deklaroje te tille"

Thirrja e seances se jashtezakonshme, e kerkuar nga Partia Demokratike, do te vendoset ne mbledhjen e paradites se sotme te Byrose Parlamentare. Gjate dites se djeshme, ne tavolinen e Kryetarit te Kuvendit, Servet Pellumbi ka mberritur kerkesa e deputeteve opozitare, e shoqeruar me 29 firmat e nevojshme per thirrjen e seances se jashtezakonshme. Deputetet e opozites kerkojne thirrjen e kesaj seance per hetimin e tragjedise se 9 janarit, ne te cilen gjeten vdekjen 20 persona.

Gjithashtu, ne mbledhjen e Byrose, kreret e grupeve parlamentare do te diskutojne gjithashtu edhe mbi nje kerkese per mocion mosbesimi per kreun e qeverise, Fatos Nano. Ne kerkesen per mocion mosbesimi, thuhet se "fatkeqesia e me shume se 35 qytetareve shqiptare, viktima te trafikut kriminal te klandestineve, te cilet qe nga mbremja e dates 9 janar 2004, per me shume se 12 ore u perballen me detin e te ftohtin e padurueshem, me vdekjen qe i pergjysmoi, por dhe neglizhencen e ekzekutivit shqiptar, perben nje thirrje per veprim, jo vetem per qytetaret e ketij vendi, por ne radhe te pare e mbi te gjitha per Parlamentin shqiptar". Gjithashtu, ne kerkese thuhet se banda kriminale qe organizoi trafikun drejt vdekjes perbehej nga ofiqare te larte te ketij ekzekutivi, nga funksionare te larte te policise dhe te strukturave bregdetare. Nisur nga kjo situate, deputetet demokrate theksojne se "ne te gjithe kete tragjedi, qe nxjerr zbuluar mjerimin ne te cilin jetojne dhe vdesin njerezit qe qeverisen nga kjo qeveri dhe ky Kryeminister, ne te gjithe kete masaker qe na zbulon se si qeveria dhe Kryeministri i ketij vendi jane te afte qe pergjegjesine ta kthejne ne papergjegjshmeri". Ne perfundim te kerkeses per mocion mosbesimi nenvizohet se "ky Kryeminister eshte i padenje dhe Parlamenti duhet ta deklaroje te tille".

Perfaqesuesit demokrate ne Parlament, bejne fajtor per kete ngjarje strukturat e larta shteterore, si dhe akuzojne direkt Kryeministrin Fatos Nano. Lideri demokrat, Sali Berisha, menjehere pas tragjedise, ka deklaruar se shkaku themelor i ngjarjes se 9 janarit, "qendron ne pronat dhe monopolet e Fatos Nanos, Agron Dukes, Anastas Angjelit, Arben Malajt e Bashkim Finos, me te cilat shkaterrojne cdo dite vendet e punes per shqiptaret". Nga ana e tij, mesohet se kreu i Kuvendit, Pellumbi, ka pranuar kerkesen e deputeteve opozitare, i detyruar edhe nga Kushtetuta, por detajet do te diskutohen ne kete mbledhje te kryetareve te grupeve parlamentare. Gjithashtu, thirrjes per seance te jashtezakonshme te bere nga PD, i eshte bashkuar edhe grupi parlamentare i Partise Republikane.

Ne Kushtetuten e Shqiperise thuhet qarte se "Kuvendi mblidhet ne sesion te jashtezakonshem, kur kerkohet nga Presidenti i Republikes, nga Kryeministri ose nga nje e pesta e te gjithe deputeteve". Gjithashtu, keto sesione te jashtezakonshme thirren nga Kryeparlamentari, ne baze te nje rendi dite te percaktuar. Pikerisht per kete, kreret e grupeve parlamentare do te vendosin ne mbledhjen e sotme te Byrose. Duke u nisur nga keto, ne baze te rregullores se Kuvendit, seanca mblidhet brenda pese ditesh, nga miratimi i kerkeses dhe rendit te dites.

E.GJ

[Albo]

Godo: Trafiku frymezohet nga Qeveria

Armando META

Politikani Sabri Godo, vlereson se organizatat kriminale mbijetojne vetem ne saje te lidhjeve te tyre me strukturat shteterore. Tragjedia me e fundit ne Vlore, sipas tij, eshte deshmia me rrenqethese dhe me cinike se strukturat shteterore te cilat duhet te luftojne krimin, trafiqet dhe terrorin, jane oksigjeni per veprimtarite kriminale ne vend. Godo, nga ana tjeter, nenvizon se ne inkurajimin e ikjes se njerezve nga Shqiperia ndikojne edhe mungesat e politikave te punesimit dhe te permiresimit te jetes se qytetareve nga ana e qeverise, e cila, me se shumti, udhehiqet ne punen e saj per perfitime personale, ose te njerezve te klaneve qeveritare. "Qeveria duhet t'i beje pyetjen vetes, se perse ka shqiptare, te cilet jane te gatshem te rrezikojne jeten e tyre, vetem e vetem per te ikur nga ky vend? Tani u bene gjashte vjet qeverisje socialiste dhe nuk mund te vazhdoje te thote se ky eshte nje problem i trasheguar nga e kaluara", nenvizon Godo. Sipas tij, ne veren e 2002 u dogjen disa gomone, u ngrit tymi i zi dhe u deklarua fundi i kriminalitetit klandestin, por po te mos kish ndodhur kjo qe ndodhi dhe qe fale medias mori permasa popullore, qeveritaret socialiste do te vazhdonin punen e tyre ne heshtje te pakrahasueshme. Godo nenvizon se arrihet menjehere ne perfundimin se deklarimi i qeverise se i dha fund ketij trafiku ishte i parakohshem. "Jam krejt i sigurte qe keta do ta vazhdojne trafikun e klandestineve dhe te droges ne det. Qeveria ben nje deklarate te bujshme per te afirmuar sukseset e saj dhe kjo ben pjese ne kete propagande bajate me te cilen eshte sterngopur populli shqiptar. Pastaj del qe realiteti eshte krejt tjeter. Perpos kesaj, te tera keto organizata dhe organizma kriminale, nuk do te kishin mundur te funksiononin ne rast se nuk do te kishin nje perkrahje te strukturave shteterore, ose e thene me qarte, te ishin nje prodhim i drejteperdrejte i saj. Jane ata qe merren me kete pune", nenvizon Godo. Sipas tij, asnje gomone nuk do te mund te gjente strehe ne bregdetin tone, ne rast se mbi te do te qendronte syri vigjilent i policise, i rojes bregdetare dhe i strukturave te tjera. Keta trafikante, vlereson Godo, kane mundur te mbijetojne vetem e vetem, sepse Qeveria ka bere sikur lufton me ta, kur ne te vertete u ka lene ende fushe te lire veprimi. "Vjen nje cast qe behet e pamundur per opinionin publik, te duroje me tej nje gjendje te tille. Qeveria duhet t'i shikoje pergjegjesite e saja te gjithanshme dhe kurrsesi nuk mund ta hedhe fajin mbi emigrantet, sikunder beri zoti Nano, duke u thene njerezve se duhet te ndjekin rrugen ligjore per te emigruar dhe jo klandestinitetin. Cilido ka te drejte t'i beje pyetje zotit Nano: Cilat jane rruget ligjore? A ka mundesi nje shtetas nga Malesia e Madhe, Puka, ose qofte edhe ne Jug, te kerkoje nje vize per emigracion dhe ta marre kete? Kjo nuk ndodh kurre. Atehere c'eshte kjo vije ligjore qe i keshillohet qytetarit te lire? Ai ve koken ne rrezik dhe ia hyn kesaj aventure, vetem e vetem sepse nuk egziston kjo rruge ligjore qe do te na tregoje Kryeministri. Them se eshte koha qe keta njerez te mendojne ate qe flasin, te mos flasin c'u vjen per goje, te kete nje llogjike ne ate qe thote, te pakten nje llogjike minimale", nenvizon Godo. Politikani republikan thekson se eshte e pakuptueshme se perse mbahen te fshehta vizitat e Kryeministrit Nano. Sipas tij, ai mund te kete aresye shendetesore per mungesen e tij te gjate ne vend dhe per kete gjithkush do te tregonte mirekuptim, por gjithshka eshte mbajtur e fshehte per aresye qe nuk kuptohen. "Ne nje rend demokratik, levizjet e Kryeministrit duhet te shihen si ne ekran televizori nga qytetaret. Ketu nuk behet fjale per jeten private se ne c'dhoma fle dhe ne c'restorante ha. Kryeministri duhet te jete ne sherbim te vendit edhe kur ka probleme shendetesore. Kjo qe ben ai nuk behet. Se perse behen keto enigma dhe mistere per t'i hapur probleme vetes, nuk arrij ta kuptoj. Ne keto rrethana, secili ka te drejte te beje interpretimet e veta, sikur ky eshte nje Kryeminister qe i fershellen popullit sikur te ishte bageti, ben c'i shkrep ne mendje, pa ndier nevojen te jape llogari per ato qe ben. Ai e krijon vete kete situate se bashku me ndihmesat e tij. Kur fshihesh dhe zhdukesh, duke qene kryetare i qeverise kjo eshte e papranueshme", vlereson Godo.

[Albo]

PR-PLL: Nano te jape doreheqjen

Grupi parlamentar i PR kerkon mbledhjen e Kuvendit ne nje seance te jashtezakonshme, per te analizuar pergjegjesite per tragjedine e ndodhur ne gomonen me klandestine, ne ujrat e detit Jon. Paralelisht me kete kerkese republikanet kerkojne edhe doreheqjen e Kryeministrit Nano, me akuzen se qeveria qe ai kryeson eshte pergjegjesja kryesore per trafikun, si dhe per lidhjet e saj me boten e krimit te organizuar. Nenkryetari i PR, Maksim Begeja, shprehet se kerkesen zyrtare per mbledhjen e ketij institucioni, ia ka drejtuar Kryetarit te Kuvendit, Servet Pellumbi. Edhe legalistet kane kerkuar doreheqjen e Nanos, duke e akuzuar Kryeministrin si "shkaktar te agravimit te trafiqeve vdekjeprurese, me mosveprimin e tij dhe instrumentalizmin e luftes politike, jo per crrenjosjen e trafiqeve te vdekjes, por per forcimin e pushteteve qe mbeshtesin kriminelet dhe mbeshteten nga krimi i organizuar". Sipas nenkryetarit te PLL, Murat Basha, nese Nano ka frike nga mafia qe e solli ne pushtet ne vitin 1997, duhet te jape sa me pare doreheqjen e, me pas, po te doje te bashkejetoje me te ne paqe e limonti, por kurrsesi te mos e lere peng pushtetin dhe qeverisjen tek xhelatet e vdekjes, pasi keshtu po varros shqiptaret dhe po ben harakiri politik.

[nikshi]

Duket se politika shqiptare jeton vazhdimisht ne qiellin e hipokrizise. Shofim se ngjarja e Karaburunit po shfrytezohet ne menyre mjerane nga opozita per te diskredituar poziten. Per mua shqyrtimi i kesaj ngjarjeje duhet bere ne planin social dhe ekonomik: Pra, te gjenden rruget dhe mundesite qe mos te ndodhin me ngjarje te tilla. Pak rendesi ka ne se shkon kryeministri ne Karaburun apo jo, kjo as shton as pakson fatkeqesine qe ndodhi. Ndonjeri ndoshta do te kerkoje qe kryeministri te veshe kostumin e palombarit dhe te hipi ne anije si pjestar i ekipit te shpetimit... Ceshtja eshte: si te shmangen keto fatkeqesi. Historikisht dihet se kjo dukuri filloi ne kohen e Berishes dhe opozita s'ka pse ben "te ndershmin" per raste te tilla qe ja la trashegim pozites, por te bashkepunoje qe te mos ndodhin me keto raste. Ndryshe, duke share e akuzuar si kriminel e duke u vene ne rolin e gjykatesit e prokurorit, veç se do te hidhet mjeggul neper te cilen kriminelet e vertete do te vazhdojne qe te çoojne drejt vdekjes fatkeqe te tjere.

[tani_26]

Edhe sikur 50 apo 100 shqiptare te mbyteshin per Nanon nuk ka rendesi, ajo qe ka rendesi per te eshte pushteti.Duket se jeta e nje njeriu ne Shqiperi ka nje vlere shume te ulet. Nese SHBA apo ndonje shteti tjeter i vritet ndonje qytetar apo ndonje ushtar qe ne fund te fundit mund te jene per nje mision te caktuar ne SHBA "behet nami" kurse ne Shqiperi ben fare pak pershtypje...Qe dinasti Nano duhet te largohet nda posti qe ka jane me mijera arsye, por duket se diktatura komuniste e ka bere me se miri punen e vet gjate sundimit te saj 45 vjecar. Duket shqiptaret durojne shume...Sot mesova se Shkodra po ngrihet ne protesta. Jo vetem Shkodra por e gjithe Shqiperia duhet te ngrihet ne protesta per te flakur tej, te keqen qe quhet Nano. Te zhduket nje here e pergjithmone nga politika shqiptare ky politikan i papergjegjshem, i korruptuar, qe me politiken e vet si kryeminister ne vend qe ta coje Shqiperine perapara po e con mbrapa. Jane pasojat e politikes se Nanos mbytjet e Shqiptareve neper dete me gomone. Skamja dhe mizerja qe mbreterojne ne Shqiperi jane fryt i politikes se Nanos. Cfare duhet te ndodhe akoma ne Shqiperi qe te largohet apo te jape doreheqjen ky politikan i papergjegjshem??:?

[kolombi]

Madheshtia dhe kultura e nje politikanti te vertete,duket ne momentet kur ai pranon gabimet dhe i ngarkon ne supet e tij dhe largohet nga skena politike duke nenshkruar,ndoshta te vetmin akt miresie ndaj popullit te tij.
Per mendimin tim Nano kurre nuk kishte dhe kurre nuk do te kete kulturen,prestigjin dhe shpirtin e nje politikani te vertete.
Kjo thjesht se ai ben pjese ne ate grup politikantesh vampire ,batakcinj qe jetojne me gjak permes shkaterrimit te nje vendi,te nje populli,qe pesoi shume here por kurre nuk mesoi dhe vazhdoi e vazhdon tu jap celsat e qeverisjes,Arsen Lupeneve te tipit Nano me kompani.

Nga ana tjeter eshte pak tragjike qe PD,mes tragjedive te tilla gjen rastin per te goditur kalbesine e pushtetit socialist.
Te pushtetit te sheikeve te kuq qe e kthyen vendin ne nje shtet korrupsioni,kontrabande,gomonesh qe sjellin vdekje.

Nje gote me fund plot raki permeti miken e perjetshme te dollibashit shqiptar Fatos Nano.

Te pacim kryeminister dhe 40 vjet te tjera te na nxjerresh keshtu mallin e babait tend shekullor,Enverit.

[Shpirt Njeriu]

Lideri demokrat Sali Berisha ne nje prononcim, pak caste pas perfundimit te fjales se kryeministrit para deputeteve ne seancen e jashtezakonshme parlamentare, tha se ai eshte autori kryesor i tragjedise se 9 janarit. “Ai eshte personi qe ne nje mungese totale morali njerezor urdheroi lenien ne meshiren e dallgeve viktimat e tragjedise se Karabarunit dhe urdheroi zvarritjen e kufomave ne det”, u shpreh Berisha. Ndersa ne lidhje me akuzat e kryeministrit lideri i opozites u shpreh se ne Gjykaten e Hages,ai do te shkoje vetem si deshmitar. Kjo seance e jashtezakonshme parlamentare u mblodh per te debatuar per tragjedine e 9 janarit ne brigjet e Karaburunit ku 21 persona humben jeten , nderkohe qe disa persona te tjere jane zhdukur.

[Shpirt Njeriu]

Kryeministri i Shqiperise Fatos Nano ka marre sot fjalen e tij para kuvendit te Shqiperise ne seancen e jastezakonshme parlamentare, ne qender te se ciles po debatohet per tragjedine e 9 janarit. Gjate fjales se tij, te ndeprere disa here ne nenkryetarja e kuvendit Jozefina Topalli dhe deputete te tjere te opozites, ne qender kane qene akuzat ndaj liderit demokrat Sali Berisha, i cili sipas Nanos nuk ka respektuar te vdekurit, por ngjarjen e 9 janarit e ka perdorur si mjet per te krijuar anti-shtetin. “Berisha nuk denjoi qe te respektonte viktimat dhe kjo nuk eshte pamje e re per publikun shqiptar. Nje hijene sillet ne politiken shqiptare dhe ai eshte Berisha, i paafte te konkurroje ne nje shoqeri sipas rregullave demokratike. Berisha nuk eshte njeriu i tradites nuk respektoi te vdekurit ne heshtje, por menjehere pas kesaj tentoi me shpresen e marre te marrjes se pushtetit”, ka deklaruar Nano, duke shtuar se akuzat qe rendojne mbi shefin e opozites, mund ta cojne ate edhe ne Gjykaten e Hages. Ai u shpreh se së bashku me qeverine qe drejton nuk e fsheh realitetin, por ka dokumentuar vargun e problemeve qe jane ne keto momente dhe ka ndertuar programe te plota per te sjelle jeten e shqiptareve ne nivel europian . Ai me kete rast paraqiti pikat e ketij programi.



1. Do vazhdoje risktrukturimi i shtetit dhe policise. Me ndertimin e njesive te specializuara do te behet parandalimi i trafikut dhe trafikanteve te qenieve njerezore dhe lendeve narkotike.
2. Menazhimi i kufijve shtetetore
3 Vazhdimi i ndeshkimeve ndaj zyrtareve te paafte dhe luftimi i korrupsionit
4 Vazhdimi i reformave ligjore
5 Forcimi i kontrollit doganor
6 Reforma per levizjen e lire te qytetareve ne vendet e zones ‘shengen’.

[Asteroid]

TIRANE (16 Janar) - Opozita braktis seancën e jashtëzakonshme të kuvendit. Pas konsultimit mes grupeve parlamentare, deputetët e opozitës vendosën të pezullojnë seancën e mocionit të mosbesimit ndaj kryeministrit dhe ta zhvillojnë atë vetëm kur të jetë i pranishëm Nano. Kreu i grupit parlamentar demokrat Bamir Topi, tha se seanca e sotme ishte një seancë e paprecedent për parlamentin shqiptar, që tregon se kryeministri braktis institucionin e parlamentit dhe kërkon ta vërë nën thundër atë. "Kjo ëhstë keqardhje për ju, që po ulni autoritetin e kuvendit dhe po bëheni pre e presionit të Nanos", iu drejtua Topi, kryetarit të kuvendit, Pëllumbi. Pas largimit të deputetëve të opzitës nga salla, sekretari i përgjithshëm i PS-së, Ruçi, kërkoi tërheqjen e socialistëve për të marrë një vendim. ro/ro (News24/BalkanWeb)

[Dita]

Nga gazeta TemA




KOMENTI


Ti je Fatos Nano, mbrapa të vjen Zija

Ti je Fatos Nano që pak javë më parë deklarove se je ngjitur aq lart, sa balta e kundërshtarëve nuk të arrin, kongresmenët e tu shpërthyen në ovacione dhe ngashërime, por ti Fatos Nano, tashmë je skuqur nga gjaku i viktimave të Karaburunit, që të bën më të kuq se të kuqtë

Nga Sali Berisha

Duke ju përshëndetur ju, qytetarë të Shkodrës dhe Vlorës, edhe një herë uroj që të gjeni forcën për të përballuar dhimbjen e madhe dhe lutem së bashku me ju, që shpirtrat e njerëzve tuaj të dashur, të gjejnë paqen e merituar. Ne kemi kërkuar këtë sesion të jashtëzakonshëm parlamentar për të shkarkuar kryeministrin Fatos Nano, si përgjegjësin kryesor të tragjedisë së Jonit, si njeriun që me politikën e tij, me klikën që mban përrreth, kanë zhytur në varfëri dhe mjerim progresiv, mbi 1 milion shqiptarë, si njeriu që me shpirt të kalbur nga urrejtja njerëzore, me mendje të helmuar nga cinizmi dhe shpirtkazmëria, me shpirt të shkretë si katrani, në një ditë zie e gjëme të madhe, poshtëroi kombin e tij, poshtëroi viktimat, poshtëroi shoqërinë shqiptare, poshtëroi qytetërimin perëndimor, duke vazhduar vakancat, masazhet, makiazhet, kur Shqipëria ishte mbytur në lotë e zi.

Unë nuk ju prisja ndryshe, veç kështu siç jeni. Nuk jeni deputetë po jeni vajmedet. Nuk jeni parlamentarë, por jeni KPD-arë. Nuk guxuat t'i thoni të paktën, as më elementaren që bën njeriu në zi, nuk e bëre. Nuk guxuat t'i thoni, o servilë të zhveshur nga çdo ndjenjë njerëzore, se "Ti ike në '98, mbrojte kokën nga Berisha", sepse kështu tha. Po tani nga kush e mbrojte kokën, ndërsa ishe me pushime në pishinat dhe ambientet e hoteleve të Mesdheut!? Si jeni kështu! Kjo është turp. A keni familje, a keni të afërm?



Ti je Fatos Nano, mbrapa të ndjek Varfëria

Ne e kemi kërkuar këtë sesion të jashtëzakonshëm sepse shkaku themelor i së premtes së zezë së 9 janarit, për ne është Fatos Nano. Ti personalisht je shkaku kryesor dhe ministrat tuaj me klanet përreth teje të korrupsionit, kontrabandës dhe trafiqeve. Ti zhyt çdo ditë e më thellë shqiptarët në varfëri. Pra konsumon krimin kolektiv më të shëmtuar. Sot nuk është koha të ndalemi në statistika, por theksoj se ti, pasi ke vendosur taksat më të larta, mbi shqiptarët, në Evropë, me Dukët e krimit, me Maçët, me Malajvitat, Baçët, Ruçët, këtu, dhe sipas FMN vjedh 2/3 e taksave të popullit shqiptar në një vit. Sot në republikën tënde të ekonomisë kriminale 92% të të gjitha ushqimeve që konsumohen, importohen nga Dukët dhe Ruçët dhe zhdoganohet vetëm 1/10 e tyre. Kurse ato shiten me çmimet më të shtrenjta në Europë. Sot nga rreth 1 milion ton naftë që konsumon vendi në vit, Durakët dhe Maçët e tu zhdoganojnë vetëm 1/4 duke vjedhur qindra milionë dollarë. Sipas FMN shuma e taksave që vidhen në një vit në Shqipëri shkon deri në 600 milionë dollarë, kjo shumë do të mjaftonte për të siguruar punë për 120 mijë qytetarë shqiptarë në vit, ndërkohë që grupmosha e punës në Shqipëri për një vit është 70-80 mijë banorë.

Ti je shkaku kryesor i mjerimit dhe varfërisë së shqiptarëve. Je ti me shpurën e zyrtarëve ministrave dhe KPD-arëve, që jo vetëm vjedh e shpërdoron 2/3 e taksave, por ke krijuar monopole të tmerrshme, si në ushqime, naftë dhe hekur, duhan, pije e të gjitha mallrat kryesore, ke shkatërruar prodhimin e vendit, mban çmimet më të larta. Ke falimentuar me qindra e mijëra biznese të ndershme, ke shkatërruar në katër vjet sipas mikut tënd guvernator në Bankën e Shqipërisë, Shkëlqim Cani, 196 mijë vende pune që ekzistonin 4 vjet më parë. Ke larguar çdo vit nga Shqipëria sipas Institutit tënd të Statistikave, mesatarisht 100 mijë shqiptarë.

Sot në Shqipëri, si në asnjë vend tjetër të planetit, ti dhe ministrat e tu, zyrtarët e tu pasurohen me shpejtësi marramendëse, kurse qytetarët varfërohen, mjerohen me shpejtësi të rrufeshme. Sot më shumë se 1/3 e qytetarëve shqiptarë jetojnë në një mjerim të plotë me më pak se një dollar në ditë. Ndërsa lopët e Europës marrin subvencione, - jo ushqime, subvencione, - 2 dollarë në ditë! Kurse 1 milion shqiptarë jetojnë me 1-2 dollarë në ditë. Pra me 350 -700 dollarë në vit, kurse ti me Dukët, Malajvitat, me Maçët, Baçët, Durakët dhe kontrabandën e trafiqet e pista, tendera, taksa e tatime fiton në vit 50 -100 milionë dollarë për frymë.

Vetëm udhëtimet e ditëve të fundit, që bëre ti, paralel me udhëtimin e vdekjes së qytetarëve shkodranë, ke shpenzuar me 'çarter' dhe hotele, ballo, ahengje, orgjira, në Burgenland të Austrisë, në hotelet e Mesdheut e të detrave të nxehta 420 mijë dollarë. Asnjë centim nga paga jote, të gjitha të vjedhura nga tendera të taksapaguesve shqiptarë. Shto faturat që firmosin për heqjen e shpenzimeve tua.

Fatos Nano është shkaku kryesor i tragjedisë së Jonit, sepse varfëria, kjo kolerë e keqe që i dëbon shqiptarët nga Shqipëria, e ka shndërruar vendin e tyre të bekuar në një vend të mallkuar që nuk u jep punë dhe varr. Ky është krimi kolektiv më i shëmtuar i tij dhe i shpurës së tij. Këtë e them jo për politikë, por historia e re dhe e vjetër e njerëzimit në tërësi, dhe më shumë se kushdo tjetër historia jonë në veçanti ka provuar se në Haiti, ashtu edhe në Shqipëri, si në Burundi, ashtu edhe në Shqipëri e gjetiu, varfëria është krim kolektiv i qeverive të korruptuara.



Ti je Fatos Nano, mbrapa është Makutëria

Varfëria është ky krim më i rëndë se çdo krim tjetër, është ky krim që vret më shumë se çdo epidemi, se çdo kolerë, ajo ka dimensione dhe pasoja të shumta, por shkak kryesor vetëm një: vjedhjen nga zyrtarët e qeveritarët të pasurive që sipas ligjit duhet t'u shpërndahen anëtarëve të shoqërisë.

Në Shqipëri pasuria që krijohet nuk shpërndahet, por ajo përqendrohet në duart e Nanos, në duart e lejtnantëve të tij, të Dukëve, Maçëve, të Baçëve, të Durakëve, pra varfërimi kolektiv i shqiptarëve është krimi më i shëmtuar i Fatos Nanos. Në të vërtetë, në themelin e tij, në planin filozofik moral qëndron babëzia, shpirtkazmëria, cinizmi i tij. Nuk është krim të jesh i varfër, jo dhe jo, Por është krim i madh të varfërosh të tjerët. Varfëria është krim sepse të detyron të rendësh drejt vdekjes, siç rendën qytetarët e Shkodrës që humbën jetën më 9 janar. Varfëria të detyron të shesësh fëmijën tënd, të detyron të shesësh trupin tënd, të ndan nga prindi, të ndan nga fëmija, nga bashkëshortja, të vdes nga sëmundja, të lë edhe pa të. Varfëria të zhyt në papunësi edhe pse nuk je dembel, por vetëm se Dukët, Baçët, Maçët, Naçët e Fatos Nanos rrënojnë çdo ditë vendet e punës, të lënë të pastrehë edhe pse ti meriton të strehohesh. Dhe mund të punosh çdo ditë në ndërtime, është lot, është dhimbje e foshnjeve si miza. Janë me dhjetëra e dhjetëra familje të ndara sot.

Varfëria është tmerr nga e ardhmja, është tmerri më i poshtër i tokës, është mallkimi më i madh jo nga Zoti, por i atij që nxin me mungesën e tij këtu.

Varfëria ka fytyra të shëmtuara, ajo ka rënkime therëse, por ti dhe shpura jote asnjë nga këto nuk i shikon, asnjë nga këto nuk i dëgjon, pa le t'i prekësh më, jo. Ajo ka fytyrën e foshnjës që përpëlitet në kthetrat e vdekjes për mungesë të qumështit dhe ilaçeve. Po ku pyet ti dhe ministrat e tu paguani milionat për dadot për fëmijët tuaj.

Varfëria ka fytyrën e vuajtur të atij të papuni anonim që në ngricë, acar apo në pikun e zhegut, pret me orë të tëra tek monumenti i "Ushtarit të panjohur", për t'iu afruar disa orë punë që t'u çojë fëmijëve një vakt bukë, ndërsa ti për konet shpenzon në ditë trefishin e parave krahasuar me familje si këto.

Varfëria ka fytyrën e vuajtur të atij që blen me listë ushqimet e dy vakteve bukë që u jep fëmijëve të tij, por ata nuk ekzistojnë për ty, sepse theksoj edhe një herë për vakancat e tua në Evropë ke shpenzuar 420 mijë dollarë. Varfëria ka fytyrën e nënës që i vdes fëmija për pikën e qumështit, apo të fëmijës me rrecka djerse të pjekura në ballë që nuk shkon dot as në shkollë, por shet ndonjë paketë cigare apo banane të Maçit rrugëve të Tiranës. Kjo sepse për ju, qeniet e varfëra janë qenie të neveritshme, ndaj dhe ju nuk guxoni të ngrini kokën kundër tij, madje ato janë qenie të padukshme, gjer në mosqenie, edhe kur ti i shtyp me benzin tënd luksoz, siç ke shtypur Petrit Islamin, apo i ekzekutoni pa gjyq në paradhomat e sallave tuaja. Ata nuk ekzistojnë, ju i urreni të varfërit tuaj për vdekje, deri në harresë fatale, për fajin e vetëm se ju jeni pasuruar duke i vjedhur ata, duke i rrjepur ata, njëlloj sikur hajduti ordiner, jo rrallë vret viktimën që ka vjedhur edhe pasi i ka marrë çdo gjë. Edhe ju i urreni të varfërit tuaj, nuk mund t'i shihni dot, për ju ata nuk janë nëna dhe baballarë, nuk janë fëmijë, nuk janë motra, nuk janë vëllezër, nuk janë fqinj, por thjesht statistika për t'i manipuluar. Për sojin tuaj çnjerëzor, shoqëria tjetër nuk ekziston.

Për ty, Liza nuk ishte nëna e dy fëmijëve që vdiq për t'u bashkuar me ta, Dritani nuk ishte babai i tre fëmijëve që u ngri në det për t'u bashkuar me vogëlushët, e ti në bregun tjetër si heroi i vlerave familjare, sepse i varfëri për ty nuk mund të jetë i tillë, as prind, as fëmijë. Kurse fëmijët e tyre janë thjesht vocrrakë, varfanjakë. Besmira, të cilën nëna e nisi nuse dhe më 9 janar u shndërrua në vajzën e detit, nuk mund të ishte nuse, madje po të mos qe i shoqi gjallë që e priste ne bregun tjetër, ti me shpurën tënde do ta etiketoje me epitete të tjera. Por pronat dhe pasuritë që ti ke vendosur duke vjedhur shqiptarët që Dukët, Maçët, Baçët, e Ruçët i kanë vendosur mbi mjerimin e të varfërve, bëjnë që ju të mos i shikoni dot ata.



Ti je Fatos Nano, mbrapa të vjen Tragjedia

Po të ndigjosh fjalimet tuaja në Shqipëri nuk ekzistojnë të pastrehët, sepse ju vetë jetoni në vila dhe pallate luksoze. Në Shqipëri nuk ekzistojnë të papunë, sepse ju vetë pasuroheni duke fjetur dhe soj-sorollopi juaj është i punësuar madje me 2-3 punë. Për ju në Shqipëri nuk ekzistojnë fshatra dhe as rrugica mjerimi në qytetet e saj, sepse ju nuk shkoni atje. Në këtë vend nuk ka dyqane me lista, mbasi ju vizitoni resortet më të kushtueshme të kontinentit. Për ju në Shqipëri nuk ka shkolla të shkatërruara, nuk ka fëmijë analfabetë, sepse ti me paratë që vjedh, shkollon fëmijët e tu në shkollat më të kushtueshme të perëndimit. Në Shqipëri nuk ka të sëmurë që vuajnë, nuk ka spitale të rrënuara pa ilaçe, pasi ti kurohesh dhe bën masazhe në klinikat më të shtrenjta të Europës. Në Shqipëri vdesin 50 foshnje në një mijë që lindin, pasi ato janë të shoqërisë që nuk e shikon, të shoqërisë së padukshme, vocrrakë që kanë lindur për të vdekur. Ti je Fatos Nano, mbrapa të ndjek mjerimi i shqiptarëve. Me të vërtetë ti je ngjitur lart, siç do t'u deklaroje ti kongresmenëve të tu disa javë më parë dhe se balta e kundërshtarëve të tu nuk të arrin në këtë lartësi, por gjaku i atyre që u ngrinë në ujërat e Jonit në datën 9 janar, të ka bërë sot të dukesh më i kuq se kurrë. Ti je Fatos Nano, mbrapa të vjen zija. Po dhe po. Mirëpo, mbrapa të vjen zija, sepse varret e djemve dhe të vajzave të Shkodrës që u ngrinë në thellësinë e Jonit të premten e zezë nuk janë në Jon, nuk janë në Shkodër, ato janë ngritur mbi pronat tuaja, të Dukës, Maçit, Baçit, Ruçit, dhe shpurës tënde çnjerëzore. Pikërisht për këtë arsye ata që mbetën të ngrirë në thellësinë e Jonit, në çastin e fundit të jetës së tyre, pasi u përshëndetën me të dashurit e tyre, u ndanë me ty dhe me shpurën e qeveritarëve tuaj. Ti mund të çuditesh, por më i fundit me Lizën e gjorë u nda pasi përqafoi fëmijët e saj, je ti Fatos Nano, pasi engjëjt e saj u zhdukën mes dallgëve. Mendoi se ti i kishe lënë pushimet dhe erdhe t'i jepje dorën e shpëtimit. Por jo. Ishte në bisedë me maskën tënde që i mori shpirtin e saj të pafajshëm. Besmirës që vdiq për besën ndaj të shoqit, pasi përqafoi fëmijët dhe bashkëshortin e saj para syve të saj i doli ministri yt, Duka i krimit. Mendoi se atleti do ta shpëtonte. Por edhe ajo u gabua. Nuk kishte skuadër shpëtimi. Ishte Xhebraili që kishte vënë si maskë fytyrën e ministrit tënd. Po kështu, Toma, Ramizi, Ridvani, Paulini, Alfredi, të gjithë atyre që vdiqën, Luçiferi dhe Xhebraili, iu afruan jo me fytyrën e tyre, por me maskën e fytyrës së Maçit, Baçit, Malajvitës, të Robos e kështu me radhë. Kjo është historia. Prandaj ti nxin me mungesën tënde këtu. Ti je Fatos Nano që pak javë më parë deklarove se je ngjitur aq lart, sa balta e kundërshtarëve nuk të arrin, kongresmenët e tu shpërthyen në ovacione dhe ngashërime, por ti Fatos Nano, tashmë je skuqur nga gjaku i viktimave të Karaburunit, që të bën më të kuq se të kuqtë.

Ti nuk je vetëm shkak themelor, por je dhe shkaku direkt i tragjedisë së Jonit. Je përgjegjës direkt i saj, sepse ti je përgjegjësi kryesor i shtetit oktapod, skafo-republikës tënde, i shtetit të punëve, trafiqeve, parave të pista, shtetarëve trafikantë, cinikë, imoralë, të ulët të pamëshirshëm, primitivë, Fatos të vërtetë dhe klaneve të tyre që s'kanë asgjë njerëzore dhe që përfitimin e paligjshëm, vjedhin, marrin peng, djegin të gjallë, vrasin pa gjyqe, mashtrojnë, torturojnë, rrahin, përdhunojnë, plaçkitin, përzënë nga Shqipëria. A nuk je ti mik i Nehat Kullës, i Feriz Kërnajës, i Nard Kokës, është apo s'është, ju që shihni këtu, KPD-arë. Eshtë apo s'është, thoni këtu? I Fatmir Ramës, atëherë çfarë mund t'i thuash, kujt për lidhjet e krimit, ti je vetë krimi i organizuar. Ti je bota e krimit.

Le të shtrojmë se bashku një pyetje: A ishte tragjedia e 9 janarit një akt i organizuar nga shteti? Hetimet paraprake tregojnë se të gjithë ata që mashtruan viktimat e Shkodrës ata që i transportuan, që i sistemuan në hotelin e Dhërmiut, që i siguruan që përtej detit do të kalonin dhe polici dhe jo me skafistë. Dhe pasi i vendosën në gomonet e vdekjes, pa përjashtim të gjithë ishin njerëz me uniformë, soji yt dhe i qeveritarëve të tu, familjarë shumë të afërt të KPD-arëve të tu më fanatikë, Makbule Robos, Luiza Hoxhës, dhe të Dukës, ndër ta anëtarë të bandës së Zani Çaushit, miq të ngushtë të ministrave të tu, pra rrugëtimin e vdekjes e organizuan zyrtarë të policisë dhe të SHIK-ut, të shtetit tënd oktapod, mishi i të cilit je ti.

Sot le të shtrojmë së bashku pyetjen: Ishte ajo një aksident, apo ishte një dramë e rrallë e planifikuar e shtetit tënd oktapod. Unë këtu nuk do t'u referohem burimeve të opozitës. U ngrita edhe pak më parë për t'iu përgjigjur përfaqësuesit të malavitës në koalicion për integrim. Eshtë e vërtetë që nga '92-'97 ka patur 182 gomone të konfiskuara. Eshtë e vërtetë që ata zyrtarë që ne i ndiqnim penalisht, ju u keni dhënë grada. Nga ana tjetër është e vërtetë që nga '97 e gjer më sot, akti i fundit ishte akti i 20 i tragjedisë shqiptare që luhet në ujërat e Jonit apo të Adriatikut. Dhe këto akte janë vetëm ato që nuk i ka përpirë dot deti, ndaj përqindjet janë shumë më të mëdha, për ne, për shoqërinë që ju nuk e shihni, këta shqiptarë, kurdë, kinezë, senegalezë. Ndërsa për ju çfarë janë ata? Janë dhjetëra dhe qindra milionë dollarë, janë vila luksoze, janë hotele, motele, vakanca të kushtueshme, afera të ngritura, pallate, etj., etj., ky është soji i poshtërsisë njerëzore. Në këtë soj i pari je ti Fatos Nano, prapa të vjen poshtërsia.



Ti je Fatos Nano, prapa të vjen Poshtërsia

Ti je Fatos Nano, prapa të vjen Poshtërsia. Ti je përgjegjës kryesor i tragjedisë së 9 janarit dhe për këtë le të ndalemi dhe në një moment tjetër: A u ndihmuan viktimat e 9 janarit siç meritojnë të ndihmohen pa dallim, të gjithë ata që në dete, bien në fatkeqësi, apo u lanë ata me qëllim midis dallgëve mizore të Jonit?

Hetimet zyrtare pohojnë se drama e 9 janarit u ekzekutua nga deti me aprovimin e heshtur të shtetit, me mosveprimin dhe bllokimin e operacioneve shpëtimtare nga ana e tij. Këtë tashmë nuk e thonë vetëm familjarët e viktimave, e thonë mbarë mediat në raportet e tyre. Nuk e pohojnë vetëm Vlora dhe njerëzit e saj, këtë e pohojnë sallat e gjyqeve, e pohojnë të gjithë.

Dje, në sallën e gjyqit, oficeri i policisë së Dhërmiut, Vladimir Kordhishta, deklaroi se që në orën 17.40 të datës 9 janar kishte informuar për avarinë e gomoneve eprorët e tij.

Zoti Kordhishta, në dëshminë e tij, tha se këtë njoftim ua ka përsëritur eprorëve të tij vazhdimisht gjer në orën 21, por asnjëri nuk vuri ujin në zjarr.

Pse kjo? Kjo sepse dikujt diku i interesonte që ata t'i mbyste. Ose për të mos prishur pushimet e tij në detrat e nxehta, ose për të mos minuar "sukseset" e tij.

Ndaj dhe SOS-i u mbajt i fshehur.

Mediat morën lajmin. E shndërruan në një kushtrim kombëtar, por pas këtij kushtrimi dikush, o KPD-arë, u vërsul si bishë kundër mediave të lira. U tha se po mashtroni, lajmi është i rremë, se nuk janë klandestinë, janë dy drogaxhinj.

Por kush ishte ky dikush, or KPD-arë? Ky dikush ishte ai që foli aty, ai që doli dhe mashtroi këtu. Ky dikush ishte Igli Toska, anëtar konstant i malavitës shqiptare. U përpoq të bukosen mediat.



Ti, Fatos Nano, je më i zi se Zija

Të shkojmë më tej. Jeni disa deputetë të Vlorës këtu, shkoni pyesni në komisariatin e Vlorës. Por ju s'përfaqësoni Vlorën, ju përfaqësoni fakultetet më të errëta të shoqërisë njerëzore. Vlora e tëra thotë që policia e Vlorës gjer në orën 8 nuk bëri asnjë veprim, sepse dikush diku kishte vendosur që më mirë t'i merrte harresa e detit dhe të mos prisheshin pushimet e tij.

Pra, kjo ishte një vdekje e parandalueshme, por nuk u parandalua. Në të kundërt, asnjë SOS nuk iu dha anijeve të lundrimit, asnjë ndihmë s'iu kërkua peshkatarëve. (Eksperienca ka treguar se më të fuqishmit në shpëtim sot për sot janë peshkatarët shqiptarë, ndaj mos dëgjoni përrallat e tij që del këtu i papërgjegjshëm).

Familjarët në Shkodër e falenderonin këtë, Majkon, për fjalët e mira që iu tha. Po, po, se kanë fisnikëri ata, por nuk guxoi të shkojë t'u paraqesë një ngushëllim.

Më thanë mua, falenderoje Pandeli Majkon për fjalët e bukura që na tha, kurse ky këtu, ministër gjoja, s'guxoi të shkëputej, por iu nënshtrua verbërisht urdhrit të Fatos Nanos, i cili nuk lejoi as qeverinë të shprehte një ngushëllim.

Kush mund ta pranojë këtë? Nuk ka soj njerëzor që pranon një gjë të tillë.

Çfarë bëtë më tej me kufomat? Kufomat i zvarritët në det. Kufoma ka kodin e saj. Media pastaj e mori gjithë fuqinë. Mediat njoftonin se kufomat po shkojnë drejt Vlorës dhe me të ardhur afër Vlorës, dikush i urdhëroi: "Nisini për në Sazan!" Harron ti, o lejtnant i Fatos Nanos se deti ka sy, se deti ka veshë?! Ti nuk e njeh detin, nuk e njeh as njerëzinë. Sepse deklarata jote, se u dërguan në Sazan për të parë se mos kishte të gjallë, të ngarkon ty me fajin më të rëndë.

I dërguat në Sazan për qëllimet më të mbrapshta njerëzore.

Ishte vendosur që Shkodra të poshtërohej, që kufomat të mos nderoheshin rrugës, por të shkonin pas mesnate.

Ti je primitiv, Fatos Nano. Ti e urren Shkodrën, por harron se Shkodra është djep i qytetërimit tonë perëndimor, është qenia perëndimore e kombit tonë.

Një apatrid si ti e nderon Shkodrën me urrejtjen e tij. Dhe kur të them apatrid, nuk nisem nga origjina. Jam i bindur se nacionalistët shqiptarë, pas kësaj deklarate, do të më qortojnë, por historia e këtij vendi më ka mësuar se pavarësisht nga origjina etnike, atdhetaria ka qenë konstante, e barabartë për të gjithë qytetarët e këtij vendi. Kurse ti i urren qytetarët shqiptarë. Si mund të silleshe ti ndaj Shkodrës në atë mënyrë?! Në një kohë kur viktimat e 29 marsit që nise për në Vlorë i mbulove me lule dhe mirë bëre? Po këta të tjerët çfarë ishin? Pse ishin shkodranë ua bëre këtë? Ua bëre, sepse ti në mendësinë e vjetër shkodranët i konsideron shkodru. E bëre këtë se ti urren shqiptarët dhe qenien e tyre, e bëre këtë sepse ti urren viktimat e tua. Shpirti yt katran e di. Ti je Fatos Nano, je më i zi se zija.

E kam mbyllur gojën deri në orën 4 e gjysëm pasdite të ditës së shtunë. Kam ndjekur si prind, kam ndjekur si politikan, kam ndjekur si qytetar, kam ndjekur si ish-president, kam ndjekur si mjek, minutë për minutë dramën e Jonit. Por nuk mund të mos flisja unë, kur gazetarët njoftonin se Igli Toska u thoshte se janë drogaxhinj. Nuk mund të mos flisja unë, kur zvarriteshin trupat në det. Shpalla zi, por deklarova se do t'i bashkangjitem zisë, nëqoftëse shteti e shpall atë dhe iu bashkangjita. Por shteti bëri zi zemërthyer. Po të mos ishit në zi zemërthyer siç jeni, or KPD-arë, merrnit mundimin për të shkuar të ngushëllonit familjet e viktimave, të cilët kanë një kod të hekurt në vdekje, presin të gjithë njëlloj. Ju s'e bëtë atë, sepse dhe zinë e kishit me zemër të thyer.

Tani nuk do të vazhdoj më tutje, sepse nuk ka nevojë të përdorësh asnjë fjalë tjetër, vetëm ta quash Fatos Nano dhe kaq.