Ka dikush te me tregoj domethenjen e Kryqit

[marcus1]

Doni te dini se cfare kuptimi ka kryqi per te krishteret?

Shiheni pergjigjen qe ka dhene vete apostull Pali:


sepse Judenjtë kërkojnë një shenjë dhe Grekët kërkojnë dituri,


23 por ne predikojmë Krishtin të kryqëzuar, skandal për Judenjtë dhe marrëzi për Grekët,


24 kurse për ata që janë të thirrur, qofshin Judenj ose Grekë, predikojmë Krishtin, fuqia e Perëndisë dhe diturinë e Perëndisë;


sic e shihni nuk mund te jap nje pergjigje me te sakte se kjo. Sigurisht do marr shume pergjigje negative, por une perseri ju jap te njejten pergjigje, per ju mund te jete marrezi, per disa te tjere, skandal, por per mua eshte Fuqia dhe Dituria e Perendise.

[Astrit77]

Po sikur mos ta kishin gozhduar a do kishte prape kete kuptim. Le te themi qe e varrosen te gjalle , apo e varen me koke poshte a ku di un ? Ishte kjo zdhjedhje e "Jezusit" akti i kryqezimit dhe menyra se si do te kryqezohej apo thjesht u kryqezua nga Romaket sipas qejfit te tyre ?

Kryqezimi i Jezusit ishte sipas planit te Perendise dhe nuk ishte nje zgjedhje e rastesishme. Rreth 1000 vjet para se Krishti te kryqezohej ja se si shkruan Davidi, mbreti i Izraelit per kryqezimin e Jezu Krishtit, Psalmi 22:16-18:

16 Sepse qentë më kanë rrethuar, një grup keqbërësish më rri rrotull; më kanë shpuar duart dhe këmbët.
17 Unë mund t’i numëroj gjithë kockat e mia; ato më shikojnë dhe më këqyrin.
18 Ndajnë midis tyre rrobat e mia dhe hedhin në short tunikën time.

Rreth 1000 vjet para se Krishti te kryqezohej Davidi shkruan per Te se i kane shpuar duart dhe kembet, pra e kane kryqezuar. Ne fakt i gjithe psalmi 22 pershkruan ne menyre te gjalle vuajtjet e Krishtit ne kryq dhe u shkrua shume kohe perpara se te ndodhte kryqezimi, gjithashtu edhe kapitulli 53 i Isaise pershkruan vuajtjet e Jezu Krishtit dhe ky liber eshte shkruar rreth 500 vjet para Krishtit. Ne fakt gjate gjithe Testamentit te Vjeter ka me qindra profeci rreth ardhjes se Jezu Krishtit, profeci qe u plotesuan me ardhjen e Tij te pare. Ardhja e pare e Jezu Krishtit ishte per te ndertuar te vetmen rruge per tek Perendia qe kalon nepermjet Kryqit te Tij, dhe Ai ofroi faljen e mekateve falas per te gjithe qe e pranojne nje gje te tille.
Gjithashtu gjate gjithe Testamentit te Vjeter dhe njekohesisht edhe Testamentit te Ri ka shume profeci rreth ardhjes se dyte te Jezu Krishtit, por na jepet paralajmerimi qe ardhja e Tij e dyte eshte per gjykim, ndaj gjithe atyre qe nuk kane besuar ne Te, qe sakrifikoi per cdonjerin prej nesh.

Nje nga profecite qe eshte plotesuar ne keto kohe eshte edhe krijimi i shtetit te Izraelit, dhe per kete jemi deshmitare te gjithe ne qe jetojme ne kete kohe. Shteti i Izraelit u krijua rreth 2000 vjet pas kryqezimit te Krishtit dhe ka plotesuar shume profeci te bera rreth tij. Me kete Perendia na jep nje shenje te sigurte se ardhja e Tij e dyte eshte shume afer dhe ne duhet ti kushtojme kujdes Fjales se Tij dhe premtimit te Tij qe nuk vonon kurre te plotesohet, Marku 13:31, 37:

31 Qielli dhe toka do të kalojnë, por fjalët e mia nuk do të kalojnë”.
37 Tani, këtë që po ju them juve, ua them të gjithëve: Rrini zgjuar!”.

[Mision]

Kryqi /sipas mistikut Bagvan Shri Raxhnish - Osho/ është:

Vija horizontale është vija e jetës, dashurisë e kohës!
Vija vertikale është vija e dimensionit të përjetësisë.............. Kjo me pelqeu shume, ju falem nderit

[Astrit77]

Ndersa per ne te krishteret simboli i vijave eshte:

Vija vertikale dashuria e Perendise per ne njerezit dhe eshte vertikale, Perendia eshte lart dhe ne jemi poshte te rene.
Vija horizontale eshte dashuria jone per njeri-tjetrin.

Te dy vijat nderpriten tek Jezu Krishti, me ane te Tij, Perendia na takoi dhe me ane te Tij Ai na pranon.

[Nika]

Astrit 77,
Zoti është në të gjitha anët e Botës, lart, poshtë, /në ne e rreth nesh - Jezusi/, pra çdokund! E vërtetë se jemi në këtë dimension sepse nuk jemi të përsosur, prandej dhe vijmë e bashkohemi me materjen për t'u përsosur! Po të kuptohet dimensioni i pakufi i universit dhe sferiku i planetit të Tokës dhe të të gjithë planeteve tjera, çdogjë rreth tyre është edhe lart edhe poshtë!
Vijat janë si edhe shpirti apo Zoti pa fillim dhe pa mbarim dhe nuk ndërpriten askund.

[Shpresmiri]

"Të krishterët e kuptojnë vdekjen e Krishtit si lirim prej kthetrave të mëkatit dhe vdekjes. Ai jetoi mes nesh në një jetë të pafajshme, duke predikuar dashuri, me të varfër e të sëmurë, duke u prirë njerëzve drejt së vërtetës dhe bindjes ndaj Zotit. Kur njerëzit nuk e pranuan mësimn e tij, ai s’u tërhoq t’i shpëtonte vdekjes, as nuk kundërshtoi me po ato armë të forcës dhe gënjeshtrës, që të tjerët përdornin kundër tij. Në Ungjillin e Lukës lexojmë fjalët që tha, në çastin që ishte duke vdekur në kryq: “At, fali se nuk dijnë se ç’bëjnë”.
Vdekja e tij në kryq ishte një vdekje mizore, një mënyrë çnderuese dënimi, vetëm për skllevërit dhe keqbërësit. Pjesa më e madhe e dishepujve të tij, duke përfshirë dhe apostujt më të afërt e braktisën. Duke vdekur i ri (rreth të tridhjetave), i përbuzur, i përulur para armiqve, me fytyrë të përçudnuar prej gjakut të plagëve të veta, duke u dukur se e humbi misionin që kishte marrë mbi vete, Jezusi është përmbledhja e të gjithë asaj që urtia e botës thotë se nuk duhet të ishte.
E megjithatë, të krishterët besojnë, se Zoti e ngjalli Krishtin-njeri prej vdekjes, duke përforcuar në këtë mënyrë, punën e Jezusit, gjtihçka na kishte mësuar dhe si kishte jetuar. Në ngjalljen e Jezusit që bëri Zoti, të krishterët shohin ngadhnjimin mbi mëkatin dhe vdekjen. Jezusi doli fitimtar mbi mëkatin, duke mos luftuar me metodat nejrëzore të përdorura prej armiqve të vet, por duke pasur besim tek Zoti dhe duke u nënshtruar, me bindjen ndaj Tij, deri në vdekje në kryq. Armiqtë e vet, që mendonin se e kishin zgjidhur çështjen duke e kryqëzuar, u gabuan. Prej dritës ju morrën sytë. Zoti e çliroi si fitimtar mbi forcat e mëkatit.
Kështu Jezusi duke u ngjallur doli ngadhnjimtar mbi vdekjen. Ngjallja e Krishtit për të krishterët, është shenjë e fuqisë së Zotit, që bën të shpërthejë jeta edhe nga vdekja më e turpshme, që e kthen në fitore atë që më përpara dukej qartë se ishte e humbur, që shndrron vuajtjen më të tmerrshme në gëzim. Duke ngjallur Jezusin, Zoti tregoi se vdekja, armiku i fundit i të gjithëve, nuk ka asnjë forcë përfundimtare mbi ne. Në letrën që Pali u dërgoi romakëve, thotë: “O vdekje, ku është ngadhnjimi yt? Ku e ke thumbin?”
Në kisha, shkolla dhe shtëpi të krishtera, gjithmonë e shohim kryqin me trupin e Krishtit të varur. Për të krishterët, kryqi është simboli më i parë i fesë sonë. Shpesh, miq myslimanë më kanë thënë se kryqi duket si lëngatë që të tërheq drejt vdekjes. Nuk është puna këtu, por një kujtim i qëndrushëm se Zoti ka dalë ngadhnjimtar mbi mëkatin, mbi vdekjen dhe mbi të gjitha forcat e të keqes që e lidhin dhe e ndrydhin rolin e njeriut.
Të gjithë e shohim se po jetojmë në një botë, ku mëkate dhe vdekje ka me shumicë. Padrejtësinë, dhunën, mizorinë, urrejtjen e shohim kudo. Librat e Testamentit të Ri na mësojnë se Zoti i theu këto forca me vdekjen e Jezusit, na tregon se si mëkati dhe vdekja s’duhet të kontrollojnë domosdo jetën tonë. Por do të vijë ngadhnjimi i fundit. Të krishterët jetojnë e veprojnë në këtë botë, me shpresë në forcën e Zotit dhe presin kohën kur ngadhnjimi i Zotit do të shfaqet i plotë në krijim.”

M.

[Mision]

kryqi = fitore mbi vdekjen
kjo me pelqeu shume ju falem nderit