Cekja burre i "mire"

[Brari]

shekulli

----------

Pas verifikimit, aktori nuk rezultoi i implikuar. Arrestohet një 30-vjeçar nga Berati dhe një nga Shkodra

Dyshimi, Cekja në polici për trafik femrash

Një vajzë ka deklaruar se në lokalin ku u bisedua për trafikimin e saj ndodhej dhe aktori i humorit

Sulo Gozhina

Aktori i njohur i humorit Sejfulla Myftari, (Cekja) është shoqëruar disa orë në policinë e Lushnjes, pasi një vajzë që ka denoncuar trafikantët e saj ka thënë se në lokalin ku ishte bërë biseda për këtë qëllim kishte qënë dhe Cekja. Burime të policisë thanë për gazetën se pas denoncimit të 26-vjeçares nga Berati, denoncim që ka sjellë dhe arrestimin e dy personave lidhur me këtë ngjarje, aktori i njohur është shoqëruar në mjediset e drejtorisë së policisë së Fierit, dhe pasi është marrë në pyetje për disa orë është lënë i lirë. Burime të policisë thanë për gazetën se pas denoncimit të 26-vjeçares Rudina S., dje në mesditë, policia e komisariatit të Lushnjes në bashkëpunim me policinë e Beratit ka arrestuar dhe shoqëruar në dhomat e paraburgimit 30- vjeçarin Besnik Shehu. I njëjti burim pohon se në bazë të këtij denoncimi është arrestuar dhe 30- vjeçari Arben Xhaferri, banor i qytetit të Shkodrës.
Ngjarja
Në pasditen e së shtunës, në postëbllokun e policisë në hyrje të qytetit të Lushnjes policia ka ndaluar për kontroll rutinë një makinë tip Benz me targa të Shkodrës, që drejtohej nga 30-vjeçari Arben Xhaferri. Burime të policisë thanë se në moment është hapur dera e pasagjerit të makinës dhe një vajzë ka thirrur fort duke kërkuar ndihmën e uniformave blu. Rudina S. ka denoncuar se djali që drejtonte makinën e kishte marrë për qëllime trafikimi që nga Berati. Në këto kushte policia ka ndaluar 30- vjeçarin nga Shkodra, ndërsa ka nisur hetimet lidhur me këtë ngjarje, duke marrë në pyetje vajzën 26-vjeçare që u shoqërua në komisariatin e Lushnjës. Burimet thanë se në policinë e Lushnjes, vajza ka denoncuar dhe tre persona të tjerë nga Berati, përveç shoferit që po e transportonte. Ajo ka deklaruar se Besnik Shehu, nga Berati, e ka detyruar të prostituojë për një vit resht, para katër vitesh. Po ashtu mësohet se vajza ka deklaruar se në lokalin ku është bërë biseda për trafikimin e saj kanë qënë të pranishëm dhe Sejfulla Myftari (Cekja) dhe Gentian Azizolli. Pas pretendimeve të vajzës prokuroria e Lushnjes i ka kërkuar policisë së Beratit që të shoqërojë për verifikime shtetasin Sejfulla Myftari, Besnik Shehu dhe Gentian Azizolli. Personat e mësipërm, pasi janë shoqëruar në komisariatin e Beratit, ditën e diel, rreth orës 13:00, janë dërguar në drejtorinë e Fierit, ku dhe janë marrë në pyetje rreth pretendimeve të vajzës. Ndërsa Cekja dhe Azizolli janë lënë të lirë pas disa orësh, pasi nuk kanë rezultuar si të implikuar në këtë çështje, policia ka marrë masën e arrestit ndaj Besnik Shehut, 30 vjeç, nga Berati dhe Arben Xhaferrit, nga Shkodra.



13/01/2004

--------

Njehere e mbrojti Policia socialiste Ceken kur vrau fshatarin me Benzin e tije e tani e mbrojne dhe kur del pjesmarres ne tryezat e pazareve te tutoreve..

eh berati berati..