OSBE: Financimet e partive politike të dyshimta

[dodoni]

OSBE: Financimet për fushatën, të dyshimta


Shekulli


TIRANE- Kritika të shumta lidhur me vonesën e fondeve zyrtare për fushatën zgjedhore të partive politike bëri Misioni i Vëzhguesve të OSBE-së dhe ODIHR-t në raportin paraprak të publikuar në përfundim të fushatës elektorale. Ambasadori i këtij misioni Robert Berri e cilësoi si një nga pikat më të dobëta të vërejtura gjatë monitorimit të fushatës elektorale në vendin tonë. Sipas tij, kjo çështje do të jetë një nga vërejtjet kryesore që OSBE/ODIHR do të paraqesë në raportin përfundimtar për zgjedhjet vendore të 12 Tetorit. Vëzhguesit e huaj hodhën dyshimet e tyre edhe për financimet që partitë sigurojnë nga mbështetësit e tyre apo nga biznesmenë të fuqishëm. Në një deklaratë të bërë pas përfundimit të zgjedhjeve, OSBE, pohoi se financimet e partive duhej të bëheshin transparente pasi në rast të kundërt mbi to mund të hidheshin dyshime. Raporti i OSBE-së shprehej se duhet të saktësoheshin mekanizmat ligjorë për të zbardhur burimin e këtyre të hollave, me qëllim që të ndërpritej pastrimi i parave të pista, siç ndodh rëndom në shumë raste të kësaj natyre.

[dodoni]

Mendoj se me nismën edhe të kryetarit Moisiu duhet të bëhet sa më shpejt dhe urgjentisht ligji për zbardhjen dhe transparencën e financimit të partisë politike dhe kjo nga të gjitha partitë politike sepse është në interes të të gjithë shqiptarëve dhe poashtu është një ligj që pothuajse të gjithë shtetet e zhvilluara e kanë dhe edhe për shoqërinë tonë në stadin aktual që gjendet është domosdoshmëri.
Përshëndetje