A doni ti njihni Vrasesit dhe shtabin Vrases?

[Brari]

JA KUSH JANE KRIMINELET QE VRANE TAHIR ZEMAJN E AHMET KRASNIQIN e ata qindra te tjere para e pas tyre..

Njihini e demaskoini qe te ndalet dora e tyre gjakatare!!!!!!!!!!

(Nga trepca net shkeputa kte kapitull nga libri i Tahir Zemajt.)

------

KAPITULLI I TRETË

TAKIMI ME AHMET KRASNIQIN NË TIRANË, RAPORTIMI IM PËR GJENDJEN NË TERREN, RAPORTI I MINISTRIT PËR ÇFARË KISHTE NDODHUR NË NDËRKOHË

Në pritjen time kam vënë re se njerëzit kanë qenë shumë të prekur. Ata e dinin se në çfarë vështirësish qeshë gjendur unë në terren. Unë kam informuar me detaje nga më të imtat për gjithçka ka ndodhur në Kosovë, me vështirësitë dhe betejat e fituara, me theks të caktuar tërheqjen e sukseshme dhe shmangjen e masakrave mbi civilët.

Pastaj kam raportuar mbi faktin e mbështetjes që u është dhënë njësive tona duke theksuar veçanarisht kontributin e fshtrave Isniq, Jasiq, Prapaqan etj. Kam vënë në dukje heroizmin dhe burrërinë e bashkëluftëtarëve të mi të rënë në beteja, por edhe të atyre që kishin mbetur gjallë, i kam shqiptuar me emra oficerët që i qenë bashkangjitur njësive tona, pastaj ata që na kishin penguar me në krye Sali Veselin, Naim Malokun, disa njerëz të mbrojtjes territoriale në fshatin Junik, personat që paraqiteshin si përfaqësues të Shtabit të Përgjithshëm, të gjitha këto i unë i kam përmendur me emra në librin e parë.

Zoti Ministër ka shprehur mirënjohjen e tij të thellë për të gjithë ata qytetarë që na kishin ndihmuar, për ata djem e vajza luftëtarë dhe eprorë ushtarak që na qenë bashkangjitur, duke shtuar se Kosova e lirë do t'ua mirënjihte kontributin.

Ahmet Krasniqi ka folur për moszbatimin që i qe bërë Marrëveshjes së Oslos.

Së dyti pengesat që kishte sjellë SHIK-u, rrëmujat dhe situata tepër e rëndë e sigurisë në Shqipëri. Pengesat në Mobilizimin dhe rekrutimin e trupave. Ministri ka theksuar se edhe brenda radhëve të MM ka njerëz që nuk ia donë të mirën Kosovës dhe janë në mënyrë indirekte me shërbimet e huaja. Ata njerëz që kishin hyrë me qëllime të caktuara, pas vrasjes së Ministrit janë imponuar me emra dhe mbiemra. Siç duket ministri e dinte, ishte i informuar për prezencën e tyre.

Dua të vë në dukje edhe një fakt: pas vrasjes së Ahmet Krasniqit, sikur u krijua frikë te disa njerëz që të qëndronin pranë meje, magjithëkëtë tërheqjen time e ndihmuan Besnik Gjukaj dhe Elton Brahimi nga Vlora.



Kush i bllokonte armët që nevoiteshin për çlirimin e Kosovës?

Ekzistonte një grup pranë sektorit Logjistik të LPK-së që merrej veçanërisht me pengimin e armatosjes së luftëtarëve shqiptarë të njësive operative të Ministrisë së Mbrojtjes.

Ky grup duke vënë re kualitetin dhe sasinë e armatimit të porositur nga Ministriesë së Mbrojtjes, i cili, po të arrinte në terren dhe të përdorej në luftë kundër forcave serbe do të siguronte një epërsi të padiskutueshme ushtarake dhe morale te Forcave të Armatosura të Republikës së Kosovës. Do të thotë do të sigurohej epërsia e luftëtarëve shqiptarë të këtyre njësive ndaj atyre të Serbisë. Kjo gjë nuk mund të tolerohej nga LPK e cila kërkonte që më parë të shkatërronte konkurentin për pushtet brenda shqiptar, dhe këtë ta bënte nëpërmjet Serbisë, me shpresë se kështu do ta kishte më të lehtë të vinte në pushtet.

Miopia e një lëvizjeje të tillë politike, ka qenë dhe është e rrezikshme për nteresat e kombit shqiptar, por për shtabet staliniste të LPK-së, pushteti personal është më i rëndësishëm se sa liria e kombit, përparësia ideologjike enveristo- staliniste është më e rëndësishme se sa pluralizmi politik dhe demokracia.

Nga meesi i muajit qershor 1998 në LPK ekzistonin të paktën tri fraksione kryesore që udhëhiqeshin nga Ibrahim Kelmendi, Xhavit Haliti dhe Muhamet Kelmendi. Që të tri këto grupe instruktoheshin nga komesarë specialë të Partisë Socialiste, të Qeverisë së Shqipërisë së asaj kohe, të Sherbimit Informativ Kombëtar dhe të shërbimeve speciale të ministrive të rendit dhe të mbrojtjes.

Publikisht janë paraqitur emrat e Bedri Islamit, Koço Danajt, Dilaver Goxhaj, Shaban Brahaj, Fatos Klosi dhe një pjesë e mirë e komunikatave të fillimit në emër të Shtabit të Përgjithshëm janë përpiluar nga Shaban Sinani, ish-zëdhënës i Ramiz Alisë.

Fraksioni i LPK-së, drejtuar nga Ibrahim Kelmendi, bashkëpunonte me pjesën tjetër të LPK-së, vetëm kur vinte puna për të bllokuar armatimin, për të bllokuar vprimtarinë e Ministrisë së Mbrojtjes. Një degë e këtij fraksioni qe instaluar në MM dhe përbëhej nga Xhafer Jashari, shef i logjistikës, zëvendësi i tij ka qenë Tahir Zejnullahu. Fadil Demiri, Ramadan Gashi, Binak Gashi, Agim Hazirin Skender Hasimi, Armando Arbana, Genc Kelmendi etj. Këta njerëz pas vrasjes së Ahmet Krasniqit kanë marrë fuqi të madhe në Ministrinë e Mbrojtjes duke u bërë krahu i djathtë i ministrit të ri, zotit Bicaj.

Për të ilustruar këtë të vërtetë po sjell edhe emrin e një nënoficeri Ramadan Gashi, që drejtonte të gjitha referimet. Të gjithë ushtarakët nga terreni raportonin para ministrit në prezencën tij. Behxhet Mehmeti, (Bajrami) një njëri i LPK-së, jo fort i pastër para drejtësisë zicerane, vjeni dhe vepron pranë Ministrisë së Mbrojtjes, ndërkohë që ministri Bicaj nuk bënte asgjë pa praninë e këtyre njerëzve.

Vetë ish ministri mund ta shpjegojë më mirë pozitën e tij, veprimet dhe mos veprimet në këtë drejtim. Të gjitha strukturat ushtarake të Shqipërisë, ushtria, policia, policia financiare, SHIK-u etj, kanë synuar shkurajimin e strukturave të Ministrisë së Mbrojtjes.

Lind pyetja: pse armatimi, që blehet dhe u dërgohet njësive të Ministriesë së Mbrojtjes, duhej të kalonte përmes duarve të Nasim Haradinajt? Ministri Bicaj duhet të ketë një përgjigje për këtë pyetje të thjeshtë. Ministri duhet të ketë informacione se sa herë është shitur, se çfarë drejtimi ka marrë dhe ku ka përfunduar armatimi modern. Unë kam përshtypjen se i gjithë ky pështjellim është bërë në koordinim me Shtabin e Përgjithshëm të LPK-së.

Për këtë shkak Ministria e Mbrojtjes është detyruar të armatosë njësitë e veta, 6 brigadat e vendosura në Verim me armatim të vjetër kinez e sovjetik. Në fakt të njëjtin fat kanë pasur edhe njësitë që përgatiste dhe armatoste Shtabi i Përjithshëm i LPK-së.Edhe armatimi i tyre ka qenë i të njëjtës kategori.

Këtu duket loja e dyfishte që bënte qeveria e Fatos Nanos me luftëtarët shqiptarë, nga njëra anë i detyronte të blinin armatim të cilësisë së dobët nëpër Shqipëri, me një çmim marramendës, duke çarmatosur shqiptarët, nga ana tjetër i vinte luftëtarët shqiptarë në pozita inferiore armatimi me kundërshtarët e tyre serbë. Pra as Serbia nuk dëmtohej dhe shqiptarët e armatosur, tmerri i qeverisë së ardhur në pushtet me gjak, çarmatoseshin.

Për armatimimn e ardhur nga importi, në Ministrinë e Mbrojtjes ekzistojnë dokumente, që, megjithëse i pajisur sipas të gjitha marrëveshjeve ndërkombëtare për kalime tranzit, për kalimin e tij na është dashur të paguajmë shuma ekstravagante pranë autorirteteve policore dhe të shërbimit informativ në port, për t'i kaluar në drejtim të veriut dhe më pas Kosovës.

Ka pasur shtete që na kanë dhuruar armë, por që kërkonin garanci kalimi ilegal nëpër Shqipëri. Ne nuk kemi mundur t'i marrim ato armë pasi porti i Durrësit, Aeroporti i Rinasit dhe të gjitha pikat e hyrjes e daljes nga Shqipëria ruheshin me fanatizëm nga "bodigardët" e Serbisë në Tiranë.

Po në atë takim janë marrë vendimet dhe janë caktuar njerëzit që do të merreshin me rimobilizimn dhe riorganizimin e brigadave të tërhequra. Ideja ishte përqëndrimi i tyre në një bazë stërvitore dhe përgatitja për aktivitetet e ardhme luftarake në terren.

Shtabi Suprem ka përcaktuar detyrat duke më caktuar mua të merresha me detajet. Unë kam emruar eprorët Esat Ademaj, Skender Rexhahmetaj, Gjukaj, dhe Isuf Haklajn, që të bënin pranimin e ushtarëve dhe eprorëve, të bënin transportin e tyre për në Papaj, furnizimin e tyre me armë dhe uniforma dhe fillimin e rehabilitimit dhe stërvitjes së tyre.



Qenë krijuar pesë baza stervitore, katër brigada të reja dhe dy njësi speciale

Nga ana tjetër Ministri ka informuar se qenë krijuar edhe qendra të tjera stërvitore përveç asaj që kishim pasur para 5 muajve. Të tilla qenë krijuar në Kolç, Kalimash, Babinë, Papaj dhe Viçidol. Qenë formuar gjithashtu edhe pesë brigada të tjera, 142, e drejtuar nga Fuat Ramiqi, Brigada "Skenderbeu", Brigada e Istogut, Brigada e komanduar nga Muharrem Rrahmanit dhe njësia diversanto vëzhguese e drejtuar nga Anton Çuni, Batalioni i Policisë Ushtarake i komanduar nga Hafir Hoxha. Në këto qendra stërvitore kishte filluar përgatitja, ristrukturimi i kazermave, pasi pranë ministrisë qe krijuar edhe një batalion për ndërtime.

Këto punë qenë kryer, me shpirt në fyt siç thotë populli, pasi siç kam përmendur ekzistonte një strategji konstante bllokimi, me qëllime destruktive, pasi ata kishin vënë re se kualiteti dhe kuantiteti i armëve që kishim porositur ne, po të hynte në terren do të siguronte një epërsi të dukshme, do t'u garantonte forcave tona një rezistencë efektive kundër pushtuesit, do të mund ta kishte afruar edhe më shumë, vetë çlirimin e Kosovës.

Por ata kishin frikë se kjo gjë do të sillte edhe fuqizimin politik të institucioneve shqiptare në Kosovë, gjë që ata i tmerronte, pasi të tjera plane kishin bërë për Kosovën e pas luftës. Ja sepse ata kanë bërë përpjekje për bllokimin e këtij armatimi.

Destruktiviteti ka filluar qysh në procesin e mbledhjes së mjeteve prej bashkëatdhetarëve në diasporë. Veprimtarët e institucioneve të Kosovës u vunë në shënjestër të gangsterëve të LPK-së, komisionerët e tre përqindëshit, apo aksioneve të tjera financiare u kërcënuan edhe me likujdim fizik.

Emrat e kërtyre veprimtarëve lakoheshin nëpër seanca obskurantiste hetimi nëpër bjeshkët dhe përrojet e Kosovës, ku hajnat e dikurshëm, të veshur me pushtet imagjinativ hetuesash, jepnin denime me vdekje në mungesë për veprimtarë shqiptarë që gjithë jetën ishin përpjekur për lirinë e Kosovës.

Mund të përmend këtu disa emra njerëzish, klubesh dhe shoqatash shqiptare në mërgim që janë kërcënuar. Ramadan Gashi nga Amerika, Ilmi Gashi në Gjermani, shoqata e Bukëpjekësve nga Kroacia, Marian Pnishi nga Zvicra, Klubi shqiptarë "Kadri Zeka" në Sierrë, Shoqata "Vatra" në Amerikë etj



Në Ministri u afruan njerëz të dyshimtë kombëtarisht por të besueshëm nga ana ideologjike

Në fakt, afrimi i një njeriu të specializuar, e një ish ushtaraku profesionist siç ishte Xhafer Jashari presupozonte që logjistika të funksiononte më me efektivitet. Përveç profesionalizmit të tij, duke njohur edhe lidhjet që kishte me LPK-në, kryesisht ato familjare me Ibrahim Kelmendin, kemi menduar se do të mund të influenconte që të mos pengohej furnizimi i njësive luftarake, në fakt nuk ka ndodhur ashtu. Ne kemi pasur vështirësi edhe më parë, kur kemi pasur staf të kufizuar, por problemet nuk janë zgjidhur edhe pse numri i stafit të MM është shtuar shumë.

Në këtë kontekst vlen të përmendet emri i njëfarë Skender Hasimit, që ka punuar në Sigurimin e MM, e cili me ndihmën e Shaban Brahës, një ish oficeri të vjetër të Sigurimit të Shqipërisë, ka kontribuar shumë në afrimin e njerëzve të dyshimtë për çështjen kombëtare, por ideololigjiksht të besueshëm për ta.

Ne kemi arritur në fillim që me një numër shumë të vogël njerëzish të armatosim dhe uniformojmë njësitë e para operative, jo me ndonjë kualitet shumë të lartë, por gjithsesi në njëfarë mase kanë qenë të mirëpajisura. Më vonë, pra, kur prania e këtyre njerëzve të specializuar në MM do të thoshte më shumë armë, uniforma dhe municion për trupat tona, nuk ka ndodhur ashtu. Përkundrazi, sasi uniformash dhe armësh, që kanë qenë të planifikuara për njësitë operative, pa u konsultuar fare me shtabin e MM, janë dërguar në drejtime tjera.

Për të ilustruar po përmend vetëm një fakt: Blerja e 2000 uniformave në Gjermani nga Xhafer Jashari, Fadil Demiri, Agim Haziri me paratë e MM-së. Prej tyre 1500 copë i dërgohen Xhavit Halitit, pesëqind Halil Bicajt. Për të mos spekulluar më gjatë sjell në evidencë fjalët që qarkullojnë se uniformat i kanë marrë falas apo me gjysmë çmimi, ndërsa faturat e paraqitura janë për uniforma të reja dhe të blera si të tilla.

Është fakt që 1500 uniformat e përmendura nuk kanë shkuar për ta veshur Halitin dhe të afërmit e tij, ato kanë shkuar në Kosovë tek luftëtarët e lirisë, problemi është tek mënyra e përdorur, tek preferencat politike, ndërkohë që ushtarët e njësive tona kanë qenë shpesh herë pa unioformë dhe këpucë.

Në këtë libër nuk kam ndërmend t'i nxjerr të gjitha faktet që ilustrojnë qendrimet e mia, nëse personat e përmendur do të polemizojnë, kundërshtojnë ose hedhin poshtë me sharje, siç e kanë zanat, konstatimet e mia, atëherë unë do të botoj shifra dhe fakte të pafund të këtij lloji që përmenda më lart. Dokumentet ekzistojnë.

Një pengesë tjetër, e cila rezultoi të ishte e paramenduar mirë, ka qenë edhe rezistenca që i bëhej rikthimit tim në gjirin e MM. Siç kam shpjeguar, pas tërheqjes nga Kosova, kam pasur disa ditë pushim. Pastaj do të më duhej t'u bashkohesha trupave në Papaj për të filluar stërvitjen dhe përgatitjen e tyre për operacionet e mëvonshme ushtarake për çlirimin e Kosovës. Ritkhimi im është penguar me gjithfarë justifikimesh nga Halil Bicaj.

Megjithatë unë kam vendosur t'u bashkangjitem trupave të brigadave 131, 134, 133 të Zonës së Tretë Operative, që, përveç Papajt, qenë vendosur edhe në qendrat e reja stërvitore në veri të Shqipërisë. Përpara se të vija unë, Xhafer Jashari me nja 15 eprorë të tjerë në MM mbajnë një takim me rend dite a të lejohet apo të mos lejohet kthimi i Tahir Zemajt pranë MM? Pas debatesh është vendosur që të votohet. Kundër meje kanë votur Xhafer Jashari dhe Fadil Demiri, me justifikimin se ai nuk bën të vijë pasi…

Para se të nisesha për në Papaj, për të marrë komandën e trupave të Zonës së Tretë Operative, komandant i të cilave isha, më është bërë një lojë shumë e madhe : te komandanti i brigades 131 Rrustem Berisha, kanë shkuar që t’i bëjnë presion ish-zëdhënësi i Shtabit te Përgjithshëm, Jakup Krasniqi.

Takimi vetëm mes tyre ka zgjatur 3-4 orë dhe Jakupi ka ushtruar presion ndaj Rrustem Berishës që ky dhe oficerët e tjerë të bënin të pamundshmen për te penguar rikthimin tim ne komandë të trupave, rrjedhimisht të pengonin edhe influencën e institucioneve të Republikës së Kosovës. Të njëjtën gjë e ka bërë edhe Azem Syla, me të njëjtin person; siç duket ata kishin vënë re se Rrustem Berisha qe një njeri me të cilin ata mund te "bisedonin".

E keqja e kolegut Berisha ka qenë se ai nuk ka informuar asnjë prej kolegëve të tij oficerë te Brigades 131. Pse ? Ka qenë i kërcënuar ? Ka marre ryshfet apo ka qenë vullneti i tij i lirë ? Rrustem Berisha ua ka borxh bashkëluftëtarëve të tij, të gjallë dhe te vdekur, sidomos emrave të Sali Çekut dhe Agim Ramadanit, këtë sqarim.



A e ka ditur H.Bicaj se ka po ia mbante Ministria e Mbrojtjes?

Këto gjëra janë toleruar siç thashë edhe nga Ministri Bicaj me vetëdije apo pa vetëdije unë nuk dua të spekuloj, por disa javë më vonë, kur kam shkuar në Ministri për të takuar zotin Bicaj, një individ i LPK-së, një farë Bajram Gashi ka kërkuar me insistim që të merrte pjesë në takimin tim me Ministrin.

Kur e kam pyetur se pse ai më është përgjigjur se "Duhet të marr vesh se çfarë do të bisedoni!" Ndërkohë zoti Bicaj është larguar nga Ministria duke më lënë vetëm dhe falë vetëm gjeturisë sime dhe ndihmës së disa shokëve e kolegëve brenda ministrisë kam mundur t'i shpëtoj një likujdimi të planifikuar brenda Ministrisë së Mbrojtjes.

Atentati ka qenë i planifikuar nga ky person dhe nga dy të tjerë. Falë zotit unë jam gjallë dhe nuk i jam ndarë punës e as që kam ndërmend t'i ndahem para kësilloj kërcënimesh. Atë ditë, veç jam dëshpëruar shumë. Ministria e Mbrojtjes po rrëshqiste me shpejtësi në anën tjetër. Ata edhe do ta kishin deklaruar publikisht si një fitore të tyre, pushtimin e Ministrisë së Mbrojtjes, një gjë të tillë nuk e kanë bërë thjesht për arsye pragmatike, pasi kanë mundur nëpërmjet Ministria e Mbrojtjes të shfrytëzojnë mjaft fonde të qeverisë së Republikës së Kosovës, që në kushte të tjera ka qenë thjesht e vështirë të shfrytëzoheshin.

Por edhe një element tjetër është përdorur me dinakëri nga ky fraksion i LPK-së. Ibrahim Klemendi, Xhavit Haliti, LPK-ejcët dhe fraksionet e tjera e dinin se çfarë mbështetjeje kishin Institucionet e Republikës së Kosovës tek qytetarët e saj.

Ndaj ai ka dashur që duke u maskuar nën hijen e njërit prej këtyre institucioneve, Ministrisë së Mbrojtjes, të fitonin kredibilitet politik pas luftës, duke iu shmangur kështu reaksionit negativ, që kishin dhe kanë qytetarët e Kosovës për shumicën e strukturave të LPK së, strukturave të Partisë Socialiste të Shqipërisë dhe elementëve greko-serbë në administratën shtetërore të Shqipërisë.

Siç kam shpjeguar në librin e parë, unë mora vendimin dhe shkova pranë trupave të brigadave të Zonës së Tretë Operative në Papaj. Atje ka qenë i organizuar një atentat tjetër nga Nasim Haradinaj, për rrethanat e të cilit kam folur. Për të shmangur incidente të rënda jam larguar ngaaj dhe së bashku me kolegët e mi oficerë kemi vendosur krijimin dhe stërvitjen e një brigade të re në Mamurras, me emrin „Mërgimi“.

Rishtas hyn në skenë Shefi i Logjistikës pranë Ministrisë së Mmrojtjes Xhafer Jashari, i cili ka bërë të pamundurën për të më penguar, jo veç që nuk ka ndihmuar në sigurimin e uniformave, ambjenteve stërvitore, armëve e municionit, që e kishte për detyrë, por edhe ato që kemi gjetur vetë nëpërmjet burimeve të tjera, është munduar me të gjitha mjetet të na i ndalojë, të na sabotojë e pengojë ashtu edhe siç ndodhi në fund të fundit.

Kur është rasti tek ky epror ushtarak, pra tek zoti Jashari, duhet theksuar se ka luajtur një rol shumë negativ porpagandistik kundër Ministrisë së Mbrojtjes. Njerëz e institucione vendase e të huaja që shfaqnin admirim për përpjekjet tona, që shfaqnin interes për të na ndihmuar, dekurajoheshin nga fjalori acid, nga deklaratat e papërgjegjshme të Xhafer Jasharit, i cili nuk linte njeri pa sharë në të gjithë hierarkinë civile dhe ushtarake të institucioneve të Kosovës.

Ja sepse ministri Halil Bicaj e ka detyrim t’u përgjigjet disa pyetjeve për të cilat unë nuk kam të dhëna të mjaftueshmë, rrjedhimisht nuk dua as të spekuloj me to e këto pyetje janë :

Z. Bicaj, a i zbatonte urdhërat e Inslitucioneve të Republikës apo të LPK-jcëve dhe urdhërdhënësve të tyre nga partia e themeluar nga Dushan Mugosha dhe Miladin Popoviçi në Shqipëri ? A ka qenë ministri Bicaj ideator dhe organizator i veprimeve dhe mosveprimeve që kanë penguar punën e Ministrisë se Mbrojtjes ?

Me sugjerimin e kujt i mori ata bashkëpuntorë, pse nuk u konsultua asnjëherë me bashkëpunëtorët e tij të emëruar sipas hierarkisë ushtarake e të pranuar nga te gjithë ? Nga është nisur ministri Bicaj për të emëruar Ramë Marajn shef te zbulim-kundërzbulimit te Ministrisë se Mbrojtjes, kur dihej publikisht se kush ishte ai ? Cila është përgjegjësia e ministrit Halil Bicaj dhe shefit të zbulim-kundërzbulimit te Ministrisë se Mbrojtjes Ramë Maraj rreth fatit te papërshkrueshëm tragjik të marshimit te Brigades ,,Mërgimi" në drejtim te Kosovës (përshkruar ne librin e pare)?

Megjithatë më duhet të theksoj se ndaj meje nuk është bërë thjesht luftë personale, lufta ndaj meje nuk pasur thjesht si qëllim shkatërrimin tim fizik, jo, ajo kryesisht drejtohej kundër institucioneve që përfaqësoja, kundër institucioneve nën urdhërin dhe autoritetin e të cilave veproja, lufta kundër këtyre institucioneve ishte luftë kundër vullnetit të qytetarëve të Kosovës, ishte luftë në të njëjtin front me Serbinë, ndaj kur më është dashur të luftoj kundër Serbisë më është dashur të luftoj edhe kundër pengesave të tilla që krijoheshin nga vegla ose shërbëtorë, qoftë edhe të pavetëdijshëm të Serbisë. ( 65 - 84 fq.)


Marre ne trepca.net

------------------------------------------------





...........



Koment ..

E verteta te bind por dhe te trishton..Sa kriminele kemi mes nesh..

Mjafton ky kapitull nga libri i kolonel Tahir Zemajt per te kuptuar lojen e turpshme kriminale te PPSH-se ose PS-se dhe vegles se ndyre te saje LPK-se per ceshtjen e Kosoves dhe Kombit.

Tahir Zemaj do ngelet i lavdishem ne histori jo vetem si Hero i Kosoves dhe i institucioneve te saje por dhe si denoncues i guximshem i Mafies kriminale qe ka uzurpuar Kombin.

Per cdo atdhetar te vertete mjafton ky kapitull nga libri i tije per te mesuar se kush jan Kriminelet dhe armiqte e Kombit.

Ata jan aty ne kte dokument te rendesishem historik me emra e mbiemra dhe kushdo mund ti njohi.

Prandaj e vrane Kolonelin e madh. Cdo gje eshte e qarte.

Kriminelet nuk kane emra te panjohur. Ata i njeh populli.

Ata jane kush me shum e kush me pak ketu te damkosur nga penda e Tahir Zemajt.

Nuk mund te behet Kosova dhe as Shqiperia nje hapsire e lire e demokratike ne se keta perbindesha nuk do marrin denimin e merituar.


Lavdi Heroit Tahir Zemaj !

[lum lumi]

Postuar më parë nga Brari
JA KUSH JANE KRIMINELET QE VRANE TAHIR ZEMAJN E AHMET KRASNIQIN e ata qindra te tjere para e pas tyre..

Njihini e demaskoini qe te ndalet dora e tyre gjakatare!!!!!!!!!!

________________________________________________

Fjalët e nenvizuara janë thirrje për vëllavrasje mes shqiptarëve!!

Sa keq! Dikuj i pelqen "bane zot llugë", apo si thotë populli "më i keq është shtinsi , se dorasi"!!!

Mjerim!!!

[Brari]

Vllavrasje eshte te vrasesh vllane e jo te denoncosh vrasesit..

Qarte e kam thene...Njihini dhe denonconi vrasesit..

.. e ti je zemruar..jo se mendon se un po hap vllavrasje por se une ..brari po i afrohem te vertetes e ti qe e di te verteten mbulon gjurmet... se ti i njef vrasesit dhe i mbron ata..dhe te djeg se une i kam ra pikes qe pikerisht ne ate Shkrim me kujtime te kolonel Tahirit permenden pikerisht ata qe ti Lum lumi i njef mire personalisht dhe e di shum me mire se une qe ata jane vrasesit..

"Mjerimi" im eshte se i denoncoj vrasesit por realisht asgje skam arritur kurse "Suksesi" yt eshte se i njef vrasesit qe bejne vllavrasje dhe jo qe nuk i denoncon por vigjelon qe ata kurre te mos zbulohen e kurre te mos denohen..
Vazhdo kte rrug te sukseshme ashtu sikurse Melaim Zek Ernest Lum e Mahmut Mavrat.. eshte vertet fitim prurese sepse me kaq miq te fort qe ke i ke te hapura rruget ne Kosov e Shqiperi..

Vllavrases eshte Sali Veseli qe organizoi Vrasjen e Drinit e jo drini qe u vra e jo familja e tije qe qau birin e saje e as rasimi qe i denoncoi Vrasesit..

e bukur teori..Leri vrasesit te vrasin Vellezerit e motrat e shuj .. se ne se kerkon ti zbulosh vrasesit qenke "vllavrases"..

turp te kesh..
mbahesh se ke lexuar dhe Letersi artistike por asgje spaske mesuar nga Hugoi e Shekspiri..asgjeeeeeeeee...
apo ndoshta Artin teatral te te shtirit..sikurse Thaqi me shoke qe vrasin e qeshin sikurse Sali Veseli qe vrau dhe lexoi fjalimin ne varrin e atij qe vrau... keshtu...

Do pendohesh nje dite shum keq..

Do vi nje dite qe ne Kosove e Shqiperi do vijne burrat e vertete ne Pushtet e jo kta leng groshat si Rugova e Berisha me te cilet talleni bukur ju enveristet Kosovaro-biznesmena..

Do tu ribehet gjyqi Daut Haradinit e Luiz Hoxhes..Jaho salihit e Hashim Melaimave..Fatos Klosit e Gramoz Rucave..Qoses se Vlores e Cekes se Gestapos..

Do vij nje dite qe do kerkohet LLogari per gjitha vrasjet..

qashtu..o MIKU i VRASESVE..

[Laguna]

Brari,

I kam lexuar me vemendje shkrimet e tua ne tema te ndryshme pa u pergjigjur.

Me keto dy linja doja te shprehja mirenjohjen time si shqiptar per analisen e thelle e te qarte qe ti ben mbi problemet e ndryshme qe kane gangrenizuar Shqiperine ne pergjithesi.

Kam pak kohe ne kete forum dhe do te desheroja shume qe nje pjese e mire e problemeve qe ti prek te debatoheshin me shume nga ana e bashkepatrioteve, te cilet shpesh na merzisin prapanicen me sondazhe debile rreth "kaslyceve", "vrimes ne mjeker" etj...

Nderimet e mija per forcen dhe sinqeritetin me te cilin ti e trajton problematiken shqiptare.

Per sa i perket problemit te kesaj teme:...edhe nje here 100% dakort me ty!
Gjakun uje mund ta bejme, por jo shurre! Edhe falja ka kufi. Kriminelet e kesaj shkalle duhen DENUAR dhe kjo eshte NOBLESA e vertete!

Me respekt,

Laguna.

[lum lumi]

Brar,

thirrja jote është thirrje ordinere për futjen e shtrigave mes shqiptarëve. Nuk është hera e parë, por e dhjetëmijëra herë që ke denoncuar në shkarravinat tuaja personalitete publike ( jo vetëm politike) për vrasje dhe krime në hapsirat shqiptare. Se ku janë motivet tuaja për përgojime të tilla unë nuk i di, me siguri nuk i dinë as lexuasit tjerë të nderuar të forumit, mirëpo jam i bindur se ti mund të na japësh një spjegim (po deshe!!). E para, ose je naiv dhe indoktrinohesh nga grupe dhe klane që kanë nën kontroll edhe mediumet për të fabrikuar genjeshtra, ose je pjesë e një aparati shumë të sofistikuar për prodhimin dhe shpërndarjen e tyre dhe, e treta, ose je argat i tyre dhe paguhesh për rishpërndarjen dhe rishumëzimin e një propagande konfliktuoze dhe vëllavrasëse mes shqiptarëve. Nese je nga këto dy të fundit, d.m.th je i sofistikuar mjaftë për të lexuar edhe mes rreshtave dhe më kupton se cka dua të them dhe se cfarë grupacioni je i inkorporuar.

Përndryshe, po të ishe atdhetar i mirë, po t'a quaje vetën demokrat dhe përkrahës i ligjësisë , përkrahës i shtetit ligjor e kam fjalën, nuk do përfolshe me emra e mbiemra personalitete të ndryshme edhe po të ishe i sigurtë dhe mund ta dokumentoje se filan fisteku është vrasës apo kriminel, sepse në Kosovë ka prokurori dhe polici si dhe institucione që e kanë për detyrë të merren me krimin. Gjithashtu edhe në Shqipëri.

Është shumë normale për cdo shqiptar që të indinjohet me situaten e sigurisë në të dy anët e atdheut ( e kam fjalën për shqiptarët kudo që janë si etnik në Ballkan). Është e admirueshme që shqiptarët, unë e ti, të indinjohemi kur vëllau e vret vëllaun, miku-mikun, tifozi i një partie - tifozin e partisë tjetër; të indinjohemi që grabitësit, gjobitësit, vetëvrasësit kalerojnë ende; të indinjohemi kur krimi ekonomik dhe politik, korrupsioni e joprofesionale ka zënë vend edhe në eliten politike apo administrative në Kosovë dhe Shqipëri; të indinjohemi për ngecje ekonomike dhe varfëri shumë të theksueme, për rini që nuk sheh përspektivë në atdheun e vet, etj., etj., por, nuk duhet t'i lejojmë vetvetës që të bëhemi thirrës të anarkisë dhe joligjësisë. Nese nuk zbardhën vrasësit dhe kriminelët , ne duhet të indinjohemi ndaj atyre që e përfaqësojnë ligjin dhe nuk punojnë për zbardhjen e tyre. Në demokraci nuk guxon ta përgojosh aske ( as edhe vrasësin e vertetë) deri sa nuk i është shqiptuar denimi i merituar.

E kam vë re se shpesh e hap kosën si shumë edhe ndaj meje duke me quajtur "mbrojtës" i kriminelëve , duke me akuzuar se i njoj ata, se më lidh interesi ekonomik e politik.

Brar djali, unë parapelqej të vërtetën para gënjeshtrës, ligjësinë para anarkisë, dialogun përpara konfliktit. Në fund të fundit, kur nuk di mirë, pyes mikun e armikun, e në fund të fundit bëj si di vetë. Në ato kallapet që mundohesh të më"identifikosh" je plotësisht i gabuar. Unë nuk bëj bisnes as në Shqipëri e as në Kosovë. Jo se nuk dua, por nuk di me ba bisnes në atë atmosferë. Atje di po të jetë nevoja ta marr ditarin në duar edhe njëherë dhe të prodhoj talentë për fusha të ndryshme shoqërore, ashtu se si kam bërë atëherë, para 1995. Nxënësit e mij janë mjekë me nam, politikaj e atdhetarë të orës së parë, inxhinierë e gjeneralë. Ata nuk i kam edukuar as me Enver Hoxhën e Marshall Titon, as me Krishtin e Muhametin, por me idealet më humane të atdhedashurisë dhe mirësjelljes. Unë nuk i përkulem as Kadsri Veselit ( anonimus për mue) e as Fatosave e Hashimave e Rugovave e Berishave. I përkulem dashurisë për kombin tim, shqiptarëve patriotë pa dallim feje e ideologjie, nënës sime që më ka rritë dhe odës drenicase që kurr nuk ka folur për komunizem e enverizëm e titizëm e islamizëm, por për nderë edhe vatan. Në ato oda kam mësuar për Naum Veqilharxhin, Papa Kriston, Petro Ninin, Ismail beun, Mic Sokolin e Kamber Loshin. Në ato oda i kam mësuar përmendsh vargjet e Lahutës së Fishtës, prej goje në gojë. Aty më merr malli të përulem.

Brar djali, unë bisnesin nuk e kam ëndërruar. E gjeta në gurbet , e nisa dhe po në gurbet do ta mbaroj. Askujt nuk i falenderohem, përpos atyre që gjetën vullnet dhe interes ta ujisin krah për krah me mua. Gjithcka ishte spontanisht. Shumë familje edhe në Shqipëri , Kosovë e Iliridë ua ka mundsuar bisnesi im që të jetojnë në dinjitet duke iu falinderuar në rend të parë djemve të vet gurbetcarë që ishin lojal ndaj tyre dhe ndaj meje. Asnjë metelik nuk ma fali as krahu "enverist", as "rugovist" eas "nanoist" e as "LPK-jist". Kurr falë mos u qofsha!

Brar, bindjet politike nuk i formoj duke lexuar pamflete dhe fletushka të klanëve të ndryshme politike. Për këtë arsye gabohesh shumë që më identifikon me " enverist". Mirëpo, nese ti mendon se ata që parapelqejnë ligjin karshi anarkisë janë enveristë e majtistë e dreqistë, atëherë më quaj kështu. Përndryshe, para ca ditësh isha i ftuar në një solemnitet nderkombëtarë në një vend të Europës më më se 1800 bisnismenë nga Islanda e deri në Bosfor, e nga Sibiri e deri në Pacifik (kam edhe foto taze po deshe) dhe të betohem se nuk pat asnjë shqiptar tjetër dhe se të betohem se isha i vetmi "enverist".

Dhe në fund, pasi që me le edhe pa fjetur deri tash, po të të lus: PO PATE ARGUMENTE NDAJ ATYRE QË PO I PËRMEND SHUMË SHPESH SI VRASËS, MOS I ZBULO HAPTAZI, SE DEMTON EDHE PROCESËT GJYGJSORE TË MUNDSHME, POR EJA BURRA E TI DENONCOJMË DERI NË STRASBURG. Përndryshe, kërcnimet dhe bërjet me gisht që je duke i bërë, jo se nuk përkojnë me demokracinë që shumë thirresh, por e ke keqkuptuar krejtesisht dhe je me te dy këmbet në pozitat e metodave të njohura të inkuzicionit antiligj të Enver Hoxhës, Stalinit dhe argatve surrogat të Arianit Celës e tipave si ai. Ti e njef mirë atë kohë. Dhe beso se ende ke botëkuptime të tilla.

Me vjen keq për Ty!

Qashtu!! Vazhdo ti me literaturën e Sefedin Krasniqit dhe Bajrush Morinës dhe ke fytyrë edhe të më kërcnosh !!

[lum lumi]

Postuar më parë nga Brari


Do pendohesh nje dite shum keq..

Enveristi i kamufluar në "demokrat" e dinë mirë zanatin e kërcnimeve. Ka bërë shkollë dulleje frajeri. Si ti vinë shoktë në pushtet ka për ta bërë namin anonimusi. Ka me vrà e ka me kthjellë.

"Demokrat" djalë!

[Brari]

Lum djali.. kur shkruaj "Do pendohesh " nuk kercenoj se do te te rrahi dikush ose do te fusi ne burg..etj por ka te beje me ndergjegjen qe nji dite une besoj do te ndryshoj pikpamjet per x e y fenomen e kjo sjell reflektime e kjo quhet pendes..

Sot ti edhe se ktu shkruhet shpesh per vrasjet ne Kosove ti zakonisht nuk diskuton. Me mos diskutim ne heshtje ben aprovim..dhe une shpresoj se nje dit kur te degjosh se u vra A ose B e qe ndonji Mahmut mavro do thote ish shpijun etj..ti mundesh te mos jesh dakort e te thuash..jo valla A e B i njoh mire se nuk jan shpijuna..

Kur vjen puna tek tahir zema ose ahmet krasniqi kosov Pressi ..agjensia e vrasjeve ..ka lehtesi te krijoje opinione se Ata jan Titista e prandaj i vrame duke shpresuar tek indoktrinimi i masave se kush ka ba shkoll te Titos asht tradhtar.. mirpo kur vrasin Uk Bytyqin Kosov pressi nuk mund te gjej argumentin e "shkolles titos" dhe gjen arsye tjeter..se vrasesi ish fyer nga Uka etj..e se ish gjak nxehte e se LDK istat provokuan..

Dikur Leberit pajtoheshin lehte me prallat e Enverit se Beqir balluku ish agjent prandaj e vrame e se x e y ishin agjent e se kish te drejt partia qe e vrau se kish studiuar jasht shteti ai Borgjezi felliqur etj..

Erdh nje dite qe enveri u a vrau dhe kadri hazbi labin dhe hito cako labin dhe i futi ne burg shum hetuesa leber..athere leberit filluan te dyshojne se mos ky enveri ja fut kot..

Une duke i ditur metodat e asaj kohe i kuptoj dhe kto qe ndodhin sot ne kosove e te kuptoj dhe ty qe hesht.. por prandaj te them..do pendohesh nje dite se do ta ndjesh kte stil e metode ne fisin tend..e do te vijne nder mend fjalet e mija..

Ne nje shkrim ketu ..marre nga gazetat (se une skam burime tjera sic aludon ti me krijue tym) autori shkruante se ne arkiv te Shtetit eshte mes tjerash nje dokument..nje leter qe enveri ja shkruan Nako spirut ne vitet 1942..ku mes tjerash i thote.. qerojeni zef malen qe ju ka ardhur aty ne Peze..etj..

Ky stil i pusullave qe porosisin vrasje eshte tragjik o Lum lumi..

Ti e di se vrasja eshte fund i jetes se nje njeriu dhe eshte e mire vetem kur eshte fjala per nje Armik te popullit dhe se vendimi per vrasje merret nga institucione..me mandat te popullit..

Ne kte rast zef Mala ishte jo armik por nje atdhetar qe del ne Peze sikurse dhe tjere antifashiste dhe Enveri qe ne ate kohe hante pinte ne shpite e pasanikve te Tiranes bile ne nepunsat madhore te SIMIT ishte thjesht nje nga lideret e nje partie akoma ilegale e qe nuk kishte asnji te drejte te merrte jet njerzish e aq me pak si te nje njeriu si Zef Mala i cili ne vitet qe flasim njihej si MARKSI e HEGELI i inteligjencies Shqiptare..pra ishte nje nga intelektualet me te Shquar te Shqiperise..

Pra Lum Lumi ti e kupton se si nga shtremberimi i te drejtes lindin krimet e pastaj mbas Krimit lindin te tjera bidade.. dhe nje nga ato eshte se krimineli gjith jeten mundohet te fshehi krimin dhe kte e ben me krime te tjera..

Lima ben krime ne ato burgjet portative qe krijoi dhe kur andej afrohet ushtria Serbe ai porosit zhdukjen e atyre qe mbante ne burg qe ata te mos ikin e me vone te tregojne se cu ka punuar Fatmir Limaj..

fatos Klosi organizoi vrasjen e azemit dhe me vone i doli pun me vra vrasesit qe te mos zbulohej vrasja e Azemit..
pra nje Krim sjell shum krime..
Enveri e perdori Kadri hazbiun si vrases dhe me vone u deturua ta zhduke besnikun e tij qe kurre te mos dilte "aisbergu" i krimeve..

Edhe thaqi ate pun ben me ramushin e Xhavitin.. Ata vrane njihere e tani jan te detyruar te vrasin cdo deshmi..e deshmite jan letra..e njerez.. Kur jan letra i hane ose i djegin e kur jan njerez i vrasin..

ti i di keto mire dhe hesht..sepse mendon se cka po me duhet..boll un ta kem mir me ta..e pun shum se u vra Bekimi ose Uka ose Drini ose Ilir selimaj e sabaetja..

thuje burrerisht me mire se Je frikacak dhe se "po don buka me u hanger 2 se sa fantazon se un brari jam pjese e ndonji agjenture a aparati te sofistikuar..
Pse Lum a po flas un per pralla ktu e qe ti teorizon bukur ?

Une flas ..Pse u vra Drini e drini nuk eshte Objekt kozmik por nje ish luftar i UCK e qe u vra ne Prizrenin e mbas lufte..dhe ktu ska asgje te sofistikuar por cdo gja eshte me fakte..
u vra ilir Selimaj sepse deshmoi se daut haradini me togerin kan masakruar 4 luftar te brigades Mergimi..e ktu nuk shpik un asgje sepse krejt kosova e din kte..
Pra un flas per gjera teper reale e te tjhjeshta e kot lodhesh te krijosh teori mbi mua..

Gjerat jan te qarta.. Je ti lum lumi me nji mendje me Vrasesit apo je per ate qe krimi duhet denuar e duhet vendos Paqja..

Derisa nuk i denon vrasesit dhe Vrasjet si fenomen ose si emra.. do te thote se te pelqejne kto vrasje..

qashtu djal..

[lum lumi]

Brar, je duke lë nam kur na flet për ndërgjegjie. Shihe pakëz se cfarë titulli i ke vënë temës: "A doni ti njihni Vrasësit dhe shtabin vrasës?" thua se përnjëmend je i sigurtë 100% se personat që i ke përfolur në emër kanë gisht drejtëpërdrejtë në vrasje makabre që na i përkujton nga pesë herë në ditë. Po pse o burrë i dheut nuk u shkruan organeve kompetente sëpaku letra anonime ( se anonim je edhe këtu në forum) dhe t'ua lehtësosh që t'i kanalizojnë hetimet. Se po pate ndergjegjie dhe guxim qytetar do i kishe denoncuar (pasi që i din vrasësit) dhe do ua kishe lehtësuar duke dëshmuar në seancat gjygjësore ndaj tyre. Mirëpo, ti dhe shtabi yt i kunderzbulimit e dinë mirë se deshmia e rrejshme denohet. Ku është guximi yt qytetar? E kupton se kush është frikacak? Pra frikacak je ti që i dinë vrasesit dhe shtabin vrastarë e nuk ke guxim t'i denoncosh. E këtu në forum (si anonim) bënë rolin e trimit dhe derdhë lotë krokodili. Shkruaj avokatit të popullit dhe instancave të UNMIKUT në Kosovë.

Po t'i dija unë do i kisha denoncuar të gjithë, ashtu sikur kam guxim qytetar t'u kundervihem propagandes tënde dhe shtabit tënd shqipfolës. E sheh se kush është frigacak?!! Unë apo ti?Unë përkrahë burgosjen dhe denimin e gjithë dorasëve të drejtpërdrejtë dhe indirektë që gjygjësia deshmon se i kanë duart me gjak. Njëkohësisht , bash për shkak të ndërgjegjies dhe edukatës qytetare, nuk përkrahë denime publike të prejudikuara para se të vertetohën në procese gjygjësore. Cdo përson në shoqëritë demokratike ka të drejtë të mbrohet. Këtu janë themelet e të drejtave dhe lirive të individit dhe kolektivit. Ashtu sikur të ndjerët Tahir Zemaj e Ukë Bytyqi etj., etj., kanë pasur të drejtë të gëzojnë jetën e tyre, pa marrë parasysh bindjet politike , ashtu edhe ata që ti i denoncon me tituj bombastik në forum kanë drejtë të jetojnë dhe frymojnë pa marrur parasysh bindjet politike dhe qytetare. Të vetmit njerëz që nuk duhet të kene imunitet ndaj kritikave duke i përmendur në emër e mbiemër , janë ata që kanë funkcione publike në hierarkinë e pushtetit. Duke pranuar këto funkcione ata kanë pranuar njëkohësisht përgjegjësi para qytetareve dhe ligjit. Nese Brari e sheh se Kryministri, apo prokurori nuk përfillin ligjin dhe të drejtat që ligji ua garanton qytetarit, atëherë duhet thirrur më emer e mbiemer se X prokurori a Y qeveritari duhet të heqet dhe të japë përgjegjësi. Nese një plakë humb jetën në magjistralen Durrës- Tiranë duke kaluar shiritat e rrugës për shkak të mungeses se nënkalimit apo mbikalimit për këmbësorë, atëherë duhet të jep përgjegjësi edhe penale Ministri i Komunikacionit e kështu me radhë. Po të ndodhë në vende që kanë kulturë ligjvenie ajo autostradë do të mbyllej me kohë derisa të ndërtohen kalime të sigurta të plakës që do vejë në arën e vetë të misrit matanë rrugës.

Brari nuk flet për këto. Nuk i shkon mendja të indinjohet për gjëra të tilla. Sepse, shtabi i tij nuk e ka në fokus humbjen e jetës së plakës, por e ka në fokus të bëjë propagandë dhe të futë vëllavrasje e konflikte mes shqiptarëve.

Kush është frikacak, pra?

Unë që nuk kam dokumenta kaq të forta si ti për ti denoncuar vrasësit, apo ti që ke "fakte" aq bindese dhe nuk i denoncon atje ku duhet, por hedh pluhur para një auditoriumi bashkëatdhetarësh në Forum?!!

Unë nuk i denoj vrasësit që i zbulon sherbimi i Beogradit, as i "Bota sot" të Morinës, as i "Kosovaoresit", as i "Rilindjes Demokratike", as i "ZP" dhe as i "Epokës së Re" të Mavrajt.

Mua më trishton dhe më dhemb humbje e cdo shqiptari, pa marrë parasysh rreshtimi politik. Ata që i bëjnë këto poshtërsira nuk ia dojnë të mirën shqiptarizmit. Ata e dojnë një Shqipëri dhe Kosovë të izoluar dhe të mprapambetur ekonomikisht. Të tillë janë edhe ata që fusin pyka dhe nderskamca mes shqiptarëve me propagandë dhe anarki. Nuk duan shtet ligjor sepse ligjin duan ta bëjnë vetë dhe klanet e tyre të interesave të ngushta antikombëtare. Ata e dinë mirë lojën: të bëjnë ndasira fetare, të bëjnë ndasira sa më shumë krahinore e gjuhësore dhe të bëjnë mishmash politik.

Kaq.

Qashtu, Brar djali!

[Brari]

Lum Lumi..

Pamvaresisht se do gjana i ke mir e disa jo bash mire ..por te jesh i sigurte se mbas meje asht vec nji shpin karrikeje e para meje nji kompjuter ku lexoj lajmet per Kosov e Shqiperi e ska kurrfar Shtabesh. Mos fantazo..pra.

qashtu..

Bota sot asht gazet Shqiptare dhe nuk njoh personalisht askend aty. Ka njiher me bjen rruga nga nji kiosk ku shesin gazeta te huaja dhe e blej Boten por kjo ndodh nji her ne dy tre muaj.

Bota sot eshte gazet e mire se i denoncon vrasjet kur tjeret nuk guxojn ose i mbulojn.

qashtu..Lum djali..

[lum lumi]

Brar!

Nese dëshiron, unë jam i hapur të diskutoj me ty "pa fantazime", për të gjitha problemet dhe në të gjitha segmentet e shoqërisë shqiptare. Nuk do të thotë se jam i pagabueshem dhe se kam të drejtë për gjithcka sepse edhe unë jam shqiptar gjaknxehtë si ti e të tjerë, dhe se gjakënxehtësia herë-herë pengon gjykimin e drejtë. Por, kur ti më thua "mos fantazo", atëherë c'më mbetët të të them unë ty për "fantazitë" tuaja që edhe pa i njohur tjerët përsonalisht (ashtu se si je i mbeshtetur për karrigeje e me fytyrë nga kompjuteri) shpërndanë ofiqe dhe klasifikonë se kush është "enverist" e " përkrahës i vrasjeve". Mos rri vec në karrike, por shtrihu ndonjëherë në divan dhe mbyll sytë dy-tre minuta përpara se t'ia futësh hava se filani është kështu dhe filani ashtu.

Nuk e di se c'po ndodh me ty?! Ku ka mbetur ai humori i "lezetit të muhabetit"? Ku? Pse i sheh gjërat vec bardh e zi? Disi si i shterruam në mendime, thua se je hargjuar krejt dhe se na ke lodhë në ripërseritje. Unë nuk pres të pajtojem me bindje me ty tërësisht, por unë pres që bashkëbiseduesi të respektojë bashkëbiseduesin. Derisa ti i cmonë përkrahësit dhe ideologet e tu, bile edhe analfabetë, unë cmoj bashkëbisedues edhe që kanë mendime dhe bindje që dallojnë nga të miat.

Mirëpo, mirë bëre që e mohove se je pjesë (satelit) e një klani propogandistik. Po të besojë dhe se ashtu kam besuar edhe më përpara. Gjithashtu, mirë bëre që e pranove se tërë këtë rremujë propagandistike e bën nga naiviteti dhe se je i indoktrinuar nga shtypi ditor dhe "bota sot". Hap dritare tjera i nderuar dhe mos e hudh kot talentin.

Merr frymë pak!

Mirë kishe bërë edhe të kërkosh falje publike (këtu në forum) ndaj meje për të gjitha ato ofiqe që m'i ke bërë, gjithashtu t'u kërkosh falje publike lexuesve që i keqinformon me tituj bombastik si këtë më lartë " ja vrasësit dhe shtabet e tyre vrastare".

Sa i përketë meje, unë të kërkoj ndjesë nese ta kam prishur ndonjëherë timin e duhanit.


qashtu....