Tragjedi tjetër në det, 21 të mbytur e 7 të humbur

[fran]

ngjarja e 9 janrit ishtenje ngjarje qe tranditi gjithe shqiperin,por me teper qytetin verior te shqiperis shkodren.kjo eshte tragjedia e dyte e ketij qyteti,pak vite me perpara ka dodhur e njejta gje me mbi 15 veta te mmbytur me skaf qe po tentonin te iknin ne itali,pra edhe keta ishin te gjithe shkodran.une ju shprehi ngushedhimet e mia te gjitha familjeve shqipetare qe kan humbur njerzit e tyre ne ate det te mallkuar.

[rezi_Mynihut]

Si rrallhere kjo ngjarje e hidhur ka tronditur ndergjegjen tone te pergjumur.
(ishallah mos qofte hipokrizia e radhes, mos qofte mllef kundra ligjit, kundra...cdo gjeje!)

ishte nje befasi?

Per ne kendej qe furnizohemi me lajme nga interneti ndoshta.

Ngushellimi im eshte:
qe kjo ndergjegje ta kapi prej fyti c´do njerin qe merret me te tilla "biznese".
qe ne vete i kemi ngritur (edhe ti qe tani po lexon) me parate e gjakut ne emigracion
ashtu si dikur me piramidat...si neser dej gradacelat qe mos qofte e thene e mos pacim termet...

Ta kapi or shok, or vella e te mos e leshoj deri sa ti merret fryma.
gruaja burrin...
baba femijen...
kojshiu kojshiun
shoku shokun

Nuk mund te lakmohen dhe te admirohen me
as kapitenet-adoleshente te gomoneve per aftesit e tyre detare
as pronaret e tyre per vilat dhe milionat
as sekseret e ketij trafiku qe jane shperndare si fara e keqe ne cdo fshat, lagje, qytet
etj etj

atyre duhet tu dridhen leqet....

jo vetem sot por edhe neser kur te filloj prap hajengu ne TV.

opinioni qe sot eshte ngritur ne kembe...
i madh e i vogel

ky eshte ligji me i forte kjo eshte dora e hekurt per te cilen po vuajm tash moti!
ky i ka mbajtur gjalle e forcuar trafiqet
ky duhet edhe ti varrosi ato....

te varfer kane qene te paret tane dem baba dem por poshtersive (bizneseve) te tilla nuk u kane lene shteg...
ndoshta per ne naivet e lajmeve ne internet ishte nje befasi.
per bashkfshataret sekser me celulare ishte biznesi i radhes....
arkivolet e qyqareve, dhimbja, turpi e faqa e zeze e cdo shqiptari.

[Di68]

Rezi nuk kam se c'te shtoj tjeter. I vetmi shkrim qe vertet me ben te mendohem dhe me jep nje fare shprese.

[AgainstAllOdds]

Postuar më parë nga ALBA
Ky eshte kulmi . Ndersa po degjoja lajmet , per tragjedin e Karaburunit , procesi qe filloj ndaj atyre qe organizuan trafikun e qytetareve Shqiptare dhe shkaktuan 21 vete te vdekur me aq buje ne Vlore po zbehet .Perkunder deklaratave se ato do te akozoheshin per vrasje dhe me ceshtjen e tyre do te merej gjykata e krimeve te renda , ajo do gjykohet nga gjykata e rrethit te Vlores . Sipas prokurorit te Vlores nuk ka prova per oficeret e larte te cilet jane liruar per ti marre ne pergjithesi penale. Nderkaq familjaret e viktimave qe nuk jane gjetur kane filluar te kthehen ne shtepite e tyre .

Edhe ne Kosove eshte perkujtuar dhe jane shprehur ngushellime per tragjedine e Karburunit e cila shkaktoi 21 te vdekur .Nje qiri per viktimat e 9 janarit 2004 ka qene motoja me te cilen qindra qytetare te Prishtines e Kosoves kane dale perpara Teatrit Kombetar te kryeqendres per te shprehur dhimjet per familjet e te mbyturve .

Ne radhe te pare me me vjen keq per ato te pafate qe humben jeten dhe per familjet e tyre qe ju tha zemra perjete..!
Ngushellimet e mia familjarve te te mbyturve..
Tashi Alba une e marr vesh deri diku mllefin tend dhe shume te tjerve ketu dhe kuptohet qe kur njeriu ka nje mllef te tille , domosdo do te shfryje diku por nuk mendoj se ato skafistet duhet te akuzohen per vrasje me paramendim pasi ato vete ishin ne gomone dhe ishin duke u mbytur vete por fati i tyre i keq beri qe ato te shpetonin ! Nuk eshte njelloj sikur ti mbysesh te tjeret me duart tuaja , apo kjo gje te ndodhi aksidentalisht !
Ketu ne Usa cdo njeri mbi 18 vjec , mban pergjegjesi direkt per veprimet qe ben dhe me thane te drejten te gjithe ato i jane nisur asaj rruge e kane dite se nuk ka per te qene fushe me lule ! Normal se askujt sja ka marre mendja se do vdesi pasi nuk do ti kishin hypur fare asaj gomonoje por njeriu nganjehere nga halli e hedh jeten ne short !
Denimet ndaj organizatorve duhet te jene te ashpra por nuk mendoj se duhet te akuzohen per vrasje direkte ! Pastaj nuk besoj se do gjehen ndonjehere organizatoret rrjetit te klandestineve pasi kjo do shkonte lart deri ne majat e piramides.
Me vjen keq qe politikanet tone abuzojne ose shfrytezojne fatkeqsite e njerzve per fituar kredite politike apo per te politizuar ngjarjen !
Ajo qe me irriton kur lexoj per kete ngjarje te dhimbshme eshte moskujdesi apo arronganca qe po tregon shteti ndaj familjeve te viktimave , te cilet besoj se do i ndihmonte qe tia lehtesonte sadopak dhimbjen mbeshtetja morale dhe materiale !
Uroj qe tragjedi te tilla te mos perseriten me per shqiptaret fatkeq !

[ALBA]

Postuar më parë nga Marlboroman
Ne radhe te pare me me vjen keq per ato te pafate qe humben jeten dhe per familjet e tyre qe ju tha zemra perjete..!
Ngushellimet e mia familjarve te te mbyturve..
Tashi Alba une e marr vesh deri diku mllefin tend dhe shume te tjerve ketu dhe kuptohet qe kur njeriu ka nje mllef te tille , domosdo do te shfryje diku por nuk mendoj se ato skafistet duhet te akuzohen per vrasje me paramendim pasi ato vete ishin ne gomone dhe ishin duke u mbytur vete por fati i tyre i keq beri qe ato te shpetonin ! Nuk eshte njelloj sikur ti mbysesh te tjeret me duart tuaja , apo kjo gje te ndodhi aksidentalisht !
Ketu ne Usa cdo njeri mbi 18 vjec , mban pergjegjesi direkt per veprimet qe ben dhe me thane te drejten te gjithe ato i jane nisur asaj rruge e kane dite se nuk ka per te qene fushe me lule ! Normal se askujt sja ka marre mendja se do vdesi pasi nuk do ti kishin hypur fare asaj gomonoje por njeriu nganjehere nga halli e hedh jeten ne short !
Denimet ndaj organizatorve duhet te jene te ashpra por nuk mendoj se duhet te akuzohen per vrasje direkte ! Pastaj nuk besoj se do gjehen ndonjehere organizatoret rrjetit te klandestineve pasi kjo do shkonte lart deri ne majat e piramides.
Me vjen keq qe politikanet tone abuzojne ose shfrytezojne fatkeqsite e njerzve per fituar kredite politike apo per te politizuar ngjarjen !
Ajo qe me irriton kur lexoj per kete ngjarje te dhimbshme eshte moskujdesi apo arronganca qe po tregon shteti ndaj familjeve te viktimave , te cilet besoj se do i ndihmonte qe tia lehtesonte sadopak dhimbjen mbeshtetja morale dhe materiale !
Uroj qe tragjedi te tilla te mos perseriten me per shqiptaret fatkeq !

Me vjen keq qe nuk me ke kuptuar , ketu nuk behet fjale per disa skafiste , qe po denohen per nje ceshtje ordinere , por ketu behet fjal se krimi eshte lidhe ngusht me politiken , dhe per kete arsye duan qe ceshtjen ta marri gjykata e Vlores dhe jo ajo e krimeve te renda .
Edhe kesaj radhe jam e sigurt se prap politikanet do ta mbyllin kete ceshtje vetem me kaq.

E Enjte, 15 Janar 2004
NANO TE KERKOJE FALJE PUBLIKE!

Interviste me z.Arbjan Mazniku, koordinator i levizjes "MJAFT"

Z.Mazniku, a keni patur nderhyrje gjate diteve te protestave nga ana e forcave policore si pengese per zhvillimin e tyre?

- Po. Vetem para dy diteve, pikerisht ne diten e dyte te organizimit te protestes, u larguan gjate gjithe nates te gjithe qirinjte dhe u hoqen te gjitha afishet dhe banderolat e zeza qe ishin vendosur para Kryeministrise. Dje ne i rivendosem bezen dhe mesazhet dhe ku u larguam i morem ato me vete qe te mos i largonin dhe t'i humbisnim. Sot i kemi risjelle ato per te vazhduar serish protesten tone. Shume njerez, per te cilet morem vesh me vone se ishin te Gardes se Republikes, tentuan te na ndalojne duke na thene se nuk lejohet te besh nje proteste para nje institucioni shteteror. Nderkohe qe eshte e drejta jone kushtetuese per te zhvilluar protesta paqesore. Nga ana tjeter, ne sot ishim ne polici ne nje takim te posacem me nendrejtorin e deges se Tiranes me te cilin u morem vesh shume mire se do ta vazhdonim protesten. Eshte e drejta jone per ta njoftuar ate ne raste te tilla. Edhe sot do te vazhdojme te jemi ketu deri ne oret e vona te mbremjes. Ndersa neser do te levizsim ne parlament, ndersa pasnetes ne oren pese do te kemi nje proteste te madhe po ketu. Te gjithe njerezit qe kane shkruar deri tani mesazhe, apo kane ndezur qirinj do te vijne ketu per te realizuar se bashku nje proteste te madhe te organizuar.

Cili eshte qellimi i vertete i kesaj proteste?

- Deklarata jone eshte qe ne nuk duam qe kjo ngjarje te harrohet. Ditet jane te vazhdueshme dhe gjithmone ka tentativa qe njerezit t'i harrojne keto gjera. Synimi yne qe te mos ndodhe nje gje e tille. Ne duam qe si minimum te mundshem qeveria shqiptare t'i kerkoje nje falje publike popullit shqiptar per ate qe ka ndodhur. Per faktin se njerez te posteve drejtuese te saj ne polici kane qene te implikuar ne kete ngjarje te rende. Shteti nuk pati mundesi t'i shpetonte kur ata paten me shume nevoje per te dhe e treta arsye qe kryeministri shqiptar nuk ndodhej ketu ato dite qe ndodhi kjo tragjedi dhe nuk denjoi te vinte as ditet e tjera. Dhe e katerta, se keta njerez po ikin ngaqe nuk kane as kushtet me te nevojshme per te jetuar ketu ne Shqiperi. Kryeministri te kerkoje falje dhe te marre pergjegjesi per ate qe ka ndodhur.

Flitet se po iu bashkangjiten edhe forca te opozites ne kete levizje. Si e komentoni kete?

- Ne mendojme se qytetaria e njerezve eshte paresore. Ne fillimisht jemi qytetare dhe pastaj jemi anetare te partive politike. Per kete arsye, ne ftojme te gjithe njerezit dhe nese pavaresisht cdo lloj partrie qe i pekrasin, dhe arrijne te kuptojne se kjo qe po ndodh eshte e patolerueshme dhe po thyejne moralin qytetar. Atehere i ftoj te marrin pjese pavaresisht se ne cilen parti politike bejne pjese. Interesat politike natyrisht qe jane aty dhe tentojne te marrin perfitime politike nga ajo qe po ndodh. Por me e rendesishme per ne eshte morali qytetar. Fati qe nga ajo qe po ndodh qytetaret te dine si te reagojne.



koha jon

[Thjeshtesia]

Diku ketu lexova se ishte krijuar nje llogari bankare ku mund te kontribuohej per familjet e viktimave. Cila eshte ajo dhe ne c'faqe interneti mund te shkoj per te dhuruar nje shume simbolike?

Faleminderit ne advance per ndihmen tuaj.

[Roneo]

Cili jeeeeeee Cili je ti more burre
Une jam Fatos Nano mbrapa me vjen historia
Cili jeeeeeee Cili je ti more burre
Une jam Fatos Nano mbrapa me vjen tragjedia

Thjeshtesia Nr llogarise eshte ky 401030934 BKT hajdenni hudhuni se do ia haje miu leket .Tregoni pak vlerat se jeni shqiptare bujare dhe zemerbardhe

[Brari]

gazeta Tema

--------

EDITORIALI

Grisja e siparit

Nga dr. Apollon Baçe

Janë fëmitë e padijes e flitë e përbuzjes,

të mbetunat rreth e përqark tryezës

mbi të cilën hangri darkën një qen i pamshirshëm

me bark shekulluer, gjithmon i pangishëm…

Mjerimi rrit fëmin në hijen e shtëpive

të nalta, ku nuk mrrin zani i lypsis,

ku nuk mund t'u prishet qetsia zotnive

kur bashkë me zoja flejnë në shtretënt e lumnis.

(Nga Poema e Mjerimit e Migjenit)



Fatkeqësia e natyrës dhe genocidi

Diku bie një zjarr dhe digjen qindra vetë, diku bie një tërmet dhe shuhen dhjetra mijë të tjerë. Fatkeqësitë janë pjesë e jetës së çdo populli. Dhe krahasuar me 30 mijë iranianët e sapovrarë nga tërmeti i 26 dhjetorit, 21 të sapovdekurit e Otrantos nuk janë një numër i madh për një popull. Madje vetëm ndër rastet e njohura të mbytjes së klandestinëve në Otranto ky rast është i 19-ti. Por në këto tragjedi nuk është matematika përcaktuesja.

Nëse të 30 mijë iranianët i vrau një fatkeqësi natyrore përkundrejt së cilës të tërë, përfshirë shtetin, janë të pafuqishëm, të 21 a nëmos më shumë shqiptarët i vrau shteti. Po të ishte thjesht një paaftësi, kjo do të ishte edhe e kuptueshme, fundja edhe e falshme. Por për rastin e dhënë kjo ngjarje zbulon të vërtetën ngjethëse se shtetarët e sotëm ecin pa drojtje mbi kockat e shtetasve të tyre.
Që një skaf me 32 shqiptarë në bord, i cili ndodhet vetëm 5 km larg bregut shqiptar, ti lutet 15 orë për ndihmë shtetit shqiptar dhe të mos marrë asnjë ndihmë prej këtij shteti por vetëm nga të huajt, është për të vënë kujën. Anije ushtarake në tako, motoskafë ndjekjeje pa karburant, radarë që nuk punojnë, oficerë frikacakë marine, policë dhe shefa të korruptuar policie, ministra defiçentë që nuk dinë të lidhin dy fjalë. E tëra kjo të sjell nauze, nakatosje a pështirosje.
Por kjo nuk është e keqja vetë. E keqja, si një e keqe e skajshme, është angazhimi total i makinerisë shtetërore jo për ti ndihmuar shtetatsit e saj, por për ti zhdukur ata pa gjurmë. Së bashku me ngjarjen. Dhe ky është krim nga ata tejet të rrallët, është ushtrim genocidi ndaj popullit të tij. Pikërisht ky makabriteti solli çjerjen, ende jo rrëzimin, e perdes së theatrit mizerabël duke lënë të duken që të shihen pas tij copërat e prapaskenës reale të këtij shteti ku gulon krimi për makutëri.



Larg nga kamerat televizive

Ministria e Rendit dhe të infiltruarit në median e pavarur ja kanë arritur që nëpërmjet përzierjes së të vërtetës me të rremen të krijojnë një perde profesionale tymi përreth dinamikës së ngjarjes. Ashtu si kalimthi PDR-ja e dyshimtë dhe analistë incognito po e kritikojnë Ministrin e Rendit, madje edhe vetë Nanon, se duhet të kishin qënë më ekzigjentë ndaj krimit. Ndërkohë që krimi është pikërisht kjo Ministri rendi dhe ky Nano, i cili në 16 shtator 2002 i tha Corriere della Sera-s “Do të ketë skafe në qarkullim në detin tonë. Por tani do ti drejtoj unë jo skafistët”. Pak a shumë në frymën e shprehjes së shemrës së tij Gjinushi “jo se nuk do vidhet, po do vidhet vetë me lejen e kryeministrit”. Menjëfjalë që tashti e tutje nuk do të jetë skafist ai që i shkrepet të jetë skafist, por skafistë do zgjidhen vetëm ata me biografi të mirë.
Pavarësisht nga perdja e tymit e Ministrisë së Rendit dhe të infiltruarve, dihet se në komisariate dhe në ministrinë e rendit kanë arritur 10 telefonata të drejtpërdrejta nga skafi dhe disa dhjetra telefonata nga familjarët e viktimave. Përjashtuar rastin e pabesueshëm që e gjithë Ministria e Rendit të jetë një “trust lule lakre”, dikush ja ka çuar detyrimisht Ministrit të Rendit variantin e vërtetë të ngjarjes. Dhe ky ministër, motoja e të cilit është “ nuk jam kalorës i vetmuar, pasi gëzoj mbështetjen e pakufizuar të kryeministrit”, ja ka përcjellë këtë variant të vërtetë “mbështetësit të pakufizuar”.
Presioni dhe kërcënimi personal i Ministrit të Rendit ndaj medias “se kush do vazhdojë të japë lajme për tragjedi në det do të ketë pasoja ligjore”, tregoi dëshirën e “mbështetësit të pakufizuar” që e tërë drama të luhej në hije. Pa spektatorë dhe dëshmitarë. “Bëni çtë doni, por jo para kamerave televizive” i këshillonte dikur bashkëkombasit e tij hebrej Harry Kissinger.
Skafistët kanë hedhur në Itali kosovarë, kurdë, kinezë, afganë etj. Në një numër rreth 1,5 herë më të madh se sa shqiptarë. Nëse për shqiptarët njihen 19 raste mbytjeje, për kosovarët, kurdët, kinezët, afganët nuk njihet asnjë rast i tillë, ndërkohë që propabiliteti e kërkon që aksidentet të jenë rreth 30. Pikërisht kjo është dhe teknika e luajtjes së tragjedisë në hije. E shuarjes së jetëve larg medies siç këshillon Kissinger. Rasti i 20 pogradecarëve të humbur si kripa në ujë e vërteton më së miri këtë. Kjo dhe nuk ka përse të na habisë për një ministër që u katapultua nga KQZ-ja si Ministër Rendi falë mungesës së skrupujve dhe integritetit moral, për zellin e tij të veçantë në mashtrimin e zgjedhjeve. Përsa i përket integritetit moral të Nanos do vlente përshkrimi i tij nga media: “Fatos Nano nuk është politikan por një specie shtaze politike (political animal). Ky vagabond lëkurë trashë (thick-skinned bruiser), i pandarë nga “soap opera” politike shqiptare, e pati drejtuar me saktësi vendin e tij drejt pragut të luftës civile” (Pravda 27 January 1999, Timothy Bancroft-Hinchey, Albania: Nano again)

“un caso sporadico”
”Është një rast sporadik” thotë ambasadori i Cavalier Berlusconi-t duke i dalë në mbrojtje kavalier Nanos. Pyetja që lind është çfarë janë skafet e tjerë që u nisën në janar, thjesht një peshqesh i “babbo natale”-s, apo linja Karaburun- Pulja ka funksionuar pa ndërprje? Sidoqoftë ndërhyrja e ambasadorit është e kuptueshme, përderisa roje në anën tjetër të portës për pengimin e klandestinëve për të hyrë në BE është roja italiane.

Në të vërtetë gjatë janarit skafet janë nisur me një përpikmëri që do ta kishte zili çdo linjë detare. Nga një në ditë. Blici i policisë i kapi nja 4 skafe në Durrës dhe po kaq në Vlorë dhe më e bukura është se skafet në Vlorë lëviznin rrugëve të qytetit të tërhequr nga kamionë. Për këtë nuk kam pse të pyes kënd pasi filmimin e kësaj e kam depozituar në arkivat e një studioje televizive të huaj.
Nëse këta skafe i kam parë unë, nuk i paskesh parë SHISH-i, MRSH-ja, SHKB-ja dhe –jatë e tjera? Nuk e paskesh marë psh. vesh dikush nga entourage-i i Nanos të cilët dikur paguheshin për nuhatje të tilla?
Ministri rama pati sjellë një shifër prej 140 skafesh, të cilëve pa dyshim që nga ajo kohë u janë shtuar të tjerë. Prej tyre si në atë vjershën me kuleçë, ku “një u dogj, një u poq, një u hëngër me gjith zoq”, 2 “u dogjën” e u bënë shkrumb e hi nga vetë Nano dhe 10 “u poqën” duke ja kaluar të rrezikshmes Delta Force, po 128 të tjerët çfarë u bënë?
Dikur në ‘96 kolonel Mulosmani i pati mbledhur të tërë këta skafe në Rradhimë dhe ’96 është viti kur nuk pati asnjë tragjedi në det dhe trafiku ilegal ju afrua zeros reale. Jo Nano zeros. Por pikërisht kjo i kushtoi jo vetëm Mulosmanit që po mateshin ta vrisnin, por edhe PD-së. “Revolucioni” i ’97 bazën e tij e pati në përzierjen e rrezikshme skafistë- oficerë sigurimi – PS-istë të Vlorës.
Proletarë të gjithë vëndeve bashkohuni!
Arsyeja e lojës makabër me të mbyturit nuk është një, por disa arsye:
Së pari kjo ishte e vetmja arritje me të cilën Nano po justifikonte në perëndim mangësitë e pafundme.
Së dyti “shteti i drejtuar nga Nano”, siç shprehet ai si Jul Caesari për veten e tij, e ka tepër të vështirë në mos të pamundur këputjen e rreth 1 miliard dollarëve të pritshëm për 2003 nga transporti i klandestinëve dhe drogës. Jo thjesht se kjo do ta dëmtonte financën e shtetit, por pasi ky është një nga burimet kryesorë i shtetarëve të partisë dhe partisë së shtetarëve.
Së treti pasi skafistët dhe oficerët e Sigurimit të Shtetit janë ndër elementët kryesorë në të cilët mbështetet shteti i partisë në fuqi: Nga të 32 vetët e “njësitit”, të cilët me sulmin e armatosur ndaj godinës së SHIK-ut dhe vrasjen e oficerëve të SHIK-ut në Vlorë e çuan vendin në pragun e luftës civile, 6 ishin oficerë sigurimi, 8 ushtrie dhe të tjerët skafistë. Nuk është as rastësi që njeri nga skafistët është bir oficeri sigurimi, që drejtuesit e SHKB-së janë ish oficerë sigurimi në lidhje të afërta me skafistët dhe Hakmarrjen për Drejtësi, që pronarët e bazave të strehimit të klandestinëve janë ish oficerë të MPB-së. Dhe kjo përputhet më së miri me atë thënien e gazetës italiane se “pas pak mafja italiane do ti fshijë çizmet mafies shqiptare, në skaj e pamëshirshme dhe e drejtuar nga specialistë, nga ish oficerët e Sigurimit të Shtetit”.

Dhe sërishmi e tëra vjen e bashkërendohet dhe lidhet me lidhje gjaku dhe miqësie me drejtuesit e PS-së së Vlorës, si me ish kryetaren e PS-së Luiza Hoxha, e cila na spjegonte në mars të ’97 se PS-ja do t’ja kthejë skafet të zotërve të tyre pasi “paratë ja grabiti Berisha me piramidat e tija, skafet ja morri Berisha me Mulosmanin e tija. Si thoni ti lëmë të vdesin?” . Si e tillë kjo mafje lidhet me Mezan Malajn dhe Malajt e tjerë, me Skënder Gjinushin, Paskal Milon, Makbule Çeçon etj. Shkurt thuaj me të gjithë parlamentarët dhe ministrat e spektrit të kuq që ka nxjerrë Vlora. Kjo dhe është ajo që Jean-Jacques Rousseau e quan “Kontrata Sociale”.
Epilog
Hetimi i pritshëm ku hetuesit dhe të inkriminuarit kanë për shef të njëjtin shef, do nxjerrë përgjegjës direktë disa skiper skafesh dhe ndonjë patrullë policësh, duke e prerë tentakulën fare poshtë, si ai oktapodi që kur largohet për të shpëtuar mundohet të lërë sa më pak nga tentakulat e tija. Me një vit burg janë dënuar rojet gjynahqare të skafeve në Vlorë dhe 1000 $ gjobë pronarët e skafeve të parregjistruar. Me 1000 $ gjobë u dënuan tashti freskët- freskët pronarët e skafeve të futur kontrabandë në Durrës dhe sërishmi një vit burg rrezikojnë ata 50 flitë e përbuzjes që donin ti largoheshin atij “qenit të pamëshirshëm me bark shekulluer, gjithmonë të pangishëm”.
Dhe ky “bark shekulluer i pangishëm” nuk është ndonjë e re. “As sporadizëm” dhe këte do ta ilustronja me një artikull të dikurshëm që nuk e di përse nuk u botua, i cili nuk bën tjetër veçse risjell dy kronika të botës së polarizuar shqiptare për dy ngjarje që pasuan për disa orë njera tjetrën. Ku skamja duket edhe më e zymtë kur qëndron përbri kamjes
”Çifti Nano i ka pritur miqtë tek dera e diskos luksoze të Marikajt nën efektet e lumturisë dhe euforisë së kësaj dite. I veshur shik me një kostum gri, ai nuk i ka lënë shumë mangut shkëlqimit te Xhoanës, serioze, por edhe e qeshur.. Mbrëmjen e ka ngrohur mjaft vera e zgjedhur dhe shakatë e kryeministrit të perfshirë nga nje entusiazëm i pazakontë... Shampanjë për të gjithë dhe dikush është kujtuar të shpërthejë edhe fishekzjarre. Çifti është puthur fort duke e çuar peshë entusiazmin... Kishin lenë prapa edhe një natë tjetër pa gjumë”.
”Fusha të tëra të përmbytura nga shirat, të rinj me pantallona të perveshura që mbajnë mbi kurriz prindërit, hallexhinj të mallkuar nga natyra dhe të braktisur nga shteti... Dhjetëra fëmijë të urritur që të shohin në dritën e syrit teksa struken tek prindërit e tyre... Sot nuk i kam dhënë asgjë tim biri pasi nuk kam asnjë lek për të blerë qumësht.... Jam i sëmurë, uji është shumë i ftohtë, thote nje prej pleqve te fshatit... Serxho foshnja nuk ka mbushur vetëm tetë ditë në jetë. Jetojmë duke dhuruar gjak. Kemi vetëm dy batanije për 6 kurorë. Vetëm fëmijët flenë mbi tryezë, ne flemë në çimento. Kemi kaq net pa gjumë... ”. Edhe keta si Nano kishin lene prapa nje nate tjeter pa gjume.
“Kërkova të dal përpara jush per te njohur legjislativin me angazhimin maksimal të ekzekutivit” tha Nano në Parlament... Në 30 ore kanë rënë 180 milimetra shi... Komiteti Ndërministror i Emergjencës Civile, drejtohet nga Kryeministri... Falenderoj qeverinë,.. ushtrinë,... KFOR-in,... deputetët,... fshatarsinë... Kemi punuar të djelën”.
“Lezha është llogaritur të mbajë dyfishin e shirave” thotë Polo Çakalli, projektuesi i hidrovorit. Fajin nuk e ka projekti, por mungesa e kontrollit dhe përgjegjësisë... Në ‘84 Adil Çarçani pas përmbytjes në Lushnjë, ka qëndruar orë të tëra për të nxjerrë përgjegjësitë”.
E di përse Presidenti Moisiu i nguli nën dritën romantike të qirinjve Kryeministrit Nano urdhërin “Gjergj Kastrioti Skenderbeu”. E kuptoj përse ai e quajti këtë urdhër “shenjë nderimi të popullit shqiptar per djemte e tij të politikes, të cilëve u ka dhënë pa hezitim voten për rolin e madh në frymën e mirëkuptimit,... europianizimin”. Por megjithë vullnetin tim të mirë, nuk mundem kurrsesi që të kuptoj përse Presidenti Moisiu shtroi në të Shtatat e ditlindjes së Nanos, tamam në drekën kur Lezhianët dhe Beratasit po e kalonin pa ngrënë majë çative të shtëpive të përmbytura, një drekë të fshehtë për Nomenklaturën dhe familjet e Nomenklaturës Shqiptare. Sado që mundohem ta thërres për ndihmë situatat e pakuptimta të “Theatrit të Absurdit”, nuk arrij dot që ta kuptoj këte absurd.

------

[ALBA]

SPECIALE
I mbijetuari Avni Cakaj, nga Dobraçi i Shkodrës thotë se ka dëgjuar që atë natë është nisur një gomone tjetër në Palasë të Vlorës

Gomonia e dytë u nis në Palasë

"Një grua nga Tirana erdhi para dy ditësh me fotografinë e djalit në dorë. Ai ishte 20 vjeç dhe është zhdukur. Gruaja tha se djali është nisur me gomone. Në gomonen ku unë kam qenë, fytyrën e atij djali nuk e kam parë. Kam dëgjuar se është nisur edhe një gomone tjetër në Palasë e jo në Dhërmi"

Tashmë dyshimet për ekzistencën e një gomoneje të dytë janë shndërruar në një fakt të kryer. Rreth 16 familjarë kërkojnë të afërmit e tyre dhe nuk arrijnë t'i gjejnë. Shpresa se ndonjë prej të zhdukurve të ketë shpëtuar është shuar. Kërkesa që të paktën trupat e tyre të gjenden, nuk ka marrë përgjigje pozitive nga ana e institucioneve shtetërore. Një nga të mbijetuarit e tragjedisë së Vlorës, Avni Cakaj, që ndodhet ende i shtruar në spitalin e Tiranës, thotë se ditën që është nisur me gomone nga Dhërmiu, nuk ka parë gomone përreth. Ai shton se ka dëgjuar se atë ditë mund të nisej një gomone tjetër në Palasë, përpara se të shkosh në Dhërmi. Ai thotë se nuk është shumë i sigurt për këtë, por kishte dëgjuar për nisjen. "Përderisa ka shumë njerëz që kërkojnë të afërmit e tyre dhe nuk i gjejnë, do të thotë se ka edhe një gomone tjetër të nisur. Kam dëgjuar se atë ditë mund të nisej edhe një gomone tjetër në Palasë," thotë i mbijetuari i tragjedisë.

Në spitalin e djegieve në Qendrën Spitalore "Nënë Tereza", ku ndodhet i shtruar, atij i kanë shkuar të afërm të personave të zhdukur. "Një grua nga Tirana erdhi këtu në spital me një fotografi të djalit që i është zhdukur në gomone. Djali ishte 20 vjeç dhe fytyrën e tij nuk e kisha parë në gomonen tonë," vazhdon Avniu tashmë më pak i traumatizuar nga ajo që i ka ndodhur. Gruaja nga Tirana, emrin e së cilës Avniu nuk e kujton dot, është paraqitur para dy ditësh në qendrën spitalore "Nënë Tereza", me fotografinë e djalit 20 vjeçar në dorë. Ajo ka kërkuar ndihmë për një përgjigje, të paktën që të qetësohej. Ajo ende nuk e di se cili është fati i djalit të saj. Është e sigurt se ditën e premte është nisur me gomone drejt Italisë, por deri në këto momente, emrin e tij nuk e gjen as në listën e të mbijetuarve, e as në atë të të vdekurve. Përgjigjja e Avniut dhënë asaj është se në gomonen ku ndodhej ai, nuk e kishte parë fytyrën e djalit 20 vjeçar. Në këto momente i është kujtuar edhe një fjalë që kishte dëgjuar para se të hipte në gomone se në Palasë mund të nisej edhe një gomone tjetër paralelisht me këtë.

Dëshmia e Avniut hedh dritë edhe mbi përpjekjen kriminale për të fshehur të vërtetën e madhe të tragjedisë së Vlorës. Ekzistenca e një gomoneje të dytë në të cilën nuk dihet se sa persona ndodheshin, është e padiskutueshme. Ajo është nisur nga Palasa dhe fati i saj nuk dihet. Dyshohet se të gjithë personat që kanë qenë në gomone janë hedhur në det nga skafistët. Më pas gomonia është larguar me vetëm me skafistët në bord. Ky fakt nuk është zbuluar ende nga Prokuroria e Vlorës dhe prokurorët e Prokurorisë së Përgjithshme që kanë shkuar në Vlorë për t'u marrë me këtë çështje. Burime pranë Prokurorisë së Përgjithshme thonë se në Vlorë kanë shkuar disa prokurorë të këtij institucioni për të vëzhguar hetimet që po bëhen nga Prokuroria e rrethit. Tashmë hetimet janë përqendruar në hetimin e zyrtarëve të lartë që nuk kanë dhënë ndihmën e nevojshme për të shpëtuar shqiptarët që po mbyteshin në gomone.


tema

[ALBA]

I mbijetuari thotë se në gomone nuk ka pasur asnjë fishekzjarr, ata mund të jenë vënë pasi gomonia ka ardhur në bregdet

"Shteti na la me dashje të vdisnim në det"

"Falenderoj mjekët që po na shërbejnë mirë se për shtetin tonë, ai na la të vdisnim në det. Politika e tij ishte të mbulonte tragjedinë. Të kishim vdekur ne të gjithë e askush të mos e merrte vesh. Kjo është një përpjekje e hapur për të mbuluar të vërtetën e asaj që ne përjetuam. Nuk është e mundur që anija të na kalojë aq afër sa ne e dallonim fare qartë dhe ata të mos na shihnin ne"

Avni Cakaj nga Dobraçi i Shkodrës ndodhet i shtruar ende në repartin e djegieve në qendrën spitalore "Nënë Tereza". Ai tashmë është më mirë dhe ka kaluar traumat e tragjedisë. Ai akuzon rëndë shtetin e tij se ka bërë gjithçka është e mundur për të fshehur tragjedinë. "Ata u munduan e po mundohen për të fshehur të vërtetën. Politika e këtyre ishte të na linte të vdisnim në det. Kështu askush nuk do ta merrte vesh," shprehet i irritur Avniu. Ai thotë se në interes të policisë ishte që të mos merrej vesh tragjedia dhe ata dilnin të larë nga kjo punë. Avniu thotë se kur janë nisur ishte errësirë e madhe dhe nuk shihnin se si ishte deti. Skafistët u kanë thënë se duhet të nisen dhe nuk i kanë pyetur fare më tej. "Jemi nisur nga ora 18:30, kemi udhëtuar vetëm gjysmë ore dhe na janë prishur motorrët. Benzoli doli në gomone dhe u përzie me ujin. Nuk e di se me çfarë ka qenë i përzier dhe na dogji nga këmbët. Shoku im Oltion nga Dobraçi, ngeli i vdekur. Kjo, pak nga benzoli e pak nga të ftohtit. Kur u prishën motorrët, ne deshëm të ktheheshim pas, por nuk kishim me se. Skafistët telefononin tek të afërmit e tyre dhe më pas edhe në polici. Ata thonin se po mbytemi të gjithë, por askush nuk erdhi në ndihmë. Policia ka qenë në dijeni se ne po mbytemi që në orën shtatë të darkës. Si ka mundësi që ata nuk e dinin që ne ndodhemi në gomone. Gomonia u mbush me ujë. Dallgët e mëdha e sillnin gjithë ujin brenda. Shumë njerëz vdiqën nga të ftohtët. Nuk ka pasur asnjë zjarr e asnjë këmishë të ndezur si thonë të tjerët. As fishekzjarr nuk ka pasur, as ndonjë gjë tjetër. Kemi pasur vetëm një dritë që ka ndenjur nja dy orë e ndezur e më pas u fik se i ranë bateritë. Një anije na ka kaluar shumë afër. Ne e shihnim shumë mirë atë. Ishte aq afër sa ne e dallonim qartë, vetëm njerëz nuk shihnim. Ajo bëri sikur nuk na pa e u largua. Aty filluam të humbnim shpresat se dikush do të vinte të na shpëtonte. Skafistët vazhdonin të flisnin në telefon, por ne nuk na linin. Ishte shumë ftohtë e shumë njerëz ngrinë nga uji. Pashë fqinjin tim, Oltionin të vdiste nga të ftohti. Jam i sigurt se nuk kanë qenë më shumë se 30 njerëz në gomone. Shumicën prej tyre i pashë duke vdekur. Nuk e harroj e nuk ia fal shtetit tim të lërë njerëzit të vdesin ashtu, në det të hapur, vetëm pesë kilometër larg nga bregu. Kjo është e pafalshme, qoftë në e kanë bërë me dashje, qoftë pa dashje. Unë jam i bindur se e kanë bërë me dashje për të fshehur gjurmët e tragjedisë.



A ishte deti i trazuar, kur u nisët me gomone?

Ishte shumë errësirë e nuk shihnim dot gjë. Skafistët na thanë se duhet të niseshim dhe ne nuk kundërshtonim dot, edhe po të donim. Ne do hipnim dhe kaq.



Kur filluan problemet?

Kemi ecur vetëm gjysmë ore. Aty na u prish motorri. Benzoli doli në gomone dhe u përzie me ujin. Ai na i dogji këmbët e trupin që u prekte nga uji i gomones.



A kërkuat ndihmë?

Skafistët lajmëruan të afërmit e tyre në Vlorë. Ata kanë lajmëruar policinë. Më pas edhe vetë skafistët kanë folur me policinë. U kanë kërkuar ndihmë e u kanë treguar se po mbyteshim të gjithë.



Vetëm gjysmë ore pasi jeni nisur keni njoftuar policinë?

Po, vetëm gjysmë ore pasi jemi nisur. Policia e ka ditur se po mbyteshim e nuk ka ardhur të na shpëtojë. Një anije ka kalur shumë pranë nesh, aq afër sa ne e shihnim shumë mirë, po ata bënë sikur nuk na panë.



A kishit fishekzjarre në gomone?

Jo nuk ka pasur asnjë fishekzjarr. Është e pamundur. Ne kishim vetëm një dritë. Ajo ka ndenjur e ndezur nja 2 orë dhe iu mbarua bateria. Dëgjova sot se kanë gjetur fishekzjarre në gomone, po jam i bindur se i kanë futur pasi gomonia ka mbërritur në bregdet. Aty s'ka pasur fishkezjarre.



Sa persona ishit në gomone?

Nuk kanë qenë asnjë më shumë se 30. Kaq ishim e ishim ngushtë. Kishim edhe tre skafistët, një prej të cilëve vdiq.



A është nisur gomone tjetër atë ditë?

Unë për vete nuk kam parë, por kam dëgjuar para se të nisem se mund të jetë nisur edhe një tjetër paralelisht me ne. Ajo nuk është nisur në Dhërmi, ndoshta është nisur në Palasë.